بفكر اشتري كلب جولدن ريتريفر !

[ALMAGICO]

حد يعرف سعر جرو جيرمن كام ؟
و اجيبه منين

عامة فى حاجة اسمها تفريخ محلى وفى مستورد
والاتنين بينقسموا الى ورك لاين وشولاين
الورك لاين دة بتاع شغل ودة اللى بتستخدموا الشرطة بيبقى فى كل المواصفات بس من غير كسحة
طيب الكسحة دى عبارة عن اية ؟ دى بقى لما تيجى تبص للكلب تحس ان فى ميل وتحس ان ضهرة ملفوف
الشولاين من اسمة دة كلب عرض شكلة حلو بسبب الكسحة اللى فية وبيبقى نفس مواصفات الورك لاين بزيادة الكسحة
وعلى فكرة الجيرمن اصلة من غير كسحة ولكن نتيجة للعب فى الجينات ظهرت الكسحة ومعظم الدكاترة البيطرين ان الكسحة بتعمل مشاكل للكلب على المدى البعيد لو هيبقى فى حركة ونشاط مستمر
وفى مواصفات كتير لقياس نسبة نقاء الجرو
الخلاصة انا شرحت دة كلة عشان احط حضرتك فى الصورة اسعار الجراوى من 1000 الى 7000 دة للمستورد دم ابطال عالم
اتمنى ان حضرتك تحدد الميزانية الاول
اما تجيبة منين فى منتديات كتير
وفى راجل محترم جدا اسمة استاذ رابح من طنطا عندة مزرعة والكلاب عندة مستواها تحفة بصراحة انا سمعت ان تعاملة محترم وناس كتير بتشكر فية
المهم لو حضرتك معندكش خبرة فيهم حذارى ان حضرتك تشترى لواحدك لان الجيرمن دة افضل كلب تتخم فية
اسف على الاطالة
واى استفسار انا تحت امرك
والله اعلى واعلم فيما قلت

[nouranwar]

اعمل حسابك في ٢٠٠ جنيه تقريبا مصاريف سنويه تطعيمات و رخصه
عشان لازم الكلب تكون صحته كويسه جدا عشان هيختلط بيك و العيله

حلو قوي مبلغ 200 جنيه في السنة هي الرخصة بتبقي من عند الدكتور برضه ؟
و ايه الاكل بتاعه ؟ و لو فيه مصاريف تانية ياريت تفيدني بيها بعد اذنك

[ALMAGICO]

شكرا جزيلا لحضراتكم فتحت الموقع و هقرأ فيه
طيب انا مبفهمش في الكلاب و خايف اني اتخم فيه يعني حضرتك بتقول بيدأ من 700 لغاية 4000 انا عامل حسابي علي 1,000 جنيه كأقصي تقدير و سايب 200 جنيه علشان لو هجيبله طوق و سلسلة و احتياجاته و كده فهل هيكفي المبلغ ده ؟!
و ايه هي احتياجاته التانية ؟ و ايه الاكل اللي بياكله ؟
انا احتياجي من الكلب تسلية علشان هروح اعيش في شقة لوحدي فعايز كلب علشان يسليني
انا مش فارق معايا تقليبه بس يبقي حاجة نضيفة
الميزانية 1000 جنيه

بجد شكرا ليكم جدا افدتوني والله

جولدن ب1000 جنية صعب شوية على الاقل التقليب يكون جيد زود السعر شوية
نيجى لنقطة مهمة بغض النظر عن نوع الكلب حضرتك هتقدر سورى فى الجملة تدبرلة ميزانية لواحدة والنقطة دى اهم من سعر الكلب نفسة
لو حضرتك هتجيب جرو صغير شهرين ولا حاجة يبقى مش هنحتاج سلسلة الوقت كفاية طوق مش اكتر
وبردة اول متشترى لازم تودية للدكتور عشان تطمن علية وعلى صحتة
بالنسبة للاكل دة حسب سنة مش هنتكلم فى النقطة دى الا لما حضرتك تشترى بس هو عامة فى الاول كدة هيبقى جبنة قريش ولبن خالى الدسم وبيض مسلوق وعيش
ولما يكبر شوية تعودة على اكل البيت العادى بس حذارى من السمك والبصل
اما بالنسبة لاحتياج حضرتك لو تسلية اوك الجولدن مناسب بس محتاج اهتمام وبردة تمشطة مرة مرتين فى الاسبوع عشان شعرة وتخرجة يتمشى شوية بس دة عند سن معين
اما لو حضرتك هتجيبة تسلية وحراسة منصحكش بية لان دة اخر كلب تفكر فية فى الحراسة
اسف على الاطالة
واى استفسار انا تحت امرك
والله اعلى واعلم فيما قلت

[minicooper20]

بص يا غالى
اولا مبروك خروجك من جيش كفاره يا صاحبى
تانى حاجه بالنسبه للكلب
فا الجولدن مش اقل من 3 الف و عندى اليجبلك حاجه شامبيون يس مصؤيف شعرو بس تعدى معاك 300 جنيه شهريا
تانى حاجه لنتا عايز حاجه تسلى بيها وقتك و يبقا صاحبك و يسلسك هتلك حاجه جيرمنوشيبرد ب 300 400 انا لا هتفرخ ولا هتدخل بيه بطولات و العب معاه و ربيهو
انا من راى يتجيب كلب فعلا تقليبز عالى و يصرف على نفسو يا تجيب كلب رخيص تتعلم فيه تربيه لاكن تجيب كلبوب الف جنيه و تبقا رقصت على سلم
لا جبت تقليب ولا حتى فلوسو قليله

[nouranwar]

جولدن ب1000 جنية صعب شوية على الاقل التقليب يكون جيد زود السعر شوية
نيجى لنقطة مهمة بغض النظر عن نوع الكلب حضرتك هتقدر سورى فى الجملة تدبرلة ميزانية لواحدة والنقطة دى اهم من سعر الكلب نفسة
لو حضرتك هتجيب جرو صغير شهرين ولا حاجة يبقى مش هنحتاج سلسلة الوقت كفاية طوق مش اكتر
وبردة اول متشترى لازم تودية للدكتور عشان تطمن علية وعلى صحتة
بالنسبة للاكل دة حسب سنة مش هنتكلم فى النقطة دى الا لما حضرتك تشترى بس هو عامة فى الاول كدة هيبقى جبنة قريش ولبن خالى الدسم وبيض مسلوق وعيش
ولما يكبر شوية تعودة على اكل البيت العادى بس حذارى من السمك والبصل
اما بالنسبة لاحتياج حضرتك لو تسلية اوك الجولدن مناسب بس محتاج اهتمام وبردة تمشطة مرة مرتين فى الاسبوع عشان شعرة وتخرجة يتمشى شوية بس دة عند سن معين
اما لو حضرتك هتجيبة تسلية وحراسة منصحكش بية لان دة اخر كلب تفكر فية فى الحراسة
اسف على الاطالة
واى استفسار انا تحت امرك
والله اعلى واعلم فيما قلت

بصراحة مش عايز ادفع اكتر ده المبلغ اللي مخصصه للكلب و مش عايز ازود عليه ان شاء الله هقدر طالما جت علي لبن و جبنة قريش و عيش
انا كنت عايز انزله معايا لو هخرج في اي مكان و اطلعله رخصة مع اني معرفش بتطلع منين !؟
انا جايبه تسلية فقط مش عايزه حراسة

[nouranwar]

بص يا غالى
اولا مبروك خروجك من جيش كفاره يا صاحبى
تانى حاجه بالنسبه للكلب
فا الجولدن مش اقل من 3 الف و عندى اليجبلك حاجه شامبيون يس مصؤيف شعرو بس تعدى معاك 300 جنيه شهريا
تانى حاجه لنتا عايز حاجه تسلى بيها وقتك و يبقا صاحبك و يسلسك هتلك حاجه جيرمنوشيبرد ب 300 400 انا لا هتفرخ ولا هتدخل بيه بطولات و العب معاه و ربيهو
انا من راى يتجيب كلب فعلا تقليبز عالى و يصرف على نفسو يا تجيب كلب رخيص تتعلم فيه تربيه لاكن تجيب كلبوب الف جنيه و تبقا رقصت على سلم
لا جبت تقليب ولا حتى فلوسو قليله

الله يبارك فيك اكبيييير :)
لأ الشامبيون ده شكله كده هيصرف كتير
الله ينور عليك هو ده المطلوب , انا معرفش شكل الجيرمون ده بس انا متعلق بالجولدن
هما اللي بشوفهم ب 1000 و 1500 دول مش كويسين ؟ بص انا معايا 2700 كنت هجيب بيهم هدوم بس طلع في دماغي الجولدن فقولت 1500 هدوم و 1200 جولدن بمصاريف اول شهر مش هقدر ازود في فلوس الكلب ولا هقدر اقلل في الهدوم اعمل اييييييييييه!!!! بس يكون جولدن

[ALMAGICO]

هقول لحضرتك على حاجة تعالى نتكلم بالميزانية ونشوف الخيارات اللى قدمنا
بالميزانية اللى حضرتك حطتها ادامك خيارين بغض النظر عن الكلاب الزينة
اولا الجيرمن شيبرد اللى الناس بتقول علية البوليسى ودى صورتة بس دة تقليب عالى من الشكل العام

وفى الحالة دى هيبقى ورك لاين يعنى من غير كسحة بس هيبقى خشب عريض ولون احمر وديل للارض
الاختيار الثانى الدوبر مان وهيبقى تقليبة حلو ولحسن الحظ سعر الدوبر مان فى مصر مضروب لان شعبيتة قليلة فى مصر ودى صورتة

وعلى فكرة الدوبر مان هادى جدا جدا ونباحة قليل ولكن محتاج تدريب كويس لان الكلب دة لو مدرب شراسة ومش مدرب طاعة بيبقى عامل زى القنبلة الموقوتة فى الشارع
الجيرمن شيبرد كلب عائلى جدا جدا وذكى ويسليك منة حراسة ومنة تسلية ومريح جدا فى التدريب وسهل التدريب لان حضرتك مبتدىء ودايما اى حد يبدا فى تربية الكلاب بنصحة بالجيرمن شيبرد
ولو حضرتك عايز راى انا افضل الجيرمن ولو حضرتك زودتها سنة كمان كميزانية يعنى مثلا 1200 تجيب تقليب جيد وخصوصا نظرا لحالة البلد الاقتصادية فى ركود فى حركة بيع الكلاب وبالتالى الاسعار الى حد ما كويسة
واى استفسار انا تحت امر حضرتك
والله اعلى واعلم فيما قلت

[blazer]

هقول لحضرتك على حاجة تعالى نتكلم بالميزانية ونشوف الخيارات اللى قدمنا
بالميزانية اللى حضرتك حطتها ادامك خيارين بغض النظر عن الكلاب الزينة
اولا الجيرمن شيبرد اللى الناس بتقول علية البوليسى ودى صورتة بس دة تقليب عالى من الشكل العام

وفى الحالة دى هيبقى ورك لاين يعنى من غير كسحة بس هيبقى خشب عريض ولون احمر وديل للارض
الاختيار الثانى الدوبر مان وهيبقى تقليبة حلو ولحسن الحظ سعر الدوبر مان فى مصر مضروب لان شعبيتة قليلة فى مصر ودى صورتة

وعلى فكرة الدوبر مان هادى جدا جدا ونباحة قليل ولكن محتاج تدريب كويس لان الكلب دة لو مدرب شراسة ومش مدرب طاعة بيبقى عامل زى القنبلة الموقوتة فى الشارع
الجيرمن شيبرد كلب عائلى جدا جدا وذكى ويسليك منة حراسة ومنة تسلية ومريح جدا فى التدريب وسهل التدريب لان حضرتك مبتدىء ودايما اى حد يبدا فى تربية الكلاب بنصحة بالجيرمن شيبرد
ولو حضرتك عايز راى انا افضل الجيرمن ولو حضرتك زودتها سنة كمان كميزانية يعنى مثلا 1200 تجيب تقليب جيد وخصوصا نظرا لحالة البلد الاقتصادية فى ركود فى حركة بيع الكلاب وبالتالى الاسعار الى حد ما كويسة
واى استفسار انا تحت امر حضرتك
والله اعلى واعلم فيما قلت

انا عاوز كلب جيرمان او روتفيلر بس يكون جرو صغير و الميزانيه لحد 1000

[ALMAGICO]

انا عاوز كلب جيرمان او روتفيلر بس يكون جرو صغير و الميزانيه لحد 1000

روت وايلر صعب جدا جدا ب1000 جنية ممكن الجيرمن شيبرد بس ياريت تزودها سنة كمان كميزانية تجيب تقليب جيد بردة بس خالى بالك وقت الشراء لان الجيرمن شيبرد احسن كلب تتخم فى شراؤة
واى استفسار انا تحت امر حضرتك
والله اعلى واعلم فيما قلت

[El Prince]

معلومات جميلة - مشكورين جميعاً - و موفق فى الشراء صاحب الموضوع
أنا بعشق الكلاب - بس ساعات الظروف بتمنع الواحد يعمل اللى فى نفسه !

[prince_bondok1st]

وفى الحالة دى هيبقى ورك لاين يعنى من غير كسحة

انا فاهم موضوع الكسحه
بس يعني ايه ورك لاين وهل موضوع الكسحه يفرق
وهل ان لونه احمر وحشبه عريض يغني عن موضوع الكسحه ولا كده تقليبه مش كويس
وايه رايك في الشرا من مركز تدريب الكلاب التابع للشرطه في العباسيه؟

مع الشكر

[blazer]

روت وايلر صعب جدا جدا ب1000 جنية ممكن الجيرمن شيبرد بس ياريت تزودها سنة كمان كميزانية تجيب تقليب جيد بردة بس خالى بالك وقت الشراء لان الجيرمن شيبرد احسن كلب تتخم فى شراؤة
واى استفسار انا تحت امر حضرتك
والله اعلى واعلم فيما قلت

طب تقدر تساعدنى اجيبه منين ؟

[Nistelrooy]

جيب كلاب حقك تدلع بقي :)

[seven777]

El golden kalb hadi w by7eb el le3b w howa kalb 3a2ly bas ahm 7aga ykoun ta2leebo kwayes w lw enta men alex nasee7a balash tgeeb men 3and el araby elli fe m7ram beh

[ALMAGICO]

وفى الحالة دى هيبقى ورك لاين يعنى من غير كسحة

انا فاهم موضوع الكسحه
بس يعني ايه ورك لاين وهل موضوع الكسحه يفرق
وهل ان لونه احمر وحشبه عريض يغني عن موضوع الكسحه ولا كده تقليبه مش كويس
وايه رايك في الشرا من مركز تدريب الكلاب التابع للشرطه في العباسيه؟

مع الشكر

الورك لاين من اسمة انة كلب شغل بمعنى هيبقى معرض للحركة كتير وانة يجرى بسرعة زى موضوع العربيات مش فى عربية بتكون عملية اكتر هو هو نفس الموضوع وعشان كدة تلاقى كل كلاب الشرطة فى اى مكان لازم تكون ورك لاين . لية الشولاين سموة كدة ولية مش بيستخدموة زى الورك لاين ؟
الشولاين من اسمة كلب عرض يدخل مسابقات محتاج رعاية واهتمام كبييييييير ثانيا موضوع الكسحة بتاثر على المفاصل الخلفية على المدى البعيد وكمان الورك لاين اسرع من الشو لاين
على فكرة الورك لاين فى منة بيور اذا الفرق بين الورك والشو الكسحة بس فى حاجات متوافرة فيهم هما الاتنين
اولا يقولك الكلب لونة احمر دم طبعا الجيرمن شيبرد البلاك جاك بيبقى لونة خليط بين الاسود والاصفر او البنى الفامق بس بيبقى الاصفر والبنى الغامق اكتر كتورزيع الوان من الاسود طبعا كل ماكان الااللون اللى مع الاسود اغمق كل ماكان افضل ودى صورة للون الغامق بالنسبة للكلب الكبير وفى كمان اغمق من كدة بس دة ورك لاين

ثانيا الخشب العريض والكفوف ودى بتبقى رجلية وهى مستقيمة بتبقى عريضة وكفوفة كبيرة زى الصورة

واخد بالك حضرتك من الكفوف والخشب العريض بسم الله ماشاء الله علية
ثالثا الماسك او يقولك وجههة تقيل تحس ان الكلب لابس ماسك اسود على وجهه وكل ماكان الماسك غامق كل ماكان افضل ودى صورة للماسك



رابعا ذيل الكلب يكون لامس الارض يكون على الارض يعنى
خامسا خالى بالك من دماغ الكلب الافضل تكون ضخمة لان انا اعرف ان الدماغ بتتناسب طرديا مع ذكاء الكلب كل ما كانت كبيرة كل ماكان الكلب اذكى
كل المواصفات دى بتتفاوت حسب السعر بردة
انا عارف انى طولت بس حبيت احط حضرتك فى الصورة نرجع لسؤال حضرتك هو الورك لاين تقليبة مش كويس لا الورك لاين فى منة بيور وتقليب عالى جدا جدا هو هو الشولاين بس الفرق الكسحة
بس عامة لو حضرتك ناوى تتاجر فيهم او هتبيع جراوى وكدة يبقى الشولاين افضل اللى هو بكسحة لية لانك هتقدر تجيب كل الفلوس اللى دفعتها فى الشراء وزيادة كمان
اما لو حضرتك مش هتاجر او هتجيبة تسلية حبا فى التربية ومنة حراسة بردة الورك لاين الاختيار الانسب
ومش معنى كدة ان جراوى الورك لاين رخيصة لا مش رخيصة دة الكلام دة لو حبيت تتاجر بردة فى الورك لاين بس الشو اغلى منها لمنظرها الجمالى
حاجة كمان فى ناس ممكن تفتكر ان الميل هو الكسحة لا خالص فى فرق بين الميل والكسحة اعرف ازاى الفرق انا اللى انا اعرفة ان الكلب لما يجرة وتبصلة من الجنب لو لاقيت ان ضهرة ملفوف او مايل وهو بيجرى يبقى دى كسحة
اما الميل ممكن تلاقى الكلب وهو واقف ضهرة مايل بس لما يجرة تحس ان ضهرة مستقيم مش فى ميل وفى حاجة بردة اسمها العراقيب اللى هى الميل اللى فى اخر رجل الكلب دى موجودة فى الورك والشو
عامة اهم حاجة وانت بتشترى صحة الكلب اوعى تاخد كلب عيان حتى لو عندة برد اوعى
حذارى ان مدى تقليب الكلب هو مقياس حبك لية
وفى النهاية هقول لحضرتك كام معلومة
الجيرمن شيبرد فى منة لونج هير وميديم هير وشورت هير اللى بيدخل المسابقات العاملية الشورت والميديم اما اللونج مش بيدخل بسبب ان شعرة بيبقى مغطى على حجمة
الجيرمن شيبرد فى منة ورك لاين وشو لاين ساعات الناس بتقول على الجيرمن الورك يقولك علية بجلم شيبرد اللى هو الراعى البلجيكى لان الراعى البلجيكى من غير كسحة خالص مفيهوش شو لاين
الجيرمن شيبرد بيتضمن البلاك جاك اختصار كلمة بلاك جاكيت نتيجة لون الاسود اللى على ضهرة
وفى بردة البلاك كوت شرابات ودة بيبقى كلة اسود ماعادا رجلية بيبقوا بنى
وفى الرويال بلاك بيبقى كلة اسود
اما بالنسبة مركز تدريب الكلاب التابع للشرطة بلاش لان بيبقى تقليب متوسط وطالبين مبالغ عالية اوى مقارنة بالتقليب هو مايميز الكلاب عندهم صحة الكلاب وضخامة الكلاب لانهم بيهتموا بيهم بس غالييييين جدا
اسف على الاطالة
واى استفسار انا تحت امر حضرتك
والله اعلى واعلم فيما قلت