درج ذكرياتي

[aif]

طيب ما تفتح درجك انت كمان يا شيكو و اتحفنا

بس ابقي إلبسي كمامة .... اكيد زكراياته مليانة بنج.... :):):):)

[Chicco]

يا ريت يا علا ...ما عنديش درج ذكريات في كنكة
عندي أوضه ذكريات في بيت أهلي في ميدان لبنان ...ربنا يسهل و لما أنزل الأجازة الجاية يبقى عندي وقت ليها :)
As a wise man once said "the time dedicated to soul salvation in these times is considered a crime

بالنسبه للاجندات فيها بلاوي ...كفاية الكلية و بعديها فترة النيابة في القصر العيني .....مش بنج بس يا عم البرنس الخليجي .....شوية تجارب حياتية تملى مجلدات بس حتحتاج منكم أكتر من مجرد كمامه .....لو يعني مصمصمين (أيوه مصمصمين ) :)

[Hassan Khalil]

واضح انه بعد ما الدرج يخلص يا علا الموضوع مش حيتقفل ... عندنا ادراج كتير شكلها حتتفتح .. احمد بك و الدوك هشام جاهزين بادرجهم و اجنداتهم

[OlaOsman]

واضح انه بعد ما الدرج يخلص يا علا الموضوع مش حيتقفل ... عندنا ادراج كتير شكلها حتتفتح .. احمد بك و الدوك هشام جاهزين بادرجهم و اجنداتهم

و انت يا حسن.. مافيش في مكتبك أدراج و لا ايه؟ :)

[hamedo0]

ما انا عجوز شوية يا حميدو ..... بس مش اوي يعني:)

ربنا يديك الصحه وطولة العمر وتفرح بولاد ولاد حضرتك

[Moh.Abdelbaset]

تحفة جدددددددددددددا الصور دي اللي عاملة اسم نايل موتورز :)
ما تحطها في توقيعك احسن عشان تبقى باينة في كل مشاركاتك :)

جزاك الله خيرا على مشاركتك :)

على فكرة احنا برضه عزلنا من بيتنا القديم من حوالي 4 سنين و اللي في الدرج ده اتشال بحاله من هناك لهنا.. يعني الورق المطوي ده ما اتفتحش تقريبا من ساعة ما اتحط و دي أول مرة افتحه هنا معاكم على الهواء مباشرة :)

كان نفسى فعلا أضع صور القطار فى التوقيع بس بتظهر رسالة ممنوع استخدام اكثر من ثلاثة صور
حيث أن حرف يعتبر صورة واللى يعرف احطها فى التوقيع ازاى يقوللى
وجزاك الله خيرا أ/علا
يارب الدرج ما يخلص ,فعلا مستمتع جدا وانا بفتكر الطفولة:)

[1.8Tee]

و الله يا محمد مش بالضرورة.. ممكن أكون under qualified أو ممكن السمت بتاعي ما يتناسبش مع فودافون.. أصل كل شركة بتحط الستاندرد بتاعها فيما يخص التعيينات الجديدة و الموضوع على فكرة فيه جزء كبير من ال liking و ال disliking، خصوصا كمان اني رايحة على وظيفة recruitment و اللي عملت لي الانترفيو مش بتعمل انترفيو لواحدة هاتشتغل في الشركة و خلاص، لأ دي بتعمل انترفيو لواحدة هاتبقى زميلة ليها في نفس القسم، يعني لازم تعجب بيها قبل كل شئ.

انا كنت عملت interview برضة معاهم لوظيفة Call Center بتاع New Zealand فى القرية الذكية....المهم بعدها بحوالى اسبوع بعتولى على ال email جواب زى بتاعك كدة, احترمتهم اوى فى الحركة دة. هو صحيح متقبلتش بس على الأقل عبرونى.

[Hassan Khalil]

و انت يا حسن.. مافيش في مكتبك أدراج و لا ايه؟ :)

الادراج كتيرة .. و اللي جواها كتير .. و خصوصا ان احنا مش من النوع اللي بيرمي الحاجات القديمة بسرعة .........
طلعي انتي بس اللي عندك ..وزي ما قال شيكو اوعي ترمي اي حاجة
.. و بعدين حنبقي نتحفك بالادراج بتاعتنا

[OlaOsman]

الادراج كتيرة .. و اللي جواها كتير .. و خصوصا ان احنا مش من النوع اللي بيرمي الحاجات القديمة بسرعة .........
طلعي انتي بس اللي عندك ..وزي ما قال شيكو اوعي ترمي اي حاجة
.. و بعدين حنبقي نتحفك بالادراج بتاعتنا

شكل الدرج كده مافاضلش فيه كتير.

في انتظار باقي أدراج الناس :)

[sokasoon]

اخيرا انتهيت من قراءة الـ 10 صفحات

موضوع ممتاز جدا يا علا وهيخلى الواحد يرجع يدور قى ذكرياته

من تانى وانتظرو صورة ليـا من حوالى 16 او 17 سنة تقريبا هتشوفو اللى عمركو ماشوفتوه

[Chicco]

طب و الله فكرة ....بعد إذنك يا علا باشا طبعا ...بعد ما تخلصي الدرج بتاعك (لسه ما خلصشي ...ما تضحكيش علينا و ما تكسليش لسه فيه كمان ) ممكن واحد واحد يفتح الدرج بتاعه ....(الفكرة مقتبسه من موضوع كان إسمه باين اوتوبيس نايل موتورز و خلانا نركب عربية المهاتما هاني و نتشرف بمعرفة تفاصيل عنه) ....طبعا الموضوع حيحتاج moderator و ده طبعا سعادتك
الاخ الفاضل sokasoon شكله جاهز أهو ....

موضوع ممتاز جدا يا علا وهيخلى الواحد يرجع يدور قى ذكرياته

من تانى وانتظرو صورة ليـا من حوالى 16 او 17 سنة تقريبا هتشوفو اللى عمركو ماشوفتوه

[sokasoon]

الاخ الفاضل sokasoon شكله جاهز أهو ....

دبستنى يا شيكووو انا قولت صورة مش درج

الصورة اللى وعدتكم بيها اهيه

شوفو الكئابة اللى كنت فيها

عمركم شوفتو كئابة زى كده

[Chicco]

دبستنى يا شيكووو انا قولت صورة مش درج

لا تدبيس و لا حاجة يا باشا ....علا باشا هي اللي تحكم ......و أنا مالي أنا بس اقترحت .....

طبعا العياط ده كله عشان الصورة كانت غصب

[sokasoon]

لا تدبيس و لا حاجة يا باشا ....علا باشا هي اللي تحكم ......و أنا مالي أنا بس اقترحت .....

طبعا العياط ده كله عشان الصورة كانت غصب

غصب وقتدار يا شيكو

ولا السلسلة انا مش عارف ايه اللى جابها فى رقابتى

[OlaOsman]

لا تدبيس و لا حاجة يا باشا ....علا باشا هي اللي تحكم ......و أنا مالي أنا بس اقترحت .....

لأ ما هو انت الظاهر ما تعرفش ان اللي بيقترح اقتراح هو اللي بيلبسه.. أقصد يعني هو اللي بيشرف على تنفيذه

طيب ليه صحيح ما نفتحش موضوع مستقل يتحط فيه صور الأعضاء و همه أطفال؟

ده احنا هانشوف العجب :D