خلاص .. خلاص بجد .. دي مش عيشة بني أدمين

[homme49]

انت بتكلم جد!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!! طلع فوقيها !!!!!!!!!!!!!!!!!!!!!!!!يا نهار اسود!!!!!!!!!!!!!!!!!!!!!!!

يا مين يحكمني عل ابن ال*******************************ده والله ما اعتقه الا و هو ميييييييييييت!!!!!!!!!!!!!!!!!!

ربنا يكون في عونك و يشفيها و ترجع زي الاول ان شاء الله و يقومها بالسلامة و يديها الصحة و يا رب يتقلب بالعربية اللي هو ماشي يلطش في الناس بيها !!!!!!!!

يمهل و لا يهمل
كما تدين تدان
لا تظن أن عقاب الله سوف يرحمه (دنيا و آخرة)

[Boody8882]

قدر الله وما شاء فعل . ألف مليون سلامة على صحة أختك يا محمود وأعذرنى جيه متأخرة والله أنا لسه لامح الموضوع حالآ , الف سلامة عليها وإن شاء الله تعالى تقوم بالسلامة

[Miss_Pharma]

لا حول ولا قوة الا بالله ...
دعواتنا لاختك ان ربنا يتم شفاها على خير ..
ودعواتنا على اللي معندوش ضمير ربنا ينتقم منه .. وربك يمهل ولا يهمل .. وحقك عند ربنا ومش هيضيع ..
وفوق كل ده وده ..
دعواتنا على كل المستشفيات "القذرة " والمهملين والمتباطئيين في اداء واجبهم ..
ده لسه الوزير قريب قافل كل غرف العمليات ووحدات العناية المركزة في مستشفى مصر الدولي بسبب الاهمال وعدم توافر التعقيم المناسب ..واهي مش هنقول مستشفى حكومي وكل واحد على قد فلوسه .. لا دي مستشفى خاص بالشيئ الفلاني ..
مهو لو فيه رقابة وفيه حساب عسير مكانش كل ده حصل .. مادام الناس انعدمت في قلوبهم الرحمة والضمير ونسيو مراقبة الخالق وعقابه.. يبقى لازم يكون فيه عقاب انساني شديد لمعدومي الضمير ..
الف سلامة على اختك وان شاء الله خير .. وابقى طمنا عليها ..

[Hossam_Hassan]

كلام حضرتك مظبوط جدا , وانا أقلمت نفسى انى مش عايش مع بنى آدمين فمتتوقعش من حد انه يشاركك آلامك .
وهنروح بعيد ليه معانا هنا فى المنتدى حد بارز وناشط جدا فى المنتدى الاجتماعى وهاتك يامشاركات فى حب الخير والناس , حد سمع همسة من العضو تساند محمود مع ان موضوع محمود بقاله حوالى 24 ساعة والناس كلها واست محمود فى مصيبته !!!
صلى عالنبى وخلينا بهمنا

يا صديقى الموضوع هيبقى افيد لو وقفنا بجانب اخونا محمود ولو بقلوبنا، مفيش داعى لتحويله لمشادة جانبية.

[Hossam_Hassan]

هو مش حضرتك بتاع البترول برضه !!

ياريت اشوف تعليقك لما تستقر فى مصر وتيجى من المريخ أقصد الخليج!!!

وحتى ذلك الحين ركز فى البترول أحسن !

هو فى ايه بالظبط؟

[OlaOsman]

هو فى ايه بالظبط؟

الظاهر يا حسام ان الناس بأت بتعشق الخناق لذاته، حتى و لو كان الموضوع مافيهوش أي إحتمالات دواعي خناق

[muslimah_dentist]

أخونا الفاضل محمود

طمنا على أختك

هى عاملة ايه دلوقتى؟

اللهم اشفها شفاءاً لا يغادر سقما

و اعلم أخى كما قال الحق تبارك و تعالى
ان بعد العسر يسرا

[mbluethunder]

لا حول ولا قوة الا بالله

حسبى الله و نعم الوكيل

أنا لسه شايف الموضوع دلوقتي وبجد بأعتذر إني إتأخرت كل ده

أنا مش عارف أأقول آيه .... لما قرأت الموضوع تخيلت إن ممكن الواحد يكون في نفس الموقف ده

يارب صبرنا على اللي بيحصل ده

ربنا يكون في عونك وألف سلامه على أختك وبإذن الله تبقى كويسه قريبا

[meza]

كفاااااااااااااااااااية حرااااااااااااااااام ..... متفكرنيش. :(


ألف سلامة على أختك ... الحمد لله جت سليمة.

[masriano]

حق أخت محمود عند مين يا أساتذة ؟!
ياريت حد يجاوبنى !! عند اللى خبطها وداس عليها وهرب , ولا عند سواق الباص اللى مرضيش ييجى فى اليوم ده , ولا عند الناس اللى اتفرجت على الحادثة ومحدش عمل حاجة , ولا عند سيكيوريتى الجامعة اللى زى قلته , ولا عند مستشفيات 6 أكتوبر ودار الفؤاد اللى مابياخدوش حوادث , ولا عند اسعاف الطوارئ والبيه اللى كان نايم , ولا عند العربيات اللى مكنتش عوزة تفتح طريق للإسعاف , ولا عند مين ولا مين بس !!

ندعى ليها بالشفا وندعى على اللى خبطها ماشى وبعدين !!
عارف ان مفيش فى ايدينا حاجة بس مينفعش العيشة كدة والله .

يعنى مش كفاية انها متنيلة بنيلة والبنى ادم فيها ميسواش نكلة..
كمان انت لما حقك يضيع متعرفش تاخده من مين ولا مين لا مين ولا حتى تتحسبن على مين !!!!

انا عمرى في حياتى ماشوفت بلد ولا بنى ادمين بالتغييب العقلى والانحدار الانسانى دا بجد ..
بلد كل حاجة فيها غلط , كل حاجة فيها مُهملة, وكل حاجة فيها قذرة ..
دا اكيد الى بيحصل فيها دا غضب من ربنا .. اكيد

يا صاحبى انا مش عارف انطق ولا اقول جملة مفيدة عشان معنديش حاجة اقولها اكتر من انى ادعى لاختك بالشفا وانها تقوم بيالسلامة وترجع زى الاول واحسن يارب..

والحيوان ابن الحيوان الى خبطها وكمل عليها كمان دا باذن الله هاتتردله في امه ولا اخته ولا حد غالى عنده - وان كان الى زي دا بيبقى معدوم الانسانيه - عشان يعرف ان الله حق .. او حتى تترد فيه وساعتها بس هايعرف قذارة الى عمله وهايندم ندم عمره..

الحمدلله بجد انها جت على قد كده , قدر اخف من قدر..

اما بقى بقية مسلسل الاهمال الكوميدي دا .. فا هيا دى بلدنا الى لسه في ناس بيدافعوا عنها .. بتدافعوا عن ايه وليه ؟!

وكان نفسى بجد ابقى معاك في اليوم دا يا محمود .. لانى اكيد كنت في ظرف 5 دقايق عندك .. بس معلش انا عاذرك وعارف ان الواحد في الحال دى بيبقى مش عارف يعمل ايه ..

دى اختك برضه .. ومفيش اغلى عند الواحد من عرضه , اخته ولا امه.

لا حول ولا قوة الا بالله العلى العظيم ..
ربنا يشفيها يارب والكسور تخف بسرعه وترجع زى الاول واحسن باذن الله.

انا لحد دلوقتى مش قادر اتصور مدى حقارة البنى ادمين الى وقفوا يتفرجوا عليها .. في قلب الشارع واحده بين الحياة و الموت ومفيش حاجة تهز البقر دول؟!

مش ممكن بجد اللامبالاة دى .. مش ممكن كل حاجة في ام البلد دى..

كفاية بقى كده .. كفاية بجد !

واسف يا صاحبى 100 مرة انى مشوفتش الموضوع يومها .. كان زمانى حتى عامل اى حاجة بدل ام الغيبوبة الى الواحد فيها دى ....

[M.Osman]

و يظل الإهمال و عدم محاسبة الجانى هم المسيطرين ...
كان الله فى العون :)

و اقولك اية ؟
احمد ربك ... فى ناس بيحصلها اكتر من كدا و مفيش فلوس و لا ادوية ...إلخ ...

بصراحة انا برضة كل بكره البلد دى كل يوم زيادة عن اللى قبله ..

[Noha.M]

الحمد لله يا جماعة عدينا يومين القلق و هي كويسة دلوقت .. انا مليش إخوات غيرها لكن في اليومين دول حسيت إن لي إخوات كتير الحمد لله تقريباَ كل الناس كلمتني و متابعاني و حسيت بإهتمام كبير حتي دكتور شيكو كلمني من كندا و قاللي أعمل إيه بالزبط .. و بصراحة عدد الناس اللي كلمتني أكبر من إني أفتكرهم كلهم .. و انا بعتذر إني مقدرتش أرد علي بعض المكالمات لأن كنت مشغول في حاجة أو بخلص ورق في المستشفي أو القسم .. و إنهاردة نمت الصبح كله لأن كان بقالي يومين لا نوم ولا أكل فا معرفتش أرد عالناس اللي كلمتني و معرفش نمرها .. و برضه كلمت بعض الناس و انا تايه شوية لأن كنت بخلص إجراءات برضه أو سايق لمشوار و مكنتش مركز فا معلش و الله (حتي رديت علي أستاذ أحمد إبراهيم قلتله إزيك يا دكتور أحمد :) معلش من كتر الدكاترة اللي شفتها يا أستاذ أحمد) بس انا بشكركم جميعاَ و انا بجد لو حسيت إن محتاج مساعدة في حاجة مش هتردد أكلمكم و ربنا يقدرني و أرد الجمايل بس في حاجة حلوة إن شاء الله .. متشكر لكم جميعاَ و هي الحمد لله دلوقت كويسة حتي قدرت إنهاردة تتني ضهرها في السرير و دي حاجة مكانتش عارفة تعملها من يوم الحادثة بس إنهاردة قعدت نص قعدة كدة في السرير عقبال ما تنزل تمشي علي رجليها إن شاء الله .

الحمد لله و الشكر لله

ربنا يمن عليها و بتم شفاها على خير يا رب :)

[fiatto]

يا صديقى الموضوع هيبقى افيد لو وقفنا بجانب اخونا محمود ولو بقلوبنا، مفيش داعى لتحويله لمشادة جانبية.

ياصديقى العزيز حصل والله ووقفنا معاه بأضعف الايمان وعملت موضوع عن اللى حصل لاخت محمود ورفعت صورة لعربية بنك الدم ومتعلق عليها فساتين يمكن حد من زملائنا المحترمين يكون صحفى ولا حاجة ينشرها ويكون موضوع محمود ضارة ونافعة باذن الله .
اما الخناقات الجانبية اللى حضرتك بتسميها دى انفعالات وقتية بحكم الموقف , يعنى لما تكون زعلان على اللى جرى لاخت محمود وعلى اللى جرى فى البلد وحاسس انك مش بعيد عنه وتبص تلاقى أكتر من 100 مشاركة ورد لمواساة اخونا محمود فى مصيبته والاقى الشخصية اللى انا باتكلم عنها اسمها ظاهر برة ومتواجدة معظم اليوم ومشاركة فى مداخلة بشأن عربية فى نفس اليوم بتاع محمود دون أى مشاركة ولو بهمسة تواسى فيها العضو , يبقى كل مواضيع الشخصية دى عن الخير وعن حب الناس والانسانية اعتقد عليها علامة استفهام ؟؟؟ وسبحان الله أول ما علقت ظهرت تلك الشخصية فجأة بمشاركة على استحياء !!
هو ده بس اللى لفت انتباهى وانا برد على العضو بان عدم المشاركة ممكن يكون من المحيطين ايضا بجانب الغرباء .

أما حكاية هو فيه ايه بالظبط , اظن ان التعليق واضح !!
اخونا العضو المحترم مهندس البترول لقيته بيقول تعليقا على ماحدث لاخت محمود ان مصر بخير وجميلة وزى الفل بس الشر هو بس اللى باين وظاهر !! الصراحة استفزنى كلامه جدا ولا كأنه عاش هنا ولا سمع كلام زملائنا فى مواقف مختلفة عما وصل اليه حال بلدنا , فحبيت اقوله انه لما يستقر فى مصر ويعيش ادق تفاصيل الحياة هيغير كلامه وينزل للأرض تانى !!

ياريت ناخد الكلام والتعليق من سياقه ومنخرجهوش منه عشان معناه ميختلفش !!

اما الشخصية اللى بتقول اصل الناس بقت تعشق الخناق لذاته , ربنا يقدرك على فعل الخير وحب الناس والانسانية !!!!!!!!!!!!
وكلامى مفهوم

[OlaOsman]

ياصديقى العزيز حصل والله ووقفنا معاه بأضعف الايمان وعملت موضوع عن اللى حصل لاخت محمود ورفعت صورة لعربية بنك الدم ومتعلق عليها فساتين يمكن حد من زملائنا المحترمين يكون صحفى ولا حاجة ينشرها ويكون موضوع محمود ضارة ونافعة باذن الله .
اما الخناقات الجانبية اللى حضرتك بتسميها دى انفعالات وقتية بحكم الموقف , يعنى لما تكون زعلان على اللى جرى لاخت محمود وعلى اللى جرى فى البلد وحاسس انك مش بعيد عنه وتبص تلاقى أكتر من 100 مشاركة ورد لمواساة اخونا محمود فى مصيبته والاقى الشخصية اللى انا باتكلم عنها اسمها ظاهر برة ومتواجدة معظم اليوم ومشاركة فى مداخلة بشأن عربية فى نفس اليوم بتاع محمود دون أى مشاركة ولو بهمسة تواسى فيها العضو , يبقى كل مواضيع الشخصية دى عن الخير وعن حب الناس والانسانية اعتقد عليها علامة استفهام ؟؟؟ وسبحان الله أول ما علقت ظهرت تلك الشخصية فجأة بمشاركة على استحياء !!
هو ده بس اللى لفت انتباهى وانا برد على العضو بان عدم المشاركة ممكن يكون من المحيطين ايضا بجانب الغرباء .

أما حكاية هو فيه ايه بالظبط , اظن ان التعليق واضح !!
اخونا العضو المحترم مهندس البترول لقيته بيقول تعليقا على ماحدث لاخت محمود ان مصر بخير وجميلة وزى الفل بس الشر هو بس اللى باين وظاهر !! الصراحة استفزنى كلامه جدا ولا كأنه عاش هنا ولا سمع كلام زملائنا فى مواقف مختلفة عما وصل اليه حال بلدنا , فحبيت اقوله انه لما يستقر فى مصر ويعيش ادق تفاصيل الحياة هيغير كلامه وينزل للأرض تانى !!

ياريت ناخد الكلام والتعليق من سياقه ومنخرجهوش منه عشان معناه ميختلفش !!

اما الشخصية اللى بتقول اصل الناس بقت تعشق الخناق لذاته , ربنا يقدرك على فعل الخير وحب الناس والانسانية !!!!!!!!!!!!
وكلامى مفهوم

واضح ان الكلام علية، و بالرغم من إني مش مضطرة أوضح موقفي لحد، إلا إني في نفس اليوم اللي قرأت فيه الموضوع أخدت رقم محمود و كلمته على الموبايل و لما عرفت انه مشغول بعت له رسالة على الموبايل أتطمن فيها عليه و على أخته و هو ممكن يقول لك كده بنفسه. أنا بس عايزة أسأل سؤال: هي الناس هنا بتدخل ترد و تواسي عشان الناس تقول فلان أو فلانة وقفت جنب أخوها و ساندته؟ و لا عشان هي فعلا قلقانة على البني آدم ده و عايزة تطمن عليه؟ متهيألي أترك الإجابة ليك أفضل.

اما باقي كلامك.. فلا تعليق رغم اني عندي الكثير و الكثير لأقوله، إلا اني مش عايزة أحول موضوع مؤلم زي ده لحوار جانبي في موضوع تاني أيا كان.. فما بالك بأه بتشكيك زي اللي انت بتحاول تعمله بطريقة مؤسفة مش لاقية لها وصف الصراحة.

[Hassan Khalil]

يا اخ فياتو ..
بداية .. مشكرو لشعورك الجميل نحو محمود اخوك .. و غيرتك علي الموقف اللي هو فيه ..
لكن اولا و اخيرا ..
انت متعرفش ظروف الناس ايه .. يمكن واحد يحب يتواصل مع محمود علي الخاص .. او علي التليفون .. او يمكن هو معاه دلوقتي في المستشفي او البيت .. او يمكن ميعرفش محمود اساسا .. و محرج انه يتكلم معاه .. او ..او .. او يمكن هو في ظرف اقسي من اللي اخوك محمود فيه ... الله اعلم
الشاهد ..
كل واحد ليه ظروفه .. و كمان كل واحد ليه وجهة نظره .. و عمرنا ما حنعرف الناس جواها ايه .. ولا نعرف نقفل افواه الناس .. كل اللي عايز يشارك اخوك محمود في ازمته ..يشاركه بالطريقة اللي تعجبه .. وربنا يجزيه خير ..
----------
خلينا نركز احسن مع محمود .. و ندعيله و لاخته ان ربنا يقومها بالسلامة ...
قوووول امين