للأخوة المسيحيين : ايه مشكلة المادة الثانية من الدستور ؟؟

[Imhotep]

ماهر باشا
انا مش قانوني طبعا
لكن هل يتم زواج وطلاق وميراث الاقباط طبقا لقانون الاحوال الشخصية المطبق على المسلمين ؟؟؟؟؟
اللي اعرفه انه فيه قانون خاص بغير المسلمين للأحوال الشخصية
1- للاسف كلام غير صحيح..... اللى موجود هو مشروع قانون قدمته الكنيسة الارثوذكسية نيابة عن و بموافقة كل الطوائف المسيحية الاخرى الموجودة فى مصر.... اللى موجود هو مشروع قانون لم يتم اقراره و نايم فى ادراج مجلس الشعب من 32 سنة.....
يعني هل يمكن للقبطي ان يتزوج 4 زي المسلم ؟؟؟؟؟؟
2- طبعا لأ لان الكنيسة بتجوزه مرة واحدة بس و طالما زوجته على قيد الحياة لن تزوجه مره اخرى.... لكن الارمل او الارملة من حقه الزواج مرة اخرى......+ بالعقل كده هل يلدغ مؤمن من جحر مرتين، فما بالك اربعة :)
انا زي ما ذكرت مش قانوني لكن ح احاول ابحث في هذا الموضوع
3- ابحث يا باشا ابحث كما تشاء... احنا خلصنا بحث من 32 سنة و ياريت كان فى فايدة
عموما زي ما قلت لحضرتك ده بيبقى قانون .... كون ان الحكومة عطلت تفعيله او تغييره ده طبعا ظلم من ضمن مظالم النظام البائد
4- لا يوجد قانون للاحوال الشخصية لغير المسلمين من الاسااااااااااااااااااااااااااس
لكن لا يوجد مانع دستوري من وجوده اذا كان مش موجود او تعديله لو كان موجود ومش متناسب مع طلبات الاقباط
5- لا يوجد قانون للاحوال الشخصية لغير المسلمين من الاسااااااااااااااااااااااااااس
ماحدش عاقل ح يطلب تطبيق الاحوال الشخصية للمسلمين على غير المسلمين .....
6- عشان كده انا نفسى الناس تفهم و تتفاهم و تتفهم و ينتشر كل هذا و صدقنى حينما يحدث ذلك ستنتهى الكثير من المشاكل التى تؤرق علينا حياتنا المشتركة كمسيحيين و مسلمين فى هذا الوطن
ده حق اصيل لا يقبل المناقشة
7- اشكرك..... هو ده لب الموضوع
المناقشة فقط في وجوده كنص في الدستور خاصة في الوقت الحرج الحالي
تم توضيح هذه النقطة فى تعليقى السابق..... و صدقنى لو اللى بيعملوا الدستور الجديد سابوا المادة التانية زى ما هى و اضافوا مادة فى الاخر خالص يا عم فى ذيل قائمة مواد الدستور بما انت تراه حق اصيل لا يقبل المناقشه احنا راضيين و صدقنى محدش من اخوتنا المسلمين العاقلين المعتدلين اللى هم الاغلبية بفطرتهم السليمة الصحيحة هيعترض لما تشرحله الموضوع زى ما انا عملت..... لكن للاسف هذه الاغلبية الطيبة يتم تسييسها و محاولة قيادتها من قبل المغرضين ذوى المصالح السياسية و الشخصية.....

[samyt]

مساء الخير ياجماعة. انا مسيحى وقريت سريعا الردود المتبادلة واحب اقول ردى فى نقط

1- انا مش معترض على المادة الثانية ولكن بطالب ان يكون فيها تعديل لغير المسلمين

2- بخصوص اختلاف الطوائف المسيحية والمشكلة اللى اثارها الاخ abou_ruqi فاعتقد ان قانون الاحوال الشخصية المقدم من فترة طويل موافق عليه من جميع الطوائف المسيحية فى مصر وبكده اعتقد ان مفيش مشكلة بدون الدخول فى خلافات عقيدية بين الطوائف وده مش موضوعنا

3- ارجو من الاخوة بلاش حد يقول ان الاغلبية قررت تنفيذ او اخترت حاجة للاقليه فى موضوع ذى الدين, يعنى مينفعش ان مصر كلها تعمل تصوت على مثلا حاجة داخليه فى الكنيسة زى طقوس الزواج المقدسة.

4- بلاش ندخل امريكا والغرب فى الموضوع على الفاضى, فمثلا محدش يدخل موضوع السويد لما منعوا بناء المئذنة مش الجامع ويقول اقليه مسلمة,

5- فى وجهة نظرى المتواضع مصر عبارة عن عمارة ساكن فيها مسلمين ومسحيين وماينفعش ان العدد الاكثر من السكان يمنع العدد الاقل من ان يشوف الشمس او حتى يشرب مياه بدون سبب غير انه عددهم اكثر وان دى الديموقراطية

انا ليا سؤال لو سمحتوا, ايه مشكلة اضافة تعديل زى ده ؟! الدستور ملك لاصحاب البلد وهما المصريين كلهم مش اغلبية منهم وعشان كده كله لازم يبقوا موافقين

شكراً والسلام ختام.

[Imhotep]

سؤال لاستاذ ماهر
معلش عشان مش عارف والله
ايه الاجرائات التعسفية اللى كانت الحكومة بتعملها عشان تبنوا كنيسة
ممكن تقرا عن الخط الهمايونى هنا:
http://ar.wikipedia.org/wiki/%D8%A7%D9%84%D8%AE%D8%B7_%D8%A7%D9%84%D9%87%D9%85% D8%A7%D9%8A%D9%88%D9%86%D9%89

هتقولى ما فيه بند فى الكلام بيقول الخط الهمايونى مظلوم هقولك ان التعسف فى تنفيذ الشروط الواردة به او فى لائحة العزبى باشا هى التى جعلت بناء اى كنيسة يستغرق ما لا يقل عن 10 سنوات نظرا لاستحالة تطبيق هذه الشروط عمليا بالاضافة الى ان الموضوع كان ينتهى بقرار جمهورى ياخدله هو كمان بتاع كام سنة..... كل دى هى اسباب المشاكل كلها....

انا عن نفسى شايف ان يسمحوا ببناء الكنائس بشرط ان المنطقة تكون محتاجة فعلا كنيسة بدون اى شروط و يكون ليها باركينج عشان الشارع ميتقفلش
كلامك صح و ان كنت انا احيانا كتير مبعرفش امشى فى شوارع كاملة يوم الجمعة بسبب افتراش الناس للصلاة فى الشارع لكن لا بأس اخوتنا و عايزين يصلوا و الواحد ما يزعلش ان الناس كلها تلتزم بالصلاة و العبادة بالعكس عبادة الله و التقرب اليه مؤكد يهذب و يحسن من سلوك الانسان و يجعله انسانا اسمى و ارقى......

الحاجة اللى نفسى فيها بجد انهم يشيلوا كميات الامن اللى قدام الكنايس و يسيبوا عسكرى وضابط و لاسلكى بس
و ايه اللى جاب دول اصلا غير البلاوى اللى بتحصل و اخرها تفجير كنيسة اسكندرية عشية عيد الميلاد 2011..... عموما هم بيبقوا كلهم 2 او 3 عساكر عاملينلهم كشك جوه الكنيسة يعنى لا يؤثروا على الشارع اصلا....... انا عايز ابقى محمى من اخواتى فى الوطن اللى لو شافوا كنيسة فيها حريقة هيخشوا يطفوها..... هى دى سماحة الاسلام اللى نعرفها

اصلا امن الكنايس مسؤولية المسلمين قبل ما تكون للاقباط
الله ينور

تصدق لما بشوف الامن قدام الكنيسة بتضايق جدا
احنا اهل واحد و دم واحد
فعلا الله يفتح عليك.... صدقنى ربنا عمل الاديان كلها عشان الناس مش عمل الناس عشان الدين.... و اللى يفهم صح هيعرف كويس ان الدين مش ممكن ابدا يحض الا على التسامح و السماحة و التعامل الانسانى الراقى بين البشر و حسن خلق الانسان و حسن معاملته لاخوته..... و الا يبقى ايه الفايده

[ahmedjumpo]

بعد اذنكم يا جماعة و بهدوء
كلام الاخوة الافاضل الذين يتكلمون عن الاسلام يضمن لغير المسلمين حقوقهم فى الاحتكام لشريعتهم كلام لا جدال فيه
و لكن بما ان الدستور وضعى و ليس دستورنا هو الشرع نفسه و بما ان معظم المسلمين يعترضوا على المساس بالمادة الثانية خوفا من ان نزعها من الدستور قد يدخل بعض الامور المخالفة لتعاليم ديننا و بالتالى من وجهة نظر المسلمين ان الدستور لابد ان ينص صراحة على التأكيد على ان الشريعة الاسلامية المصدر الرئيسى حتى يشعروا بالطمأنينة
اذن ما المانع من اضافة جملة الى المادة الثانية تنص صراحة الى ان لغير المسلمين ان يحتكموا الى شريعتهم و ذلك حتى يشعر غير المسلمين بالطمأنينة و الراحة مثل المسلمين و طالما هذه الجملة هى تأكيد لمعنى موجود بشريعتنا الاسلامية و لا تتعارض معها
قد يقول البعض انها هذا المعنى منصوص عليه بالفعل فى شريعتنا الاسلامية و لكنى هارد علي هذا الكلام بالاتى :
اولا بالنظر الى كثير من المواد بدستور 71 و الذى يحتوى على المادة الثانية سنجد كثير من مواد الحريات و مواد المقومات الاجتماعية منصوص علي معانيها فعلا فى شريعتنا الاسلامية و مع ذلك تم النص عليها بمواد فى الدستور لتأكيدها
ثانيا ليس مطلوب من كل شخص غير مسلم انه يقرأ شريعتنا حتى يتأكد انها تعطيه الحق فى الاحتكام الى شريعته بل ببساطة طالما نقوم بعمل دستور وضعى و اكرر وضعى و وضعنا مادة تنص على الشريعة الاسلامية يبقى لا يوجد مشكلة ان نقر بحق غير المسلمين فى الاحتكام الى شرائعهم فالدستور الوضعى لابد ان ينص صراحة على ما يصلح لمختلف طوائف المجتمع

اخيرا اشعر ان موضوع المادة الثانية قد اخذ الكثير من الوقت و الجهد مع ان الحل من وجهة نظرى بسيط و لا يحتاج الى كل هذه الجدالات و اخشى ان استمرار التركيز على هذا الموضوع يشغلنا عن المشاكل الاكبر التى تواجها البلد من عدم القضاء على الفساد و عدم محاسبة الفاسدين و عدم توفير الامن و عدم محاسبة قاتلى الشهداء و تلون وجوه قديمة و عودتها فى صورة جديدة و اشعال فتن بين مختلف طوائف المجتمع و و و و.....

[otefa]

((يعني هل يمكن للقبطي ان يتزوج 4 زي المسلم ؟؟؟؟؟؟
2- طبعا لأ لان الكنيسة بتجوزه مرة واحدة بس و طالما زوجته على قيد الحياة لن تزوجه مره اخرى.... لكن الارمل او الارملة من حقه الزواج مرة اخرى......+ بالعقل كده هل يلدغ مؤمن من جحر مرتين، فما بالك اربعة :)))
تخيل بقه المؤمن في الأسلام لكي يصل لأعلى درجات أيمانه فهو مطالب بالزواج من أكثر من أمرأة هاتقولي أزاي؟!
يقول الله تعالى : ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ ) ما هي العلاقة بين اليتامى وتعدد الزوجات ؟
والموضوع يطول شرحه لو أردت الأضطلاع فيه مقال كامل عن حكمة تعدد الزوجات في الأسلام وعلاقتها بأيمان المسلم
صفحة المقالات - أسباب تعدد الزوجات في الإسلام

الإسـلام لم يُنشئ التعـدد ، وإنما حَـدَّده .
ولم يأمر بالتعـدد على سبيل الوجـوب ، وإنما رخّص فيه وقيَّـدَه .

نعم . لقد جاء الإسلام والرجل يتزوج بما شـاء مِنْ النساء ، حتى أسلـم بعض أهل الجاهليـة وعنده عشر نسوة !!
فحدد الإسلام العدد بأربع نسوة فقط .
تحياتي

[Imhotep]

بعد اذنكم يا جماعة و بهدوء
كلام الاخوة الافاضل الذين يتكلمون عن الاسلام يضمن لغير المسلمين حقوقهم فى الاحتكام لشريعتهم كلام لا جدال فيه
و لكن بما ان الدستور وضعى و ليس دستورنا هو الشرع نفسه و بما ان معظم المسلمين يعترضوا على المساس بالمادة الثانية خوفا من ان نزعها من الدستور قد يدخل بعض الامور المخالفة لتعاليم ديننا و بالتالى من وجهة نظر المسلمين ان الدستور لابد ان ينص صراحة على التأكيد على ان الشريعة الاسلامية المصدر الرئيسى حتى يشعروا بالطمأنينة
اذن ما المانع من اضافة جملة الى المادة الثانية تنص صراحة الى ان لغير المسلمين ان يحتكموا الى شريعتهم و ذلك حتى يشعر غير المسلمين بالطمأنينة و الراحة مثل المسلمين و طالما هذه الجملة هى تأكيد لمعنى موجود بشريعتنا الاسلامية و لا تتعارض معها
قد يقول البعض انها هذا المعنى منصوص عليه بالفعل فى شريعتنا الاسلامية و لكنى هارد علي هذا الكلام بالاتى :
اولا بالنظر الى كثير من المواد بدستور 71 و الذى يحتوى على المادة الثانية سنجد كثير من مواد الحريات و مواد المقومات الاجتماعية منصوص علي معانيها فعلا فى شريعتنا الاسلامية و مع ذلك تم النص عليها بمواد فى الدستور لتأكيدها
ثانيا ليس مطلوب من كل شخص غير مسلم انه يقرأ شريعتنا حتى يتأكد انها تعطيه الحق فى الاحتكام الى شريعته بل ببساطة طالما نقوم بعمل دستور وضعى و اكرر وضعى و وضعنا مادة تنص على الشريعة الاسلامية يبقى لا يوجد مشكلة ان نقر بحق غير المسلمين فى الاحتكام الى شرائعهم فالدستور الوضعى لابد ان ينص صراحة على ما يصلح لمختلف طوائف المجتمع

اخيرا اشعر ان موضوع المادة الثانية قد اخذ الكثير من الوقت و الجهد مع ان الحل من وجهة نظرى بسيط و لا يحتاج الى كل هذه الجدالات و اخشى ان استمرار التركيز على هذا الموضوع يشغلنا عن المشاكل الاكبر التى تواجها البلد من عدم القضاء على الفساد و عدم محاسبة الفاسدين و عدم توفير الامن و عدم محاسبة قاتلى الشهداء و تلون وجوه قديمة و عودتها فى صورة جديدة و اشعال فتن بين مختلف طوائف المجتمع و و و و.....

اشكرك شكرا عميقا على كلامك الهادئ و الهادف و الموضوعى و المنطقى ايضا

[Imhotep]

((يعني هل يمكن للقبطي ان يتزوج 4 زي المسلم ؟؟؟؟؟؟
2- طبعا لأ لان الكنيسة بتجوزه مرة واحدة بس و طالما زوجته على قيد الحياة لن تزوجه مره اخرى.... لكن الارمل او الارملة من حقه الزواج مرة اخرى......+ بالعقل كده هل يلدغ مؤمن من جحر مرتين، فما بالك اربعة :)))
تخيل بقه المؤمن في الأسلام لكي يصل لأعلى درجات أيمانه فهو مطالب بالزواج من أكثر من أمرأة هاتقولي أزاي؟!
يقول الله تعالى : ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ ) ما هي العلاقة بين اليتامى وتعدد الزوجات ؟
والموضوع يطول شرحه لو أردت الأضطلاع فيه مقال كامل عن حكمة تعدد الزوجات في الأسلام وعلاقتها بأيمان المسلم
صفحة المقالات - أسباب تعدد الزوجات في الإسلام

الإسـلام لم يُنشئ التعـدد ، وإنما حَـدَّده .
ولم يأمر بالتعـدد على سبيل الوجـوب ، وإنما رخّص فيه وقيَّـدَه .

نعم . لقد جاء الإسلام والرجل يتزوج بما شـاء مِنْ النساء ، حتى أسلـم بعض أهل الجاهليـة وعنده عشر نسوة !!
فحدد الإسلام العدد بأربع نسوة فقط .
تحياتي

اعلم و اقدر و اتفهم جيدا حكمة التعدد من وجهة نظر اﻻسلام و اعلم شرطها الصعب و هو العدل بين الزوجات...... بس انا مكنتش واخد الموضوع جد فى تعليقى هذا انا كنت بس بضحك مع الحاج احمد ﻻنه صديق قديم فى مواضيع قديمة...... تحياتى

[alynubira]

اعلم و اقدر و اتفهم جيدا حكمة التعدد من وجهة نظر اﻻسلام و اعلم شرطها الصعب و هو العدل بين الزوجات...... بس انا مكنتش واخد الموضوع جد فى تعليقى هذا انا كنت بس بضحك مع الحاج احمد ﻻنه صديق قديم فى مواضيع قديمة...... تحياتى

ليس هناك حكمه فى تعدد الزوجات
وانا بسجل اعتراضى الشديد على استخدام الحديث فى غير موضوعه
انت قلت فى اول مشاركه ليك ان لا هناك اجتهاد مع وجود نص فى المسيحيه
فليس هناك داعى لان تتكلم فى الشريعه الاسلاميه فى شىء
واحنا قلنا 1500000 مره تطبيق الشريعه الاسلاميه يعطى الحق للنصارى فى تطبيق دينهم