Tweet
المشاركة الأصلية كتبت بواسطة FAR!D
مشاهدة المشاركة
-
انتي قتلتني من الضحك
-
استاذ imhotep
حقيقي انا مستمتع بالقراءة وكمية المعلومات اللي موجودة في مشاركاتك ومنبهر بكيفية الربط بين الاحداث والسياسة والاقتصاد
انا كنت الاول بكتب ... دلوقت انتقلت من كاتب لقارئ من كمية الكلام الدسم اللي موجود في مشاركاتك
ياريت بجد متحرمناش من مشاركاتك ويبقي شئ جميل جدا لو فتحت موضوع مخصص كل فترة يتناقش فيه كافة الاعضاء باحترام من اجل افادة الجميع
تحياتي ليكComment
-
شوفوا يا جماعة
مشكلة مصر باختصار والعديد من الدول العربية حتى الغنيه منها
هي
في
القانوووووووووون واحترامه من الجميع
ازمة مصر الاساسية في القانون ..
المشاكل لازم تحصل واكيد حتحصل سواء مع افراد او شركات او الحكومة ذاتها
واي مستثمر محلي او اجنبي
يهمه انه لما يتنيل بنيله يقع في مشكلة تبقى الاجراءات واضحه
انا عشت في دبي والسعودية كمستشار قانوني ومدير عقود شركات كبيره
طبعا دبي وابو ظبي من افضل الاماكن للادارة الاعمال
لانها تطبق القانون .. والعدالة ناجزه .....
في مصر بقه .. بتلاقي ميت ايد بتتمد عايزه تاكل .. وبصه للمستثمر او رجل الاعمال المصري او الاجنبي
عايزه تقلبه باي شكل وطريقه ....
اذن الازمه ملخصها امرين
قانون واضح ومحدد .. بينفذه ناس فاهمه بتتقى الله
وعدالة ناجزه ..
ما تخلنيش كمستثمر اتقلب من شركة مصرية مثلا .. ويضحك صاحبها
هاااااهأ
خد حقك بالمحكمة بعد 15 سنة ان شاء الله .. ابتدائي .... واستئناااااااف .. وبعدين نقض ..
ويدينا ويديكو طولت العمر ....
طبعا سواء في الخليج او مصر .. ما حدش قدر يلعب اللعبه دي مع شركة كنت فيها ..
عشان الحمد لله .. ومن كتر اللدغات اصبح الترياق جااااهزا ..
وبخليه هو يعيط .. رغم ان ظاهر الامر انه لصالحه تماماااااااااا..
الا ان هذا الواقع يبقى قائما وبقوه امام الجميع ...
القانون القانون القانون
العدالة العدالة العدالة
حسين صبور رجل الاعمال المصري قالها .. ان المستثمر مش عايز اكتر من قانون واضح وعدااااااله ناجزه ..
غير كده .. آسف ..
فعلا .. العدل اساس الملك ...
[CENTER][B]محام ومستشار قانوني بمحكمة الاستئناف المصرية العليا
ماجستير في القانون وباحث دكتوراه
hany.a.legalcounsel@gmail.com
[/B][/CENTER]Comment
-
بعد 10 سنوات من الان
بعد كل الكلام ده لو تخيلتم مصر بعد 10 سنوات من الان هيبقى الوضع ايه ؟ اكتبوا تصوراتكم او حتى خيالكم بس مش امانيكم و احلامكم ياريت تكون الواقع اللى حضرتك متوقع حدوثه خلال 10 اعوام قادمةComment
-
حابب اشارك معاكم .........وان كان رأى مش مع حد او ضد حد بس بما انى متابع الاقتصاد من اواخر السبعينات وكنت منتظر الخطط الخمسية ورابط الحزام ....وعندى امل ان تحدث الطفرة والتقدم الاقتصادى وتحديث البنية التحتية وكمان مساعدة محدود الدخل و النهضة الاقتصاديةالمشاركة الأصلية كتبت بواسطة ali ashraf مشاهدة المشاركة
بعد دة كلة ممكن احكم على الموقف وانظر للعشر سنين اللى جاية من منظور عملى ورأى تكون من خلال دراستى وعملى فى مجال الحسابات معظم عمرى
الموقف بعد عشر سنين مش هيتحسن بل سيتحرك بشكل افقى يعنى لا تحسن ولا انهيار ......زى ما بيقولوا رمادى يعنى معظم الحلفاء والاصدقاء عاوزنا لا نكبر ولا نتفكك لان دة مش فى مصلحة المنطقة
لية الكلام دة وايه معطياتة :
- تعليم فاشل بكل صورة
- فساد منتشر فى كل المجالات
-احادية الرأى وفكر سلطوى متحجر (انا صح والباقى غلط )مفيش نقاش الا لما ينتهى بخناق لدرجة ان اصحاب الفكر المستنير بيفضلوا السكوت والعزلة وعدم الدخول فى صراعات فكرية لن تودى الى نتائج او حلول
- اخر حاجة الانهيار الاخلاقى والفهلوة اللى اصبحت سمة فى الناس والمجتمع وحتى الحكومة[SIGPIC][/SIGPIC] سبحان الله وبحمدة,,,,,,,, سبحان الله العظيم
ahmed1900 سابقاComment
-
مفيش جدال اننا لازم نتغير .... و لكن ازاى نتغير ؟؟!! لازم من وجود خطة للتغير ... او على الاقل ... خطة لعدم مقاومة التغيير .... طبع الحياة النهرية الموجود من ايام الفراعنة مش حيتغير بين يوم و ليلة و لا بمجهود بسيط ....المشاركة الأصلية كتبت بواسطة imhotep مشاهدة المشاركة
كان احد المشاريع التى من الممكن ان تغير هذا الاسلوب فى التفكير .... الوادى الموازى الى اقترحه الدكتور الباز ... و بغض النظر عن المشاكل الفنية لهذا المشروع فكان سيغير خريطة مصر السكانية ... و بالطبع كان حيغير طريقة التفكير و طريقة التخطط و حاجات تانية كتير جدا
المجتمع ككل كان عارف الى كان حاصل ايام مبارك ... بس كاعادة .. الناس مش مهتمة و مطنشة و فاقدة الامل .. و للأسف ... بعد فترة من الاعتياد على شيء ... الناس تعتبره من المسلمات
و بالفعل ... بياع الطماطم اصبح يهتم بالسياسة لأنه اكتشف فجأة انها موجودة !!!! و ان ليها مردود عليه ... و قريبا ان شاء الله ... الناس حترجع مرجوعها القديم ... و كله حيطنش و كله حيتعود و ينسى ... قريبا دى ... بعد 10 سنوات مثلا
احترم كثيرا فاروق شوشة و فاروق جويدة و الكثير من المثقفين ... ناس لما بتتكلم فى الامور العادية .. كلامها منظم و فكرها مرتب .... انما لما بتتكلم فى الادب .... انا بفصل منها ...حاولت اكتر من مرة اتابع امسية ثقافية ... بس مفيش فايدة ... علشان اهتماماتى مش ادبية و لا نظرية ... اهتماماتى تجريبية دائماComment
-
اعتقد بعد عشر سنين لو مصر عدت من الاحداث الاستثنائية هتفضل متخلفة زى ما هي
اهم الاحداث الاثتثنائية هى مشكلة النيل و قصة ان المنطقة خريطتها بتترسم من جديد
لا اعتقد ان مصر هتتقسم--مصر 7000 سنة لم تتقسم الا فى فترات محدودة جدا لكن نظام الحكم هو الى ممكن يتغير
اتذكر و انا طفل ايام الجرايد الابيض و اسود كانوا يكتبون فى منتصف مقالاتهم المنافقة لمبارك باللون الابيض على خلفية سوداء(الى النور)-الوعد بالنور و الغزو المصرى المرتقب للفضاء فى عهد الزعيم الملهم هو ديدن الاعلام منذ القدم--و النور قاطع و المجارى بتطفح------هكذا سيستمر الامر على ما اتوقع
مجلة المصور سنة 1949
[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
لازم الشعب يعاني عشان الكبار يسرقوا براحتهمالمشاركة الأصلية كتبت بواسطة ahmed_eng2001 مشاهدة المشاركة
نظام البلد من الستينات حول القوه البشريه الي عاهه بشريه
و الناس متعايشه عادي
النهارده السفر ل 16 دوله بموافقه امنيه
بكره السفر لراس البر هيبقي بتأشيره
و بكره تشوفوا مصرComment
-
وماتنساش الاخ ( الوزير ) اللى طلع وقال ان الشعب الماسرى من اسعد شعوب العالمالمشاركة الأصلية كتبت بواسطة باسم يوسف مشاهدة المشاركة... وده واضح لينا كلنا طبعا
[CENTER][SIGPIC][/SIGPIC]
[/CENTER]Comment
-
احنا بنزيد 2 مليون في السنهالمشاركة الأصلية كتبت بواسطة ali ashraf مشاهدة المشاركة
بعد 10 سنين هنبقي 110 مليون
تخيل بقه حجم البطاله و الشح المائي و قطع الكهرباء و سرعه الانترنت و الارهاب و البلطجه و الزحمه و التلوث
تخيلت ؟؟؟؟ شكرا :)Comment
-
هانى رمزى فى مسرحية وجهه نظر :))))
ماااااااااااافيييش فااااااااااااااايدة
Comment
-
لكل هواه الاحباط
يجب اولا ان تقرورا
انتم بتشوفوا الوضع من اى زاويه ؟
من ناحيه التقدم لفرد ام التقدم لبلد بأكملها
لو من ناحيه فرد فأنا موافق معكم لان لن توجد امه تنهض فى جيل واحد او جيلين
فلو افترضنا اننا سننهض فعلى اقل تقدير ولادنا هايلحقوا يتذوقوا ثمار النهوض
انما لو بتتكلم بمقياس الامه كلها فأعتقد انك غلطان يا افندم
تخيل نفسك مكان بلد زى بولندا فى الحرب العالميه التانيه او المانيا او اليابان
هل بعد اللى كنت بتشوفه و كميه القتلى , هل تعتقد انك ممكن تشوف البلد متسفلته اساسا
-------------
بلاش
لو هانتكلم على الدوله الاسلاميه
و هانفترض انك عشت فى ايام الاسلام الاولى و رفض قريش للدعوه و نفترض انك كنت عبدا وقتها و يتم تعذيبك
هل وقتها ستتخيل ان الدوله ممكن توصل فى يوم من الايام للى وصلت له فى مختلف المجالات و الاتساع و العلوم ايام الامويه و العباسيه فى اولها و دوله الاندلس
طيب لو انت عايش وقتها هل تتخيل ان دوله بهذا الحجم و هذا العلم ممكن يحصل لها اللى حصل
ربنا يجعل لنا الخير فى حياتنا[RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
[RIGHT]------------------[/RIGHT]
[CENTER][COLOR=blue]بسم الله الرحمن الرحيم[/COLOR][/CENTER]
[CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
[CENTER][COLOR=blue]صدق الله العظيم[/COLOR][/CENTER]
[CENTER][COLOR=blue]التوبة 105[/COLOR][/CENTER]
[COLOR=#ff0000][/COLOR]Comment
-
المشاركة الأصلية كتبت بواسطة MTAK مشاهدة المشاركة[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
-
مصر بعد 10 سنوات
انا سألت عن التصور ده و النتيجة معظمها سلبى ....بس اكيد فيه مواطن قوة فى مصر.....اول شئ مصر دولةجذورها ضاربة فى القدم " مش انشاء او مجرد الفاظ" تقريبا احنا و تونس اللى نفدنا من انهيار الدولة بعد حكاية الخريف العربى, مشروع الضبعة اللى متوقف من الستينات يتقدم بخطى سريعة, الناس بقت تعرف حقوقها على الاقل و ان كانت لا تستطيع الحصول عليها, العولمة لابد ان تتأثر بها مصر , الصناعة و السياحة اكيد هتتقدم ازاى و امتى ؟؟؟؟ بس خلاص مينفعش نكون محلك سر , كل دى مش احلام اعتقد لو التعليم اخذ نصيب كافى من الدولة لخلق اجيال متعلمة نافعة ..........اجاوب على سؤالى مصر بعد 10 سنوات من الان للاسف ....معرفش لكن متخوفComment
-
بما انى من هواة الارقام فهسيب بعضها خاصة اللى بيأثر على حياتنا اليومية يتحدث عن المستقبل
عدد السيارات فى مصر حوالى 5 مليون نصهم فى القاهرة. . . و بمعدل زيادة ربع مليون سيارة جديدة فى السنة يبقى عدد السيارات فى القاهرة بس هيوصل حوالى 4 مليون. . . و الشوارع هى هى مع عدم قابلية للتوسيع
معدل نمو ال gdp هيستمر حوالى 3-5 % . . . بس ده للاسف nominal gdp يعنى الفعلى هيبقى اقل بكتير. . . كمان ال gdp per capita هيستمر ضعيف بسبب الزيادة السكانية المطردة سنويا
معدل الدين المحلى اللى وصل الى 2 تريليون هيستمر يعلى مقارنة بال gdp. . . و ان كان ارحم بكتير من الديون الخارجية اللى خطورة التخلف عن سدادها اكبر بكتير
سكان مصر هيعدى ال 120 مليون بعد 10 سنين. . . و مع نفس عادات السكن المعتادة هنستمر فى تحقيق اعلى معدلات السكان لكل كم مربع بما يتجاوز الربع مليون
هيبقى فيه انجازات اتحققت زى محطة الضبعة اللى هتتكلف 10 مليار دولار و هتولد 5 جيجاوات يضافوا لامكانياتنا التقليدية لانتاج الكهرباء اللى الاجمالى بتاع الكل ممكن يوصل الى 50 جيجاوات او اكتر و كمان هتدخل مصادر طاقة متجددة عديدة
مشروع تنمية قناة السويس لو مشى بالسرعة المطلوبة فى الانجاز ممكن يعمل رقم جديد يغير حاجات كتير فى المعادلة و ممكن يخلق مجتمعات جديدة حوله يسكنها ملايين
اجتماعيا للاسف التغييرات العميقة اللى طرأت على المجتمع اثرت على الدينامو بتاعه و هو الطبقة الوسطى اللى نظرتها بقت سلبية لاسلوب حياتنا و الطبقة دى حصل لها نزيف كبير فى اخر اربع سنين و للاسف النزيف ده هيستمر. . . بس من ناحية اخرى البلد دى ولادة يمكن بزيادة ههههههه و بالتالى ستظل نقطة قوة لمجتمعنا انه يعتبر مجتمع شاب
سياسيا يوجد عامل مهم يتزايد و يتم ترحيله حاليا ليتعمق اكتر و اكتر بين طبقات المجتمع و هو الوعى. . . اذا استمر فى الزيادة يبقى احنا على الطريق مهما كنا نسير ببطء. . . مع ملاحظة ان الوعى اللى بتكلم عليه حاجة عابرة للاجيال و مداها الزمنى يتجاوز ال 10 سنين. . . اوروبا وعيها اتكون على اكتاف سبينوزا و هيجل و اشبنجلر و ديكارت. . . و امريكا بدأت من حيث انتهى الاوروبيون و صاغت لنفسها اسلوب حياة خاص و progressive جدا. . . احنا بقى للاسف كل مدارس التنوير عندنا اندفنت مشاريعها الفكرية فى اخر اربعين سنة . . . و اسماء زى لويس عوض و فؤاد زكريا و زكى نجيب محمود لم تعد معروفة غير بين اوساط الاكاديميين المتخصصين
الخلاصة اننا هنحقق تقدم معقول لكن امراض مجتمعنا المتوطنة مش هتخلينا نحقق القفزة للامام التى نريدها و نحلم بها. . . لانها عايزة عدة اجيال لتغييرهاComment
Comment