خطيبتى خانتنى...موقف صعب أتمنى المساعدة

[shaddadfalcon1]

استرجل واشرب بيريل

شوف الفيديو ده كده

‫ط´ط§ط¹ط± ط§ظ„ظˆظٹظ†ط¯ظˆط² - ط´ط¹ط± طظ„ظ…ظ†طھظٹط´ظ‰ Poet Windows‬‎ - YouTube

[r0xer]

انا مراهن اننا هنسمع اخبار حلوة بعد الحفلة اللي عملها احمد كمال...ياساتر عليه دا يحرك جبل :)

لو هيتعمل حزب لحقوق الراجل يبقى اللي هيعمله احمد كمال :)

[أحمد كمال]

باشا .... عمر ما عمك هيحبك اكتر من بنته

لذلك بالعقل

1- عمك اكيد مش عبيط ....... هو فاقس و هارش

2- عمك دلوقتي قدامه حلين ....... يا التار يا العار ....... قصدي يا يعمل الصح ....... يا يقلوظلك العمة

3- الصح معناه خسارة لبننه و خسارة كبيرة ........ العمة مصلحة لبنته على خسارة ليك ممكن تكون بسيطة (و ايه يعني شوية مكالمات في التليفون يعني؟؟؟؟؟) ....... مع العلم ان لو الموقف بالعكس و هو ابو العريس و عرف ان خطيبة ابنه عملت كده لو ابنه ما فسخش معاها هيقول له انت ....* ياله (كلمة من 3 حروف و مش هالمح اكتر من كده ) .......

4- اذن من المكتوب اعلاه نستنتج انه هيعمل اقصى ما في وسعه لقلوظة العمة ....... و هو خلاص اشترى المضربيطة (اسال سباك لو ما تعرفش ما هي المضربيطة) و العمة اتركبت عليها و بتتقلوظ عالمقاس ........ و هتترجلش على راسك بالملي ......


عمك عمره ما هيحط مصلحة أي إنسان - و لو نفسه مش ابن اخوه - امام مصلحة بنته ...... خليك مركز

[أحمد كمال]

انا مراهن اننا هنسمع اخبار حلوة بعد الحفلة اللي عملها احمد كمال...ياساتر عليه دا يحرك جبل :)

لو هيتعمل حزب لحقوق الراجل يبقى اللي هيعمله احمد كمال :)

اخجلتم تواضعنا حضرتك و كل من تكرم بالشكر في ردودي


و الله انا ما باحبش راجل يلبس خالص في علاقة غلط لان الستات افتروا و توحشوا - الا من رحم ربي - و الرجالة بقت غلابة ......

[M.Elgergawy]

بصراحة نكتة شوفتها وماشية اوي مع الموضوع قولت اجبها :d

عندما قابلت هتلر امام احد المقاهي وهو يشرب كوباية نسكافيه


قال لي:
ماذا اقول ل حبيبتي التي خانتني ؟
قلت له:اسمع ..
قل لها ..
.
.
.

سأترك حبك ليس كرهـــــــــــــــا فيك
ولكن لكثرة الشركـــــــــــــاء فيه
فـــــــــــــأنا كاالاسد لا اشرب من كأس .....
شربت منه الكــــــــــــــــلاب .....

فنظر لي هتلر وعيناه تملأهما الدموع
وقال:
.
.
.
.
.
علي الطلاق انت برنــــــس :d:d:d

[Mahmode]

رأيي

واضح ان المواضيع دي بتشد ناس كتير. ما شاء الله المشاركات للركب ولسا. وبصراحة القصة شيقة وتنفع تتبعت لبريد الجمعة.

وأما بخصوص رأيي فا طبعا الرأي الواضح لأي قارئ للقصة هو ببساطة الإنفصال. بس أنا عاوز أضيف حتة التروي وصلاة استخارة. يمكن ربنا يهديك لرأي آخر ومش بالضرورة برضه انها خلاص طمس على قلبها الخيانة طول عمرها. وارد لو تابت تماما وأعلنت ندمها وغلطها بصدق انها تبقى مخلصة طول عمرها.

أنا مش بادافع عنها بس باقول انها رغم غلطها ممكن تفوق وتبقى كويسة. فيفضل صلاة استخارة ودعاة الى الله لهدايتك للأصلح وربنا يهديك للزوجة الصالحة ان شاء الله. ولو ربنا كتبلك تستمر معاها يبقى تنسى تماما الغلطة دي وتعفو ومتجيبش سيرة الموضوع تاني في حياتكو.

ورجاء أخير من الأخوة المشاركين عدم التجريح أو السخرية من الآراء المخالفة أو من صاحب الموضوع. شوية ديموقراطية بقى يا جدعان.

[MNabeih]

للاسف الموضوع دة جاب لنص اعضاء المنتدي الضغط
و انا اولهم
ربنا يهديك و ينور بصيرتك

[الغزالى]

في مثل هموت واقوله بس خايفة ملوقف...مفيش هنا حبر سري؟

انا عرفته ... بس ده مش وقف ... دة اعدام ...

[نور القمر]

بعد الجزء التاني من القصة اقولك بالفم المليان اقلب وارمي ومتبصش وراك انا بطبعي متسامحة وبحب ادي فرصة تانية وتالتة لكن بعد موقف الاهل محدش يستحق فرص تاني
قال كنت خايف على عمك من الصدمة قال
معلش عذرا في الكلمة نظرا لانه عمك هي وعيلتها مايتناسبوش ومش بتوع فتح بيوت
الاهل اللي دايما عندهم المبررات لبناتهم ودفاع في الحق والباطل اكتر ناس بيوت بناتهم بتخرب بدري بدري
وانت لسه على البر وربنا نجاك منها ومنهم

[الغزالى]

بكل بساطه انت كنت خايف على عمك لايعمل فيها وفى نفسه حاجة
وعمك فى نفس الوقت مسماش عليك ... يبئى انت كمان تروح تقعد معاه
ياعمى الموضوع بتفاصيله كذا كذا ...
انا عن نفسى مقبلش ان مراتى تبئى بتكلم زماليها فى الولاد فى حاجة غير الشغل لا وكمان بتفضل ترغى معاه كل يوم من الساعه 12 بليل للصبح ... انا عن نفسى مقبلش كدة
وانت لو تقبل على نفسك كدة انا مقبلش ... كده ... و اقطع عرق وسيح دمه واشترى دماغك عشان لا تعايرك بعد كدة ولا تعايرها ... وربنا يقدملك الى فيه الخير ...

[MaZaGAngeE]

انت بتهرج

[yascro]

و الله العظيم الناس لو ماكنت تفرق معاهم ماكانوا اتتريقوا عليك احنا بنحاول نفوقك

فوووووووووووووووووووق

اتق الله في نفسك يا أخي



اقطع عرق و سيح دم و قول انا اسف انا مش هاكمل ........ طبعا دلوقتي هتبقى انت اللي عيل و قماص و بتتلكك ...... طوووووووووووووووظ في اي حد .... المهم انت



مش عايز اقول لك استرجل و اشرب بيريل عشان بقى دمها تقيل أوي

:b4_388:

[ramyhekal]

اخجلتم تواضعنا حضرتك و كل من تكرم بالشكر في ردودي


و الله انا ما باحبش راجل يلبس خالص في علاقة غلط لان الستات افتروا و توحشوا - الا من رحم ربي - و الرجالة بقت غلابة ......

انت مالكش حل
prince

[M.Elgergawy]

انت مالكش حل
prince

111111111+

[SYD]

انا لحد دلوقتي قريت 209 مشاركة ليك فيهم حوالي 5 او 6 بس
انت مكسوف مننا ؟؟؟

انا مش هوبخك ولا اتريق عليك ولا استنكر افعالك وكفاية عليك الجرجاوي واحمد كمال زي ما بيقولوا ادولك من المنئي خيار

بص بصراحة
عمك دة المفروض مايبقاش كبير العيلة
هو بالكتير يبقي كبير في بيته
وانت كنت خايف عليه ؟؟؟؟؟ دة احنا الي جرلنا حاجة مش هو
هو مطري علي قلبه ومشغل المراوح وانت ياعيني محروق دمك وحارق معاك دم 150 ولا 160 عضو

وبعدين ايه المشكلة لو خسرت عمك وكسبت نفسك ؟؟ عمك كلها كام سنة ويسبلك الحياة مخضرة لكن انت الي فاضل لنفسك طول عمرك

عمك بيدافع عن بنته بأي ثمن - انا متأكد انه لطشها كام قلم علي وشها وقفها بس قدامك هيقولك انا زعقتلها وفهمتها غلطها

بس يا ريس

الواحد زي ما بيقولو كدة لف كتير واتكحرت وبقي مخربش

الواحد ياما دخل بيوت وياما قابل واتتعرف علي ناس

وبصراحة نوعية عمك دي بتتعب اوي في الحياة
لأن المشاكل بينكوا مش هتخلص
حضرتك مش هدخل والدتك عشان ست كبيرة وبتاع
لكن هتقول انا لازم اقول لأبوها وهو يشوف حل
هتلاقي ابوها قلب الموضوع في غمضة عين وطلعك غلطان

ابوها لبس العمة وعايز يسلمك العمة تلبسها انت كمان من بعده وبيقولك خدها جربها شوفها مقاسك

اساسا هو سهل عليك نص المهمة - لا 3/4 المهمة فاضل دلوقتي ازاي تخلع بأقل الخساير

- لو علي كبير العيلة محلولة، شوف عمك الي بعده واعتبره من دلوقتي كبير العيلة (وهما ماشاء الله 7 زي انت ما ذكرت)

- لو علي العفش يغور وبعدين عفش ايه ابو 30 االف انت 15 وهما 15 الي هتبكي عليه - ياعم في داهية الفلوس كأنك اشتريت بيهم عربية 28 واتسرقت في الثورة

- لو علي ولاد عمك - اعتقد لو عرفوا القصة برمتها مش هيقاطعوك ، بالعكس - هتبقي عينيهم في الأرض منك

- لو علي حبك انت شخصيا - مش مهم - دة الواحد حب بعدد الIP الي في IPv6

انت عايزلك حاجة تنسيك وتفرفشك

العب جيمز
اطلع رحلة
اقرا كتب

اعمل اي حاجة بتحبها اخر حاجة وخطوبتك كانت شغلاك او معطلاك هتلاقي نفسك نسيت

استبدل الفلوس بتاعة المكالمات والزيارات والكلام الفارغ دة واشتري حاجات بتحبها وكنت حارم نفسك منها (اصل انا عارف صنفك دة الحبوب بيستخسر في نفسه بق المية عشان حبيبته)

المهم تعمل الصح

أعمل الصح

أعمل الصح

زي حزلئوم

والله المستعان
،
،