الإسلام فى السعودية التى تدعى التدين‏

[أبو عبدالله]

ماشوفتش حاجه
فين المزايده و ضح عشان مش فاهم

المزايده انك قلت اني قلت

بس ماينفعش تقول برضه انه مايعرفش حاجه

وده تعميم
مع اني ذكرت وقولت فيما كتبه
يعني اللي كاتبه في المقال وليس علمه الكلي

[وائل عطية]

تعليق صغير دى مش قاعدة فقهية ولا حاجة دى موجودة فى القانون الوضعى يعنى مش فقهية

لأ عادي
بيقال مثلاً " فقهاء القانون "
ليس بالضرورة إن كلمة فقه خاصة بالدين ، فالفقيه بالشيئ أي العالم ببواطنه

[haneena]

هذا الموضوع قد حرك زناد فكرى فى كل ما أوردتموه من اعتراضات و اتهامات و سُخريات و لكن نُريد أن نُفند الأمر حتى نستريح و نُريح.

أما الذين أخذوا موقف الدفاع عن هذا الحكم و رغبتهم الشديدة هى فى الدفاع عن الشريعة الاسلامية الغراء التى ان طبقنا فعلاً الحدود كما امر به الله سبحانه و تعالى لما وجدنا هذا الظلم المُستشرى و الفاحشة المُستباحة فى ديار الاسلام و لكن اخوانى الهوينى الهوينى اربعوا على أنفسكم ، لن تُضير شريعة الله قول القائلين و لا افترء الظالمين لأن الاسلام سمع من الاتهامات الكثير و الكثير و صمد الاسلام و ضحدت الاتهامات و كما قال الله تعالى
يريدون ليطفئوا نور الله بأفواههم و الله مُتم نوره و لو كره الكافرون.سورة الصف 8

أما الذين قالوا أن هذا الحكم ظالم و فيه افتراء على المصريين و أصبحنا شعب مُهان بمعنى الكلمة ، ألا نشعر بهذه الاهانة و نحن فى بلدنا ، ألا نشعر بهذه الاهانة و نحن نُسرق و تُنهب أموال هذا الشعب من الكبار، ألم نشعر بهذه الاهانة عندما مات أكثر من ألف مصرى فى حادثة العبارة و قام القضاء بتبرئة ساحة ممدوح اسماعيل، ألم نشعر بهذه الاهانة عندما غاضت السكك الحديد المصرية بدماء أبناء الصعيد و لم يستقيل حتى مسئول واحد.

فلنضع الأمور فى نصابها الصحيح ولنستريح قليلاً من هذا الجدل و المِراء الذى أصبحنا نُجيده أكثر من أى شئ آخر.

بجد كلام حضرتك تمام وياريت الناس تفهم

[human]

اخ هيومان ده للأسف موضوع تاني خالص للنقاش
لأن كده هندخل في ما حكنم الصلاة في المسجد والكلام ده

ولكن اللي انا اعرفه انهم حرين بما ان مفيش حد بيشتكي ولو حد اشتكى هما برضه حرين مع بعضهم
لأن اكيد اهل مكه ادرى بشعابها ولا ايه
مش احنا اللي هنحددلهم يعملو ايه
خصوصا انهم مأجبركشي انك تعمل كده في بلدك
ولا اجبروك انك تعيش معاهم

مش كده ولا ايه قولي بس

لو بنتكلم بشرع ربنا ماحدش ليه يقولى انت مغطى وشك ولا لأ او بصلى ولا لأ
الاسلام كفل علاقه العبد بربنا فا مينفعش حد ينظم علاقتى بربنا
انا لو هناك حتى لو بشتغل ليا حقوق كأنسان و محدش المفروض يزايد فى الحقوق او يقانص منها وز ده كفله الاسلام برضه

[أبو عبدالله]

عشان نكسر حده الموضوع
فيه واحد كان كاتب
"بما ان الرئيس لن يتدخل لذلك اتوجه بنداء للرئيس الراحل جمال عبد الناصر بالتدخل لحل ازمه الطبيبين المصريين"

انا شايف كده برضه واتفق معاه

علشان تعرفوا مين اللي جايبنا ورا

[haneena]

لأ عادي
بيقال مثلاً " فقهاء القانون "
ليس بالضرورة إن كلمة فقه خاصة بالدين ، فالفقيه بالشيئ أي العالم ببواطنه

لا طبعا كلمة قاعدة فقهية يعنى قاعدة شرعية بلاش افتاءات

[tutankhamoun]

تطبيق الشريعة الإسلامية شئ و ما يحدث في المملكة العربية السعودية أو أي دولة عربية شئ تاني خالص

المهم لو الشريعة فعلا بتتطبق بحذافيرها في المملكة العربية السعودية

ليه لأمريكا قواعد في أراضي المملكة لحماية إسرائيل و ضرب العراق ؟؟ و سرقة ما يحلوا لهم من بترول ؟؟؟

ليه المملكة و اهل المملكة بلايينهم من الدولارات يتم إستثمارها في الولايات المتحدة ( أكبر داعم لإسرائيل لسلب أراضي فلسطين ) ؟؟؟؟؟؟؟؟

ليه سايبين الدول العربية تعيش في الفقر و لا يتم إستثمار أموالهم فيها بدلا من أمريكا ؟؟؟
أو على اقل تقدير إستثمارها في السعودية نفسها و إنشاء قاعدة صناعية قوية بأموال البترول بدلا من إستيراد كل أنواع التكنولوجيا من الخارج ؟؟؟؟


في أي شرع يتم مضاعفة حُكم معين عند إستئناف الحكم الأصلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أهي دي بقى عايزة تفسير لوحديها !!!!!!!!!!!!!!!


في أي شرع شرعه رسول الله عليه الصلاة و السلام أو في كتاب الله تعالى ضرب الناس في الشوارع و إصابتهم اصابات خطيرة في أجسامهم لأي سبب ؟؟؟؟؟؟؟؟؟؟؟؟؟؟؟

في أي شرع إجبار الناس على الصلاة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و هل يقبل الله عز و جل الصلاة من عبد مُجبر عليها ؟؟؟؟ لا يريدها بقلبه ؟؟؟

يا جماعة ما يحدث في السعودية هو تطبيق إسمي و ليس فعلي

التطبيق الفعلي هو الرحمة بالناس و تطبيق شرع الله برحمته

بالنسبة للقضية ....... لا أحد يعلم أبعادها
و لكن النظام السعودي ليس به نظام المحاميين على حد علمي
اذن
من قام بجمع الأدلة ضد الطبيبين ؟؟؟؟؟؟؟؟
و من حكم عليهما ؟؟؟؟
و من ضاعف الحكم عند الإستثناف ؟؟؟؟؟

و كيف أختلى الطبيبين بالمرضى النساء وهناك ممنوع الأختلاء بالنساء ؟؟؟؟؟؟
و كمان زوجات أمراء !!!!!!!!! و تم الأختلاء بهم ......... كيف ؟؟؟؟

الموضوع مُحير فعلا و غير واضح ......... و أنا لا أرى في النظام السعودية أي عدالة
و لا في أي نظام عربي ............كلنا عملاء و كلنا خائنون لأوطاننا

حكومات الخليج هي مقر الجيش الأمريكي و مصر تفتح قناة السويس لكل من هب و دب و دول المغرب العربي في عالم تاني مع فرنسا

و السودان في حرب أهلية مدمرة بسبب دعم اليهود للمتمردين و عدم عدالة الحكومة السودانية مع مواطنيها كسائر الحكومات العربية الأخرى

[وائل عطية]

لا طبعا كلمة قاعدة فقهية يعنى قاعدة شرعية بلاش افتاءات

افتاءات ازاي يعني ياحاجة؟

[waled369]

انتو ليه بتعملوا مقارنة بين الوضع في مصر و الوضع بالسعودية .

ما سبق و قلت ان نظامنا و حكومتنا ( وشها مكشوف ) و لا ندعي الشرف . العيب بقى على الأفاضل اللي بيدعوا الشرف و هم أبعد منه بأرقام فلكية .

بالنسبة للأخ اللي قال ان قضية الممرضات البلغاريات الخاصة بليبيا أنا متفق معاه بس كان فيه قضية لممرضات بالسعودية و اتحكم عليهم بالاعدام ( قصاص ) و طبعا دولهم قامت عليهم و مفيش ( دكر ) في الرجالة اللي بيطبقوا الشرع بالسعودية قدر يتكلم .

الكل عمال يسأل عن أدلة لبراءة الطبيب و قليل اللي سأل عن أدلة إدانته . مش المفروض طالما الموضوع مبهم لنا جميعا يبقى من باب أولى نسأل عن أدلة الادانة ؟ من باب مناصرته ( انصر أخاك ظالما أو مظلوما ) .

في أي شرع 1500 جلدة مش غريبة شويتين . الحدود مذكورة بالقرآن الكريم على سبيل الحصر . و إذا كان ( تعزير ) ممكن يوصل للعدد ده و على علشان خاطر ( سمو الأميرة ) طويل العمر يطول عمره يزهزه عصره و ينصره على من يعاديه ... هاي هي

الاستئناف المفروض يخفض العقوبة في أي دولة بالعالم بس علشان خاطر ( سموها ) بلا قانون بلا بتاع . هل فيه سند شرعي ( أنا أجهله ) بيقول عكس كده مع العلم بأن فيه حديث شريف نصه
( ادرءوا الحدود عن المسلمين ما استطعتم . فإن وجدتم للمسلم مخرجا فخلوا سبيله . فإن الامام ان أخطأ في العفو خير له من أن يخطئ في العقوبة ) و القول الدارج فيه ( ادرءوا الحدود بالشبهات ) .و لا جايز علشان ( سموها ) مش بتغلط زي الناس ( الوحشيين ) العاديين تبقى التهمة لابساه لابساه يعني مفيش شبهة خالص و لا كأنها أخدت المخدر ده في أمريكا على ايد الطبيب الأمريكي . و لا علشان الطبيب الأمريكي ده الأخوة الأفاضل بيعتبروه من ( الأسياد ) و محدش يقدر يقول له تلت التلاتة كام و اللي يعملها - حتى لو ( سموها ) هياخذ بالجزمة القديمة من ( ماما ) أمريكا .
خدوا بالكم ان ( قداسة ) الأرض شئ و ( نجاسة ) البشر شئ تاني و أقتبس هنا قول الخليجيين عن السعوديين ( أنجس شعب بأطهر أرض ) .

الاختلاف في الرأي لا يفسد للود قضية .

[أبو عبدالله]

هيا الناس مبتقراش الموضوع ليه من اوله لأخره

ما احنا جبنا أمثلة لأحكام على سعوديين
وكان وصلت لحد 2700 جلده على سعوديين في مصريين كمان
وكانت علشان اغتصاب بس وتصوير بالكامير

وفيه 2500 جلده

هنقعد بقه كل شويه نقول فين 1500 جلده
طيب انت هتعرف منين وانت مشوفتش الاحكام بتاعتهم من قبل
شوف احكامهم من قبل ولو ملقتشي زي 1500 جلده
يبقى عندك حق

[tutankhamoun]

انتو ليه بتعملوا مقارنة بين الوضع في مصر و الوضع بالسعودية .

ما سبق و قلت ان نظامنا و حكومتنا ( وشها مكشوف ) و لا ندعي الشرف . العيب بقى على الأفاضل اللي بيدعوا الشرف و هم أبعد منه بأرقام فلكية .

بالنسبة للأخ اللي قال ان قضية الممرضات البلغاريات الخاصة بليبيا أنا متفق معاه بس كان فيه قضية لممرضات بالسعودية و اتحكم عليهم بالاعدام ( قصاص ) و طبعا دولهم قامت عليهم و مفيش ( دكر ) في الرجالة اللي بيطبقوا الشرع بالسعودية قدر يتكلم .

الكل عمال يسأل عن أدلة لبراءة الطبيب و قليل اللي سأل عن أدلة إدانته . مش المفروض طالما الموضوع مبهم لنا جميعا يبقى من باب أولى نسأل عن أدلة الادانة ؟ من باب مناصرته ( انصر أخاك ظالما أو مظلوما ) .

في أي شرع 1500 جلدة مش غريبة شويتين . الحدود مذكورة بالقرآن الكريم على سبيل الحصر . و إذا كان ( تعزير ) ممكن يوصل للعدد ده و على علشان خاطر ( سمو الأميرة ) طويل العمر يطول عمره يزهزه عصره و ينصره على من يعاديه ... هاي هي

الاستئناف المفروض يخفض العقوبة في أي دولة بالعالم بس علشان خاطر ( سموها ) بلا قانون بلا بتاع . هل فيه سند شرعي ( أنا أجهله ) بيقول عكس كده مع العلم بأن فيه حديث شريف نصه
( ادرءوا الحدود عن المسلمين ما استطعتم . فإن وجدتم للمسلم مخرجا فخلوا سبيله . فإن الامام ان أخطأ في العفو خير له من أن يخطئ في العقوبة ) و القول الدارج فيه ( ادرءوا الحدود بالشبهات ) .و لا جايز علشان ( سموها ) مش بتغلط زي الناس ( الوحشيين ) العاديين تبقى التهمة لابساه لابساه يعني مفيش شبهة خالص و لا كأنها أخدت المخدر ده في أمريكا على ايد الطبيب الأمريكي . و لا علشان الطبيب الأمريكي ده الأخوة الأفاضل بيعتبروه من ( الأسياد ) و محدش يقدر يقول له تلت التلاتة كام و اللي يعملها - حتى لو ( سموها ) هياخذ بالجزمة القديمة من ( ماما ) أمريكا .
خدوا بالكم ان ( قداسة ) الأرض شئ و ( نجاسة ) البشر شئ تاني و أقتبس هنا قول الخليجيين عن السعوديين ( أنجس شعب بأطهر أرض ) .

الاختلاف في الرأي لا يفسد للود قضية .

متفق معاك يا باشا في كل اللي قلته ما عدا
أخر جملة

لأن زي ما فيه بشر نجسين في السعودية في منهم الشريف المتدين الرحيم

و زي ما فيه بشر نجسين في مصر أو أي مكان في الأرض
فيه الكويس المحترم الشريف

لذلك حضرتك عممت على كل السعوديين كلمة لا تليق بهم كمسلمين و لا تليق بنا كمسلمين لنقول على أخوة في الدين ذلك ........ مع عدم تأكدنا من الكلام ده

و أنا شايف أن ده من الأشياء الخاطئة التي تؤدي إلى الكره و عدم وجود مودة بيينا

و ربنا يهدينا جميعا و يهدي حكوماتنا يارب و يوفقها للخير لصالح بلاد المسلمين جميعا

[waled369]

هيا الناس مبتقراش الموضوع ليه من اوله لأخره

ما احنا جبنا أمثلة لأحكام على سعوديين
وكان وصلت لحد 2700 جلده على سعوديين في مصريين كمان
وكانت علشان اغتصاب بس وتصوير بالكامير

وفيه 2500 جلده

هنقعد بقه كل شويه نقول فين 1500 جلده
طيب انت هتعرف منين وانت مشوفتش الاحكام بتاعتهم من قبل
شوف احكامهم من قبل ولو ملقتشي زي 1500 جلده
يبقى عندك حق

أستاذي و أخي أبو عبد الله

أنا باسأل عن السند الشرعي في عدد الجلدات و باقول هل فيه سند شرعي أنا أجهله . و لم أذكر أنني - حاشا لله - أشكك في كلامك .

[Samir Elshahawy]

مش عارف ليه فيه ناس مصممة تدافع عن السعودية و كأن لها فضل عليه أو كأنها الباد الفاضلة و سكانها من الملائكة المنزهين عن الخطأ فلا يحق لنا مناقشتهم او الاعتراض علي حكمهم ؟؟؟؟

حد يقولنا فين ادلة اتهام الطبيب المصري ؟؟؟

[Ghamrawy]

ابن عمى عايش فى السعودية (جدة بالتحديد) و بيقول انا باخاف اسيب ابنى ينزل لوحده يشترى حاجة من تحت البيت (طفل عنده 7 سنيين) و باسيب بنتى تنزل (عمرها 9 سنيين) يا ريت تكونوا فهمتوا يقصد ايه
صديق عمرى ربنا اراد له انه يشتغل هناك و بيقولى انا بتبقى مراتى ماشية معايا و ممكن تتعاكس( مع انه مش باين منها حاجة) لو انا مديت بس كام خطوة و سبتها ورايا ده موقف
و الموقف التانى هو انه ممنوع الست لما تشترى حاجة من المحل انها تقيس الهدوم جوه المحل علشان فى ناس بتبقى مخبية كاميرات فى غرفة القياس و بالتالى بتقيس فى البيت و لو مش نافعة ممكن ترجعها
موقف ثالث :ممنوع دخول السيدات للجزء الخاص بالسيدات فى الافراح بموبيل فيه كاميرا علشان الستات بيصوروا بعض و ينشروا الصور بعد كده
و كل ده ان دل على شيى فانه يدل على الهوس الجنسى (السوى و غير السوى) و انحصار تفكير اغلب الشعب هناك فى المسألة ده و اهتمامهم بالمظاهر و التدين الظاهرى بس من غير الجوهر
*نصيحة يا ريت لما نتكلم عن السعودية او نجيب سيرتها يبقى نتكلم عن السعودية مكة و المدينة و الحرم و المسجد النبوى بس لان غير كده واضح انه مالوش لازمة

[أبو عبدالله]

لذلك حضرتك عممت على كل السعوديين كلمة لا تليق بهم كمسلمين و لا تليق بنا كمسلمين لنقول على أخوة في الدين ذلك ........ مع عدم تأكدنا من الكلام ده

و أنا شايف أن ده من الأشياء الخاطئة التي تؤدي إلى الكره و عدم وجود مودة بيينا

و ربنا يهدينا جميعا و يهدي حكوماتنا يارب و يوفقها للخير لصالح بلاد المسلمين جميعا

اتفق معاك اخي توت في هذا
وده اللي الواحد بيقوله من الأول

عارف ليه
لن صورتنا امامهم بقت زفت

لما يلاقونا بندافع عن شئ هما عارفين او متأكدين انه حصل واحنا مش عارفين واحنا بندافع لأ وبنهاجم كمان
بالله عليك يقولوا علينا ايه

طيب نصبر لحد ما نعرف المشكلة ايه

خصوصا ان المسشكلة من شهر اربعه اللي فات ومسمعناش صوت حد الا دلوقتي