الإسلام فى السعودية التى تدعى التدين‏

[waled369]

متفق معاك يا باشا في كل اللي قلته ما عدا
أخر جملة

لأن زي ما فيه بشر نجسين في السعودية في منهم الشريف المتدين الرحيم

و زي ما فيه بشر نجسين في مصر أو أي مكان في الأرض
فيه الكويس المحترم الشريف

لذلك حضرتك عممت على كل السعوديين كلمة لا تليق بهم كمسلمين و لا تليق بنا كمسلمين لنقول على أخوة في الدين ذلك ........ مع عدم تأكدنا من الكلام ده

و أنا شايف أن ده من الأشياء الخاطئة التي تؤدي إلى الكره و عدم وجود مودة بيينا

و ربنا يهدينا جميعا و يهدي حكوماتنا يارب و يوفقها للخير لصالح بلاد المسلمين جميعا

أخي الكريم الاستاذ /توت عنخ آمون

أنا باقول اني ( أقتبس ) قول . مش أكتر و أكيد فيه كل مكان في الدنيا فيه الصالح و الطالح .

و لو قرأت مشاركتي السابقة في نفس الموضوع هتعرف سلوكياتهم ايه معانا ع الأخص و لما جاهل يقول لك ( يالمصري ) باعتبارها شتيمة يبقى لازم تكره الشعب كله . و الله يا أخي أنا سافرت مرة واحدة بر و أقسمت أني لن أكررها علشان الحدود السعودية و مثلنا الدارج ( الحسنة تعم و السيئة تخص ) .

تقبل تحياتي و احترامي لشخصك العزيز
الاختلاف لا يفسد للود قضية

[hh]

اعتقد أن مناقشة الموضوع ده اتخذت اكثر من شق:

الشق الاول هو موضوع قضية الطبيب المصري و هل الحكم عليه ظالم ام يستحقه. لا أعتقد ان اي منا في المنتدى يمتلك ما يكفي من المعلومات ليعرف اذا كان الطبيب برئ ام لا و لكن السؤال الاهم هو حتى اذا كان الطبيب مدان كيف يتم مضاعفة العقوبة بعد الاستئناف؟؟؟؟؟؟؟؟؟؟؟
اعتقد ان ده شئ لا يمكن تفسيره الا انه نكاية و انتقام منه لأنه تجرأ بمعارضة الحكم و ده يخليني تلقائيا اشك في نزاهة هذه المحاكمة.

ثاني شق في الموضوع ده يتعلق بنظام الحكم السعودي الذي اعتبر بعض الاخوة في المنتدى انه يمثل الحكم الاسلامي و أن معارضته محاولة لمهاجمة الاسلام. اسمحوا لي اولا ان اعبر عن ايماني التام بأن تطبيق الشريعة الاسلامية الصحيحة هو الطريق الوحيد لصلاح هذه الأمة و تقدمها
و لكن..........هل الحكم في السعودية حكم اسلامي صحيح؟؟ طيب تعالوا نشوف بعض الامثلة :
موضوع هيئة الامر بالمعروف و النهي عن المنكر اللي بتضرب الناس في الشارع عشان الصلاه, مش ربنا سبحانه و تعالى بيقول ما معناه (مش متأكدة من نص الأية) "وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا" يعني ربنا سبحانه و تعالى ماقالش اضرب الناس عشان تصلي!!!!!!!!!!!!
موضوع ضرب السيدات وازواجهم عشان كاشفين وجوههم مش حاناقش حكم النقاب رغم انه فيه خلاف بين العلماء عن فرضيته من عدمها, بس احب اسأل المدافعين هو ليه الموضوع ده ما يتطبقش على الاجانب في جدة و غيرها من المدن؟ يا ريت نرجع لحديث الرسول عليه الصلاة و السلام بخصوص تطبيق الحدود علي الضعيف فقط اللي تفضل الزملاء بوضعه في مشاركات سابقة.
و بعدين هي الاستثمارات السعودية في البنوك الغربية دي مطابقة للشريعة مع علمنا بأن هذه البنوك ربوية؟ ده غير الاستثمارات اللي في البورصات اللي بيدخل فيها اسهم لشركات مصنعة للخمور و للفنادق اللي فيها كازينوهات القمار و غيرها و غيرها.....
يا ريت محدش يرد و يقول ماحنا عندنا في اكثر من كدة, عشان ماعتقدش اننا راضيين عن اللي بيحصل عندنا بس مش معنى اننا غلط ان اللي في السعودية هو الاسلام و اللي يهاجم حاجة عندهم يبقى ضد الاسلام.

أخر شق بقى و هو الخاص بالتمييز بين معاملة المصريين و معاملة باقي الجنسيات فدي واقع و بيحصل و الامثلة اللي ذكرها الاخوة في غيرها الاف الحالات. بس احنا مش بس بنلوم الحكومة السعودية أحنا بنلوم قبلها الحكومة المصرية اللي رخصت المواطن المصري سواء جوة بلده او براها. و يا ريت برضه اللي بيدافع و جايب لنا احكام مشابهة يقوللنا سمع عن اي حكم زي ده علي واحد أمريكي أو حتى اوروبي؟

يا ريت مانبقاش ملكيين اكتر من الملك و اللي بيقول عصبية و قبلية, احنا مش بنتعصب للطبيب المصري بس عشان مصري, لكن عشان حاسين انه مظلوم و عشان لازم ان احنا نطالب حكوومتنا تدافع عنا و تدور على حقوقنا جوة البلد و براها عشان يرجع لينا قيمة زي كل الشعوب الي في الدنيا.

==========
تم تصحيح الآية القرآنية
مشرف القسم

[أبو عبدالله]

أستاذي و أخي أبو عبد الله

أنا باسأل عن السند الشرعي في عدد الجلدات و باقول هل فيه سند شرعي أنا أجهله . و لم أذكر أنني - حاشا لله - أشكك في كلامك .

شوف هنا كده

قوله: «وَنَحْوِهِ، وَلاَ يُزَادُ فِي التَّعْزِيرِ عَلَى عَشْرِ جَلَدَاتٍ» الذي يتولى التعزير الحاكم، أو نائبه، أو الذي له ولاية التأديب مطلقاً، وهذا أعم، فالأب يعزِّر ابنه، والمعلم يعزر تلاميذه، والأمير يعزر رعيته، فكل مسؤول عن أحد في تأديبه فله حق التأديب.
وقوله: «ولا يزاد في التعزير على عشر جلدات» بسوط لا جديد، ولا خَلق، ولا مدٍّ؛ ولا تجريد، ولا برفع المعزر يده بحيث يتبين الإبط؛ لأنه سيرِدُ السوط على المضروب وروداً قوياً، وليس المقصود تعذيبه، إنما المقصود تأديبه.
فلو وجدنا رجلاً عند امرأة بات عندها ليلة كاملة، يستمتع بها جميع الاستمتاعات، إلا أنه لم يصل إلى حد الزنا، فيجلد عشر جلدات ولا نزيد!! والحقيقة أن قولهم: لا يزاد على عشر جلدات لا بد أن يكون له مستند، وإلاّ لكان معارضاً لقولهم فيما سبق: «وهو التأديب وهو واجب»؛ لأن عشر جلدات في مثل هذا المنكر العظيم الذي لم يصل إلى الحد لا يحصل به تأديب، لكن مستندهم أنه ثبت عن رسول الله صلّى الله عليه وسلّم أنه قال: «لا يجلد أحد فوق عشرة أسواط إلا في حد من حدود الله»[(171)].
قالوا: والحد هنا بمعنى العقوبة؛ لأن الحديث في سياق العقوبات، لأنه قال: «لا يجلد» ، وإذا كان في سياق العقوبات وجب أن نحمل الحد على العقوبة، أي: لا يعاقَب أحدٌ جلداً فوق عشرِ جلدات إلا في حد، والحد أدناه ثمانون، وهو حد القذف، وعلى هذا فلا يجوز أن نزيد على عشر جلدات.
وقال بعض أهل العلم: بل يجوز الزيادة على عشر جلدات، وعشرين، وثلاثين، وأربعين، ومائة، ومائتين، وألف، وألفين، بقدر ما يحصل به التأديب؛ لأن المقصود تقويم الاعوجاج، والتأديب، وإزالة الشر والفساد، وما لا يتم الواجب إلا به فهو واجب.
ونحن رأينا رسول الله صلّى الله عليه وسلّم عزر بما هو أعظم من عشر جلدات، وإذا كان كذلك فإنه يجب أن يحمل قول الرسول صلّى الله عليه وسلّم: «إلا في حد من حدود الله» أي: في محرم من محارمه؛ لأن حدود الله تطلق على الواجبات، وعلى المحرمات، وعلى العقوبات، فقوله: {{تِلْكَ حُدُودُ اللَّهِ فَلاَ تَعْتَدُوهَا}} [البقرة: 229] هذه الواجبات، وقوله: {{تِلْكَ حُدُودُ اللَّهِ فَلاَ تَقْرَبُوهَا}} [البقرة: 187] هذه المحرمات، وتطلق أيضاً على العقوبات المقدرة شرعاً وهو واضح.
وإذا كان التعزير والتأديب، وكان لا يتأدب هذا الفاعل للمعصية إلا بأكثر من عشر جلدات، فحينئذٍ إما أن نقول: لا نزيد، وتكون هذه الجلدات عبثاً؛ لأنها جلدات لا تفيد، والشرع لا يأمر بالعبث، بل لا يأمر إلا بما فيه المصلحة والحكمة، وإذا كان هكذا فإنه يجب أن يحمل كلام الرسول صلّى الله عليه وسلّم على ما فيه المصلحة، وعلى ما له معنى مستقيم، ويحمل الحد في الحديث على الحدود الحُكْمية، التي هي إما ترك واجب، وإما فعل محرم، فيصير المعنى أننا لا نؤدب أحداً على ترك مروءة مثلاً فوق عشرة أسواط.
فلو وجدنا رجلاً يأكل في مَجْمع مثل مجمعنا هذا، مجمع علم واحترام، فهذا خلاف المروءة، فنجلده، ولكن لا نزيد على عشر جلدات، أو رجل قال لابنه: اجلس صب القهوة للزوار، فذهب الابن ليلعب وترك الضيوف، فلوالده تأديبه، ولا يزيد عن عشر جلدات.
أو رجل كان يأمر ابنه الصغير بالصلاة، وله إحدى عشرة سنة، ولكن الابن يتمرد، فيجلده عشرة أسواط، فإن لم تنفع يزد، وإن لم تنفع يزد؛ لأن هذا ترك واجب، وهو حد من حدود الله، وهذا القول هو الراجح، وهو اختيار شيخ الإسلام ابن تيمية، وجماعة من أهل العلم المحققين، وهو الذي يتعين العمل به.
وسيأتي ـ إن شاء الله تعالى ـ بيان أن التعزير ـ أيضاً ـ لا يقتصر على هذا النوع من التعزيرات، بمعنى أنه لا يقتصر على الجلد، فقد يكون بأنواع متعددة حتى على المذهب، مثل التوبيخ، والهجر، وأخذ المال، وإتلاف المال، والسجن وغير ذلك؛لأن المقصود بالتعزير التقويم والتأديب، وهو مما يدل على أنه يجوز الزيادة على عشر جلدات

قال شيخ الإسلام في الفتاوى :

اقتباس:

وَأَمَّا أَكْثَرُ التَّعْزِيرِ فَفِيهِ ثَلَاثَةُ أَقْوَالٍ فِي مَذْهَبِ أَحْمَد وَغَيْرِهِ
أَحَدُهَا :
عَشْرُ جَلَدَاتٍ .

وَالثَّانِي : دُونَ أَقَلِّ الْحُدُودِ ؛ إمَّا تِسْعَةٌ وَثَلَاثُونَ سَوْطًا ؛ وَإِمَّا تِسْعَةٌ وَسَبْعُونَ سَوْطًا . وَهَذَا قَوْلُ كَثِيرٍ مِنْ أَصْحَابِ أَبِي حَنِيفَةَ وَالشَّافِعِيِّ وَأَحْمَد .

وَالثَّالِثُ . أَنَّهُ لَا يَتَقَدَّرُ بِذَلِكَ .
وَهُوَ قَوْلُ أَصْحَابِ مَالِكٍ وَطَائِفَةٍ مِنْ أَصْحَابِ الشَّافِعِيِّ وَأَحْمَد وَهُوَ إحْدَى الرِّوَايَتَيْنِ عَنْهُ ؛ لَكِنْ إنْ كَانَ التَّعْزِيرُ فِيمَا فِيهِ مُقَدَّرٌ لَمْ يَبْلُغْ بِهِ ذَلِكَ الْمُقَدَّرَ مِثْلَ التَّعْزِيرِ : عَلَى سَرِقَةٍ دُونَ النِّصَابِ لَا يَبْلُغُ بِهِ الْقَطْعَ وَالتَّعْزِيرِ عَلَى الْمَضْمَضَةِ بِالْخَمْرِ لَا يَبْلُغُ بِهِ حَدَّ الشُّرْبِ وَالتَّعْزِيرِ عَلَى الْقَذْفِ بِغَيْرِ الزِّنَا لَا يَبْلُغُ بِهِ الْحَدَّ .
وَهَذَا الْقَوْلُ أَعْدَلُ الْأَقْوَالِ
؛ عَلَيْهِ دَلَّتْ سُنَّةُ رَسُولِ اللَّهِ صَلَّى اللَّهُ عَلَيْهِ وَسَلَّمَ وَسُنَّةُ خُلَفَائِهِ الرَّاشِدِينَ ؛ فَقَدَ { أَمَرَ النَّبِيُّ صَلَّى اللَّهُ عَلَيْهِ وَسَلَّمَ بِضَرْبِ الَّذِي أَحَلَّتْ لَهُ امْرَأَتُهُ جَارِيَتَهَا مِائَةً وَدَرَأَ عَنْهُ الْحَدَّ بِالشُّبْهَةِ } .
وَأَمَرَ أَبُو بَكْرٍ وَعُمْرُ بِضَرْبِ رَجُلٍ وَامْرَأَةٍ وُجِدَا فِي لِحَافٍ وَاحِدٍ مِائَةً مِائَةً .

وَأَمَرَ بِضَرْبِ الَّذِي نَقَشَ عَلَى خَاتَمِهِ وَأَخَذَ مِنْ بَيْتِ الْمَالِ مِائَةً .

ثُمَّ ضَرَبَهُ فِي الْيَوْمِ الثَّانِي مِائَةً ثُمَّ ضَرَبَهُ فِي الْيَوْمِ الثَّالِثِ مِائَةً .

وَضَرَبَ صَبِيغَ بْنَ عِسْلٍ - لَمَّا رَأَى مِنْ بِدْعَتِهِ - ضَرْبًا كَثِيرًا لَمْ يُعِدْهُ .
وَمَنْ لَمْ يَنْدَفِعْ فَسَادُهُ فِي الْأَرْضِ إلَّا بِالْقَتْلِ قُتِلَ ..................

قال رب العالمين في كتابه

يَا دَاوُودُ إِنَّا جَعَلْنَاكَ خَلِيفَةً فِي الْأَرْضِفَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ (26)

قال الإمام القرطبي
فبان بما قصه الله تعالى من هذه الموعظة، التي توخاه بها بعد المغفرة، أن خطيئته إنما كانت التقصير في الحكم، والمبادرة إلى تظليم من لم يثبت عنده ظلمه.

أقول :

أتدرون يا إخوة لماذا قال الله تعالى لنبيه داوود عليه السلام " ولا تتبع الهوى " ؟؟؟

قال له ذلك على الراجح لأنه سمع القضية من طرف واحد و حكم بناء على كلامه !!

احكام اخرى هنا

الرياض: أصدرت محكمة سعودية بمدينة حائل السعودية حكماً بالسجن 20 عاما والجلد 2700 جلدة في حق المتهمين في قضية ما يسمى بـ "فتاة حائل" والتي ظهرت تحت التهديد بالقتل في وضع مخل في مقطع بلوتوث .
وحكم على المتهم الأول وعمره "19 عاماً" والذي ظهر مع الفتاة في المقطع بالسجن "15 عاما" والجلد 2000 جلدة لإجبار الفتاة على الظهور وترديد عبارات نابية تسيء إلى حائل وأهلها، فيما حكم على المتهم الثاني، وعمره "17 عاماً" بالسجن 5 سنوات والجلد 700 جلدة لقيامه بتصوير المقطع

الرياض: أصدرت محكمة القطيف الكُبرى حكما بالسجن لمدة 10 أعوام والجلد 1000 جلدة " لمشعوذ القطيف . تضمن الحكم ايضا سجن المحكوم عامين كاملين في الحبس الانفرادي

[Goodle]

معاك حق
كفاية كلام بقى بقينا بندور في حلقة مفرغة وواضح إن في خلط شديد بين إن الأراضي المقدسة في السعودية وبين نظام ودولة السعودية

أنت جبت من الآخر يا وائل باشا
يا ريت بقى نفوق شوية من شدة الأعصاب والشخصنة دي
عشان ده موضوع نقاش.. مش موضوع للخناق

[Sharky]

اتفق معاك اخي توت في هذا
وده اللي الواحد بيقوله من الأول

عارف ليه
لن صورتنا امامهم بقت زفت

لما يلاقونا بندافع عن شئ هما عارفين او متأكدين انه حصل واحنا مش عارفين واحنا بندافع لأ وبنهاجم كمان
بالله عليك يقولوا علينا ايه

طيب نصبر لحد ما نعرف المشكلة ايه

خصوصا ان المسشكلة من شهر اربعه اللي فات ومسمعناش صوت حد الا دلوقتي

كلام غريب قوى
طالما إن السعوديين متاكدين إن دا حصل خلاص لازم نسلم للامر و نأكد إنهم صح و بلاش نجدال فيه

و كمان نخاف إنهم يقولوا علينا إيه

هما السعوديين ماسكين علينا زلة و لا إيه ؟؟

طبعا من حقنا نتكلم و ندافع طالما حتى الان لم يتم توضيح :
1- ادلة الحكم
2- سبب عدم إقامة جد الزنا عليه طالما متأكدين قوى كده !!!
3- سبب تغليظ الحكم بعد الإستئناف !!!!

[Mohd_Adel_Amin]

انا دلوقتي مش فاهم الموضوع وصل لفين ؟؟؟
يا جماعة وحدو الله ..
والموضوع كده مش هيخلص واقترح اننا نصوت على ايقافه

[haneena]

يا سبحان الله
الناس شافت اللي انا شوفته ااه
سبحانك يا رب
مش لوحدي اللي مشوف الامور بالمقلوب

ياريت بقه الناس اللي واخداه الحميه تعرف اني انا اللي ابتديت الموضوع برد على كلام كاتب المقال

والناس اتحمقت واهجمت بدون اي أدلة
وسابت الكاتب اللي انا رديت عليه وكاتب كلام ومقال بدون اي ادلة وبيهاجم الدولة كلها وكل ما فيها
علشان دكتور لا يعلم ان كان فعل ذلك او لم يفعل فعلا
ولكن علشان ابن بلده يبقى برئ وهما ولاد ستين

حسبي الله ونعم الوكيل في مقاييس الحق اللي ضاعت بين الناس

هيا دي مش حمية
اني اهاجم قبل ما اعرف فين الحق وفين الباطل

هو مين اللي هاجم يا أخواني يا محترمين
مين اللي هاجم وهو معندوش اي فكره ولا معلومة عن اللي بيقوله

ياريت الناس تراجع نفسها وتفكر هو الموضوع في الأصل كان بيتكلم عن ايه وكل واحد دخل يتكلم دخل ليه وعلشان يرد على ايه ودليله ايه

ماتتعبش قلبك يا استاذ عبدالله وياريت بيتبنوا راى واحد يستاهل دول بيدافعوا عن اللى كتب مسخرة "عبارة يعقوبيان" بصراحة حرام نسميها قصة او كتاب

[haneena]

فين فى الشرع قالو ان فيه حد يضرب الناس عشان تقفل المحل و تصلى؟؟؟
و فين قالوا ان وجه المرأه لازم يتغطى
فى الاحرام مافيش تغطيه للوجه و ده ارقى مقان يجمع العبد بربنا يبقى منين نقول ان تغطيه الوجه فى شرع ربنا؟؟؟؟
و ان اللى مايعملش اللى هما بيعملوه يبقى مش تبع شرع ربنا

و بعدين هما عندهم ملك تحبى يبقى هندنا ملك زيهم عشان بقى نطبق كل حاجه زيهم
و حضرتك بتسوقى العربيه؟ ايه رأيك ماتسوقيش كمان
و بالمره ننسى بقى حكايه ان انت يبقالك صوت فى اى انتخابات

على فكرة انا ماقولتش ان تغطية الوجهه فى الشرع ياريت بلاش تقولنى كلام انا ماقلتوش
كل اللى قلته ان هم بيعملوا كده هناك وعلى فكرة العرف فى المكان اللى انت فيه طالما لا يخالف الشريعة ولا يسبب اذى لازم يتطبق ودى قاعدة فقهية واللى مش عاجبوا المفروض مايروحش هناك
وياسيدى والله العظيم انا مستعدة ماسوقش ولا انتخب (قال يعنى هنا الانتخابات ليها لازمة) فى سبيل انى امشى فى الشارع وانا متطمنة مش ماشية مرعوبة كل ماواحد يعدى من جنبى اخاف لا يقول كلمة سافلة او يعمل حركة قذرة

[human]

هو ايه المسخره فى عماره يعقوبيان؟
الراجل رصد حاله مجتمع
ماجبش كلام من دماغه

مش عاجبك القصه ده موضوع تانى انت حره تعجبك او لأ
بس علاء الاسوانى مش نكره يعنى عشان تتكلمى عليه كده
و تقولى
"بيدافعوا عن اللى كتب مسخرة "عبارة يعقوبيان" بصراحة حرام نسميها قصة او كتاب"

اكن مثلا حاجه عجبه او احنا انشقينا و بقينا جماعه مكروهه مثلا

[waled369]

شكرا للأستاذ أبو عبد الله على اجابته عن سؤالي .

[أبو عبدالله]

شكرا للأستاذ أبو عبد الله على اجابته عن سؤالي .

لك جزيل الشكر
وعاوزين نتعرف على حضرتك ان شاء الله في اقرب فرصه بجد والله