خطيبتى خانتنى...موقف صعب أتمنى المساعدة

[AmatoALLAH]

الحمد لله ان ربنا يسر لك الامر و مبروك عليك انك كسبت نفسك

و بلاش كلام في الموضوع دا تاني و خلاص هو كده انتهي و ربنا يكرمك خد وقتك و اعرف ان زوجتك اللي تستحقها اكيد في مكان ما و ربنا شايلها لك و ماتستعجلش اي شئ دلوئتي

و هي اسال الله العظيم ان يهديها و يغفر لها و يستر عليها و انها تعقل و تتعلم من الدرس دا كويس جدا

[horas3000]

الف مبروك و الحمد لله انه عداك من الموقف ده علي خير و باقل خساير

[minicooper20]

هياحولو يرجعوك
غير نمرت موبيلك و متردش على تيلفون البيت بليل
لانى حسك هتضغف

[friendship7897]

ربنا يوفقك إن شاء الله ويرزقك الزوجة الصالحة

[MOSHAKS]

مبروووووووووووووووك الحرية
انا حبيت واحده جارتنا اكتر من 18 سنة من قبل معرف يعنى ايه حب اساسا بس خفت اصارحها بده اخسرها وتقول لامها وابوها ونخسر اهلها بحكم اننا جيران وعلاقتنا كويسة مع بعض ويوم مفكرت ااقولها طلعت بتحب واحد صاحبى
هههههههههههههههههه
بس الحمد لله عديت المحنة ديه وقولتاها انتى ليكى اخ اكبر وصديق هما حصل والحمد لله حتى الان الان علاقتنا كويسة جدا مع الاسرة كلها وبنتقابل فى المناسبات هى وجوزها اللى هو صديق ليا وجابت ولد ربنا يخلهولهم وشلت موضوع الارتباط بيها من دماغى وشغلت نفسى بشغلى والايام كفيلة انها تداوى وابحث عن واحدة تحبك مش العكس

[shaddadfalcon1]

الف مبروك ياباشا ومفيش حد بيتجوز مرات حد

ايام الثانوي كنت بحب بنت وعمري ماكلمتها ولا صارحتها وفاتت الأيام وعدي 4 سنين كليه وبعد التخرج شاء المولي عز وجل اني اروح واتقدم للبنت دي بسبب مكالمة واحد صاحبي وسبحان الله ربنا سهل الحال في الوقت اللي كانت بترفض فيه كل العرسان واهل البلد كلهم بقي كانو عايزين يعرف مين اللي هي وافقت عليه ده بعد الوقت ده كله

وسبحان الله برده طلعت هي كمان كانت بتحبني برده بسبب بسبب برده حيائها وادبها عمرها مابينت حاجه وادينا دلوقتي متجوزين ومعانا ولاد والحمد لله علي كل شيء ومتخلينيش بقي اعيط اصل دمعتي قريبه

[A.Saad]

الحمد لله
فى السراء والضراء

شيل الشبكة من العربية بس

[شريف]

الحمدلله ان هداء للحل الصح

دعاء فك الكرب

لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم


ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين

لا اله الا انت سبحانك انى كنت من الظالمين

اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال



هذا الدعاء ومنك الاجابه ياحي ياقيوم

[opelawy]

الحمد لله و الف مبرووك و بص لحياتك اللي جاية مش اللي راحت و تعاليلي و انا اشوفلك عروسة :)

ربنا يوفقك يا رب

[hemalotfy]

انت انسان طيب وابن حلال وربنا اكرمك وعرفت قبل ماتتدبس في الجوازة دي
الف مبروك ياباشا وربنا يوفقك مع الزوجة اللي تخاف على زوجها وبيتها وتعرف ربنا قبل كل شيئ.

بس متنساش قبل مانقفل الموضوع تقولنا انت مين :)) اللي فقع مرارتنا ورفعلنا الضغط والسكر

[MOSHAKS]

الف مبروك ياباشا ومفيش حد بيتجوز مرات حد

ايام الثانوي كنت بحب بنت وعمري ماكلمتها ولا صارحتها وفاتت الأيام وعدي 4 سنين كليه وبعد التخرج شاء المولي عز وجل اني اروح واتقدم للبنت دي بسبب مكالمة واحد صاحبي وسبحان الله ربنا سهل الحال في الوقت اللي كانت بترفض فيه كل العرسان واهل البلد كلهم بقي كانو عايزين يعرف مين اللي هي وافقت عليه ده بعد الوقت ده كله

وسبحان الله برده طلعت هي كمان كانت بتحبني برده بسبب بسبب برده حيائها وادبها عمرها مابينت حاجه وادينا دلوقتي متجوزين ومعانا ولاد والحمد لله علي كل شيء ومتخلينيش بقي اعيط اصل دمعتي قريبه

تروح قايل هوووووووووووب قابلة الدمعة متفط هههههههههه
والله بجد الحمد لله الواحد معتبركم اسرته اللى بيخرج من همه وحزنه وياخد منهم الرأى الصح ربنا يكملهالنا على خير يارب

[human]

فاضل بقى نشوفلك عروسه

[أحمد كمال]

1000000 مبروك و اوعى تضعف :)

[human]

1000000 مبروك و اوعى تضعف :)

انا بقول اسبوعين
بس ماعلش شويه و هتعدى

عشان كده لازم نشوفله عروسه بسرعه

[أحمد كمال]

نشوف له 4 بقى عشان نقفل عليها الباب هههههههههههه