هل انتا مؤيد لإلغاء الجمارك والضرائب ( نعم ...أم ..لا) !

[tutankhamoun]

ولا دى مشكله عالميه ملهاش حل

دي مشكلة عالمية يا باشا .

دول أوروبا شكلها نظيف و جميلة و لكن الحياة هناك غالية جدا فوق ما الناس متصورة .

دخل رب الأسرة لوحده مش كفاية علشان يفتح بيت و لازم زوجته تشتغل علشان يقدروا على مصاريف البيت .

الفرق أن هناك شكل الحياة أنظف .... لأن الناس مش بتشغل نفسها بعيال كتيرة و تتسحل مصاريف عليها بعكس هنا .

[tutankhamoun]

أنتوا عارفين أن اليابان مش بتعملك رخصة أصلا لسيارة جديدة إلا أذا وفرت مكان لركنها فيها .
و أهي اليابان لا فيها جمارك و لا يحزنون .... و هي من أكبر مصنعي السيارات في العالم .

بس عندهم ضرائب .


أنا رأيي

لا للسيارات الخاصة إلا في الخروجات العائلية و المشاوير الهامة (زي أوروبا )

و نعم و ألف نعم للمواصلات العامة و القطارات .

[احمد المصرى]

أنتوا عارفين أن اليابان مش بتعملك رخصة أصلا لسيارة جديدة إلا أذا وفرت مكان لركنها فيها .
و أهي اليابان لا فيها جمارك و لا يحزنون .... و هي من أكبر مصنعي السيارات في العالم .

بس عندهم ضرائب .


أنا رأيي

لا للسيارات الخاصة إلا في الخروجات العائلية و المشاوير الهامة (زي أوروبا )

و نعم و ألف نعم للمواصلات العامة و القطارات .

كلامك صح جداااااااااااااااااااااا بس الاول لازم تكون المواصلات ادميه مش بالشكل المخيف دا انا شخصيا كل مع اعدى من عند ميدان الحصرى بما انى من سكان اكتوبر اقول الحمد لله الذى عافانا يعنى المواصلات حاليا اصبحت وباء وربنا يكون فى عون الناس

[medomadamody]

كلامك صح جداااااااااااااااااااااا بس الاول لازم تكون المواصلات ادميه مش بالشكل المخيف دا انا شخصيا كل مع اعدى من عند ميدان الحصرى بما انى من سكان اكتوبر اقول الحمد لله الذى عافانا يعنى المواصلات حاليا اصبحت وباء وربنا يكون فى عون الناس

اصل يا احمد بيه الناس من الواضح خلاص مبتشوفش البهدلة الى الناس بتتبهدلها فى المواصلات والمعاملة الغير ادميه من السواقين وكأنهم مش بشر

[احمد المصرى]

تخيلو مثلا المواصلات لو اتوبيس مكيف واتوبيس نظيف وعدد الركاب فيه 60 راكب ب 60 مقعد فقط ومفيش اى راكب اخر يركب ويكون اتوبيس متوفر كل 15 دقيقه مثلا واحد يعدى او حسب كل منطقه تخيل دا هيوفر قد ايه وهيكون حاجه محترمه



فاكرين الاتوبيس المكيف بس اول كام شهر لما اشتغل كان كدا وبعد كدا اصبح اسوا من النقل العام


عايزين حاجه محترمه مش اكتر 60 مقعد فى الاتوبيس هيوفر 60 عربيه فى الشارع وممكن تتحل ازمه المواصلات بالشكل دا

[tutankhamoun]

اصل يا احمد بيه الناس من الواضح خلاص مبتشوفش البهدلة الى الناس بتتبهدلها فى المواصلات والمعاملة الغير ادميه من السواقين وكأنهم مش بشر

طيب بما أنك بتتكلم على كلامي .... كنت وجهت الكلام لي على طول بدل الكلام عن طريق ناس تانية !

أنا عمري ما قلت أن المواصلات في مصر محترمة ...... و على فكرة أنا معايا عربية و بركب مواصلات برضه .

بس أحنا في موضوع أقتراحات و أنا بأقترح حاجة معينة .... و مش بأقترح و خلاص من غير تفكير .

شكرا

[tutankhamoun]

تخيلو مثلا المواصلات لو اتوبيس مكيف واتوبيس نظيف وعدد الركاب فيه 60 راكب ب 60 مقعد فقط ومفيش اى راكب اخر يركب ويكون اتوبيس متوفر كل 15 دقيقه مثلا واحد يعدى او حسب كل منطقه تخيل دا هيوفر قد ايه وهيكون حاجه محترمه
فاكرين الاتوبيس المكيف بس اول كام شهر لما اشتغل كان كدا وبعد كدا اصبح اسوا من النقل العام
عايزين حاجه محترمه مش اكتر 60 مقعد فى الاتوبيس هيوفر 60 عربيه فى الشارع وممكن تتحل ازمه المواصلات بالشكل دا

أفضل وسيلة مواصلات هي القطارات (المترو يعني )
دي أفضل وسيلة على الأطلاق .

و الأماكن اللي مفيهاش مترو يكون فيها أتوبيسات محترمة زي ما حضرتك بتقول .

[Y a r i s]

احنا برضو كده موصيلناش لحل
بل نكاد نكون لبسنا في حيطة سد .... لذلك علماء الفقه والشريعه وعلم الاجتماع لمن يوصلوا لطريق مسدود بيرجعوا للاصل .... بمعنى. ايه ماهي الحكومه وماهو الشعب وماهي الارض

اولاً : كلمة مصر الناس بتتعامل مع كلمة مصر على انها شخصية اعتبارية تئكل وتتنفس ... وتعيش .... زي مثلاً يقلك مصر بتتسرق بقالها ٧٠٠٠ سنة وزي الفل .... هيا مصر دي بنك عدم اللمؤخزة ولا حتت ارض والشعب هو الي بيتسرق مش مصر !!!!

زي الي يقلك استحمل وشد الحزام علشانة خاطر مصر .... هي مصر دي وحده سيت بتعمل رجيم ... ولا هيا حتت ارض كلنا مالكيها مواطنين عليها وساكنين فوق اراضيها .... وبندور على العيشة الكريمه عليها لكل الناس !!!

ثانياً : الارض دي ماهو دور الحكومة وماهو دور الشعب .... الشعب هم ملاك هذه الارض والحكومة هم بعض من الشعب متفرغين فقام الشعب بتكليفهم بادارة شؤون البلاد. لعدم تفرغ الشعب لهذه المهمه .... زي ما تكونوا اصحاب عمارة كده ولاننا كلنا مش فاضين فقررنا اننا نشكل مجلس اتحاد ملاك العمارة يديروا شؤون العمارة ويحلوا مشاكلها وفي المقابل تخصيص مبلغ ليهم. لادارة شؤون العمارة والتفرغ ليها

فميجيش اتحاد الملاك ده يجي يفرض عليا ايتاوة كل ما اروح شغلي وارجع او كل ما اروح اجيب شوية حجات لبيتي اكولها انا وعيالي ابص الاقيهم مواقفين بواب على باب العمارة وكل ما ابقى جي داخل تعاله هنا انتا رايح فين معاك ايه جايب قفص برتقان لبيتك يبقى احنا لينا كيلوو منوا .... جايب كيلو موز. يبقى احنا لينا موزتين ونص من الكيلوا جايب تلفزيون جديد وفيديو يبقى احنا لينا كاتحاد ملاك العمارة اننا نطلع نتفرج عندك على مطش الساعه تمنيه بتاع الاهلي والزمالك

جايب كيلو لحمة مفرومة يبقى احنا لينا نص كيلوا طبقاً للايحة
كده مبقيتش حياة ولا بقيت عيشة .... وانا كل حاجة اجيبها من بره مصر اتقلب في الروحة والجاية .... انتو كاتحاد مالك ليكم قرشين اول كل شهر تاخدوهم وخلاص مش هتقعدوا بقه تفتشوني وتقلبوني في الرايحه والجاية

فهمتوا ياشباب انا قصدي ايه .... العملية مش استيكراد .

[tutankhamoun]

حبيبي يا عم يارس .... بس التشبيه غلط .

طيب أنت عايز تبني مستشفيات و مدارس و ترميم الموجود و طرق و كباري و هيئات حكومية و مصاريف للموظفين و العمال و و هكذا .
يمكن تكون عمارة بس دي ناطحة سحاب .
محتاج مصاريف للمصعد (الاسانسير ) صيانة و كهرباء ....... الخ .
محتاج ترميم لأي حاجة تبوظ في العمارة .
محتاج اعادة دهان للعمارة لو لونها بهت .......... محتاج تدفع ثمن الكهرباء اللي السكان بيستهلكوه و المياه و التليفونات و الأنترنت وووووو الخ .

[maheralsisi]

الحقيقة انا اترددت كتير قبل ما اشارك فى الموضوع ده لانه فعلا موضوع كبير و متعدد الاطراف
و لكن و جهة نظرى الشخصية البحتة ..........
موضوع الغاء الضرائب او الجمارك يعتمد فى الاساس على اسلوب او شكل ادارة الدولة هل هو راسمالى ام مؤسسى مجتمعى ام خليط و هاحاول ابسطها بس اعذرونى لو ما عرفتش
لو افترضنا ان نايل موتورز = الدولة
اعضاء نايل موتورز = المواطنين
و قررنا اننا نعمل شركة بالشكل و الاسلوب ده
الشركة دى لو هاتدار بفكر راسمالى بحت
اذن ملاك الشركة الاصليين هم عمالها فى نفس الوقت = المواطنين = الاعضاء
اذن مجلس الادارة = الحكومة مسئولة فقط عن التخطيط و متابعة التنفيذ و يتم توزيع الارباح (بالكامل) = الرواتب على جميع المواطنين بنسبة المشاركة فى الارباح
اذن المواطن مسئول عن توفير ماكل و مسكن و خدمات لنفسه من الارباح اللى هايخدها
اذن ما ينفعش افرض ضريبة على الموضف لصالح الشركة نتيجة اداء وظيفته
لكن اكيد فى مصاريف خدمات صيانة و امن و حراسة و نضافة مسئولة عنهم ادارة الشركة
عن طريق دولة تانية = شركة تانية ( و ده تحقيقا لمبدأ الواقع ان ما ينفعش شركة واحدة تعمل كل حاجة ) فى الحالة دى لازم يتم استقطاع جزء من ارباح = مرتب الموظف نتيجة توفير هذه الخدمات

طب و لو الشركة دى مش هاتدى المظف غير المرتب المتفق عليه ؟؟؟؟؟؟؟؟
يعنى مالوش فى الارباح صح ؟؟ يبقى الادارة هاتستقطع حق الخدمات من المنبع ( ضريبة برضه بس من الارباح بقى مش من المرتب ) بس بشكل تانى بس فى الحالة دى الشركة هى المسئولة عن توفير الخدمات دى و توصيلها بطريقة ادمية للموظف = المواطن ( و حط تحت ادمية دى مليون خط)
يبقى الموظف = المواطن من حقه ان يجد اساسيات الحياة الكريمة المسئولة عنها الادارة =الحكومة
اذن الضريبة هنا اللى يتحملها الموظف تكون على خدمات الرفاهية و دى يتم تحصيلها المفروض عند اداء الخدمة و مرة واحدة مش كذا مرة على نفس الخدمة
يعنى مثلا انا موفر له شقة ادمية بمساحة مناسبة ليه هو و اسرته بسعر المستهلك
طب لو عاوز يوسع على نفسه ؟؟؟ فيلا مثلا او عزبة .. يا رب اكرمنى
يدفع بقى لان انا اديتك حقك و انت عاوز اكتر يبقى تدفع المقابل

يبقى المشكلة هنا مش الضريبة او الجمرك لان ده ديل الموضوع انما اساسه هو شكل ادارة المؤسسة = الدولة و علاقة الموظفين = المواطنين بمجلس الادارة = الحكومة
فى كل الاحوال هاتدفع ضريبة لكن المهم الضريبة على ايه ؟ و نسبتها كام ؟ و هاتتدفع كام مرة ؟؟

لكن الواقع مش كده ابدا
احنا هنا بندفع ضريبة و لا نتلقى اى خدمة شباب مش عارف يلاقى شقة
وسائل مواصلات غير ادمية نهائى - مساكن لا تليق بانسان - خدمات صحية زبالة - مافيش لا امن و لا حراسة - كهرباء بتقطع - انبوبة غاز ب 50 جنيه - و..و..و....
انت عارف لو انت رحت اشتريت مثلا كيلو طماطم ( على اعتبار انه بيتزرع هنا ) ضريبة مبيعات على سلعة مدفوع لها اساسا ضريبة اطيان زراعية و ضريبة على الحبوب و ضريبة على السماد و ضريبة على النقل مع العلم ان السماد مثلا مدفوع له ضريبة على الانتاج و التشغيل و الكهرباء ...((معلش هى السلسلة طويلة )) لكن الواقع ان انت دفعت ضرائب اكثر من تكلفة الانتاج و كل اللى حصل ان الضريبة اتجزأت على كذا مرحلة و كذا فرد لكن اللى بيتحملها فى الاخر المستهلك النهائى اللى بياكلها بضرايبها و طبعا دى حلقة فى سلسلة طويلةةةةةةةة
الخلاصة
الضريبة فى الاصل هى مقابل خدمات
يبقى خد الضريبة و ادينى خدمة او ما تاخدش الضريبة مقابل شئ انت مش بتنفذه
و لما تاخد الضريبة تاخدها مرة واحدة مش كذا مرة
معلش طولت عليكم
لكن اظن ان مافيش عقوبة ايقاف فى المنتدى على الرغى

[Mzeid]

لما احنا عندنا عجز في الموازنة ازاي نلغي موارد للدولة

و الى استاذ توت انا موافق على كلامك

[Mzeid]

و بعدين اي فلوس في الحكومة هي بالاصل فلوسنا يعني احنا اللي بنصرف على نفسنا

[Y a r i s]

الله يفتح عليك يا ماهر .... جبت لب الموضوع بشكل علمي مبسط .... انا كنت خايف اقول كده ومحدش يفهم انا عاوز اقول ايه اساسا فقولتوا بالبلدي كده او بالعربي ...

فشوفت ازاي يا توت عان خامون يا حبيبي الموضوع جي ازاي.
على حسب نوع ادارة الدولة الي هيا عندنا معمولة عندنا بزرميطة. لذلك ذكرت في بداية الموضوع ( يعني ايه الشعب يريد اسقاط النظام ) احنا اسقطنا الديكتاتور الي ابتدع النظام فقط .... لذلك كان نفسي حد من المسؤولين الجداد يطلع يطمني ان النظام في البلد هيتغير لمن توقف البلد على رجليها .... ومش بعد ما توقف البلد على رجليها تدوسنا بجيزمها وتقولنا هو كده

نحن كمواطنين لا توزع علينا اي نسبة من الارباح البلد وماحدش عاوز ارباح .... بس مش كل شوية تقولولي هات هات هات هات .
وياريت الفلوس دي بتعود عليا باي عائد .... الا انهم بياخدوها علشان يفتحوا بيها مصانع يشغلوا ناس. مثلاً مصنع نسر كويتش فاشل والمصنع بيخسر بس الدولة بتاخود فلوس مننا وتنزلها مرتبات للعمال !

مثلا شركة عمر افندي قبل ما تتباع شوية كولتات على فنيلات على طربيزات عندهم. والدولة تاخود مننا علشان تدفع لهم مرتبات طبعاً هتقولي ماهو اتباع واتخصص. هو ده عين العقل بس المشكلة بعد ما اتبع الفلوس اتحويلت لسويسرا واتباع بتراب الفلوس .... مبنى زي الاذاعة والتلفزيون. فيه الوفات الموظفين الي ملهمش اي لزمة تذكر. ولو في حد بيتفرج على قناة محلية يبقى كتر خيروا .... القنوات المحلية الحكومية. الي كل محافظة ليها قناة يا حبيبي ياحبيبي ومحدش بيتفرج عليهم الناس دي كلها عبء على الدولة وعلى ميزانية الدولة الي بالتالي ان الدولة بترمي همومها واعبائها علينا احنا كمواطنين وتمص وتشفوووط فلوسنا علشان تشغل ناس مالهمش لازمة وبالتالي انا مش قادر اعيش بحياة. كريمة ولا الموظفين دول قادرين يعيشوا والدولة كمان مش قادرة تعمل تنمية او تقدملي خدمات ليييييييه
لان الفلوس الي بدفعها علشان اخود بيها خدمات راحت مرتبات .

وياريت المرتبات بتتوزع بالعقل والمنطق .... الا ان في ناس بتاخود ١٢٠.٠٠٠ جنيه في الشهر
وناس بتاخود ٦٠٠.٠٠٠ جنيه في الشهر طيب انا كمواطن مرتبي هو متوسط الاجور. الالف والالفين. بتاخود مني ومن غيري علشان تدي لواحد مالهوش اي لزمة بالنسبة ليه . ستمووووويت الف او ميت الف جنيه في الشهر. يبقى فين. الاستفادة ليا انا. كموطن .

@@@@@@@@@@@

وبعدين. ياتوت عان خمون يا حبيبي بتقولي اصلهم بيبنوا مستشفيات ومدارس. ومش عارف ايه احنا هندحك على بعضينا ..... انتا ايمتى اخر مرة دخلت مستشفى حكووومي !!!!!
ولا هل انتا او عيالك بيتعلموا في مدرسة حكومية !!!
والنكته ان حتى الغلابة الي مش لاقيين ياكلو بيخوشوا المستشفى الحكومي وبيدفعوا اكراميات او بيروحو يبيجبو كيس قطن او شاش او جبس على حسابهم. وبيرزعوا الممرضة عشرة او عشرين جنية في ايديهم علشان يهتموا. يبقى كده او كده بيدفعوا طيب ما يدفعوا للدولة والفلوس دي تروح مرتبات من خلال تمن الكشف !

مثلاً في المرور. رسوم ترخيص المرور قول ٣٥٠ جنيه مصاريف ترخيص عربية سنة وتيجي تدفع رشاوي واكراميات فوقيهم ٣٥٠ جنيه تانيه علشان تمشي امورك طيب مالدولة. تاخود ٦٠٠ جنيه حته وحده في المقابل تحسن رواتب موظفينها وتحسن الخدمات وتحط في المرور رخام وسيراميك وتكيفات وهو شباك واحد تدفع من هنا وتستلم الرخصة بعد ساعه من هنا مش تفضل تلف طول اليوم وطوابير وخنقة وحر ومفيش حتى شباك مفتوح تشم هوى نقي. من نفس الناس وزحمة الشبابيك والطوابيرررر

ونقطة تانية. انتا كل خدمة في البلد بتقدمهالك الدولة بتاخود عليها فلوس .... طيب لزمتها ايه بتستقطعوا من مرتبي ضرايب طيب ما انا هاخود مرتبي من هنا وهصرفوا وكل قرش هصرفها بعد كده ضروري هتدفعني برضوا عليه ضرايب

لزميتها ايه تدفعني جمارك على سلعة اساسية بالنسبة ليا .... هل علشان تحمي الصناعه المحلية طيب هو في مصنع عربيات محترم او عربية محلية وانا قلتلك لأ عاوز ابعت اجيب عربية من برة !!!!

يبقى من حق كل مواطن يجيب اول عربية على الاقل من غير جمارك .... او على الاقل العربيات الصغيرة او الموفرة في البانزين تتشال من عليها الجمارك نهائي .... يعني على الاقل على الاقل يتعلموا من شركات الاتصالات. بتعمل عروض وتحسس العميل باهميتوا في نفس الوقت هيا بتقدم عرض. من هنا وتخزوقوا من هنا. وهو مش حاسس بس كل العملاء مبسوطين ومرضيين ... زي ما تقول كده اضربك بايد اليمين واطب طب عليك بالايد الشمال وبعد شوية. اضربك بالشمال واطب طب عليك باليمين بس مش اضربك واكلبشك بايديا الاتنين واحسس المواطن انوا تحت فكين كماشه واخنقوا بايديا الاتنين

مثلاً خود جمارك وبلاش ضرايب .... او خود ضرايب والغي الجمارك والدعم. اما مش تاخود الاتنين وانا اروح في الرجليين ... وابقى عايش حياتي متكدرررر ومحكوم ومتكتف ... فاهمني . وتحياتي



ي

[Y a r i s]

و بعدين اي فلوس في الحكومة هي بالاصل فلوسنا يعني احنا اللي بنصرف على نفسنا

مازدا حبيبي. هوا انتا لمن تفلس .... بتروح للحكومة تقلها اديني من فلوسي الي عندك ... !!!!

فلوس الحكومة مش فلوسك ولا فلوسك ومدخراتك هيا فلوس الحكومة .... بدليل ان الحكومة ممكن تطلب من الناس او من البنوك المحلية انها تسلفها ..... او تطلب من البنوك الدولية انها تسلفها مثلاً الحكومة اليونانية اعلنت افلسها بس هل معنى كده ان اليونانيين مش لاقين ياكلو !!! وبقوا زي الصومال كده !

@@@@@@@@@@@@@@@

فلوس الحكومة شيء وفلوس الشعب شيء اخر.

[Y a r i s]

لما احنا عندنا عجز في الموازنة ازاي نلغي موارد للدولة

و الى استاذ توت انا موافق على كلامك

عجز في الموازنة بسبب عندك كمية موظفييين في الدولة ملهوووومش لازمة. وموظفين تانيين. بياخدوا مرتبات هولاميه وجزافية ونقدر نقعدهم في البيت ونعين شباب جديد بدلهم ... بياخدوا ربع مرتباتهم وهيدوك انتاج وتطوير افضل من انتاجهم ويبقى عندهم فكر جديد ...

عندك مبنى زي الاراعة والتلفزيون فيه ٤٠.٠٠٠ موظف بيديروا ثمن قنوات او كم قناة مصرية فاشلة. شوف بقى كل واحد بياخود فيهم كااااااام لو قلنا ان الواحد فيهم بياخود ١٠٠٠ جنيه مثلاً في الشهر اضرب ١٠٠٠ جنيه في اربعين الف موظف شوف انتا محتاج في الشهر مرتبات ليهم بس قد ايه !!!

هل من المنطق تصرف على ناس مالهومش لازمة ولا بيدوك قيمة او انتاج على قفى ناس تانية !