مشاركتكم بتجربتي القادمة في إنقاص 10 كيلو من وزني 87 كيلو

[elrasy]

loool
لأ مش القصد خالص صدقني, بس هو الموضوع في الأخر نسبي برضه..
يعني أكيد أنت برضه مش هتبقى مبسوط لو خلاص خسيت و وزنك على الميزان وصل للرقم اللي أنت عايزه لكن في شوية دهون و ترهلات في منطقة البطن مبوظالك أحساس الslim fit اللي بتدور عليه..

على فكرة أنا وزني كان وصل 85 كجم لقبل أكتوبر اللي فات و نزلت لحد 67~68 كجم, فأكيد مش هكون مبسوط لو زدت جرام واحد دهون بعد اللي وصلتله..

طيب قولنا عملت اية علشان تخس من 85 الى 67 وهندعيلك

[elrasy]

نفس العمر..
عموما المرحلة دي من العمر معدل حرق الدهون بيكون اقل من عمر العشرينيات وكل ما يزيد العمر الحرق بيقل.
حقولك رأيي من واقع تجربتي في اتباع نظام غذائي واتباع تمرينات رياضية
معنى كدا انك علشان تاكل براحتك منغير نظام غذائي واكلات ممنوعة لازم تتبع التالي:
- محتاج تبذل مجهود شبه يومي لا يقل عن ساعتين - يعني اربع مرات اسبوعيا علي الاقل
- لازم تنام بدري - الساعة 12 متعديش عليك. وتصحى بدري ايضا. لان السهر يقلل الحرق جدااا
- ابتعد عن بناء العضلات في فترة الحرق لان العضلات حتجبرك تاكل كتيير ووزنها اكثر من وزن الدهون 1.5 الي 2 ضعف. وركز في تمارين اللياقة كالمشي السريع والجري.
- شرب الماء بكثرة لا يقل عن 3 ليتر ماء يوميا.
- يفضل طبعا تركز علي الخضروات والفواكه اكثر من غيرهم.
- حاول تاكل " فسدق " اسبوعيا علي الاقل لان به فيتامينات كثير جدا ويعطي احساس بالشبع ويقلل الكريسترول والدهون به غير مشبعة.

هحاول ابتدى اول اسبوعين ساعه مشى يوميا ثم ازود لغاية ما اوصل ل ساعتين يوميا

[dede_dodo88]

طيب قولنا عملت اية علشان تخس من 85 الى 67 وهندعيلك

أول طلعة هي بتبقى أصعب فترة لأنك لازم تكون فيها حازم مع نفسك في تطبيق الجدول اللي هتحطه لنفسك,, الموضوع بيكون فيه شوية أحباط لأنك بتاخد شوية وقت على ما تشوف نتيجة و في أوقات الميزان هيديك نتيجة في عكس الأتجاه..
أنا في الأول قررت أوقف تماماً شوية حاجات لحد أما أوصل لوزن معين بعد كده ممكن أفكها شوية, فوقفت أي أكل من بره, وقفت المشروبات الغازية, وقفت الحلويات, وقفت المقليات, وقفت المعجنات زي الكرواسون و ما شابه..
أكلي متكون من وجبتين رئيسيتين, الفطار بيكون الساعة 11 كل يوم عبارة عن ساندويتشين براون توست في الأغلب بيكونوا تونة أو بيض أو فول + تفحاية خضرا, و دي بتقفل معدتي لكام ساعة قدام..
الغداء بيكون في حدود 6 أو 7 لما برجع من الشغل, و بيكون خضار سوتيه معاه حتة لحمة أو صدر فرخة أو سمك فيليه و بيكونوا مشويين..
ممكن بنوع بقى في مكونات السوتيه و بستخدم صوصات سواء معاه أو مع السلطة أو اللحوم عشان تغير الطعم و مزهقش, و بالأخص باربيكيو-خل بلسميك-sweet chili sauce-صلصة فرنسية,,,
مفيش وجبة عشاء بالنسبالي و مش باكل أي حاجة بعد 9 بليل..
لعب رياضة بشكل منتظم, جري حوالي مرتين في الأسبوع, من نص ساعة لساعة في المرة..
تمارين متنوعة في البيت بشكل شبه يومي لـ15 دقيقة على الأقل, تمارين ضغط بطن و تمارين بالدامبلز, لأن لعب العضلات بيسرع في حرق الدهون..
لازم نوم لعدد ساعات متواصلة بشكل كافي, لأن هي دي الفترة اللي بيتم فيها الحرق و بناء العضلات..
بشرب شاي أخضر كوباية أو أتنين في اليوم, و بشرب ماء كتير أوي, كتير بجد lol

بعد ما وزني نزل شويتين و دخلت في الـ70's أبتديت أزود حاجات من اللي كنت مانعها, أرز أو مكرونة بحد أقصى مرتين في الأسبوع, مقليات مرة واحدة, أكل من بره مرة واحدة,, و هكذا,,

وزني فضل ينزل non-stop بالشكل ده لحد ما كنت قربت على 65 كجم في فترة حوالي 5 شهور, الشهرين اللي فاتوا زدت تاني شوية, كيلو في التاني, لحد ما أستقريت دلوقتي على 69~70 كجم

بس عموماً الميزان مهواش وسيلة القياس المناسبة للراجل بسبب وزن العظام و العضلات, فيفضل تقيس دايماً الـprogress اللي بتحققه عن طريق المراية, في الشكل العام و في الملابس..

[مُصْطٓفٓى]

يعني حتى السعودي والاماراتي ممكن يكون فيه جيلاتين خنزير

هل نبعت لدار الافتاء نشوف حلال ولا لأ؟

بصراحه معنديش اي بديل نضيف غيره وكل المصري مقرف

بحثت مرة أخرى عن السنترام لعل جديدا تم اضافته على الانترنت بخصوصه
ووجدت على موقع سنترام الرسمي في بريطانيا ما يؤكد أنه السنترام المصنع لدول الشرق الأوسط لا يحتوى على جيلاتين خنزير أما السنترام الموجود بالخارج فهو غير حلال
Frequently Asked Questions | Centrum

Are Centrum multivitamins halal?
No.
Centrum multivitamins marketed in Europe contain vitamins derived from pig gelatine (pigs are not Halal).
Please note that Centrum multivitamins marketed in the Middle East are specifically formulated to be 100% porcine free, in line with local Middle East Board of Health requirements

[amr100]

بص حضرتك بتجربتي مع الريجيم اولا انا كنت 120 كيلو نزلت الى 90 كيلو في حدود سنة تقريبا محرمتش نفسي من اي اكل بحبه لكن قللت الكميات وعليكم بعصير البرتقال البلدي على الفطار من غير سكر زائد الفطار وظبط مواعيد اكلك ولما تحب توزن نفسك اوزن نفسك مرة كل اسبوع متجبش الميزان وز كل شوية تشوف وزنك كام كل يوم واياك تتعشى مخبوزات او تتعشى وتنام وامشي كل يوم بانتظام على نصف ساعة ان شاالله تتفرج على المحلات وعليك بالسلاطة وحايل نفسك بالمياه لحد ما يجي ميعاد الاكل مفيش حاجة اسمها المياه بتخن بس كنت بحسب كوزيس السعرات الحراية اللي بدخلها لجسمي وزاجي يوزم الخميس مثلا لو نزلت عن الاسبوزع اللي فات ادي نفسي مكافاة اكل حاجة بحبها اوز اشرب حاجة ساقعة هتلاقي نفسك ساعات اسابيع منزلتش مش مهم الاسبوع اللي بعديه هتنزل طبعا اوزل 3 ايام كنت بصحى من الجوع و انا نفس العمر 38

[wallace]

مش هزيد عن الكلام الي اتقال كتير لأن فعلاً فيه الخلاصة

بس هقول برضوا حاجات فادتني لعل تفيد حد تاتي

1- بلاش جيم في فترة الدايت عشان هتزيد عضل فهتلاقي تفسك علي الميزان مبتنزلش كتير ,لكن الشكل بتاعك هيتحسن ,لو حابب تلعب جيم مع الدايت يبقا هتاخد وقت اطول شوية عشان توصل للوزن المثالي بتاعك ,فالأفضل تعمل فترة دايت تنزل فيها بعد كدا تنزل جيم تظبط الشكل وتعالج الترهلات

2- الدايت هيخسس لكن الرياضة هتساعد علي التخسيس في وقت اقل + هتحسن شوية موضوع الترهلات ,فيفضل تعمل كارديو يعني جري .. مشي .. نط حبل .. أي تمارين رياضية تعمل فيها مجهود لعضلة القلب

3- أعرف السعرات الحرارية (كالوري) لكل حاجة هتاكلها ,وحاول قدر المستطاع لا تتعدل الـ 1500 سعر حراري لو كان إحتيجاتك اليومية من السعرات 2000 مثلاً

4- أعمل يوم فري كل فترة وليكن 10 أيام ,بس تبقا وجبة واحدة فقط فري

5- كل إلي يعجبك بس بكميات أقل ,يعني لو النهاردة نويت تاكل رز كل مش ازيد من 3 - 5 معالق كبيرة ,لو هتاكل محشي مثلاً كل عدد صوابع قليل وحاول تظبط اكلك كويس في اليوم دا وإلي بعدة

6- طبعاً البعد عن السكر والمقليات والاكل الجاهز قدر المستطاع

[mastr_n]

فية نتايج ايجابيةولا كسلت والعزيمة راحت
ياريت تشاركنا بالتطورات

[مُصْطٓفٓى]

فية نتايج ايجابيةولا كسلت والعزيمة راحت
ياريت تشاركنا بالتطورات

النتائج إيجابية والحمد لله
بقيت أعرف أقفل زرار كل البناطيل بعد ما كنت بخبي الزرار المفتوح ورا الحزام



بعد ما الأكونت بتاعي تم ايقافه لمدة أسبوع
حسيت ان محدش حيراجع ورايا من الأعضاء وبكده يبقى الدافع الأساسي لمواصلة الرجيم إن فيه أعضاء حتسألني نفس سؤالك اتلغى مؤقتا
ده خلاني ابوظ الرجيم لمدة 3 أيام تقريبا وراجعت نفسي بسرعة واستكملت الرجيم

النقطة التانية ان الميزان اللي جبته تقريبا باظ
ساعات الاقيه بيقلل 4 كيلو مرة واحدة
فمبقتش اعتمد عليه اطلاقا
واكتفيت بمتابعة لبس البناطيل وقياس محيط البطن والحمد لله فيه انجاز
لكن تقريبا قدرت اخس حوالي 3 كيلو

بعد يومين تقريبا لم تعد المشكلة الأكبر لم تكن في الجوع أثناء الرجيم
بل المغريات اللي قولتلكم عليها
شيبسيات
الكحك
كفتة
شيكولاته
عصير
تين وبطيخ
وكنت بمتنع عنها تماما على مدار 7 أيام من أصل 10 أيام مضوا

مكنتش بعمل رياضة اطلاقا
شوية مجهود بسيط يوميا كتمارين البطن لمدة دقيقة بعد بعض الصلوات

[mastr_n]

النتائج إيجابية والحمد لله
بقيت أعرف أقفل زرار كل البناطيل بعد ما كنت بخبي الزرار المفتوح ورا الحزام



بعد ما الأكونت بتاعي تم ايقافه لمدة أسبوع
حسيت ان محدش حيراجع ورايا من الأعضاء وبكده يبقى الدافع الأساسي لمواصلة الرجيم إن فيه أعضاء حتسألني نفس سؤالك اتلغى مؤقتا
ده خلاني ابوظ الرجيم لمدة 3 أيام تقريبا وراجعت نفسي بسرعة واستكملت الرجيم

النقطة التانية ان الميزان اللي جبته تقريبا باظ
ساعات الاقيه بيقلل 4 كيلو مرة واحدة
فمبقتش اعتمد عليه اطلاقا
واكتفيت بمتابعة لبس البناطيل وقياس محيط البطن والحمد لله فيه انجاز
لكن تقريبا قدرت اخس حوالي 3 كيلو

بعد يومين تقريبا لم تعد المشكلة الأكبر لم تكن في الجوع أثناء الرجيم
بل المغريات اللي قولتلكم عليها
شيبسيات
الكحك
كفتة
شيكولاته
عصير
تين وبطيخ
وكنت بمتنع عنها تماما على مدار 7 أيام من أصل 10 أيام مضوا

مكنتش بعمل رياضة اطلاقا
شوية مجهود بسيط يوميا كتمارين البطن لمدة دقيقة بعد بعض الصلوات

بص هاقولك عاي حاجة العبرة مش بالوزن العبرة بشكل الجسم انت ممكن تكون وزنك 80 او 85 وشكلك تخين وفي ناس تانية نفس وزنك وطولك وباين عليهم التناسق بص حاول تروح جيم والعب كارديو ربع ساعة قبل او بعد الجيم هاتجيب نتيجة انا بردة مكمل وحاطط هدف ان ابقي البطن عندي فلات مش مهم ابقي وزني اية انما هدفي ان الجسم يعمل فورمة كويسة
بالنسبة للاكل كل بس ابعد عن السكريات والنشويات وكتر السلاطة والبروتين الصحي يعني ابعد عن الدهون والحاجات اللي فيها زيوت وكمل وخلي عزيمة وهدف وهاتوصل ان شاء اللة

[elrasy]

لسة مظبتش اكلى بس هحاول امشى كل يوم ساعه علشان انشط جسمى شوية

[boomboomzoro]

السلام عليكم
حبيت أقولك بالتوفيق
ولو نفسك راحت للبطيخ كل و إنت مطمن من غير تأنيب ضمير
جزاكم الله خيرا

[محمد بلال]

اه متابع معاكم عاوز اخس 15 كيلوووووو

[dedi]

هو 115كيلو لية مكان معاكم ولا يعمل اية

[مُصْطٓفٓى]

هو 115كيلو لية مكان معاكم ولا يعمل اية

ان شاء الله
لكن يفضل تتابع مع دكتور :)

[madokira]

أول طلعة هي بتبقى أصعب فترة لأنك لازم تكون فيها حازم مع نفسك في تطبيق الجدول اللي هتحطه لنفسك,, الموضوع بيكون فيه شوية أحباط لأنك بتاخد شوية وقت على ما تشوف نتيجة و في أوقات الميزان هيديك نتيجة في عكس الأتجاه..
أنا في الأول قررت أوقف تماماً شوية حاجات لحد أما أوصل لوزن معين بعد كده ممكن أفكها شوية, فوقفت أي أكل من بره, وقفت المشروبات الغازية, وقفت الحلويات, وقفت المقليات, وقفت المعجنات زي الكرواسون و ما شابه..
أكلي متكون من وجبتين رئيسيتين, الفطار بيكون الساعة 11 كل يوم عبارة عن ساندويتشين براون توست في الأغلب بيكونوا تونة أو بيض أو فول + تفحاية خضرا, و دي بتقفل معدتي لكام ساعة قدام..
الغداء بيكون في حدود 6 أو 7 لما برجع من الشغل, و بيكون خضار سوتيه معاه حتة لحمة أو صدر فرخة أو سمك فيليه و بيكونوا مشويين..
ممكن بنوع بقى في مكونات السوتيه و بستخدم صوصات سواء معاه أو مع السلطة أو اللحوم عشان تغير الطعم و مزهقش, و بالأخص باربيكيو-خل بلسميك-sweet chili sauce-صلصة فرنسية,,,
مفيش وجبة عشاء بالنسبالي و مش باكل أي حاجة بعد 9 بليل..
لعب رياضة بشكل منتظم, جري حوالي مرتين في الأسبوع, من نص ساعة لساعة في المرة..
تمارين متنوعة في البيت بشكل شبه يومي لـ15 دقيقة على الأقل, تمارين ضغط بطن و تمارين بالدامبلز, لأن لعب العضلات بيسرع في حرق الدهون..
لازم نوم لعدد ساعات متواصلة بشكل كافي, لأن هي دي الفترة اللي بيتم فيها الحرق و بناء العضلات..
بشرب شاي أخضر كوباية أو أتنين في اليوم, و بشرب ماء كتير أوي, كتير بجد lol

بعد ما وزني نزل شويتين و دخلت في الـ70's أبتديت أزود حاجات من اللي كنت مانعها, أرز أو مكرونة بحد أقصى مرتين في الأسبوع, مقليات مرة واحدة, أكل من بره مرة واحدة,, و هكذا,,

وزني فضل ينزل non-stop بالشكل ده لحد ما كنت قربت على 65 كجم في فترة حوالي 5 شهور, الشهرين اللي فاتوا زدت تاني شوية, كيلو في التاني, لحد ما أستقريت دلوقتي على 69~70 كجم

بس عموماً الميزان مهواش وسيلة القياس المناسبة للراجل بسبب وزن العظام و العضلات, فيفضل تقيس دايماً الـprogress اللي بتحققه عن طريق المراية, في الشكل العام و في الملابس..

خسيتهم فى مده ايه يا ريس ؟