خطيبتى خانتنى...موقف صعب أتمنى المساعدة

[ahmed4000]

ايوه كده رااااااجل
وحتتعوض بياحسن منها ان شاء الله

[sas5]

يا باشا سيبها و من غير كلام كتير ده أنا اللي ماليش دعوة بالموضوع دمي فار

ما تنفعكش و أنك تسيبها ده مكسب ليك مش خسارة ، و أفتكر أن مش كل حاجه بتضيع مننا بتبقى حاجه حلوة حتى لو أنت شايفها دلوقتي حلوه بس للأسف ممكن تبان بعدين

و بعدين ليه ما تقولش أن ربنا كشفها دلوقتي أحسن لما كنت تتجوزها و بعد كده تكتشف الموضوع ده و تبقى ساعتها كارثة

تعرف أنا فسخت خطوبتي بس مش لنفس السبب بتاعك أسباب تانيه كانت عبارة عن تغيير كلام في خطة حياتنا أنا و خطيبتي - السابقة - و قلة زوق من والدها ربنا يسامحه و للأسف أنا كنت متعلق بيها جداً حوالي عشرة 8 سنين ، في وقتها كنت مذبذب جداً و سألت كل الناس ع الموضوع ده لحد لما سألت دار الإفتاء و أستقريت و ربنا هداني أني سبتها ساعتها كان صعب جداً الفراق لكن بعد كده لما هديت و فكرت تاني في الموضوع لقيت إن هو ده الصح إني أسيبها

أنا مش قصدي أقولك إني كنت حكيم و الكلام الفاضي ده لكن القصد أن الواحد ساعتها فعلاً بيبقى متذبذب جداً لكن بعدها لما بيهدى بيفكر بطريقة عقلانية أكتر و بيلاقي أن الواحد ربنا هداه للإختيار الصح

نصيحتي أنك تفسخ الخطوبة و فوراً و لو حابب تسأل أكتر في الموضوع في تليفون لدار الإفتاء ممكن تكلمهم و تسيب موضوعك و بعد ساعتين تتصل و تعرف الرد أو تروحلهم ع طول الناس هناك مريحة جداً و كده كده مش هتشوفهم تاني فممكن تتكلم بحرية تامة لكن وجة نظري الشخصية لازم تسيبها من غير تفكير

و ربنا يهديك للي فيه الخير و الأصلح ليك

اخى العزيز لاتزعل منى
بس انا شايف ان الاخ الذى سوف يتزوج خطيبتك السابقه بعد خطوبه لمده ثمانيه سنوات سوف يتظلم لان عواطفها ومشاعرها لن تكون له وسوف يكون هناك مقارنات فى المواقف بين القديم والجديد.
من الاخر سوف تكون مثل السياره المستعمله سكند هاند وانا اسف لهذا التعبير
وانا ضد المده الطويله من الخطوبه

[yousef1978]

باشا .... عمر ما عمك هيحبك اكتر من بنته

لذلك بالعقل

1- عمك اكيد مش عبيط ....... هو فاقس و هارش

2- عمك دلوقتي قدامه حلين ....... يا التار يا العار ....... قصدي يا يعمل الصح ....... يا يقلوظلك العمة

3- الصح معناه خسارة لبننه و خسارة كبيرة ........ العمة مصلحة لبنته على خسارة ليك ممكن تكون بسيطة (و ايه يعني شوية مكالمات في التليفون يعني؟؟؟؟؟) ....... مع العلم ان لو الموقف بالعكس و هو ابو العريس و عرف ان خطيبة ابنه عملت كده لو ابنه ما فسخش معاها هيقول له انت ....* ياله (كلمة من 3 حروف و مش هالمح اكتر من كده ) .......

4- اذن من المكتوب اعلاه نستنتج انه هيعمل اقصى ما في وسعه لقلوظة العمة ....... و هو خلاص اشترى المضربيطة (اسال سباك لو ما تعرفش ما هي المضربيطة) و العمة اتركبت عليها و بتتقلوظ عالمقاس ........ و هتترجلش على راسك بالملي ......


عمك عمره ما هيحط مصلحة أي إنسان - و لو نفسه مش ابن اخوه - امام مصلحة بنته ...... خليك مركز

أنا إضطريت أقرأ الموضوع كله تقريبا

بس التعليق بتاع حضرتك استفزني لأني عندي بنتين

وأعتقد إن لو أب فكر بالطريقة دي يبقى أب غبي ولا مؤاخذة

أنا بكل امانة لو لا قدر الله في موقف أبوها وعرفت اللي حصل كنت هأرفض تماما إن الجوازة تتم لأنها لا في مصلحة الولد - بغض النظر عن إنه ابن أخي - ولا في مصلحة بنتي

هأستفيد إيه انا لما بنتي تتجوز وتعيش في تعاسة وشك من جوزها وربما سوء معاملة وانتقام

وبعدين ليه أرضى للولد اللي لا أرضاه لإبني وهو إنه يدمر حياته بإيديه

والمفروض كلنا عارفين إن الأرزاق على الله وبنته لو ربنا أراد هتتجوز واحد تاني وربما أفضل

وزي ما هي غلطت لازم تتحمل نتيجة غلطها ولو جزئيا - إحنا مش بنتمنى لها الأذية لكن لو فيه أذية وعقاب يبقى ليها بالدرجة الأولى


أتمنى لو كان عمه من نفسه وداله الشبكة وقاله انتي ابني وهتفضل إبني ودي أختك يا ريت تتمنالها الخير وتدعيلها إن ربنا يعوضها عنك وإنها تتعلم من غلطتها وأنا أتمنى ربنا يخلف عليك بالزوجة الصالحة وعمرنا ما هنخسر بعض لأي سبب


مش عارف هل الكلام ده واقعي ولا احلام في رأيكم ؟؟؟؟

[أحمد كمال]

أحلام يوتوبيا :)

[yousef1978]

لا إنسوا موضوع الجواز ده انا عندى 30 سنة انا بتكلم مش أقل من 3 سنين إن شاء الله أهدى كدى واروح أصرفلى قرشين على نفسى واجيب الأى فون بقى والله كان معايا فلوسه كذا مرة ومرضاش اجيبه علشان أكمل بقيت حاجتى...أه ونسيت موضوع العفش كان فيه أخ سألنى عفش إيه ال 30000 :) ده جزء من العفش عربون يعنى قوضة النوم لوحدها 240000 :( متفكرنيش بقى انا مش عارف هاعمل إيه فى الحجات ديه...ربنا يستر

مش عارف إيه اللي بيجذبني إني كل شوية أعلق في الموضوع ده

بص يا مان

عن تجربة شخصية

إيااااااااااااااااااااااك إنك تداوي الداء بالداء

أوعى تفكر تدخل في أي موضوع جواز دلوقتي لأنك زي ما بيقولوا سارقاك السكينة

خد وقتك لغاية ما الجرح القديم يخف وتقدر تفكر كويس علشان تختار صح

أنا بأكلمك من تجربة شخصية دمرت نصف حياتي بلا مبالغة

وربنا يسامح اللي كانوا جنبي وبدل ما يوقفوني دفعوني للأمام لغاية ما اتكفيت على وشي - بحجة إن نشوفلك واحدة غيرها وبسرعة البرق ما كملتش ثلاثة أيام ولقيت نفسي متدبسسسسسسسسسسس

[dr.amr]

معلش انا قريت ال 35 صفحه ومش هقدر مقولكش

الف مبروك :))

حتي ابقي حطيت بصمتي في الموضوع

وممكن قلبك يزن عليك وتحن بقي والكلام ده

شويه وهتنسي خااااااااالص

اسال مجرب :))

وتحيه خاصه لابو كمال اللي حوله موضوع كوميدي وكله تحت الحزام :))

[aminibrahim]

[quote=زينة الله;3873959470]شوف يا هندسة أنا هكلمك كأخت أكبر منك و يمكن أكتر خبرة شوية

أولا : ربنا يكون فى عونك و يصبرك اليومين دول ..


عين القل
وانا اعتقد انها مجرد نزوه من بنت سازجه توكل علي الله وسامحها وصدقني هي مش ها تعمل حجه تاني

[Navigator.M.H]

رغم ان الموضوع مر عليه سنين بس اكتر موضوع اجتماعي شدني لدرجة ان اقراه رد رد و صفحة صفحة بدون ملل لأسباب هسردها لاحقا.

ببارك اولا لصاحب الموضوع على ان ربنا ارشده للاختيار الصح و الفضول قاتلني اعرف اخبارك دلوقتي ايه و اطمن عليك بعد السنين دي كلها.

من الأسباب اللي خلت الموضوع ده يشدني الإهتمام اللي ابداه رجالة نايل موتورز بطريقة تفرح القلب ، الجدعنة و الشهامة و الوقوف مع حد غريب ميعرفهوش و خافي شخصيته الحقيقية .. بجد انا لو مكانك يا هندسة هفرح باهتمام الناس دي كلها واللي هما سبب كبير اوي ف انقاذك من ورطة كبيرة كنت هتقع فيها. يا راجل دول كانوا محروقين عليك ولا كأنهم اكتر من اخواتك..

السبب التاني طيبة قلبك ( رغم انها حرقت دمي ف اول الموضوع و كان دمي بيغلي نار ) بس فرحت لما عرفت ان ربنا ارشدك للطريق الصح.

قولنا احوالك ايه دلوقتي ، خطبت ؟ اتجوزت ؟ فرحنا ، جبت الآيفون ؟ :d

[Navigator.M.H]

رغم ان الموضوع مر عليه سنين بس اكتر موضوع اجتماعي شدني لدرجة ان اقراه رد رد و صفحة صفحة بدون ملل لأسباب هسردها لاحقا.

ببارك اولا لصاحب الموضوع على ان ربنا ارشده للاختيار الصح و الفضول قاتلني اعرف اخبارك دلوقتي ايه و اطمن عليك بعد السنين دي كلها.

من الأسباب اللي خلت الموضوع ده يشدني الإهتمام اللي ابداه رجالة نايل موتورز بطريقة تفرح القلب ، الجدعنة و الشهامة و الوقوف مع حد غريب ميعرفهوش و خافي شخصيته الحقيقية .. بجد انا لو مكانك يا هندسة هفرح باهتمام الناس دي كلها واللي هما سبب كبير اوي ف انقاذك من ورطة كبيرة كنت هتقع فيها. يا راجل دول كانوا محروقين عليك ولا كأنهم اكتر من اخواتك..

السبب التاني طيبة قلبك ( رغم انها حرقت دمي ف اول الموضوع و كان دمي بيغلي نار ) بس فرحت لما عرفت ان ربنا ارشدك للطريق الصح.

قولنا احوالك ايه دلوقتي ، خطبت ؟ اتجوزت ؟ فرحنا ، جبت الآيفون ؟ :d

[melouk1]

ياااه أنا ازاي قريت كل ده :))

بس حزين على الناس اللي قالت يكمل

و حزين ان كل الناس محدش إتكلم بإسم الشرع

كله بيحل مشكلة عاطفية

شرع الله يحكم و يسود في المواقف اللي زي دي

هدانا الله و إياكم ..

[Karim Alaa]

مش عارف ايه الى طلع الموضوع ده دلوقتى بس سبحان الله انا عندى الرد انى اتحطيت فى الموقف دى كتير بس اكيد مش مع خطيبتى مع بنات عرفتها و كان واضح عليها اللعب و انها بتلم حواليها افضل الشباب و فاكره انها بعد كده هتختار و عن نفسى بحمد ربنا جدا جدا و بحس ان ربنا بيبحبنى لما يبصرنى بحاجه زى كده لو مكانك بجد هبقى مبسوط ان ربنا بيجبنى و مخلنيش افضل اعمى لحد متجوزها و تكلمه من ورايا و الله اعلم فى شىء تانى ولا لا و طبعا هتسيبها بس عشان القرابه اه انا ارجح فكره تتفق معاها ان هسترها و تقولو انكو مش عارفين تكملو و الموضوع ينتهى و بس