عايز اجيب موتور مياه ..لعمارة او لشقة !!!!!

[onsi]

أنا جربت موتور ايطالي بيدروللو بقالو سنتين و نصف
ممتاز
انا جبته موتور سحب راكب في البلكونة (الدور الثامن) و اهم مميزاته ان قدرته علي السحب عالية (9متر) بالاضافه انه كان ارخص من كالبيدا كتير

يا راجل يا طيب يمكن تكون المية فعلا عندك كويسة بعد تركيب المتور ...لاكن اكيد حسبتك غلط
لان الدور الثامن اللى انتا مركب المتور فية يعنى 24 متر وقدرة المتور على السحب 9 متر حسب قولك؟؟؟ فكيف عالية وفى فرق 15 متر على الاقل

[samcar]

3000 جنيه دى واسعه شويه
جنابك انزل شارع الجمهوريه او السبتيه - اشترى موتور ساير اسبانى لو لقيته او فيم ايطالى او كلبيدا
المهم ابعد عن الصينى رغم فرق السعر الكبير - لان المواتير الصينى تعبانه جدا جدا - ورغم رخصها لكن حتبوظ وتدخلك فى قرف التصليح وترجع خاضع للسباك

انت على 3 شقق يلزمك موتو 2 حصان - مش اكتر علشان ما تحملش على العداد
هات اتوماتك- اتاكد انه ايطالى اصلى - ما تجبش بالونه- حترميها بعد سنه لان الكاوتش بيضرب والميه بتدخل جواها وبتخلى طعم وريحه الميه تقرف

هات سكس بلف - حتى لو البيه السباك قال لك مالوش لزمه يا بيه - والكلام ده
الاهم بقى - ضحى شويه وخلى اللى حيبيع لك الموتور يدلك على فنى كويس- صحيح اى سباك مبتدئ ممكن يركب موتور بس قلة الخبره حتدفع تمنها بعدين لو الموتور اتحرق لاقدر الله مثلا

الموتور والحاجات دى ممكن تدخل فى 1700 1800 لو كتير ممكن تجيب حصان ونص او تجيب موتورين 3/4 حصان وتركبهم على ماسوره واحده - بس دى عمليه مزعجه فى التركيب والصيانه

اهم حاجه تتاكد ان الخط اللى بتسحب منه ما بيفضاش- المقصود ان الميه لما بتقطع - بيبقى ضعف ضغط مش الخط فاضى - لان لو حصل ده الموتور حيسحب هوا وممكن يتحرق

اهم حاجه لازم يعملها معاك فنى التركيب انه يضبط لك ضغط الدخول والخروج - يعنى امتى الموتور يبدا الشغل ويرفع اد ايه ويفصل امتى
ولو جايبه لل 3 شقق يبقى لازم يجرب والتلاته شغالين مع بعض- ميجربش لك شقه شقه

برضه المهم بعد التركيب تتاكد ان وصلات الصحى كلها عندك سليمه وما بتسربش خصوصا وصلات السيفون- لان التسريب ده بيطول فترة تشغيل الموتور ويقصر عمره
لو عرفتم تتفقوا مع بعض كسكان هاتور موتور واحد واتشاركوا فيه - وممكن يبقى لكل واحد مفتاح تشغيل عنده - بكده استهلاك الكهربا حيتوزع على الكل حسب استخدام كل واحد
حاجه تانيه قبل ما تجيب الموتور- راجع المواسير اللى عندك واتاكد من نضافتها - ولو هى نص بوصه غير ل 3/ 4 بوصه او حتى بوصه- ممكن ده يوفر عليك شرا الموتور- اوتجيب موتور صغير للطوارئ فقط

[omaroof]

عاوز تجيب موتور انزل شارع الجمهوريه احسن حاجه الايطالي لاكن السعر بصراحه معرفش ويمكن حد من الاعضاء يفيدك اكتر والله يكون في عونك

اسمع ان ماركة كالبيدا الايطالية احسن شركة فى المجال دة

mmamdouh

كالبيدا ايطالي من شارع الجمهورية
انزل اسأل عند اكتر من محل وفاصل ولازم تجيب سباك تاني يركبهولك يكون ثقة ومتجرب قبل كدة .... واحسن هات موتور قوي شوية عشان يقدر يسحب في ظل وجود اكتر من موتور ..... وممكن لو الشقة اللي جنبك متفاهمين معاك يبقى الموتور علي الشقتين .... وبكدة يبقى التكلفة ح تنخفض كتير

كالبيدا

بس حاسب المية تعورك :)

فعلا كالبيدا ممتاز انا مركب واحد 1.5 حصان ممتاز

[MMamdouh]

انا ركبت موتور فى شهر 7 اللى فات

نزلت شارع الجمهورية سالت على الكالبيدا 1 حصان كان معدى الف جنية و لقيت ماركة اسمها مترا ايطالى ب 875 و اشتريتة لانى استغليت الكالبيدا... جبت الموتور بالبالونة و العداد و الاوتوماتيك و ضمان سنة

عملت وصلة مية بعداد من مرفق المياه عشان محدش يفتح بقة من سكان العمارة و يقول انى بسحب مية على قفاهم... و كمان اسمع انه مش قانونى انك تركب موتور خصوصى على خط المية العمومى بتاع العمارة (مش فاكر التكلفة كام)

جبت سباك عمل خطوط مية من العداد للموتور ثم من الموتور الى شقتى (الدور الخامس)و التكلفة كانت حوالى 450 جنية و جبت كهربائى عمل وصلة كهربا من الشقة للموتور ب 150 جنية

MMamdouh

[DONYO]

انا ركبت موتور فى شهر 7 اللى فات

نزلت شارع الجمهورية سالت على الكالبيدا 1 حصان كان معدى الف جنية و لقيت ماركة اسمها مترا ايطالى ب 875 و اشتريتة لانى استغليت الكالبيدا... جبت الموتور بالبالونة و العداد و الاوتوماتيك و ضمان سنة

عملت وصلة مية بعداد من مرفق المياه عشان محدش يفتح بقة من سكان العمارة و يقول انى بسحب مية على قفاهم... و كمان اسمع انه مش قانونى انك تركب موتور خصوصى على خط المية العمومى بتاع العمارة (مش فاكر التكلفة كام)

جبت سباك عمل خطوط مية من العداد للموتور ثم من الموتور الى شقتى (الدور الخامس)و التكلفة كانت حوالى 450 جنية و جبت كهربائى عمل وصلة كهربا من الشقة للموتور ب 150 جنية

mmamdouh

يا ترى يا باشا اية اجراءات عمل الوصلة الخاصة من مرفق المياة وكلفتك كام بالعداد وخدت وقت اد اية ؟

[MMamdouh]

بتشوف انت تبع مرفق مياه ايه و تروح و معاك عقد شقتك و اخر وصل ميه مسدد للعمارة كلها و بتقدم الطلب للموظف

بعد كدة بتركب وصلاتك و كل الالعاب من اول شقتك لحد مكان العداد الرئيسى بتاع العمارة و بتبلغ المرفق عشان يحددوا موعد للمعاينة

بينزل مندوب من المرفق يعاين التركيبات اللى عملتها و لو له اى تعليق على التركيبات حيبلغك عشان تعمل التعديل و لو مفيش حيحدد ميعاد لتركيب العداد

فى ميعاد التركيب بيجى هو و معاه واحد مساعد بيركبوا العداد من وصلة العمارة الى الوصلة بتاعت شقتك و يقولك مبروك

طبعا الموظف اللى فى المصلحة بياخد حلاوتة و بتاع المعاية كذلك عشان تنجز و طلبك ميتركنش 15 سنة... التكلفة الاجمالية كانت 600 الى 650 جنية حاجة كدة... انا مش فاكر اوى للاسف

طبعا دى تكلفة تركيب العداد و كدة و دة ملوش علاقة بتركيبات المواسير للشقة او الموتور و خلافة و الموضوع اخد بتاع 3 اسابيع بس انا اتعطلت اسبوع لان الشقة باسم والدى و لازم هو اللى يمضى على الطلب و هو كان مسافر لما روحت اول مرة و بالتالى اتعطلت اسبوع... يعنى المفروض القصة تاخد اسبوعين

MMamdouh

[DONYO]

بتشوف انت تبع مرفق مياه ايه و تروح و معاك عقد شقتك و اخر وصل ميه مسدد للعمارة كلها و بتقدم الطلب للموظف

بعد كدة بتركب وصلاتك و كل الالعاب من اول شقتك لحد مكان العداد الرئيسى بتاع العمارة و بتبلغ المرفق عشان يحددوا موعد للمعاينة

بينزل مندوب من المرفق يعاين التركيبات اللى عملتها و لو له اى تعليق على التركيبات حيبلغك عشان تعمل التعديل و لو مفيش حيحدد ميعاد لتركيب العداد

فى ميعاد التركيب بيجى هو و معاه واحد مساعد بيركبوا العداد من وصلة العمارة الى الوصلة بتاعت شقتك و يقولك مبروك

طبعا الموظف اللى فى المصلحة بياخد حلاوتة و بتاع المعاية كذلك عشان تنجز و طلبك ميتركنش 15 سنة... التكلفة الاجمالية كانت 600 الى 650 جنية حاجة كدة... انا مش فاكر اوى للاسف

طبعا دى تكلفة تركيب العداد و كدة و دة ملوش علاقة بتركيبات المواسير للشقة او الموتور و خلافة و الموضوع اخد بتاع 3 اسابيع بس انا اتعطلت اسبوع لان الشقة باسم والدى و لازم هو اللى يمضى على الطلب و هو كان مسافر لما روحت اول مرة و بالتالى اتعطلت اسبوع... يعنى المفروض القصة تاخد اسبوعين

mmamdouh

اشكرك جدا يا باشا لاهتمامك بالرد

[م. عصام مهنى]

السلام عليكم ,

عندنا فى العمارة فى مشاكل فى المياه والواحد كل شوية يقعد من غير مياه لمده يومين ثلاثة وده بسبب ان موتور المياه فيه مشاكل , وسباك هو اللى ماسك الموتور وحاسس انه بيبوظه اكتر

وسكان كتير فى العمارة كل واحد جايبلوا موتور خاص بيه "وفى نفس الوقت متوصل على موتور العمارة" فطبعا محدش همه لو حصل مشكله فى موتور العمارة كل واحد عنده موتوره

انا ياجماعه عايز اعرف لو حد عنده معلومات ايه احسن موتور نجيبه للعمارة او ليا انا , وبكام ومنين ؟

ولو حد يعرف شركات بتبقى مسؤلة عن الكلام ده , بدل ما رقبتنا فى سباك هو اللى بيتحكم فينا

بس يا سيدى انا هاسالك شوية اسئلة وترد عليا وان شاء الله هقولك تعمل ايه بالضبط

العمارة دى كام دور ؟
الماسورة اللى داخلة العمارة كام بوصة ؟
موتور العمارة بيرمى فى خزان فوق العمارة ولا بيغذى الشقق على طول ؟
دا لو عاوز تجيب موتور للعمارة كلها

لو عاوز تجيب موتور لشقتك
انت ساكن فى الدور الكام ؟

ردى على الاسئلة دى
وإن شاء الله اقدر افيدك

اخوكم
م.عصام مهنى

[yaserbasha2000]

بس يا سيدى انا هاسالك شوية اسئلة وترد عليا وان شاء الله هقولك تعمل ايه بالضبط

العمارة دى كام دور ؟
الماسورة اللى داخلة العمارة كام بوصة ؟
موتور العمارة بيرمى فى خزان فوق العمارة ولا بيغذى الشقق على طول ؟
دا لو عاوز تجيب موتور للعمارة كلها

لو عاوز تجيب موتور لشقتك
انت ساكن فى الدور الكام ؟

ردى على الاسئلة دى
وإن شاء الله اقدر افيدك

اخوكم
م.عصام مهنى

م/ عصام

استفسار صغير احنا عندنا في العماره خزان كبير فوق العماره بيغذي العماره كلها 30 شقه و ماتور المياه بيرمي في الخزان

حاليا احنا مركبين عوامه تفصل الموتور لو وصلت المياه لحد معين في الخزان ويشتغل عند حد معين برده

لكن فيه حتتين كنا عايزين نأمن الموتور فيهم
1- لو المياه مقطوعه من البلديه و الماتور اشتغل بيفضل شغال علي الفاضي لان مفيش مياه اصلا
2- لو الخزان فضي خالص (في حاله غسيل الخزان- او انقطاع المياه لفتره طويله) الموتور بيفضل شغال فترة طويله بدون انقطاع لملو الخزان

هل هناك حمايه للموتور في الحالتين دول و ايه افضل الانواع و يتكلفوا كام و يركبهم كهربائي ولا سباك

أسف علي الاطاله

[م. عصام مهنى]

م/ عصام

استفسار صغير احنا عندنا في العماره خزان كبير فوق العماره بيغذي العماره كلها 30 شقه و ماتور المياه بيرمي في الخزان

حاليا احنا مركبين عوامه تفصل الموتور لو وصلت المياه لحد معين في الخزان ويشتغل عند حد معين برده

لكن فيه حتتين كنا عايزين نأمن الموتور فيهم
1- لو المياه مقطوعه من البلديه و الماتور اشتغل بيفضل شغال علي الفاضي لان مفيش مياه اصلا
تركب جهاز اسمه flow switch أو flow mac دى بيتباع عند واحد اسمه محمود حسن فى شارع نجيب الريحانى من ش الجمهورية دى تقريبا بيبقى دانفوس دنماركى ودى احسن ماركة
دى بيتوصل على ماسورة الدخول للموتور
الجهاز دى فى ريشة جوة ماسورة السحب (الدخول ) لما يكون فى مياة المياة دى بتزق الريشة فيشتغل الموتور لما ميكونش فى مياة او المياة مقطوعة من العمومى الريشة هترجع مكانها ومش هتشتغل الموتور الموضوع دى بيسموه بالعلمى dry running protection
2- لو الخزان فضي خالص (في حاله غسيل الخزان- او انقطاع المياه لفتره طويله) الموتور بيفضل شغال فترة طويله بدون انقطاع لملو الخزان
اهل هناك حمايه للموتور في الحالتين دول و ايه افضل الانواع و يتكلفوا كام و يركبهم كهربائي ولا سباك

أنت اولا مركب عوامة فى الخزان لما الخزان يوصل لحد معين حيفصل
مفيش مشكلة لو الخزان فضى خالص والموتور اشتغلت فترة طويلة علشان يملى الخزان طالما فى مياة من العمومى طالما فى مياة متقلقش.

اللى يركب جهاز الحماية سباك فاهم
فى نوعين من السباكين
سباك صحى ودى السباك العادى اللى بيركب الحنفيات والمواسير ويسلك الاحواض .................إلخ
التانى اسمه فنى مواتير ودى بيصلح الموتور ويظبط الاتوماتيك او العوامة دى بيبقى فاهم فى المواتير .


أسف علي الاطاله

انا فى الخدمة لاى عضو من اعضاء المنتدى ليه استفسار عن المياة أو مواتير المياة

ملحوظة :
على فكرة انا بحب ابسط المعلومة فبتكلم باللغة الدارجة مش بالصيغة الهندسية .
يعنى مثلا مفيش حاجة اسمها موتور مياة اسمه (طلمبة مياة)

م.عصام مهنى

[lonedoctor]

خلى بالك فى كالبيدا مضروب فى السوق كتير لانه بيكون صينى تقليد من نوع جيد (الصينى نفسه درجات) وبيحطوا عليه لوجو الكالبيدا فيجب يكون معاك حد خبرة بيعرف فى الموضوع ده
فى النهاية الموضوع مبنى على نسبة cost /benefit ratio
يعنى صينى درجة اولى هيخدمك من 3 الى 4 سنوات وبعدين ترميه ومتصلحوش او كالبيدا هيخدمك 10 سنوات وبعدين هترميه يعنى كل حاجة ليها عمر افتراض وانت احسب التكاليف الكلية واقسمها على عدد السنوات وشوف التكلفة

[hemeds82]

[QUOTE=midomahany;3872871305]انا فى الخدمة لاى عضو من اعضاء المنتدى ليه استفسار عن المياة أو مواتير المياة

ملحوظة :
على فكرة انا بحب ابسط المعلومة فبتكلم باللغة الدارجة مش بالصيغة الهندسية .
يعنى مثلا مفيش حاجة اسمها موتور مياة اسمه (طلمبة مياة)

م.عصام مهنى

الف يا بشمهندس عصام علي المساعدة

دلوقتي انا ان شاء الله ناوي اشتري موتور ايطالي 0.5 حصان ماركة اسمها لورا تقريبا اية المفروض اشتريها مع

الموتور وبعد اذنك انا ساكن في الدور الخامس اية الضغط اللي المفروض اظبطة علية (ضغط الفصل ) لاني

سمعت ان فية ضغط معين حسب الارتفاع بتاعك

والف شكر علي المساعدة ياباشا

اللون الأحمر مخصص للمشاركات الإدارية..يرجى مراجعة قوانين المنتدى.. وشكرا لتفهمكم
220710
3:57pm
مشرف القسم
20ب

[zkralla]

اسمع ان ماركة كالبيدا الايطالية احسن شركة فى المجال دة

mmamdouh

كالبيدا نمره واحد فى الطلمبات مصر بلا منازع
يليه طلمبه اسمها اسير وهو رغم فرق السعر الكبير الا أنه ممتاز
بيفرق فى الحصان حوالى 500 جنيه تقريبا 1150 و 650 جنيه على ما اتذكر للتحضير الذاتى وطبعا هو ده الى بينصح بيه فى حالتك أن الماتور يكون تحضير مش عاده
الطلبمتين ايطالى وممتازين بس الكالبيدا لا يعلى عليه
اللورا مش حلو قوى واحمد داود محتكر كتير من قطع الغيار بتاعته زى الريشه مثلا فبتيجى تشتريها تلاقى سعرها غالى من عنده ومش موجوده فى المحلات
فى حاجه ايطالى تانى اسمها لينز حلوه بس مش منتشره فى القاهره قوى وسعرها تقريبا مقابل لاسير بس هتقابلك عدم توافر قطع الغيار مره تانيه
خد بالك أن فيه حاجات كتير جدا مكتوب عليها ايطالى وهى صنيى مضروب
ابعد عن الصينى تماما ده كلام خبراء (انا اساسا من شارع الجمهوريه وصحابى كتير فتحين صيانه هناك وبشوف كل انواع المواتير مفكوكه وبتتصلح عندهم وده كلامهم وتقريبا واخدين نص مصالح مصر الحكوميه صيانات طلبمات ومواتير )
احسن محل تجيب منه فى نجيب الريجانى اسمه الامير ( متفرع من شارع الجمهوريه ) وسعره كويس فروق الاسعار هتلاقيها كلام فارغ بس مش شغال فى المضروب فاضمن

[م. عصام مهنى]

[QUOTE=hemeds82;3872872037]

انا فى الخدمة لاى عضو من اعضاء المنتدى ليه استفسار عن المياة أو مواتير المياة

ملحوظة :
على فكرة انا بحب ابسط المعلومة فبتكلم باللغة الدارجة مش بالصيغة الهندسية .
يعنى مثلا مفيش حاجة اسمها موتور مياة اسمه (طلمبة مياة)

م.عصام مهنى

الف يا بشمهندس عصام علي المساعدة

دلوقتي انا ان شاء الله ناوي اشتري موتور ايطالي 0.5 حصان ماركة اسمها لورا تقريبا اية المفروض اشتريها مع

الموتور وبعد اذنك انا ساكن في الدور الخامس اية الضغط اللي المفروض اظبطة علية (ضغط الفصل ) لاني

سمعت ان فية ضغط معين حسب الارتفاع بتاعك

والف شكر علي المساعدة ياباشا

بس يا باشا
دى لينك الطلمبة الــ lowara اللى انت عاوز تركبها عندك

http://www.lowara.com/lowdata/doc/EN/bg-ed-en.pdf

طراز الطلمبة BGM3 تحضير ذاتى
ودى لينك الطلمبة الــ calpeda لو عاوز تجيبها

http://it.calpeda.com/file/c81731265ed19c31043a3d97fcfc499d.pdf

بس كالبيدا مفيهاش 0.5 حصان تحضير ذاتى يبدأ من 0.75 حصان
هتلاقيها فى صفحة 163 من الكتالوج وطرازها NG3/A
لو انت شقة واحدة فى الدور الخامس هات 0.5 حصا ن كفاية أو 0.75 حصان
الماركات المشهورة كالبيدا - لوارا - ساير دول احسن ماركات فى السوق

انت تشترى بالونة كاملة بالاتوماتيك
بالنسبة لضبط الاتوماتيك
شوف اقصى ضغط للطلمبة كام وليكن 3 بار
وخلى السباك يظبط اعلى ضغط عليه دا اللى بيفصل الموتور ( المسمار الكبير فى الاتوماتيك )

ضغط التشغيل تخلى السباك يظبطه على 2 بار (المسمار الصغير فى الاتوماتيك )

دا ليه
علشان بين فترة الفصل والتشغيل متحسش ان المية قلت وبعدين زاردت مرة واحدة وتقل وتزيد
دى بيفرق مع السخان المية تسخن وتبرد مرة واحدة

( الطلمبة ) هى الموتور


لو اى استفسارات تانية انا فى الخدمة


م.عصام مهنى

[zkralla]

من شويه كنت قاعد عند جماعه صحابى بتوع مواتير وطلمبات فى نجيب الريحانى
افتكرتك قلت اساءلهم وقالولى الأتى :-
الكالبيدا ا حصان تحضير ذاتى ب 1120
والاسترا (بستورده محمد الامير الى قلتك عليه فى نجيب الريحانى ) ب 720 جنيه برضه حصان تحضير ذاتى
ده غير ثمن البالونه بالعداد والاوتماتيك الى بيكونوا فى حدود من 150 الى 200 جنيه
تصيح مهم الكلبيدا والاسترا مش الاسير (زى ما كنت قلت أنا الاسمين - اسير واسترا - دخلوا فى بعض فى دماغى )
الاسير بقى مكوناته صينى عشان الى المستورد مش فاكر اسمه ايه كده يوسف بقى بيصنعه فى الصين
كل الايطالى تقريبا الى فى السوق بعد كده صينى مكتوب عليه ايطالى
اللورا مازال حماده دواد محتكر قطع غيارها فابيتعد عنها نهائى عشان الحاجه عنده غاليه جدا
مستوى الاسترا والكالبيدا متقارب ما عدا فروق بسيطه ريشه التوجيه بتاعه الكالبيدا ظهر وبتاعه الاسترا بلاستيك والاثنين كويسين ومش فاكر حاجه تانيه كده بس عموما هما بيقولى الاسترا محترمه قوى وفرق السعر يستاهل