Tweet
مش عارف أبدأ منين الصراحه بس هخليني أبدأ بحاجه صغيره كده على الماشي.
النظام الضريبي النموذجي بتتاخد فيه الضريبه على نفس المبلغ مره واحده وعندك حل من اتنين يا اما تاخده وقت قبضه يا اما وقت صرفه. تعالى بقى نشوف حال مصر ايه.
1- وقت قبضه. ضريبه الدخل الحكومه مش عارفه تطبقها الا على موظفين الحكومه بس. القطاع الخاص بيعمل Payroll مخصوص للضرايب فيه مرتبات غير واقعيه والموظفين عاجبهم ده عشان ميتخصمش منهم كتير. وعندك أصحاب المهن الحره يا اما تهرب كامل أو بيظبط حساباته على ربح قليل يعمله ضريبه تعبانه.
2- وقت صرفه. ضريبه المبيعات فيه تجار كتير بتتهرب منها بعدم اصدار فاتوره والزبون عاجبه الوضع عشان ميدفعش 10% زياده وبالتالي مادام مفيش فاتوره يبقى ملكش حق تشتكي لو اشتريت حاجه وطلعت بايظه ولا تقليد ولا ولا. يعني لو عايز ضمان تدفع 10% زياده.
أنا شخصيا بميل للنظام التاني لسبب. سيب الناس تعمل فلوس زي ما هيه عايزه ويشتغل 100 شغلانه وميأمنش على نفسه ويعمل أي حاجه عشان يتهرب من ضريبه الدخل بس أمسكه وهوه بيصرف الفلوس. اصل هيعمل ايه بالفلوس يعني؟ حاجه من تلاته
يا اما هيحطها في البنك وبكده الدوله تستفيد من المدخرات في تمويل المشاريع الضخمه.
يا اما هيعمل بيها استثمارات ان شالله لو هيفتح بقاله أو يجيب توكتوك يبقى هيشغل على الاقل واحد عاطل.
يا اما هيشتري بيها سلع استهلاكيه وأقبض منها ضريبه مبيعات.
سواء مشيت على النظام ده ولا ده انت ناقصك حاجه واحده مهمه. قاعده بيانات. مطلوب يكون عندك سجل كامل بكل النشاطات اللي شغاله وكل محل مفتوح وشغال فيه كام واحد وبيقبضو كام فعليا ولو قدرت تعمل كده هتعمل نظام ضريبي يريح الناس ويحققلك الارقام اللي انت عايزها.
لكن
انت قدامك 20-30 سنه لحد ما كل الجيل اللي قبل جيل الكمبيوتر يطلع من الخدمه. دي حاجه مهمه جدا عشان حاليا فيه فجوه بين موظفين جداد اتربو على الكمبيوتر وجيل قديم رتبته اعلى وهوه اللي في ايده كل قرارات التطوير لكن اتعود على الورقه والقلم وشغل فوت علينا بكره يا سيد وكل ورقه لازم تتثبت في دفاتر صادر ووارد واستهلاك في أم الشجر في ورق ملوش أي 30 مليون لازمه وموظفين كسالى معندهمش أدنى اهتمام بمصلحه الناس. الموظف لو فكر في انه في شغله موظف بيقدم الخدمه لكن فى مكان تانى مواطن بيستقبل الخدمه كان عمل ثوره على نفسه وخلى السرعه في خدمه الناس وتسهيل أمورهم أهم حاجه في زهنه من الساعه 8 للساعه 2 لكن الغريب تلاقيه بيشتكى. طب ما انت بتعمل كده في شغلك برضه ولا ايه؟
النظام الضريبي النموذجي بتتاخد فيه الضريبه على نفس المبلغ مره واحده وعندك حل من اتنين يا اما تاخده وقت قبضه يا اما وقت صرفه. تعالى بقى نشوف حال مصر ايه.
1- وقت قبضه. ضريبه الدخل الحكومه مش عارفه تطبقها الا على موظفين الحكومه بس. القطاع الخاص بيعمل Payroll مخصوص للضرايب فيه مرتبات غير واقعيه والموظفين عاجبهم ده عشان ميتخصمش منهم كتير. وعندك أصحاب المهن الحره يا اما تهرب كامل أو بيظبط حساباته على ربح قليل يعمله ضريبه تعبانه.
2- وقت صرفه. ضريبه المبيعات فيه تجار كتير بتتهرب منها بعدم اصدار فاتوره والزبون عاجبه الوضع عشان ميدفعش 10% زياده وبالتالي مادام مفيش فاتوره يبقى ملكش حق تشتكي لو اشتريت حاجه وطلعت بايظه ولا تقليد ولا ولا. يعني لو عايز ضمان تدفع 10% زياده.
أنا شخصيا بميل للنظام التاني لسبب. سيب الناس تعمل فلوس زي ما هيه عايزه ويشتغل 100 شغلانه وميأمنش على نفسه ويعمل أي حاجه عشان يتهرب من ضريبه الدخل بس أمسكه وهوه بيصرف الفلوس. اصل هيعمل ايه بالفلوس يعني؟ حاجه من تلاته
يا اما هيحطها في البنك وبكده الدوله تستفيد من المدخرات في تمويل المشاريع الضخمه.
يا اما هيعمل بيها استثمارات ان شالله لو هيفتح بقاله أو يجيب توكتوك يبقى هيشغل على الاقل واحد عاطل.
يا اما هيشتري بيها سلع استهلاكيه وأقبض منها ضريبه مبيعات.
سواء مشيت على النظام ده ولا ده انت ناقصك حاجه واحده مهمه. قاعده بيانات. مطلوب يكون عندك سجل كامل بكل النشاطات اللي شغاله وكل محل مفتوح وشغال فيه كام واحد وبيقبضو كام فعليا ولو قدرت تعمل كده هتعمل نظام ضريبي يريح الناس ويحققلك الارقام اللي انت عايزها.
لكن
انت قدامك 20-30 سنه لحد ما كل الجيل اللي قبل جيل الكمبيوتر يطلع من الخدمه. دي حاجه مهمه جدا عشان حاليا فيه فجوه بين موظفين جداد اتربو على الكمبيوتر وجيل قديم رتبته اعلى وهوه اللي في ايده كل قرارات التطوير لكن اتعود على الورقه والقلم وشغل فوت علينا بكره يا سيد وكل ورقه لازم تتثبت في دفاتر صادر ووارد واستهلاك في أم الشجر في ورق ملوش أي 30 مليون لازمه وموظفين كسالى معندهمش أدنى اهتمام بمصلحه الناس. الموظف لو فكر في انه في شغله موظف بيقدم الخدمه لكن فى مكان تانى مواطن بيستقبل الخدمه كان عمل ثوره على نفسه وخلى السرعه في خدمه الناس وتسهيل أمورهم أهم حاجه في زهنه من الساعه 8 للساعه 2 لكن الغريب تلاقيه بيشتكى. طب ما انت بتعمل كده في شغلك برضه ولا ايه؟
Comment