هل انتا مؤيد لإلغاء الجمارك والضرائب ( نعم ...أم ..لا) !

[Y a r i s]

[COLOR="Black"] ( دعوه للحوار كمواطنين ).
@@@@@@@@@@@@@@@

يعني ايه. الشعب يريد اسقاط النظام من وجهت نظرك ( الشخصية ) !
هل معناها تغير الرئيس.
هل معناها تغير الوزراء.
هل معناها تغير المديرين .والاداريين.
ام تغير .نظام وسيستم البلد ( من بيقراطية. وتعقيدات من روتين. واوراق .... من قوانين بالية .... من طريقة التعامل مع المواطن باعتباره درجة تانيه في المجتمع ....

..من القضاء على غلاء الاسعار. .... من الغاء للجمارك .على الناس الي دبحاهم وسرقاهم وشفطة كل .مليم في جيبهم هيا والضرايب. الغير مبررة ..... وعلى كل لقمة البني ادم بيطفحها وبياكلوها لازم يدفع ١٠٪ ضرايب .على كل كلمة البني ادم بيتكلمها لازم يدفع ضرايب على كل .شيء كل شيء لدرجة انك تحس ان الدولة كاتمه كده على نفسك. ومشركاك في مرتبك .ولقمة عيشك.

يعني تيجي تقبض المرتب من هنا يقوموا يخصموا ضريبت دخل. ....وخلاص خدوا ضريبتهم منك وكل حاجة .تيجي بقى للقرشين الي .فضلين لك لغايت اخر الشهر هتعيش بيهم لاخر الشهر .ويادوبك يكفوك. .... كل حاجة تشتريها بيهم كمان ياخدو ١٠٪ ضريبت مبيعات . معنا كده لو حسبناها هنلاقي ان الدولة شريكة في كل مليم بتكسبوا بنبسة ٥٠٪ من قيمت دخلك وانتا مبتستفيدش من مرتبك غير نصوا فقط قيمة فعلية والباقي ضاريب ..

والي هيقولي واللهي احنا بناخود منك ضرايب وجمارك علشان بنشغل ناس في الحكومة وبنصرف عليهم وفاتحين بيوت لأ والف لأ. .... قاعدهم في البيت ياخويا ومتصرفش عليهم على حسابي .ومن فلوسي وفلوس الناس التانية الي ملهوش لازم يقعد في البيت ..

ده على مستوى شاب عاطل ويعاني من البطالة ومعندهوش اي مصدر رزق .... غير مصروفوا الي بياخودوا من ابوه .... بيدفع ضرايب للدولة. رغم انوا .يستحق اعالة واعانة من الدولة او توفير فرصة عمل لكن في المقابل لايجد فرصة عمل. ولا بياخود فلوس من الدولة .... ده بالعكس الدولة هيا الي بتاخود منو فلوس.

ده على مستوى طفلة صغيرة رايحه تشتري شيكولاته او كيس شيبس او باكو باسكوت الدولة بتاخود ١٠٪ ضريب مبيعات على الحاجة الي هتكولها.
.طفلة زي كدة بصو كده عليها.



بتدفع للدولة بطريق مباشر او غير مباشر ضايب وجمارك !!!.
هتقولولي ازاي هقولك بص شوف العجلة الي ركباها عليها جمارك او اي لعبة هتلعب بيها.
شوف تمن اي شيكولاته ولا بون بونايه هتكولها. ولا حتى التوكة الي في شعرها ولا فردة الجزمة الي في رجليها .ولا المم الي هتاكلوا بتدفع عليه جمارك للدولة .وضاريب.

@@@@@@@@@@@@@@@@@.

والامثلة كتيررررررررررررررة.
جمارك على اي سلعة غير مبرررررة. وضرايب غير مبرررة.
وفوق كل ده وده قانون. مبيجبش. للمواطن حقوا .... .وخدمات معدومة .... ومرافق باليه عفى عليها الزمن واكل وشبع ... هتقولي الضرايب والجمارك مصلحك اولاً. وبالفلوس دي .بنبيلك مدارس ومستشفيات لا ياعم شكراً عيالي ملقتلهمش مكان في مدرسة حكومية وميشرفنيش ادخلهم مدارس حكومية ..... وحتى لو كبروا اكيد مش هلاقيلهم مكان غير في جامعه او معهد خاص حتى لو كانوا جيبين ميه واحد في الميه .... .ولمن بعيى .ولا حتى بمووووت مبروحش مستشفى حكومية .وبتعالح على حسابي .حتى لو كان من التامين الصحي برضوا بدفعلوا فلوس على حسابي .... .يبقى بتاخود فلوسي ليه وبتلهف نص الكام ملطوش الي باخودهم اخر الشهر .... ماتسيبني اعييييييييييييش يا اخي. وسيبني في حالي ..

ولا هو علشان تعيش انتا ناس تموت ناااااااااااس ... .وتمص دمهم وشقاهم بحجة التكافل الاجتماعي. ... ده الصين الي هيا صين واغنى من امريكا مبتدعمش الحكومة عندهم غير طفل واحد يعني ليك انتا طفل واحد بس الدولة تدعموا وباقي الاطفال على حسابك الشخصي وملناش دعوه ومليكش تطالب اننا ندعمك باي حاجة هو طفل واحد بس ندعموا غير كده. على حسابك الشخصي فمينفعش واحد مخلف طفل وطفلين وتلاته .ومش لاقي ياكلهم او يشربهم. يجو يشفطوا فلوسنا ويقلك اصل الدولة بتصرف على ذوي الدخل المحدود طيب وانا ماااااااااااااالي اذا هو دخلوا محدود .ومش قادر ياكول ولا يشرب ومخلفلي ؤرطط. عيال وانا مالي . .

ده حتى على المستوى الشخصي لو اخوك الي هو اخوك طلب مساعده منك. .هتديلوا وتساعدوا حتى لو على حسابك وحساب عيالك .... يجيلك تاني مره هتقولوا لا مفيش هو انا خليفتك ونسيتك ..... لكن مينفعش تعيش ناس على قفى ناس .... او على حساب ناس ..

@@@@@@@@@@@@@

ويقلك المساواة والعدالة الاجتماعية يعني ايه مساواة نفسي افهم .... اذا ربنا سبحانه وتعاله مساواش بين الناس في ارزاقهم ولا حتى في صحتهم وعافيتهم ولا حتى في عدد ابنائهم ولا حتى سواهم في عقولهم او خلقتهم. .... مع ان ربنا عز وجل اعدل العادليين.
فمينفعش تاخود مني فلوووس قاد كده وتساويني في الخدمات مع واحد مبيدفعش حاجة لا ده بياخود من الدولة فلوس ودعم .... ده حتى على مستوى ابناء المغتربيين الي بيدخلوا فلوس للبلد لمن يجووو يدخلوا عيالهم هنا الجامعات القوية وكليات القمة يتفاجؤوا بالرفض ويقلك استنفذ رغبات مكتب التنسيق.

وروح دخلوا جامعه خاصة او معهد خاص بفلوسك .... طيب على اي اساس بتاخود من المغترب فلوس قاد كده .... وعلى اي .اساس. لمن البلد بتتعرض لازمة اقتصادية بتروحوا تبوسوا ايديهم في بلاد الغربة انهم يحولوا فلوسهم وودائعهم .من بنوك اجنبية لبنوك مصرية علشان في النهاية ابنوا وفرحت عمروا يجي يدخلوا في كليه ولا جامعة من جامعات القمة .تقولولهم ملهمش مكان حتى لو كان جايب ١٠١٪ ..

@@@@@@@@@@@@@

على اي اساس. بتاخود مني ضرايب وجمارك على عربيتي. وبتحرمني من كل الكامليات الي فيها وانا ماشي في طرق مكسرة ومطبات معمرة وحفر وبلعات بالهبل ..... وابسط حقوقي اني اروح المرور .الاقيني واقف في مبولة ( عدم اللمؤخزة).
على اي اساس بتاخود فلوسي مني. على اي اساس ... وتقعد تشحططني .من شباك لشباك ومن موظف لموظف .ومن مكان لمكان. واجري ارفع البصمة واجري روح لضابط البيئة واجري الحق الخزنة واجري هاتلي طفاية واجري ادفع تامين والتامين ده حكاية تانية .وقصه كوميدية من قصص مبارك. فلوس بالهبل بتطفع ليه علشان لو جاتلك اعاقة كولية .ولا حالة وفاة تاخود ٢٠٠٠ جنية للورثة هههههههه. .شايف المسخرررررررررررة .شايف المهزلة.

لايخويا كتر خيرك سيب فلوس التامين في جيبي ولمن يحصلي حاجة ولا مت ولا اتشليت مش عاوز منكم حاجة كتر خيركم .بس سيبوا فلوسي في جيبي ...

@@@@@@@@@@@
ويقولك دمغة. او طابع. يعني ايه دمغة او طابع حد يفهمني.
يعني فلوس بتتورد للدولة نظير خدمات طيب اومال الفلوس الي لهفتوها مني اول ما قبضت مرتبي دي كانت ايه .ونظيررررررر ايه !!!.
وياريت القصة في النص جنية او في الجنية الي هتدفعوا الا انك بتطلع بره وتمشي هناك هناك. لغايت البوسطة علشان توقف طابور علشان تجيب طابع ولا دمغه بنص جنيه ولا بجنية. .واكيد كل مواطن جرب المهزلة دي.

فمش عارف انا مشاريكتيش في الثورة غير بقلبي وبسري.
وبعد كل الي مريت بيه انا مش شايف غير انو الديكتاتور وجماعتوا هما بس الي اسقطوا ... .بس نظام وسيستم البلد .العقيم مازال قائم .ونفس الاجرائات المملة هيا هيا .... .ونفس الموظفين المرتشيين . الي بيتعاملوا مع المواطنين هما هما .وهما ؤس فساد المجتمع ... ونفس الاجرائات والشروط والدمغات .هما هما والضرايب والجمارك هما هما.

وانا مش عاوز استعجل البلد عارف انها لسه بتتولد من جديد وفي ازمة اليومين دول بس نفسي حد من المسؤوليين يطلع يطمني .ويطمن قلبي. ... ويقلي انشاء الله هنرفع الجمارك بشويش ..... عاوز حد يطمني ويقلي هنغير موظفين .الحكومة الصغيريين مش الكبار.
يغيروهم ويجيبوا شباب يشتغلوا مكانهم .وهيغيروا الاجرائات .الروتينية الي في المصالح الحكومية. وهيخلوا الخزنة فاتحه. والمصالح الحكومية فاتحه ومتخفش هتلحق تخلص كل امورك يعني هتلحق. نفسي حد يطمني ان طرق مصر هتتسفلت. وان خدمات المرور هتتحسن وتبقى مكيفه وهو شباك واحد بس الي هتتعامل معاه ويخلصلك كل امورك وكلوا بالكمبيوتر .وانتا قاعد في التكييف مستريح ومن غير رشاوي او من غير اي مصاريف اضافية.

@@@@@@@@@@

نفسي حد يقلي هنرفع ضريبة المييعات على الاكل الي بتاكلوا .ويكتفوا بضريبة الدخل.
نفسي حد يقلي هنرفع الجمارك عن عربيتك .او حتى هنرفع الجمارك على الاوبشن ووسائل الامان .وعن قطع الغيار .... نفسي حد يقلي هنرفع ضريبة المبيعات. عن الخدمات واحد بيديلك خدمة او اشتركت معاه في خدمة. تاخدوا عليه ضريبة ليييييه.
ماتخدوا بس ضريبة .الدخل شوفو هوا داخلوا كام وخدوا العشرة في المية بتاعتكم مش يبقى دخل وكسب وخسارة ولهف بلهف .
عاوز حد يطمني .....!!!!!.
@@@@@
والا يبقى .مكنش ليه لزوم لكل الي حصل اذا كل شيء هيفضل زي ماهو.
ومفيش .اي خطة لتغير نظام .وسيستم العقيم بتاع البلد !.

@@@@@@
وتحياتي.
. /COLOR]

[wsaleh2]

With all my respect to your point , that cant happen , we need these Taxes and Service charge to keep the country running , You yourself wont be able to live in the country where the government had no money to build new roads or patch the sewage system when it malfunction
Believe me , every country in the world needs this Taxes to take care of its own business , in the first world some people pay 30 to 40 % of their income as taxes , what you pay in Egypt is nothing compared to other countries
Lets also consider what you pay as Tips for some government employee to facilitate your service is a equivalent to the charge that people in western countries pay to the registry office for example
No one in the western world pays 30 cents for a liter of Gasoline like you do and also no one pays a cent for bread , or less than 10 dollars for utilities like you do in Egypt
No one can buy a house cash like Egyptian do ,
So it is all one package take it as it is and dont remember if you didn't help in giving to the poor , from your money those poor people will turn over you and may cause you more harm than you ever imagine and at that time there will be no one able to stop them
Some points i agree with you on it like the whole system needs to be upgraded and the mentality of the people need to be reformatted but that wont happen until we have a good education system and good Judgmental system , which will take quite sometime to implement
Best Regards
Wesam

[Y a r i s]

يا استاذ وسام انا معاك في كل ليتر ذكرتها ....
بس حضرتك بتقول مثلاً ان في مصر مبيدفعوش. مثلاً ١٠$ في المرافق زي في اوروبا او امريكا او كندا .... ماشي انا معاك بس تقدر تقولي انا مرتبي كام علشان ادفع مرافق عشرة دولار يعني ستين جنية

تماماً نفس فكرة عدادات الانتظار الي جبوهالنا في اوروبا وامريكا ونزلوها مصر وملو وسط البلد عدادات انتظار .... وكروت شحن وفوق مالفلوس دي بتروح للدولة .... الدولة بتاخود ضرايب. ١٠٪ من قيمت الخدمة او من قيمة الفلوس رايحه للدولة .... يعني اصوت ولا الطم .... بياخدوا ضريبه على فلوس رايحلهم نظير خدمت انتظار في شارع ربنا. .... ومتقوليش وفرولي طريق ورصيف ونور لان الحجات دي بقالها فوق التلاتين سنة معمولة وشغااله زي الفل ما اشتكيتش

سعر البانزين : بالنسبة لسعر البانزين عندنا رخيص لانوا طالع من ارضنا المجمركة اقصدي المباركة .... وعاوائد النفط مبنستفيدش منها بحاجة ولا بتخش جيوبنا بل بتتلهف .... عوائد قناة السويس كزالك مبتخشش جيبي ولا جيبك عوائد الغاز الطبيعي كمان مبتخشش جيبي ولا جيبك طيب الفلوس دي كلها بتروح فييييييين. .... انا مسئلتكش عنها. ولا طاليبتك بيها وكمان مقلتلكش مش هدفع ضاريب بس بقولك انا مش هدفع جمارك. ولا عاوزك تدفعني ضرايب. فوق الضرايب حق الدولة خودوا وسيب حقي وسيب بقيت فلوسي اعيش بيها من غير ضرايب .... باي حق انتا مثلاً عايش في كندا وتغربت واتعزبت. وشقيت وحطيت القرش على القرش تجيب عربية من بره يدفعك عليها فلوس باي حق هو صنعها ولا اخترعها ولا هو كان هيحطها على حجروا ليه ياخود منك جمارك قد تمنها مرتين لييييييه ( بلطجة يعني ) ولا ايتاوة .

@@@@@@@@@@

مصلحة الوطن في التنمية في شيل البيقراطية والتعقيدات مش في لم الفلوس من الناس وخلاص دون اي وجه حق .... يعني من الاخر انتا حاطط ايدك ورجلك في جيبي ومجمركلي كل حياتي. وجي بتقول انا سيدك وبدعمك وبوفرلك الدعم على البانزين. .... أأأللللله. ما انتا طيب لاهف مني قاااااااااد كده يعني من الاخر الدعم الي بيدهولك في سعر الوقود ولا في رغيف الخبز الي اغلبنا مابياكولهوش .... الدعم دهو جزء من فلوسك الي بيلهفوها يوماتي

@@@@@@@@@@

فخلاصة القول. الضرائب لتوفير خدمات. .... وعمري ماشفت خدمات نهائي حتى الشرطة بتصل بيها علشان تغثني او تلحقني مبلقهاش .... والمستشفيات الحكومية مبخوشهاش حتى لو رايح اطعم .... والمرور. بروح علشان يلهفوا مني شيء وشويات ده غير الاكراميات. يبقى انا مش شايف الضرايب المبالغ فيها على كل شيء ليها اي فائده تعود عليا نهائي حتى من تعليم ابنائي او رعايتهم الصحية كلوووو على حسابي يبقى بتاخود مني ايتاوة على ايه. وياسيدي خووود ايتاوة بس خودها بالعقل والمنطق مش عمال على بطال في كل حاجة. كده .... حتى النفس الي بتنفسوا ولو سجارة دافع عليها ضرايب للدولة قاد كده تقلش بيحافظوا على البيئة قووي. ولا تكنش هيا بيئة ابوهم وانا مش عارف

والجمارك. لا يستحقوها بالمره. واصلاً اصلاً. هيا. حرام في الاسلام. واسمها المكوث تقريباً حاجة زي كده
وتعتبر نووع من انواع البلطجة الي كان فارضها علينا حسني .... لإذلال المواطن وكسر عينوا وايتاوه كده .... وهرب فلوس الجمارك كلها بره على سويسرا يعني البلد كده او كده مش محتاجة الجمارك ولا ناقصاها ولازم نفرق بين. عائد فلوس الناس واقتصادهم واقتصاد الدولة .... مدخرات الناس مش لازم تبقى عرضة. ان الدولة كل شوية تقعد تمص فيها من ضرايب وجمارك وخلافوا بحجة مصر....

سيبوا الناس تعيش بقه وتشم نفسها وبلاش نقعد نكبت فيهم ونحرمهم من متعة الحياة. بحجت علشان خاطر مصر .

ده حتى المثل بيقولك ايه. يانحلة لاتلدغيني ولا انا عاوز عسل منك .... وانا عمري ماشوفت عسل فبلاش كل شوية تنطلي اللنحلة وتقرصني بجمارك وضرايب .... ومش معقوله ومش معقوله حتى على سندويتش الفول الي بتاكلوا بتلاقي عليه ضريبة مبيعات عشرة في المية .... قزازة الحاجة الساقعه الصاروخ الي بتشربها وبتبل بيها عطشك وريقك عليها ضريبة مبيعات ١٠ ٪ مكرر كزا مره ... من اول المستورد للمصنع لتاجر الجملة لتاجر التجزئة للسواق الي جايبهالك لكهربة التلاجة الي بتسقعهالك للبقال الي بيبعهالك علشان توصلك في سعرها النهائي جنيه ونص. طيب من غير جمارك وضاريب هتبقى بكام. هتبقى بخمسه وسبعين قرش بس

فشايف ازاي ساعدت الباشا كل حاجة هيا رخيصة جداً وبتجي حتى من بلدها رخيصة بس بسبب البلطجة والايتاوات بتوصلك غالية سواء اكانت حاجة ساقعه ولا سندويتش فول. ولا حتى عربية. تقدر تركبها وتوصلك لشغلك ففين العدل هنا !!! .

[medomadamody]

ياباشا مش للدرجة الفول طبعا مفيش عليه ضرايب مبيعات

[shaddadfalcon1]

متوسط مرتباتنا في مصر حوالي 1000 جنيه في الشهر ومع ذلك 70% من العربيات اللي في الشارع في فئة ال60 الف جنيه يعني لو ترجمنا لامريكا مثلا اللي متوسط المرتبات اعلي بكتيير بتلاقي ان نفس الفئه دي راكبه عربيات ب 10 الاف دولار يعني 10 الاف جنيه مصري بالنسبه لنا يعني لما نحول من مصر لامريكا كان الناس دي كلها راكبه m3, x5, c63amg يعني احنا لو اسعار العربيات زي بره كنت هتلاقي معظم العربيات اللي في الشارع عربيات راقيه ونظيفه وشكلها حلو والكل خايف علي عربيته

مش هلاقي واحد حمار بياخد يوتيرن بسرعته وداخل قاطع الطريق عشان معاه لادا ولا فيات قديمه وماشي يقول اللي خايف علي نفسه يوسع

[Y a r i s]

ياباشا مش للدرجة الفول طبعا مفيش عليه ضرايب مبيعات

ماهو ده الي انا بقولوا
مش لدرجة الفووووووووول. يعني سيبولنا حاجة من غير جمارك او ضرايب ... بس حضرتك روح اشتري اي سندويتش فول من جاد او اخر ساعه او التابعي الدمياطي وبص في الشيت الي معاك. الورقة هتلاقي محطوط ضريبة مبيعات ١٠٪

@@@@@@@@

روح اشتري اي علبت فول من سوبرماركت محترم هتلاقي. يمن العلبة. كزا وعشرة في الميه ضريبة مبيعات طبعاً مكررة. بمعنا ايه من ساعت ما بتجيلك العلبه من المستورد للمصنع لمصنع التعبئة لمصاريف الدعاية والاعلان لاجرة الشحن والتوصيل تعتبر خدمت توصيل والخدمات عليها ضرائب للتاجر الجملة لتاجر التجزئة للموزع للبائع. وكل واااااااحد من دول بيدفع ١٠٪ ضريبة مبيعات

يعني طبق الفول الي بتاكلو او حتى سندويتش الفول. بتبدفع عليها ضريبة مبيعات وانتا مش عارف ! او مش واخد بالك !
ههههههههه. (صباح الخير )

[Y a r i s]

متوسط مرتباتنا في مصر حوالي 1000 جنيه في الشهر ومع ذلك 70% من العربيات اللي في الشارع في فئة ال60 الف جنيه يعني لو ترجمنا لامريكا مثلا اللي متوسط المرتبات اعلي بكتيير بتلاقي ان نفس الفئه دي راكبه عربيات ب 10 الاف دولار يعني 10 الاف جنيه مصري بالنسبه لنا يعني لما نحول من مصر لامريكا كان الناس دي كلها راكبه m3, x5, c63amg يعني احنا لو اسعار العربيات زي بره كنت هتلاقي معظم العربيات اللي في الشارع عربيات راقيه ونظيفه وشكلها حلو والكل خايف علي عربيته

مش هلاقي واحد حمار بياخد يوتيرن بسرعته وداخل قاطع الطريق عشان معاه لادا ولا فيات قديمه وماشي يقول اللي خايف علي نفسه يوسع

+١١١١١١١١١
وسؤال هل المواطن المصري اغنى من المواطن السعودي !!!!
المواطن السعودي ولا الامارتي مبيدفعش حتى ربع الضرايب الي بيدفعها المواطن المصري .... والي هيقولي طب وغلاء الاسعار عندهم تفسرها بايه هقولك افسرها بانوا. بياخود افضل شيء. في مقابل الفلوس الي بيدفعها وبيشتري وبياكول الغالي .... في المقابل المواطن المصري. بياكول اردء شيء وارخص شيء ولكن بسبب الجمارك الحجات دي بتوصل بعد الجمارك والضرايب اسعارها مولعه

ولا المواطن المصري غني علشان تدفعوا ضعف اضعاف السلعه او العربية بحجت الجمارك او حجت مصر والبلد والوطن .... وفوق ده وده تحرموا من كماليات العربية ومن وسائل الامان فيها ويذلوا في الناس ويقلك على قد فلوسك لأه بأه فلوسي هيا بالضبط تمن العربية دي فل اوبشن واخر موديل بس بسبب بلطجتكم والايتاوه الي فرضينها علينا. مش عارفين نعيش مش عارفين نكرب مش عارفين نستمتع بعيشيتنا .... يبقى الدولة مكدرانه. وممغصه علينا حياتنا وبتلهف نص قوتنا ومع ذلك مش عاوزة ترحمنا شوية من ضرايبها وجماركها .... ولا بتوفرلنا. خدمة عليها القيمة ... لذلك انا عاوز حد من المسؤولين يطلع يطمنا ويقول انوا حاطط الموضوع ده في الحسبان وان الوضع مش هيستمر كده والا هيبقى النظام متغيرش .

[wsaleh2]

Mr. Yaris
I understand your point but lets consider these points in comparison between your situation as an Egyptian living in Egypt and a Canadian Living in Canada
1- How much did you owe for student loan when you graduated university , THE AVERAGE CANADIAN OWE BETWEEN 40000-50000 dollars and had to start paying them back with an interest of average 6 % in total
2- How much did your parents gave you to start your life or help in buying your new apartment , in the western world , you will be lucky if your parents gave you any help after you graduate high school
3- how much do u pay for bills like electricity and water and sewage , in canada it is about 300 dollars for a mid size house
how much the average Egyptian pay for rent , specially old type ones , my parents live in an apartment 100 m2 and they pay 23 pounds a month
how much do u pay for obligatory insurance in Egypt i think around 60 -100 pounds a year in Canada the least is 3rd party and it is about 80 dollars a month and you are not covered if your car is damaged
how much you pay for a mechanic to fix your car , specially small things like changing oil or fixing the brakes , normally about 150 pounds in Canada it is 70 dollars to change oil and to fix the brakes around 200 dollars
These are some examples , that i would like to tell you that other countries are not better than egypt , you earn lots the life expenses are lot , you earn little the lfe expenses are little
The point that i see in Egypt as a very negative point is
EGYPTIANS LOST THEIR LOYALTY TO THEIR COUNTRY AND THEIR RESPECT TO ONE ANOTHER
Please dont get offended , but I love This country so much and it is teaing me apart to see things going down the tube like it is now
Regards

[Y a r i s]

ههههههههههه. لسه عقود اترجم من جوجل تاني هههه مفيش ترجمه فورية ياشباب

[Y a r i s]

Dear Professor WeSam
You can not compare the situation in Egypt, Canada .... Because there is a big difference in living standards and the level of access

وبعدين يافندم حضرتك بتقول بيدفعوا ٣٠٠ دولار للصرف الصحي بس محديدتش في الشهر ولا في السنة وهنا في مصر مينفعش يطبقوا حتت دفع فلوس على الصرف الصحي. لان ابسط حاجة هتلاقي الي يقلك مش دافع. ويقوم خارم الحيطة بتاعت بيتوا كده و مادد مصورة الصرف بره على الشارع ويطرطش على العربيات ههههههههههه

احنا عندنا كثافة سكانية عالية وزي ماهيا عيب هيا ميزة بمعنى. ان ٨٠ مليون مواطن لو دفع كل واحد منهم جنيه كده بقو ٨٠ مليون جنيه دخلو خزينة الدولة. ال ٨٠ مليون جنية دول مش كفاية ولا هو ضروري الافترى .... وعلى كل نفس وكل لقمة الواحد بياكولها. ياخدو فلوس !!!! ياسيدي قول ١٠٠ جنيه من كل مواطن كده كفاية قوووي اضرب ١٠٠ جنيه في ٨٠ مليون مواطن وشوف الرقم هيطلع كام !!! في الشهر فمابالك في السنة والكل بيدفع من غير ما يحس حتى على سندويتش الفول او الحاجة الساقعه قرش على قرش بقو مية ... وتحياتي

[S O P H O S]

نعم ..

[windofchange]

نعم والف نعم شكرررررررر يا ميدو بك

[tutankhamoun]

أنا من الناس اللي عشت برة مصر .

معلش ..... أولا مش هانقارن مصر بالخليج علشان الظروف و الأوضاع مختلفة
(عدد سكان غير متقارب أطلاقا + طبيعة الأقتصاد بتعتمد على فلوس جاية من الهوا في الخليج و العكس في مصر لازم تشتغل علشان تطلع فلوس )

طيب نتقارن بمين

نتقارن بدولة شبه بلدنا ........... تعالوا نفترض أنجلترا مثلا .
عد سكانهم 65 مليون ........... و أحنا أوعى الأرانب ........ 90 مليون .

هناك لازم تشتغل علشان تحصل على المال ............. و هناك لازم تشتغل علشان تحصل على المال .
الأقتصاد هناك بيعتمد على الزراعة + الصناعة + التجارة + الخدمات (السياحة و البنوك )
و أحنا عندنا المثل مع أختلاف الجودة .


========================

هناك الضرائب أعلى من هنا بكتير .......... التعليم مش ببلاش إلا لغاية ثانوي بس .
مفيش هناك جامعة ببلاش ............. كله بفلوس ........... في السنة 10 الاف جنيه أسترليني (ده مبلغ خزعبلي هناك ) .

طيب هل هناك الحكومة بتدعم أي شئ ؟
الاجابة لاءة

هل هل هناك ضرائب على العربيات قبل ما تشتريها ؟
أيوة و أسعارها زي مصر و أحيانا بتكون أعلى
على سبيل المثال
الجين 2 في مصر كاملة ب 96 ألف ........... هناك ب 11 ألف أسترليني .
و الأسعار تنطبق على كله هيونداي و تويوتا و فورد .......... الخ .

البنزين هناك مش مدعوم .......... العربيات عليات ضرائب (مع أن دافع ضرائب على ثمن العربية قبل ما تشتري أصلا )

نيجي بقى لترخيص العربية ذات نفسه :

بتدفع حسب عُمرك و تاريخ قيادتك (عملت حوادث و لا لاءة ) تأمين أجباري مع شركة تأمين .
يعني ممكن تلاقي نفسك بتدفع في السنة مثلا 1200 جنيه أسترليني تأمين بس لو أنت تحت 25 سنة و نوعك ذكر و رخصتك لسة جديدة .

و بعدين تدفع ضرائب .......... حسب السي سي بتاع العربية و نقول المتوسط هناك 1300 (دي أغلب العربيات هناك )
بتدفعلك تقريبا 150 كل ستة شهور يعني 300 جنيه ضرائب في في السنة .

بتدفع مصاريف الكشف على صلاحية السيارة الفنية ........ دي أخر مرة دفعتها كانت 50 جنيه أسترليني .

طيب متوسط الدخل هناك حوالي 1200 جنيه أسترليني في الشهر (فيه ناس أعلى و فيه ناس أقل )

حاجة كمان .

من الصعب جدا تلاقي مكان تركن فيه أصلا .......... و مفيش هناك حاجة أسمها ركن ببلاش زي هنا .

كله بفلوس أو أغلب الأماكن بفلوس .

الطرق هناك ......... القيادة عليها مش ببلاش .....
يعني لو رايح لندن ....... تدفع مصاريف دخول ( و لو لقيت هناك مكان تركن فيه تبقى راجل - حتى لو بفلوس )

على فكرة هناك العربيات اللي أحنا بتعتبرها فخمة رخيصة جدا .
أنت ممكن تشتري عربية بي أم عمرها مثلا 10 سنين .......... ب 500 جنيه أسترليني .

بس دور على شركة تأمين ترضى تأمنلك عليها و لو لقيت شوف هايدفعوك كام .
بالاضافة طبعا للضرائب العالية على السي سي الكبير


هناك الحكومة مش بتدعم البنزين و مع ذلك بتأرف اللي عايز يركب عربية كبيرة في السي سي .
و بتشجع اللي عايز يركب عربية صغيرة .


أحنا بس اللي أتعودنا على الدعم و عايزين كل حاجة ببلاش .(و على فكرة أنا زيي زيكم مش غني و لا حاجة بس ليه وجهة نظر عادلة شامل للمواضيع ....... و ده من وجهة نظري أنا الشخصية )

و على فكرة ......... بقية المصاريف الحياتية هناك مقارنة بهناك .............. أهلاك للبني آدم .

اللي مش بيشتغل هناك بيداس عليه بالجزمة ....

لو أنت مثلا تملك منزل (ملك الشخصي ) و مرضت و توقفت عن العمل و مش قادر تدفع ضرائب الحي .

بيبيعك البيت ............ و تحط الفلوس في البنك ....... وهو يديك معونة شهرية .
و يجبرك تأجر بيت ........... و تدفعله ضريبة الحي .
و طبعا هناك البنوك مش بتدي فوائد زي هنا ...... يأخدوا فلوسك يستثمروها ... و يدوك فتافيت في آخر الشهر .

ده كمان عايز أقول حاجة تانية
أن الناس دي بتنتج أكلها مش بتستورده .............و مش بيزيدوا في عدد الناس .
و مش بيبنوا على الأرض الزراعية

أحنا بقى ما شاء الله .......... أرانب و لا كأننا داخلين سباق مين بيخلف أكتر .
و ياريتنا بننتج الأكل اللي أحنا بنأكله ........... و ياريتنا فوق ده كله بنحافظ على الأرض الزراعية اللي بتأكلنا .

أتصبحوا بالخير .

و أنا مش موافق بتاتا على الغاء الجمارك و الضرائب .

[tutankhamoun]

لو عايز تقترح شئ في أي موضوع ............. لازم تشوف جذوره الأول و تشوف حل بديل .

[احمد المصرى]

موضوع رائع للنقاش


مشكله ملهاش حل بجد حسب كلام الزميل ال بيتكلم عن لندن يبق احنا فى نعمه من الله بس نرجع للواقع بتاعنا احنا كدا مش عايشين اساسا شغل وفلوس قليله ومصاريف اكتر بكتير من الدخل

هل الشعب المصرى مظلوم ولا دى مشكله عالميه ملهاش حل