الفوائد العلميه اللولبيه للكرش

[tarekzein]

مممممممممممممم

شايف ريحة تريقه مش ظريفه

طيب

قرار عسكرى رقم واحد

يمنع دخول أصحاب البطون الملزوقه

كما يمنع أخذ نصايح منهم

زى النصايح من القرع بالظبط

شايف كمان محرضين على النظام الغذائى للمكرشين

وأحب أقولكم جميعا

من أنتم ؟

من أنتم ؟

[tarekzein]

إحدى فوائد الكرش الهامه

والتى تم إكتشافها حالا

لو واقف قدام مكنة ال atm

وواحد رخم لازق معاك جوه الشاشه

الكرش فى الحاله دى هايعمل معاك الواجب

ويقوم بالتغطيه على الكى بورد والشاشه

ههههههههههه

ويبقى يورينى هايعرف بتقبض كااااااااااام إزاااااااااااى

[pro_samir]

الكرش برضه بينفع و انت نايم نص نومه على ضهرك كمسند للابتوب
بيخلى الشاشه قريبه و مظبوطه
عكس الناس التانيين بيبقع على حجرهم

ههههههههههههههههههههههههههه

عايزتعرف اعضاء اد ايه اتهربوا من الانضمام للجروب بتاعكم افتح مواضيع المقابلات
وخصوصا مقابلات بحة وافطار رمضان هاتلاقي 99% من الاعضاء تبع الجروب

ليه الفضايح دي انا ماسك نفسي من الصبح ومش عايز اقول كده بدل ما يجيب الصور ويشردنا

أنا مبهزرش دا ممكن تضرب بيه كلاكسات

هههههههههه لا مش قوي كده هو في ناس بتسند بيه الدركسيون فعلا لكن مش لدرجة تلف و تكلكس كمان .. ده مجرد كرش مش زلومه

[HOSSAM99]

إحدى فوائد الكرش الهامه

والتى تم إكتشافها حالا

لو واقف قدام مكنة ال atm

وواحد رخم لازق معاك جوه الشاشه

الكرش فى الحاله دى هايعمل معاك الواجب

ويقوم بالتغطيه على الكى بورد والشاشه

ههههههههههه

ويبقى يورينى هايعرف بتقبض كااااااااااام إزاااااااااااى

و كمان ينفع تزق بيه ألأبواب المروحة بجمبع انواعها كبوابة ماكينة المترو و غيرها
و كمان الأبواب الإلكترونيه بتفتح وتستشعر صاحب الكرش قبل غيره ممن ليس لهم كرش بخطوات عده

[No Comment]

هههههههههههههه أنت من الفلول أنا شوفت المشاركة بتاعتك هههههههههههههههه
أزيك يا كبير عامل أية

الحمد لله كونـــــــــــس ...وبحاول أهو أعملك جبهة تحذيرية فى غيابك علشان الثورة المضادة .

[Khaled Online]

ههههههههههههههه صحيح أحنا فى موضوع المكرشين بس متاكلوش والا حاجة أهما ....

----------------------------- منقول -------------------------------------
نيجى بقى لثالثا
الرياضة والتمرينات

ياناس يانشيطة
التمرينات بقى ليها فايدة عظيمة
وجميلة
و
أقول الفايدة اسهل
شوفوا ياجماعة
التمارين الرياضية مهمة
مهمة لإنها بتزود فاعلية عمل القلب وبتحسن الدورة الدموية
مهمة لإنها بتزود اللياقة البدنية
مهمة لإنها بتساعد على تناسق العضلات
مهمة لإنها بتحسن عملية الهضم والنوم
مهمة لإنها بتحسن قدرة الرئتين من الإستفادة من الأوكسجين
مهمة لإنها بتقلل من الوزن الزائد وبتقلل الكولستيرول
مهمة لإنها بتساعد على مستوى معين للسكر فى الدم
خلاص
آمنا بالله
عارفين والله إنها مهمة
ومصدقين
إدخلى فى المفيد
ناس حتة قبل المفيد
بس مهمة علشان المفيد يبقى مفيد
دلوقتى حضرتك ناوى تلعب رياضة
جميل طبعا
بس ياريت حاول

حاول تختار مكان واسع ومناسب وياسلام لو كان مكان مفتوح فى الهواء الطلق يعنى لإن التمارين الهوائية مهمة لحرق السعرات الحرارية ولتحسين كفاءة القلب والرئتين والجهاز الدورى وتخفف البطن
بس بقى مش معنى كدة إننا عايزين الستات يطلعوا يجروا فى الشوارع
والنوادى تملى آنسات ومدامات لابسيت ترنجات وبيتنططوا قدام الناس
تيجى تقول يا أهل الخير حرام
ما يصحش
تبقى هتاكلك وتقول بعلو صوتها أصح وضع للتمارين فى الهواء الطلق
معاكى حق طبعا
ده فى حالة إن ربنا عاطيكى ومتجوزة واحد باشا فاتح لك نادى مخصوص أو لو عندك جنينة تبقى فيها مطمئنة على نفسك ولو عندك بالكونة متقفلة بستارة تأدى الغرض
ولو ما فيش
الله يخليكن فى بيوتكن أولى بيكن ولو ما ينفعش خلاص الكرش ارحم
اللهم هل بلغت اللهم فاشهد

حاول تبقى الهدوم اللى لابسها مريحة وخفيفة وقطنية

حاول تبقى مستريح قبل ما تمارس الرياضة يعنى ما تبقاش مجهد وروحك طالعة وتعبان وزهقان
حاول يبقى بعد الأكل بفترة كافية (3 ساعات مثلا)
حاول يبقى فيه تدريب يومى ولو مشغول قلل فترة التدريب بس حافظ على كلمة يومى دى

حاول تؤدى التمارين بهمة ومرح وتركيز وجدية
جدية مش يعنى وإنت مكشر
لأ يعنى لازم تعرق وتنهج وتتعب

حاول تاخد نفس عميق بين كل تمرين والتانى

حاول تحافظ على إستقامة ظهرك اثناء تاديتك للتمارين لإن ده مهم جدا لعودة البطن لوضعه الطبيعى

حاول تعمل التمارين دى قدام مراية

حاول تعمل االرياضة على سطح مستوى (يعنى ما تنزلش فى شارع مش متسفلت ومليان حفر وهاتك يارياضة )

حاول تعمل تمديد "إطالة" عضلات الجسم بعد كل تدريب برفع الذراع إلى أعلى ومحاولة لمس أعلى نقطة على الجدار بأطراف الأصابع بالشمال مع الثبات عند أعلى نقطة لمدة خمس ثوان.

حاول تسجل وزنك كل ثلاثة أيام قبل الإفطار لتعرف مدى الاستفادة.

ولو

لو شعرت بدوخة او صعوبة فى التنفس أو ألم مفاجئ عند أداء التمارين توقف وأبدا فى تمارين الإسترخاء والتنفس العميق

لو شعرت ببعض الآلام فى العضلات والمفاصل بعد التمارين فى اليوم التالى فهذا شئ طبيعى ويمكن معالجة ذلك بالماء الدافئ مع فنجان ملح لمدة عشر دقائق مع التدليك للعضلة المتألمة.

لو كان الجو حارا فيجب الإكثار من السوائل بشرب الماء المعتدل بعد التدريب وقبله ورشفات أثناء فترات الراحة

لو كنت تشكو من أى مشكلات صحية فى القلب أو المفاصل أو أى مرض آخر استشر طبيبك قبل المزاولة
و
أظن كفاية كدة
ندخل بقى فى التمارين الموصوفة لإزالة الكرش

فى الحقيقة فيه 10 تمارين لإزالة الكرش
. رقود على الأرض ظهرا مع وضع الذراعين جانبا.
ترفع الرجلان فى عشر عدات ليكوّن الجذع مع الرجلين زاوية قائمة.
ويتم تثبيت الرجلين في هذا الوضع لمدة عشر ثوان.
ثم تخفض في عشر عدات
يكرر هذا التمرين عشرين مرة تدريجيا.

رقود على الأرض ظهرا مع وضع الذراعين جانبا.
يرفع الجذع عن الأرض مع الإمساك بالساقين ورفعهما إلى أعلى ارتفاع ممكن، ثم العودة لوضع البداية
ويكرر هذا التمرين 15 مرة.

الرقود على الظهر مع تشبيك اليدين خلف الرأس مع ثني الركبتين باتجاه الصدر .
ترفع الساقان لأعلى 90 درجة مع الجذع
تثنى الركبتان باتجاه الصدر مرة أخرى .
ثم تمد الساقان إلى الأمام 45 درجة
ثم العودة إلى وضع البداية .
يكرر هذا التمرين لأعلى وللأمام 10 مرات .

الرقود على الأرض مع الإبعاد بين قدميك وساقيك مع تشبيك اليدين خلف الرأس.
تسحب الرأس والكتف إلى أعلى مع محاولة تحقيق ملامسة بين الكوعين مع الحفاظ على هذا الوضع لمدة 10 ثوان .
ثم العودة الى وضع البداية
ويكرر 10 مرات .

الرقود على الأرض ظهرا مع ثني الركبة حتى يقترب الكعبان من الحوض .. وتشبك اليدان خلف الرأس .
يتم محاولة الوصول إلى وضع الجلوس ثم العودة إلى وضع البداية مع الاحتفاظ بالقدمين كما هما فوق الأرض .
ويكرر هذا التمرين تدريجيا 10 مرات .

يمكن تكرار التمرين الخامس مع عدم ثني الركبتين، تستمر الساقان ممدودتين على الأرض .
مع محاولة الوصول إلى وضع الجلوس وملامسة الكوعين للركبتين
(10 مرات)

الرقود ظهرا على الأرض مع مد الساق اليمنى على الأرض وثني الركبة اليسرى باتجاه الصدر بحيث تمسك اليدان بالركبة المنثنية .
محاولة الوصول إلى وضع الجلوس مع الإبقاء على الإمساك بالركبة ثم العودة لوضع البداية.
ثم يكرر التمرين مع القدم اليمنى.
ويتم تكرار التمرين 10 مرات.

جلوس على الأرض مع الإبعاد بين القدمين والساقين مع مد الذراعين جانبا.
يلف الجذع لتحقيق ملامسة بين اليد اليمنى والقدم اليسرى ثم العودة إلى وضع البداية .
يلف الجذع لتحقيق ملامسة بين اليد اليسرى والقدم اليمنى ثم العودة إلى وضع البداية .
هكذا يمينا ويسارا 20 مرة .

وقوف مع الإبعاد بين الساقين قليلا مع وضع اليدين في الوسط.
يثنى الجذع جهة اليمين في أربع عدات ثم العودة إلى وضع البداية ، ثم يثنى الجذع جهة اليسار في أربع عدات ثم العودة
.. وهكذا 15 - 30 مرة .

وقوف مع الإبعاد قليلا بين الرجلين ورفع الذراعين لأعلى .
يثنى الجذع لأسفل للمس الأرض مع عدم ثني الركبة ثم العودة لوضع البداية .
يكرر هذا التمرين من 15 - 30 مرة .

خلاص كدة ثالثا خلصت وربنا سهلها والحمد لله
ناقص كدة رابعا ويبقى مافيش كرش


رابعا دى بقى سهلة وبسيطة
علشان تزهق كل واحد نفسه ينزل كرشه

يعنى لو هتنام
حاول ما تستخدمش المراتب والفرش الناعمة لأنها تضعف عضلات البطن وتقوس الظهر.
وحاول ما تنامش على بطنك (والنوم على البطن عادة غير إسلامية نهى عنها الرسول المختار)

والله ما انا نايم
طيب هتقوم تقعد
خلاص
حاول وإنت قاعد ركبتينك يكونوا فى مستوى أعلى من وسط الجسم (الحوض)

زهقتونى
خلاص هأقوم اقف
طيب
بس
حاول أن تقف معتدلا (يعنى لو وقفت وظهرك ملامس للجدار يجب ان تلامس الجدار بالأطراف التالية : الكعب ، المقعدة وخلف الرأس.

بصراحة إنتم القعدة معاكم تحرق الدم
أنا ماشى علشان إتخنقت وعايز اتنفس بعيد عن الخنقة دى
مع السلامة
بس
حاول على قدر الإمكان تسحب عضلات بطنك مع الزفير وإنت بتتنفس فى كل وقت وفى اى مكان لإن ده هيحسن قوام حضرتك وتحسين القوام مهم جدا للتخلص من كبر البطن.

خلاص ياجماعة
الكرش نزل
أنا عارفة إنها نصائح كتيرة وتزهق
بس علشان يكون عندنا مرجع متكامل لإن الكلام ده متجمع من كذا مكان
يعنى ما بأقولش إنه يتنفذ كله مرة واحدة
بس نحاول واحدة بواحدة
وآسفة إن طولت
وجايز اكون زهقتكم لكن العشم كبير بقى فى الصدور المتسعة والقلوب الطيبة
والسلام ختام

السلام عليكم ورحمة الله
أنا دخلت بس عشان أقول جزاكي الله خيرًا
أنا استفدت جدا من الكلام المهم اللي جمعتيه ورتبتيهولنا

[tarekzein]

الأخت زينه

أضيف لكلام حضرتك

التأنى والبطء فى ممارسة تمارين البطن لغاية ما الكرش ينزل

وعدم إجهاد عضلة البطن

عشان العضله لو طلعت فوق الكرش

هاتبقى مصيبه

وأنا شايف أن أهم نصيحه هى المشى الكتير حتى الإجهاد

ومعلومه أخيره

الجسم يبدء فى الإستفاده من ممارسة الرياضه

وتبدأ عملية الحرق بعد ربع ساعه من بداية التمرين

يارب محدش ييجى يقوللى : خلاص هابدأ أتمرن بعد الميعاد بربع ساعه

[زينة الله]

انا شامم ريحة فلوووول (مش فول) ... غرضها زعزعة النظام الغذائى للمكرشين .

أستاذ نوكمنت أنا ملاحظة إنك بتهدى النفوس كدا والله أعلم بقى لك كذا موضوع استهدى بالله كدا هههههههههههه

أيش حال لو ماكنتش نوووووووووكمنت !!!!!!!!!! امال لو كنت كومنت كنت عملت إيه !!!!!!

أية دة كل دى تمارين دى مرهقة جدا عاوزة ناس فى الصاعقة هما الى يعملوها هههههههههههههههههههههههه
الافضل لعبة أخرى . سندويتشات جبنة و حلاوة أو حلاوة باللوز

يا أستاذ هشام احنا عايزين نشجعهم مش كدا والا ايه ....

شوف يختاروا أسهل تمرين و يداوموا عليه و لما يبقى سهل يزودا عليه شوية بشوية

و بعدين العادات اليومية فى الحركة والمشى و الأكل مهمة جدا برضك يختاروا أسهلها و يزودا شوية بشوية و كله بالارادة و العزيمة

السلام عليكم ورحمة الله
أنا دخلت بس عشان أقول جزاكي الله خيرًا
أنا استفدت جدا من الكلام المهم اللي جمعتيه ورتبتيهولنا

الله يخليك و يعزك و يجزيك كل خير

أنا الحقيقة نقلته بس و لقيته مترتب كدا و متجمع و أسلوبة دمه خفيف فقولت يمكن يفيدكم

[زينة الله]

الأخت زينه

أضيف لكلام حضرتك

التأنى والبطء فى ممارسة تمارين البطن لغاية ما الكرش ينزل

وعدم إجهاد عضلة البطن

عشان العضله لو طلعت فوق الكرش

هاتبقى مصيبه

وأنا شايف أن أهم نصيحه هى المشى الكتير حتى الإجهاد

ومعلومه أخيره

الجسم يبدء فى الإستفاده من ممارسة الرياضه

وتبدأ عملية الحرق بعد ربع ساعه من بداية التمرين

يارب محدش ييجى يقوللى : خلاص هابدأ أتمرن بعد الميعاد بربع ساعه

الله ينور يا فندم

اهو كدا الموضوع يبقى هادف و نشوف كام واحد من خلاله هينجح فى ازالة الكرش المتين

[abo_anas]

أنا مبهزرش دا ممكن تضرب بيه كلاكسات

ههههههههههههههههههههه مسخررررررررررررررررررره

[tarekzein]

الأخ نوكومنت

سميناه (مش سممناه ) فى قسم الهوندا

فريييييييييييييييييييييييييييييييي كومنت

بس كده

ده حبيبى من أيام الجيزه

والتحرير والمقطم

[زينة الله]

التحرير و الجيزة و المقطم !!!!!!!!!! :):) طيب خلاص براءة :):)

على كدا بقى فريييييييييييى دى جاية من التحرير :d:d:d :)

و هو الفرييييييييييييى دا اللى مخليه يهدى النفوس كدا بقى له فترة :::: و هو فرييييى كومنت :):):)

[misoalex]

أمممممممممم بس كدا سهلة دى :) دا أنا عليا حلة محشى ما قولكش والا صنية فتة كوارع تأكل صوابعك واراها
مع إن كدا المسافة بينا هتبعد مع الأيام وشئ ما هيفرق بينا

ههههههههههههههههههههههههههههههههههههههههههههههه

[misoalex]

أنا مبهزرش دا ممكن تضرب بيه كلاكسات

ايوه تضرب بيه الكلاكسات وتلف بيه الدركسيون هههههههههههههههه بس فى الحاله دى بسسسسسسسسسسسس

YouTube - ‪Norbit - Don't Adjust My Seat‬‏

[MOUSTAFA_SAAD]

فيديو مفيد وخطير جداعن الكرش والتخلص منه فى اسبوعين فقط


[youtube]http://www.youtube.com/watch?v=eBZbUAeDTUY&feature=player_embedded[/youtube]