الإسلام فى السعودية التى تدعى التدين‏

[human]

يا سيدي الفاضل و اين الدليل علي ان الطبيبان أذنبا , و علي أي اساس ادانتهم المحكمة و اصدرت حكمها عليهما ؟؟

مهما يا سيدى يتميزوا بالغباء الشديد ف شهدوا على نفسهم
و لما شهدوا على نفسهم ماكنوش محتاجين دليل ولا حرز ولا بلاغ ولا شهود ولا قضيه

افطن بقى و افهم انت مع نفسك

السعوديه قالت ان هما مجرمين - ده يكفى ان احنا نصدقهم

ااااه يا قلبى
تعبت

[وائل عطية]

انا تعبت نفسيا بجد
و قاعد فى الشغل متضايق

مش قادر افهم ايه اللى صعب نفهمه؟
ايه المشكله مش قادر افهم فيه ايه

احنا مالنا ليه المناقشات العقيمه فى حاجه باينه زى الشمس

ليه فيه ناس بتحاول تحسسنا ان السعوديه عشان كان فيها الرساله تبقى هى اعلى حاجه فى الاسلام ويبقى اى فتوى يقولوها نرفع القبعه و ندور على تبريرات للى بيعملوه فى الناس

ليه بنبرر خيبتنا و تعاملنا مع الامريكان؟ عارفين السعوديه بتستثمر فى امريكا ما يساوى 30% من اجمالى البورصه الامريكيه
ده ايه علاقته بان االسعوديه خايفه من أيران و ماتقولشى بره الموضوع حضرتك اللى جبت سيره ايران
و بعدين ايران مين قال ان هيا عايزه تحتل ارض الحجاز و الكلام ده
هو لسه فى حد بيفكر يحتل بلد ؟؟؟ امريكا بس عشان قادره و نوع من الهيمنه على العالم و هتموت و تخج من العراق يعنى مش تجربه لذيذه

و بعدين فيها ايه لما نقول السعوديين ينرفزو و يستفزوا المصريين و انهم بيعاملونا بقرف ده الناس كلها مجمعه على الموضوع ده و انت بتقول و تفند الكلام ده

و كل شويه نرجع نعيد و نزيد فى نفس الكلام و نلف و ندور من غير مانفكر تانى

كل ما حج يحلل الكلام منطقى نهب فيه و نقول ان هو بيعادى الشريعه عشان مش عاجبه الحكم
و فيها ايه يعنى لو مش عاجبنا؟؟؟ حضرتك هتستفيد ايه من ان كل شويه نشد فى الكلام معاك على نفس الموضوع
ده حضرتك بترد على ناس كتير لدرجه انا مش عارف انت مستفيد ايه من حرقه الدم ديه

ماتقوليش ان ده دفاع عن الاسلام او العقيده عشان احنا مش مختلفين فى الاسلام او فى العقيده احنا مختلفين على ناس ممكن تخطئ و ممكن تصدق بجد انا احترت و مش فاهم هو دفاعك المستميت ده ليه

هى السعوديه لما نساندها ده هيزود حسانتنت؟
و بعدين انت نقلك للموضوع كله من وجهه نظر السعوديه و بعدين بتقول ان انت بتنقل وجهات النظر؟؟ و جهات النظر اللى هى بس ضد اللى معظم الناس بتقوله

اكننا هناخد نشان فى الدنيا او نعلى مرتبه فى الاخره لما ندافع عن النظام و القضاء السعودى

ديه الكلمه الحلوه صدقه
يعنى حضرتك شايف ناس كتير متعاطفه مع الدكتور و برضه ماعجبكش تسيبهم و جبت كلام و مناقشات عليها الكثير من الجدل و اخدت الكلام اللى السعوديه بتقوله اكنه هو الصدق و كلام لا يرد ولم نفعل حتى عقلنا فى التحليل و محاوله منطقه الامور اول مايقولو ده مدان يبقى الناس ديه صح و زى الفل

يعنى الحكم و التحقيق بتاعهم اصلا محل شك كبييييييييييييير
بس حضرتك مش قادر تشوف غير كده
انت ماقولتش اى دليل غير كلامهم
و كلامهم اصلا مافهوش اى دليل
يبقى بتجادل في ايه؟؟؟؟؟
ليه اللف و الدوران ماهو الكلام واضح
بنقووووووووووللللللللل مافيييششششش دليللللللل ولا بلاغ ولا حرز ولا شهود
فين القضيه؟؟؟؟!!!! هه؟؟؟

معاك حق
كفاية كلام بقى بقينا بندور في حلقة مفرغة وواضح إن في خلط شديد بين إن الأراضي المقدسة في السعودية وبين نظام ودولة السعودية

[Samir Elshahawy]

و بعدين من الاخر كيف تدعي بلد ما التدين ثم تجلب اكثر من 6 مليون هندي - و انتم تعلمون ما دين الهنود - ليعملوا بأراضي مقدسة , الاتوجد عمالة مسلمة و تحتاج الي العمل في مصر او سوريا أو بلاد المغرب أو السودان أو غيرها من بلاد المسلمين

الا توجد خبرات في الدول الاسلامية ( ماليزيا - اندونيسيا - مصر - سوريا - العراق - الاردن - المغرب ) لتحل محل الخبراء الاجانب من امريكا و أوروبا

كيف ترمي الناس بالكفر و ترتمي في أحضانهم

الم تمد السعودية يد العون الي الغرب في الازمة المالية الحالية بالتحويلات المالية الضخمة في حين انها لم تساند اي قطر عربي او اسلامي في محنته و تترك ابناء الصومال و السودان فريسة المجاعات و الحروب الاهلية

هل هذا هو التدين ؟ هل هذا هو الاسلام ؟

[أبو عبدالله]

وهو حضرتك تعبان ليه يعني من كلامي
مش عاجبك سيبني اقوله وخلاص

طيب انا تاعب نفسي وبحرق دمي
انت حضرتك بقه بتحرق دمك معايا ليه

وليه حضرتك بتقلب الكلام على شخصي
حضرتك متضايق مني في شئ قولي
اما انك كل شويه تغلط وتتحدث على شخصي ده لن اقبله
مش كل شويه تتهمني وتقول انت مش عارف ايه ومش عارف ايه
ولما نيجي نشتكي نطلع عيال

طيب حضرتك عندك رد او مش عاجبك الرد بترد ليه وتشخصن في الكلام

للأسف اذا كان الحوار تعتبره عقيم فانت ممن تحاورت فيه
ومتهيألي ان محدش ضرب حد على ايده علشان يرد في موضوع مش عاجبه
وان كان هناك حميه فمتهيألبي اانت اقرب واحد لها بما انك متحامل علشان تعرف الدكتور واهله
وهذا ليس بدليل على برائته

ووجهة نظر وضحتها اني لا ارى ادلة تكذيب وارى حكم محكمة

وياريت لما تحب تتكلم على شخصي ممكن تكلمني انا وتقولي
مش تتكلم وتقول على لساني ما لم اقله ويبقى امر مسلم به عندك وعند غيرك اني فعلا قلت ما فهمته انت او بالأحرى ما تريد ان تفهمه انت

انا والله بستغرب على ردود حضرتك معايا واكنك تعرفني من سنين وبتعرف انا بفكر ازاي

وحسبي الله ونعم الوكيل في كل ظالم سواء القضاء السعودي او الدكتور المصري

[وائل عطية]

وحسبي الله ونعم الوكيل في كل ظالم سواء القضاء السعودي او الدكتور المصري

تمام وهو المطلوب إثباته
ياريت كلنا بقى نسكت ياجماعة خلينا نشوف أشغالنا !

[haneena]

معلش حضرتك حكمت على الكاتب على اي اساس انه مش بيعرف حاجة عن الدين والتدين
اعتقد ان التدين شيء بين العبد وربه فقط وربنا وحده سبحانه وتعالى المطلع على قلوب البشر

معلش يا نور واحد بيتكلم عن اساسيات الاسلام وهى الصلاة والحجاب وغيره على انها حاجات مش مهمة او لو يختار بينها وبين الديموقراطية المزعومة يبقى هيختار الديموقراطية
كلام فارغ
وبعدين يعنى هو كان عارف الحقيقة فين او اى حد تانى يعرف
ويعنى حتى لو اميرة سعودية منزهة عن الكذب زى مابيقول ماهو بيحصل عندنا العن من كده بيبقى ظابط مايسواش تلاتة ابيض وبيعمل فى خلق الله عمايل مهببة
ياريت نبقى نص السعودية فى تدينها ماكانش البلاوى اللى بنشوفها فى الشوارع بكل بجاحة دى حصلت

[Sharky]

وحسبي الله ونعم الوكيل في كل ظالم سواء القضاء السعودي او الدكتور المصري

هو دا إللى إحنا عايزين نقوله

شكرا

[أبو عبدالله]

طاب هو حضرتك عرفت انه فاضل منين !

مش يمكن يكون عمل الجرائم ديه فعلا !

و فى حالة لو كان عملها يبقى يستاهل اكتر من كده

و بعدين حتى لو تعرض لتعذيب او ضغوط ايه ذنب القضاة السعودين فى ذلك

القاضى يحكم بما تحت يديه من ادله و المتهم اعترف والاعتراف سيد الادله

اما عن شدة الحكم نفسه فمن يراه ظالما وغير انسانيا فاسمحوا لى لا مجال للجدال هنا هذه شريعة اسلامية

و انا معاكم ان النظام الملكى السعودى نظام مستبد الى حد ما

ولكن اخونا ابو عبد الله يخشى ان يستغل هذا الامر فى مهاجمة الشريعة الاسلامية نفسها بانها شريعة ظالمة و مستبده و خاصة من قبل العلمانيون و الغربيون و غيرهم و هذا ما لا نقبله

يا اخوانى الله عزوجل خلق الانسان و هو اعلم بما يصلحه و انزل له قانون و دستور و منهاج يمشى عليه و هذه العقوبات عقوبات رادعة حتى يستقيم باقى المجتمع

فتح الله عليك والله يا اخي الكريم

مش عارف والله تخيل بقه يا اخ هيومان ان في ناس بتشوف الموضوع زوي ما انا شايفه
يعني انا مش عجيب زماني

[human]

لا روح اشتكى ده مش شغل عيال عشان ماتغلطش فيا اكتر من كده

لو انت شايف انه عيب

ادينى ببلغ انى وحش و بشخصن و الاداره ياريت لو شايفانى متجنى تقوللى عشان اعرف انا فعلا شخصنت عليك ولا لسه




"وان كان هناك حميه فمتهيألبي اانت اقرب واحد لها بما انك متحامل علشان تعرف الدكتور واهله "
و كل ده و حضرتك مش متحامل عليه هو؟؟؟؟؟ ايوه انا فى صفه طبعا و مش بدارى يعنى بس مش بس عشان اعرفه و قريب مبى
بس عشان المنطق و الدلائل اللى حضرتك مش شايفها

" انا والله بستغرب على ردود حضرتك معايا واكنك تعرفني من سنين وبتعرف انا بفكر ازاي "
انا معرفكش بس انا برد على كلامك و ياسيدى الفاضل انا اتشرف بمعرفتك برضه مهما كان بس انا معرفكش كشخص انا بعرف الكلام اللى انت بتكتبه و حكى بقى انى اناقش فيه و اتكلم زى ماهو حقك تنقل و تدافع عن الاحكام اكنهم تابوه محدش يجىى ناحيته

"ووجهة نظر وضحتها اني لا ارى ادلة تكذيب وارى حكم محكمة "
يعنى حكم المحكمه ده المفروض مايتنقش و نصدقه زى ماهوه؟؟؟ التفكير ده بعيد عن المنطق


" طيب حضرتك عندك رد او مش عاجبك الرد بترد ليه وتشخصن في الكلام"
هرد على مين هو فى حد بيجادل فى نفس الموضوع فى كل حته غير حضرتك ما فيه ناس بتكتب و مش عاجبها الدكتور و ماحدش اختلف معاهم كده بس حضرتك لما بتتكلم بتبقى متحامل بزياده و بطريقه انا بشوفها مستفذه

و بعدين ده تكريم ليك نوعا ما ان احنا بنجادل معاك يعنى انت لو بتسفه الامور و اسلوبك العام مش كويس او كشخص عليك جدل ماكناش كلنا بنختلف معاك كده
انا بختلف معاك و تاعب قلبى عشان انا يهمنى انت ماتكتبش وحش عن الراجل ده
عشان انت كشخص انا شايف انه مهم هنا و كلامه مؤثر فامينفعش اسكت و انا من وجهه نظرى بشوفك بتحيد عن حق الدكتور

و كمان ده مش رأيى لوحدى و ناس كتير قالت نفس المعنى فأكيد مش انا بس اللى رأيى كده

وشكرا

[أبو عبدالله]

معلش يا نور واحد بيتكلم عن اساسيات الاسلام وهى الصلاة والحجاب وغيره على انها حاجات مش مهمة او لو يختار بينها وبين الديموقراطية المزعومة يبقى هيختار الديموقراطية
كلام فارغ
وبعدين يعنى هو كان عارف الحقيقة فين او اى حد تانى يعرف
ويعنى حتى لو اميرة سعودية منزهة عن الكذب زى مابيقول ماهو بيحصل عندنا العن من كده بيبقى ظابط مايسواش تلاتة ابيض وبيعمل فى خلق الله عمايل مهببة
ياريت نبقى نص السعودية فى تدينها ماكانش البلاوى اللى بنشوفها فى الشوارع بكل بجاحة دى حصلت

يا سبحان الله
الناس شافت اللي انا شوفته ااه
سبحانك يا رب
مش لوحدي اللي مشوف الامور بالمقلوب

ياريت بقه الناس اللي واخداه الحميه تعرف اني انا اللي ابتديت الموضوع برد على كلام كاتب المقال

والناس اتحمقت واهجمت بدون اي أدلة
وسابت الكاتب اللي انا رديت عليه وكاتب كلام ومقال بدون اي ادلة وبيهاجم الدولة كلها وكل ما فيها
علشان دكتور لا يعلم ان كان فعل ذلك او لم يفعل فعلا
ولكن علشان ابن بلده يبقى برئ وهما ولاد ستين

حسبي الله ونعم الوكيل في مقاييس الحق اللي ضاعت بين الناس

هيا دي مش حمية
اني اهاجم قبل ما اعرف فين الحق وفين الباطل

هو مين اللي هاجم يا أخواني يا محترمين
مين اللي هاجم وهو معندوش اي فكره ولا معلومة عن اللي بيقوله

ياريت الناس تراجع نفسها وتفكر هو الموضوع في الأصل كان بيتكلم عن ايه وكل واحد دخل يتكلم دخل ليه وعلشان يرد على ايه ودليله ايه

[Samir Elshahawy]

ياريت نبقى نص السعودية فى تدينها ماكانش البلاوى اللى بنشوفها فى الشوارع بكل بجاحة دى حصلت

سيدتي الفاضلة : مصر فيها دين و أخلاق أحسن من السعودية كمان بس هي نسبة و تناسب , احنا كام و هما كام و بعدين مصر عليها الاضواء باستمرار اي مصيبة تحصل تلاقي الدنيا قامت و ماتقعدش تاني لكن هناك كل حاجة بتحصل في الخفاء و العن من اللي بيحصل عندنا في النور و الدليل هو الاحكام اللي بينفذوها بعد كل صلاة و بقالهم علي كده سنين , لو كانوا متدينين صحيح كانوا اتعظوا و بطلوا

و بعدين أسألي الناس اللي في البحرين و انتي تعرفي قد ايه من السعوديين بيروحوا هناك يوم الخميس و الجمعة و ليه

صدقوني السعودية مش هي الكعبة و الحرم النبوي الحكومة و النظام غير الاماكن المقدسة اللي هما مايستحقوهاش

[haneena]

هل حضرتك عشت في السعودية؟

نعم/لا ؟


أنا سأحكي موقف حدث في التسعينات :)

والدتي ووالدي و خال والدتي و زوجته ذهبوا للتسوق في مكان يدعى "سوق الحب" في الدمام. وكانت أمي ترتدي ايشارب مثل الذي يرتدى هنا في مصر.

1- فوجئت أمي بعصا تضربها على رأسها هي و زوجة خالي.

2- أمي كانت حاملاً في اختي الصغيرة و اغمى عليها .

3- لم تقف قلة الادب على هذا فقط. بل تم نهر والدي بحجة انه اخرجها من المنزل غير محتشمة!! (ملاحظة : والدتي كانت ترتدي جلباب واسع جدا و لا يظهر من جسدها أي شيء سوى الكفين والله).

موقف آخر :

في عام 2001 في الدمام تم اقتياد بعض الفلبينيين العاملين في شركة تدعى "حمود السماح" و تم ضربهم و تعنيفهم وكاد الأمر يصل لكارثة "حيث أن احدهم اصاب بكسر في قدمه و الاخر نزفت رأسه".

لماذا؟ لأنهم ماشيين في الشارع وقت الصلاة.

وحاول الولد الفلبيني يفهم الحمار اللي بيحقق معاه انه ليس مسلم ويقوله I'm Christian ولكن لم يفهم الجاهل أي حرف "لأن اغلب العاملين بالهيئة معاهم اعدادي فقط- ولا أقصد تحقير اللي معاه شهادة اعدادية فقط طبعا" وكل ما عليه هو أنه نزل فيه تلطيش و ردد عبارات غير مفهومة للفلبيني طبعا!!.


والله العظيم هذه المواقف حدثت دون زيادة أو نقصان مني و الله يشهد!

ياريت اللي ميعرفش ميتكلمش !

ثم أن علاء الأسواني ميعرفش؟ طيب هل قرأت حضرتك رواية شيكاغو؟ او قرأت رواية عمارة يعقوبيان؟

يا اخي والله كل اصدقائي السعوديين معترضين على الحكم ويصفوه بالهمجي و المتخلف! يعني وشهد شاهد من أهلها!


عموما لا تعليق أكثر من ذلك ولسة هنشوف وهنشوف.

معلش انا ليا تعليق معروف ان الحجاب فى السعودية هو تغطية الجسد بالكامل واهم شئ الوجهه ولازم اللى يعيش هناك يمشى بالمنظر ده والا تكون غير محتشمة
تانى حاجة المفروض اللى ماشيين او فاتحين محلاتهم وقت الصلاة دول ايا كانوا غلطانين
وانا باقول تانى ياريت احنا نطبق شرع ربنا ونبقى ربع السعودية حتى كان حال البلد اتصلح

[elassar2010]

طاب هو حضرتك عرفت انه فاضل منين !

مش يمكن يكون عمل الجرائم ديه فعلا !

و فى حالة لو كان عملها يبقى يستاهل اكتر من كده

و بعدين حتى لو تعرض لتعذيب او ضغوط ايه ذنب القضاة السعودين فى ذلك

القاضى يحكم بما تحت يديه من ادله و المتهم اعترف والاعتراف سيد الادله

1 الاصل فى الانسان البراءة ودة الى بيقول كدة دينى الاسلام
2 ممكن يكون عمل الجرائم وممكن ميكونش عملها
3ذنب القاضى انة لازم يتحرى على الوقائع الى امامة مرة واتنين وتلاتة كمان الدين بيقول كدة
4 ان الدكتور اعترف بالجرايم فى مصر جميع المتهمين فى قضايا امن الدولة فى محاضر امن الدولة بيعترفوا بالجرايم تفصيلايا والمحكمة بدور على الاثباتات وبيطلع انهم اتهددوا
السعودية حكمت عليهم لية ؟؟؟؟؟؟؟؟؟؟؟؟؟؟؟
كل يوم يضيفوا جريمة جديدة وبعدين لو الدكتور دة مش ممتاز مكانش قعد فى المستشفى يوم واحد

[haneena]

انا بقى عشت فى السعودية وبقول ان الى انتا بتقولة دا اققل حاجة هناك
انا عشت هناك حوالى 13 سنة وبقول ان هما شوية همج وبدو وفاكرين نفسهم مسلمين وهماا لا يمتوا الى الاسلام بصلة من قريب ولا من بعيد غير الدقن والجلابية القصيرة الى فرحانين بيهم هناك
وبعدين جلد اية يا ولاد *** هما فاكرين نفسهم ايام قريش ؟؟

استاذ سعداوى نصيحة بلاش تتريق على موضوع الجلد وتقول ايام قريش ده شرع ربنا وحدوده

[human]

معلش انا ليا تعليق معروف ان الحجاب فى السعودية هو تغطية الجسد بالكامل واهم شئ الوجهه ولازم اللى يعيش هناك يمشى بالمنظر ده والا تكون غير محتشمة
تانى حاجة المفروض اللى ماشيين او فاتحين محلاتهم وقت الصلاة دول ايا كانوا غلطانين
وانا باقول تانى ياريت احنا نطبق شرع ربنا ونبقى ربع السعودية حتى كان حال البلد اتصلح

فين فى الشرع قالو ان فيه حد يضرب الناس عشان تقفل المحل و تصلى؟؟؟
و فين قالوا ان وجه المرأه لازم يتغطى
فى الاحرام مافيش تغطيه للوجه و ده ارقى مقان يجمع العبد بربنا يبقى منين نقول ان تغطيه الوجه فى شرع ربنا؟؟؟؟
و ان اللى مايعملش اللى هما بيعملوه يبقى مش تبع شرع ربنا

و بعدين هما عندهم ملك تحبى يبقى هندنا ملك زيهم عشان بقى نطبق كل حاجه زيهم
و حضرتك بتسوقى العربيه؟ ايه رأيك ماتسوقيش كمان
و بالمره ننسى بقى حكايه ان انت يبقالك صوت فى اى انتخابات