شقاوة العيال و كوارثهم

[cazanova555]

و كنت بتكسف من البنات جدا انا فاكر انهم كانوا بيستغلو النقطه دي :)
المشكله ان الموضوع ده ماشي معايا الي الان :(

انتي لازملك قاعدتين معايا وان شاء الله هخلي البنات هي الي تكسف منك :)

انا بقي العكس بكبر مش بعقل بتجنن اكتر :(

علي فكره الي قال الي يكبر يعقل ده غلطان

[محمد قاسم]

حلوه أوى الفكرة دى و شكرا

[abdelaziz-waleed]

انا كنت شقي شوية بس ماكانش ليا مواقف تخريبية كتير. يمكن اكتر موقف بفتكره وانا صغير حوالي 6 سنين ايام شبرا الجميلة
كانت لنا واحدة ست جارتنا حوالي 35 سنة كدة كانت طالعة على السلم وشايلة صانية اكل
المهم احنا عندنا بسطة السلم كانت كبيرة فا قمت مستخبي ورا سور السلم واول ما قربت مني
....................
.........................
..................................
..........................................

هاو هاو هاو هاو هاو هاوهاو هاوهاو هاوهاو هاو عااااااااااااااااااااااا دشششششششش

الست طبت ساكتة وكل الاطباق اتفشفشت . انا افتكرتها نامت اتاريها اغمى عليها وكان يوم منيل اخدت علقة من والدتي

وجوزها اصلا كان مخنوق مني علشان كنت كييف العب كورة على البسطة بتاعة السلم واخبطها في الباب بتاعهم وهو كان عقيد في الجيش وشارك في الحرب وبيتخض من اصوات المدافع وانا شغال عليه مدافع كل يوم

[Karim_Monir]

ايه الاذى الغريييييييييييييييييييييب اللى انت فيه دة:D:D بجد كتر خير والدك :p:p بجد عجبنى السطر بتاع دقنى اتفتحت 8 مرات فى سنة دى :D:D:D و يا حرام باباك بيبقي مبسوووووط كماااااااان شفت وصلت الراجل لانهى مرحلة من اليأس ..انه لما تكون متجبس بيبقي مبسوط!!!!:D:D:D:p:p:p

بلاش اقول انا وصل الراجل لايه على صفحات المنتدي
ها ها
الثمان مرات دول كنت بقي على سلم بيت جدتي ويا عيني كانت بتاخد كل خضة والتانية
وخاللي كان متعهد الشيل وانا غرقان في دمي
لدرجة ان الدكتور لما كان بشوفني بقي يقووول
يووووة
كريم تاني
شعر ولا دقن
:D:D:D:D:D
-----------
يا حسام حرام عليك انا كنت مؤذي جدا اه
بس مابحبش تقطيع اللحم والحاجات دي
دم بس
نيييييييييههههههههه
وليد انت كنت طفل برئ كدة ليه
عاو بس
انا احد الاسباب الرئيسية اللي خلت والدي يفكر اننا نعزل من بيتنا القديم
بسبب اللي عملتة في جيراننا ابتداء من الاصوات والالعاب التدميرية
مرورا باذية اولادهم وضربهم وعمل كافة المقالب فيهم
مرورا كمان بحاجات ماينفعش تتحكي على الصفحات العامة كدة لخروجها عن قواعد المرور
--------
اظرف ما في الموضوع ان بيدو (سنة و3 شهور) بيفكرني يوميا بطفولتي المشردة
لبتداء صيد السمك من حوض السمك بالشبكة
الى تسلق اي شيئ والجلوس فوقة
الى ضرب اختة المبرح يوميا وهيا اكبر منة بسنتين وشوية
مرورا بتعذيب الترستين اللي بملكهم ولولا انهم ترسة مائية كان زمانةهم غرقوا من زمان قوي
وخلاني اقفل البلكونة المويتال حفاظا على البقية الباقية من عفش البيت
بس يوميا زوجتي بتتصل بامي الحبيبة بارك الله فيها بتسالها سؤال غريب قوي
يا ترى انتي سامحتى كريم على اللي عملوا ؟
ايون يا بنتي ليه
امال بيدو بيعمل فينا ده كلوا ليه

نييييييييهههههههههههههههههه

[OlaOsman]

اظرف ما في الموضوع ان بيدو (سنة و3 شهور) بيفكرني يوميا بطفولتي المشردة
لبتداء صيد السمك من حوض السمك بالشبكة
الى تسلق اي شيئ والجلوس فوقة
الى ضرب اختة المبرح يوميا وهيا اكبر منة بسنتين وشوية
مرورا بتعذيب الترستين اللي بملكهم ولولا انهم ترسة مائية كان زمانةهم غرقوا من زمان قوي
وخلاني اقفل البلكونة المويتال حفاظا على البقية الباقية من عفش البيت
بس يوميا زوجتي بتتصل بامي الحبيبة بارك الله فيها بتسالها سؤال غريب قوي
يا ترى انتي سامحتى كريم على اللي عملوا ؟
ايون يا بنتي ليه
امال بيدو بيعمل فينا ده كلوا ليه

نييييييييهههههههههههههههههه

كنت لسسسسسسسسسسسسه هاسألك و يا ترى بيدو عامل ايه معاك؟ :p

[Abonora]

موضوعك جميل قوى يا علا
انا موووووووت على نفسى من الضحك من الحكايات ال عماله تتحكى
انا عن نفسى كنت طفله هاديه جدا جدا

[Karim_Monir]

موضوعك جميل قوى يا علا
انا موووووووت على نفسى من الضحك من الحكايات ال عماله تتحكى
انا عن نفسى كنت طفله هاديه جدا جدا

مش عارف مابقتش اصدق ليه اللي يقول على نفسة طفل هادي ده
جايز عشان عمري ما شوفت اطفال هاديين زي الصور كدة
كلهم من العينة اللي سبعاوي عايز يولع فيهم:D:D


يا تري انتى اولادك هاديين يا ام ماللك
ما تحكيلنا ماللك بيعمل معاكي ايه:p:p

[Chicco]

بعد حكايات أعضاء المنتدى و خصوصا العفريت أبو بيدو ده احنا نحمد ربنا أوي على عيال دلوقت إلي ما يتقارنوش بيكم :p:p
الامضاء: طفل هادي سابقا :D

[Abohmaid]

وانا برضة كنت طفل هادددددددىىىىى خالص
مرة كنا فى العيد وروحنا نزور عمتى ولابسين الهدوم الجديدة طبعا وبعد السلامات والذى منة قلنا نديها ماتش كورة فى الشارع المهم فى وسط الماتش جية علينا بنالتى وعملت فيها عصام الحضرى ووقفت اصد الكرة .... وهوب الكورة اتنشاطت ..... وهوب وانا روحت طاير علشان اصدها وبدل ما اكمسك الكورة نزلت بكف ايديا على زجاجة مكسورة بسن مدبب وعينكم ما تشوف الا النور .... على المستشفى عدل وبرضة الكورة دخلت جووووووووووووووووون

[theking2690]

ايه يا جماعه اللى انا بقراه ده الموضوع كده عدى الكوارث و ما بقلوش وصف انا بقه ليا مصايب بالهبل و انا صغير

1-كنا فى العيد و انا كنت دايما بحب بعد صلاة العيد اطلع على البيت و اقعد افرقع بمب و صواريخ من البلكونه هوببب وانا برمى رميت البمب على عربية دوريه و انا مكنتش واخد بالى انى عملت كده المهم الظابط بتاع العربيه كان طالع علشان يشتكينى لبابا فأنا دايما متعود ان خالى بيجيلنا بعد الصلاة على طول فانا متوقع ان اللى بيخبط خالى مش الظابط فانا قلت اعمل مقلب فى خالى بفتح الباب و ادياه متعمره بالبمب من غير ما ابص اول ما فتحت رحت رامى البمب على اللى واقف و كانت النتيجه بمبتين فى الجزمه بتاعت لراجل و حالة ذهول ليا و ليه لحد ما جه السيد الوالد و قطع حالة الذهول ديه و اتأسف للراجل

2-كان بابا لسه جايبلنا التلاجه الى با بابين ديه فأنا قولت اما اعزم اصحابى عندى و افرجهم على الاختراع العجيب ده 6 سنين بقه المهم اكتشفنا بقه ان الاختراع ده بينزل تلج فأجتمعت اراءى انا و اصحابى ان احنا لازم نستفيد من التلج دج فكروكوا كده عملنا بيه رحنا واخدين التلج و طالعين على البلكونه و على الناس اللى ماشيين و كل واحد و نصيبه

3-موقف مشابه للموقف بتاع نادر بتاع الكتاكيت بس الفرق بقى ان انا كنت قاعد لوحدى فى البلكونهمع الكتاكيت و قال ايه حبيت ادلعهم عملت ايه بقى بقيت اجيب كل كتكوت و اقعد ابصله و اقوله كتاكيتو بنى و اروح رميه من البلكونه و طبعا الناس تحت عماله تتفرج على الكتاكيت اللى بتترمى و كان اخر كتكزت و السبب انى اتقفشت فى البيت و عرفو لأنو اترمى على عربية السيد الوالد و هو كان لسه جاى و بيركن تحت


و الحمد لله بقيت ابعد عن البلكونه لأنى حسيت انها وش المصايب عليا

4-الموقف ده بقى يا جماعه اكتر موقف مسخره حصلى فى حياتى كنا عند جدى فى البلد و كانت الاسره كلها مجتمعه هناك المهم فأنا و ابن خالتى كنا بنحب نلعب مع الحيوانات هناك المهم اثناء لعبنا مع الحيوانات لقينا جدى(معزه بقرنين) واقف لوحده بعيد فقررنا انا و ابن خالتى ان احنا نجيبه نوقفه مع بقية الحيوانات المهم انا قولت لأبن خالتى روح هاته انت علشان انا الصراحه كنت بخاف منهم المهم ابن خالتى حب يعمل فيها شجيع السيما و يشد الجدى من القرنين بتوعه و كانت الفاجعههههههههههه
قرنين الجدى اتخلعوا فى ايد ابن خالتى و انا واقف متنح و هو واقف يبص على ايده و الجدى راسه غرقانه دم و انا طبعا مش اسكت لأ فضيحه و الحقونااااااااااااااا اسلام خلع القرنين بتوع الجدىىىىىىىى



بس كده كفايه عليكو انتظروا الحلقات القادمه

[aif]

ايه يا جماعه اللى انا بقراه ده الموضوع كده عدى الكوارث و ما بقلوش وصف انا بقه ليا مصايب بالهبل و انا صغير

ايه يا مصطفي ... تقولهم علي موضوع السبت بتاع يوم السبوع والا اقول انا .....
اعتقد تقول انت احسن :D

[Eng.Mina]

حرااااام عليكوا انا حاموت من الضحك واضح ان معظمنا كان كوارث متنقلة
انا بأه مش فاكر الا موقف لايمكن انساه مرة كان والدي سايق العربية(كانت بيجو 504) وواخدني علي رجله وهو سايق (وده طبعا غلط) وكان عمري تقريبا 5 سنين و بيني وبينكوا كنت حاموت واجرب سواقة العربيات المهم لقيته ماسك الدريكسيون بايد واحد والايد التانية كان بيجيب بيها حاجة من التابلوه فانتهزت الفرصة وقمت خاطف الدريكسيون وكاسر شمال (وطبعا باقول المقولة الشهيرة لكل طفل وهو بيعمل كارثة :هيييييييييييييييييييييييييييييييييييييييييييه) لقينا العربية انحرفت جامد ناحية الشمال وكان في ناحية الشمال قهوة والناس قاعدين بره القهوة وفجأة ياجماعة الناس كلها في نفس واحد:حااااااااااااااااااااااااسب والحمد لله والدي لحق نفسه وداس علي الفرامل و نزل من العربية اعتذر للناس وكانت النتيجة المنطقية علقة سخنة لايمكن انساها

[Hossam.Hamdy]

ايه يا جماعه القصص العجيبه ده....بجد موضوع الكتاكيت ده جامد اوى....خالى بقى كان يجيب الكتاكيت و يقفل على دماغهم الشيش بتاع الشباك

1-انا فاكر كنت بعد امتحانات نهاية العام بس مش فاكر امتى رجعنا على بيت واحد صاحبى ساكن فى الدور الاول و كنا حوالى 4 ودخل جاب كرتونة البيض من الثلاجه و هاتك تنشين على العربيات و الناس اللى ماشيه فى الشارع نحدف البيض و نام على الارض..

2-انا و ابن عمتى زمان كنا فى بيت جدى و اقفين فى البلكونه وبناكل ذره وكانت لعبتنا ننشن على الفتحات اللى فى سقف اتوبيسات النقل العام وعلى الناس

3-وانا عندى سنه كنا ساكنين فى بيت جدى و كانت شقتنا فى الدور السادس و كان تحت البيت فى قهوه كل ما فى البيت كان عندهم من شباشب و جذم وملابس و ادوات مطبخ..وصاحب القهوه كان بيلم الحاجات و يديها لوالدى لما يرجع من الشغل...ده طبعا غير اكياس المياه..
.
برضه كنت بحب العب عريس وعروسه او اب وام...وسور البلكونه برضه واضح انه كان هوايه بين اطفال المنتدى...ومره اخدت سيجاره من سجاير عمى وكنت عايز اولعها و هى فى فمى روحت ولعت البوتجاز وقربت من الشعله و مسكت فى شعر راسى و فى اجزاء من شعرى شاطت

[theking2690]

كده يا احمد باشا مكنش شيكوبون و زيتون كلاتاتا اللى احنا واكلينه مع بعض على العموم اقول انا بدل ما اتفضح الحكايه و ما فيها يا جماعه ان انا يوم سبوعى ولاد عمى سهوا مامتى و خدونى حطونى فى السبت و نزلونى تحت فى الشارع و خالى كان تحت هو اللى لحق و خدنى و طلعنى لمامتى تانى



بس لك يوم برده يا احمد باشا و ممكن نوصل لمدام شوماخر و نخبسلها عليك

[ابو سيف]

ايه يا جماعه اللى انا بقراه ده الموضوع كده عدى الكوارث و ما بقلوش وصف انا بقه ليا مصايب بالهبل و انا صغير

1
4-الموقف ده بقى يا جماعه اكتر موقف مسخره حصلى فى حياتى كنا عند جدى فى البلد و كانت الاسره كلها مجتمعه هناك المهم فأنا و ابن خالتى كنا بنحب نلعب مع الحيوانات هناك المهم اثناء لعبنا مع الحيوانات لقينا جدى(معزه بقرنين) واقف لوحده بعيد فقررنا انا و ابن خالتى ان احنا نجيبه نوقفه مع بقية الحيوانات المهم انا قولت لأبن خالتى روح هاته انت علشان انا الصراحه كنت بخاف منهم المهم ابن خالتى حب يعمل فيها شجيع السيما و يشد الجدى من القرنين بتوعه و كانت الفاجعههههههههههه
قرنين الجدى اتخلعوا فى ايد ابن خالتى و انا واقف متنح و هو واقف يبص على ايده و الجدى راسه غرقانه دم و انا طبعا مش اسكت لأ فضيحه و الحقونااااااااااااااا اسلام خلع القرنين بتوع الجدىىىىىىىى



بس كده كفايه عليكو انتظروا الحلقات القادمه

:D:D:D:D:D لا بجد موقـــــــــــــــــف تحفـــــــــــــــه

..ومره اخدت سيجاره من سجاير عمى وكنت عايز اولعها و هى فى فمى روحت ولعت البوتجاز وقربت من الشعله و مسكت فى شعر راسى و فى اجزاء من شعرى شاطت

انا كنت برووح اشرب جوووووزة بردو مع جدي رحمة الله عليه :D