مشاركتكم بتجربتي القادمة في إنقاص 10 كيلو من وزني 87 كيلو

[مُصْطٓفٓى]

السلام عليكم ورحمة الله وبركاته
في البداية فهذه تجربة أود مشاركتكم بها وإطلاعكم على جديد النتائج خلال فترة إتمامها
وذلك لعدة أمور أولها لتكون تجربة يمكن اتباعها وفي الوقت نفسه تحفيز لي أو أجد من يشاركني فيها

وزني الحالي : 87 كيلو
طولي : 173 سم
الوزن المثالي في وجه نظري وبعيدا عن المعادلات : 77 كيلو
الشكل العام للجسم : مقبول ولكن يتركز الوزن الزائد في منطقة البطن

التجربة تنحصر في هذه النقاط :

• محاولة إنقاص 2 كيلو أسبوعيا
• الإفطار : خيارتين مع ربع رغيف اسمر بالجبنة أو ببيضة مسلوقة
• الإفطار في حدود الساعة 10 صباحا
• قبل الإفطار شرب منقوع زنجبيل وقرفة وليمون وكمون
• 3 أكواب من الماء بين كل وجبة وعدم شرب الماء إلا بعد الوجبة بساعة وقبل الوجبة بساعة
• الغداء : نصف رغيف اسمر او 4 ملاعق أرز مع ربع فرخة مسلوقة او سمكة او تونة او شوربة خضار او حاجة خفيفة غير دسمة
• قبل الغداء يؤخذ حبة من دواء أورلي وهو أمن حيث يمنع هضم جزء من دهون الطعام
• توجد أكياس فوار من الأعشاب أمنة تساعد على الحرق وتؤدي للإحساس بالشبع اسمها بي سمارت
• يؤخذ منها باكو قبل الإفطار وباكو قبل الغداء في نصف كوب صغير من الماء
• الغداء في حدود الساعة 3 عصرا
• العشاء عبارة عن علبة زبادي منزوعة الدسم او نصف دسم مع ثمرتين فاكهة برتقال او اي فاكهة بها الياف لعدم حدوث امساك
• العشاء يكون قبل النوم بساعتين في حدود الساعة 8 ليلا
• بعد ساعة من العشاء يشرب منقوع زنجبيل وقرفة وليمون وكمون مرة أخرى
• محاولة حرق 200 سعر حراري عن طريق الرياضة يوميا سواء عن طريق المشي او الجري او تمارين البطن او صعود السلم أكثر من مرة يوميا لأكثر من 6 أدوار
• إعادة الوزن كل 3 أيام بعد إفراغ المعدة صباحا

سأقوم كل أسبوع إن شاء الله بكتابة الجديد

[ahmed_eng2001]

ربنا يوفقك ....

بوجه عام ... تقليل الاكل مع زيادة المجهود البدنى يأدى الى نتائج جيدة جدا ... للأسف ثقافتنا فى الاكل محتاجة تتغير شوية
متابع معاك

[mr_vampire]

متابع ولو وصلت لنتيجة هنفذ بعدك.

[dede_dodo88]

أهم حاجة في الدايت انك متعتبروش مجرد وسيلة لانقاص الوزن بعد ما تحقق بيها هدفك تستغنى عنه و ترجع كما كنت, الدايت الحقيقي هو الاسلوب الغذائي اللي هتسستم نفسك عليه بشكل يريحك و ميحرمكش من حاجة نفسك فيها لأن المفترض ان ده النظام الغذائي اللي هتكمل بيه حياتك..
عشان تنزل بوزنك فالموضوع ببساطة هو انك تقلل السعرات الحرارية في اكلك بحيث تكون اقل من السعرات اللي جسمك بيحرقها فبالتالي جسمك هيضطر يستخدم المخزون الاحتياطي للسعرات ألا و هو الدهون, كل ما هتقلل ال calories intake و تزود المجهود البدني كل ما هتحرق دهون اكتر, و بطبيعة الحال منطقة حزام البطن اخر منطقة بتتحرق دهونها...

Good luck :)

[mastr_n]

أهم حاجة في الدايت انك متعتبروش مجرد وسيلة لانقاص الوزن بعد ما تحقق بيها هدفك تستغنى عنه و ترجع كما كنت, الدايت الحقيقي هو الاسلوب الغذائي اللي هتسستم نفسك عليه بشكل يريحك و ميحرمكش من حاجة نفسك فيها لأن المفترض ان ده النظام الغذائي اللي هتكمل بيه حياتك..
عشان تنزل بوزنك فالموضوع ببساطة هو انك تقلل السعرات الحرارية في اكلك بحيث تكون اقل من السعرات اللي جسمك بيحرقها فبالتالي جسمك هيضطر يستخدم المخزون الاحتياطي للسعرات ألا و هو الدهون, كل ما هتقلل ال calories intake و تزود المجهود البدني كل ما هتحرق دهون اكتر, و بطبيعة الحال منطقة حزام البطن اخر منطقة بتتحرق دهونها...

Good luck :)

جبت الخلاصة اللة ينور
وفعلا انا مشيت علي نظام كويس نزلني 6 كيلو ورجعت اكل تاني وزدت حوالي كيلو ونص من اللخبطة في رمضان
الفكرة كمان اللي عايز اوصلها لصاحب الموضوع انة يهتم بالكارديو وتمارين زيادة نبضات القلب علي معدة فاضية بتساعد علي الحرق جامد جدااااا وطبعا مع اكل صحي مظبوط هتلتقي نتيجة فعالة ان شاء للة

[mastr_n]

ياتري ال fat burner زي اليبو سيكس لية اي اضرار

[مُصْطٓفٓى]

المشكلة فيما بعد الريجيم
بالنسبة لي فالأمر صعب للغاية بعد الوصول للوزن المثالي
من الممكن أن أمتنع عن الارز والبطاطس والمكرونة والسكر الكثير والمشروبات الغازية
من الممكن ان اتناول كبسولة او اثنين من اورلي قبل الوجبات الدسمة ان شاء الله
من الممكن ان اجعل وجبة العشاء قبل النوم بساعة على الاقل
من الممكن أن أمتنع عن الشيبسيات والشيكولاته وهذه التسالي

لكن اني احدد كميات من الطعام في الوجبات فهذا أمر صعب للغاية
مثلا تطلب مني ادوام على طبق سلطة قبل الغداء فهذا صعب جدا
وهكذا

نسيت اضع نقطة تناول طبق سلطة خضراء قبل وجبة الغداء

[dede_dodo88]

ياتري ال fat burner زي اليبو سيكس لية اي اضرار

ال Lipo6 جربته مرة واحدة و مش ناوي اكررها, مش عشان هو وحش, بالعكس في ناس كتير بتستخدمه و بيجيب معاهم نتيجة مع لعب الرياضة, بس هو عشان فيه كافيين فتعبني شويتين في حوار النوم و خصوصاً ان جسمي اصلاً مش متعود على الكافيين فتقريباً مكنتش بنام لما باخده,, بس يمكن انا اكون حالة فردية..

[dede_dodo88]

المشكلة فيما بعد الريجيم
بالنسبة لي فالأمر صعب للغاية بعد الوصول للوزن المثالي
من الممكن أن أمتنع عن الارز والبطاطس والمكرونة والسكر الكثير والمشروبات الغازية
من الممكن ان اتناول كبسولة او اثنين من اورلي قبل الوجبات الدسمة ان شاء الله
من الممكن ان اجعل وجبة العشاء قبل النوم بساعة على الاقل
من الممكن أن أمتنع عن الشيبسيات والشيكولاته وهذه التسالي

لكن اني احدد كميات من الطعام في الوجبات فهذا أمر صعب للغاية
مثلا تطلب مني ادوام على طبق سلطة قبل الغداء فهذا صعب جدا
وهكذا

نسيت اضع نقطة تناول طبق سلطة خضراء قبل وجبة الغداء

الموضوع مسألة تعود مش اكتر, ده بالعكس مشكلة الكميات دي هتكون صعبة بالنسبالك في الاول اكتر بس بعد كده مع الوقت و التعود هتحس ان معدتك بقت بتقفل بسرعة مع اقل اكلة..
و بلاش موضوع الحرمان ده عشان بيجيب نتايج عكسية, كُل اللي نفسك فيه عادي بس بكميات معقولة و بمواعيد محددة و خليك صارم مع نفسك في موضوع المواعيد ده, و يفضل في الاول تعمل لنفسك جدول بنوعية الاكل اللي هتاكلها خلال الاسبوع بحيث متكترش مثلاً من النشويات على حساب البروتينات و هكذا...

[Amr_MO]

في نظام غذائي بدأت اتبعه شخصيا والحمد لله بيجيب نتيجة مرضية

طبعا عارفين (الغلة) البليلة بتتباع عند اي بتاع علافة الكيلو ب 5 جنيه

هتجيبها وتغليها (تستوي) وتعينها في التلاجة

حاول تدور على لبن بودرة خالي الدسم بيبقى موجود في الهايبر ماركت

الافطار: هتاخد كمية منها وتحط عليها معلقتين لبن بودرة خالي الدسم او على حسب الرغبة في ناس بتاكلها عادي من غير لبن خالص، وتضيف عليها مياه مغلية وتسيبها تبرد

الغداء برضه نفس الطريقة بالظبط

العشاء: اي حاجة خفيفه زبادي منزوع الدسم - بيضة - جبنة

ومسموح بيوم واحد في الاسبوع تكسر الروتين ولكن في حدود

الميزة في البليلة انها عبارة عن حبوب كاملة، بتقع دفي المعدة لفترة طويلة وبتاخد وقت على ما تتهضم علشان متحسش بالجوع، ده غير انها مليانة معادن وفيتامينات ومفيدة جدا بشكل عام وسعراتها الحرارية قليلة

فانت هنا ضربت ثلاثت عصافير بحجر، اكلت وجبة مفيدة جدا فيها كل العناصر الي بيحتاجها الجسم + بتدي احساس بالشبع لوقت طويل + سعرات حرارية قليلة

جربوها وهتلاقوها نتائج مرضية جدا ان شاء الله

[mastr_n]

في نظام غذائي بدأت اتبعه شخصيا والحمد لله بيجيب نتيجة مرضية

طبعا عارفين (الغلة) البليلة بتتباع عند اي بتاع علافة الكيلو ب 5 جنيه

هتجيبها وتغليها (تستوي) وتعينها في التلاجة

حاول تدور على لبن بودرة خالي الدسم بيبقى موجود في الهايبر ماركت

الافطار: هتاخد كمية منها وتحط عليها معلقتين لبن بودرة خالي الدسم او على حسب الرغبة في ناس بتاكلها عادي من غير لبن خالص، وتضيف عليها مياه مغلية وتسيبها تبرد

الغداء برضه نفس الطريقة بالظبط

العشاء: اي حاجة خفيفه زبادي منزوع الدسم - بيضة - جبنة

ومسموح بيوم واحد في الاسبوع تكسر الروتين ولكن في حدود

الميزة في البليلة انها عبارة عن حبوب كاملة، بتقع دفي المعدة لفترة طويلة وبتاخد وقت على ما تتهضم علشان متحسش بالجوع، ده غير انها مليانة معادن وفيتامينات ومفيدة جدا بشكل عام وسعراتها الحرارية قليلة

فانت هنا ضربت ثلاثت عصافير بحجر، اكلت وجبة مفيدة جدا فيها كل العناصر الي بيحتاجها الجسم + بتدي احساس بالشبع لوقت طويل + سعرات حرارية قليلة

جربوها وهتلاقوها نتائج مرضية جدا ان شاء الله

تمام جدااااا اللة ينور
وفي كمان الشوفان بيتباع في المحلات الكبيرة السوبر ماركت خد منة 300 جرام علي لبن خالي الدسم + موزة في الفطار والعشاء

[ibrahim sallam]

انا مشكلتي الاحساس بالشبع ده

هجرب البليله يمكن تحسسنني بالشبع:))

[eng_amg]

نصيحة في انقاص الوزن واحب انقل تجربتي:

الموضوع مختلف بالنسبة لكل واحد لكن عموما ممكن نفرق بين الرجال والسيدات.
الرجال معدل حرق الدهون لديهم اعلي بنسبة 1.5 الى 2.5 ضعف السيدات.
لذلك المجهود البدني للرجال فعال اكثر بكثير من نظام غذائي حتى لو حاد.
للسيدات النظام الغذائي يأتي بنتائج سريعة عن المجهود البدني.

وانا شخصيا كان وزني 110 كيلو وطولي 183 سم. من سنة فاتت وروحت لدكتور تغذية ومشاني علي نظام غذائي حاد.
نزلت 4 كيلو في اول اسبوع وخلال شهر 1.5 كيلو مع انه نظام حاد جدااا.

السنادي اتبعت تمرينات رياضية بدون نظام غذائي تماما وكلها تعتمد علي السير مسافات طويلة من 5 الي 15 كيلو يوميا حسب الوقت بسرعة كبيرة مع بعض تمرينات العضلات ( خفيفة ) كالصدر والكتف والظهر والذراعات.
النتيجة اني الآن في 6 اشهر وزني 83 كيلو.

[مُصْطٓفٓى]

مشكلة الجوع بتكون في أول 3 أيام فقط من بداية كل برنامج ريجيم
وبعدها والحمد لله بتعود على كميات الأكل القليلة
المشكلة فيما بعد بتكون في المغريات من الطعام اللي بتظهر فجأة
ساعتها بتكون عزيمتي في الريجيم أقل من بداية أيام الريجيم
يعني مثلا دلوقتي فيه طبق من الكحك والبيتي فور والسكر عليهم
وبفكر أتخلص منه واخد منه واحدة ورا التانية
وطبعا عمال أقول ايه المشكلة انا ممكن أبدأ من بكرة عادي ان شاء الله
بس لما لقيت نفسي حكون مضطر ارجع هنا واقول على كل جديد عشان اشجعكم
بلاقي نفسي مش فارق معايا طبق الكحك تماما والحمد لله

موضوع الجوع مبحسش بيه الا بعد اول كوب ماء بعد وجبة الفطار
بحس اني غسلت معدتي ورجعت فاضية تانية
وساعتها ببدأ أحس بالجوع جدا
ولو عليا مش عايز اشرب مياه ابدا لكن ريجيم بدون ماء بيكون بطئ جدا
وبيؤدي لتخسيس الوجه بشكل ملحوظ

[elrasy]

انا متابعك لانى تقريبا نفس الطول والوزن و حاولت اكتر من مرة بس المحاولات مكانتش جادة بصراحة.