درج ذكرياتي

[WalidAdel]

والله يا علا ببقي جايبة لبس و لسه جديد و بلاقي بنت البواب لابساه !

يلاا الحمد لله انها مرمتنيش انا شخصيا

ههههههههههههههه

[OlaOsman]

ظرف أزرق و الراسل من الكويت.. بالتدقيق في الختم اللي ع الظرف طلع تاريخه 17/71993.. أيووووووووووووه انا من أيام الجوابات و قبل ما يخترعوا الإيميلات.. دي انتيمتي من أيام الكلية و ما زالت.. كنت باستنى جواباتها كل شهر.. أيوووووووووووه شهر عشان الجواب اللي كنت بابعته كان بياخد اسبوعين على ما يوصلها و هي بتكتب الرد في ساعتها على طول و بياخد له اسبوعين كمان على ما يوصلني.. يااااااااااه ده انا شكلي كده من أيام فحت البحر

لسه محتفظة بالجوابات دي لحد دلوقتي.. اتخرجنا و اشتغلنا و هي اتجوزت و خلفت بنتين و بلاد تشيلنا و بلاد تحطنا و انا لسه شايلة الجوابات في الظرف :)

[OlaOsman]

ظرف تاني لونه أبيض و مبعوت من تركيا - الظاهر ان الدرج كله أظرف و لا ايه :)

في أوائل التسعينات كنت باراسل واحدة من تركيا.. مسلمة و محجبة كان اسمها أسماء.. مرة بعتت لي جواب بالانجليزي و قالت لي فيه انها بتحب تكتب عربي اكتر من الانجليزي فمن هنا و رايح جواباتها لية هاتكون بالعربي.. قلت مش مشكلة.. انما بعد كده اتضح انها مشكلة. الجواب عبارة عن كلام عربي مرصوص جنب بعضه بس مالهوش أي صلة ببعض.. انا كنت عمالة اقرا الجواب و اللي هو إيه؟ مين؟ فين؟

فترة كده و توقفنا عن المراسلة مش فاكرة ليه :)

لأ مش ناوية أرمي الجوابات دي مش عارفة ليه :)

[mohamed2002]

اسلوب رائع في سرد الاحداث ,استمري في فحص محتويات الدرج:)

[OlaOsman]

- كارنيه اشتراك أتوبيس الجامعة للعام الجامعي 1994 / 1995
قيمة الاشتراك للطالب: 2.00 جنيه (جنيهان شهريا)

- كارنيه الاشتراك في مكتبة المجلس الثقافي البريطاني بتاريخ 4/11/1996.. ياااااااااااه ده انا كان شكلي صغير اوي في الصورة.

بطاقة صحية للمدرسة الابتدائية - فصل 6 أول :)

انا هاقوم انام بأه.. بس قبل ما انام عايزة أرمي جراب نضارة مقطوع.

هو انا باحتفظ بالحاجات دي لييييييييييييه؟

تصبحوا على خير و بكرة ان شاء الله نفرز مع بعض الدرج التاني :)

[Chicco]

قولنا ما فيش حاجة تترمي ...تحذير أخير :)

على فكرة أنا كنت مشترك في البريتش كاونسل برضه في ١٩٩٦ ....كنت بحضر ماجستير و طبعا الواحد لازم يروح مكتبات عشان المراجع .....ربنا يخلي لينا الانترنت

[ehab08]

بجد مواضيعك لذيذه جدا أحسن حاجه نطلب من الأداراه تفتح منتدى خاص لمواضيعك المبتكره علشان نعرف نتابعك

[OlaOsman]

شيكو لسه متابع ......معاكي لحد ما تفضي الدرج كله و إن شا الله حتفضي المكتب كله كمان ....(الساعة ٧ بتوقيت تورونتو :))
علي فكرة ..أوعي ترمي حاجة ......هاتي علبة المناديل ديه تاني :D

امال انا باروق الدرج ليييييييييييه؟ ماهو عشان أرمي اللي مالوش لازمة
بس في النهاية ما رمتش غير حاجتين بس :)
الله أعلم هاقدر ارمي باقي الحاجات اللي عدى عليها سنين دي امتى.

مش عارف اسلوبك في سرد الاحداث بيشد ان الواحد يكملي قراءه
صراحه طريقه جميله جداً و بتعجبني كمان

جزاك الله خيرا على المتابعة :)
على فكرة الموضوع ده مش متحضر له خالص و الفكرة فعلا طرقعت في دماغي في لحظتها

السلام عليكم.

الأول احيي حضرتك على مواضيعك اللي بجد مبهجه جداً ومريحه نفسياً وده يرجع لطريقة سرد الموضوع وصلب الموضوع نفسه كمان من الحاجات اللي بتشدني هي انك ماشاء الله مابتسيبيش حاجه تعدي من غير كلمه كده بين السطور تخلي الواحد يفكر ويسرح زي مثلاً


عموماً انا متابع مع الجماعه هنا اخبار الدرج واسراره ولو اني هاسهر كده انهارده واحتمال اتأخر الصبح لكن مش مشكله.:)

يا رب ما أكونش أخرتك.. أصلي كنت سهرانة براحتي عشان واخدة النهاردة أجازة :)

شكرا جزيلا على المتابعة

يلهويييي يا علاااا!!!

انا لو سيبت مامتى على الدرج بتاعك دة بس هترميه هو شخصيااااااا !!!!!!!!!

بالنسبة لماما اى حاجة توقف استعمالها لمدة لا تزيد عن يومين يبقي تترمي على طوووووووول



طيب انا اقولك موقف .. مرة واحدة صاحبتي كانت بايتة عندي و كانت جايبة لبس تنام فيه المهم وحنا النادى تانى يوم و روحت بعد كدة .. البنت كلمتنى بعدها بكام يوم بتقولي هعدي عليكي اخد هدومى و الشاحن و حاجات كدة .. تخيلي ايه باة !! ماما رمت الهدوم !!

ليه يا ست الحبايب رميتي الهدوووم !! قالتلى شكلها قديم و وحش !!

طبعا منظرى كان زي الزفت!

والله يا علا ببقي جايبة لبس و لسه جديد و بلاقي بنت البواب لابساه !

يلاا الحمد لله انها مرمتنيش انا شخصيا

انا برضه ماما بتقول لي انتي شايلة الحاجات دي لحد دلوقتي لييييييييه؟ هاتفتحي بيها متخف بعد المتحف المصري ما يتشال من التحرير؟
قلت لها تصدقي انها فكرة

[OlaOsman]

اسلوب رائع في سرد الاحداث ,استمري في فحص محتويات الدرج:)

جزاك الله خيرى على الإطراء :)
انا شوية كده و هانقل على الدرج التاني.. فتحته امبارح سريعا لقيته مليان ورق.. حد يحط ورق في الدرج كده؟ و يا ترى بتاع ايه الورق ده كله؟.. عموما هانشوف :)

قولنا ما فيش حاجة تترمي ...تحذير أخير :)

على فكرة أنا كنت مشترك في البريتش كاونسل برضه في ١٩٩٦ ....كنت بحضر ماجستير و طبعا الواحد لازم يروح مكتبات عشان المراجع .....ربنا يخلي لينا الانترنت

آه يا شيكو.. ده احنا اتفحتنا في مكتبة الكلية بحث في كتب عشان نعمل بحث مطلوب مننا و لا نلاقي كلمة هنا و لا كلمة هنا.. دلوقتي الانترنت حلت المشاكل دي كلها. بس بيني و بينك، البحث في الكتب مباشرة كده ليها متعة تانية خالص :)

بجد مواضيعك لذيذه جدا أحسن حاجه نطلب من الأداراه تفتح منتدى خاص لمواضيعك المبتكره علشان نعرف نتابعك

ربنا يكرمك يا رب و يفتح عليك :)

[hamedo0]

بصراحه يا استاذه اسلوبيك رائع في سرد الاحداث وانا ندمان ان لسه شايف الموضوع دلوقت عشان مواضيك فعلا" جميله
بس ايه ده لسه فيه درج تاني

[OlaOsman]

بصراحه يا استاذه اسلوبيك رائع في سرد الاحداث وانا ندمان ان لسه شايف الموضوع دلوقت عشان مواضيك فعلا" جميله
بس ايه ده لسه فيه درج تاني

أيييييييييييوه في درج تاني و هانفتحه مع بعض حاااااااااالا و على رأي معتز الدمرداش.. اوعوا تروحوا في أي حتة :)

[hamedo0]

أيييييييييييوه في درج تاني و هانفتحه مع بعض حاااااااااالا و على رأي معتز الدمرداش.. اوعوا تروحوا في أي حتة :)

انا منتظر افتتاح الدرج الثاني

[OlaOsman]

أول حاجة قابلتني هي كارت دعوة لحضور حفلة ختام النشاط بزدني لسنة 2005 :)

تتشرف جمعية رابعة العدوية بدعوة سيادتكم لحضور المحاضرة الختامية لدورة التنمية البشرية لعام 2005 و ذلك في قاعة مؤتمرات الأزهر شارع الطيران، مدينة نصر و ذلك يوم الخميس المواقف 15/9. يبدأ الحفل في تمام الساعة الثامنة مساء.
مع تحيات فريق زدني.

رجعت ورا مع الكارت ده 3 سنين ورا.. كانت تاني حفلة ختام نشاط و أياما انا كنت باشتغل مع زدني بس من بعيد لبعيد، يعني مش عضو رسمي في الفريق.. زي ما بيقولوا كده متطوعة بس per task و رحت عشان أشتري تذكرة للحفلة و لسه بادفع الفلوس قام د. محمد عمر لمحني باطلع فلوس في أقل من الثانية لقيته عندي بيقول لي رجعي فلوسك في محفظتك يا علا و شوفي عايزة كام دعوة.. طبعا انا من قوة لهجته ما تنتهالوش كلمة و سكت :)

الكارت دلوقتي باتفرج عليه.. التصميم على أده اوي و كواليتي الطباعة على أدها برضه.. سبحان الله أيامها كانت الإمكانيات ع الأد و كنا فعلا بنحاول نعمل حاجة كويسة اوي من إمكانيات شبه منعدمة.. افتكرت البدايات الصعبة لزدني اللي شرفت بإني حضرتها لما كنا في الميتنج الأخير و د. محمد عمر بيكلمنا عن زدني حققت ايه خلال السنة اللي فاتت.. كل سنة نقلة جديدة و إنجازات جديدة.. آخرها لما الرئيس اليمني وجه دعوة لمحمد عمر عشان يزور اليمن و يقابله و يقعد مع الوزرا المختصين عشان يشوفوا ازاي يقدروا يعملوا هناك حاجة زي زدني :)
ساعتها عينية دمعت من التأثر لما افتكرت لما كنا بنشتغل من لا شئ و لو كلمتكوا على ازاي كنا بنسوق لإسم زدني و برامجها هاتضحكوا على الطريقة البدائية جدا اللي كنا بنحاول نعرف الناس بيها مين همه زدني. الحمد لله الذي بنعمته تتم الصالحات :)

معلش المشاركة دي كلها عن زدني.. باحبها بأه اعمل ايه؟ :)

[Islam_galal]

موضوع جميل كالعادة

نفسي تكتبي موضوع بايخ بقي

و ما زلنا في انتظار آخر تطورات الوضع الراهن في المكاتب المحتلة

[OlaOsman]

موضوع جميل كالعادة

نفسي تكتبي موضوع بايخ بقي

و ما زلنا في انتظار آخر تطورات الوضع الراهن في المكاتب المحتلة

و الله انا عن نفسي شايفة الموضوع ده بايخ.. مالكوا انتوا بدرج مكتبي فيه ايه

بس ياللا بأه هاتستحملوني طبعا، ماهو انا لو ما رخمتش عليكوا هارخم على مين؟ :)