ماليزيا بعين المقيم

[M7amD_7amDy]

تقرير جااااااامد جدااا بحييك عليه يا أبو رقية

انا كنت أعرف ان ماليزيا حلوة بس مكنتش اعرف انها حلوة أوى كده

ألف شكر يازعيم

ومنتظر موضوع السياحه هناك عشان دا الى هيفيد اغلبنا بجد
من اسبوع لاسبوعين شهر عسل.. ياريت يا ابو رقيه تبقى تظبطلنا موضوع السياحه دا وتقلنا تقريبا يتكلف كام لفردين وافضل برنامج ممكن...

+ 1

وأنا كمان منتظر

[ahmed1981]

موضوع ممتاز
بارك الله فيك
وجزاك الله خيراً


-*

[abou_ruqi]

تمام ده اللى اقصده فيزا العمل تبع شركه ويبقى معاك تصريح عمل تقدر تشتغل بيه ولا هو فيزا العمل مكتوب فيها الجهه اللى انت بتشتغل فيها ومتقدرش تشتغل فى جهه غيرها

وبالنسبه للجمله الاخيره دى مش فاهمها

لا عادي تشتغل في اي حتة
هنا نظامهم زي اوروبا مش زي الخليج نظام كفيل او تبقى مربوط على شركة ولما تسيبها تعملها اقامة جديدة والكلام ده

أستاذ خالد أبورقية

جزاكم الله خير الجزاء وجعله في ميزان حسناتك ونفع بك المسلمين وبارك لك في رزقك وأهلك وعافيتك.

سؤال صغير فقط للتوضيح:

المعلومات على الموقع تقول:

applicants aged below 50 years are required to show proof of liquid assets worth a minimum of rm500,000 and offshore income of rm10,000 per month. For certified copy(s) of current account submitted as financial proof, applicants must provide the latest 3 months’ statement with each month’s credit balance of rm 500,000.


وفي حالة القبول:

Open a fixed deposit account of rm300,000.00.

* after a period of one year, the participant can withdraw up to rm150,000.00 for approved expenses relating to house purchase, education for children in malaysia and medical purposes.

* must maintain a minimum balance of rm150,000.00 from second year onwards and throughout stay in malaysia under this programme.


وحضرتك تقول:




انا ملاحظان الكلام بتاع الموقع عن الاشخاص تحت الخمسين بينما الاقتباس من كلامي عن اشخاص فوق الخمسين
انما بصفة عامة الكلام عن الارقام في نظام mm2h ان مش متابع الجديد فيه لانه كان اول حاجة قاريت فيها وعرفت انه ما ينفعنيش

وعليه فاي معلومة تقراها في المواقع اللي انا بحطها هي اكيد ادق من اللي انا بقوله من الذاكرة


والدولار يساوي 3 رينجيت تقريبا

فأي القولين أصح?

بارك الله فيك وجزاكم الله خيرا

[abou_ruqi]

اهنيك على تقريرك الرائع ي ابو رقيه .. ياريت كملنا المهم بقى بالتفصيل و بعد ما الثلاثه شهور يخلصوا ؟ وايه انواع الاقامه والولايات الي تعتبر جاذبه للمهاجرين ؟ وطبيعه وانواع العمل ؟ واسعار ايجار الشقق للمهاجرين الجدد لو استديو واسعار ايجار المحالات او التمليك وفرص العمل في الوظائف ولا في الاستثمار ؟

منتظرين باقي التقرير ....

انا اسف اني مرديتش على مشركتك

بعد ما 3 شهور فيزا السياحة اللي بتاخدها من أمطار ما يخلصوا واذا لم توفق اوضاعك وتحصل على تصريح العمل فطبعا لابد وان تغادر البلاد

انواع الاقامات ما انا قلتها معظم الطرق بتؤدي لاقامة مؤقته وتصريح عمل

اكبر ولاية جاذبة للوافدين هي العاصمة كوالامبور ثم ميناء ماليزيا جهور باهرو
ثم الولايتين السياحيتين بينيج ولانكاوي

طبيعة العمل ، هنا يوجد كل شيئ
ماليزيا مركز تجاري كبير
ودولة سياحية من ألطراز الاول
ودولة صناعية من الطراز الاول
ودولة زراعية من الطراز الاول

اما اسعار العقارات ، انا حاطت اكبر موقع بحث عن العقارات علشان تطلعوا على ألاسعار لما اتكلمت عن السكن

اتمنى ان اكون اجبتك عن اسألتك

[dode2002]

تقرير رائع
ونيتك ارجوا من الله ان تكون خالصة لوجهه وجزاك الله عنها خيرا
سؤال
ماهي فرص الاستثمار في ماليزيا وبمعني ادق ماهي المشاريع التي تصلح في البلد
وهل مبلغ 500000 خمسمائة الف جنية تكفي لعمل مشروع استثماري هناك

[wael17]

بصراحة موضوعك أكثر من رائع و اي حد عايز يعرف معلومات عن ماليزيا هيلاقي كل حاجة في موضوعك

اما الجيش الماليزي فهو الأعلى تسليحا في كل جنوب شرق اسيا وله يد طولى بدليل تهديد مهاتير للأمم المتحدة بالتدخل والا تدخلت ماليزيا عسكريا في حرب البوسنة و الهرسك ,ولم يكن رجل مثل هذا يقول مثل هذا التهديد إلا لو كان قادرا عليه

أنا عندي تساؤل علي النقطة لان قبل كده اختلفت مع احد اعضاء المنتدي بخصوص ان ماليزيا هددت بدخول حرب البوسنة

علي حد علمي ماليزيا لا تملك امكانيات لوجيستية مثل حاملات الطائرات لنقل قواتها من جنوب شرق اسيا الي مسرح قتال في اوروبا
و عندما بحثت علي الانترنت لم اجد اي شيء عن تهديد ماليزيا بدخول حرب البوسنة
ممكن تكون المعلومة صحيحة بس انا مش عارف اوصلها
و بما ان حضرتك في ماليزيا ممكن التحقق من المعلومة دي بسهولة

[abou_ruqi]

تقرير رائع
ونيتك ارجوا من الله ان تكون خالصة لوجهه وجزاك الله عنها خيرا
سؤال
ماهي فرص الاستثمار في ماليزيا وبمعني ادق ماهي المشاريع التي تصلح في البلد
وهل مبلغ 500000 خمسمائة الف جنية تكفي لعمل مشروع استثماري هناك

اشكرك جزيل الشكر
انت اول واحد يسأل صميم اهتمامي

ايوه طبعا ربع مليون رينجت هو مبلغ جيد جدا للبداية
بتفكر في ايه ؟ او تخصصك ايه ؟

[misoalex]

طب و حوارات النصب اللى هنا والناس اللى بتحب تفتى فى كل حاجه زى الصنايعيه والبضاعه المغشوشه والكلام ده ايه نظامه هناك يا ابو رقيه

[abou_ruqi]

بصراحة موضوعك أكثر من رائع و اي حد عايز يعرف معلومات عن ماليزيا هيلاقي كل حاجة في موضوعك



أنا عندي تساؤل علي النقطة لان قبل كده اختلفت مع احد اعضاء المنتدي بخصوص ان ماليزيا هددت بدخول حرب البوسنة

علي حد علمي ماليزيا لا تملك امكانيات لوجيستية مثل حاملات الطائرات لنقل قواتها من جنوب شرق اسيا الي مسرح قتال في اوروبا
و عندما بحثت علي الانترنت لم اجد اي شيء عن تهديد ماليزيا بدخول حرب البوسنة
ممكن تكون المعلومة صحيحة بس انا مش عارف اوصلها
و بما ان حضرتك في ماليزيا ممكن التحقق من المعلومة دي بسهولة

ما هو علشان انا في ماليزيا فانا عرفت المعلومة
هو كان متخيل اول ما يقول يا عرب البحر المتوسط ساعدوني كلهم حيجروا يدولوا قواعد في بلدهم سواء مصر او سوريا

يا عيني مايعرفش الخيبة

[abou_ruqi]

طب و حوارات النصب اللى هنا والناس اللى بتحب تفتى فى كل حاجه زى الصنايعيه والبضاعه المغشوشه والكلام ده ايه نظامه هناك يا ابو رقيه

اسألتك عجيبة قوي يا خميس !
في اي حتة في الدنيا في نصابين طبعا ولازم تخلي بالك مافيهاش كلام

[abou_ruqi]

بالنسبة للي بيفكر يجي للاستثمار لازم يدخل على الموقع ده وهو موقع حكومي وباللغة العربية

http://www.mida.gov.my/arabic/index.php

[solyahmed]

انا اسف اني مرديتش على مشركتك

بعد ما 3 شهور فيزا السياحة اللي بتاخدها من أمطار ما يخلصوا واذا لم توفق اوضاعك وتحصل على تصريح العمل فطبعا لابد وان تغادر البلاد

انواع الاقامات ما انا قلتها معظم الطرق بتؤدي لاقامة مؤقته وتصريح عمل

اكبر ولاية جاذبة للوافدين هي العاصمة كوالامبور ثم ميناء ماليزيا جهور باهرو
ثم الولايتين السياحيتين بينيج ولانكاوي

طبيعة العمل ، هنا يوجد كل شيئ
ماليزيا مركز تجاري كبير
ودولة سياحية من ألطراز الاول
ودولة صناعية من الطراز الاول
ودولة زراعية من الطراز الاول

اما اسعار العقارات ، انا حاطت اكبر موقع بحث عن العقارات علشان تطلعوا على ألاسعار لما اتكلمت عن السكن

اتمنى ان اكون اجبتك عن اسألتك

شكرا لك يا استاذ خالد .. ولكن في بعض التوضيح اللي عايز شرح من حضرتك الطرق اللي حضرتك قولت عليها للاقامه عديده وشرحك جميل ولكنه اكاديمي بعض الشئ وتعتريه صعاب كثيرة تغلق الباب تمام ونحن نستفسر عن الواقع الفعلي والطرق والاساليب السهله بعض الشئ

مثال لواحد بيبدأ حياة جديده في بلد جديد جيجيب منين مالزيين يشاركوه وهو اصلا ما يعرفش حد علشان يخفض المبلغ المطلوب للاستثمار ومش حيعرف يستثمر لواحده وهو لس مش عارف في البلد بالاضافه الي المبلغ اللي حضرتك قولت عليه كبير

موضوع اني ادور علي النت واخذ مواعيد واروح صعب اني اجمعها في ميعاد واحد وزي ما حضرتك قولت الميل وصلك بعد ما رجعت مصر

الجميل في الهجره لامريكا وكندا واوربا انك ممكن تشتغل اي حاجه لغايه ما تظبط اوضاعك وتلاقي حاجه كويسه وهذا اللي حضرتك لم تشر اليه يعني اللي جاي زياره ممكن يدور علي وظائف بسيطه مطعم فندق بنزينه سواق اي حاجه زي كده لغايه لما يلاقي حاجه وهل ده ممكن يوفر له اقامه ولا لا وايجار المحالات بكام لل عايز يعمل مشروع صغير ؟ وهل ممكن ولا لا ينفع يأجر ولا ممنوع علشان معهوش اقامه ولو اجر ده سبب للاقامه ؟

انا قصدي تعرفنا طرق فعليه ابسط للاقامه والعمل لا يعتمد على مبالغ كبيره ولا وظائف انترناشيونال .. يعني في ناس راحت امريكا ولا هي شغاله في وظائف معينه كبيره ولا معاها فلوس كتيره كمان وربنا كرمهم وبنوا نفسهم وعملوا فلوس ومشاريع

فهل ده ممكن في ماليزيا ولا لا ؟؟؟؟
وشكرااا تاني لك وعلى فكره احنا اسكندرنيه زي بعض فمشاركتي يكون لها الاولويه عندك

بهزر طبعااااااِ

[misoalex]

اسألتك عجيبة قوي يا خميس !
في اي حتة في الدنيا في نصابين طبعا ولازم تخلي بالك مافيهاش كلام

لازم تكون غريبه نحن نختلف عن الاخرون

[abou_ruqi]

بص الموضوع القانوني ، مفيهوش مشاكل خالص بالنسبة لتأسيس مشروع في وجود شريك ماليزي او من غير
بس المهم تكون ناوي تشتغل بجد مش تكون الشركة سكة للاقامة وبعدين تقفلها وتدور على شغل

اما موضع الشغل في بينزينة والكلام بتاع امريكا ده هنا بيعملوه بتوع بنجلاديش ونيبال وانت استحالة توافق على مرتبتهم ده غير ان هنا مفيش بقشيش

مرة كمان
كل بلد ليه خصوصيته
ماليزيا مش بلد اللي مش معاه راس مال ولو صغير
او مش بلد الخبير في شغلته

انما عاوز تبتدي صغير اشتغل في مجالك بمرتب صغير قوى لحد ما تلاقي فرصتك في شركة كبير بمرتب كبير لكن متقوليش بنزينة وكده في بلد حر زي دي

[mahmoudysf]

جزاك الله خيرا
فعلا معلومات مفيدة خصوصا عن موضوع الاسثمار والهجرة
فيه سؤال لحضرتك
انا شوفت مشاركة ليك كاتب فيها ان فيه ناظر مدرسة مصري
بما اني مدرس ايه فرص المدرسين هناك
ومفيش من شغلانة الناظر دي هههههههه