شقاوة العيال و كوارثهم

[A.Lotfy]

الله يجازيكوا فكرتو الواحد باللذي مضى
المشكلة عمال افتكر انا كنت باعمل واشوف بنتي بتعمل ايه وانا اتخانق معاها الاقي انها طيبة ومؤدبة عني بكتير

مرة وانا تقريبا في اولى ابتدائي واخويا اكبر مني بسنة لوحدنا في الشقة وحبيت اتفزلك وعايز ازاكر
جبت القلم الرصاص لقيته عايز يتبري وملقتش براية
جبت موس حلاقة زي بتاع الحلاق وشغال في القلم لغاية ما فجاة الموس فلت من القلم وبريت حتة من الابهام الشمال ولسه معلمة لغاية دلوقتي

المشكلة اخويا حب يتفزلك ويعملي اسعاف اولي حطلي منديل على صباعي وهو بينزل دم وراح جاب كريم من اللي بنحطه في المصيف عشان الشمس sunblock يحطه عليه
وكانت ليلة ومش فاكر حصل ايه بعدها


ولسه ......

[amrbakly]

في المراحل الأولي كنت طفل غبي جدا بيأذي نفسة

يعني مثلا كنت كييف اروح العب عند ترابيزة التلفزيون، الترابيزة بعجل كل شوية اقعد تحتها و اشدها يمين و شمال، يمين و شمال و عينك ما تشوف إلا النور، انا بتاع طولة 60 سم مستقر علي صدرة تلفزيون وزنة يجيي 10 طن و ما أدراااااااااااااك بتلفزيونات زماااااااااااااااان كان التلفزيون تلفزيون بيشيلووة اتنين ( أمي شخصيا مكانتش بتقدر تشيلة لوحدها) و يومها قعدت تسحبني من تحت التلفزيون و كأني صبي ميكانيكي اتحشر تحت عربية

برضة من البلاوي كان عندنا كراسي خفيفة كدة زمان، و كان من هواياتي اربط الكرسي بحبل او حتة قماش طويلة و اروح أخر الأوضة و اقعد اشدة ، في مرة من المرات طلبت معايا استبدل الحبل بأستك طويل ..... المهم المرة دية بقي أستك و حعمل سكور جديد و حشد الكرسي من مسافات ابعد لدرجة اني طلعت للصالة .... و يبدو ان اساتك زمان زي تلفزيونات زمان ................ و هووووووووووووب أشد ألاقي الكرسي جاي طاااااااااااااااير و لابس في وشي و كأني توم اللي قعد يشد يشد في الحبل و مرة واحدة لاقي فوق راسة خازنة

المرحلة التانية بقي كانت الغبي التعيس

يعني مثلا معايا عيل في الفصل احاول اساعدة فيلبس في الحيط !

الواد دلق علي الكتاب عصير فطبعا الكتاب لزق في بعض و كرمش ، اتطوع في المساعدة فيقوم الكتاب متقطع .... طبعا الواد يتفتح في العيااااااااااط و يدخل المدرس مش لاقي حاجة يعملها غير انة ياخد الواد المؤذي و يعملة استدعاء ولي امر ! (اللي هو أنا)

و حاجات منيلة كدة مش فاكر منها كتير دلوقتي

[A.Lotfy]

2-
مرة جبت مقص وقصيت لاخويا شعره وهو نايم مش عارف ليه
طبعا بقى عنده حفر في راسه وحلها كان المكنة الزيرو وزلبطة يامعلم

3-
انا مكنتش شقي اوي بس كان ليا حاجات لا تنسى كل مدة كده
مرة باب الاوضة قفل على اختي ومبقش بيفتح بالأكرة
فعملت ناصح ومشيت على حز الشباك بين اوضة ماما واوضتها بالمفك عشان كانت المسامير من جوة
طبعا ماما في الصالة ومش عارفة حاجة عندها ضيوف وبابا في الشغل
المهم فعلا عديت بس اكتشفت اني محتاج تقريبا عدة كمان فطلعت تاني من الشباك رايح اجيب العدة الناقصة (استحليتها بقى) وهووووووووب رحت واقع عالرصيف
بس حظي احنا في الدور الاول علوي بس المشكلة ان فيه تحتنا محل وكان عامل الرصيف سيراميك
والكلام ده الظهر والناس امم تحت البيت بتتفرج عليا
بس قومت طبعا اعرج وطلعت البيت وباخبط وفجأة ماما بتفتح باب الشقة لقتني داخل وراسي بتنزل دم وحاجة اخر وجع

وابن الجيران جه فتح الباب لاختي وانا اترميت في السرير كام يوم كده

[amrbakly]

موضوع جامد جداً مش قادر ابطل ضحك :pointi~2[2]:
كان عندي هوايه غريبه في المدرسه اني في حصة الموسيقى كنت بحب اغيظ المدرسه وكنت بقعد ارقص اول ما تعزف على البيانو واضحك العيال والضرب كان ممنوع (مدرسه في الكويت)لدرجة انها من كتر ما اتنرفزت خلعت الايشارب اللي كانت لابساه وقعدت تشد في شعرها
وضربت كل المدرسين اللي في المدرسه وكان عندي كوتشي اميجو بالبوصله كنت بعتقد انه بتاع سوبر مان ولازم اشوط الناس بيه وكنت على طول باخد جوابات استدعاء ولي الامر واقطعها!

ومرره قبل كده كنا بناكل بيض مسلوق وانا كنت عمال احط البيضه كامله في بقي واطلعها ،قام اخويا الصغير (كان عنده سنتين او تلاته) بيقلدني راحت البيضه داخلت بقه ومعرفش يطلعها ووقفت في البلعوم ونفسه اتكتم ووشه ازرق ومقلكوش على حاله الهستيريا اللي حصلت في البيت امي مسكته بالمقلوب وقعدت تخبط على ضهره ووشه بيزرق زياده قام ابويا واخده ونازل شاط باب غرفة البواب كسره (معرفش ازاي ) والبواب ركب معاه في العربيه وماسك اخويا وبيخبط على ضهره وابويا طاير لحد ما راح المستشفى وسلكوها طبعاً عما لحقناهم بتاكسي كان قلبي في رجلي بس الحمد لله:f_eyeb1[1]:

ومرره كنا في مرسى مطروح مع عمتي ووعيالها وانا كنت عيان جداً انا وبنت عمتي المهم سابونا نايمين وخرجو المهم احنا صحينا ملقيناش حد وصوت البحر مرعب وبنت عمتي قعدت تخوفني وتقولي ممكن ييجي حرامي ويخطفنا ،فقررنا الهرب وطلعنا من الشقه وطلعنا على الشارع الرئيسي زي المجانين ،طبعاً هما روحو البيت وملقوش حد وقلبو الدنيا وقعدو يدورو في المطبخ وتحت السرير ........ لحد ملقونا راجعين وكل واحد متغطي بكوفرته زي سوبر مان

وفي مواقف حصلت لاخويا الصغير زي :
كان بيموت في حاجه اسمها بسله المهم كنا حطين حلة البسله في الفرن عشان ميشدهاش من على البوتاجاز ،قام هو فاتح الفرن ووقف على باب الفرن قام البوتجاز كله مقلوب عليه وهو جوا الفرن مع الحله :pointi~2[2]: :pointi~2[2]: وطبعاً طلعناه بالبسله :pointi~2[2]:

هههههههههههههههههههههه
هو في طفل يحب البسلة !!!!

دة احنا كبار و مش بنحب البسلة، بس انا فعلا موتت من الضحك في حكاية الوقفة بتاعت باب الفرن دية !!!!!

دة كويس ان ربنا ستر و القزاز مأخدوش و رشق في رجلة

[factorialx]

و أنا صغير لما كنا بنروح لقرايب لينا ساكنين في الدور العاشر كنت أفتح التلاجه و افضل احدف بيض على العربيات و كل عربيه تقف و الراجل يفضل يبص حواليه
و مره بابا و ماما ناموا و فضلت أزحف في الطياره لغاية ما وصلت لكابينة الطيار و الطيار نادا علي أهلي
و مره كنت ماشي في الشارع مع بابا الله يرحمه و لاقيت واحد بيزعق لإبنه في الشارع رحت جاري عليه و واقف بينه و بين أبنه و قلتله بس ماتزعقش فيه ورحت واخد الواد على جنب و قال يعني بحميه مدافع عن حقوق الطفل من يومي

لما ماما تحكيلي قصة الشاطر حسن و تقولي السلطان هيجيب السياف و يقتلوا لو معملش الحاجه دي لو عملها هيجوزوا بنته
فأنا أسيب القصه و اقولها طيب هو مش عايز بنته ما يسيبه في حاله !! هو لازم يقتلوا يعني

و أكتر حاجه بحبها كانت المقالب كنت بحط ملح في المية و شطه على البالونات في عيد الميلاد بتبقى صعبه لما تنفخها أعلق بدلة بابا في فتحة التكيف يبقى منظهرها عامل زي اللي متعلق في المشنقه لما تكون الأوضه نورها قليل
و في مقلب كنت أعمله في الضيوف أعمل نفسي شايل براد الشاي و هو فاضي و هوب أروح دالقه على الضيف اللي ينط و اللي يقع من على الكرسي كانت أيام
و مره حطيت على أخويا كاتشب و قلتلها ماما أخويا مات الست كانت هيغما عليها لما شافت المنظر و اخدت علقه محترمه ساعتها

بس أكتر موقف كنت هموت فيه بابا جابلي النينتيندو و أنا كنت اليوم ده أجازه المهم هما راحوا الشغل و أنا كنت هموووت معنديش صبر خالص قلبت الشقه لغاية ما لقيته عشان نظام مافيش نينتندو عشان المدرسه و الكلام ده
كانت ساعتها التلفيزيونات القديمه اللي مافيهاش بحث ذاتي لازم أدور على القناة كنت عارف أعملها إزاي بس إزاي قلت العيب في مشترك الكهربا مع إن التلفيزيون شغال رحت فاكك المشترك و الأسلاك النحاس بانت و ركبت فيشة التلفيزون و و محول الناينتيندو و هوب رحت متكهرب كهربا جامده جدا لدرجة إني سيبت كا حاجه زي ما هي و رحت نمت نوم عميق كنت تعبان أوي و لغاية دلوقتي معلمه في إيدي المهم بابا جه و كانت صدمه بس معمليش حاجه

[Ralliart]

هههههههههههههههههههههه
هو في طفل يحب البسلة !!!!

دة احنا كبار و مش بنحب البسلة، بس انا فعلا موتت من الضحك في حكاية الوقفة بتاعت باب الفرن دية !!!!!

دة كويس ان ربنا ستر و القزاز مأخدوش و رشق في رجلة

دا فظييييييييييييع لأ وكان بيحب البطيخ جداً فمرره كنا جايبين بطيخ اللي هو السعودي الطويل دا ،وهو كان عايز يفتح البطيخه وياكلها ومحدش معبره فراح قعد يشد فيها لحد موقفها وقام سايبها فوقعت واتفتحت ،تخيل المنظر لقيته داخل بوشه جوا نص البطيخه وخلصها كلها وطبعاً البطيخ كله ميه وهو كان بيحب يمشي لابس تي شيرت طويل بس ومش لابس حاجه من تحت ولك ان تتخيل الطريقه اللي الميه رجعت بيها للبطيخه

[amrbakly]

دا فظييييييييييييع لأ وكان بيحب البطيخ جداً فمرره كنا جايبين بطيخ اللي هو السعودي الطويل دا ،وهو كان عايز يفتح البطيخه وياكلها ومحدش معبره فراح قعد يشد فيها لحد موقفها وقام سايبها فوقعت واتفتحت ،تخيل المنظر لقيته داخل بوشه جوا نص البطيخه وخلصها كلها وطبعاً البطيخ كله ميه وهو كان بيحب يمشي لابس تي شيرت طويل بس ومش لابس حاجه من تحت ولك ان تتخيل الطريقه اللي الميه رجعت بيها للبطيخه

هههههههههههههههه

انت متأكد ان اخوك مش معانا في المنتدي ؟

لو معانا و داخل بإسم حركي نصيحة متروحش النهاردة بيتكم

[الغزالى]

كان عندنا كمبيوتر صخر
زكنت جاي عليه جيم اسمها Kings vally
المهم
كنت اجى من المدرسة انا واخواتى
نقعد نلعب شوية بيه قبل ما والدتى تييجى من الشغل
وبعدين نحس بيها عبى السلم
فى ثوانى
الجهاز يتلم فى ثوانى ويتحط فى الكرتونة
بس اتقفشنا كام مرة

مرة تانية
كان والدتى ووالدى وهما نازلين بيقفلوا اودتهم بالمفتاح
والباب كان تلته الفوقانى زجاج
ولو احتجنا حاجة
كنا نجيب كرسى ونزق الزجاج فى المجرى لفوق
ونطلعه مش عارف ازاى بقى
ونرجعه كمان مكانه
والحاجة اللى كنا بنحتاجها دى كانت ساعات التليفزيون

والدى كان عامل مفتاح فى اودته بيفصل بيه الكهربا عن التليفزيون اما نسهر او يخرج مع والدتى
فاحنا نعمل ايه
لو يوم هما برة
ندخل الاودة بطريقة رفع الزجاج ونرجع الكهربا
لو يوم عادى
بنغير الفيشة لمكان تانى
فضلنا كدة
لحد ما دخلت الاعدادى
وجبت واحد صاحبى كان بيعشق شغل الكهربا
فصل المفتاح وخلاه مالوش لازمة

يفصلوا المفتاح
نقوم موطيين صوت التليفزيون ونكل فرجة

مبسوط يا استاذ / محمد غزالى

طبعا يا احمد بية كمل كمل شكلك كنت بتعمل بلاوى وادى الهارد ها يعمل pack up اه

[A.Saad]

طبعا يا احمد بية كمل كمل شكلك كنت بتعمل بلاوى وادى الهارد ها يعمل pack up اه

ما فيه ميت واحد اشقى منى
فيه ايه يا غالى

[الغزالى]

ما فيه ميت واحد اشقى منى
فيه ايه يا غالى

مفيش حاجة يا استاذ احمد انا قصدى لو عندك حاجة تانى كمل بس لا اكتر ولا اقل

[Ralliart]

هههههههههههههههه

انت متأكد ان اخوك مش معانا في المنتدي ؟

لو معانا و داخل بإسم حركي نصيحة متروحش النهاردة بيتكم

ههههه لأ متخافش محدش يقدر

[madyyuri]

ياااااااه فكرتونا بالذي مضي
عموما انا بمقاييس البيئة والمكان اللي اتربيت فيه فانا كنت طفل هادي جدا ومؤدب خالص خالص خالص........
علشان تكونوا في الصورة معايا انا اتربيت في الصعيد، من ايام ما كان التليفزيون دا حاجة جديدة وابيض واسود وبيجيب قناتين بس
وكان المصروف بتاع الواحد لا يتعدي 3 قروش في الاسبوع بس بجد لقيت لو اولادي حبو يجيبوا اللي انا كنت بعمله بالشلن اللي هو خمس قروس مش اقل من 30 جنيه دلوقتي
ما علينا احكيلكم علي شوية من الحاجات اللي كنت بعملها وانا طفل
في يوم من ذات الأيام كان عمي لسه راجع من السعودية وجه عندنا علشان يسلم علي والدي (ملحوظة والدي هو الاكبر بين اخوته فحسب تقاليد زمان الصغير هو اللي يروح للكبير) المهم عمي فرح جدا بيا وقام ايه مديني جنيه بحاله
طبعا مبلغ جنيه دا بالنسبه لطفل بيتعامل بالقرش كان ثروة، بس المشكلة كان الجنيه فكه برايز (البريزة لمن لم يعاصرها عبارة عن 10 قروش)، المهم شلت الفلوس في الدولاب بتاعي وكل يوم اطلعهم العب بيهم شوية وأرجعهم تاني ومش هاين عليا اصرفهم، لكن في يوم اخدت بريزة منهم ورحت علشان أفرج العيال اللي في الشارع عليها ما أنا بقيت من الأعيان بقي،
وبعد ما اتفرجنا ولعبنا ابص علي جيبي مالاقيش البريزة يا نهار اسود البريزة ضاااااااااااااااااااعت .............
طبعا صرختي خلت الكل يقف في مكانه وبلمنا وبنبص لبعض ازاي ايه اللي حصل وبعدين هنعمل ايه ؟؟؟
طبعا اجتماع سريع من شله العيال والبنات المفاعيص قررننا ان احنا لازم وحتما ولابد ندور عليها لغاية ما نلاقيها مع وعد مني بشراء كل اللي نفسهم فيه لو لقيناها كنوع من الحافز النفسي ،
طيب نعمل ايه كل واحد جري علي بيتهم في مجموعة جابت الغرابيل (غربال = منخل) فكان كل واحد يروح لوالدته يقلها خالتي ام محمد عايزة الغربال تقوم الست بسلامه نيه تديهولوا ومحمد يقول لمامته خالتي ام احمد عايزة .... وهكذا طبعا المجموعة التانيه جابت الجرابيح ( اللي هي مقشة بس مصنوعة من سباطة النخل)
وهاتك يا كنس في الشارع من اوله لاخرة مع ملاحظة ان الشوارع كانت تراب لسه الاسفلت محدش يعرف عنه حاجة
طبعا تخيلوا شارع ترابي بيتكنس والتراب بتاعه بيتغربل, التراب والعفرة واصله للسما بس الحمد لله في ربع ساعة بالظبط كنا لقينا البريزة

وطبعا هيصنا وفرحنا ورحنا اشترينا بقي كاراتية ولبان ودردمه (ودردمه = دندرمه = ايس كريم بلدي) وسندوتشات طعميه

طبعا اسيبكم تتخيلوا مظرنا كان عامل ازاي كائنات غريبة التراب مغطي هدومنا وشعرنا, طبعا بمجرد ما روحنا البيت وتسمع في الشارع صويت الامهات وبكاء الاطفال اللي هما احنا
الأمهات بتصوت من منظرنا اما احنا كنا بنبكي ليه؟ لا طبعا مش من العلق اللي بناكلها علشان العلق دي شي عادي جدا واليوم اللي ما بنكلش فيه علقة بنبقي خرمانين، كنا بنعيط علشان هيحمونا !!!!!!!!!

ولنا عودة

[Eng_Mostafa_89]

في المراحل الأولي كنت طفل غبي جدا بيأذي نفسة

يعني مثلا كنت كييف اروح العب عند ترابيزة التلفزيون، الترابيزة بعجل كل شوية اقعد تحتها و اشدها يمين و شمال، يمين و شمال و عينك ما تشوف إلا النور، انا بتاع طولة 60 سم مستقر علي صدرة تلفزيون وزنة يجيي 10 طن و ما أدراااااااااااااك بتلفزيونات زماااااااااااااااان كان التلفزيون تلفزيون بيشيلووة اتنين ( أمي شخصيا مكانتش بتقدر تشيلة لوحدها) و يومها قعدت تسحبني من تحت التلفزيون و كأني صبي ميكانيكي اتحشر تحت عربية

برضة من البلاوي كان عندنا كراسي خفيفة كدة زمان، و كان من هواياتي اربط الكرسي بحبل او حتة قماش طويلة و اروح أخر الأوضة و اقعد اشدة ، في مرة من المرات طلبت معايا استبدل الحبل بأستك طويل ..... المهم المرة دية بقي أستك و حعمل سكور جديد و حشد الكرسي من مسافات ابعد لدرجة اني طلعت للصالة .... و يبدو ان اساتك زمان زي تلفزيونات زمان ................ و هووووووووووووب أشد ألاقي الكرسي جاي طاااااااااااااااير و لابس في وشي و كأني توم اللي قعد يشد يشد في الحبل و مرة واحدة لاقي فوق راسة خازنة

المرحلة التانية بقي كانت الغبي التعيس

يعني مثلا معايا عيل في الفصل احاول اساعدة فيلبس في الحيط !

الواد دلق علي الكتاب عصير فطبعا الكتاب لزق في بعض و كرمش ، اتطوع في المساعدة فيقوم الكتاب متقطع .... طبعا الواد يتفتح في العيااااااااااط و يدخل المدرس مش لاقي حاجة يعملها غير انة ياخد الواد المؤذي و يعملة استدعاء ولي امر ! (اللي هو أنا)

و حاجات منيلة كدة مش فاكر منها كتير دلوقتي

بجد انا فطسان من الضحك على شكل الكرسي وهو جى طاير ههههههههههههههههههههههههه

كنا حوالى خمسه من كل فصل فى سنة أولى وتانية ثانوى
بنطفش كل يوم فى الفسحة نعدى من تحت شباك المدير
وهب واحد فى اتنين فى تلاتة نكون اقتحمنا السور
وعدينا المانع الحصين بكل سهولة ....
تقولش بنعدى خط بارليف فى اليوم دا البوكس كان واقف جنب السور
لأن المدير زهق من كتر نط العيال من على السور فراح
مكلم الشرطة وهما قاموا بالواجب وزيادة ,,,,,,
وطبعا زى كل يوم فى الفسحة نعدى من تحت شباك المدير
وهب واحد فى اتنين فى تلاتة نكون عدينا السور
بس المرة دى كان فى حاجة غريبة العيال مش بتزعق زى
كل مرة ساعة ما بينطوا بصيحة العبور أول وتانى وتالت ورابع
بصراحة الموضوع قلقنى قلت لازم أستطلع الأمر من مكان عالى
تفكير عسكرى ١٠٠% وقمت طالع فوق فى الفصل تانى
علشان أشوف فيه اية ؟ وفجاءة شفت البوكس واقف جنب السور
واللى كان جنب بينط كان بياخد قلم من المخبر
وعلية كام شلوط ويخرس طبعا كنت أول من أطلق صيحة
التحذير على العيال الحق ياد منك له فى بوكس جنب السور
طبعا العيال كانت فى ظرف ثانية إلاربع كانت اختفت تماما
وفى اليوم دا البوكس أخد فى الأسر ٦ من اصحابنا
وطبعا اتصلوا بأهاليهم علشان ياخدوهم من القسم
محسبكوم كان ماسك الأذاعة المدرسية وفى طابور الصباح
تم إذاعة نبأ اعتقال الأبطال واتنادا عليهم واحد واحد ومحسبكوم
عمال ينادى على الأسامى وهو بيضحك والمدرسة كلها بتضحك عليهم
والمدير عمال يديهم فى كلام و وكيل المدرسة واقف جنبى
وأنا عمال أقولة ( عيال متربتش يطفشوا من المدرسة اللى بتعلمهم وهتخليهم حاجة محترمة فى المستقبل ... اخص عليهم مش قادر ابص عليهم عارف حضرتك انتوا تمدوهم على رجليهم قدام العيال علشان يحرموا يعملوا كدا تانى ويكونوا عبرة لغيرهم )
قام الوكيل باصللى وقال ( والله فكرة ) وقال للمدير
وفعلا اتمدوا فى قلب الطابور ....
طبعا بعد المدرسة خدت علقة من العيال محترمة ومن يوميها معدوش بيكلمونى ..... انا كنت بهدى النفوس مع الوكيل

كدة جبت لاصحابك الضرب

[Samah AbdAllah]

انا كنت غاوي حيوانات اليفة وانا صغير ولحد دلوقتي وليا معاهم مغامرات

كتيييييير ومصايب كتير:).

مرة كنت طالع من المدرسة لقيت راجل بيبيع كتاكيت ورا

المدرسة فكنت بشتري منة كام كتكوت كدة واروح اجيب علبة كارتون

من بتاعة الشمعدان واخرمها واحط فيها الكتاكيت.

وابدأ رحلة العودة للبيت منتظراً المترو على المحطة. كنت بشيل العلبة

في الشنطة علشان مكنتش بحب اشيل حجات كتير في ايدي. المهم يجي

المترو واركب ولا كان في اي حاجة وادفع التذكرة واقعد وهما يصوصوا ....

والناس تستغرب .... هو الصوت دة جاي منيييين؟؟! وشوية كمان ويصوصوا

تاني والمحصل "الكومسري" اتجنن عمال يتلفت حولية ومش عارف مصدر الصوت

وانا فطسان على نفسي من الضحك:D وفرحان ... كانت لعبة:D!

المهم بعد ما اوصل البيت واتغدى واعمل الواجب اروح اجيب الشنطة وادخل البلاكونة

قال يعني بذاكر:D:D واطلع الكتاكيت اللي حمضوا في الشنطة دول والعب بيهم شوية

واول ما احس ان في حد جاي................................. كنت بحدف الكتكوت

من البلاكونة!!!



عزائي الوحيد حالياً ان القطط كانت بتفرح اوي كل ما ارميلهم كتكوت!!

طبعاً كانوا بيموتوا لما يقعوا بس انا مكنت عارف كدة!! انا كنت فاكر ان

القطط كانت بتلعب معاهم!!!

بعدين اكتشفت انهم كانوا بيكلوهم مش بيلعبوا معاهم!!



عندي مصايب كتير وانا صغير ... كنت كارثة متحركة منها صحابي اللي كنت

بكسر رجليهم وايديهم في حوادث كرة القدم ومنها السمك اللي بحط لة البزازة!!

دة غير اللي كنت بعملة في الارانب و السحلفة .... كان عندي حديقة حيوانات مصغرة

في البلكونة:D والمهم ان كل اللي يدايقني .... القطط مستنياة تحت:D

ههههههههههههههههههههههه
اخر شخص فى نايل موتورز اتوقع منه كده
من البلكونة يا مفترى
احنا نخاف منك على كده
هو فى بلكونة فى نايل موتورز ولا كله شبابيك

[Eng_Mostafa_89]

عايزين قصص تانى