اثنين حينفصلوا او بمعني اوضح حيطلقوا بسبب.......

[marimmarum]

لكن دلوقتي اهل الزوج بيجيبواللوم علية لانة كان بيدلعها وهي متستحقش وهو بيقول,انا كنت بعمل كدة,لان حديث الرسول,خيركم خيركم لاهلة واستوصوا,بالنساء خيرا

[nonetta]

خلاصة تجربتى الشخصية فى مشكلة من نفس النوع بالضبط مع مراتى

سابت البيت وانا حلفت على نفسى وقلت مفيش غير حلين يا اما ترجع لوحدها مهما طال الزمن انا نفسى طويل جدا يا تطلق وهيا الى تحتار انا قابل بأى وضع انا سايب وهيا الى مربوطه وعلى فكره عندى منها ولد وبنت واهلها عامو على عومها برضه لاكتر من شهرين وفى الاخر ساقو طوب الارض عشان اجى اخدها ونا حاسم امرى دون تردد وفى الاخر ابن عمى جه حلف عليا انه يروح يجبها بدون حضورى وفعلا جت زى البوبى وربنا يهدى ويصلخ الحال

خلاصة الكلام يطنش ويسيبها لحد ماتستوى على نار هاديه ......... والله المستعان

هوا دة الكلام التمام الله ينور عليك
محدش يستغرب ان دة رأيي عشان انا ست
انا ما بيعجبنيش الحال المايل ولا الست اللي بتدلع
طالما اتجوزت تبقى اد المسئولية
خلاص خلص دلع البنات

[maka]

الغلط فيه هو لانها علشان مشكلة هايفة زى ما بيتقول تسيب البيت و هو بعد يومين يسال عليها يبقى هو الغلطان

المفروض ينبه عليها مش كل حاجة بتتحكى و مش كل الاحداث مادة للكلام مع الغير

اللى مفروض يتعمل حاجتين التجاهل التام لفترة و لتكون 15 يوم او شهر مكنش يفهم حد بطريقة او باخرى انه عاوز يتجوز تانى لانه حاسس انه اتظلم فى الجوازة الاولى

[omaroof]

دائما وابد معظم المشاكل بتيجى لما البنت تحكى مشاكل بيتها لامها او اختها
وتأكدو ان المشكله مهما كانت لو طلعت بره البيت بتبقى مصيبه
1- اختها او امها ممكن تحاول تخليها تتحكم فى جوزها او تتخن ودنها
2- بتلاقى ناس تساندها حتى وهى غلط ودى مصيبه
3- بيبقى عنوان المشكله لو ماجاش غصب عنه انتى حامل وحاضنه وممكن تاخدى الشقه منه والكلام العبيط ده
الحل ايه؟؟؟؟؟؟؟؟؟؟؟؟؟؟؟؟؟؟؟
التكلم مع العقلاء فى العيله والتشديد على عدم خروج اى كلام داخل البيت للناس حتى امها واخواتها
فى حالة العوج والاستعباط والكدب زى ماحصل
الفراق بالمعروف وريح دماغك من اولها ( انا عارف ان الموضوع موش سهل )
بس دى لسه حامل وبتكدب وكل اسرار البيت بره فما بالك بعد ماتجيب عيلين تلاته

[أحمد كمال]

انا مع الاراء الاتية

1- خرجت لوحدها من غير ما حد يغلط فيها و لا يطردها يبقى ترجع لوحدها ما رجعتش تولع .....

2- جمد قلبك و اشرب بيريل و قول هووووووب و ما تعبرهاش ....... لو سالت فيها هتركب اكتر ......

3- الطلاق مش دايما حاجة وحشة

[A.Saad]

بس دى لسه حامل وبتكدب وكل اسرار البيت بره فما بالك بعد ماتجيب عيلين تلاته

عندك حق
يبقى لو رجعت
الزوج يأجل الانجاب كام سنة بعد الولادة علشان نعرف هتتصلح ولا لا
اتصلحت يبقى ماشى
مش اتصلحت
يبقى يشرب بيريل

[AshTurbo]

واضح أن مشكلتها التربية الغلط والأفراط في الدلع وبالتالي لازم هو يربيها من جديد مش يربيها بمعنى القسوة والغلظة ولكن تربية بحزم يعني يعلمها تحمل المسئولية تجاهه وتجاه أطفاله ويبدأ يطبعها بطباعه علشان تتعود عليه وعلى الحياة الأسرية ....

هو أستسهل ومتعبش في الأول وأختار زوجة بسرعة من غير مايدرسها كويس يبقى لازم يتعب علشان يصلح غلطته ويعيش مرتاح بعد كدة وأي مشكلة في الدنيا ليها حل لو فكرنا صح وفهمنا أسباب المشكلة وعالجناها صح .

عمر الجواز ما كان شيء سهل الجواز ده مشروع حياة دة اللي بيفكر يعمل مشروع بسيط بيروح يعمله دراسة جدوى علشان يضمن نجاح المشروع ويضمن أنه هيكسب من وراه فمبالكم بقى بمشروع الحياة كلها .

[shaddadfalcon1]

الزوج راجل شكله محترم واللي بيعمله عين العقل
الزوجه شكلها دلوعة امها ومش بتخبي حاجه عليها ودي مشكله كبيره والأهل مقوينها يبقي الحل الفصل التام بين الزوجه واهلها وليها صلة الرحم فقط
ثانيا: شغلها ده برده مقويها وخصوصا ان ليها مرتب كبير زي مابتقولي وبالتالي جايز حاسه انها مستقله بزاتها او مسترجله ومش محتاجاله في حاجه وجايز ده اللي بيوصلها احساس انه بخيل لانها مش بتطلب منه حاجه وبالتالي مع الوقت هتبتدي تحس انه هو اللي مش بيديها حاجه ده غير ان شغلها ماثر علي بيتها يبقي تسيب شغلها ده خالص لحد ماتعرف تصون بيتها وجوزها الأول

اخوكي او قريبك يسيبها في بيت ابوها يدلعوها كيفما شاءو وميجبش سيرة الطلاق خالص ويقولهم انه هيتجوز لو مرجعتش وانه هيثبت انها ناشز عشان ثابت البيت ومش عايز ترجع وفي الأخر مهما وصل عند الأهل لازم هينخو عشان بنتهم

الزوج بيدخل الجواز ويطلع منه فابريكه ومش فارقه معاه حاجه وميعيبوش انه متجوز او مطلق وهي اللي هنحتاس ويطلع عينها وساعتها يبقي اهلها وشغلها ينفعوها

[marimmarum]

قبل الجواز كانت الدنيا كويسة ومكنش عمرة ما بيقول ان حد بيدخل في حياتة وكانت والدتها في صفة وبتحسسة انها معاة في كلامة
ومراتة كانت بتقولة انا عمر ما اختي باتت برة البيت ابدا مهما كان في زعل بينها وبين جوزها
ولما حصلت المشكلة دي وفكرهم بالكلام دة قالوا فعلا عمرها ما باتت برة بس دة لان لما كانت تحصل مشكلة وتروح لاهلها كانت جوزها ميبتش في بيتة غير لما يروح يصالحها من بيت اهلها ويتكلم معاهم , وبيقولوا ان دة عرف انة يروح يصالحها وهو طبعا مش معترف ومش قابل بدة وبيقول انا مليش دعوة بجوز اختها العقل ان الخلافات جوة البيت وبس الا لو الموضوع فية اهانة كبيرة ممكن نقول معلش .

[أحمد كمال]

المشكلة انهم حطوه في موقف Make or break

لو نخ هيتركب

لو ما نخش ممكن جدا الموضوع يوصل للطلاق


الموضوع بقى عامل زي اتنين بيلعبوا Chicken مع بعض ....... دي لعبة الناس في امريكا بتلعبها ان اتنين يسوقوا العربية في وش بعض باعلى سرعة و اللي يحود يمين او شمال الاول يبقى هو ال Chicken و يخسر



مطلق راجل و لا متجوز و chicken الصراحة .......


انا اعترف اني ياما للاسف كسرت الدركسيون و كنت chicken ...... و اتركبت كتير ....... يمكن لو من الاول كنت اظهرت لا مبالاتي ماكانش اللي حصل حصل ........

[wa7d_tany]

عن تجربة شخصية

سبها ولا تعبرها والفترة دي متع نفسك وطنش وياريت لو يوصلها انك عايش حياتك ومش سائل فيها , صدقني حيسوقوا عليك طوب الارض علشان ترجعها وفي النهاية حتلاقيها رجعت لوحدها

اوعي حتي لو حد اتصل بيك من اهلها ترد اساسا متردش علي حد ولو حصل واتكلم معاك حد قلهم مش حتكلم اي كلام الا لما مراتي ترجع البيت ودي مشكلة بيني وبين مراتي محدش ليه دخل فيها ,اعمل لنفسك شخصية علشان تقدر تكمل حياتك بسلام ويكون ليك كلمه بعد كدا ومحدش يدخل فى حياتك عمال علي بطال

[zago]

روح اتجوز يا عم واحده تانيه

[waelfarid]

زمان قالو لا تذم ولا تشكر قبل سنة وست اشهر
دا علي الجواز
وماتبان البضاعة غير بعد الحبل والرضاعة
الزوجة دي واهلها مستعجلة قوي
والمثلين اللي قلتهم مش ظاهريا من ناحية الجسم فقط وانما في المعاملة والطباع لان فيه زوجات بتتمسكن لحد ماتتمكن يعني بعد ما تخلف وياسلام بقي لو مخلفة ولد تبيع وتشتري وتتلت عموما اللي يرفس النعمة ترفسه وكذلك اللي يتبطر عليها
ربنا يهدي
بدل مالبيت بتاعهم يتخرب بالطلاق بسبب فرض نفوذ علي واحد بيتقي الله في مراته بجد حاجة تزعل !!!!!!!!!!!!

[marimmarum]

بصراحو كلامكوا صح وانا مقتنعة بية جدا بس مين اللي يسمع ويفهم

[Donzi]

حديث ضعيف

فعلا ؟؟ اول مرة اسمع المعلومة دي !!

الزوج راجل شكله محترم واللي بيعمله عين العقل
الزوجه شكلها دلوعة امها ومش بتخبي حاجه عليها ودي مشكله كبيره والأهل مقوينها يبقي الحل الفصل التام بين الزوجه واهلها وليها صلة الرحم فقط
ثانيا: شغلها ده برده مقويها وخصوصا ان ليها مرتب كبير زي مابتقولي وبالتالي جايز حاسه انها مستقله بزاتها او مسترجله ومش محتاجاله في حاجه وجايز ده اللي بيوصلها احساس انه بخيل لانها مش بتطلب منه حاجه وبالتالي مع الوقت هتبتدي تحس انه هو اللي مش بيديها حاجه ده غير ان شغلها ماثر علي بيتها يبقي تسيب شغلها ده خالص لحد ماتعرف تصون بيتها وجوزها الأول

اخوكي او قريبك يسيبها في بيت ابوها يدلعوها كيفما شاءو وميجبش سيرة الطلاق خالص ويقولهم انه هيتجوز لو مرجعتش وانه هيثبت انها ناشز عشان ثابت البيت ومش عايز ترجع وفي الأخر مهما وصل عند الأهل لازم هينخو عشان بنتهم

الزوج بيدخل الجواز ويطلع منه فابريكه ومش فارقه معاه حاجه وميعيبوش انه متجوز او مطلق وهي اللي هنحتاس ويطلع عينها وساعتها يبقي اهلها وشغلها ينفعوها

خلاصة تجربتى الشخصية فى مشكلة من نفس النوع بالضبط مع مراتى

سابت البيت وانا حلفت على نفسى وقلت مفيش غير حلين يا اما ترجع لوحدها مهما طال الزمن انا نفسى طويل جدا يا تطلق وهيا الى تحتار انا قابل بأى وضع انا سايب وهيا الى مربوطه وعلى فكره عندى منها ولد وبنت واهلها عامو على عومها برضه لاكتر من شهرين وفى الاخر ساقو طوب الارض عشان اجى اخدها ونا حاسم امرى دون تردد وفى الاخر ابن عمى جه حلف عليا انه يروح يجبها بدون حضورى وفعلا جت زى البوبى وربنا يهدى ويصلخ الحال

خلاصة الكلام يطنش ويسيبها لحد ماتستوى على نار هاديه ......... والله المستعان

+11111111111111111111

بالظبط كدااااااااا زي الرائيين اللي فاتو دول و مفيش حاجة زيادة تتقال