ماليزيا بعين المقيم

[maka]

هنود ايه يا راجل اللي قلقان منهم؟
ومين قالك تشتغل في المجال بتاع شركتك ؟ ده حتى حرام !
بص اللي عنده مخ ما يغلبش روح وشوف على الواقع ده كفابة يا راجل الخامات الطبيعية اللي ببلاش والعمالة اللي ببلاش
روح كينيا

ياراجل ياطيب خليت العصفور تزقزق تانى فى دماغى فى موضوع السفر بموضوعك الشيق ده

هتعبك معى بكام سوال

ايه متطلبات السفر لكينيا لو عندك معلومات و هل فيه عقبات فى الاقامة هناك و ايه التجارات و الانشاطات الرائجة هناك و هل اقدر اعمل شركة وهمية هناك و لا غير مصرح

و ليه انت مرحتش كينيا او بمعنى تانى فضلت ماليزيا عنها

و كل سنة و انت طيب

[akramlail]

فعلا بضم للاستاذ مكة
لية حضرتك مرحتش كينيا وهى فرصة كبيرة لعمل فلوس زى ما قلت ؟
واية اقل راس مال لو معايا اقدر افكر انى اعمل بية مشروع فى ماليزيا وكينيا لو عندك معلومات عنها
واسمحلى اسجل اعجابى بدماغ حضرتك

[abou_ruqi]

ثانية بقى كدة ياريت تستفيض فى الحوار دوة ؟؟؟ اية قصتة

المكتب التخيلي مش نشاط في حد ذاته , المكتب ده نوع من التسهيل و تخفيض نفقات تأسيس شركة بالذات لو طبيعة عمل الشركة لا يتطلب استقبال عملاء , زي الاستيراد و التصدير وجميع شركات الدوت كوم اللي عميلها تخيلي اللي هو مستخدم الانترنت في اي حتة في العالم وده عمرك ما حتحتاج تشوفه

من شروط تسجيل اي شركة انها يكون ليها تليفون ارضي وعنوان بريدي , وكل اللي يهم العميل التخيلي لأي شركة دوت كون برضه التليفون الأرضي و الفاكس و العنوان البريدي


علشان كده جت فكرة المكتب التخيلي , فبدل ما بالإضافة لتكاليف ترخيص الشركة في تكاليف تأسيس مقر يعني ايجار مكتب و تدخل تليفون ارضي وفاكس و كمبيوتر وتعين سكيرتيرة تدفع لها الشيئ الفلاني وأنت لسه على البر مش عارف حتعرف تلم فلوسك و تكسب وألا لا , فحضرتك تأجر مكتب تخيلي من شركة متخصصة في كده كل اللي هي بتعمله إن عندها call center فيه بنات قاعدة على التليفونات لما حد بيكلمك على التليفون اللي هو النمرة اللي اجرتها و دي بتبقى بتاعتك لوحدك ومثلا لو كان اسم شركتك xxx فلو عميل كلمك على النمرة اللي انت اجرتها و حاطيتها على كارتك الشخصي و موقعك
حيلاقي بنت بترد -hello XXX may i help u ??? وتاخد منه كل اللي هو عاوزة و تقريبا المكالمة بتتسجل و تبعتهالك ونفس البنت لو عميل تاني كلم نمرة تانية تخيلية حترد تقول -hello yyy may i help u ?

وهكذا , إنما المكتب التخيلي مش نشاط تجاري في حد ذاته ده بديل للمقر
للمزيد اقرا دي

http://en.wikipedia.org/wiki/Virtual_office

حضرتك دائما تشير انه مش مهم راس مال كبير بس المهم يكون معاك راس مال بس انت كنت قولت علي الارقام المطلوبه لعمل استثمار 500 الف لو مش معاك شركاء ماليزيين و 300 لو معاك شركاء ؟ طيب ممكن نعرف راس المال الصغير ده ممكن يكون قد ايه؟؟
دائما اسألك علي ايجار المحالات اسعاره وهل ينفع سبب للاقامه ولا لا علشان ده اقل حاجه للاستثمار بدل من الشركات وكمان بدل من المكتب التخيلي الي مش سبب للاقامه
ياريت لو توضحلنا النقطه دي ولك جزيل الشكر .....

هما منى عينهم حد يجي يستثمر و يعمل مشاريع , بس هما حاطين القوانين علشان هما جغرافيا واقعين في وسط دول فقيرة , فمش عاوزين اي صايع يدخل البلد على انه مستثمر و هو مش لاقي ياكل !

علشان انا فاهمهم بقولك سيبك من الأرقام اللي هما حاطينها بس المهم تكون جد في انك تفتح مشروع في البلد ان شاءالله يكون راس مالك 50 الف المهم لما يجي التفتيش عليك تكون شغال و بعد سنة يلاقوا ارباح ياخدوا منها ضرايب
انما خد بالك البداية مكلفة ولو معاك اسرة حتبقى مكلفة اكتر
في تكاليف محامي و في تكاليف تسجيل الشركة وفي تكاليف الهجرة وتكاليف ايجار شقة وتكاليف ايجار مكتب وعربية غالبا

بس برضه كل التكاليف دي ارخص من تكاليف الهجرة لكندا واستراليا واحسبها بالورقة و القلم

موضوع جامد جدا ...... شكرا جزيلا ..... العوا أحسن ناس :)))))

بس سؤال

يبقى قد ايه متوسط الدخل الشهرى اللى يعيش اسرة مكونة من زوج و زوجة و طفل صغير ...... فى مستوى كويس ؟؟؟؟؟

طبعا داخل فيه السكن و الأنتقالات و الفسح و كل حاجة

طبعا العوا احسن ناس , ده كفاية انه اسكندراني زيي !

لو على الوظيفة يبقى البداية بحد ادنى 5000 رينجت ( 10 الاف مصري) كويس قوي , ده لو معندكش عيال في مدارس لإن المدارس الخاصة مكلفة

ياراجل ياطيب خليت العصفور تزقزق تانى فى دماغى فى موضوع السفر بموضوعك الشيق ده

هتعبك معى بكام سوال

ايه متطلبات السفر لكينيا لو عندك معلومات و هل فيه عقبات فى الاقامة هناك و ايه التجارات و الانشاطات الرائجة هناك و هل اقدر اعمل شركة وهمية هناك و لا غير مصرح

و ليه انت مرحتش كينيا او بمعنى تانى فضلت ماليزيا عنها

و كل سنة و انت طيب

لا رايح ان شاءالله , دي في دماغي جدا بس الأول أظبط الأمور هنا أنا شركتي لسه جديدة وصعب أتوسع دلوقتي خالص
أما ليه فضلت ماليزيا , علشان المعلومات عنها أكتر بكتير على الإنترنت فبسهولة استنتجت ان ده مكان مناسب لتمركز الأسرة من حيث التعليم و الصحة و كمان الفسح , انما انا ان شاءالله مش حبقى لازق في ماليزيا بس حكون مطمن على العيال فيها لو سبتهم وسافرت

فعلا بضم للاستاذ مكة
لية حضرتك مرحتش كينيا وهى فرصة كبيرة لعمل فلوس زى ما قلت ؟
واية اقل راس مال لو معايا اقدر افكر انى اعمل بية مشروع فى ماليزيا وكينيا لو عندك معلومات عنها
واسمحلى اسجل اعجابى بدماغ حضرتك

لا كينيا مدرستهاش قوي كده بس اكيد راس المال المطلوب حيكون أقل من ماليزيا , ماليزيا مصروفات التأسيس عالية شوية , المحامي بتاعي عنده فروع في المانيا وانجلترا و جنوب افريقيا ( هو متخصص بس في تأسيس الشركات) بقولي أن مصاريف التأسيس في انجلترا ارخص من ماليزيا ( بس طبعا انجلترا حتستثمر فيها في ايه ؟؟؟ )

[aliabutaleb]

موضوع أكتر من رائع يا أبو رقية
من روعته زمانه ابتدى يتسرق في المنتديات خلاص :)

[abou_ruqi]

موضوع أكتر من رائع يا أبو رقية
من روعته زمانه ابتدى يتسرق في المنتديات خلاص :)

ده يبقى وقعته سودا اللي حينقله ده حصرى لرجاله نايل موتورز
ده كفاية اللي بيقروا ويمشوا عارفهم واحد واحد وحجيبهم حجيبهم

[تامر.محمد]

اسف قصدي 6 ابريل

انا على فكرة ما كنتش من محبيهم ولا من راغبيهم ولا ولا ولا , كنت عادي يعني لا محب ولا كاره , و لو اتهاجموا بدليل عليه القيمة كنت هابقى اول من يتبرأ منهم , لكن هما اللي عملوا منهم ابطال بمهاجمتهم بدون دليل بالطريقة دي , نفس طريقة امن الدولة مع الاخوان اللي لهم علاقات بالحرس الثوري الايراني و السلفيين اللي لهم علاقات بآل سعود

[Gelgel2004]

السلام عليكم
الله ينور يا باشا
ده موش تقرير
دا مرجع شامل كامل وافى لاحق و كل حاجه
تسلم الايادى

[islamnabil]

جزاك الله خيرا على المجهود
و ياريت لو امكن لمحات من وحي تجربتك الشخصية

[abou_ruqi]

ما هو الموضوع كله تجربة شخصية ، قصدك ايه؟

[akramlail]

استحمل غباءنا شوية ورزالتنا يا ابو رقية معلش
يعنى انا لو معايا راس مال 50 الف دة غير مصاريف معيشتى هناك اقدر اروح اعمل مشروع صغير وينجح ؟
وبنفس المبلغ دة ينفع بردة فى كينيا ؟
والمجالات اللى تنفع فى حدود المبلغ دة زى اية مثلا
ادينا بصيص من الامل ان الواحد يفحت نفسة هنا واول مايكون مبلغ محترم يقدر يكبر بية برة ولا دى احلام يقظة ولا اية

[islamnabil]

انا قصدي يعني حضرتك بدأت ازاي هناك
و هل كان عندك معرفة بحد هناك من قبل
و مجال شركتك هل كان نفسه في مصر ام بدأت نشاط جديد
لا اقصد التطفل و لكن فقط لتقدير مدى امكانية اتباع نفس الخطوات

[abou_ruqi]

استحمل غباءنا شوية ورزالتنا يا ابو رقية معلش
يعنى انا لو معايا راس مال 50 الف دة غير مصاريف معيشتى هناك اقدر اروح اعمل مشروع صغير وينجح ؟
وبنفس المبلغ دة ينفع بردة فى كينيا ؟
والمجالات اللى تنفع فى حدود المبلغ دة زى اية مثلا
ادينا بصيص من الامل ان الواحد يفحت نفسة هنا واول مايكون مبلغ محترم يقدر يكبر بية برة ولا دى احلام يقظة ولا اية

بص انا مقدرش اقولك على كينيا علشان مرحتهاش بس انا متخيل ان فيها فرص حلوة
وبعدين انت حسبت مصاريف معيشتك ازاي علشان متكونش اسأت التقدير ؟
وبعدين انت بتتكلم عن خمسين الف ايه ؟

انا قصدي يعني حضرتك بدأت ازاي هناك
و هل كان عندك معرفة بحد هناك من قبل
و مجال شركتك هل كان نفسه في مصر ام بدأت نشاط جديد
لا اقصد التطفل و لكن فقط لتقدير مدى امكانية اتباع نفس الخطوات

كل الحكاية اني قررت انا ومراتي نمشي لاسباب شخصية وظروف اتعرضنالها
وساعتها بدأت اقرا عن الهجرة وحركة البشر لاني كنت عاوز مكان بموصفات خاصة لاني عندي موقف ضد امريكا وانا رحت الخليج ومريحنيش فعلشان كده فكرت بطريقة مختلفة
مطولش عليك علشان التفاصيل كتير قعدت اقرا عن ماليزيا ست شهور وبعدين سفرت زيارة علشان اتأكد من اللي قريته واحس البلد بنفسي ورحت شوفت كل الي انا عاوزة مكنتش فسحة يعني رحت مستشفيات ومدارس وحتت وسخة ومساجد واتكلمت مع الناس وزرت محامي وهيئات حكومية
ورجعت استخرت ربنا وتوكلنا على الله بدأت اصفي كل شيئ في مصر وسيلت كل حاجة راحت الثورة قامت واخرتني كام شهر وبعدين جيت وانا شغال في غير مجالي انا في مصر كنت موظف وهنا صاحب شركة تجارية

بس يا سيدي

[رزق]

إيه أخبار السيول والاعاصير والتسونامي إلخ...؟

[pro_samir]

عايز تهاجر بجد سيبك من امريكا وكندا واستراليا وتعال ماليزيا - موقع الدي في دي العربي - DVD4ARAB.MAKTOOB.COM

[MTAK]

عايز تهاجر بجد سيبك من امريكا وكندا واستراليا وتعال ماليزيا - موقع الدي في دي العربي - dvd4arab.maktoob.com

الحق يا ابورقيه الموضوع تم تداوله
بس للأمانه انه لم يذكر انه من كتبه
و حاسس انه مزود حاجات صغيره

بس اللى ضحكنى تلك الجمله التى نقلها ايضا

بما اننا في منتدى سيارات فيجب التعجيل بتقرير عن السيارات في ماليزيا

80% من السيارات في ماليزيا صناعة ماليزية (والباقي تويوتا )
يوجد في ماليزيا اربع شركات تصنيع و تجميع سيارت