هل انتا مؤيد لإلغاء الجمارك والضرائب ( نعم ...أم ..لا) !

[AHMED_DINAMO]

وماله لما ندفع ضرايب على الفووول بكره ندفعها على دقايق المحمول وبعد بكره على ال بيبى سوااااء كان طينه او ميااه

[Y a r i s]

يابوحميد المسئلة مش في البي بي ولا سندويتش الفول
المسئلت يا غالي. انا كل الناس بتشتكي من حاجة واحد ضعف في الخدمات وغلاء في المعيشة وانعدام وانحسار الطبقة المتوسطة وهنروح بعيد ليه انتا لمن كنت بتاخود ٦٠٠ جنيه من قيمة اربع خمس سنين .... كانو مكفينك وميت عشرة وفله وبتحوش منهم كمان النهردة ممكن تكون بتاخود ٢٠٠٠جنية لكن مش مكفيينك ومبيكملوش معاك لحد اخر الشهر كل حاجة غليت وولعت .... بشكل كبير طيب مع الغلاء الموجود ده انا عاوز اخفف على المواطن اعمل ايه عقبال مايبقى في انتاج والبلد ظروفها تتحسن يبقى لازم اخفف الضرائب اخفف الجمارك حتى عن فئات معينة وابتدي ارفع الدعم شوية شوية مع تخفيف الضرائب والجمارك يعني مثلاً المواطن الغلبان الي يادوبك اكلو كلوا عيش. وطبيخ سادة طيب ما انا بدعموا في رغيف العيش ٢٠ رغيف بجنيه. وبشفط منوا ضرايب قاد كده في كل مكونات الطبيخ ههههههههه حتى في الحاجة الساقعه الي بيشربها وبيبل بيها ريقوا او في السجاير الي بيدخنها .... يبقى انا بدعموا في حاجة وبشفط منو في الحاجة التانية

طيب نيجي بقة للمواطن المتوسط الي مش محتاج الدعم ومبيستخدمهوش يعني قلي مثلاً كام واحد في المنتدى معاه بطاقة تموين وبيروح يجيب كل شهر قزازة زيت وكيلو سكر من الجامعية قولي مييييييييييييين. ولا حد يبقى .... ولا مين بيروح ياكول الرغيف المدعوووم !!!

يبقى انتا بالاسم بتدعمني لكن بالفعل بتشفطني وهو ده الي كان عاملوا النظام السابق !
طيب ماهو بدل ماجيب قزازة زيت معفنه من الجامعية خليني اروح اجيب قزازة زيت نضيف ومن الغالية. بس شيلي من عليها الجمارك. والضرايب وانا وغيري هنبقى بالف خير ونعمة وهو ده الي بقولوا .

@@@@@@@@@@@@

حتى بالنسبة لعربيات في مصر ٨٠ ٪ من عربيات مصر لاتصلح للاستخدام الادمي والمفروض تكهن وبتستهلك كمية بانزييييين مهولة. ومحروقات من غير ما تديك طاقه لييييه لانها خلاص قدمت .... ده بخلاف قطع الغيار وتكاليف صيانتها بتستنزف موارد البلد. وجيووووب المواطنيين بخلاف لو كل الناس خدوا عربيتهم رموها في الزبالة او تقطع ويستغلوا الحديد الي فيها والبلاستيكات .... ويشتروا عربيات جديدة حديثة موفرة في البانزين والطاقه وقطع الغيار .... ماهو الي راكب عربية جديدة ده. مش هيحتاج قطع غيار ليها على الاقل اربع سنين قدام بخلاف واحد معاه عربية قديمة كل يوم يروح يقعد بيها عند الميكانيكي ويعطل حركة انتاج البلد وتلاقيها يروح تاني يوم شغلوا وهو قرفان ومش طايق يكلم حد او يسمع حد ويبقى عاوز ياخود رشوووة من اي حد علشان يقدر يصلح عربيتو ويصرف عليها .... فازاي انا هقضي على الفساد والنظام. مش بس فاسد وبايض إلا كمان بقى نظام بالي. وعافى عليه الزمن واخرنا كتيررررر ورى والناس اتقدمت واحنا لسه بنجري ورى رغيف العيش ولا ايه

[Mzeid]

الحل مش الغاء ضرائب او جمارك
الحل هو بناء حقيقي للدولة .. يعني عايزين رئيس و حكومة يسمروا كمامهم و ينزلوا ينضفوا في كل اجهزة الدولة ( تشبيه مجازي علشان محدش ياخد كلمة ينضفوا على صدره )

المطلوب رفع قيمة الجنيه المصري
المطلوب رفع قيمة الصادرات
المطلوب توفير المنتجات المصرية بنفس جودة المنتجات المصدرة علشان يكون فيه اقبال عليها و بالتالي نقلل من الاستيراد
المطلوب ان اي حد معاه قرشين (ربنا يزيده ) بدل ما يعمل شركة استيراد و تصدير و يجيب حاجات من الصين .. يعمل مصنع و يشغل شباب
المطلوب ندخل في مجالات صناعية جديدة
المطلوب نوزع الاراضي على الشباب علشان يزرعوها و توفير كامل الدعم الفني لهم
المطلوب ننشئ شركات للشباب لتوفير الخدمات المساعدة للشباب في النقطة السابقة
المطلوب نقل تجارب الدول التانية في جميع المجالات و تطبيق ما يناسب مصر
المطلوب التركيز بجميع امكانات الدولة ماليا و اداريا و بشريا في مشروع واحد بترتيب المشاريع حسب الاولوية سواء تعليم او امن او صحة او غذاء او .... أو .......
المطلوب ان تكون من اول ثلاث مواد من الدستور " مصر دولة ذات سيادة مستقلة و سيادة الدولة من أمن و سلامة و صحة و حياة المواطن المصري و يخضع لحماية الدولة في اي مكان و في اي زمان " ( اقتراح مني )
المطلوب احلال موظفي القطاع العام ممن يزيد سنهم عن 40 عام بآخرين شباب ذو كفاءة
المطلوب القضاء على العشوائية و العمل على تحسين سلوك المواطنين بكل الوسائل المتاحة
المطلوب البدء الفوري في تنفيذ جميع أفكار المشاريع القومية كمشروع منخفض القطارة كمثال و غيره من المشاريع لتوفير موارد و توفير فرص عمل
المطلوب مراجعة جميع عقود البترول و دخول شركات مصرية في مجالات الانتاج و الاستكشاف و غيره ( علشان نستخرج نفطنا بنفسنا )
المطلوب الرعاية الحقيقية للكفاءات الشابة و الصغيرة
المطلوب تخصيص ميزانيات كبيرة للبحث العلمي الحقيقي
المطلوب استقطاب اي كفاءات من الممكن انها تفيد البلد في أي مجال " النقطة دي و اللي قبلها طبعا بعد ما الموارد تزيد علشان يكون فيه فلوس "
المطلوب مراجعة كافة الهيئات و الاجهزة الحكومية و دمج بعضها " وجهة نظر شخصية "
المطلوب اعادة النظر في المستويات الادارية في الاجهزة الحكومية و نشوف الدول المتقدمة بتعمل ايه بالاضافة الي الاعتماد على التكنولوجيا ( بس نبعد عن الاسماء اللي تشل زي ادارة الحاسب الالي , وحدة الميكنة مش عارف ايه ...... إلخ )


بصراحة دة اللي انا فاكره دلوقتي

[Y a r i s]

حيلك حيلك يا اخ مازدا ده انتا مش ناقص غير تقول مطلوب عروسة لكل مواطن هههههههه كبيب قلبي يامزدا كل الي ذكرتوا ده ياغالي عموميات ممكن تطبق بعد سنة بعد سنتين على مهلهم. عاوزين ويضفوا بلد ينضفوها. دي اسمها خطت تنميه للحكومة بس مش هوا الي بتكلم عليه لاني مليش دعوه بيه .... انا كل الي بتكلم عليه. هو الكام ملطوش الي بياخود مني مش عاوز ادفع منو ايتاوات يعني من الاخر عاوز احافظ على مرتبي واشتري اي سلعه بتمنها مش بتمنها وفوقوا جمارك وضرايب .... اما حتت انهم يصلحوا البلد ولا مايصلحهواش. ادينا عايشين يعني هنروح فيييين والله صلحوها خير وبركة مصلحوهاش ادينا ساكتين. او بندردش على الاصلحات

@@@@@@@@@@@
ومن الاخر كده كل واحد في مصر بيشتغل مش بس فاتح بيت لأ ده كمان بيصرف على عواطلية المفروض البلد تصرف عليهم او تشوفلهم شغل بس البلد لا بتشوفلهم شغل ولا بتصرف عليهم يبقى اعفوني انا من الجمارك ومن الضرايب علشان اقدر اصرفلي على كم عاطل .... وده وضع اغلب الاباء في البلد. تلاقي ابنوا كبر واتخرج ولسه مشتغلش بقالوا عشرين سنة بيدور على شغل وفي اجازة مفتوحة كده من الدنيا فعلى الاقل يسيبوا الراجل الي عمال يصرف على اسرتوا او على اخوا واختوا الي لسه مشتغلوش يعفوووه من الضرايب والجمارك ويعفوا كمان الشاب العاطل عن العمل من الضرايب مش يبقى عاطل وحالوا واقف وكمان بيدفع ضرايب وجمارك. زي ماتقول كده موت وخراب ديار .... فهمني انا بتكلم عن ايه. بتكلم عن خطة موضعيه وهيا بتكون بداية. لمصر جديدة .... مش خطة خوماسية او عشارية هتتنفذ بعد عشر سنين

[Y a r i s]

[horas3000]

طالما مفيش خدمات مقابل الضرايب و الجمارك يبقي تتلغي
و اما ابقي اشوفها او اضعف الايمان اشوف خطط و ميزانيات مطلوبه لعمل اي حاجه ابقي ادفع

[maheralsisi]

استبدل اللى فوق ال 40 بشباب اقل سنا و اكثر نشاطا ؟؟؟؟؟؟؟؟؟؟
40 يا راجل ...40 يا مفترى
انت جاى فى السن اللى يعتبر نقطة الذروة فى الجمع ما بين الخبرة و المجهود ؟؟؟؟؟؟؟؟؟
و بعدين انت عشان تشغل حد مش لازم تقعد حد مكانه
انت اساسا عندك البلد فاضية و فيها امكانيات استثمار بالهبل

ايه يا استاذ ياريس شادد السلخ علينا فى التليفزيون ليه ؟؟

بس تعرف ان انت عندك حق فى كل قطاعات الدولة فيه حاجة اسمها البطالة المقنعة
بمعنى اننا فى التليفزيون 40.000 موظف فعلا بس القوة العاملة الفعلية فى المبنى هى 25% من العدد ده و ده طبعا فى كل الجهاز الادارى فى الدولة مش التليفزيون بس
بس الحل مش انى اقعدهم فى بيوتهم ... يعنى اساسا اذا كان تعيين هذا العدد خطأ فاحالته للمعاش خطأ اكبر و يبقى بتعالج المريض بالسم و ما تنساش ان غلطة تعيينهم غلطتك انت اساسا

رايى الشخصى برضه التدريب التحويلى
بمعنى ان انا عندى فائض 30.000 موظف بدل ما اركنهم و اخليهم عبْ ع الدولة بمعاشات و يبقوا غير منتجين و اعمارهم فى ال 40 !!!!!!!!!!!
اخلق فرص عمل فى اماكن و تخصصات مختلفة و ابدأ بتدريب هذه الفئة على العمل الجديد
يبقى بدل ما هو مركون فى المكان أ يبقى منتج فى المكان ب و نخلى فكرة التقاعد دى اختيارية
يبقى ال 10.000 اللى شايلين الشغل ثابتين فى مكانهم و ال 30.000 استفيد بيهم فى مكان تانى
مش اركنهم و احمل الخزانة عبء معاشات (يعنى مرتبات بدون انتاج)

مش قلتلكم الموضوع كبير و هايتفرع

اذا كان الميل فى قمة المبنى فالعيب فى الاساس و ليس فى القمة يبقى العلاج يبدأ من الاساس و ليس من السطح

[احمد المصرى]

نفسى اعرف كام واحد معانا هنا بيجيب العيش ابو 5 قروش او حتى بيلاقيه يا راجل دا انا اروح اجيب عيش ب 5 جنيه مش بيكفى وجبتين 3 على بعض والذيت انبارح ب 11.5 ونوع عادى والخ بقا علشان مش عايز افتكر على فكره وانا بعمل عمره من كام شهر رحت اشترى حزام للبس الاحرام لو حد عارفه المهم بسال واحد قريبى عايش هناك هو يعمله كام قالى من خمس سنين جايبه ب 10 ريال وانا كمواطن مصرى على طول خمنت انه اصبح ب 20 ريال لان الاسعار بتتغير فى مصر كل يوم دا تفكيرى كواحد مصرى المهم رحت اشتريه لقيته ب 10 ريال برضوا يعنى السعر ثابت بقاله 5 سنوات متغيرش

[shaddadfalcon1]

انا حاولت مره اجيب عيش من الفرن وانا في الكليه والنتيجه اني كنت بتاخر علي الكليه لخد ماصعب علي حد ويديني ولقيت ناس فعلا بتصلي الفجر وتروح تقعد عند الفرن

انا عشت شويه في القاهره كنت تقريبا بجيب عيش كل يوم ب 5 جنيه للعيال بس

[Y a r i s]

حبيب قلبي ياستاذ ماهر السيسي هو انا اقدر ازعل بتوع التلفزيون مني
وفعلاً كما ذكرت حضرتك كتيررر منهم مبدعين والباقي ملهومش لازمة

مشكلت المبني ان من اصغر موظف لاكبر موظف لو تيجي تنقلوا في مكان تاني اول حاجة هيقولهالك وهاخود كام .... وتبص تلاقي يقولك بقى عاوزني انا بعد ماكنت شغال كزا وكزا توديني في المكان الفلاني .... والبزات السيدات العاملات في المبنى يحسسوك كده هوانم جردن سيتي الاعداد الموجودة في مبنى اذاعة والتلفزيون علشان نعرف نوظفهم صح يبقى احنا محتاجين قنوات بعدد قنوات النايل سات .... واديك شايف ساعتك قناة زي غنوة ولا التيت بتاخود عدد مشاهدين اكتر من قناة النيل الاخبارية مثلاً. رغم انهم كلهم على بعض كام موظف يتعدوا على الصوابع .... والاستديو بتاعهم يكاد يكون شقه والكرومة والمنتاج بتزبط كل شيء ، ولمن فكرت فيها لقيت الحل الوحيد ان مبنى الاذاعة والتلفزيون. يتباع ويتبني مكانوا فندق فايف استار. وبتمن بيعوا يبنوا مدينة انتاج اعلامي تانية. وجزء من موظفين الاذاعة والتلفزيون يشتغلوا في المدينة وجزء تاني. يشتغل في الفندق مالهاش حل تاني غير كده مع الاسف ... ويبتدو يحسنوا شوية من مستوى الاذاعه. يخرب بيت شيطانهم. عندنا كام اذاعة راديوا مفيش اذاعه وحده عليها القيمة

@@@@@@@@@@@@@

لكن الموضوع مش بس في موظفين الاذاعة والتلفزيون .... المشكلة في كل حاجة وفي جميع الدوائر الحكومية موظفين قاعدين بيفطروا وموظف واحد بس قاعدلك على الشباك بيشتغل والباقي ملهوش لزمة .... وتلاحظ الموضوع ده لمن يغيب الموظف ولا يعيى تلاقي كل شغلك اتعطل ومستني الافندي لغايت مايقوم بالسلامة

@@@@@@@@@@@@@@

تيجي تروح مصلحة حكومية تلاقي حاجة اسمها الارشيف. واتفرج على كمية الورق الي في الارشيف وكمية الملفات الي مترمية على الارض الحل للارشيف واهدار المال العام بالاوراق والتخزين الحل هو الكمبيوتر. تقدر تحط عليه كل المعلومات من صورة البطاقة لشهادة الميلاد للطلب بتاعك والموافقه عليه وراي المهندس الاستشاري كلوا كلوا وتلغي حكاية الارشيف دي تماماً وتبقى المعلومات بتاعتك موجودة على مستوى الجمهورية كلها وفي جميع المصالح الحكومية متعرفش حضرتك مصر بتستهلك سنوياً كمية ورق قاااااد ايه


اذا في السعودية دلوقتي حضرتك لغوا حاجة اسمها كتب. المدرسة لانها بتكلف الدولة وخلو المادة وكتاب المادة كلها موجود على فلاشة .... ولغوا دفاتر الواجب. ( توفير لاولياء الامور من شنطة واقلام والوان ودفاتر ) وبقى كل طالب يحل الواجب بتاعوا ويبعتوا بالايميل للمدرس بتاعوا وصلى الله وبارك. على خاتم المرسلين .

[3mr Farrag]

ياريس باشا الموضوع كبير جدااااا
انا صوت علي الغاء الضرائب و الجمارك
بس الفكره انها منظومه كامله مرتبطه ببعض
من الاخر البلد عايزه تتغير 3600000 درجه في كل حاجه علشان ننضف...
الموضوع مش موضوع ضرائب ولا جمارك
يعني لو فلوس الضرائب و الجمارك ديه بتاخدها الدوله و بتعمل بيها حاجه مفيده البلد كلها و المواطنين بتستفاد بيها
يبقي ما فيش مشاكل
يعني يقولك البلد مافيهاش فلوس و في ازمه في الموازنه وكلام حمصي
طيب بالعقل كده كل واحد يفكر
دلوقتي كام مره في السنه بتشوف اي تجديد او اصلاحات او اي حاجه بتستهلك فيها الدوله فلوس
كلام فاضي يعني...
البلد ديه لو كانت الفلوس اللي بياخدوها مننا كانت بتتشال بس حتا من غير ما يعملوا بيها حاجه
والله هتلاقيها تريليونات و ارقام خزعبليه غير مفهومه ولا حد سمع عنها قبل كده

احنا في الوقت الحالي بصراحه ماينفعش نقول نلغي الضرائب و الجمارك مع اني اصلا عايزها تتلغي
بس لو فكرنا لو فعلا الحكومه الجديده ديه ناويه تعمل حاجه مفيده للبلد و تظبط الدنيا و ننضف
يبقي ليها الحق انها تلم ضرائب و جمارك
بس بقي علي عينك يا تاجر...الشغل القديم بتاع زمان ولا عارفين بيعملوا ايه بالفلوس
لأزم نكون بقي عارفين هما بيعملوا ايه و يشاركونا باي طرق ..مش عارف ازاي
و بعد ما يلموا فلوس الضرائب و الجمارك ننضف البلد
واحده واحده ننضف و نقلل الضرائب
و في نفس الوقت نبني مصانع تدخل فلوس للبد بدل الضرائب بتاعتنا
في مليون الف طريقه يجيبوا فلوس
و الاستاذ توت عنخ امون كان بييقول علي انجلترا
طيب يا استاذ يا طيب
سيبت دول العالم كلها و مالقتش غير انجترا
انا عارف ناس عايشه هناك
دي بلد تقرف من كلمهم
في دول كتير نضيفه و بتاخد برضوا ضرائب
و حتا احنا مش لازم نقلدهم ..هو احنا نقلدهم في الحاجه الوحشه بس ولا ايه
مادام احنا مكفين نفسنا و البلد فيها فلوس
ايه لازمه نفحت الناس و نقلب جيوبهم زياده

[KarimAbulEla]

الضرائب و الجمارك دول موضوعين مختلفين عن بعض لذا يجب اعطاء الاصوات فى كلا منهم على حدة يعنى انا مثلا اذا كان عليا ، انا لا عايز ادفع ديه ولا ديه ، بس انا عارف و متاكد ان واحدة فيهم على الاقل تعتبر استهبال رسمى من حكومة تيتتتتتتتتتتتتتت و هى موضوع الجمارك ، والاستمرار فيها هو الاستمرار فى مسلسل ادفع اكتر واحصل على سلعة جودة اقل امضاء حكومة جمهورية مصر العربية ، اما موضوع الضرائب فده موضوع مستقل والكلام فيه ممكن يستمر ايام ، يعنى كفاية ان كل مواطن دافع للضرائب ، هو فعليا دافع اعانة من راتبه للدولة علشان تدفع للاخرين اللى ماشيين جمبه و متهربين لمجرد ان الحكومة مش طايلة حد فيهم

حجم الضرائب على الدخل هو غير عادى ، يعنى 15 فى المية او اكتر تقريبا ، ادفعهم لو الحكومة قادرة على التطبيق على الجميع ، لكن حاليا الحكومة لا تحصل ضرائب الا من اللى تحت ايديها ، وفيه ملايين برة ايديها

انا باقول انى اعتبر الضرائب ديه صدقة علشان تبقى ليها فائدة فعليا ، بدلا ما اعتبرها اتاوة

[hazoom2006]

انا من راى ان مساله الضرايب و الجمارك دى موجودة فى كل الدول العربيه والاجنيه .. كل دولة حسب قوانينها وتعداد سكانها واقتصادها وكدة

طيب اية اللى بيفرق فلوس الضرائب دى بتتصرف فى اية ؟؟ اوجه الصرف
بالظبط لما واحد متجوزة وعندها عيال تمشي مصاريف البيت كلها ب 1000 جنيه وواحدة تانية عندها نفس العدد من العيال وتمشي البيت ب 2000 جنيه

لازم يكون فى اولويات للصرف ومراقبه للمصروفات عملنا مشروع اية اللى اتصرف واتصرف فى اية ويكون فى محاسبة مالية لاوجه الصرف فى الدولة

احنا كشعب مصرى معروف بالكسل الرهيب وخصوصا خصوصا موظفين الحكومة والقطاع العام عايز يشتغل ويروح متاخر ويزوغ ساعتين ويمشى بدرى ومايشتغلش يفضل يرغى مع صحابة فى الشغل وعايز يقبض مرتبه كامل

بالنسبة للحكومة الحالية حكومة الدكتور قنديل :
انا ويمكن ناس كتير شايفين انها ماشية على نفس اسلوب اى حكومة تانية للنظام السابق مفيش حلول جزرية او تنيمة اقتصادية فى اى مجال من المجالات كلها ترميم وتدعيم وترقيع لثغرات لنفس السياسة الفاشلة للنظام السابق علشان كدة كل يومين نلاقى مظاهره فئوية مرة المعلمين ومرة الاطباء وف النهاية سواقين الميكروباص وياريت الحكومة بتحل مشاكل كلها مسكنات يا ساده للاسف

كنت قريت مره ان الدكتور قنديل قال انه ساكن فى شقة غرفتين وصاله هو ومراته ومعاه خمس عيال !!... فى مهندس دلوقتى دفعه 84 ومعاه ماجستير ودكتوراه من امريكا وساكن فى شقة اوضتين وصاله .... يعنى هو ومراته فى اوضة والخمس عيال فى اوضة مثلا .. وهو مهندس يعنى محتاج مكتب ولا بيعود على السرير ؟؟
اذا كان السامع عاقل .. فالى بيقول مجنون

والخبر اهوه

وكالة الأخبار العربيةنشر في وكالة الأخبار العربية يوم 20 - 10 - 2012
قال الدكتور هشام قنديل، رئيس مجلس الوزراء، إنه يعيش فى شقة من حجرتين وصالة رغم أن لديه 5 "عيال"، ورغم ذلك لم يشتك لأحد.
جاء ذلك فى رد من رئيس الوزراء على أحد المواطنين، خلال المؤتمر الشعبى الذى عقد بمدينة الخارجة بمحافظة الوادى الجديد، بعدما خيّر قنديل المواطنين بين الوحدات السكنية فى عمارات عالية بالصحراء أو مشروع "ابنى بيتك"، وهو ما رد عليه أحد المواطنين بقوله إن أبناء الوادى الجديد لا يريدون الوحدات السكنية الخاصة بمشروع ابنى بيتك؛ لأنها لا تتجاوز 70 متراً، وليس بها أكثر من حجرتين وصالة، مطالباً رئيس الوزراء بإقامة وحدات سكنية بها 3 غرف وصالة للمواطنين.
وأوضح رئيس الوزراء أنه سيوجه وزير الإسكان بالتوسع فى إنشاء مشروع ابنى بيتك بالوادى الجديد.

رد انت بقا عليه يا حسين

[Y a r i s]

مش عارف ليه .... كئن في منواشات بيني وبين الحكومة .... كل ما اتكلم واقول يا جماعة شيلو الجمارك واخففوا الضرائب .... ابص الاقي قرار جديد طلع تاني .... هوبا نلاقي رفع الدعم عن البانزين .... ارجع اقول ياجامعة خففوا الضرايب شوية وارحموا الناس ابص الاقيهم. بيعملوا مشاورات على وضع ضريبه على التكييف في البيوت بشكل مهين .... ارجع اتكلم تاني على الضرايب ابص الاقيهم بيتكلموا عن فرض ضريبة ١٠٠ جنية على كل عربية تترخص عن كل سنة قال ايه ضريبة راديوااا .

طيب خلاص. ياجماعة انا هسكوت اهو ومش هتكلم خالص .... بس ابووووس ايديكم بلاش تطرحوا ضريبة جديدة للفنيلات والاندر وير. سيبوهم في حالهم .... لاننا كده ولا كده بندفع ضريبة وجمارك عليهم ... هيجي واحد دلوقتي يتفاجئ وينصدم ويقول ادددده احنا بندفع ضريبة على الفنيلات والكلوتات الي لابسينهم هقولوا ااااااااه وجمارك كمان .... انتا بتدفع على كل كلوت عندك ١٠ ٪ ضريبة مبيعات للحكومة وجمارك كمان

المشكلة ياجماعة مش في وزرة ولا مدراء بيتغيروا .... لانهم بيتغيروا بناس كانت تحتهم متربين على ايدين الوزراء السابقيين نفس الفكر ونفس العقيدة لذلك عمرنا ما هنشعر بالتغيير

وانا عاذر القيادات في البلد لانهم علشان يخففوا الضرايب والجمارك عن ٨٠ مليوووووووون مواطن هيطروا يمشوا اكتر من سته مليون مواطن من وظايفهم

الاتحاد الاوروبي لمن جيه يضم توركيا ليه ... كان من ضمن ملاحظاتوا ان موظفين الحكومة كتيررر قوي عارفين موضفين حكومة توركيا قد ايه ٤٠٠ الف موظف بس ومع ذلك يعتبر كتيرررررر جداً احنا بقه ٦ مليون موظف حكومي ... هتقولي اصل احنا بنلاقي زحمة على الشبابيك ومحتاجين ومش عارف ايه هقولك سيستم مبارك كان غلط ... المفروض زيادات عدد ساعات العمل للحكومة الفعلية وليس الاسمية يافرحتي هما شغالين لحد الساعه اتنين والخزنة قفلت على الساعه ١٢

في العالم كلو هو موظف واحد بيمسك ملفك يكتبلك على ورقة الحجات الي ناقصة. بتيجي بتدفعلوا فلوس وكلوا على الكمبيوتر قداموا وخلاص انتهى ... مش موظف تتعامل معاه وموظف يختم وموظف يراجع وموظف يبصم وموظف عندوا الدمغة وموظف للارشيف وموظف ساعي وموظف بتاع البسطة وموظف مش عارف ايه. وياريت شغلانتك بتخلص في ثواني الا بيحتاج اسابيع وايام وليالي فالمنظومة غللللللللط وكمية الموظفين دي كلها بتعود على البلد بالسلب وهتاخرنا ميت سنة ورى .... وتحياتي

[aif]

مش موافق طيعا
ده معناه انهيار الدولة
ده كلام نظري غير قابل لمجرد التفكير فيه
على الاقل خلال القرن الحالي