الإسلام فى السعودية التى تدعى التدين‏

[وائل عطية]

- السعودية بتساعد الأمريكان والبريطانيين بالبترول منذ غزو العراق

مش ذنبي إنك تجهل الكلام دا..
ولو فكرت كويس هاتعرف إن دي نقطة تؤخذ في الحسبان عند تقييم الموضوع إجمالاً

[ahmed1981]

يا ريت تقرا الموضوع من اوله الدكتور ده قريب منى و الاعتراف سيد الادله فعلا بس لو فيه دليل و بلاغ و نظام قضائى
يعنى انت لو مسكوك و ادوك علقه محترمه بعد الشر و خلوك تكتب اى كلام
لما تروح قدام القاضى و برضه بتقول كلام يدينك لو مافيش دليل القاضى هيقولك مع السلامه
و على فكره القاضى هناك هو هو المحقق يعنى النيابه هى القاض حاجه كده

هناك فيه نظام قضائي كامل والمحامي تتكفل المحكمة بتوفيره لك

القاضي هناك ليس هو المحقق
المحقق بيكون ضابط شرطة في القسم
والقاضي بيكون رجل آخر في المحكمة

العرب المسلمين اللى حضرتك بتتكلم عليهم اغلبهم موش عايز خير ليك
انا مش بكره حد او بكره جنس معين ياريت نضيع شويه وقت و نقرا سياسه علشان نشوف الاخوه الافاضل فى السعوديه عايزين مننا ايه

التعميم خاطيء في جميع الحالات
فرجاءاً لا داعي للتعميم

يا عاستاذ اليشع ماحدش عايز يفكر بالعقل و يرجعوا يقولوا قبليه و همجيه
انا قلت قبل كده لو حد مكانه لو قالولوا قول ان انت قتلت كليبر هيقول من غير مناقشه
بس خلاص لازم نحيد العقل و ننصر اى شيخ عشان نغنى امجاد يا عرب امجاد و ماحدش مبهدلنا قد العرب

الموضوع محتاج تأكيد إن حصل تعذيب
والخطأ وارد من كل البشر
ومش لازم ننصر أي حد لمجرد صفته
لكن لازم الأول نعرف التفاصيل الدقيقة

و سؤال بالمره للى بيحبوا السعوديه
هو الملك هناك ملك ازاى؟ يعنى امتلك السعوديه و بترولها منين؟ مين اديهاله؟
فين حكايه الملك ديه فى الاسلام؟ ماقرتش اى حاجه فى كتاب الله تعالى او سمعت اى حديث بيقول ان الاسلام فيه ملوك جابوها منن ديه؟ و الناس اللى نظامها كده ممكن يطلع منها قضاء ليه علاقه بالاسلام؟

أنظمة الحكم موضوع آخر بعيد عن موضوعنا





وأنا لا أدافع
ولكن أتمنى أن نركز في قضية واحدة ولا نشتت أنفسنا
ونناقش الأمر بعيداً عن الظنون
ونجمع معلومات من جهات موثوقة وليس من الصحافة وغيرها
ونصل في النهاية لحل مناسب
لكن الحكم قبل جمع المعلومات السابقة ليس حكم بل ظن والظن أكذب الحديث
أقول ذلك للجبهتين

[human]

نظام الحكم لو فاسد يبقى النظم اللى تحتيه فاسده
و كله مترابط بعضه
زى عندنا كده

و خلاص انا بالنسبه ليا كفايه كده
انا فى مود زباله بسبب التعنت بتاع الناس

حد هنا قال انهم قالوله يا مصرى اكنها شتيمه
هى فعلا شكلها بقت كده

و حد من اللى بيدافع عن السعوديه مش فاكر الاسامى بيقول بلاش تفاخر و كده الكوميديا السوداء انه بيقول كده على مجتمع قبلى تحكمه عصبيه القبيله و بيتغنو بالانساب

[Sharky]

والله احنا بنحب الكلام عن الحق نفسه

شعب بتاع كلام وبس

الشعب المصرى كله بتاع كلام و بس يا أبو عبدالله !!!
يبقى معنى كلامك إن انا و إنت وعائلتى و عائلتك بتوع كلام و بس !!!
كلام غير مقبول على الأقل بالنسبة لى و لعائلتى

ومتهيألي حضرتك ممكن تيجي مصر وانا أخليك تكره نفسك من مواقف انيل وازفت من اللي حضرتك بتحكي عليها
بس احنا بننسى بس

يعني تفتكر الشعب اللي اكل عيش من بواقي اكل ابهايم في الخارج ده كده ميه ميه

تفتكر العساكر المصريين والظباط وامناء الشرطه مفيهمشي حد بيعمل انيل من اللي حضرتك ذكرته

للأسف اللي بيته من زاجاج ميحدف الناس بالطوب
واظن ان بيتنا من ورق وليس من زجاج بس

ولكن حميه والله

يعنى المفروض علشان فيه مشاكل عندنا فى مصر نرضى إننا نتظلم فى أى حتة فى العالم !!!!!

التعامل مع الجنسيات الأوربية و الامريكية بيبقوا زي القطط علشان لو رفعوا عنيهم في أسيادهم هياخدوا بأقذر جزمة و التعامل مع جنسيات الدول الأخرى اللي احنا منهم طبعا بيكون من البرج العاجي ( أسد على و في الحروب نعامة )هو الاسلام برضه مش بيساوي بين الناس و لا الاسلام السعودي غير .

فعلا دا كلام صحيح
أنا خالى كان بيشتغل فى السعودية لفترة قريبة و قالى إنه كان يعرف طبيب مصرى معاه الجنسية الامريكية كسر إشارة فى الشارع بعربيته فخدوه و وودوه القسم و دخلوه أوضه بيحجزوه فيه المخالفين طبعا لما عرفوه إنه مصر فإتكلم بالتليفون السفارة الامريكية و قالهم إنه فى القسم و بعد نصف ساعه جالوا ضابط أمريكى و معاه ظابط سعودى و طالبه الظابط إلى حجزه يفرج عنه فورا لدرجة إنه راح لبسه الجزمة بتاعته كمان لإنهم بيقلعوها لما بيدخلو الحجز
و قعد يعتذر له و قاله ليه قلت فى الأول إنك مصرى و ماقلتش إنك أمريكى !!

من الاخر الشعب السعودى زيه زى أى شعب عربى و مسلم و ليس تدينهم أفضل حالا من بقية المسلمين بل يكاد يخفى ورائه الكثير من المخالفات

انا مش فاهم بقه ايه اللي المفروض نكون ظلمنا فيه واحنا اصلا بننقل كلام

حضرتك نقلت كلام من طرف واحد و حاولت تقنع الباقى بصحته و لم تهتم بالرأى الاخر

ادعو له والله ان كان مظلوما ان يفك اسره ويغفر له
وان كان غير مظلوم فهو يستحق ذلك

دا كلام مؤيده

وانما الكلام اللي بيتقال بمزايده واحنا عندنا هنا في بلدنا ازفت منه ومحدش بينطق ولا بنسمع كلام احد

مش معنى كده إننا ما نتكلمش و نسكت لو فيه ظلم !!

انا برد من الأول على مقال شايف فيه مزايدات وحرب على الدين وليس السعودية للعلم
وتقرير ران الأمريكي اقل دليل على ذلك الكلام

يعني الكلام بتاع القضيه قلب لتشكيك في الحكم القضائي وحكم السعوديين والستات اللي بتضرب والرجاله مش عارف ايه
ودلخنا في احكام الشريعه

ده كله ومش عاوز الواحد يتحرق دمه

ده ضرب للدين من تحت لتحت وبأيدينا
والله للأسف نجحوا انهم يغسلو دماغنا بجد فعلا

وحسبي الله ونعم الوكيل

والله المستعان

مع إحترامى مش علشان خايف على الإسلام إنى ما أتكلمش على حكم سعودى ممكن جدا يكون ظالم و حصل فيه مخالفات و إعترافات تمت بالتعذيب
, يبقى كمان غسيل مخ و نجح الأعداء فى إنهم يدمروا الإسلام !!
لأن السعودية ليس دولة الخلافة الإسلامية و زيها زى أى دولة إسلامية
و ليست هى رمز الإسلام

الله يرحم ايام زمان كنا بنغني بلاد العرب اوطاني وكل العرب اخواني

يا أخ ابو عبد الله انت بتنفخ في قربة مقطوعة
مافيش فايدة في الكلام
اللهم اني اشهدك اني مسلم احب كل مسلم سعودي , مصري , هندي ,فلسطيني كل المسلمين اخوة مهما اختلف لونهم ومهما اختلفت لهجاتهم
اللهم اني اشهدك ان ولائي لك ولمن اتبع رسولك
اللهم انصر المسلمين في كل مكان وزمان و اذل الشرك والمشركين ومن والاهم في كل مكان وزمان
اللهم اهلك الظالمين بالظالمين واخرجنا من بينهم سالمين
اللهم اجعل كل المسلمين في كل مكان اخوة وانصرهم

هو حضرتك عايزنا نرجع تانى للقبلية و ننادى للعرب و لا ننادى للإسلام !!

سؤال اخير هما مش بيقولى إنه إعترف إنه زنا ليه لم يقم عليه حد الزنا !!!

[Samir Elshahawy]

اود ان احيي صاحب المقال الاستاذ علاء الاسواني و احب ان اوجه الشكر الي نور القمر لنشر هذا المقال الذي يؤكد حقيقة رأيتها بعيني في بلد تدعي التدين و لكنها أبعد ماتكون عن التدين فما هم الا متطرفون و احكامهم متناقضة و عقولهم هواء

لقد رأيت في السعودية التي تدعي التدين مالم أراه في شواطئ العراة بأوروبا فهناك مناطق كاملة مغلقة و معزولة تتبع الاسرة المالكة و امرائها و اميراتها و خدامهم من الاجانب ترتكب بها كل المعاصي و المحرمات التي تعاقب عليها الشريعة بالقتل و ليس مجرد الجلد

ثم تعالوا لننظر , اليست السعودية هي البلد التي تدعي انها تطبق شرع الله بقطع يد السارق و جلد شارب الخمر و قطع رقبة القاتل و رجم الزانية علنا و بعد كل صلاة أمام حشد من الناس , و مع ذلك ترتكب هذه الاعمال كل اسبوع و تتكرر العقوبة فلم تصل السعودية بشعبها الي المثالية او تصنع بذلك مدنا فاضلة

ووقت الصلاة عندما يمر من يسمون انفسهم الامر بالمعروف و النهي عن المنكر لينادوا علي الناس للذهاب الي الصلاة و لا يذهبون هم و اذا دخلت المسجد وجدته فارغا الا من قليل بينما يختبئ الجميع داخل متاجرهم المغلقة

الاسلام لم ينتشر بحد السيف كما يزعم البعض و انما بحسن معاملة المسلمين لمن يدينون بديانات أخري و احترامهم لعقائدهم مما دعاهم للدخول في هذا الدين الذي يدعم الخلق و القيم الروحية و لكن مانراه من اكراه و عنف لن يكون مرده الاعنفا أكثر منه

[أبو عبدالله]

مش ذنبي إنك تجهل الكلام دا..
ولو فكرت كويس هاتعرف إن دي نقطة تؤخذ في الحسبان عند تقييم الموضوع إجمالاً

هو مين اللي عداهم من قناة السويس يا استاذ وائل الخلايجه ولا مين مش عارف

ومين قالكم ان احنا مكنش عندنا قاعده للأمريكان في سيناء

السعودية مشكلتها مع الأمريكان انها خايفه من ايران
وتعتبر ايران عدوها الاول
لأن ايران اللي عملته في المسجد الحرام واللي في نواياها هو اخذ ارض الحجاز

ثم ممكن تقولي هما بيساعدواالامركان واحنا بنساعد الأسرائليين ولا نسينا الغاز الطبيعي بتاعنا


----------------------

اما كلاتمك يا احمد يا شاركي مش هرد عليه لأنه موجود ردوده في الشاركات السابقة

[وائل عطية]

هو مين اللي عداهم من قناة السويس يا استاذ وائل الخلايجه ولا مين مش عارف

ومين قالكم ان احنا مكنش عندنا قاعده للأمريكان في سيناء

يامحمد من فضلك اقرأ مداخلتي اللي في صدر الصفحة السابقة
أرجوك بلاش خلط للأمور ..
مرة تانية ياجماعة أقول ..إنني أتحدث من وحى انتمائي لإسلامي وليس لبلدي ..فلا يعنيني كون القضية في مصر أو في السعودية..

[Sharky]

هو مين اللي عداهم من قناة السويس يا استاذ وائل الخلايجه ولا مين مش عارف

ومين قالكم ان احنا مكنش عندنا قاعده للأمريكان في سيناء

السعودية مشكلتها مع الأمريكان انها خايفه من ايران
وتعتبر ايران عدوها الاول
لأن ايران اللي عملته في المسجد الحرام واللي في نواياها هو اخذ ارض الحجاز

ثم ممكن تقولي هما بيساعدواالامركان واحنا بنساعد الأسرائليين ولا نسينا الغاز الطبيعي بتاعنا

إحنا و هما غلطانين لإننا بساعد أعدائنا
و بلاش الله يرضى عليك تبريرات مساعدة السعودية للامريكان و الحمية للسعودين او غيرهم
لإنها و بكرر ليست هى الخلافة الإسلامية و زى زى أى دولة عربية و مسلمة

اما كلاتمك يا احمد يا شاركي مش هرد عليه لأنه موجود ردوده في الشاركات السابقة

للأسف غير موجود فى المشاركات السابقة علشان كده كتبت مشاركتى السابقة

[Mohd_Adel_Amin]

هو مين اللي عداهم من قناة السويس يا استاذ وائل الخلايجه ولا مين مش عارف

ومين قالكم ان احنا مكنش عندنا قاعده للأمريكان في سيناء

السعودية مشكلتها مع الأمريكان انها خايفه من ايران
وتعتبر ايران عدوها الاول
لأن ايران اللي عملته في المسجد الحرام واللي في نواياها هو اخذ ارض الحجاز

ثم ممكن تقولي هما بيساعدواالامركان واحنا بنساعد الأسرائليين ولا نسينا الغاز الطبيعي بتاعنا


----------------------

اما كلاتمك يا احمد يا شاركي مش هرد عليه لأنه موجود ردوده في الشاركات السابقة

يا ابو عبد الله .. يا ابو عبد الله
احنا دلوقتي مش بندافع عن مصر وبنفضلها على السعودية .. احنا عارفين ان مصر والسعودية كل واحدة اخيب من اختها !!
احنا عازين نقول للناس اللي مشافتش السعودية غير عن طريق الفضائيات ان السعودية مش هي ارض الخلافة وانها مش بتطبق شرع الله وانا اتحدى اي انسان في الوجود يثبتلي ان السعودية بتطبق شرع الله ..

[Mohd_Adel_Amin]

وبالمناسبة السارة جدا موضوع تبرير وجود القواعد الامريكية في السعودية بالخوف من ايران .. اتمنى ان حضرتك تراجع تاريخ آل سعود كويس وتشوف كانو خايفين من مين طول عمرهم .. انا مش عايز اتعمق في الموضوع ده علشان منخرجش برا الموضوع انا بس بنصحك تقرأ تاريخ آل سعود من مصدر أجنبي علشان المصادر العربية معظمها تابعة ليهم ..

[أبو عبدالله]

بعيد عن الموضوع الأصلي

يعني المفروض إن المصريين يقبلوا الهوان في خارج بلدهم لأن أحوال بلدهم سيئة مثلاً ؟؟؟
ولا المسأله رد للحمية وخلاص !

مينفعش تطلب من أحد تقبل الهوان لمجرد إن حال بلده سيء

اساذ احمد من الواضح انك متحفز للردودي شويه
وعالعموم انا لم اقصد ما كتبته
ولكن انا اقصد ان زي ما في الوحش هناك في الوحش هنا
يعني مينفعشي اعمم الكلام على الشعب

الناس بتتكلم على الدقون ومش عارف ايه طيب كام واحد مش بدقن بيسرق وبينصب
هتلاقيهم اكتر من كل الدقون اللي في العالم كله
يبقى ينفع اقول كل واحد مش ملتحي حرامي وكلهم نصابين

هو ده مقصد كلامي

مينفعشي اتكلم في حالات واعممها على شعب كامل

ومع احترامي لو حصل كده يبقى مفيش اكتر من الحرامية اللي عندنا
تعذيب موجود نصب موجود قتل موجود
فساد ووسايط موجود رشاوي موجود
هاتلي حاجه فاسده واحده مش موجوده في مصر

يبقى زي ما احنا هنقول عليهم انهم مش عارف ايه علشان حالات
يبقى احنا هيتقال علينا ومن حقهم انهم يقولوا ان احنا كذا وكذا وكذا وكذا

مش كده ولا ايه

[أبو عبدالله]

يا جماعه علشان الكل يرتاح خلينا نفصل الموضوع لنقاط محدده :

1- امامي رجل لا أعلم عنه شئ ولو اعلم فهذا لا يعفيه من الخطأ والمسائلة
2- امامي حكم قضائي سعودي الوضع الطبيعي اني احترمه لأن لا يوجد ما يجعلني اشكك فيه
خصوصا اني لا امتلك اي ادلة عكس كلامهم الا كلام ناس وهذا لا يغني في الحكم لأنهم اقاربه وبس
3- الظن السئ او التكذيب لازم ادله عليه .... حد عنده ادله على التكذيب
ولو هناك ادلة ارجو ان تكون ادلة يأخذ بها مش اهواء لا يأخذ بها في المحكمة

طيب يبقى ايه الوضع

المفروض اني اقل تقدير اني لا افتي وانا لا اعلم اي شئ
طيب مين قال ان احنا بندافع وبنعمل
لو تفتكروا ان بداية الموضوع هو كاتب لا يعلم اي شئ واكررها لأني اعلم ما اقوله

طيب كلامه اخد جانب ان الدكتور برئ وهاجم بلد كامل واخرجها من ملتها كاملة

طيب كان من الطبيعي للأمر اني اجد ان الكلام بدون ادلة
زي ما الأخوة بيطالبو بالأدلة مني انا

طيب هو دليل الكاتب ايه لما الأخوة بيقولوا اني بهاجم من يخالفني في الراي

هو مين اللي هاجم مين بالله عليكم

انا رديت على مقاله في هجوم بدون دليل
والواحد محروج ان الكاتب من بلده وبيتكلم بالمنظر ده
لأن هو معندوش اي دليل يقوله

فانا رديت على كلامه بكلام القضاء السعودي وما قاله
واعذروني فأنا لا افرق بين مسلم سعودي ومسلم مصري
الأثنين سواء عندي

يبقى مين هاجم مين ومين دافع عن مين ومين بيتكلم بدون ادله

[human]

انا تعبت نفسيا بجد
و قاعد فى الشغل متضايق

مش قادر افهم ايه اللى صعب نفهمه؟
ايه المشكله مش قادر افهم فيه ايه

احنا مالنا ليه المناقشات العقيمه فى حاجه باينه زى الشمس

ليه فيه ناس بتحاول تحسسنا ان السعوديه عشان كان فيها الرساله تبقى هى اعلى حاجه فى الاسلام ويبقى اى فتوى يقولوها نرفع القبعه و ندور على تبريرات للى بيعملوه فى الناس

ليه بنبرر خيبتنا و تعاملنا مع الامريكان؟ عارفين السعوديه بتستثمر فى امريكا ما يساوى 30% من اجمالى البورصه الامريكيه
ده ايه علاقته بان االسعوديه خايفه من أيران و ماتقولشى بره الموضوع حضرتك اللى جبت سيره ايران
و بعدين ايران مين قال ان هيا عايزه تحتل ارض الحجاز و الكلام ده
هو لسه فى حد بيفكر يحتل بلد ؟؟؟ امريكا بس عشان قادره و نوع من الهيمنه على العالم و هتموت و تخج من العراق يعنى مش تجربه لذيذه

و بعدين فيها ايه لما نقول السعوديين ينرفزو و يستفزوا المصريين و انهم بيعاملونا بقرف ده الناس كلها مجمعه على الموضوع ده و انت بتقول و تفند الكلام ده

و كل شويه نرجع نعيد و نزيد فى نفس الكلام و نلف و ندور من غير مانفكر تانى

كل ما حج يحلل الكلام منطقى نهب فيه و نقول ان هو بيعادى الشريعه عشان مش عاجبه الحكم
و فيها ايه يعنى لو مش عاجبنا؟؟؟ حضرتك هتستفيد ايه من ان كل شويه نشد فى الكلام معاك على نفس الموضوع
ده حضرتك بترد على ناس كتير لدرجه انا مش عارف انت مستفيد ايه من حرقه الدم ديه

ماتقوليش ان ده دفاع عن الاسلام او العقيده عشان احنا مش مختلفين فى الاسلام او فى العقيده احنا مختلفين على ناس ممكن تخطئ و ممكن تصدق بجد انا احترت و مش فاهم هو دفاعك المستميت ده ليه

هى السعوديه لما نساندها ده هيزود حسانتنت؟
و بعدين انت نقلك للموضوع كله من وجهه نظر السعوديه و بعدين بتقول ان انت بتنقل وجهات النظر؟؟ و جهات النظر اللى هى بس ضد اللى معظم الناس بتقوله

اكننا هناخد نشان فى الدنيا او نعلى مرتبه فى الاخره لما ندافع عن النظام و القضاء السعودى

ديه الكلمه الحلوه صدقه
يعنى حضرتك شايف ناس كتير متعاطفه مع الدكتور و برضه ماعجبكش تسيبهم و جبت كلام و مناقشات عليها الكثير من الجدل و اخدت الكلام اللى السعوديه بتقوله اكنه هو الصدق و كلام لا يرد ولم نفعل حتى عقلنا فى التحليل و محاوله منطقه الامور اول مايقولو ده مدان يبقى الناس ديه صح و زى الفل

يعنى الحكم و التحقيق بتاعهم اصلا محل شك كبييييييييييييير
بس حضرتك مش قادر تشوف غير كده
انت ماقولتش اى دليل غير كلامهم
و كلامهم اصلا مافهوش اى دليل
يبقى بتجادل في ايه؟؟؟؟؟
ليه اللف و الدوران ماهو الكلام واضح
بنقووووووووووللللللللل مافيييششششش دليللللللل ولا بلاغ ولا حرز ولا شهود
فين القضيه؟؟؟؟!!!! هه؟؟؟

و بعدين يا ابو عبدالله
انا تعبت


=========
العضو الكريم
يرجى عدم تحول الحوار القائم إلى شخصنة والذي من شأنه أن يخالف بذلك القاعدة رقم (13) من قواعد المنتدى
وشكرا
مشرف القسم

[Samir Elshahawy]

يا سيدي الفاضل و اين الدليل علي ان الطبيبان أذنبا , و علي أي اساس ادانتهم المحكمة و اصدرت حكمها عليهما ؟؟

[Sharky]

مبن الاخر إللى بيدافع عن الحكم السعودى و نزاهته
يظهر لنا الادلة إللى القضاه السعوديين إحتكموا إليها

لو ظهرت الادلة دى و ثبت إن الطبيب المصرى غلطان فهو يستاهل الحكم و أكثر منه كمان و حاكون أول واحد يحى القضاه السعوديين على حكمهم العادل

و حتى الان فى إنتظار الإجابة ليه لم يقم عليه حد الزنا رغم إنها من ضمن جرائمه !!!