الاطباء يستعدون لاضراب مفتوح واستقالات جماعية

[أبومعاذ]

طب أيه رأي الإخوة الدكاترة لو المهندسين بكل فئاتهم اعلنوا الإضراب ودول تقريبا بيتحكموا في كل نواحي حياتنا يعني مش هيبقى في كهربا ولا مياة ولا طرق و لا مباني و لا صرف وبالتالي ولا زراعة ولا صناعة ولا تجارة ولا أيه رأيكم

[heshamzaky]

طب أيه رأي الإخوة الدكاترة لو المهندسين بكل فئاتهم اعلنوا الإضراب ودول تقريبا بيتحكموا في كل نواحي حياتنا يعني مش هيبقى في كهربا ولا مياة ولا طرق و لا مباني و لا صرف وبالتالي ولا زراعة ولا صناعة ولا تجارة ولا أيه رأيكم

أكيد الدكتور مش سوبر مان و لا رجل خارق و لا المهندس برضو مهو الناس لو ما أشترتش السلعة أو دفعو مقابل للخدمة التى تؤدى يبقى مش حا يعيش أساسا طبعا
دة الى أنا تكلمت عنة الحياة كلها منظومة متكاملة كل شخص لة دورة من غير الدور دة و لا واحد حا يعرف يعيش لوحدة و لا حا يعرف يعمل أى حاجة . الميكانيكى العادى لو العربية باظت لو ما اشتغلش العربية لما تعطل حا تقف و سواق التاكسى لو أمتنع هو و سواق الميكروباص عن توصيل الناس و فئة السائقين مفيش حد حا يتحرك مسافات بعيدة

[heshamzaky]

معلش سؤال بطريقة أخرى للسادة الاطباء ممكن كل واحد يقول هو متخرج من كام سنة و أية الدرجات العلمية الى حصل عليها يعنى مثلا الى عمل و حصل على ماجيستير يقول و الى حضر رسالة دكتوراة و خلصها يقول و هل اضاف جديد فى عالم الطب و لا لسة بيتعلم كل يوم جديد و لسة ما عملش أى أنجاز يحسب لة . و ممكن أسماء الاطباء المصرين الى حققو أنجازات طبية و اضافو أضافات غير مسبوقة فى مجال الطب و الى ممكن جدا الناس تستفاد بالمراجع و الابحاث الخاصة بهم

[rosebox]

هو احنا يا جماعه فعلا بناقش ان مهنه الطب (المحترمه الشريفه) متساويه مع باقى المهن و لا لا؟؟
فعلا مناقشه تفرح

كل المصريين (البنى ادمين مش المصريين بس)اصحاب المهن الشريفه محترمين و متساويين فى الحق فى العيش بكرامه

مش قادره اصدق لهجة التعالى اللى الاطباء بيتكلموا بيها دى

ايش حال لو ماكانش المريض المصرى يا عينى بيعانى الامرين من أخطاء (بعض) الدكاتره و فساد (بعضهم) زى ما بيعانى بالضبط من كل المهن المصريه للأسف و كله سلق بيض

[Ahmed R08]

dr_no أزيك يا فندم معلش ممكن توضح السبب أن رد الاستاذ shaddadfalcon مستفز هل بسبب مشاركات سابقة و لا لما تكلم تحديدا عن موضوع الغلطة . لو كان السبب بسبب الغلطة لاآ مهنة بجد يبقى هو صح جدا و ردود الاعضاء و الناس كلها صح و يبقى بعض الاطباء فعلا حاسين أحساس داخلى خاطىء أنهم أحسن من الناس الى فى المثال السابق و دى تبقى مصيبة كبرى بجد لانها حا تذكرنى بطالب كلية الشرطة الى متخيل أنة لما يبقى ظابط يبقى سيد الناس و فوق الناس و لو هو دة التفكير تبقى كارثة بجد

يا فندم حضرتك انا مش بتكلم فى مين احسن من مين دى خالص, انا بتكلم فى كميه التعب والاجهاد والارهاق اللى بيشوفها الطبيب فى عمله خصوصا لو لسه متخرج ,انا عارف ان معظم الناس مش هتفهم ومش هتقدر التعب دة لانها مجربتش النبطشيات ال 12وال 24 ساعه !!
,فالتسفيه من المجهود دة غلط انا بالنسبالى والله مش مستنى شكر من اى حد وربنا اعلم باللى جوا كل واحد وبنيه كل واحد فى اللى بيعمله

وبالمناسبه مش لازم يبقى الطبيب معاه ماجستير ودكتوراه وأضاف للطب عشان يقدر ويحترم طبيب الامتياز اللى هو لسه على اول السلم لما يجيله عيان بمغص كلوى الساعه 4 الفجر بيعض فى الارض ويديله مسكن يريحه يقدر ويحترم طبيب الامتياز لما يطلع فى حاله مع اسعاف ويسافر ب ال 4 وال 6 ساعات من محافظه لمحافظه"عمال يتدحرج فى الاسعاف ورا" عشان يوصل الحاله لمستشفى اكبر تقدر تتعامل مع الحاله يقدر ويحترم ويحسب انجاز ليه !

[rosebox]

يا فندم حضرتك انا مش بتكلم فى مين احسن من مين دى خالص, انا بتكلم فى كميه التعب والاجهاد والارهاق اللى بيشوفها الطبيب فى عمله خصوصا لو لسه متخرج ,انا عارف ان معظم الناس مش هتفهم ومش هتقدر التعب دة لانها مجربتش النبطشيات ال 12وال 24 ساعه !!
,فالتسفيه من المجهود دة غلط انا بالنسبالى والله مش مستنى شكر من اى حد وربنا اعلم باللى جوا كل واحد وبنيه كل واحد فى اللى بيعمله

وبالمناسبه مش لازم يبقى الطبيب معاه ماجستير ودكتوراه وأضاف للطب عشان يقدر ويحترم طبيب الامتياز اللى هو لسه على اول السلم لما يجيله عيان بمغص كلوى الساعه 4 الفجر بيعض فى الارض ويديله مسكن يريحه يقدر ويحترم طبيب الامتياز لما يطلع فى حاله مع اسعاف ويسافر ب ال 4 وال 6 ساعات من محافظه لمحافظه"عمال يتدحرج فى الاسعاف ورا" عشان يوصل الحاله لمستشفى اكبر تقدر تتعامل مع الحاله يقدر ويحترم ويحسب انجاز ليه !

حضرتك المريض اللى جايلك( و بيديك الكشف بتاعك يعنى) يعض فى الارض ده عشان حضرتك تتعب نفسك و تديله مسكن (اللى حيدفع تمنه يعنى) و يا طلعت شاطر او نص نص يعنى (انا بتكلم عموما) علاجك ما جابش معاه نتيجه و فضل معاك يوم و اسبوع و يمكن شهر (انما مش حيرفع عليك قضيه و لا حيطلب تعويض اد كده زى بره فى البلاد اللى بتحترم شعوبها اطبائها و مرضاها و بالتالى الاطباء بياخدوا المرتبات اللى بتتكلموا عنها دى و المرضى برضه بياخدوا حقوقهم لو الطبيب غلط) و اضطر بعد كده يروح عند دكتور تانى ( و يدفع له كشف تانى) و اول ما يشوفه و يشوف الروشته بتاعتك يقوم يقوله مين الحمار اللى كتبلك الروشته دى ( انا طبعا لسه بتكلم عموما و الله العظيم لإنى معرقش حضرتك و لو حتى اعرفك عمرى ما اقول كلمه زى كده ابدا انما هى كلمه مشهوره جدا على لسان الدكاتره فى مصر) و يكتبله على دوا تانى فى الغالب حيبقى نفس الدوا بس باسم تانى ( و المريض برضه حيدفع تمن الدوا) انا بقى عايزه اكلمك على تعب المريض فى شغله اللى ممكن مثلا يبقى عسكرى فى الجيش اللى بيتدرب يوميا ازاى يفدى بلده بروحه و بيطور نفسه يوميا عشان يوصل لأعلى كفائه روحه دى تسوى كام فى الشهر فى نظرك؟؟؟؟ المهندس اللى واقف طول النهار فى عز الشمس و المطر ده ما بيتعبش؟ مع انى عارفه حساسية ناس من اللى كتبت فى الموضوع ده من بعض المهن زى الزبال و لا السباك انما لما حصلت مشكله فى الزباله كنت حضرتك دكتور بقى و لا فران و لا ظابط زبال نفسك يعنى كنت كده زى الباشا تاخد الزباله بتاعة بيتكوا و تروح بيها على اول ناصيه و طبعا النتيجه كنا شايفنها كلنا فى قاهرتنا الجميله النظيفه طبعا الزبال مش اكفأ منك فى حمل الزباله انما عارف شغله كويس و منظم فيه و عارف يروح بيه فيه و يعمل فيه ايه.
مش حكلمك عن القاضى اللى لو اتظلمت حضرتك فى قضية قتل و مالقيتش محامى محترم معاك و قاضى نزيه يتعب و يفحص و يمحص و ينظر قضيتك شوف بقى عمرك كله يسوى ايه؟؟؟

انا عارفه كويس جدا انك قلت انك متكلتش انهى مهنه احسن انما استهونت بتعب بقية المهن و ده انا معترضه عليه و ردى ده مش لحضرتك و انا بحترم حضرتك جدا انما لكل الاطباء اللى اتكلموا بتعالى غير مقبول و طبعا كل كلامى مقصدش بيه شخص حضرتك المحترم انما اقصدنا كلنا بيه

[ahmedsamir5edr]

اسأل الله العلى القدير انه ما يحوجنيش ولا اهلى اننا نروح نتعالج فى مستشفى حكومى واسأله سبحانه وتعالى انه ان يغنى الناس كلها عن الذهاب ليها وربنا معاك ومع اى حد حاسس انه مختلف عن الناس
انا عارف انك موجهتليش كلام- زى ما رديت على كذا حد علق على كلامك - بس يا ريت حضرتك تأخذ بالك انك بتتكلم فى منتدى - يعنى من حق اى حد ان يشارك فى الحوار حتى لو الكلام مش موجه ليه

[warning]
أنا اسف لك بشده عن Medicalist فهو عضو لا يمثل الا نفسه .. و لا يتحدث عن جموع الأطباء .. أرجو تقبل اعتذاري مره اخري
الأطباء و الله أخلاقهم أفضل من كده بكتير .. بس العصبيه العمياء بتطلع فقط النص الوحش

اما بالنسبه لنصف المشاركه الاخر .. ف حضرتط طبعا مرحب بيك ترد في اي مكان و اي وقت .. أهلا و سهلا [/warning]

[Ahmed R08]

حضرتك المريض اللى جايلك( و بيديك الكشف بتاعك يعنى) يعض فى الارض ده عشان حضرتك تتعب نفسك و تديله مسكن (اللى حيدفع تمنه يعنى) و يا طلعت شاطر او نص نص يعنى (انا بتكلم عموما) علاجك ما جابش معاه نتيجه و فضل معاك يوم و اسبوع و يمكن شهر (انما مش حيرفع عليك قضيه و لا حيطلب تعويض اد كده زى بره فى البلاد اللى بتحترم شعوبها اطبائها و مرضاها و بالتالى الاطباء بياخدوا المرتبات اللى بتتكلموا عنها دى و المرضى برضه بياخدوا حقوقهم لو الطبيب غلط) و اضطر بعد كده يروح عند دكتور تانى ( و يدفع له كشف تانى) و اول ما يشوفه و يشوف الروشته بتاعتك يقوم يقوله مين الحمار اللى كتبلك الروشته دى ( انا طبعا لسه بتكلم عموما و الله العظيم لإنى معرقش حضرتك و لو حتى اعرفك عمرى ما اقول كلمه زى كده ابدا انما هى كلمه مشهوره جدا على لسان الدكاتره فى مصر) و يكتبله على دوا تانى فى الغالب حيبقى نفس الدوا بس باسم تانى ( و المريض برضه حيدفع تمن الدوا) انا بقى عايزه اكلمك على تعب المريض فى شغله اللى ممكن مثلا يبقى عسكرى فى الجيش اللى بيتدرب يوميا ازاى يفدى بلده بروحه و بيطور نفسه يوميا عشان يوصل لأعلى كفائه روحه دى تسوى كام فى الشهر فى نظرك؟؟؟؟ المهندس اللى واقف طول النهار فى عز الشمس و المطر ده ما بيتعبش؟ مع انى عارفه حساسية ناس من اللى كتبت فى الموضوع ده من بعض المهن زى الزبال و لا السباك انما لما حصلت مشكله فى الزباله كنت حضرتك دكتور بقى و لا فران و لا ظابط زبال نفسك يعنى كنت كده زى الباشا تاخد الزباله بتاعة بيتكوا و تروح بيها على اول ناصيه و طبعا النتيجه كنا شايفنها كلنا فى قاهرتنا الجميله النظيفه طبعا الزبال مش اكفأ منك فى حمل الزباله انما عارف شغله كويس و منظم فيه و عارف يروح بيه فيه و يعمل فيه ايه.
مش حكلمك عن القاضى اللى لو اتظلمت حضرتك فى قضية قتل و مالقيتش محامى محترم معاك و قاضى نزيه يتعب و يفحص و يمحص و ينظر قضيتك شوف بقى عمرك كله يسوى ايه؟؟؟

انا عارفه كويس جدا انك قلت انك متكلتش انهى مهنه احسن انما استهونت بتعب بقية المهن و ده انا معترضه عليه و ردى ده مش لحضرتك و انا بحترم حضرتك جدا انما لكل الاطباء اللى اتكلموا بتعالى غير مقبول و طبعا كل كلامى مقصدش بيه شخص حضرتك المحترم انما اقصدنا كلنا بيه

اولا انا ضربت المثل بتاعى على طبيب "امتياز" واقف فى الاستقبال نابطشيه 12 ساعه بيعالج المريض من غير ما يحط اى حاجة فى جيبه التذكرة ببلاش والعلاج ببلاش من وزاره الصحه ولو مجابش نتيجه فى وقتها بنضطر اسفين نبعته يجيب دوا من بره عشان الوزاره موفرة انواع قليله جدا "ومرتبنا دلوقتى الحمد لله 241 جنيه بالتمام والكمال" .....

طبيب امتياز يعنى لسه اول السلم رغم انه لسه مكتشفش حاجة جديدة فى الطب ولا لسه عمل اى انجازات بس لما يعمل كدة والعيان يرتاح يدعيله دى عندى بالدنيا :)

ثانيا مفيش فى اى دوله حد بيرفع قضيه على طبيب عشان العلاج مجابش نتيجه لكن من حقه يرفع قضيه لما الطبيب يخطىء فى عمله ويضر العيان... عمليه العلاج عمليه معقده ومش سحر هتاخد دوا هتخف احيانا كتيرة مش كل العلاج بيمشى مع كل الناس والاستجابه للعلاج مش واحده عند كل الناس


ثالثا انا مستهونتش بمجهود اى مهنه تانيه وكلهم على عينى وراسى انا بتكلم على مهنتى وتعبى واللى بشوفه وبردو مش عاجب حد ولا حد بيقدر فى مقابل مادى ولا مقابل معنوى ولا اى حاجة ولما نحاول ناخد ولو حق واحد من حقوقنا ضمن حقوق كتير للمرضى بردو والله العظيم مش عاجب بردو

رابعا كل مجال فى الكويس والوحش فى اللى بيعامل ضميره وفى لا فى اللى بيخاف ربنا وفى لأ حضرتك مسكت الامثله السيئه كلها وقولتها ومخادتش بالك من اى امثله كويسه لانك مش فى المجال ومش عارف

خامسا اسلوب حضرتك فى الكلام وتشخيص الكلام عليا غير مقبول

كل الاحترام والتقدير لشخص حضرتك ...

[zkralla]

[warning]
أنا اسف لك بشده عن medicalist فهو عضو لا يمثل الا نفسه .. و لا يتحدث عن جموع الأطباء .. أرجو تقبل اعتذاري مره اخري
الأطباء و الله أخلاقهم أفضل من كده بكتير .. بس العصبيه العمياء بتطلع فقط النص الوحش

اما بالنسبه لنصف المشاركه الاخر .. ف حضرتط طبعا مرحب بيك ترد في اي مكان و اي وقت .. أهلا و سهلا [/warning]

يا دكتور اعتذارك عن حاجه انت معملتهاش شعور نبيل بيبين حسن اخلاق وتربية حضرتك وطبعا اعتقد من معرفتى بكثير من الاطباء سواء عن تعامل معاهم كاطباء او اصدقاء بـتأكد كلامك عن اخلاق معظم الاطباء والدليل حضرتك ودكاتره كتير فى المنتدى
واكيد تعالى بعض الاطباء اوشعورهم انهم فئة افضل من الناس هتلاقية فى مهن تانيه لانه اساسا بيكون جزء من شخصية وتكوين بعض الناس وملوش دعوه بمهنته

[shaddadfalcon1]

حضرتك المريض اللى جايلك( و بيديك الكشف بتاعك يعنى) يعض فى الارض ده عشان حضرتك تتعب نفسك و تديله مسكن (اللى حيدفع تمنه يعنى) و يا طلعت شاطر او نص نص يعنى (انا بتكلم عموما) علاجك ما جابش معاه نتيجه و فضل معاك يوم و اسبوع و يمكن شهر (انما مش حيرفع عليك قضيه و لا حيطلب تعويض اد كده زى بره فى البلاد اللى بتحترم شعوبها اطبائها و مرضاها و بالتالى الاطباء بياخدوا المرتبات اللى بتتكلموا عنها دى و المرضى برضه بياخدوا حقوقهم لو الطبيب غلط) و اضطر بعد كده يروح عند دكتور تانى ( و يدفع له كشف تانى) و اول ما يشوفه و يشوف الروشته بتاعتك يقوم يقوله مين الحمار اللى كتبلك الروشته دى ( انا طبعا لسه بتكلم عموما و الله العظيم لإنى معرقش حضرتك و لو حتى اعرفك عمرى ما اقول كلمه زى كده ابدا انما هى كلمه مشهوره جدا على لسان الدكاتره فى مصر) و يكتبله على دوا تانى فى الغالب حيبقى نفس الدوا بس باسم تانى ( و المريض برضه حيدفع تمن الدوا) انا بقى عايزه اكلمك على تعب المريض فى شغله اللى ممكن مثلا يبقى عسكرى فى الجيش اللى بيتدرب يوميا ازاى يفدى بلده بروحه و بيطور نفسه يوميا عشان يوصل لأعلى كفائه روحه دى تسوى كام فى الشهر فى نظرك؟؟؟؟ المهندس اللى واقف طول النهار فى عز الشمس و المطر ده ما بيتعبش؟ مع انى عارفه حساسية ناس من اللى كتبت فى الموضوع ده من بعض المهن زى الزبال و لا السباك انما لما حصلت مشكله فى الزباله كنت حضرتك دكتور بقى و لا فران و لا ظابط زبال نفسك يعنى كنت كده زى الباشا تاخد الزباله بتاعة بيتكوا و تروح بيها على اول ناصيه و طبعا النتيجه كنا شايفنها كلنا فى قاهرتنا الجميله النظيفه طبعا الزبال مش اكفأ منك فى حمل الزباله انما عارف شغله كويس و منظم فيه و عارف يروح بيه فيه و يعمل فيه ايه.
مش حكلمك عن القاضى اللى لو اتظلمت حضرتك فى قضية قتل و مالقيتش محامى محترم معاك و قاضى نزيه يتعب و يفحص و يمحص و ينظر قضيتك شوف بقى عمرك كله يسوى ايه؟؟؟

انا عارفه كويس جدا انك قلت انك متكلتش انهى مهنه احسن انما استهونت بتعب بقية المهن و ده انا معترضه عليه و ردى ده مش لحضرتك و انا بحترم حضرتك جدا انما لكل الاطباء اللى اتكلموا بتعالى غير مقبول و طبعا كل كلامى مقصدش بيه شخص حضرتك المحترم انما اقصدنا كلنا بيه

جزاكي اللي خير
ده اللي عايزين نوصله
ان كل مهنه ليها مزاياهه وعيوبها - انا شغلي كل يوم قدام الكمبيوتر والتكييف واخر دلع بس ببقي ماشي بكلم نفسي ومطلوب مني يوميا قرايه مش اقل من ساعتين تلاته واتعلم كل الحاجات الجديده اللي بتنزل وشغل يوميا مالايقل عن 10 ساعات وكل ده مجهود زهني اللي هو علي الاقل بالنسبه ليا اصعب كتير من المجهود العضلي

اللي بيشتغل في مهنه بيبقي حاببها مش المفروض انه يمن علي بقية الخلف انه بيشتغلها لانه مش بيشتغلها ببلاش ولو كل واحد قال انا شغلتي كذا وكذا يبقي الناس هتمشي تبص لبعضها من فوق لتحت وكل واحد فاكر نفسه اعلي من اللي حواليه

طيب هو في حد بيتعب زي العمال مثلا؟ الفلاحين اللي طول النهارماسكين الفاس وشغالين بيها؟ ولا عمال البناء؟ ولا اللي بشتغلو في شركات الصلب ؟ ولا عمال اللحام اللي بيشتغلو تحت المياه وصحتهم بتبوظ؟

احنا كل ده بنتكلم ومجبناش سيرة الدكاتره الفاسدين مهنيا واخلاقيا واللي بيتعاملو مع المرضي كانهم اسف في اللفظ حيوانات واللي مش بيلتزموا بمواعيدهم وييجو متاخرين كنوع من انواع البريستيج وللي بينسو حاجات جوا المريض وغيره وغيره

كلنا منظومه واحده بتكمل بعضها ياجماعه

والعضو الفاضل اللي قال علي كلامي مستفز انا نفسي اعرف كلامي مستفز في ايه

[Medicalist]

يا دكتور اعتذارك عن حاجه انت معملتهاش شعور نبيل بيبين حسن اخلاق وتربية حضرتك وطبعا اعتقد من معرفتى بكثير من الاطباء سواء عن تعامل معاهم كاطباء او اصدقاء بـتأكد كلامك عن اخلاق معظم الاطباء والدليل حضرتك ودكاتره كتير فى المنتدى
واكيد تعالى بعض الاطباء اوشعورهم انهم فئة افضل من الناس هتلاقية فى مهن تانيه لانه اساسا بيكون جزء من شخصية وتكوين بعض الناس وملوش دعوه بمهنته

ازيك يا باشا
اقسملك بالله انه اى مريض فى مستشفى عام انا شغال فى مستشفى جامعى بيتعامل و بيبقى فيه اهتمام اكتر من اى مكان بره من حيث العلاج والتحاليل الفوريه ويا سيدى ربنا ما يجيب تعب لاى حد عزيز عليك والله دى امنيه منى ليك وليا ولاى حد فى الدنيا المرض شىء صعب ربنا ما يكتبه على حد
انا مش مضطر انى اقول انى بعمل و بشتغل وبسوى دى حاجه بينى وبين نفسى
وبعدين انا مش بصادر رايك ولا ينفع انى امنعك عن الكلام انت حر فى كلامك فى اى مكان بس مع مراعاة شعور الاخرين وتعبهم و بحترم ردك فعلا لكن فيه واحد محترم تعمد استفزازك برده بطريقه هسيبك انت تحكم عليها اكيد انت ما تعرفنيش كويس بس لو عرفتنى واتعاملت معايا هتعرف انى حد مش وحش زى ما البيه صورلك واستفزك وخلاك ترد بالطريقه دى على العموم لو كلامى دايقك اتمنى انك ما تزعلش انت او اى حد تانى فى الموضوع ده
كان نفسى يبقى فيه وقفه معانا و الناس تساندنا ما هو يا جماعه احنا لو اخدنا حقنا و المهندسين عملوا اضراب هنقف معاهم و الزبال لو عمل اضراب هنقف معاه وهيبقى فيه عداله اجتماعيه الى هى هدف الثوره لكن طول ما كلنا واقفين لبعض و بنحقد على بعض قول على البلد دى السلام

[megamoudy]

أظن كده النقاش بقى على مين أحسن من مين ومين اخلاقه احسن من مين كفاااااااااااااااااااااااااااية

أحسن ان الموضوع يتقفل .............

عشان ميكونش في حزازات بين الاعضاء بعضهم البعض ........

اللي بيصعب علينا بس ..... من الاخر ان الواحد بيتخرج وبيكون نفسه يخدم الناس ويعالجهم ....... لكن في نفس الوقت هتلاقي الوزارة مش موفره حاجة ولا اجهزة ولا حتى جهاز ضغط عدل تقيس بيه ضغط عيان ........ وف الاخر نتهم بأننا مقصرين بسبب سوء الامكانات اللي ادامنا زائد جهل اكيد غير متعمد من الناس ......... النتيجة طبيب او ممرضة بيضرب او بيتخطف .. وبيتهزأ كمان من وزير زي وزير المالية .........


مش عارف اكتب ايه ......... بس ياريت يتقفل الموضوع عشان محدش يزعل او يشيل من التاني ..........

ومفيش حد لا طبيب ولا مهندس ولا أي انسان أفضل من غيره الا باخلاقه وبالبتقوى زي ما قال ربنا

[Medicalist]

جزاكي اللي خير
ده اللي عايزين نوصله
ان كل مهنه ليها مزاياهه وعيوبها - انا شغلي كل يوم قدام الكمبيوتر والتكييف واخر دلع بس ببقي ماشي بكلم نفسي ومطلوب مني يوميا قرايه مش اقل من ساعتين تلاته واتعلم كل الحاجات الجديده اللي بتنزل وشغل يوميا مالايقل عن 10 ساعات وكل ده مجهود زهني اللي هو علي الاقل بالنسبه ليا اصعب كتير من المجهود العضلي

اللي بيشتغل في مهنه بيبقي حاببها مش المفروض انه يمن علي بقية الخلف انه بيشتغلها لانه مش بيشتغلها ببلاش ولو كل واحد قال انا شغلتي كذا وكذا يبقي الناس هتمشي تبص لبعضها من فوق لتحت وكل واحد فاكر نفسه اعلي من اللي حواليه

طيب هو في حد بيتعب زي العمال مثلا؟ الفلاحين اللي طول النهارماسكين الفاس وشغالين بيها؟ ولا عمال البناء؟ ولا اللي بشتغلو في شركات الصلب ؟ ولا عمال اللحام اللي بيشتغلو تحت المياه وصحتهم بتبوظ؟

احنا كل ده بنتكلم ومجبناش سيرة الدكاتره الفاسدين مهنيا واخلاقيا واللي بيتعاملو مع المرضي كانهم اسف في اللفظ حيوانات واللي مش بيلتزموا بمواعيدهم وييجو متاخرين كنوع من انواع البريستيج وللي بينسو حاجات جوا المريض وغيره وغيره

كلنا منظومه واحده بتكمل بعضها ياجماعه

والعضو الفاضل اللي قال علي كلامي مستفز انا نفسي اعرف كلامي مستفز في ايه

العضو الفاضل طبيب على فكره اسمه دكتور احمد من التوقيع بتاعه
هو حضرتك عندك رد موضوعى لكل كلمه بتتقال
انت ان شاء الله ابنك لما يكبر ادامك لو عندك اولاد وطالع عينه ليل نهار مذاكره وسهر وواحد تانى فى سنه قاعد يلعب و يخرج ويتفس ويسافر ومروق نفسه وابنك دخل طب و اشتغل علطول و مش بتشوفه الا كل فين وفين عشان المستشفى والتانى طلع سواق اجره او فلاح او عامل هل هتساوى تعب ابنك بالى كان عايش حياته ؟

[Medicalist]

أظن كده النقاش بقى على مين أحسن من مين ومين اخلاقه احسن من مين كفاااااااااااااااااااااااااااية

أحسن ان الموضوع يتقفل .............

عشان ميكونش في حزازات بين الاعضاء بعضهم البعض ........

اللي بيصعب علينا بس ..... من الاخر ان الواحد بيتخرج وبيكون نفسه يخدم الناس ويعالجهم ....... لكن في نفس الوقت هتلاقي الوزارة مش موفره حاجة ولا اجهزة ولا حتى جهاز ضغط عدل تقيس بيه ضغط عيان ........ وف الاخر نتهم بأننا مقصرين بسبب سوء الامكانات اللي ادامنا زائد جهل اكيد غير متعمد من الناس ......... النتيجة طبيب او ممرضة بيضرب او بيتخطف .. وبيتهزأ كمان من وزير زي وزير المالية .........


مش عارف اكتب ايه ......... بس ياريت يتقفل الموضوع عشان محدش يزعل او يشيل من التاني ..........

ومفيش حد لا طبيب ولا مهندس ولا أي انسان أفضل من غيره الا باخلاقه وبالبتقوى زي ما قال ربنا

انا معاك كمان فى الطلب ده يا دكتور الموضوع لو اتقفل احسن عشان الى بيحصل ده كتير واحنا مش ناقصين
ده الى يغيظك انه فيه زمايل لينا داخلين يسخنوا ويتظاهروا فى صوره ملايكه على حسابنا حسبى الله ونعم الوكيل

[Medicalist]

[warning]
أنا اسف لك بشده عن Medicalist فهو عضو لا يمثل الا نفسه .. و لا يتحدث عن جموع الأطباء .. أرجو تقبل اعتذاري مره اخري
الأطباء و الله أخلاقهم أفضل من كده بكتير .. بس العصبيه العمياء بتطلع فقط النص الوحش

اما بالنسبه لنصف المشاركه الاخر .. ف حضرتط طبعا مرحب بيك ترد في اي مكان و اي وقت .. أهلا و سهلا [/warning]

لتالت مره مش هرد عليك وهسيب الموضوع للاداره
وياريت لو حضرتك تقرى عن Ethics بين الدكاتره