تجربة خطوبة فاشلة

[nimaster]

ولا تزعل نفسك ؟ دى قسمة ونصيب ؟ومادام انت كنت ناوى خير رينا ارادلك خير

[khaled_yassin]

والله البنوتة تشكر انها صرحتك بالحقيقة
ويا سيدى ما فيش اكتر من البنات فى مصر بس انت تؤمر

[memo_p910]

بص يابرنس بما ان الموضوع فجائي وفجاه يبقى البنت دي حبت قبل كده وفي حد في حياتها

هاردلك وماتحطش في دماغك صنف الحريم لان دي مخلوقات غداره بطبيعتها

[Mostafa.Mahran]

تقريبا و الله اعلم ان اليومين دول الواحد يختار الانسانة الى بتحبه بجد و الى عاوزة ترضيه بأى طريقة و ميختارش الى هو بيحبها

علشان لو هو حبها جامد و اتعلق بيها و فى الاخر هى قالتله انها مش قادرة تحبه هتبقى صدمته قوية
انما العكس هيبقى افضل لان الراجل لما يلاقى بنت بتحبه و شارياه و عاوزة ترضيه كل ده هيخليه يحبها و هيحب حبها ليه

[khaled_sabry]

تقريبا و الله اعلم ان اليومين دول الواحد يختار الانسانة الى بتحبه بجد و الى عاوزة ترضيه بأى طريقة و ميختارش الى هو بيحبها

علشان لو هو حبها جامد و اتعلق بيها و فى الاخر هى قالتله انها مش قادرة تحبه هتبقى صدمته قوية
انما العكس هيبقى افضل لان الراجل لما يلاقى بنت بتحبه و شارياه و عاوزة ترضيه كل ده هيخليه يحبها و هيحب حبها ليه

صدقنى مش شرط (عن تجربه )
ممكن تتجوز الواحده عن حب منها و تقول لنفسك حبك حيجي بعد الجواز ... و تلاقى بعد الجواز مشاعرك هى هى و ممكن كمان تتجه لناس تانيه

[azmeralda]

انا مكنتش هعلق على الموضوع بس حبيت ادافع عن البنت بظهر الغيب لأن ناس كتير افترت عليها وصاحب الموضوع نفسه بيدافع عنها


*مش هعلق عن الكلام عن المرأة بشكل غبى لأن مش هعلم شخص ازاى يتكلم بشكل مهذب ومحترم عن الست اللى بتمثل والدته واخته وبنته وزوجته
=========================
*مش هعلق على انكو بتسمعوا من طرف واحد وان لو اتاك من فقأت عينه فلا تحكم له فربما الآخر فقأت عيناه الأثنين

==========================
*اوضح احترامى التام لمشاعر صاحب الموضوع والكلام اللى هقوله معظمه مش موجه ليه
====================
اولا:
كل انسان فى نفسه ملك ونادر قوى اللى شايف عيوبه والأندر اللى يعترف بيها والأكثر ندرة اللى بيحاول يغيرها

فتقييم الأنسان لنفسه انه كويس جدا واللى انفصلت عنه معندهاش حق خالص
طبيعى
لكن التقييم ده يحتمل حاجتين :
1- انه حقيقى و فى الحالة دى
معقول مش عارفين ان مجرد ان واحدة محترمة وبنت ناس وواحد محترم وابن ناس ده مش كفايه عشان يبقوا سعدا فى الجواز والا مكنش حد غلب
فين الأفكار واسلوب المعيشة والتفاهم

يعنى لو واحدة اتقدم لها 4 كويسين فى وقت واحد تتجوزهم كلهم ؟ هى بتفاضل بينهم على اى اساس؟



كمان معلش بقى مفيش تقريبا واحد بيتقدم مثلا لواحدة ويترفض ويرجع السبب لحاجة فى شخصيته ابااااادااااا
حتى لو لمحت او وضحت سبب الرفض يقنع نفسه ان لأ هى كانت عايزة واحد عنده عربية مثلا يعنى

معظم الناس مبتعترفش ان عندها عيوب حتى بينها وبين نفسها
+++++++++++++++++++++++++++++++++++++++++++
ثانيا

لو تقييمه غلط وعنده عيوب مش شايفها او مش عايز يعترف بيها
او مش شايفها عيوب اصلا لأن فى بيئته وطريقة تربيته عادى لكن عندها هى عيوب متقدرش تتعايش معها

وياترى ايه الأفضل لما البنت تفكر مع نفسها امشى على كرامته رايح جاى واقول عيوبك كيت وكيت


ولا تقول مفيش تفاهم وهى شايفة من وجهة نظرها انها بتحافظ على مشاعر انسان كان فى بينهم عيش وملح وحاجة حلوة بشكل او آخر فى يوم من الأيام

=========================
كمان مش سهل ابدا على البنت تفسخ خطوبتها خصوصا وهى عارفة ان بعدها هتحاصر ب 1=احتمال ميجيش حد كويس وتحمل اللقب الذى يطلقه منعدمى الأحساس (عانس )



2=الناس دايما بتفتكر ان هو اللى سابها عشان الفكرة المتخلفة بتاعة ( هم لاقيين دول بيرضوا بأى حاجة وخلاص)
وبالتالى ده بيسىء لها وبيوحى ان فيها عيب قد يكون خطير





3= كل واحد هيتقدم لها هيقرفها فى عيشتها
اممم كان بيمسك ايدك
اممممممم كنتو بتخرجوا لوحدكو
امممم كان بيكلمك فى التلفون طول الليل ................



==========================
الناس افتكرت انها لما ت هين البنت ده هيسعد صاحب المشكلة ويخرجه من المود مع ان هو نفسه بيدافع عنها وبيحترمها
وواضح انه زعلان لسببين
1=انها مبقتش نصيبه
2=ان مبينتش ان فى مشكلة فمتهيأش نفسيا للوضع

[azmeralda]

ممكن تكون هى كانت بتلاحظ وتختبر وتسجل عندها وخلاص بدون خناق او ثورات


هى الخطوبة اتعملت ليه
عشان الناس تعرف هتقدر تعاشر بعض الى الأبد ولا لأ


ولو هى شافت ان الجوازة دى لن تنجح هى حرة
لازم تقدم سبب خطير ورهيب
ده فى خلع فى الأسلام بدون ابداء اسباب


============================


عيب قوى الناس تقول ده اكيد طالما فجأة تبقى على علاقة بحد او شافت عريس احسن كأن ده السبب الوحيد فى الدنيا اللى يبرر لواحدة تترك خطيبها الكويس من وجهة نظر معينة


انا فسخت خطوبتى قبل كده هى دى بقى الطريقة اللى هتتكلموا بيها عليا لو كان هو عضو هنا وجه اشتكى !!!!!!!!!!!!

اللى بيهينها كده يقبل على اخته كده
معلش انا اسفة اقول اللى فيه حاجة بيفتكر كل الناس زيه

[azmeralda]

مش مكن واحدة تشوف ان خطيبها بخيل/عينه زايغة/ودنى/ضعيف الشخصية / لا يتحمل المسئولية/كذاب / مش هتستحمل حماتها لأنها صعبة جدا .......



بلاش افرضوا المشاعر حاجة اساسية عندها وده حقها محدش يقدر ينكره عليها وحاولت ومحستش ناحيته بحاجة هى حرة

وفى ا حنمال ضعيف ان فى بنات بتترعب من فكرة الجواز وساعة الجد بتخلع بس ده مش هنعرف صحته لأن اختار ميحاولش معاها



ومش معنى ان هى اللى فسخت انها مش حزينة لأ بتبقى حزينة برضه وهى تجربة صعبة على الطرفين وعلى عائلاتهم كمان و النسيان بيجى مع الوقت

وصدقنى هتنساها وربنا هيعوضك
الكلام شكله مستحيل دلوقتى بس 99 % ده اللى بيحصل وربنا هيعوضك ويعوضها


قل انا لله وانا اليه راجعون اللهم اجرنى فى مصيبتى واخلف لى خيرا منها

[شريف]

وفى ا حنمال ضعيف ان فى بنات بتترعب من فكرة الجواز وساعة الجد بتخلع بس ده مش هنعرف صحته لأن اختار ميحاولش معاها

انا مريت بالتجربة دي و بعد الخطوبة بأقل من شهر بدأ الموضوع دة معايا - في الاول بينت قد ايه انا مصدوم من الكلام دة و جربت احسسها بالحب و الامان و برضه منفعش - اصبحت متقلبه جدا معايا لدرجه ان البيت عندي لاحظ قد ايه انا متدايق و مش مبسوط

[azmeralda]

انا واحدة صاحبتى عملت كده وفسخت فعلا وهو كان لطيف جدا معاها رغم الفسخ وفضل يسأل عيلتها عنها عاملة ايه بعد الفسخ باعتبار انه بيسأل عن حالتها النفسية وقلقان عليها!!مع انه مفروض يكون مجروح منها

وبعد فترة حاول يرجعلها وبما انى كنت متابعة الموضوع من الآول لما سألتنى قلت لها تديله فرصة وفعلا كل الحاجات الى كانت خايفة منها اتكلموا فيها مع بعض ووضح لها انها كانت فاهمة غلط وما شاء الله معاهم ولدين زى القمر دلوقتى: )

[gemy1]

انا مش شايف اى احترام فى اللى هى عملته ده اصلا !! ازاى يعنى وافقت عليه من الاول يعنى كان فى قراءة فاتحه و بعدها خطوبه و معازيم و اللذى منه يعنى هى كانت سايبه نفسها بتجرب فى الراجل يعنى و لا ايه مش فاهم !! كان ممكن اوى و بمنتهى السهوله الحاجات دى تتأجل الراجل بيقول كانو بيختارو الوان الشقه يعنى كانت عايشه و معيشاه معاها فى الوهم دا ايه التهريج و قلة الادب دى و فجاه بعد كل ده تغير رأيها !! ازاى يعنى هو لعب عيال يا جماعه البنت لما تحب تحسس اللى قدامها انها لسه متردده بتخليه يحس بكده و بكذا طريقه لكن من الواضح كده انها كانت ماشيه طبيعى جدا من غير اى ايحاءات او تديله اى اشاره و الراجل برضه غلطان انه سبها من غير ما يعرف فى ايه بصراحه . ممكن تكون كانت مجبره عليه من اهلها و هو اصلا كانت بتحب حد تانى و مخبيه كل ده عليه و الله اعلم بقى المهم انى شايف ان فى خيانه فى الموضوع خانت احساسه بيها و تعلقه بيها خانت حلمه و مستقبله اللى كان راسمه معاها ربنا يصبرك يا باشا و يوفقك مع ست ستها . و الله فكرتنى باغنيه مش زى الافلام بتاعت محمود العسيلى

[azmeralda]

بيبقى فى قراية فاتحة وخطوبة علشان دى الطريقة الوحيدة اللى الناس المحترمة تعرف تتجوز بيها فهدى نفسك يا جيمى
وهو ده النظام فى الأسلام والخطوبة دى بقى مفروض تبقى سرية وميبقاش فيها معازيم والجواز هو اللى يبقى علنى كون اناس مش بتمشى شرعى وترجع تزعل دى حاجة تانية

[azmeralda]

و لكل حد بيغلط فى حد :


الـحـديـث التاسع والعشرون



يا رسول الله وانا لمؤاخذون بما نتكلم ؟


وكل واحد بكره يبقى عنده بنت والكلام هيقعد لها

[n_i_t_e]

معلش متزعلش نفسك...مكنتش نصيبك.
بالنسبة للى عملته أنا شايفه عادي و محترم. أنا مريت بالتجربة دي بالضبط بس بالعكس. ممكن فعلا كانت بتحاول انها تحبك و بعدين مقدرتش من جوه...مش عشان عيب فيك لا سمح الله بس القلوب بتميل و بتبعد من غير أسباب عقلية.
صعب واحد يرفض واحد من أول مرة. دول لسه ميعرفوش بعض. كده كده الواحد بيحتاج وقت عشان يشوف اذا كان قادر يكمل و لا لأ.

[MASERATI]

السلام عليكم و رحمة الله و بركاته

قدر الله و ما شاء فعل و الجواز بيبقى نصيب بحت و ماحدش عارف الخير فين, أنت كل اللى عليك أنك تجتهد فى أنك تنتقى الانسانة المناسبة المتدينة المهذبة اللى على خلق و دين و خلاص, لما تعمل كده و الموضوع مايمشيش, ماتكتئبش, لأنك بكل بساطة عملت كل اللى عليك و لا يكلف الله نفسا الا وسعها.

اوعى تزعل نفسك.....................

2- خروجك معاها ده ذنب ولا يحق لك وقد يكون من أسباب فشل الموضوع يبقى لما ربنا يكرمك وتخطب تانى اوعى تخرج مع خطيبتك ولو كان بعلم ولى أمره لأن هذا مخالفة لأمر الله...................

الكلام ده فعلا صحيح مليار فى ال100, أنتوا كنتوا ازاى بتخرجوا و تقعدوا مع بعض فى كافتريات و أنتوا لسه مش كاتبين الكتاب؟؟؟, الكلام ده حرام شرعا لأنكم فى حكم الأجانب لبعض, أما أنتوا يا ولاد مصر عليكم حركات.

و ربنا يوفقك و يكرمك باللى تسر قلبك و عينك و تكون خير قرينة لكن فى الدنيا ان شاء الله.