تجربة خطوبة فاشلة

[icehearted girl]

تعرف يا دكتور اني بدأت اكره البنات هههههههه والله غصب عني ......... اخر مره كانت والدتي بتعرفني على بنت واحده زميلتها ....... عشان انا عاوز اخطب ........... مش عارف ليه كنت بكلم برخامه وبتقل غصب عني مش عارف ليه

طب قوم زاكر بقي أحسنلك....بدل منت عارف

سمايل واحد ناوي ع الشر

[megamoudy]

طب قوم زاكر بقي أحسنلك....بدل منت عارف

سمايل واحد ناوي ع الشر

السماح يا سيادنا ههههههههههههههههه

[mohamedbook]

والله كل شيء قسمه ونصيبب واعتقد ان هي ليها الحق في الرفض زي منتا ليك نفس الحق بالضبط تمام
يعني لو انت عملت معاها نفس الموقف كنت هتلاقي ليك مبرر لفعلة هو انتك مش مستريح معاها
شيئ عادي جدا جد ا
وايه المانع لما تخطب خمس ست مرات والموضوع ميكملش بس بهدف الزواج والنية الحسنة مش اللعب والتسلية طبعا
وفي الاول والاخر اعمل استخارة وانت بتعمل الاصول وربنا هو الي بيقدم الي فية الخير
وربنا يصلحلك الحال ان شاء الله

[love7amada]

هقولك حاجه محدش عارف هما بيفكروا ازاي
بص ان ف واحده محترمه جدا و من اول يوم شفتها و مش عارف ايه شدني ليها و بجد بعشقها و فضلت مستحمل سنه ساكت و هيا قدامي و اما طلبتها قالت انت محترم و كده و رفضت من الاول و اهوه مر خمس سنين و لسه مش نسيت مع اني مع غيرها و بعيط عليها و اخيرا اتخطبت من يومين و مازلت ببكي عليها
مش عارف ده سببه ايه
بس مش عايز اقولك اني بكون سايق و فجأه دموعي تنزل و كنت قاعد مع خطيبتي و فجأه دموعي نزلت برده اللي هوا اتفزعت مش عارفه فيا ايه
بس ف رائي ان الاول مش بيتنسي ابدا و الا كان ال 4 سنين كفيله اني انسي
بس هوا نصيب و مش في ايد الواحد حاجه

[i_Am_Legend]

حبيب قلبى دة نت شبراوى زى!! وكمان العبور زى!!!! هع هع هع........منور ياكبير....انت فين فى شبرا _وفين فى العبور.....وبعدين كبر

دمااااااااغك دة انا خطبت 3 مرات.........وجابولى شلل اطفاااااااااااااااااااال........وحاليا انا مكبررررررررررر.........لازم اقابلك فى شبرا.........وضيفنى عندك على الفيس......atkatoo@yahoo.com....اسمى ahmed aymn

[Abdallah]

طيب ماتيجى نعكس الموضوع
انتوا اتجوزتوا وبقى معاكم طفل جميل عنده سنتان من العمر وفجأة اكتشفت بالصدفة ان مراتك مش بتحبك وعايشة معاك علشان خاطر الولد وبتعاملك كويس ارضاء لربها فقط هيبقى ازاى الحال بقة؟؟
انا مريت بموقف زى دة قبل كدة زمان ولكن ساعتها بصيت لنصف الكوب الممتلىء واقريت ان القلوب بين اصبعين من يدى الرحمن يقلبهما كيفما يشاء وتذكر انظر دائما لنصف الكوب الممتلىء

[remomemo]

يا جدعان هو الموضوع ده ليه بيحصل من الستات دايما ليه مثلا ما سمعناش انه الراجل الى عمل الموضوع ده
احمد ربنا و دى اكيد متعلقه بحد تانى كلهم كده دلوقتى

لا بيحصل بس متاخر شوية وبيروح يدور على زوجة تانية

[WalidAdel]

فين كدب المشاعر دا؟؟؟؟ بالعكس دي كانت صريحة معاك جدا وواجهتك بحقيقة مشاعرها..دي حاجة هي تحترم عليها..وكمان دي حاجة متنتقصش من قدرك

مش معني ان محصلش وفاق بين شخصياتكم يبقي دا بالضرورة عيب حد فيكم...

نصيحتي ليك متوصفهاش بتجربة فاشلة...بالعكس دي ناجحة

+111111111111111
اتفق مع حضرتك في الراي انها قالتلك في اول الموضوع ماكدبتش نفسها و قالت بكره تحبيه بكره تحبيه لحد مابكره دا مش هاييجي خاااااااالص و دا مش عيب فيك ولا حاجه دا عدم توافق بين اي اتنين عادي
و فعلا اختلاف الطباع و توافقها دا مهم جدا بين اي اتنين مرتبطين لانها لو مختلفه هاتعلق علي كل حاجه بتعملها و هاتبقي الحياه مخنقه بعيد عنك دا اصلا لو كملتوا كده ...... قدر الله و ماشاء فعل ياباشا

[abdoelshazly]

ياااااعم والله الدنيا ما بتقف على حد واعرف رأتأكد انه خير كبير ليك وربنا سبحانه وتعالى قال كُتِبَ عَلَيْكُمُ الْقِتَالُ وَهُوَ كُرْهٌ لَكُمْ ۖ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ (216) سورة البقرة


عاوز ااقولك محدش يعرف الخير فين.


وبعدين ديه اكيد يأمه حد لعب ف دماغه او ان كان ف قصة حب قديمه والموضوع اتفتح او كدا ف كل الظروف اعرف ان دا خير واحمد ربنا على كل شئ :)


تم تصحيح الايه
مشرف عام 4

[MOUSTAFA_SAAD]

ياباشا كبر دماغك وطنش انا حصل معايا نفس الموضوع بنفس الطريقه ونفس الكلمتين قالتهم ليا " انا مش حاسه اننا متفاهمين مع بعض وطباعنا مختلفه ......الخ " والكلام ده بعد سنه خطوبه وكانت قريبتى كمان وزعلت ساعتها وكنت حاموت من الحزن على عشرة سنه كامله بس فى الاخر اكتشفت ان صنف الحريم ده فيه عدد كبير منهم قليل الاصل ومبيدورشى غير على مصلحته وانا للاسف وقعت مع واحده منهم والنتيجه بعد 3 سنين من فسخ الخطوبه انا نسيت خلاص وعايش زى الفل ولا فى دماغى وهى عماله بتحك وعاوزه ترجع تانى ومش لاقيه حد يعبرها بس بعنيها لما تشوف حلمت ودنها ده انا كل اللى كان يشوفها معايا يقولى بعد لما يقابلنى مره تانيه ايه ده ياعم ده انت احلى منها بكتير انت كنت مغمض عينك وانت بتخطبها ومع ذلك برده مش عاجب اياخى مفكره نفسها ياما هنا ياما هناك .
بس الله يسامحه بقى ابويا هو اللى ضغط عليا ودبسنى فى الموضوع ده

[memoo305]

نصيحتي ليك متوصفهاش بتجربة فاشلة...بالعكس دي ناجحة

أزاي مش فاهم وجهة نظرك؟

[MOUSTAFA_SAAD]

أزاي مش فاهم وجهة نظرك؟

يعنى قصده انك حتستفيد منها كتير وحتتعلم منها وحتعرف تختار صح بعد كده
انت يظهرالموضوع فصل دماغك خالص

[bondokk]

نصيحتي ليك متوصفهاش بتجربة فاشلة...بالعكس دي ناجحة

فعلا تجربه ناجحه والتجربه دي كتيييير مننا مر بيها بشكل او باخر ومش هاقدر اقول اكتر من اللي الناس قالته بس على رأي جدتي " محدش بيتجوز مرات حد" !!

[khaled_sabry]

موضوع فك الخطوبه ده هى حتخسر فيه اكتر منك
اما بالنسبه للراجل يخسر لو كان اتجوز و خلف و بعد كده طلق

بس كويس و الله ان فيه بنات متحضره للدرجه دى . لأن دلوقتى البنات مابتصدق تلاقى عريس تمسك فيه حتى لو فيه عيوب الارض

[W77]

يا راجل الف مبروك
ده انت ربنا بيحبك واكيد مخبيلك شيئ افضل من ذلك مليون مرة
اوعى تزعل نفسك لان انت مش غلطان فى حاجة انت من الواضح انك انسان عاطفى شوية وده يخليك لازم تختار واحدة تحبك و تقدرك وتكون مناسبة ليك علشان تعيش مرتاح باقى عمرك