تجربة خطوبة فاشلة

[memoo305]

لسة خارج من تجربة خطوبة فاشلة وجويا شعور كبيــــــــــــــر قوي بالأحباط. الموضوع كان الموصفات التالية:
زميلة في العمل -أتعرفنا على بعض -إعجاب وقبول متبادل- تعارف الأهل والإتفاق- قرأة فاتحة- وبعدها بـ 3 أسابيع حفلة خطوبة - 3 أسابيع أخرى أنفصال.
الغريب وإلي فعلا حاسس أن مش فاهم منه : طوال هذه الفترة وفي إعجاب وإحترام وحب وتفاهم.ورسايل وموبايلات وخروجات. لدرجة إننا أخترنا ألوان الشقة وبدأنا التنفيذ وبدأنا في شراء التجهيزات . وإختيار قاعة كتب الكتاب . بإختصار الموضوع كان ماشي بشكل أكثر من رائع.

وفجأة في صباح أحد الأيام (بالليل كنت عندهم في البيت ومافيش أي حاجة مش طبيعية نفس الترحاب والحب.. ) ألوو معلش عاوزاك في موضوع بعد الشغل ضروري جداً بخصوصنا. (أنا قولت أسوء سناريو ممكن نأجل كتب الكتاب شوية...).
المهم إتقابلنا في الكافية إلى إحنا بنقعد علية .
أنا :( بعد الترحاب) خير فيه أيه؟
هي: أنا مش حاسة ناحيتك بأى حاجة وشايفة أن فيه إختلاف طباع كبير قوي بينا مش متخيلة أن إحنا هنعرف نعمل حياة مع ببعضنا . علشان كدة أنا شايفة أن إحنا ننفصل دلوقتي أحسن من بعد كدة.
أنا:(نفس الشعور واحد وقف قدام القطار وداسة مبقاش فيه حاجة) الكلام ده أنتي متأكدة منه . طيب قالتيه لحد (زي بابا وماما & صحبتك المقرية&...).
هي: (بحزن والدموع في عبنها) لا

بعد حوار إستمر أكثر من ساعة تم الإتفاق على أخذ يومين لإعادة التفكير.
بإختصار شديد.بعدها برده مافيش جديد وأنا طبعا مجروح قررت أني مش هتحايل على حد ولا هاعيط زي العيال الصغيرة على حد باعني بالمنظر ده.

روحت نهيت الموضوع مع الأهل بشكل متحضر جدا وذوق إلى أبعد الحدود (وللآمانة في ضغط على أعصابي بشكل كبير)
دلوقتي أنا عندي شعور كبير بالإهانة والخديعة وزي ماتقولو وحاسس أني رجعت مش لنقطة الصفر لا لتحت الصفر بمراحل.
ونفسي أعرف الإنقلاب 180 درجة سببة إيه؟؟؟؟وهي ممكن يكون فية كدب في المشاعر بالشكل ده؟ أنا مش فاهم أي حاجة ولو في حد فاهم أو مر بالتجربة دية يقولي ياجماعة

* على فكرة أنا بشهادة جميع الزملاء والأصدقاء شخص مهذب وطيب ومتزن (والحمد لله هذا من فضل ونعمة ربي عليا)

[amazingahmed]

احمد ربنا انها قالتلك الكلام ده و انتم لسة على البر أحسن ما -لا قدر الله- كان الموضوع يبقى فيه طلاق زي ما بيحصل دلوقت كل 6 دقائق فيه حالة طلاق.
و عادي جدا حكاية أن الخطوبة تتفشكل أو تكمل لأن فترة الخطوبة هي فترة تعارف و تقدير لاسمترارية الحياة بعد كده و مش معنى الخطوبة أن الجواز حتمي.
و محدش عارف نصيبه فين. يمكن ربنا مخبيلك حاجة أحسن لما يلاقيك راض بقدره و لما يلاقيك بتشكره في السراء و الضراء.

و بلاش تحسس نفسك بالخيانة أو الإهانة أو الندم. يعني كنت ترضى تتجوزها و هي مش حاسة بيك؟؟؟؟؟؟؟؟
و خللي بالك أن الإعجاب و الإحترام مش بس هما اللي بيأدوا للجواز. فيه حاجات تانية كتير.
و أخيرا أحب أنصحك نصيحة الرسول صلى الله عليه و سلم "اظفر بذات الدين" و ده عن تجربة شخصية.

[اليانز ترافيل]

احمد ربنا انها قالتلك الكلام ده و انتم لسة على البر أحسن ما -لا قدر الله- كان الموضوع يبقى فيه طلاق زي ما بيحصل دلوقت كل 6 دقائق فيه حالة طلاق.
و عادي جدا حكاية أن الخطوبة تتفشكل أو تكمل لأن فترة الخطوبة هي فترة تعارف و تقدير لاسمترارية الحياة بعد كده و مش معنى الخطوبة أن الجواز حتمي.
و محدش عارف نصيبه فين. يمكن ربنا مخبيلك حاجة أحسن لما يلاقيك راض بقدره و لما يلاقيك بتشكره في السراء و الضراء.

و بلاش تحسس نفسك بالخيانة أو الإهانة أو الندم. يعني كنت ترضى تتجوزها و هي مش حاسة بيك؟؟؟؟؟؟؟؟
و خللي بالك أن الإعجاب و الإحترام مش بس هما اللي بيأدوا للجواز. فيه حاجات تانية كتير.
و أخيرا أحب أنصحك نصيحة الرسول صلى الله عليه و سلم "اظفر بذات الدين" و ده عن تجربة شخصية.

زائد 100000000000000000000

[A.Saad]

الاول
ما تبكيش على حد باعك
التانى
شوف هل فعلا فيه اختلاف طباع ولا لا
لو فيه
يبقى كدة احسن

[kok3]

يا عم فكك صنف الحريم دا ........................ متركزش مهاهم قوى


يرجى اختيار الالفـاظ و عدم التهكم على اي طرف.

مشـرف الاجتمـاعي.
3 ب

17/5/2011
3:02pm

[m3_dolphen]

اوعى تزعل نفسك ولا يهمك خالص كأن شيئا لم يكن ... وصدقنى انت الكسبان .. وعايز اقولك ان ده ممكن يكون خير ليك بس فى حاجة لازم تتعلم من التجربة دى كذا حاجة :
1- قبل اى امر ابدأ بإستخارة رب العالمين ,, فما ندم من استخار الخالق .
2- خروجك معاها ده ذنب ولا يحق لك وقد يكون من أسباب فشل الموضوع يبقى لما ربنا يكرمك وتخطب تانى اوعى تخرج مع خطيبتك ولو كان بعلم ولى أمره لأن هذا مخالفة لأمر الله
3- الإعجاب وحده لا يكفى ( لأن فى احيان كتير الظاهر يكون عكس الباطن )
4- دور على الأقارب أولا ممن تثق بهم أو أقارب أصدقائك المقربين الذين تثق فى دينهم و اخلاقهم
5- راجع نفسك وشوف ايه عيوبك وحاول تصلح من نفسك لأنه قد يكون عندها حق

واهم حاجة بقى انك تقرب من ربنا اوى فى الفترة دى واكثر من الطاعات بقدر المستطاع وان شاء الله ستوفق الى زوجة تتقى الله فيك وتكون سببا لدخولك الجنة

[magid1010]

يا عم فكك صنف الحريم دا متفهمش دماغهم فيها صراصير بتجرى وربنا متركزش مهاهم قوى

فعلا ده احسن تعليق جامد موووووووووووووووووووت +1111111111111111111

[_Ahmed_casper_]

يا اخى لا تحزن خاااااالص و قول الحمد لله
.. طب تخيل لو كنتو اتجوزتو و هى من جواها مش حاسه بأى حاجه ناحيتك و اهى جوازه و خلاص؟
انت ساعتها هتكون اتخدعت فعلا انما فى موضوعك ده ولا اتخدعت ولا حاجه انت كده ربنا بيحبك.. معظم البنات دلوقتى اول مبيوصلو لسن الخطوبه و الجواز و الكلام ده بيعملو ريستارت لحياتهم و خطوط التليفونات تتغير و الكلام ده كله و تستنا الجوازه زى ماتيجى مش مهم حاسين بأيه ولا حب و الكلام ده اهم حاجه مواصفات شاب كويس و هى طبعا مظبته نفسها انها تمااااام .. يا راجل اسكت و قول الحمد لله .. دالدنيا خربااااااانه

[AmatoALLAH]

قول اللهم اجرني في مصيبتي و اخلفني خيرا منها

و حابه اقولك ان الزواج دا رزق زي ما اي شئ في الدنيا رزق من الله

و كون ان الموضوع دا انتهي يبقي ماكنش رزقك ابدا و احمد ربنا ان الموضوع خلص قبل ما تتعلق اكتر او تتجوزوا و يكون نهايتها طلاق مش مجرد خطوبة مانجحتش

و لو انت شايف ان دا جرح او اهانه ففيه غيرك كتير بعد ما اتجوزوا اكتشفو ان فعلا جوازهم مش هينجح و تمنوا ان الطرف التاني كان جرحهم و لا اهانهم في الخطوبه لو انت شايفها كده

و صدقني هتنسي و هتعيش حياتك عادي و هتقابل ان شاء الله الانسانه اللي تحس انها توأم روحك , يمكن انت شايفها صعبه دلوئتي لكن هي دي الحقيقه و بعد ما تقابل الانسانه دي هتحمد ربنا ان موضوعك دا ماتمش
ربنا مش بيقدر اي شئ الا لسبب ما يعلمه الا هو سبحانه , و بعد فتره هتعرف سبب ان ربنا ماتمش موضوعك

وربنا يوفقك

[medo_2060]

هتعدى ان شاء الله وبكره تقابل احسن منها وتبقى مكتوبه لك

[mrwho1982]

انت ربنا بيحبك جواز مين بس ياراجل والله انت كده احسن


وياريت يرجع بي الزمن

[human]

متضايق ليه بس؟
و ليه حاسس بخديعه؟؟

هيه صريحه معاك و قالتلك اللى عندها بكل ادب و كمان انقذتك و انقذت نفسها

ديه تتاقل بالدهب

ماحدش يعرف النصيب فين
لو عرفت تحاول معاها تانى حاول - ماتعرفش الخير فين و ماتعرفش ربنا عايزك تحاول كام مره عشان توصل لحاجه كويسه


و الاستاذ اللى بيقول النساء دماغهم صراصير احب افكره ان النساء دول فيهم امى و امك و اختى و اختك فبرجاء مراعاه الالفاظ خصوصا و المرأه اللى فى الموضوع محترمه

[medo_2060]

انت ربنا بيحبك جواز مين بس ياراجل والله انت كده احسن


وياريت يرجع بي الزمن

طبعا كنت هتشترى رانجلر بدل الجواز هههههههههه

[aboomar22]

بص يا صديقى انت مش هتاخد اللى اللى ليك معاها نصيب وكل شيىء بترتيبات الله عز وجل بس عندى احساس ان الموضوع فيه حاجة انت متعرفهاش يعنى فيه سر للانقلاب اللى حصل ده لان من كلامك ان فيه بينكم تفاهم وود واتفقتم على الوان الشقة كمان بس الواضح فيه حاجة حصلت ومقلتش عليها ومش هتقول الله اعلم يمكن من ناحية الاهل يمكن اى سبب تانى بس صدقنى لسه ربنا شايلك الخير بس تبقى تفرحنا معاك كده

[mrwho1982]

طبعا كنت هتشترى رانجلر بدل الجواز هههههههههه

اه طبعا اشتري رانجلر واطير بقي

حكم اي راجل هنا بين رانجلر والجواز

وشوف هيقوللك ايه

عالاقل العربية لو دايقتني ممكن اغيرها