سعر الدولار المتوقع علي ديسمبر 2015 و يناير 2016

[Basyouny]

هو مين قارن ؟ بالنسبه لمشاركتى قولت ان هما زياده الرفاهيه بتاعتهم دى ادت الى تخفيض قيمه عملتهم قوم احنا بقى عندنا مشكله و كتبت يبقى فشلنا هو فشلنا و نجاحهم هو نجاحهم لا يوجد عاقل يقارن مصر باى دوله ناجحه

العفو يا فندم
سيادتك فهمتني خطأ
انا كلامي تأكيد لكلام سيادتك في الفقرة الاخيرة

[michohat]

البنوك 9 جنيه

[Basyouny]

وزير الاستثمار قال حرفيا في مؤتمر اليورومني ان تخفيض سعر الجنيه لم يعد اختيار
صحيح أنه أنكر هذا الكلام فيما بعد باعتبار أن هذا الكلام يعتبر تدخلا غير مقبول في سياسة البنك المركزي ، ولكن كلامه موثق

وإذا أخذنا في اعتبارنا ان التعاقدات الآجلة على الدولار تتم على أساس زيادة سعر الدولار بنسبة 22% خلال العام القادم
وإذا اعتبرنا أن سعر الدولار الآن 8 جنيه تقريبا ، فإن الزيادة المتوقعة = 8 × 22% = حوالي 175 قرشا تقريبا
أي ان السعر الرسمي المتوقع للدولار (وليس سعر السوق) = 9.75 ، أي أنه سيتراوح ما بين 9.5 و 10 جنيهات للدولار الواحد ، وهذا لم يعد اختيارا كما سبق أن أشرنا

يتبقى أمام محافظ البنك المركزي قرارين لا ثالث لهما:
القرار الاول: اختيار التوقيت المناسب ،
والقرار الثاني: طريقة التنفيذ هل تتم على مرحلة واحدة أم عدة مراحل

طبعا سينتج عن ذلك زيادة في الاسعار بنفس النسبة على الاقل

[msobhy]

حضرتكم نسيتوا حاجتين مهمين جدا
أولا قناة السويس الجديده
ثانيا اكبر حقل غاز طبيعى فى العالم
يعنى انتعاش للأقتصاد المصرى وتراجع الدولار امام الجنيه المصرى
بما ان الدولار حاليا عامل 8 جنيه تقريبا اعتقد انه هايكون ما بين 8.5 الى 9 جنيه على الاقل

[sherifahmed]

حضرتكم نسيتوا حاجتين مهمين جدا
أولا قناة السويس الجديده
ثانيا اكبر حقل غاز طبيعى فى العالم
يعنى انتعاش للأقتصاد المصرى وتراجع الدولار امام الجنيه المصرى
بما ان الدولار حاليا عامل 8 جنيه تقريبا اعتقد انه هايكون ما بين 8.5 الى 9 جنيه على الاقل

قول و الله

[Elkordy2000]

عملة ايه اللي يتم تخفيضها امام الدولار !!!!!!
المسئول اللي قال كده ده اخره يسرح ببطاطا علي الكورنيش
الصين لما تعمل كده يمكن ... لانها بلد بتصنع من الابره للصاروخ يعني صادرتها تفوق بكثير واردتها انما مصر اللي بتستورد حتي فانوس رمضان واكل كلاب لو عملت كده تبقي مصيبه سودا ، لان ده هيؤدي الي ارتفاع كبير جدا في الاسعار لانك بتستورد كل شئ وتقريبا مش بتنتج حاجه ،يعني بالبلدي كده لما تيجي تستورد هتدفع دم قلبك في السلعه علشان عملتك ملهاش قيمه ، بعكس المصدر تماما سلعته هتنافس بقوه في السوق الدولي لان تكلفتها اقل ، فاللي بيقول تخفيض العمله ده مش فاهم حاجه

[رحالة]

انا عندي فكرة جهنمية
احنا نلغي الجنيه ونعمل جنيه جديد قيمته ١٠ دولار
شوف بقى ساعتها الاقتصاد المصري هيعمل ايه

[عﻻء سالمان]

السودان عملت كدة من عشر سنين كان الجنية المصرى ب 18 جنية سودانى ..طلعوا جنية جديد يعادل 100 جنية من القديم..والفشل استمر والجنية الجديد استمر باﻻنخفاض وبقى يساوى اتنين جنية مصرى بعد ما كان معدى خمسة..

[ALYSALIM]

في حالة مصر خفض السعر هيكون مهم لخفض الواردات

[ahmed_eng2001]

الشركاء التجاريين
الصادرات 28.37 مليار
نوع الصادرات النفط الخام والمنتجات النفطية والقطن والمنسوجات والمنتجات المعدنية والمواد الكيميائية، والأغذية المصنعة
شركاء التصدير إيطاليا 8.7٪، الهند 7.3٪، المملكة العربية السعودية6.1٪، الولايات المتحدة 5.2٪، تركيا4.9٪، إسبانيا 4.2٪، فرنسا 4.2٪ (2011)
الواردات 58.76 مليار
نوع الواردات الآلات والمعدات، والمواد الغذائية، والمواد الكيميائية، والمنتجات الخشبية، وأنواع الوقود
شركاء الاستيراد أمريكا 10.7٪، الصين 9.1٪، ألمانيا6.3٪،وإيطاليا 5.1٪، والكويت 4.7٪، تركيا 4.4٪، 4.3٪ السعودية (2011)

المصدر ويكيبيديا و الصادرات الزراعيه دى هى تالت اكبر مصدر للعمله الصعبه فى مصر و لازم يحافظ عليها بيعمل ايه قرار البنك المبكزى برفع قيمه الدولار امام الجنيه اسمه تخفيض قيمه العمله و عليه بيطلع السعر او ينزل و الدول الى خفضت قيمه عملتها زى الصين و سويسرا و غيرها مش سايبه قيمه العمله للسوق الحر
بدون مقارنه معاهم طبعا يفضل فشلنا هو فشلنا و نجاحهم هو نجاهم بس السبب المباشر انهم مطرين ينزل قيمه الجنيه شويه مش ارقام اقتصاديه جديده لا هى هى نفس الفشل بتاع للسنه الى فاتت بس السبب تخفيض الصين اساسا لعملتها و ما تبعه لو لسه عايز تصدر اى شىء اصلا

انا متفق مع حضرتك فى الاطار العام ... بس مختلف فى طريقة التعبير

البنك المركزى لا يملك انه يرفع قيمة الدولار .... بس يملك انه يخفض قيمة العملة المحلية ... ازاى ؟! بخطوات و قرارات متعددة ... منها مثلا انه يطبع نقود محلية ... هو ده بيعمل تضخم صحيح .. بس بيقلل قيمة العملة المحلية ...
البنك المركزى كل الى عمله .... او حيعمله ... انه حيخفف قيوده على الدولار ... يعنى مش حيطبع و لا حيتعب فى حاجة .... انا متفق مع حضرتك فى الاطار العام
و اختلف مع حضرتك ان الصين و سويسرا مش سايبة قيمة العملة للسوق الحر

و كمان انا اختلف مع الويكيبيديا ... و لما سألت حضرتك كنت عاوز معلومات من السوق الفعلى

النفط الخام ..... كنا زمان بنصدر النفط الخام المحلى المتدنى الجودة ( هو بيطلع من الارض كدة ) و توقفنا بسبب احتياج السوق المحلية

المنتجات النفطية .... زى البنزين و الديزل مثلا ؟؟ ... الكلام ده مش بيحصل ... احنا بنستورد العجز فى البنزين و الديزل من الخارج

قطن و منسوجات ..... على حد علمى ... كانت فيه مشكلة من فترة على موضوع القطن المحلى و الحكومة مش عاوزة تاخده من المزارعين .. ده غير صعوبة تصديره .. ده غير انخفاض جودته

ايه المنتجات المعدنية الى بنصدرها ؟؟!!
و ايه المواد الكيميائية الى بنصدرها برضو ؟؟

الاغذية المصنعة ... ايوة انا شفت بعض المنتجات المصرية فى دول غير مصر
تقبل مرورى

[ahmed_eng2001]

السودان عملت كدة من عشر سنين كان الجنية المصرى ب 18 جنية سودانى ..طلعوا جنية جديد يعادل 100 جنية من القديم..والفشل استمر والجنية الجديد استمر باﻻنخفاض وبقى يساوى اتنين جنية مصرى بعد ما كان معدى خمسة..

تأكيدا لكلام حضرتك .... دولة غانا الشقيقة .. و عملتهم اسمها السى دى .... عملوا نفس القصة بالظبط ... بس عملوا عملة جديدة و ساووها بالدولار ... النهاردة الدولار يساوى 4 سي دى

[Basyouny]

هو فيه حركة حلوة عملتها ايران اثناء الحرب مع العراق
طبعت اكثر من 30 مليار دولار بنكنوت اصلي فئة 100 دولار ، مما اضطر امريكا في ذلك الوقت الي اجراء تغييرات في علامات التأمين الخاصة بالدولار ، وطبعا ايران خرجت من الحرب بدون اي ديون خارجية ، في حين خرجت العراق مديونة لطوب الارض برغم المساعدات الغزيرة من دول الخليج.

[Dreamer_Man]

الف باء الاقتصاد الكلي (macro economics)
عندما تزيد صادراتك عن وارداتك ، يكون تخفيض سعر العملة مفيدا (كما هو الوضع في الصين) لزيادة الصادرات

واذا كانت الواردات اكبر من الصادرات يؤدي تخفيض العملة للتضخم اي زيادة الاسعار وهروب المستثمرين لارتفاع تكلفة مستلزمات الانتاج

احنا فين في المعادلة؟

في معلومة مهمة ناقصة في نظرية حضرتك
ان في جزء كبير من الواردات بتاعتنا منتجات مش محتاجها السوق المصري , زي فوانيس رمضان واكل الكلاب وحاجات استهلاكية كتير
واذا كان انت شايف ان تخفيض العملة غلط ,فما هو الصح
هل الصح ان البنك المركزي يخسر الاحتياطي النقدي علشان يدعم العملة المحلية !!!
اعتقد ان نظريتك متنفعش في الحالة الاقتصادية الحالية لمصر
تقبل ودي وشكرا علي المعلومات

[Basyouny]

في معلومة مهمة ناقصة في نظرية حضرتك
ان في جزء كبير من الواردات بتاعتنا منتجات مش محتاجها السوق المصري , زي فوانيس رمضان واكل الكلاب وحاجات استهلاكية كتير
واذا كان انت شايف ان تخفيض العملة غلط ,فما هو الصح
هل الصح ان البنك المركزي يخسر الاحتياطي النقدي علشان يدعم العملة المحلية !!!
اعتقد ان نظريتك متنفعش في الحالة الاقتصادية الحالية لمصر
تقبل ودي وشكرا علي المعلومات

أولا:
هل سيادتك واثق ان الدولة بتوفر الدولار لمستوردي فوانيس رمضان وأكل الكلاب والحاجات الاستهلاكية الكتير؟
ثانيا:
أنا ماقلتش ان تخفيض العملة غلط أو صح ، انا بقول ان تأثيره يختلف باختلاف حالة الدولة ، فلماذا تضع الكلمات في فمي ثم ترد عليها؟

عاوز تعرف الصح يبقى سيادتك تروح تسأل بتوع الاقتصاد طالما سيادتك مش عاجبك الكلام ، وأنصحك تسال عن الفرق بين السياسة النقدية و السياسة الاقتصادية ، ومكونات كل منها

ثالثا:
دي مش نظريتي بالمناسبة ، دي حاجة بيقولوا عليها علم الاقتصاد ، ولا أعتقد ان سيادتك سمعت عنها قبل كده ، ياريت قبل ما تهاجم تروح تثقف نفسك شوية عشان تتكلم في حاجات أكبر من قدراتك العقلية (عرفتك طبعا)

سلام يا معلم

[Mohamed_Hamid]

مقارنة مصر مع الصين مقارنة خاطئة لأن مصر دولة بلا انتاج صناعى حقيقى لكن تعتمد بشكل كبير جدا من دخلها القومى على الخدمات والصناعات الاستهلاكية وليس الانتاجية.