كباريه و الريس عمر.. هي دي مصر؟

[OlaOsman]

لازم أولاً نقسم الممثلين .... فى منهم محترمين و قى منهم زى الزفت
الممثلة اللى بتمثل مشهد الإغتصاب ممكن تكون نيتها مش سيئة ..... و يكون هدفها فعلاً هو توصيل رسالة .... بقول ممكن ... يعنى حسب الممثل و نيته.

لو أخدت مثال على الفنانة سمية الخشاب ..... لما بتفرج على لقائتها بحس إنها طيبة جداً و مش قصدها وحش من أى مشهد بتمثله ... بالعكس دى مرة ذكرت إنها دايماً بتاخد رأى والدتها فى المشاهد دى ... فأنا اللى حسيته إنها كويسة و مش زى ناس تانيين.

ده كده يبقى انت انسان فعلا نيتك طيبة اوي.. انا باتكلم بجد :)

و كمان كل واحد و وجهة نظره
ممكن واحد يشوف مشهد إنه سىء و مخل و واحد تانى يشوفه مشهد رائع و هادف.

طيب اسمح لي أختلف معاك في دي.. فيه حاجات مش بتخضع اوي لوجهات النظر على أد ماهي ممكن تخضع لرؤى متخصصين، يعني ممكن مشهد من المذكورين دول يختلف على رؤيته الفنية اتنين نقاد فنيين او دارسين فن من ناحية الحبكة الدرامية و أهميته دراميا من عدمه.. انما ان اتنين عاديين يشوفوا نفس المشهد و واحد منهم يقول عليه مشهد رائع و التاني رأيه انه مشهد زبالة فدي لا تعتبر وجهات نظر على أد ماهي توجهات تحكمها خلفيات مالهاش دعوة بالفن كحرفة في شئ.. ده رأيي.

[OlaOsman]

بتختلف يا أستاذة علا حسب المتلقى ..... يعنى لو طفل صغير... أكيد مش هيفهم المشاهد دى ... و كمان هو لسه منضجش لدرجة إنه يفهم معنى المشاهد دى .... و تأثيرها عليه هيبقى سلبى.

أما الكبار بقى .... ففى منهم للى هيفهم و فى منهم اللى عقله معداش طفل صغير.

طيب خلينا نتكلم بواقعية بعيدا عن المسميات اللي اخترعتها السينما الأمريكية بتاعة للكبار فقط و للصغار فقط دي و نقيس بمقاييسنا احنا مش بمقاييس ناس كل اللي يفرق معاها في الفيلم هايشوفه كبار و لا أطفال. ده غير ان مصطلح للكبار فقط ده أصلا يضحك.. آل يعني اللي عنده 18 سنة ده خلاص ما بقاش يتخاف عليه من أفلام فيها مشاهد زي دي، انما المهم ان ما يشوفوش أطفال.

انا طبعا مش قصدي أحجر على رأيك في الموضوع ده.. ده رأيك و انت حر فيه.. انما عايزة اسألك سؤال هل انت شايف المشاهد اللي من النوع ده عادية و ما بتلفتش نظرك أصلا و لا شايفها ملفتة للنظر بس ضرورية للسياق الدرامي و لو اتخففت حدتها شوية او لو شلنا بعض التفاصيل السياق الدرامي هايتأثر؟ سؤال منتظرة إجابته :)

[meza]

ده كده يبقى انت انسان فعلا نيتك طيبة اوي.. انا باتكلم بجد :)

و أنا بتكلم جد صدقينى .... و المشاهد اللى مثلتها مكنتش مبالغة قوى حسب ما أنا شايف.
عارفة ... حتى لو الكاتب و المخرج و الممثل نيتهم وحشة من ورا المشهد ده ... أنا ممكن أبص ليه من ناحية تانية و أفهم معانى أكبر من الكلام الفاضى ده.
أنا عارف إن معظم شبابنا متربوش على كده .... و التأثير العام عليهم سلبى ... و دى مشكلة تربية فى جيل كامل من الشباب.

طيب اسمح لي أختلف معاك في دي.. فيه حاجات مش بتخضع اوي لوجهات النظر على أد ماهي ممكن تخضع لرؤى متخصصين، يعني ممكن مشهد من المذكورين دول يختلف على رؤيته الفنية اتنين نقاد فنيين او دارسين فن من ناحية الحبكة الدرامية و أهميته دراميا من عدمه.. انما ان اتنين عاديين يشوفوا نفس المشهد و واحد منهم يقول عليه مشهد رائع و التاني رأيه انه مشهد زبالة فدي لا تعتبر وجهات نظر على أد ماهي توجهات تحكمها خلفيات مالهاش دعوة بالفن كحرفة في شئ.. ده رأيي.

كلامك صحيح ... وللأسف معظم الشباب فى مصر مش بيقدر يكون وجهة نظر .... على قد ما بتكوت توجهات تحكمها خلفيات زى ما حضرك ذكرتى.
بس المشكلة هنا فى الشباب أنفسهم .... لو عودناهم يبصوا للأمور بمنظار أكبر و أعقل من كده .... مكناش هنواجه مشكلة زى دى.
جيل الشباب الحالى عنده شغف جنسى رهيب ..... يختلف من شخص لآخر لكنه بالمجمل عبر مرحلة الخطر و أصبح فى مستوى قد يؤدى إلى كارثة بهذا الجيل.

على فكرة أنا رأيى إن عرض مشاهد زى دى على النوعية دى من الشباب ... سلبياته أكتر من إيجابياته .... لكن هل الحل فى منع المشاهد دى تماماً .... أم إصلاح الشباب من الناحية الآخرى؟
حضرتك جاوبينى على السؤال ده و أنا هرد على حضرتك

[Adham_Sabry]

يا شباب أنا شفت الفيلمين الأسبوع الماضى
فيلم الريس عمر حرب:
ليس كل من رأى الفيلم وصلته هذه الفكرة... لأن طريقة توصيلها مليئة بكل أصناف القذارة التى تستحى معها أن تذهب حتى لوحدك لمشاهدة الفيلم ، ناهيك لو معك أسرتك... دعارة عينى عينك وسامحونى لأنهم فاقوا كل كل الحدود حتى اللى كان المتساهلين عاملينها... ومش هقول أكتر.. باختصار: إياك أن تذهب لرؤية هذا الفيلم.

كنت متوقع أن يكون فيلم هابط
بعض مشاهد الرقص -الخليع طبعا- والأغانى الهابطة
لا أستطيع أن أنصح أحد برؤية الفيلم

أظن بعد كل الكلام اللي انتم كتبتوه ده .. يتضح لنا الرساله النبيله والفضيه العظيمه اللي الأفلام دي بتعرضها
وهارجع اقول تاني

يا جماعه الخير
ما هو المقياس الذي نقيس به الأشياء ؟؟
اول مقياس هو الحلال والحرام .. ان نجح فيه نبقي نشوف باقي المقاييس
....
هل رؤيه هذه المناظر حلال ام حرام ؟
يعني لو واحد اتفرج علي الفيلم ده .. هل بعد الفيلم ما يخلص هايكون اكتسب سيئات ام حسنات ؟؟ ويا تري لو هو كان دافع فلوس علشان يتفرج عليه ..هايجي يوم القيامه وتكون الفلوس دي في ميزان حسناته ام ميزان سيئاته ؟؟ ..

في حديث في معناه انه لن تزول قدم عبد يوم القيامه حتي يسئل عن اربع .. ومنها شبابه فيما ابلاه وماله فيما افناه

مش كفايه ان هدف الفيلم يكون نبيل وعظيم (وما اندر هذه النوعيه) .. لابد ان الوسيله تكون مقبوله من الشرع والدين
وسيبكوا من تجسيد الشخصيات والحبكه الدراميه .. والموسيقي التصويريه والمهلبيه والملوخيه

وانا ارجوا ان احنا جميعا نقاطع هذه النوعيه من الأفلام وندعو الناس الي مقاطعتها
اي فيلم قبل ما نتفرج عليه نسأل عنه .. لو فيه مناظر خارجه او يهدف الي نشر الرذيله يبقي نقاطعه .. وبكده منتج الفيلم هايخسر ومش هيعمل النوعيه دي تاني

وعلي فكره المقياس بالطريقه دي واجب علينا زي الصلاه والصوم .. مينفعش نقول ان لكل واحد مقاييسه الخاصه ..المقاييس الخاصه في الأشياء الحلال .. وللتوضيح ..مثلا لو بنت خلصت الثانويه وامامها فرصه انها تدخل معهد رقص او كليه التربيه او الطب ..يبقي هارجع للمقياس معهد الرقص حلال ام حرام ؟؟.. حرام ..يبقي الموضوع منتهي.
لكن كليه التربيه وكليه الطب حلال .. يبقي لكل واحد مقاييسه الخاصه في الحاله دي ...

يتبع...

[meza]

طيب خلينا نتكلم بواقعية بعيدا عن المسميات اللي اخترعتها السينما الأمريكية بتاعة للكبار فقط و للصغار فقط دي و نقيس بمقاييسنا احنا مش بمقاييس ناس كل اللي يفرق معاها في الفيلم هايشوفه كبار و لا أطفال. ده غير ان مصطلح للكبار فقط ده أصلا يضحك.. آل يعني اللي عنده 18 سنة ده خلاص ما بقاش يتخاف عليه من أفلام فيها مشاهد زي دي، انما المهم ان ما يشوفوش أطفال.

مقاييس للكبار فقط و للصغار فقط ... لم تخترعها السينما الأمريكية ... لكن إخترعها أمريكيين .. فى بداية تحديد تلك المقاييس المقسمة إلى عدة درجات .. تم عرض مشاهد مختلفة على عدة أمهات .. و تم أخد آرائهم . و بناء على تلك الآراء تم تحديد تلك المقاييس.
أنا واثق تماماً إن تلك المقاييس متنفعش لمجتمعنا .... نظراً لإختلاف طريقة التربية و العادات .. إلى آخره
لكن مش هينفع ميبقاش عندنا مقاييس و مش هو ده الحل.

موضوع 18 سنة .... فعلاً هو مش من يوم و ليلة الولد هيبقى ناضج .. لكن ده السن المتوسط اللى فى معظم الشباب بيوصلوا لمرحلة النضوج و أخلاقهم بعد كده بتتحدد حسب تربيتهم السابقة ... و تأثرهم بمشاهد من اللى بنتكلم عليها مش هيبقى كبير.

طبعاً هنا فى مصر المفروض السن 21 مش 18 ..... لكننا أخدناه من بره.

انا طبعا مش قصدي أحجر على رأيك في الموضوع ده.. ده رأيك و انت حر فيه..

شكراً لإحترامك رأيى

انما عايزة اسألك سؤال هل انت شايف المشاهد اللي من النوع ده عادية و ما بتلفتش نظرك أصلا و لا شايفها ملفتة للنظر بس ضرورية للسياق الدرامي و لو اتخففت حدتها شوية او لو شلنا بعض التفاصيل السياق الدرامي هايتأثر؟ سؤال منتظرة إجابته :)

بالنسبة ليا أنا ... أنا مشهد إغتصاب سمية الخشاب . عينى دمعت فيه .... و أنا مش محرج و لا حاجة .. بس ده فعلاً اللى حصل.
عارف إن شباب كتير مهمهمش كل التفاصيل دى و ركزوا على حاجات معينة .. بس ده فعلاً كان رد فعلى.

هقولك حاجة يا أستاذة علاً ...أولاً كل واحد معرض للمشكلة دى (الإغتصاب) ..... و لو إعتبرت إن اللى إتعرض للمشكلة دى أختى أو قريبتى أو حد عزيز عليا .... هل هبص بنفس المنظور.... أكيد لأ.

هى بتختلف بس حسب نظرة كل واحد.
و دى مشكلة كبيرة ... و محتاجة حسن تقدير من المخرج على حسب اللى هيتفرجوا على الفيلم بتاعه.

و على فكرة أنا مش مع خالد يوسف .... بالعكس أنا شايف خالد يوسف أساء التقدير ... و مثل فيلمه على معايير تانية مش بتاعتنا ... لهدف واحد إنه ينهض بالسينما المصرية عشان تبقى زى بتاعة بره متناسياً آثار عرض الفيلم على الشباب.

لكن ... خلينا واقعيين ... لو منعنا الأفلام دى ... هنتفرج على أفلام أجنبى و مش هنقدر نمنعها ..... يبقى الحل فى إصلاح الشباب.
و ده (من وجهة نظرى) إجابة السؤال اللى سألته لحضرتك.
لما شبابنا يبقى بنفس عقلية شباب بره ... يبقى ينزل أفلام من النوعية دى

[meza]

اقتباس:
أرسل أصلا بواسطة Dr Ahmed
كنت متوقع أن يكون فيلم هابط
بعض مشاهد الرقص -الخليع طبعا- والأغانى الهابطة
لا أستطيع أن أنصح أحد برؤية الفيلم

أظن بعد كل الكلام اللي انتم كتبتوه ده .. يتضح لنا الرساله النبيله والفضيه العظيمه اللي الأفلام دي بتعرضها

حضرتك إقتطعت ليه من كلام دكتور أحمد
الدكتور قال الحلو و الوحش و عرض وجهة نظر كاملة .... حضرتك أخدت منها الوحش و عرضته .... طب ليه؟!

[OlaOsman]

و أنا بتكلم جد صدقينى .... و المشاهد اللى مثلتها مكنتش مبالغة قوى حسب ما أنا شايف.
عارفة ... حتى لو الكاتب و المخرج و الممثل نيتهم وحشة من ورا المشهد ده ... أنا ممكن أبص ليه من ناحية تانية و أفهم معانى أكبر من الكلام الفاضى ده.
أنا عارف إن معظم شبابنا متربوش على كده .... و التأثير العام عليهم سلبى ... و دى مشكلة تربية فى جيل كامل من الشباب.

على فكرة الحكاية مش حكاية نية كويسة و نية وحشة.. يعني ما أظنش ان خالد و لا سمية نيتهم او هدفهم إفساد الشباب عن عمد يعني.. هي بس طريقة بيعتبروها بتكسر كل الحواجز بيعلنوا عنها في أفلامهم.. بس فيه حاجة ما ينفعش نغض الطرف عنها و هو الأذى الناتج عن مثل هذه المشاهد.. انا و كثيرين بنعتبره أذى. أما عن التأثير السلبي فما أظنش ان المشهد الجنسي (آسفة لاضطراري على استخدام اللفظ ده) اللي كان بين أطفال الشوارع في فيلم حين ميسرة كان ليه تأثير إيجابي على أي حد و لا هو بالدخول في تفاصيل مخجلة زي دي آل بيظهر اوي واقع اللي بيحصل بين أولاد الشوارع .. معلش بأه و خلينا نتكلم بصراحة اكتر شوية.. المشهد كان عبارة عن اتنين مبسوطين جدا من اللي بيعملوه.. و مش قادرة أزود عن كده في التوضيح الصراحة.. بس ما أظنش ان فيه شاب غير متزوج هايشوف مشهد زي ده و مش هايبقى "عايز من ده".. ماهم مبسوطين اهم و آخر انسجام.. يعني الرسالة من الآخر ما وصلتش، ده لو كان خالد يهمه من المشهد ده فعلا توصيل رسالة مش مجرد استعراض عضلات و عرض قوانينه على المشاهد.

كلامك صحيح ... وللأسف معظم الشباب فى مصر مش بيقدر يكون وجهة نظر .... على قد ما بتكوت توجهات تحكمها خلفيات زى ما حضرك ذكرتى.
بس المشكلة هنا فى الشباب أنفسهم .... لو عودناهم يبصوا للأمور بمنظار أكبر و أعقل من كده .... مكناش هنواجه مشكلة زى دى.
جيل الشباب الحالى عنده شغف جنسى رهيب ..... يختلف من شخص لآخر لكنه بالمجمل عبر مرحلة الخطر و أصبح فى مستوى قد يؤدى إلى كارثة بهذا الجيل.

طيب ازاي يا ميزة؟ نعودهم يبصوا للأمور بمنظار أكبر و أعقل من كده ازاي؟ فعلا عايزة افهم ممكن نعمل كده ازاي عشان نتجنب مشكلة هوس الشباب بالموضوع ده.

[meza]

طيب ازاي يا ميزة؟ نعودهم يبصوا للأمور بمنظار أكبر و أعقل من كده ازاي؟ فعلا عايزة افهم ممكن نعمل كده ازاي عشان نتجنب مشكلة هوس الشباب بالموضوع ده.

المشكلة أكبر من إن تحلها بعض الكلامات يا أستاذذة علا
لكن اللى أنا شايفه إنه حاجات كتير لازم تتغير .... لازم نغير نظرة الولد للبنت ... لازم نعلم كل واحد يحترم الآخر .... لازم نعمله يحترم حقوق الآخر .... نغير نظام تعليمنا فى المدارس و ميبقاش منهج علمى أو أدبى فقط ..... لازم الآباء و الأمهات يتعلموا إزاى يربوا أولادهم تربية سليمة ....

حاجات كتير لازم تتعمل ... و مش هقدر أجمعها كلها.

ممكن نبص على تربية الشباب بره .. ليه مناخدش إبجابيات التربية دى و نسيب السلبيات .... الشباب بره بيعرف يتحمل المسئولية كويس قوى و عندهم حاجات أحسن من شبابنا ألف مرة.

مثلاً ... يعنى بره لو شاب عايز يقيم علاقة مع أى بنت .. عادى .... لكن مش عادى إنه يقيم علاقة غصب عنها .... ليه .... لأنه إتربى على إحترام الآخر .... و لو ما إحترمش هياخد فوق دماغه .... ليه مناخدش الجزء الكويس .... و نعرف إزاى ربوا شبابهم على كده؟
هل وصل اللى عايز أقوله؟

الموضوع كبير قوى يا علا .... و مش هقدر ألم كل نواحيه مرة واحده ... لأن دماغى مشحونة دلوقتى ... أصل من الصبح عمال بذاكر .... فإعذرينى لو حاجة ناقصة فى كلامى.

[Adham_Sabry]

فيه قاعده بتقول "دفع الضرر اولي من طلب المنفعه" .. وده التوضيح بتاع الشيخ الشعراوي الله يرحمه للقاعده دي : "لو انت قاعد وجه واحد يعطيك هديه وفي نفس الوقت واحد تاني جاي يلقي عليك بحجر تعمل ايه ؟؟ دفع الضرر اولي ونترك المنفعه "
الأفلام دي لو فيها منفعه (وانا اشك تماما في ذلك) وفيها ضرر (وده اكيد) يبقي الأولي تركها
الأفلام اللي مينفعش تاخذ معاك ابنائك وزوجتك واختك وتروح تتفرج عليها في السينما يبقي دس افلام ضاره ومتدخلهاش حتي لوحدك
برضه ولا حد رد علي السؤال ده

ويا جماعه اللي دخل الفيلمين دول يقول لنا هو بعد ما اتفرج هايكون اكتسب حسنات ولا سيئات ..

[OlaOsman]

بالنسبة ليا أنا ... أنا مشهد إغتصاب سمية الخشاب . عينى دمعت فيه .... و أنا مش محرج و لا حاجة .. بس ده فعلاً اللى حصل.
عارف إن شباب كتير مهمهمش كل التفاصيل دى و ركزوا على حاجات معينة .. بس ده فعلاً كان رد فعلى.

غريبة يا ميزة ان مشهد إغتصاب سمية الخشاب أثر فيك و خلى عينيك دمعت.. أصلها مش خضرة الشريفة يعني و الوحشين دول اغتصبوها.. دي واحدة كانت عايشة مع حبيبها قبل كده في الحرام و حملت من زنا و رمت ابنها في أتوبيس عشان تخلص من مسؤوليته.. و بعدين هي مش ممرضة راجعة من شغلها متأخر و بتجري على رزقها قاموا شلة صيع خطفوها و اغتصبوها. عموما دي آراء ممكن نختلف فيها :)

و على فكرة أنا مش مع خالد يوسف .... بالعكس أنا شايف خالد يوسف أساء التقدير ... و مثل فيلمه على معايير تانية مش بتاعتنا ... لهدف واحد إنه ينهض بالسينما المصرية عشان تبقى زى بتاعة بره متناسياً آثار عرض الفيلم على الشباب.

في دي بأه احنا متفقين :)

لما شبابنا يبقى بنفس عقلية شباب بره ... يبقى ينزل أفلام من النوعية دى

هنا بأه مختلفين.. بس مش هاطول معاك في النقاش اكتر من كده و هاسيبك تقوم تذاكر و انا كمان هاقوم انام.. عندي بكرة زدني من الصبح يا ناس :)

شكرا يا ميزة على الحوار الراقي :)

[OlaOsman]

يا شباب
أنا شفت الفيلمين الأسبوع الماضى

فيلم الريس عمر حرب:
كإخراج: يمكن القول إنه عمل فنى متقن
كفكرة ومضمون: على حسب فهمى:
القصة مغزاها إن الشيطان يسيطر على الأشخاص المفسدين ويصبحون عبيده ويصبح كأنه ربهم ، وحين يسيطر الشيطان فسيكون ذلك على حساب كل القيم الموجودة فى حياتك...
كلام جميل .. ولكن..
ليس كل من رأى الفيلم وصلته هذه الفكرة... لأن طريقة توصيلها مليئة بكل أصناف القذارة التى تستحى معها أن تذهب حتى لوحدك لمشاهدة الفيلم ، ناهيك لو معك أسرتك... دعارة عينى عينك ، سمية الخشاب والتانية (مش فاكر اسمها) وغيرهم: كلهن قرايب للأسد فى الفيلم وسامحونى لأنهم فاقوا كل كل الحدود حتى اللى كان المتساهلين عاملينها... ومش هقول أكتر.. باختصار: إياك أن تذهب لرؤية هذا الفيلم.

فيلم كباريه:
كنت متوقع أن يكون فيلم هابط (كانوا 3 أفلام فى السينما الصيفية) .. لكن المفاجأة: فيلم على مستوى فكرى عالى جدا جدا ، بيعرض حياة بشر مليئة بالمتناقضات والازدواجية .. وبتتجمع خيوط قصص كثيرة فى ليلة واحدة فى الكباريه الذى ينفجر وتختلط دماؤهم..
الفيلم بيقدم رسالة رهيبة.. ما يهمنى منها طريقة محاربته الراقية للعنف الدينى ، فلم يسخر من المتدينين كعادة أبالسة السينما.. بل قدمهم بصورة قريبة من الواقع...
ولن أحرق الفيلم على من لم يره ، فباستثناء بعض مشاهد الرقص -الخليع طبعا- والأغانى الهابطة - كجزء من الكباريه- يصير الفيلم تحفة فنية
لا أستطيع أن أنصح أحد برؤية فيلم.. لكنى لست نادما على رؤيته، بل بالعكس تماما..
أما الريس عمر فنادم على كل دقيقة قضيتها أمامه، وقررت مقاطعة أفلام مخرج الفيلم الذى يسير على نفس الوتيرة الرديئة - مهما كانت حججه- لأن الغاية لا تبرر الوسيلة.

شكرا على النقد الموضوعي و على موقفك الإيجابي تجاه أفلام خالد يوسف :)

[meza]

غريبة يا ميزة ان مشهد إغتصاب سمية الخشاب أثر فيك و خلى عينيك دمعت.. أصلها مش خضرة الشريفة يعني و الوحشين دول اغتصبوها.. دي واحدة كانت عايشة مع حبيبها قبل كده في الحرام و حملت من زنا و رمت ابنها في أتوبيس عشان تخلص من مسؤوليته.. و بعدين هي مش ممرضة راجعة من شغلها متأخر و بتجري على رزقها قاموا شلة صيع خطفوها و اغتصبوها. عموما دي آراء ممكن نختلف فيها :)

رؤيتى لشخصية سمية الخشاب مكنتش إنها بنت وحشة ... فى الأول علاقتها مع حبيبها ... كانت عن حب و بسبب ظروف معينة ما إتجوزتش ... صحيح علاقة خاطئة .. لكن هى مش بنت وحشة و بتقيم علاقات مع كل من هب و دب.
الإغتصاب هو اللى قلب حياتها و خلاها تتحول لشخصية من وجهة نظرى فاسدة .... لكنها فى الأخر ضحية و ليست جانى.

شكرا يا ميزة على الحوار الراقي :)

ربنا يخليكى يا علا
و مش هنكر ... أنا فعلاً إستفدت من الكلام مع حضرتك .. إقتنعت بحاجات حضرتك قولتيها و غيرت شوية من وجهة نظرى بسبب حاجات كانت غايبة عنى و وضحت لما إتكلمت معاكى.

شكراً

[Adham_Sabry]

ليه نروح ندور علي اخلاقيات الغرب ؟؟ وفين دينا واخلاقنا ؟؟ وفين رسولنا اللي عاوزين ننصره ..

مثلاً ... يعنى بره لو شاب عايز يقيم علاقة مع أى بنت .. عادى .... لكن مش عادى إنه يقيم علاقة غصب عنها

مش كده يبقي اسمه زني ولا حاجه تانيه ؟؟
وبعدين انت موافق علي اقامه العلاقات دي طالما ان البنت موافقه ؟؟
يا ريت توضح علشان انا مش فاهم قصدك ؟؟

[meza]

ليه نروح ندور علي اخلاقيات الغرب ؟؟ وفين دينا واخلاقنا ؟؟ وفين رسولنا اللي عاوزين ننصره ..
[/color][/size]
مش كده يبقي اسمه زني ولا حاجه تانيه ؟؟
وبعدين انت موافق علي اقامه العلاقات دي طالما ان البنت موافقه ؟؟
يا ريت توضح علشان انا مش فاهم قصدك ؟؟[/color]

أنا مش عارف ليه حضرتك بتاخد المعنى السىء لكلامى.

أنا يا سيدى نيتى مش سيئة

بقول ... بره ممكن شاب يقيم علاقة مع بنت ... عادى (بالنسبة لمفاهيمهم) .... لكن يقيم علاقة غصب عنها ..... مش عادى ...... ليه بقى مندورش على سبب إن الشباب مبيترجئوش إنهم يقيموا علاقة مع بنت غصب عنها ... يغتصبوها يعنى .... أكيد فى حاجة فى تربيتهم خلتهم ميعملوش كده ... ليه منستفدش منها.

و هقول لحضرتك حاجة .... الأسلوب ده :

وبعدين انت موافق علي اقامه العلاقات دي طالما ان البنت موافقه ؟؟
يا ريت توضح علشان انا مش فاهم قصدك ؟؟

أنا بسميه أسلوب ترهيب فى الحوار ... و أنا مش بحبه .... و ممكن أتوقف عن محاورة اللى قدامى بسببه.
و حصلت قبل كده فى المنتدى هنا إن أستاذ فاضل .. توقف عن الحوارات بسبب ردود بالشكل ده ..... و أنا مستعد أعمل زيه.

و أرجو إنك متاخدش الكلام ده على إنه تهديد ... لكن أنا بوضح موقفى.

تحياتى

[Adham_Sabry]

يا ريت توضح علشان انا مش فاهم قصدك ؟؟[/color]

الأسلوب ده :أنا بسميه أسلوب ترهيب فى الحوار

أرسل أصلا بواسطة meza
برضه فى طريقة لعرض الرأى ...... مش يبقى هجوم أعمى على شىء مشفتهوش أصلاً .... كده ميبقاش رأى.

لا تعليق واترك الحكم لباقي الزملاء
بس طلب اخير ارجو الرد علي السؤال

ويا جماعه اللي دخل الفيلمين دول يقول لنا هو بعد ما اتفرج هايكون اكتسب حسنات ولا سيئات ..

الا اذا كنت بتعتبره سؤال ترهيب هو كمان