درج ذكرياتي

[OlaOsman]

بسم الله الرحمن الرحيم نفتتح الدرج :)

روشتة بتاريخ 11/11/2003.. هو كان رمضان أيامها بييجي في شهر 11؟ أصلي فاكرة اوي اني لما رحت للدكتور ده كنا في رمضان.. كان عندي مشاكل في معدتي و طلع بعد كده ان القولون تعبان.. و لا يزال، بس الحمد لله مش عصبي و إلا كان زمانه اتدمر :)

هاحتفظ بالروشتة دي يمكن يجد في الأمر جديد :)
-------------------------------------------------------

ورقة متطبقة مرتين و في قاع الدرج.. بافتحها و انا مش عارفة خالص دي بتاعة ايه.. لقيتها عبارة عن ايميل بتاريخ 15/1/2005.. بابص على الإيميل المبعوت ليه لقيته الميل القديم بتاع الياهو بتاعني.. الأكاونت ده عملته سنة 1999 و توقفت عن استخدامه من فترة عشان السبام كتر فيه اوي و كمان لقط فايرس.

كل ده و لسه ما عرفتوش الميل ده فيه ايه.. هو سطر واحد بيقول Your HDP registration ID is 100028
انا قريت السطر ده و قلت ياااااااااااه.. ازاي انا لسه محتفظة بالميل ده لحد دلوقتي؟ بس بإذن الله مش هارميه.. أهو ده بأه مش هارميه يا شيكوا :)

ده باختصار هو الكونفيرميشن ميل بتسجيلي مع فريق Human Development Program المعروفين حاليا بإسم زدني :)
و لو تلاحظوا الرقم هتلاقوا الآي دي بتاعي رقم 28، يعني من أوائل الناس اللي سجلوا.. دلوقتي الأرقام عدت ال 50 الف ما شاء الله.
مش باقول لكم ما أقدرش أرميه :)

[OlaOsman]

ورقة برضه مطوية.. بس شكلها قديم شوية.. الثنيات بتاعة التطبيقة بتاعتها بتقول كده.. الورقة فيها ما يلي:
جمعية إنقاذ الطفولة - جدول دروس اللغة الإنجليزية.
التاريخ: 18/8/2003
الجدول فيه اسم المدرس / المدرسة و ميعاد الحصة و أسماء الطلبة و سنتهم الدراسية.

ايه الحكاية بأه؟ الحكاية هو اني وقتها جالي ايميل بيعلن عن حاجة جمعية أصدقاء الطفولة لمدرسين في جميع المواد.. الجمعية هي عبارة عن دار أيتام و الولاد طبعا عشان مفيش بيت و لا اهتمام أسري فضايعين في الدراسة خالص و محتاجين تقوية في كل المواد، انا ساعتها الصراحة أما صدقت و قدمت عشان كنت محتاجة حاجة تشغلني وقتها و تكون تطوعية.. كنت وصلت لحالة من الرعب من إني يرسى بية الحال على اني باروح و باجي من الشغل و ربنا مش بيستخدمني في إفادة الناس بحاجة.. فده ساعتها كان طوق النجاة بالنسبة لي.

الحمد لله الفترة عدت على خير و اتحسنوا شوية في الانجليزي.. بس ما استمرتش معاهم عشان بعد المكان.. جسر السويس ده مكان تروح له ما تعرفش ترجع منه.. فعلا هو ده اللي كان حاصل و كنا في عز الصيف فاتشويت الفترة دي بصراحة.. بس الحمد لله ربنا عوضني بعدها بسنة بزدني و غيرها و.. و لقيت نفسي من تاني :)

خليها الورقة مش هارميها.. يمكن بعد كام سنة اشوفها و افتكر انا بديت العمل التطوعي ازاي و ربنا فتحها علية بعد كده ازاي :)

[OlaOsman]

الورقة دي بافتحها لقيتها بخط إيدي.. بدأت اقرا فيها قلبت علية مواجع الدنيا.. فعلا الدرج ده عامل زي صندوق الدنيا.. فيه العجب.

الورقة عبارة عن جواب كان بيمليهوني بابا الله يرحمه من 3 سنين عشان يبعته لرئيس الشركة اللي كان بيشتغل فيها من 40 سنة.. أيوه.. بابا الله يرحمه كان فقد تركيزه في أيامه الأخيرة و كان بيصر على حاجات هو شايفها صح جدا و مقتنع بيها و احنا كنا بنسمع كلامه عشان ما يزعلش.. قعدت جنبه كتبت له الجواب كله و مضاه.. يااااااااااه.. وحشتني إمضته اوي.. هي دي الإمضة اللي كانت بتبقى في شهادتي كل شهر و انا في المدرسة.

الورقة دي رجعتني لأيام مش باحب افتكرها و فكرت كتير أرميها عشان ما اشوفهاش تاني و اتنكد.. و فكرت.. أرميها و لا أخليها.. بس لما بصيت على الإمضة ما قدرتش أفكر تاني ارميها.. دي إمضة بابا بخط إيده يبقى ازاي افكر ارميها؟

[hamedo0]

طب حضرتيك كده مرمتيش حاجه يعني الدرج زاى ماهوه

[hamedo0]

الورقة دي بافتحها لقيتها بخط إيدي.. بدأت اقرا فيها قلبت علية مواجع الدنيا.. فعلا الدرج ده عامل زي صندوق الدنيا.. فيه العجب.

الورقة عبارة عن جواب كان بيمليهوني بابا الله يرحمه من 3 سنين عشان يبعته لرئيس الشركة اللي كان بيشتغل فيها من 40 سنة.. أيوه.. بابا الله يرحمه كان فقد تركيزه في أيامه الأخيرة و كان بيصر على حاجات هو شايفها صح جدا و مقتنع بيها و احنا كنا بنسمع كلامه عشان ما يزعلش.. قعدت جنبه كتبت له الجواب كله و مضاه.. يااااااااااه.. وحشتني إمضته اوي.. هي دي الإمضة اللي كانت بتبقى في شهادتي كل شهر و انا في المدرسة.

الورقة دي رجعتني لأيام مش باحب افتكرها و فكرت كتير أرميها عشان ما اشوفهاش تاني و اتنكد.. و فكرت.. أرميها و لا أخليها.. بس لما بصيت على الإمضة ما قدرتش أفكر تاني ارميها.. دي إمضة بابا بخط إيده يبقى ازاي افكر ارميها؟

دى متترميش يا استاذه علا
انا محتفظ بكل حاجه لاولدى الله يرحمه في شطنه وشايلها بعيد عن اي حاجه ممكن حد يلعب فيها

[OlaOsman]

دى متترميش يا استاذه علا
انا محتفظ بكل حاجه لاولدى الله يرحمه في شطنه وشايلها بعيد عن اي حاجه ممكن حد يلعب فيها

ماهو انا قررت ما ارميهاش يا حميدو :)

ربنا يرحم موتانا يا رب و يرحمنا اذا صرنا الى ما صاروا إليه.

[Noha.M]

الورقة دي بافتحها لقيتها بخط إيدي.. بدأت اقرا فيها قلبت علية مواجع الدنيا.. فعلا الدرج ده عامل زي صندوق الدنيا.. فيه العجب.

الورقة عبارة عن جواب كان بيمليهوني بابا الله يرحمه من 3 سنين عشان يبعته لرئيس الشركة اللي كان بيشتغل فيها من 40 سنة.. أيوه.. بابا الله يرحمه كان فقد تركيزه في أيامه الأخيرة و كان بيصر على حاجات هو شايفها صح جدا و مقتنع بيها و احنا كنا بنسمع كلامه عشان ما يزعلش.. قعدت جنبه كتبت له الجواب كله و مضاه.. يااااااااااه.. وحشتني إمضته اوي.. هي دي الإمضة اللي كانت بتبقى في شهادتي كل شهر و انا في المدرسة.

الورقة دي رجعتني لأيام مش باحب افتكرها و فكرت كتير أرميها عشان ما اشوفهاش تاني و اتنكد.. و فكرت.. أرميها و لا أخليها.. بس لما بصيت على الإمضة ما قدرتش أفكر تاني ارميها.. دي إمضة بابا بخط إيده يبقى ازاي افكر ارميها؟

لا طبعا مترميهاش ولا تفكرى حتى

كفاية بس لما تتأملى فى الخط و ان دي حاجة من ريحته .. أد ايه هتبقي غالية . انا كمان عندي نوتة تيليبفونات بخطه و حالتها اصلا يرثي لها و معظم النمر اللى فيها اتغيرت بس استحالة افكر ارميها

انا للاسف الميدالية الفضة بتاعة بابايا الله يرحمه وقعت من سلسلة المفاتيح و بجد قلبت الدنيا.. لا تتخيللي العياط و النكد اللى انا متنكداه لحد دلوقتى عليها

[Chicco]

ماهو انا قررت ما ارميهاش يا حميدو :)

ربنا يرحم موتانا يا رب و يرحمنا اذا صرنا الى ما صاروا إليه.

آمين يا رب العالمين
فين بقية الحاجة يا علا باشا ....الدرج شكله كبير ...أكيد لسه فيه كتير :)

[OlaOsman]

آمين يا رب العالمين
فين بقية الحاجة يا علا باشا ....الدرج شكله كبير ...أكيد لسه فيه كتير :)

مش باين لها الليلة دي يا شيكو.. آخر ورقة دي قفلتني خالص.

بكرة ان شاء الله نكمل :)

[mo7amed_omara]

موضوع رائع يا استاذة علا
ودايما كدة فى تقدم فى مواضعيك و فعلا اسلوبك حلوو قوووووووووووووى و انا حتابع درج المكتب دة يوميا لغاية ما يخلص :)

[Chicco]

مش باين لها الليلة دي يا شيكو.. آخر ورقة دي قفلتني خالص.

بكرة ان شاء الله نكمل :)

ماشي يا باشا ...المنتدى كله في الانتظار :)

[om mohammed]

انا ام محمد
متابعة جيدة لكل مواضيعك الرائعة
وبقولك انتى انسانة رائعة

[M_ashraf]

انا حامل الهم لما ادراج المكتب تخلص

[ehab08]

آخر ورقه دى المفروض تشيليها فى مكان أمامك دايما عارفه ليه
عشان كل ما تشوفيها تفتكرى أن فى شخص عزيز عليكى محتاج للدعاء له والترحم عليه
أكيد الموضوع ده متعب بس فعلا مفيد علشان منطبلش دعاء لهم
رحم الله والدك ووالدى وكل موتى المسلمين والمسلمات
اللهم أغفر لهم
آمين

آه بمناسبة الدرج السحرى ده
آلآيش عندك ياأختى أهرام يوم 15/7/1996
وبالتحديد صفحة التلفزيون

[hamedo0]

ربنا يرحم موتانا يا رب و يرحمنا اذا صرنا الى ما صاروا إليه.

امين يارب العالمين