Tweet
مش فاهمة 
يعنى كنتى شوفتى اى كوسه من اللى موجوده دلوقتى فى البلد دى
و شكرا على الموضوع الجامد ده
يعنى كنتى شوفتى اى كوسه من اللى موجوده دلوقتى فى البلد دى
و شكرا على الموضوع الجامد ده
-
[CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
[CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
[/SIZE][/COLOR][/COLOR][/SIZE][/CENTER] -
متابع باهتمامComment
-
معاكى كنت متابع درج ذكرياتى و ومعاكى فى السيرة الذاتية و من نجاح لنجاح دايما :((
بس قوليلى انتى بتجيبى الافكار دى منين؟؟؟Comment
-
معاكى كنت متابع درج ذكرياتى و ومعاكى فى السيرة الذاتية و من نجاح لنجاح دايما :(
بس قوليلى انتى بتجيبى الافكار دى منين؟؟؟Comment
-
موضوع شيق تسلم ايديكياسلام البنا
[URL="http://www.nilemotors.com/Nile/showthread.php?t=59481"][COLOR=darkred]أعرف كل شيء عن التعديل من الألف للياء بالصور[/COLOR][/URL]
[URL="http://www.nilemotors.com/Nile/showthread.php?p=356902#post356902"][COLOR=red][COLOR=darkred]أهم مشاكل دهان عربيتك طرق علاجها [/COLOR][/COLOR][/URL]
[SIGPIC][/SIGPIC]Comment
-
بجد ما شاء الله على الموضوع وعلى صاحب الموضوع انا مش هزايد في الكلام ده يا استاذه علا بس سبحان الله انا الفتره دي الظروف عندي ملخبطه جداً وربنا يفك كربي ان شاء الله وكرب كل محتاج ......... موضوعك مش عارف خلاني اشجع من الاول ورجع لي امل تاني ان الدنيا مش وسايط وايدين طايله وضهر الواحد لازم يتسند عليه والكلام اللي للأسف الواحد بقى يسمعه اكتر من اسمه واللي الواقع للأمانه بيقوله برضه جزاكي الله كل خير بجد والله العظيم وجعله في ميزان حسناتك
1- لئني مستمتع بالقراءه لئن للأسف لم اقرأه المره الاولى فا كلي شغف اني اكمله للآخر
2- ان على يد حضرتك الكريمه شعرت ان الامل موجود والدنيا مش غامقه اوي زي ما هي في عيني الايام اللي فاتت عليا دي وربنا يكرمك ويكرمنا ان شاء الله جميعاً وفي انتظار الباقي .[CENTER][SIGPIC][/SIGPIC][/CENTER]
[CENTER][FONT=Times New Roman][SIZE=2][COLOR=royalblue]East Or West Megane Is The Best[/COLOR][/SIZE][/FONT][/CENTER]Comment
-
جزاك الله خيرا على المتابعة مرة أخرى يا كريم :)المشاركة الأصلية كتبت بواسطة karim_monir مشاهدة المشاركة
يا رب عقبال ال20 و ال 50 سنة شغل.. بس طبعا مش كلهم في ABB
شكرا ليك انت على المتابعة :)المشاركة الأصلية كتبت بواسطة AHMEDCAR مشاهدة المشاركة
شكرا جزيلا على المتابعة و الاهتمام :)المشاركة الأصلية كتبت بواسطة mohamed مشاهدة المشاركة
و الله يا بيه هي اللي بتيجي لوحدها مش انا اللي باجيبهاالمشاركة الأصلية كتبت بواسطة mo7amed_omara مشاهدة المشاركة
جزاك الله خيرا :)المشاركة الأصلية كتبت بواسطة islambana مشاهدة المشاركة
الحمد لله يا رامي ان الموضوع ده جه في وقته لحد.. ماتتصورش دي فارقة معايا أد ايه :)المشاركة الأصلية كتبت بواسطة Ramy_Tantawi مشاهدة المشاركة
يا رب ان شاء الله لما الحلقات تخلص يبقى فيها إفادة للناس و فعلا الحلقات اللي جاية هامة جدا.. و خصوصا آخر 3 حلقات
Comment
-
دود مورنيد ميس
يارب سهلو
آخر حلقه كانت يوم الثلاثاء الساعه 10:34 الصبح ولغاية دلوقتى ما فيش أى حلقات جديده
شكلك كده عمله زى عمر الحريرى فى فيلم العتبه الخضرا مش عارف يألف من غير سندوتش الفول كان أسمه حماده بيتهيألى
أستاذ حماده قصدى أستاذه علا قصدى علا بس
أيه اللى حصل مع يوسف وأيه اللى فى 3 حلقات الباقين[COLOR=seagreen][FONT=Tahoma][SIZE=4][SIGPIC][/SIGPIC][/SIZE][/FONT][/COLOR]
[COLOR=seagreen][FONT=Tahoma][SIZE=4]لا آله الا الله محمد رسول الله[/SIZE][/FONT][/COLOR]Comment
-
المشاركة اللي جاية دي كنت حطيتها قبل كده في موضوع درج ذكرياتي، بس دلوقتي مكانها هنا :)
Comment
-
مع الأطفال
عاصم كان لما يروح بيتهم مامته تسأله عملت ايه النهاردة في المدرسة يا عاصم؟ يقول لها لعبنا في الجاردن.. و أكلنا.. و غنينا مع الميس أناشيد.. و حكت لنا حدوتة.. بس يا عاصم؟ ايوه بس.. طبعا الحمد لله انها بتفتح الشنطة و تشوف الشغل و الهوم ورك.. و إلا كان زماني اتطلقت.. أقصد يعني اترفدت من زماااااااااااااان
عاصم هو الواد الحليوة اللي في الصورة الجماعية اللي لابس بنطلون بحمالات
اما اللي واقف جنب عاصم و ماسك في ايده ساندوتش فده محمد عيد.. محمد بأه حكايته حكااااااااااية.. هو مالوش في العلام أصلا.. و جاي المكان ده عشان خالته و جده كل يوم بيجيبوه و يرجعوا ياخدوه.. انما ايه البني آدمة اللي كل يوم تقول لهم A و B و C دي فهو مش فاهم و مش عايز يفهم.. هو بييجي المدرسة ينام.. و يحضن شنطته اللي مافيهاش حاجة غير الساندويتشات.. و ساعة البريك بياكل.. غير كده هو بيناكف طول الوقت في زمايله و مش بيخلي حد يركز.. حتى وقت الحدوتة لو هو مش مزاجه دلوقتي يسمع حواديت بيبدأ يغلوش ع الكل
محمد لما بيزعل مني او لما ازعق له عشان يسكت شوية يقوم معيط جامد و في وسط العياط يقول لي: هاقول لخالتو عليكي.. او هاقول لجدو عليكي
و انا للأسف مش باشوف الناس دي عشان بييجوا يجيبوه الحضانة بدري اوي قبل ما انا آجي و بييجوا ياخدوه متأخر بعد ما امشي.. و لحد ما سبت المدرسة ما سمعتلوش عن اب او ام.. و لا هو بيجيب سيرتهم.. دايما خالتو و جدو همه اللي في الصورة.. و طبعا الاهتمام بالمذاكرة شبه معدوم.
يوسف بأه هو اللي لابس بلوفر احمر و واقف ورا عاصم.. شفتوا عسول ازاي
اما الولد اللي ورا عاصم و جنب يوسف ده فإسمه محمد حسن.. محمد آخر شقاوة و عفرتة.. بيحبني لدرجة انه مرة سألني هو باباكي ساكن فين؟ و انا اللي هو مش مدية خوانة و باصة في الكراسات و باسأله بتسأل ليه يا محمد؟ قاللي هو ساكن فين بس؟ اديني عنوانه.. فسبت اللي في إيدي و بصيت له و قلت له طيب اعرف ليه بس الأول.. قاللي عشان أقول له عليكي و اتجوزك
انا تنحت.. نعم؟
لما فقت من الصدمة قلت له انا الميس بتاعتك يا محمد و ما ينفعش تتجوزني.. قال لي لأ ينفع
قلت له ياللا على الديسك بتاعك يا محمد.. لسه هايتكلم.. انا: مـــحــــمــــدددد
هو: هاخدك يعني هاخدك
و جريييييييييييي على الديسك بتاعه
محمد كان تقريبا والده جزار.. و بعد عيد الأضحى جه يحكي لي بالتفصيل عن الدبايح و ازاي فضلوا يجروا ورا العجل لحد ما كتفوه و بالسكينة.. و الله أكبر
و انا اللي هو كفاية يا محمد.. كفاية.. و هو بأه: و الدم يا ميس غرق الدنيا و انا جريت احسن الدم يغرق هدومي.. و انا (اللي هو انا يعني) كان هايغمى علية من الوصف.. طبعا محمد من آن لآخر بييجي يحكي لي حكاية دبيحة.. الموضوع شكله كده متعلق بمدبح او سلخانة ما
في الصورة التانية كنت ماسكة الكاميرا وباظبطها فجأة لقيت الولاد بيقولوا لي صورينا ياميس.. وعملوا الشكل العجيب ده قمت لاقطة الصورة :)
Comment
-
علا الولد اللى اسمه يوسف بات فى الحمام لحد تانى يوم؟؟؟؟؟؟[SIZE="2"]i'll miss everyone[/SIZE]Comment
-
لأ طبعا يا نهى.. ده انا روحت ونسيته في الحمام وتاني يوم لما رحت المدرسة مدير الحضانة حكى اللي حصل بعد ما مشيت.. اللي هو قعدوا يدوروا عليه في كل حتة و في الآخر لقوه في الحمام.. انا بأه ساعة كل الأحداث دي كنت في بيتنا :biggrinjester:المشاركة الأصلية كتبت بواسطة Noha-M مشاهدة المشاركةComment
-
هيهيهيهيهيهيي
يلهوىىىىىىىى
بجد ضحكت ضحك !!!! الولد نام تقريبا فى الحمام !![SIZE="2"]i'll miss everyone[/SIZE]Comment
-
زميلات و دادات
بعد الكلام عن الأطفال و مقالبهم و طبايعهم وبعد ما شفنا سوا صورهم.. نتكلم شوية عن الزميلات.. و همه بينقسموا إلى قسمين: قدام و جداد.. القدام كانوا من أيام التعيين بالدبلومات.. انما لسه موجودين و شغالين.. و دول بيسند ليهم فصول العربي و سنهم بيبدأ من أواخر الأربعينات. اما الصغار الخريجات الحديثات أمثالي فكانوا بياخدوا فصول اللغات و طبعا كان شتان ما بين مرتبات المجموعتين و ده كان بيخلق مشاكل كلها بتيجي فوق دماغنا احنا الجيل الجديد.. ستات بأه و غيرة و الذي منه
انما الحمد لله.. كل المشاكل عدت على خير و جيت قبل ما اسيب المكان بشوية رحت لواحدة من المدرسات دول و صفيت معاها الخلاف اللي هو كان محض اختلاق مشاكل من ناحيتها و اللي هو اصلا انا ناسية سببه تماما دلوقتي
دي كانت أول وظيفة لية في حياتي و أول مرة اتعرض لنظام التوقيع و الدسائس و المؤامرات المعروف بين طبقات الموظفين و الحمد لله ما اتعاملتش مع النوعية دي في عمل آخر لي حتى الآن :)
نيجي بأه للدادات.. الدادات كان ليهم صفات شخصية مميزة جدا.. و لكل واحدة حكاية.. دادة عزة مثلا كانت ايامها عندها حوالي 34 سنة و كانت محتاجة فلوس ايامها بشدة عشان كانت بتجوز بنتها
أصلها اتجوزت عندها 16 سنة و بنتها هاتتجوز و هي عندها 18 سنة
عزة كانت طيبة و مؤدبة جدا و نسمة كده في الحضانة بصراحة.. يا ترى فين أراضيها دلوقتي؟
دادة سامية دي ابتسامة طيبة و حنية تمشي على الأرض.. كانت نفسها عزيزة و محترمة بشكل.. سنها أوائل الأربعينات و كان زوجها مريض و ملازم الفراش و الدخل الوحيد كان هو اللي بتدخله للأسرة من عملها في الحضانة.. طبعا كلنا كنا بنحرص على اننا ناخد بالنا منها اكتر واحدة.. لسه لحد دلوقتي فاكرة ابتسامتها الحيية دائما.
اما دادة سلوى فكنا مسمينا الليدي سلوى.. و أحيانا الكونتيسة سلوى.. أصلها كانت على طول قرفانة من الشغلانة و بتعمل كل حاجة تطلب منها بإباء و شمم
انما ورا كل ده مخبية قصة حزينة عن واحدة بلغت الخمسين تقريبا و لم تتزوج و قاعدة عند أخوها.. و منتهى أملها في الحياة انها تجمع مبلغ تقدر تاخد بيه أوضة و صالة تستقل فيهم و تبعد عن مضايقة زوجة اخوها ليها :(
دي كانت قصة فترة التدريس.. فاضل فيها شوية صغيرين قبل ما ننقل على المرحلة اللي بعدها.. و نعدكم بمواقف أكثر تشويقا من ذي قبل
Comment
-
شاي و جرنال
و تمر الشهور و تصير الأمور بيس اوف كيك.. و الدنيا وردي و العيال زي السكر و بأت ميس علا عندهم دي المية و الهوا.. و لله الحمد قدرت اكسب ثقة أولياء الأمور و اتصادقت مع والدات اكتر من طفل و طفلة عندي
انما.. انما لما بصيت لبعيد شوية ما لقتش اني لية كاريير.. و لقيت ان الانجليزي بتاعي بيضيع مني و باقضيها طول اليوم Good morning Miss و I want to drink و I want to go to the toilet و هكذا.. و كل اللي طلع عيني فيه 4 سنين هايذهب أدراج الرياح.. و كان لا بد من وقفة
أول حاجة بدأت اعملها اني كنت بحاول على أد ما أقدر احافظ على مستوى اللغة عندي على ما أشوف حل و اتبعت ساعتها طريقة غريبة شوية، انما كانت مفيدة و الله. اللي كنت باعمله اني كنت باقعد قدام مسلسل الساعة 5 بتاع ال Nile TV و اسمع حوار المسلسل و أتابع ترجمة الحوار بالانجليزي المكتوبة على الشاشة.. كنت بامسك في ايدي نوت بوك و قلم و ألاحظ الكلام و التعبيرات اللي مترجمة من عربي لانجليزي و اكتب الحاجات الجديدة علية و بعد المسلسل ما يخلص افضل أراجعها.. وقتها فعلا طلعت بحصيلة كويسة للمرحلة اللي كنت فيها ساعتها.
و فضلت كده شوية لحد ما السنة قربت تخلص و امتحنوا الولاد و استلموا شهاداتهم و أخدوا الأجازة.. و بدأ التفكير فيما بعد.. يا ترى هاستمر في التدريس و لا لأ.. طيب و لو هاستمر يا ترى هافضل في كي جي و لا هاتنقل لابتدائي؟ طيب هل انا فعلا عايزة اتنقل لابتدائي؟ انا اصلا مش بارتاح في التعامل مع مدير قسم ابتدائي و المبنى بتاعهم كئيب و ضلمة.. طيب و هلاقي فين مدير متفهم و مساند اوي زي مدير الكي جي اللي انا باعمل تحت رئاسته؟.. المهم ان الأسئلة دي كلها كانت بتدور في ذهني في وقت كان لازم فيها أقرر هافضل في المدرسة و لا لأ عشان كل مدير لكل مرحلة كان لازم في الوقت ده يسلم تقريره لأصحاب المدرسة عن المدرسات الجداد و مين فيهم بيرشحهم للاستمرار في المدرسة بحيث ان المدرسة تعمل حسابهم في المرتبات أثناء شهور الصيف و مين فيهم اللي مش بيرشح بقائهم للسنة الجاية بحيث انه يسرحوهم من دلوقتي.. و الحمد لله مديري رشحني للبقاء.. و بقيت..
و استمريت في المدرسة خلال الصيف.. أروح المدرسة الصبح.. نقعد انا و المدرسات.. أقرا الجرنال.. نشرب الشاي و نفطر.. نتكلم.. نرغي.. و بعدين ع الساعة 1 بالكتير نبدأ نروح.. يا سلاااااااااااام.. حياة في منتهى الملل.. طبعا باروح البيت من الساعة 1 دي مش بالقى حاجة اعملها.. بس لا زلت باحرص على مسلسل النايل تي في
طبعا لقيت ان دي مش عيشة بالطبع.. بدأت أدور على شغل بارت تايم.. سبحان الله.. المرة دي ما لفتش كتير.. لقيت اعلان في الجرنال عن انستركتور لللغة الانجليزية بارت تايم في مركز لغات و كمبيوتر.. لأ و ايه؟ رقم المركز اللي في الجرنال بيشير الى انه في شبرا
لما اتصلت بأه عشان احدد معاد للمقابلة كانت المفاجأة التانية.. و هي ان المركز ده في شارع متفرغ من الشارع الموازي لشارعنا.. يعني على بعد خطوات من بيتنا
سبحان الله لما بيريد بتيسير الأمور
رحت المقابلة و حكيت القصة و سألني شوية أسئلة بالعنجليزي و الحمد لله ماكانش مشترط اني اكون خريجة مدارس لغات
و تم التعيين بمرتب تعبااااااااااااان.. بس اهو بارت تايم يعني هو احنا هانتأمر؟
قضيت في المركز ده شهرين بس.. و كمان شوية هاقول لكوا ليه شهرين بس.. و عشان أقول لكوا ليه شهرين بس لازم ارجع بالأحداث كام شهر عشان ندخل من قصة المركز للقصة التانية اللي بدأتها و لسه فيها لحد النهاردة.
يومي كان عبارة عن اني باروح المدرسة اعمل الطقوس اياها و بعدين أروح على طول اتغدى و اريح شوية و بعدين انزل المركز من الساعة 5 و نص للساعة 8 و نص و طبعا أروح انام زي القتيلة لتاني يوم الصبح.. و هكذا.. بس بصراحة استفدت جدا من الشهرين اللي اشتغلتهم في المركز ده و فرقوا معايا فعلا و كنت بادرس لناس كبار أصغر مني بسنتين تلاتة و أدي و اكبر مني بكتير أحيانا و كان معظمهم مستواهم في الانجليزي تعبااااااااااان
شوية كده و احكي لكوا حبة عن المركز و اللي حصل معايا فيهم خلال الشهرين دول.. و بعدين نرجع فلاش باك و ندخل في مفترق الطرق اللي كنت فيه من 10 سنين و عملت فيه ايه.. تابعونا و لا تنسونا من صالح دعائكم :)
Comment
Comment