اثنين حينفصلوا او بمعني اوضح حيطلقوا بسبب.......

[cameeron]

فانا اعتقد ان الحل ذي ما كتير شاروا علية انة يسبها لحد ما,ترجع لعقلها لانها فعلا مدلعة اوي وجوازهم لسة اصلا,مكملش سنة ولو رجعت لعقلها,خلاص ولو مرجعتش هيا اللي خسرانة اكتر وبعدين كفاية انها ضيعت فرحتوا باول طفل ليهم ,,, بصراحة الظلم وحش في اي حال من الاحوال.

فعلا هى دى الخلاصة و مالهاش حل تانى لو انا فى مكانه هاعمل كده بالظبط

[zago]

زمان قالو لا تذم ولا تشكر قبل سنة وست اشهر
دا علي الجواز
وماتبان البضاعة غير بعد الحبل والرضاعة

اموت واعرف بيجيبوا الكلام ده من فين
:)
بس انا شايفه صح مليون في المليون

[tareksakr]

من خبرة سنين في مشاكل الازواج افضل وأسلم حل هو التجاهل التام للزوجة واهلها وكلمة وردغطاها يا ترجع يا تخلع والناس اللي زي دي اللي تبقي شايفة الحق وتحيد عنه ما يستاهلوش واحد زيه حصلت ادامي مواقف مشابهة كتير جدا ولما الزوج بيطنش ولا يسال او يعبر نسايبه والله بيسوقوا عليه طوب الارض عشان يرجعها وترجع بشروطه هو فيتوكل علي الله ويسيبها شوية حلوين بس يكون صبور ونفسه طويل وفي نفس الوقت حازم جدا يا ترجع يا تخلع

[marimmarum]

انا خليتة دلوقتي يقرا كل المشاركات بنفسة لان فعلا ما خاب من استخار الخالق واستشار الخلق وهو حيعمل اللي نصحتوة بية وربنا يهيديها ويرشدها للصواب

[Donzi]

انا خليتة دلوقتي يقرا كل المشاركات بنفسة لان فعلا ما خاب من استخار الخالق واستشار الخلق وهو حيعمل اللي نصحتوة بية وربنا يهيديها ويرشدها للصواب

ربنا يهديه للي فيه الخير و الصالح ان شاء الله

و خليه يدعي ربنا كتيييييييييييير انه يهديلو زوجته و ان شاء الله ربنا يستجيب و ماتوصلش لطلاق

[marimmarum]

علي فكرة هو بيقول ليا ان كلامكوا عاقل وحكيم جدا وحاسيس انكو بتنصحوة بصدق فقلي بجد هو دة الشعب المصري واد اية انة شعب طيب وجميل وبيشكركوا بجد وبيقولكوا ادعولة ان ربنا يرشدة للي فية الخير لة وجزاكم الله خيرا كثيرا

[adel1212]

علي فكرة هو بيقول ليا ان كلامكوا عاقل وحكيم جدا وحاسيس انكو بتنصحوة بصدق فقلي بجد هو دة الشعب المصري واد اية انة شعب طيب وجميل وبيشكركوا بجد وبيقولكوا ادعولة ان ربنا يرشدة للي فية الخير لة وجزاكم الله خيرا كثيرا

تمام كده انه يعرف الاراء كلها من ناس شايفين المشكلة من الخارج
و اللى ميحطنيش تاج فوق راسه ما احطهوش ........ فى رجلى
تحياتى

[Ghamrawy]

المشكلة انهم حطوه في موقف make or break

لو نخ هيتركب

لو ما نخش ممكن جدا الموضوع يوصل للطلاق


الموضوع بقى عامل زي اتنين بيلعبوا chicken مع بعض ....... دي لعبة الناس في امريكا بتلعبها ان اتنين يسوقوا العربية في وش بعض باعلى سرعة و اللي يحود يمين او شمال الاول يبقى هو ال chicken و يخسر



مطلق راجل و لا متجوز و chicken الصراحة .......


انا اعترف اني ياما للاسف كسرت الدركسيون و كنت chicken ...... و اتركبت كتير ....... يمكن لو من الاول كنت اظهرت لا مبالاتي ماكانش اللي حصل حصل ........

انا العكس
انا غلاستى و عدم قدرتها ولا قدرة اهلها على التحكم و السيطرة عليا هى اللى خلت اللى حصل حصل مع انى كنت باتنازل عن حاجات فيها راحتى زى الاكل و مواعيد رجعوعها من المحروق الشغل و خروجاتها السخيفة مع امها يوم الجمعة و لو مش عاجبك بروجرام اليوم خليك مع حالك
غير كده كانت الحياة سخيفة...اعوذ بالله ربنا ما يرجعها ايام
الطلاق فى حالة اخونا هنا هو الحل الامثل و كفاية انه يقدم تنازلات و كفاية رضا بمهاجمة اهلها ليه

[Al-Farooq]

مهلة يومين
وبعدين
ورقتها تحصلها
تحياتى

يحذرها الأول قبل الكلام دة هيحصل ، انه هيعمل كذا وكذا وان ده حقه ...

ملحوظة :- هي تعتبر ناشز ملهاش حق انه يصرف عليها ، وممكن يرجعها البيت بالمحكمة ،
دة إذا طلقها طبقاً للشريعة عدتها بتكون فى بيت زوجها لحد ما تخلص فترة العدة كلها !!
وهو كل ما تحصل مشكلة تروح عند بيت أهلها ، لا خليها هناك علطول بقي ، واتجوز تاني لو الموضوع لاقدر الله تطور ، وعلى العموم هو له 4 ...

قبل كدة الهيصة دي ، لازم ياخد إجراءاته السلمية كلها اولاً ، ويكلم أهلها ويجي على نفسه شوية ، ويحاول يرجعها بأي طريقة ، ولما ترجع يحط لها النقط على الحروف فى وقت مناسب ، بحيث الموال دة ينتهي ومش كل مشكله تلاقيها عند بيت اهلها و سيرته تبقي عند الناس على كل صغيرة وكبيرة ...

[M.Elgergawy]

هو مش غلطان وهيا لازم تعقل وترجع

[samyyousef]

السلام عليكم
يجب ملاحظة أن هناك طفل في الطريق...و من الواضح أنه أول طفل
ترك الأمور معلقة يزيدها صعوبة
يفضل معالجة الأمور قبل استحكام الخلف........فالآية الكريم تقول ( فإن خفتم شقاق )
بعض المشاركين إقترحوا الطلاق.......و أقول هنا أن صاحب الشأن قبل أن يلجأ اليه...يجب أن يكون على علم تام بعواقب الطلاق.............و أصعب هذه العواقب أنه و في ظل القوانين الحالية - للأسف - لن يرى ابنه أو بنته الابصعوبة و في ظروف قاسية و سيكره رؤيته مما سيراه في هذه الرؤية............ناهيك عن ملاحقته بالقضايا بكافة أنواعها
لذلك أنا أنصحه بالتروي
أنصحه بأن يبحث عن حكم من أهلها و حكم من أهله ( كما دلنا القرآن الكريم )
أما لو استحكم الخلاف و تعذر الصلح فإني أنصحه نصيحه لوجه الله أن يسرحها بإحسان و بتسامح وصولا الى إتفاق متحضر - بعيدا عن المحاكم و القضايا - ينظم كيفية التعامل مع الصغير و رؤيته و الانفاق عليه

[yoko]

مينفعش تحكموا من وجهة نظر واحده لو من وجهة نظروا وحكايته هتطلع هيا غلطانه
ولو هيا حكت هيطلع هو غلطان
لازم حد يكون عاقل والتنين بيثقوا فيه ويسمع من التنين ويحكم ما بينهم

[magyver]

ربنا يهديهم ان شاء الله
بس اهل الزووج اية رايهم في الموضوع

[Dr.Mostafa Anwar]

تزوج عليها إذا كان عندك المقدرة المادية وستكون لك كالخاتم في إصبعك :)

[AmatoALLAH]

يالهوي طلقتوا الراجل خلاص

يا بنتي يعني من كل المنتديات كلها مش لاقيه الا هنا اعداء المراه بسبب و بدون سبب و بتكتبي المشكله

هي مش الزوجه حامل بردوا؟

ذنب ايه الولد اللي هيجي ان شاء الله ان امه عقلها علي قدها

دا اختيار الاب هو اللي يتحملوا و محدش يقول ماكنتش ظاهرة قبل الجواز و في وقت الخطوبه

كل حاجه بتبان بس احنا وقتها اللي بنستهبل و نطنش

غلطة الاب يبقي يعالجها مش يهدم الموضوع و يطلع ابنه من قبل ما يجي بدون اب

بالنسبه للزوجه , انا م متخيله يعني ايه تسيب بيتها , انا اللي اعرفه ان سيبان البيت دا لما خلاص الحياة مستحيلة و الاتنيين يكونوا اتفقوا علي الانفصال اما انها تسيبه كل ما تتئمص معلشي في الوصف مامتها معالمتهاش يعني ايه جواز و مسئولية

الحل ان الزوج مادام ماغلطتش فيها زي ما انتي بتقولي لان احنا طبعا ماتعرفش ايه السبب انه مادام حاول معها مره و اتنيين يبقي مايحاولش تاني و هي زي ما سابت بيتها ترجعه تاني و دا مايقللش من كرامتها و لا الكلام النيله الي بيتقال دا

حتي لو الموضوع اخد شهور يثبت علي موقفه بس زي ما قلت لو الموضوع طول مش معني كده ان يتخلي عن ابنه , مصاريف الدكتور او اشعات او ولادة لازم هو يتحملها , مش هقول مصاريفها هي , لانها مش من حقها علي الوصف اللي قلتي عليه انه يديها مصروف بس لو من باب الاصول اللي مابئتش موجودة للاسف انه يديها

مايردش علي مكالماتها و لامكالمات اهلها , يبعت لها مسج انه اي حاجه البابي محتاجها تبعتله اللي هي محتاجا اما كلام و سلام يقطعه تماما

حاجه من الاتنين لو هي بنت ناس و اهلها يعرفوا الاصول من نفسهم هما اللي هيودوها بيتها اما لو غير كده يبقي هيقوها اكتر و اكتر و البيت هيتخرب و اللي هيضيع لا الزوجه و لا الزوج الي هيضيع هو الولد

علشان كده لازم لما يقرر هو هيعمل ايه يكون عارف رد الفعل

و يدعي في صلاته ان ربنا يهديها و تعقل و يجعلها زوجه صالحه والله ربنا قادر علي كده و يطلع صدقه بالنيه دي كل يوم حتي لو جنيه واحد يوميا

بجد قلبي بيوجعني لما اشوف اتنين هينفصلوا و فيه بينهم اولاد

للاسف احنا بنسيئ الاختيار و اللي بيتحمل مسئولية سوء الاختيار هما ولادنا و صباااااح العقد

و كلامي دا بناءا علي ان الزوج مش غلطان علشان ماكونش ظلمت الزوجه لاني ماسمعتش منها هي كمان