خلاص .. خلاص بجد .. دي مش عيشة بني أدمين

[M.Mokhtar]

الاقى الشخصية اللى انا باتكلم عنها اسمها ظاهر برة ومتواجدة معظم اليوم ومشاركة فى مداخلة بشأن عربية فى نفس اليوم بتاع محمود دون أى مشاركة ولو بهمسة تواسى فيها العضو , يبقى كل مواضيع الشخصية دى عن الخير وعن حب الناس والانسانية اعتقد عليها علامة استفهام ؟؟؟ وسبحان الله أول ما علقت ظهرت تلك الشخصية فجأة بمشاركة على استحياء !!

اعتقد دى حاجة ماتخصكش اذا كانت تواسى او لأ
انت مش طرف فى الموضوع ومش من حقك تتكلم فيه اساسا

الموضوع هنا مأساوى ومش ناقصين ناس تدخل تقول كلام بايخ ومالوش لازمه
اللى عنده كلمه حلوه يقولها واللى ماعندوش يسكت احسن

ربنا يهدى الجميع

واضح ان الكلام علية، و بالرغم من إني مش مضطرة أوضح موقفي لحد، إلا إني في نفس اليوم اللي قرأت فيه الموضوع أخدت رقم محمود و كلمته على الموبايل و لما عرفت انه مشغول بعت له رسالة على الموبايل أتطمن فيها عليه و على أخته و هو ممكن يقول لك كده بنفسه. أنا بس عايزة أسأل سؤال: هي الناس هنا بتدخل ترد و تواسي عشان الناس تقول فلان أو فلانة وقفت جنب أخوها و ساندته؟ و لا عشان هي فعلا قلقانة على البني آدم ده و عايزة تطمن عليه؟ متهيألي أترك الإجابة ليك أفضل.

اما باقي كلامك.. فلا تعليق رغم اني عندي الكثير و الكثير لأقوله، إلا اني مش عايزة أحول موضوع مؤلم زي ده لحوار جانبي في موضوع تاني أيا كان.. فما بالك بأه بتشكيك زي اللي انت بتحاول تعمله بطريقة مؤسفة مش لاقية لها وصف الصراحة.

غلط يا علا انك رديتى
حتى هو لو قاصدك انتى هيطلع بكل سهوله يقولك انا مش اقصدك
ولو قال انا اقصدك انتى برده غلطتى انك رديتى عليه
واضح انه عاوز يعمل مشاكل او عايز يوضح وجهة نظر معينه محدش شايفها غيره
هو هنا مجرد واحد بيشارك برأيه فى قضيه معينه
معنى انه يتجه لقضيه تانيه انه بيخالف هدف الموضوع وبكده يستحق حذف مشاركته من الموضوع
بدل ما تدرى عليه ابعتى للمشرف ان فى مشاركه سيئه فى الموضوع عشان يحذفوها خالص
لكن مش كل ما حد يقول حاجة هنرد عليه كده هنعمل مشاكل ملهاش لازمه

ياريت الاداره تحذف مشاركة فياتو ومشاركة علا ومشاركتى عشان يفضل الموضوع ليه هدف واحد اننا نطمن على محمود واخته

بالنسبة لاخويا محمود واخته
الف حمد لله على السلامة اختك
الحمد لله انهارده قدرت تقعد بكره ان شاء الله هتقوم وتقف وتجرى كمان
المهم بس تطمنا عليها كل شويه
وكلنا بندعيلها ان شاء الله تقوم بالسلامة

[fiatto]

يا اخ فياتو ..
بداية .. مشكرو لشعورك الجميل نحو محمود اخوك .. و غيرتك علي الموقف اللي هو فيه ..
لكن اولا و اخيرا ..
انت متعرفش ظروف الناس ايه .. يمكن واحد يحب يتواصل مع محمود علي الخاص .. او علي التليفون .. او يمكن هو معاه دلوقتي في المستشفي او البيت .. او يمكن ميعرفش محمود اساسا .. و محرج انه يتكلم معاه .. او ..او .. او يمكن هو في ظرف اقسي من اللي اخوك محمود فيه ... الله اعلم
الشاهد ..
كل واحد ليه ظروفه .. و كمان كل واحد ليه وجهة نظره .. و عمرنا ما حنعرف الناس جواها ايه .. ولا نعرف نقفل افواه الناس .. كل اللي عايز يشارك اخوك محمود في ازمته ..يشاركه بالطريقة اللي تعجبه .. وربنا يجزيه خير ..
----------
خلينا نركز احسن مع محمود .. و ندعيله و لاخته ان ربنا يقومها بالسلامة ...
قوووول امين

آمين , وشكرا على توضيحك الهادئ المحترم

[R A N A]

الحمد لله يا جماعة عدينا يومين القلق و هي كويسة دلوقت .. انا مليش إخوات غيرها لكن في اليومين دول حسيت إن لي إخوات كتير الحمد لله تقريباَ كل الناس كلمتني و متابعاني و حسيت بإهتمام كبير حتي دكتور شيكو كلمني من كندا و قاللي أعمل إيه بالزبط .. و بصراحة عدد الناس اللي كلمتني أكبر من إني أفتكرهم كلهم .. و انا بعتذر إني مقدرتش أرد علي بعض المكالمات لأن كنت مشغول في حاجة أو بخلص ورق في المستشفي أو القسم .. و إنهاردة نمت الصبح كله لأن كان بقالي يومين لا نوم ولا أكل فا معرفتش أرد عالناس اللي كلمتني و معرفش نمرها .. و برضه كلمت بعض الناس و انا تايه شوية لأن كنت بخلص إجراءات برضه أو سايق لمشوار و مكنتش مركز فا معلش و الله (حتي رديت علي أستاذ أحمد إبراهيم قلتله إزيك يا دكتور أحمد :) معلش من كتر الدكاترة اللي شفتها يا أستاذ أحمد) بس انا بشكركم جميعاَ و انا بجد لو حسيت إن محتاج مساعدة في حاجة مش هتردد أكلمكم و ربنا يقدرني و أرد الجمايل بس في حاجة حلوة إن شاء الله .. متشكر لكم جميعاَ و هي الحمد لله دلوقت كويسة حتي قدرت إنهاردة تتني ضهرها في السرير و دي حاجة مكانتش عارفة تعملها من يوم الحادثة بس إنهاردة قعدت نص قعدة كدة في السرير عقبال ما تنزل تمشي علي رجليها إن شاء الله .

الف حمد الله على سلامة اختك يامحمود.
وربنا يتم شفاها على خير ويقومها بكامل صحتها يارب.

ومتقلقش كل الالم اللي هي اتعرضتله ده هايتحط في ميزان حسانتها وبجد الإبتلاءات اللي من النوع ده بتبقي اختبار لأهل المريض اكتر من المريض نفسه وبجد ربنا يصبرك ويصبر والدتك وتعدوا الإبتلاء ده على خير ان شاء الله.
وان شاء الله ربنا هايعوضكوا خير عن كل ده بإذن الله.
ومرة تانية الف الف سلامة عليها وربنا يتم شفاها على خير امين

[M_55]

الف حمد الله على سلامة اختك

[link7200]

اقسم بالله انا لو مكانك و اتليمت على صاحب العربيه لنا ضاربه بالنار
و عادى حتاخد برائه , اصل الى عايز يعمل حاجه فى بلدنا بيعملها بفلوسه او بنفوزه
و اذا اجتمع الاتنين أصبحت فوق القانون

[Ahmed Samy]

الف الف سلامة يا محمود على أختك الغالية

و يوم بعد يوم كل حاجة هاتتحسن و ترجع تجري و تبقى عال العال

بس جرح البلد دي مش هايروح منها و لا منك ولا مني بسهولة

كويس انك فوقت علشان ترد عليا بقى بدل القلبة دي :)

[aif]

الحمد لله .... ربنا يتم عليها الشفاء بكرمه ورحمته ولطفه
....
ما تفتكرش يا محمود ان اللي عمل كدة ده نفد .... لأ .... ده ربنا ح يسلط عليه عذاب ضميره ... إذا كان عنده بقية من ضمير ....
ولو ما عندوش خالص ..... ح يسلط عليه شيطانه .... يقعد يخوفه ... يمكن حد خد النمرة ... يمكن حد بلغ باوصاف العربية .... يمكن البنت تفتكر اي حاجة تدل عليه ....
وده طبعا غير عذابه عند ربنا في الدنيا والآخرة .... هو ربنا بيضيع حق حد ....
ويمكن يكون ربنا بالحادثة دي بعد أختك عن شر اكبر من كدة بكتير ...... ده ربنا لطيف ... بيجعل من الامر الذي ظاهره شر ... بيجعل فيه كل الخير ....
الحمد لله رب العالمين ....
اما حكاية دكتور دي .... يا رب يا محمود ... ربنا يسمع منك .... انا بافكر فعلا احضر دراسات عليا .... يمكن دي بشرة خير .....
الحمد لله علي سلامة اخنك

[Ahmed Samy]

الحمد لله .... ربنا يتم عليها الشفاء بكرمه ورحمته ولطفه
....
ما تفتكرش يا محمود ان اللي عمل كدة ده نفد .... لأ .... ده ربنا ح يسلط عليه عذاب ضميره ... إذا كان عنده بقية من ضمير ....

لا لا يا حاج أحمد

ضميره ايه وشيطانه ايه ؟؟؟؟

التقيل جاي ورا يا صديقي

اتقل عليه بس :k52:


وللا ايه يا محمود

[aif]

ايوة يا دكتور ما انا قولت ان ده غير عذابه عند ربنا في الدنيا والآخرة ....
لكن تعرف يا دكتور .... انا شبه متأكد ... ان اللي عمل كدة .... رجع تاني بعد ما ركن العربية بعيييد .... ممكن يكون رجع بتاكسي او ما شابه ذلك .... عشان يشوف ايه اللي حصل وحد خد نمرته ولا لأ و البنت حصلها ايه .....
اللي بيصدم حد بالشكل ده .... غالبا بتبقى تصرفاته بعد الحادثة غريبة
بيبقى زي ما يكون بيحلم .... وبيبقى مش عارف يعمل اية .... يقف .... ولا يجري .... ولا ينقل المصاب للمستشفي ....وغالبا بيسمع كلام اللي قاعد معاه في العربية .... بيبقى متلهف علي حد يقولو يعمل ايه
بيبقى في حالة ذهول تام ..... وربنا بيلهم كل واحد التصرف حسب نيته وعمله .....
يعني الزبون ده .... لو كانت نيته سليمة و كان وقف او حاول ينقلها مستشفي .... اكيد هي واهلها كانو ح يقدرو الموقف ده بعد صدمة الحادثة ما تروح ..... لكن لسوء نيته ربنا خلاه يهرب .... وكمان لما ييجي يهرب بشكل غبي ويصيبها اصابة اضافية .... عشان ماحدش حتى يتعاطف معاه او يسامحه ....
والله برغم ذلك فيه ناس بتسامح لوجه الله من غير ما تشوف مين اللي خبط ومن غير ما يقف ..... بيبقو مسامحين كصدقة .... ابتغاء مرضاة الله
نحمد ربنا انها بخير وربنا يتم شفاها

[MoToRiZeR]

لا لا يا حاج أحمد

ضميره ايه وشيطانه ايه ؟؟؟؟

التقيل جاي ورا يا صديقي

اتقل عليه بس :k52:


وللا ايه يا محمود

تعرف سليمان الحلبي ؟

لأ

هنعرفهولك

يا ريت بس الموضوع يمشي زي اللي في دماغي
و يا حج أحمد و الله لو كان وقف كان أخر حاجة ممكن تتعمل معاه هو إنه هياخد كلمتين في جنابه و لكن كان هيثبت حسن نيته و إنه مش قصده و ساعتها كان ممكن نقول برضه ماهو أصله طريق سريع .. إنما يخبط .. و يطلع بالعربية فوق المخبوط .. و يجري .. دي تحولت من حادثة إلي جريمة .. لأن كله كوم و إنه يطلع فوق المصاب ده كوم .. و بصراحة لو إتمسك لن نتنازل عن حقنا القانوني علي الأقل ، لعل ده يكون عبرة لدايرة معارفه علي الأقل ، سواء أصدقائه اللي أكيد هبل زيه و فاكرين الجري في المدينة و الغرز دي شطارة و صياعة و إنهم خلاص كدة العيال اللي من الأخر و مقطعين البطاقة .. أو أهله اللي معرفوش يربوه و محاولوش يطلعوه إنسان سوي يخاف علي غيره بدل ما يجري ورا أهواء شخصية قد تضر الأخرين شر الضرر و سلموله طوربيد بيوصل لسرعات 160 و 180 كيلو في الساعة يقتل بيه الناس في الشارع .

ملحوظة : صاحب الجامعة حلفلنا بأغلظ الأيمان إنه بيتذلل للمحافظة إنه يعمل كوبري مشاه "علي حسابه" لطلاب جامعته لأن مش أول مرة تحصل حادثة بين الناس اللي بتجري و الناس اللي بتعدي .. و لكن مطلعين عينه و مبهدلينه في الروتين لدرجة إنه خصص موظف لمتابعة الموضوع فقط ، و لكن محدش معبره .

[Ahmed Samy]

ايوة يا دكتور ما انا قولت ان ده غير عذابه عند ربنا في الدنيا والآخرة ....
لكن تعرف يا دكتور .... انا شبه متأكد ... ان اللي عمل كدة .... رجع تاني بعد ما ركن العربية بعيييد .... ممكن يكون رجع بتاكسي او ما شابه ذلك .... عشان يشوف ايه اللي حصل وحد خد نمرته ولا لأ و البنت حصلها ايه .....
اللي بيصدم حد بالشكل ده .... غالبا بتبقى تصرفاته بعد الحادثة غريبة
بيبقى زي ما يكون بيحلم .... وبيبقى مش عارف يعمل اية .... يقف .... ولا يجري .... ولا ينقل المصاب للمستشفي ....وغالبا بيسمع كلام اللي قاعد معاه في العربية .... بيبقى متلهف علي حد يقولو يعمل ايه
بيبقى في حالة ذهول تام ..... وربنا بيلهم كل واحد التصرف حسب نيته وعمله .....
يعني الزبون ده .... لو كانت نيته سليمة و كان وقف او حاول ينقلها مستشفي .... اكيد هي واهلها كانو ح يقدرو الموقف ده بعد صدمة الحادثة ما تروح ..... لكن لسوء نيته ربنا خلاه يهرب .... وكمان لما ييجي يهرب بشكل غبي ويصيبها اصابة اضافية .... عشان ماحدش حتى يتعاطف معاه او يسامحه ....
والله برغم ذلك فيه ناس بتسامح لوجه الله من غير ما تشوف مين اللي خبط ومن غير ما يقف ..... بيبقو مسامحين كصدقة .... ابتغاء مرضاة الله
نحمد ربنا انها بخير وربنا يتم شفاها

ايه حكاية يا دكتور يا دكتور دي ؟؟؟؟

انت نسيتني ولا ايه ؟؟

انا أخوك الصغير :k10: ايوة ايوة بتاع المقابلات

عموما ..

أما عن موضوع الصدقة يا أ. أحمد و المسامحة.. طبعا لها أجرها

ولكن (العفو عند المقدرة)

يعني لما نجيبه

ونكتفه

و نكب عليه جاز

و نولع عود الكبريت

و هو يغرق الكرسي

ممكن نقوله ساعتها " ولا بلاش روح يابني المسامح كريم, الله يسامحك"

انما يهرب و نقول سامحناه ! لأ

و لاتنسى أن "العين بالعين" ..و "لكم في القصاص حياة"

[Samir Elshahawy]

ألف حمد لله علي سلامة اختك يا محمود , و تأكد أن ربك لبالمرصاد و أنه يمهل و لايهمل , اللي عمل العملة دي أكيد هايجي يوم و يدوق من نفس الكأس اللي انت دوقت منها انت و أختك

[M!NA]

ايه حكاية يا دكتور يا دكتور دي ؟؟؟؟

انت نسيتني ولا ايه ؟؟

انا أخوك الصغير :k10: ايوة ايوة بتاع المقابلات

عموما ..

أما عن موضوع الصدقة يا أ. أحمد و المسامحة.. طبعا لها أجرها

ولكن (العفو عند المقدرة)

يعني لما نجيبه

ونكتفه

و نكب عليه جاز

و نولع عود الكبريت

و هو يغرق الكرسي

ممكن نقوله ساعتها " ولا بلاش روح يابني المسامح كريم, الله يسامحك"

انما يهرب و نقول سامحناه ! لأ

و لاتنسى أن "العين بالعين" ..و "لكم في الحياة قصاص"

أنا سامع سيرة الجاز في الموضوع....

و اذا ذكر الجاز ( أو السولار أو الديزل) ذكر العبد لله

و الجاز اللي عايزينه للواد ده... محدش هيجيبه غيري... صفيحة حلوة كدا من امارات مصر ... و ابقوا ادعولي... :D

[نور القمر]

المهم دلوقت ان الحمد لله اخت محمود بتتحسن يوم بعد يوم وربنا يتمم شفاها يارب وتقوم بالسلامة وربنا يطمنك عليها يا محمود ويخليكوا لبعض

[Chicco]

أنا سامع سيرة الجاز في الموضوع....

و اذا ذكر الجاز ( أو السولار أو الديزل) ذكر العبد لله

و الجاز اللي عايزينه للواد ده... محدش هيجيبه غيري... صفيحة حلوة كدا من امارات مصر ... و ابقوا ادعولي... :D

أنت ما صدقت يا سيد :D

بس الواد ده ما يستاهلش جاز من امارات مصر .....ده عايز كيروسين من اللي بيبقى على فنطاس عربية كارو .....منه لله

قدر و لطف يا موتو باشا و إن شاء الله نطمن على مس موتو لحد ما تقوم بالسلامه إن شاء الله