كباريه و الريس عمر.. هي دي مصر؟

[aif]

طيب يا جماعة متدخلوووووش الافلام دى!!!

ما احنا اللى بنفع الناس دى و بنجحهم

لأ يا نهى مش قوي كدة ...مش للدرجة دي يعني ...
انا عندي اقتراح تاني ممكن يكون احسن ... اننا ما ندخولش الأفلام دي !!! ....لأن احنا اللي بننفع الناس دي وبنجحهم

[OlaOsman]

لان القائمين على صناعة السينما فى مصر هى ده حياتهم
ومعظم النماذج فى السينما تنحصر فى 1% من الشارع المصرى

خدى عندك ، الست المحترمة المحجبة ( اكتر من 70 % من سيدات وبنات مصر كده)
)

المرة اللي افتكرها جابوا فيها في السينما دور واحدة محجبة كانت دلال عبد العزيز في فيلم أسرار البنات و طبعا مطلعينها هو و زوجها الأسرة الرجعية المتخلفة اللي عملوا لبنتهم كبت لحد ما وقعت في اللي وقعت فيه.

الراجل المحترم اللى مش بيشرب خمر ولا بيزنى ( 70 % من الناس كده)

لكن فى الافلام شرب الخمرة عااادى جدا
والزنى ولا يهمك كانه شىء عااادى

و ده للإسف يتضمن بعض الأفلام الكوميدية اللي العيال بيحبوها.. غاظني جدا فيلم صعيدي في الجامعة الأمريكية لما البطل زهق من حياته قام راح قعد في بيت مشبوه.. يا سلام.. هو ده الحل يعني؟؟ و برضه همام في أمستردام لما مش عارفة حصل له ايه قام راح شرب خمرة.. انا متهيألي النغمة دي بأت مستهلكة من أيام امسحي دموعك يا آمال و إطفي السيجارة لا تحرق إيدك يا آمال.

اكتر حاجة بتغيظنى ( ظابط الشرطة الشريف المتفانى فى شغله اللى ياعينى بمرتبه مش قادر يعيش وبيحارب اللصوص والمجرمين

بالظظظظظظظظظببببببببببببببطططططططط

[OlaOsman]

الحسنة الوحيدة في فلم كبارية انة بيناقش اختلاط الحرام بالحلال ( صاحب الكبارية بيعمل عمرة كل سنة )
زي احنا بنسمع فنان او فنانة او راقصة او 00000 بيعمل عمرة

بس دي حسنة في إيه؟ ممكن قصدك انها نوع من أنواع النقد لأوضاع المجتمع برضه؟

[OlaOsman]

علا هو انتي إتفرجتي على الفيلمين


Thanks
Eng.Sherif Shaker

لا يا باش مهندس، انما اتحكالي فيلم كباريه. اما الريس عمر حرب فموضوعه كما هو معروف بيدور داخل صالة قمار و مش ناوية أشوفه عشان أنا مقاطعة أفلام خالد يوسف بقالي شوية.. أفور اوي و أقل موقف يتاخد من الأفورة دي هو مقاطعة أفلامه.. طبعا ده أضعف الإيمان.. انما هو اللي في الإمكان.

[OlaOsman]

كل اناء ينضح بما فيه

ماذا تقصد يا تٌرى؟ قصدك يعني الشعب المصري بيحب الأفلام دي و لا العينة اللي بتطرحها الأفلام دي في منها في مصر كتير؟

[OlaOsman]

فاكرتني ايام ما كنت شغال في الغردقه صاحب الفندق عمل اوردر للحسابات لفصل فلوس الخمور عن الغرف عشان يسافر يعمل عمره

و لله في خلقه شؤون.. الله أعلم مش يمكن ربنا يهديه في يوم من الأيام؟

[OlaOsman]

السينما ...بيعتبروها صناعه...."صناعه السينما"
وكأي صناعه ....الهدف من وراءها المكسب....لانها مش جمعية خيرية...

يعني المفروض القائمين علي هذة الصناعه...بيحاولو يزودوا المكسب ويقلل التكاليف...

محترفي السينما في العالم ....ايقنوا ان نجاح الصناعه دي.....مبني علي تقديم مادة مطلوبة...

في مصر وللاسف...

المنتجين والمخرجين والمؤلفين ....اكتشفوا ان الشعب المصري...كمستهلك لصناعه السينما...عايز واحدة من المواد الفيلمية الآتية:
1-فيلم كوميدي...(مش مهم المضمون والكلام العبيط دة ....المهم يضحك وخلاص)
2-فيلم اكشن ....(البطل المصري....وعودة لادهم صبري...ورجال المستحيل)
3-فيلم بلا قضية او هدف....ولكن بيلف ويدور علي الغرائز والمحرمات ...بشكل واضح وصريح او بشكل ضمني...

اغلبية الافلام ايلي حققت اربح خرافية....كانت من النوعية التالتة...ايلي بتلف وتدور...

ودة معناة ....ان هي دي المادة المطلوبة من غالبية رواد السينما.....

يعني مثلا لو اتعمل فيلم تاريخي ولا حربي ...ولا فيلم وثائقي ...ولا فيلم تسجيلي ..ما حدش هايشوفة غير عمال السينما....

بصة سريعه علي السينما الامريكية.....تندهشوا...جداااا
السينما الامريكية سينما حرة تماما.....بمعني ان كل المواد الفيلمية متاحة....بما فيها افلام الغرائز....وبصورة مافيش اوضح منها ....ومع ذلك...ايلي بيتابع الـ US Box Office هايندهش....
اكبر الافلام ايرادات ....افلام الكرتون...افلام الخيال العلمي...ودة بيعكس رغبة الاغلبية العامة هناك.....رغم ان نوعية الافلام السافلة متاحة..للجميع ومش محتاج للف ولا دوران....

انا متأكد لو فيلم كرتون محقق اعلي ايرادات هناك وبملايين الدولارات اتعرض هنا مش هايجيب حق عرضة....

يبقي في الآخر ....وللاسف ....السينما هي مرآة المجتمع....

صحيح مصر كلها ناس محترمة...ومحجبات...وناس عارفة ربنا.....بس اغلبهم ...وايلي بيصرف علي صناعه السينما...(لانهم هم ايلي بيدفعوا اجور الممثلين وارباح المنتجين من شباك التذاكر) عايز نوعية هابطة ورديئة من الافلام....ايلي كلنا عارفينها....

يعني العيب مش في صانع السينما....العيب في مستهلك المادة الفيلمية....

كلام سليم و تحليل منطقي رائع :)

بس يمكن تكون القاعدة دي انكسرت شوية ساعة نزول فيلم زي إسماعيلية رايح جاي و فتح الباب للمصطلح اللي ظهر بعد كده و هو السينما النظيفة.

[OlaOsman]

لا ولسه كمان فيلم الديلر
بتاع احمد السقا

كمالة الافلام
طالع في دور قواد

بس ما أظنش انه هايكون فيه مناظر خارجة.. متهيألي احمد السقا مختلف.

[OlaOsman]

طيب يا جماعة متدخلوووووش الافلام دى!!!

ما احنا اللى بنفع الناس دى و بنجحهم

بصراحة افلام خالد يوسف دى كلها عاوز يتولع فيها بجاز منييييل

صح يا نهى.. زي ما انا لسه رادة على باشمهندس شريف من شوية.. خلينا نقاطع أفلام خالد يوسف.. خليه يحس انه بيتعب في الفيلم و يطلع عينه فيه و الناس مش بتدخله عشان المبالغة في المشاهد الخارجة اللي فيه. على فكرة خالد يوسف ممكن بكل سهولة يقول كل اللي هو عايزه في الفيلم من غير المباشرة المؤذية دي.. انما هو أعلن عن نفسه بكل وضوح في فيلم حين ميسرة و زي ما يكون بيقول ده قانوني و اللي عايز يدخل أفلامي يدخلها على هذا الأساس.. اوك يا خالد احنا بأه مش داخلين لك أفلام تاني.. بس ما تنساش تسلم لي ع الرقابة

[OlaOsman]

بصراحه موضوع هايل يا أستاذه علا يستاهل النقاش فيه .

كل كلام إخواتى فى المنتدى كلامهم صحيح .

جميع الأفلام المصريه اللى شوفتها كلها فيها خمره ورقص ويسكى وبقيت البلاوى

التانيه .أنا مش من هواه متابعه الأفلام الجديده لاكن بحب أتفرج على الافلام الجديده بس بعد ما ينزل على أجهزه صحابى أو على النت على أساس إنى عايز أتفرج بصوره وصوت نضيفة مش عايز حاجات مسروقه مش ناقص شلل .المهم فى يوم بتفرج على فيلم إسمه حين مسخره ( ميسره ) كنت قاعد أنا وإخواتى البنات وماكونتش أعرف الفيلم بيحتوى على إيه فجأه ألاقى كلام غير لائق ولقطات ليس فيها أى نوع من الإحترام
بالذات الدور اللى طالعه فيه سميه الخشاب .بقى شكلى وحش قدام أخواتى وبقين أنا
خجلان منهم علشان خليتهم يتفرجوا على الفيلم ده ومن ساعتها قررت إن مفيش أى أفلام جديده تنزل على الهارد ولو طلب الأمر لازم أحول الفيلم إلى لجنه رقابه بعدها أقدر أخلى إخواتى يتفرجوا أو لأه .

وعلى رأى الأستاذه أونه إحنا اللى بنفع الناس دى وسبب نجاحهم والقرار هو إنا إحنا

ماندخلش أى دور سينما ونبلغ كل المنتدى وكل أصحابنا وبكده نقضى على هذه المهزله

مهما أتكلم فى الموضوع مش هايكفينى حتى كشكول .

شكرا ليكى يا أستاذه علا .معلش طولت عليكم

صح ده حين مسخرة مش حين ميسرة.. بس الحق مش عليه.. الحق على اللي بيدخلوا أفلامه و همه عارفين فيها ايه و يدخلوا إيرادات بالملايين.

[OlaOsman]

أحمد السقا و أحمد حلمى الوحيدين اللى مباندمش على دفع فلوس فى الأفلام بتاعتهم

بس لو حلمي يركز كده في أفلامه و يحاول يخليها هادفة.. يبقى 100 100

[OlaOsman]

الحمد لله انا مقاطع السينما تماما الا لما الاولاد بيصمموا وساعتها بندخل حاجة كوميدي وخصوصا احمد حلمى

مشكلة أفلام حلمي و هنيدي و هاني رمزي انها كوميدية.. يعني بتشد الأطفال، بس في نفس الوقت في بعض الأحيان فيها حاجات ما تنفعش الأطفال خالص.

[OlaOsman]

نفس الحوار تقريبا
ومرة الاخيرة كانت فيلم احمد السقا الاخير اللي مش فاكر اسمه
دخلتة عشان عارف انه مفيهوش مناظر قذرة وكلمات بذيئة
الفيلم ده بتاع قصة السفاح عزت حنفي-يوووة انا مبتكرش افلام اساسا
ووقفت ببيدو ساعة وشوية في الكوريدور
عادي كنا بنسلي بعض بدل ما المتفرجين يتسلو علينا

حد بالذمة يدخل مع بيدو فيلم السفاح عزت حنفي؟ تجيب للواد استبحس ليه و هو صغير كده؟

[OlaOsman]

لأ يا نهى مش قوي كدة ...مش للدرجة دي يعني ...
انا عندي اقتراح تاني ممكن يكون احسن ... اننا ما ندخولش الأفلام دي !!! ....لأن احنا اللي بننفع الناس دي وبنجحهم

إقتراح جديد نووووووووفي و كنا فعلا في انتظاره.. انت كنت فين من زمان يا أخي؟

[aif]

إقتراح جديد نووووووووفي و كنا فعلا في انتظاره.. انت كنت فين من زمان يا أخي؟

الواحد برضه لازم يفيد الآخرين من خبراته الكبيرة .......