سعر الدولار المتوقع علي ديسمبر 2015 و يناير 2016

[ahmed_eng2001]

أخي العزيز الباشمهندس أحمد
الحقيقة أن معلوماتك الاقتصادية أدهشتني
لأنها كلها تعبر عن حقائق نادرا ما يعرفها سوى أهل الاختصاص
ومصطلح هامش الربح رغم أنه شائع في مجال المحاسبة إلا أنه غير شائع الاستخدام في مجال الاقتصاد بشكل مباشر ، وإذا عرفنا أن الربح ما هو إلا سعر البيع مطروحا منه التكلفة ، سنفهم تلقائيا أن السيطرة على الاسعار برغم ارتفاع التكلفة تعني في الحقيقة السيطرة على هامش الربح دونما حاجة الى توضيح

أوبمعنى آخر ، إذا أردنا أن نبحث في علم الاقتصاد لابد أن نلتزم بالمصطلحات المستخدمة في هذا العلم أما مصطلح هامش الربح ، فهو غير شائع الاستخدام سوى في مجال المحاسبة
تقبل تحياتي وإعجابي بالمناقشة

اخى العزيز الدكتور هلال .... بلاش باشمهندس دى .. بحس ان فيها منظرة ... خليها ابو حميد .. احمد كدة حاف

يا فندم ربنا يكرمك .... الموضوع بسيط و انا معنديش معلومات اقتصادية كتير و لا حاجة .... الواحد لسة بيتعلم

الكلام الى حضرتك بتقوله ده كان الخطوة الثانية فى تطبيق موضوع هامش الربح ده ... الى هو الربح
طيب ده مش بيفكرك بالنظام الاشتراكى فى الاقتصاد ؟؟!!! .. انا معنديش مشكلة مع النظام اشتراكى ... بس نعمله كله للاخر ... لو ماشيين على النظام الرأسمالى .... نعمله كله للاخر برضو

تقبل احترامى لحضرتك .. و تحياتى لاسلوب حضرتك الراقى

متابع مع اى حد يحب يتكلم فى الموضوع .... و اكون سعيد جدا لو يفيدنا بخبرته

[Imhotep]

الله يسامحه صلاح جودة اللى قلب الدنيا كده :) و ده فى رأيى هو عيبه الرئيسى..... هو ممكن يكون علامة فى مجال تخصصه الا ان عيبه الرئيسى من وجهة نظرى..... هو عشوائيته فى طرح المعلومات رغبة فى التبسيط مما يقود لنتيجة عكسية هى البلبلة..... و ده اللى حاصل فى الموضوع ده فى اخر كام مشاركة بين الاخين الفاضلين اللى دارت بينهم معظم المشاركات الاخيرة فى هذا الموضوع..... و بناء عليه و رغبة من العبد لله فى فض الاشتباك..... ندلى بدلونا فى هذا الموضوع..... لعل ذلك يزيل بعض من البلبلة التى سببها كلام صلاح جودة

اول ملاحظة على ما دار من نقاش هو انه حصل خلط غير مقصود بس شائع..... و هو المقارنة فى غير محلها..... يعنى زى ما بنقول مقارنة البرتقال بالتفاح...... ازاى.... فى موضوع دورة التجزئة و مبيعات السلع و الخدمات مينفعش اصلا مقارنة بين مصر و بين غيرها من الدول المتقدمة زى امريكا و اوروبا و البلاد دى..... لان البلاد دى منتجة و انتاجها غزير بيكفى احتياجات شعوبها و بيتصدر كمان بغزارة للاسواق العالمية..... فى حين مصر بلد مستورد لكل شئ تقريبا..... يعنى احنا تقريبا معندناش دورة انتاج و تصنيع كاملة من الالف للياء لسلعة تتم محليا..... و حتى لو تمت فبيبقى سعرها مش منافس للمنتج المستورد فى النهاية لارتفاع اسعار كل مدخلات الانتاج اللى كتير منها اصلا مستورد برضه...... و بالتالى التضخم اللى بيحصل بسبب اننا غير منتجين هيفضل شر لابد من حدوثه طالما ظللنا غير منتجين...... فى حين البلاد التانية سواء امريكا و لا اوروبا و لا اليابان..... بتعانى من عكس اللى احنا بنعانى منه تماما..... بتعانى من انكماش الاسعار او ال disinflation !!!!! و بعضها الاخر زى اوروبا بتعانى من deflation رسمى...... ليه..... لانها مجتمعات منتجة و مصدرة..... و كمان عملاتها قوية بتعطى لمواطنيها قدرة شرائية عالية حتى فى مواجهة البضائع المستوردة..... من هنا بنشوف المركزى الامريكى بيكافح عشان يرفع التضخم!!!!! و نفسه يوصله ل 2% !!!!!! من المستوى الحالى اللى يقاس ببعض الكسور العشرية..... و زيه بيعمل المركزى الاوروبى و البريطانى...... اما اليابانيين دول بقى فحكاية تانى تماما..... اليابانيين مبهدلين الاقتصاد بتاعهم و مدخلينه فى ركود مستمر بسبب انهم مش بيشتروا كفاية !!!!!! يادوبك بيشتروا اللى محتاجينه على القد و بيحوشوا جامد جدا..... و النتيجة؟ اهه:

Japan: First ketchup price rise in 25 years
Japan: First ketchup price rise in 25 years

يا للهول..... سعر الكاتشب بيزيد لاول مرة من 25 سنة!!!!!!!!!!!!!!

ثانيا..... ايه اللى احنا بنشتكى منه عندنا هنا...... بنشتكى من ان التجار بيبيعوا السلع اللى اغلبها مستورد بالاسعار اللى تعجبهم و بأرباح خيالية..... طيب ده حله ايه...... هنا بقى الدنيا دخلت فى بعض برضه بسبب عشوائية صلاح جودة فى الكلام و عرض المعلومات..... و هنا نأتى للعرض السليم للمعلومات التى تسببت فى هذا الخلط......

بداية بس موضوع تحديد حد اقصى لهامش الربح..... ده فعلا ممكن يكون مفيد فى حالة مجتمع مستورد و عالة على البشرية زى حالاتنا..... و مش صعب يتعمل لو فى ارادة لتطبيقه..... لانه معمول فعلا فى صناعة مهمة و خطيرة و حيوية فى مصر و هى صناعة الدواء...... وزارة الصحة مبترحمش و مطلعة عين الشركات اللى ريقها بينشف لتحريك اسعار منتجاتها و لازم تقدم مبررات كافية لكده و الا مش هتتحرك الاسعار..... ده تقريبا النموذج الوحيد فى مصر اللى فيه رقابة صارمة على دورة التصنيع و الانتاج الكاملة انتهاء بالسعر اللى بيشوفه المستهلك على عبوة الدواء و حتى الدواء المستورد كمان ..... اذن الموضوع قابل للتنفيذ بس بشرط وجود الارادة و المنظومة لتنفيذه...... و مع كل الخنقة اللى فارضاها وزارة الصحة الا ان شركات الادوية العالمية مش بتطفش من السوق المصرى بل بالعكس...... ليه..... ببساطة لانه سوق حجمه 100 مليون مستهلك و بالتالى الشركات بتعرف تعمل ارباح جيدة فى النهاية..... حسب قوانين العرض و الطلب و المنافسة الطبيعية و برضه بتكسب جامد..... نرجع لحالتنا...... ايه الحل الطبيعى..... ان احنا نبقى زى اليابانيين كده..... طب هل هنعمل كده..... طبعا لأ..... طيب الحل الحكومى..... البنك المركزى هو اللى شايل ليلة محاربة التضخم لوحده بأجراءاته من رفع سعر الفائدة لتحجيم حجم النقد المتداول..... و احنا قاعدين نتفرج بدون ما نغير من سلوكياتنا الاستهلاكية..... عشان كدة اجراءات البنك المركزى عاجزة بدون مساعدتنا كشعب بتغيير السلوكيات الاستهلاكية

طيب ايه بقى اللخبطة اللى حصلت بسبب كلام صلاح جودة و قصة نيكسون و مش نيكسون؟

موضوع التحكم فى الاسعار ده بيلجأوا له برة فقط و غالبا فى حالات الازمات..... عشان يمنعوا استغلالها من المتربحين..... و ده لانهم هم اللى اخترعوا الرأسمالية اللى اساسها موضوع العرض و الطلب..... طب السيد نيكسون عمل ايه فى 1971...... عمل price control..... اللى هو تحديد سعر ادنى و سعر اقصى للسلع يتراوح بينهم "السعر العادل" للسلع..... و ده بيتعمل زى ما قلنا بفحص الدورة الانتاجية كلها و تحديد الاسعار الاسترشادية..... و ده كمان بيفيد فى جوانب اخرى..... منها مثلا تحديد الحد الادنى لساعة العمل.... اللى بيتراوح حول 8 دولارات فى حده الادنى..... و بيفيد كمان فى اعانات البطالة و قيمتها..... و معاشات العجز و قيمتها و هكذا..... و كل الارقام دى مش بتبقى جاية من فراغ انما من دراسات كاملة للدورات الانتاجية و التصنيعية للسلع و الخدمات..... كل ده بييجى ازاى..... بييجى لانها مجتمعات منتجة بل غزيرة الانتاج و مصدرة و كمان فيها انظمة قوية للرقابة و المتابعة بتجمع معلومات حقيقية عن الاقتصاد بكل جوانبه...... و ادى قصة ال price control كلها فى اللينك ده و فيها حكاية نيكسون كلها:

https://en.wikipedia.org/wiki/Price_controls

اللينك ده كمان له علاقة بالموضوع من ناحية الدخل و كمان بيكمل الشرح بالامثلة من فرنسا و امريكا و برضه فيه جزء تانى من حكاية نيكسون..... :

https://en.wikipedia.org/wiki/Incomes_policy

ملاحظة اخيرة..... ان موضوع تحديد حد ادنى و اقصى للسلع ده غالبا بيعتبروه ضرورى فى حالات الازمات..... و ده لتجريم ممارسات التربح من الازمات profiteering او المغالاة فى التسعير price gouging فى الازمات..... و غالبية القوانين بتتعامل مع حالات الازمات بالتحديد..... رغم انه مثلا ولاية كاليفورنيا بتتحكم فى اسعار الكهرباء..... و مانعة اى زيادات فى سعر اى سلعة بما يزيد عن 10% فى المرة الواحدة خلال الازمات ..... او اللى بيسموه price cap.....

طيب يعنى هل الموضوع مستحيل التحكم فيه عندنا..... لأ مش مستحيل بس عاوز معلومات و دراسات جامدة جدا و تذليل لكثير من المعوقات زى موضوع الاقتصاد الغير رسمى و ده بلوة مسيحة فى حد ذاته ان دولة يوجد بها اقتصاد موازى يتجاوز حجمه حجم اقتصادها الحقيقى و يتخطاه بكثير..... يعنى من الاخر احنا عندنا هم ما يتلم بيصعب الموضوع بس برضه الموضوع مش مستحيل و ممكن تحقيقه...... و ادى جزء من دراسة كده لاقيتها على السريع من البنك المركزى الاسترالى عن موضوع التجزئة و مدخلاتها و مخرجاتها و تكاليفها و ايضا هوامشها كلها:

http://www.rba.gov.au/publications/bulletin/2012/jun/pdf/bu-0612-2.pdf

اتمنى اكون ساعدت

طبعا هييجى حبيبنا الاخ احمد دلوقت بديباجته المعتادة فى اول سطر من كل تعليقاته على مشاركات الاخرين ..... بما يفيد بأتفاقه مع اغلب ما قيل لكن بالطبع بأختلافه فى بعض التفاصيل.... مستنيك يا غالى :))))))

[ahmed_eng2001]

الله يسامحه صلاح جودة اللى قلب الدنيا كده :) و ده فى رأيى هو عيبه الرئيسى..... هو ممكن يكون علامة فى مجال تخصصه الا ان عيبه الرئيسى من وجهة نظرى..... هو عشوائيته فى طرح المعلومات رغبة فى التبسيط مما يقود لنتيجة عكسية هى البلبلة..... و ده اللى حاصل فى الموضوع ده فى اخر كام مشاركة بين الاخين الفاضلين اللى دارت بينهم معظم المشاركات الاخيرة فى هذا الموضوع..... و بناء عليه و رغبة من العبد لله فى فض الاشتباك..... ندلى بدلونا فى هذا الموضوع..... لعل ذلك يزيل بعض من البلبلة التى سببها كلام صلاح جودة

اول ملاحظة على ما دار من نقاش هو انه حصل خلط غير مقصود بس شائع..... و هو المقارنة فى غير محلها..... يعنى زى ما بنقول مقارنة البرتقال بالتفاح...... ازاى.... فى موضوع دورة التجزئة و مبيعات السلع و الخدمات مينفعش اصلا مقارنة بين مصر و بين غيرها من الدول المتقدمة زى امريكا و اوروبا و البلاد دى..... لان البلاد دى منتجة و انتاجها غزير بيكفى احتياجات شعوبها و بيتصدر كمان بغزارة للاسواق العالمية..... فى حين مصر بلد مستورد لكل شئ تقريبا..... يعنى احنا تقريبا معندناش دورة انتاج و تصنيع كاملة من الالف للياء لسلعة تتم محليا..... و حتى لو تمت فبيبقى سعرها مش منافس للمنتج المستورد فى النهاية لارتفاع اسعار كل مدخلات الانتاج اللى كتير منها اصلا مستورد برضه...... و بالتالى التضخم اللى بيحصل بسبب اننا غير منتجين هيفضل شر لابد من حدوثه طالما ظللنا غير منتجين...... فى حين البلاد التانية سواء امريكا و لا اوروبا و لا اليابان..... بتعانى من عكس اللى احنا بنعانى منه تماما..... بتعانى من انكماش الاسعار او ال disinflation !!!!! و بعضها الاخر زى اوروبا بتعانى من deflation رسمى...... ليه..... لانها مجتمعات منتجة و مصدرة..... و كمان عملاتها قوية بتعطى لمواطنيها قدرة شرائية عالية حتى فى مواجهة البضائع المستوردة..... من هنا بنشوف المركزى الامريكى بيكافح عشان يرفع التضخم!!!!! و نفسه يوصله ل 2% !!!!!! من المستوى الحالى اللى يقاس ببعض الكسور العشرية..... و زيه بيعمل المركزى الاوروبى و البريطانى...... اما اليابانيين دول بقى فحكاية تانى تماما..... اليابانيين مبهدلين الاقتصاد بتاعهم و مدخلينه فى ركود مستمر بسبب انهم مش بيشتروا كفاية !!!!!! يادوبك بيشتروا اللى محتاجينه على القد و بيحوشوا جامد جدا..... و النتيجة؟ اهه:

Japan: First ketchup price rise in 25 years
Japan: First ketchup price rise in 25 years

يا للهول..... سعر الكاتشب بيزيد لاول مرة من 25 سنة!!!!!!!!!!!!!!

ثانيا..... ايه اللى احنا بنشتكى منه عندنا هنا...... بنشتكى من ان التجار بيبيعوا السلع اللى اغلبها مستورد بالاسعار اللى تعجبهم و بأرباح خيالية..... طيب ده حله ايه...... هنا بقى الدنيا دخلت فى بعض برضه بسبب عشوائية صلاح جودة فى الكلام و عرض المعلومات..... و هنا نأتى للعرض السليم للمعلومات التى تسببت فى هذا الخلط......

بداية بس موضوع تحديد حد اقصى لهامش الربح..... ده فعلا ممكن يكون مفيد فى حالة مجنمع مستورد و عالة على البشرية زى حالاتنا..... و مش صعب يتعمل لو فى ارادة لتطبيقه..... لانه معمول فعلا فى صناعة مهمة و خطيرة و حيوية فى مصر و هى صناعة الدواء...... وزارة الصحة مبترحمش و مطلعة عين الشركات اللى ريقها بينشف لتحريك اسعار منتجاتها و لازم تقدم مبررات كافية لكده و الا مش هتتحرك الاسعار..... ده تقريبا النموذج الوحيد فى مصر اللى فيه رقابة صارمة على دورة التصنيع و الانتاج الكاملة انتهاء بالسعر اللى بيشوفه المستهلك على عبوة الدواء..... اذن الموضوع قابل للتنفيذ بس بشرط وجود الارادة لتنفيذه...... و مع كل الخنقة اللى فارضاها وزارة الصحة الا ان شركات الادوية العالمية مش بتطفش من السوق المصرى بل بالعكس...... ليه..... ببساطة لانه سوق حجمه 100 مليون مستهلك و بالتالى الشركات بتعرف تعمل ارباح جيدة فى النهاية..... حسب قوانين العرض و الطلب و المنافسة الطبيعية و برضه بتكسب جامد..... نرجع لحالتنا...... ايه الحل الطبيعى..... ان احنا نبقى زى اليابانيين كده..... طب هل هنعمل كده..... طبعا لأ..... طيب الحل الحكومى..... البنك المركزى هو اللى شايل ليلة محاربة التضخم لوحده بأجراءاته من رفع سعر الفائدة لتحجيم حجم النقد المتداول..... و احنا قاعدين نتفرج بدون ما نغير من سلوكياتنا الاستهلاكية..... عشان كدة اجراءات البنك المركزى عاجزة بدون مساعدتنا كشعب بتغيير السلوكيات الاستهلاكية

طيب ايه بقى اللخبطة اللى حصلت بسبب كلام صلاح جودة و قصة نيكسون و مش نيكسون؟

موضوع التحكم فى الاسعار ده بيلجأوا له برة فقط و غالبا فى حالات الازمات..... عشان يمنعوا استغلالها من المتربحين..... و ده لانهم هم اللى اخترعوا الرأسمالية اللى اساسها موضوع العرض و الطلب..... طب السيد نيكسون عمل ايه فى 1971...... عمل price control..... اللى هو تحديد سعر ادنى و سعر اقصى للسلع يتراوح بينهم "السعر العادل" للسلع..... و ده بيتعمل زى ما قلنا بفحص الدورة الانتاجية كلها و تحديد الاسعار الاسترشادية..... و ده كمان بيفيد فى جوانب اخرى..... منها مثلا تحديد الحد الادنى لساعة العمل.... اللى بيتراوح حول 8 دولارات فى حده الادنى..... و بيفيد كمان فى اعانات البطالة و قيمتها..... و معاشات العجز و قيمتها و هكذا..... و كل الارقام دى مش بتبقى جاية من فراغ انما من دراسات كاملة للدورات الانتاجية و التصنيعية للسلع و الخدمات..... كل ده بييجى ازاى..... بييجى لانها مجتمعات منتجة بل غزيرة الانتاج و مصدرة و كمان فيها انظمة قوية للرقابة و المتابعة بتجمع معلومات حقيقية عن الاقتصاد بكل جوانبه...... و ادى قصة ال price control كلها فى اللينك ده و فيها حكاية نيكسون كلها:

https://en.wikipedia.org/wiki/Price_controls

اللينك ده كمان له علاقة بالموضوع من ناحية الدخل و كمان بيكمل الشرح بالامثلة من فرنسا و امريكا و برضه فيه جزء تانى من حكاية نيكسون..... :

https://en.wikipedia.org/wiki/Incomes_policy

ملاحظة اخيرة..... ان موضوع تحديد حد ادنى و اقصى للسلع ده غالبا بيعتبروه ضرورى فى حالات الازمات..... و ده لتجريم ممارسات التربح من الازمات profiteering او المغالاة فى التسعير price gouging فى الازمات..... و غالبية القوانين بتتعامل مع حالات الازمات بالتحديد..... رغم انه مثلا ولاية كاليفورنيا بتتحكم فى اسعار الكهرباء..... و مانعة اى زيادات فى سعر اى سلعة بما يزيد عن 10% فى المرة الواحدة خلال الازمات ..... او اللى بيسموه price cap.....

طيب يعنى هل الموضوع مستحيل التحكم فيه عندنا..... لأ مش مستحيل بس عاوز معلومات و دراسات جامدة جدا و تذليل لكثير من المعوقات زى موضوع الاقتصاد الغير رسمى و ده بلوة مسيحة فى حد ذاته ان دولة يوجد بها اقتصاد موازى يتجاوز حجمه حجم اقتصادها الحقيقى و يتخطاه بكثير..... يعنى من الاخر احنا عندنا هم ما يتلم بيصعب الموضوع بس برضه الموضوع مش مستحيل و ممكن تحقيقه...... و ادى جزء من دراسة كده لاقيتها على السريع من البنك المركزى الاسترالى عن موضوع التجزئة و مدخلاتها و مخرجاتها و تكاليفها و ايضا هوامشها كلها:

http://www.rba.gov.au/publications/bulletin/2012/jun/pdf/bu-0612-2.pdf

اتمنى اكون ساعدت

طبعا هييجى حبيبنا الاح احمد دلوقت بديباجته المعتادة فى اول سطر من كل تعليقاته على مشاركات لاخرين ..... بما يفيد بأتفاقه مع اغلب ما قيل لكن بالطبع بأختلافه فى بعض التفاصيل.... مستنيك يا غالى :))))))

هاهاهاهاهاهاهاها

اضحكك الله كما اضحكتنى ....

مشاركات حضرتك تسعدنى ... و على فكرة انت اتاخرت شوية علينا .. و لو كنت تكبت الموضع ده من بدرى ... كنت وفرت عليا البحث و التدوير ده

و انا مش حعترض يا عم المرة دى .... بس مش حينفع لا اضيف حاجة فى نفسى ...

موضوع الدواء انا متفق مع حضرتك فيه تماما .... بس فيه مشكلة صغيرة ... شركات الادوية بتعمل حركة قرعة اوى ... الدواء الى عاوزينه يغلى ... بيقللوه فى السوق ... يعنى بيعطشوه ...
لما بروح اصرف روشتة دواء .... لازم اجد احد الادوية الناقصة ... طاب ناقص ليه يا عم الصيدلى ؟ مش عارف ... هو بقالوا فترة ناقص ... طب منعوه .. لأ ... لغاية ما فيه دكتور صيدلى بلغنى مرة بالقصة دى ... و بالفعل .. وجدت الدواء الى كان ناقص .. رجع السوق مرة اخرى .. و غلى شوية


بالنسبة للسيد نيكسون ... انا لم انكر انه عمل price control و تحكم فى الاسعار ... اللينكات الى حضرتك وضعتها ( بلاش الى انا وضعتها ) بتقول كدة .... بس علقت ان بعض المقالات ذكرت ان الموضوع ده متكررش تانى ... و فيه كاتب مقال وصف الخطة دى بالمتطرفة ... يعنى وحشة

كل الموضوع ده علشان اوضح ... ان حكاية صلاح جودة ... مش موثقة ... فيها معلومات انا مش عارف اجيبها ... و طالما انا العبد الفقير الى الله مش عارف اجيبها .... اذن فهى بالنسبة لى ... مش موجودة ..
لغاية لما ييجى واحد اشطر منى ... و دور و تعب اكتر منى ... و يورينى انه وجد الادلة الى انا معرفتش الاقيها ....

ارفعله القبعة احتراما .. و اصدق كلامه ... و اغير وجهة نظرى


المفروض .... و خلاص اصبح من الطبيعى ... لما تذكر موضوع و خاصة لما تذكر واقعة من التاريخ ... تجيب مصادر الخبر ده ... رأيك انت حر فيه ... استنتجاتك دى بتاعتك انت ... لكن بتذكر حاجة من التاريخ و بتكتب بالارقام ... لازم توضح حضرتك جبت الارقام و الواقعة دى من فين
مش حينفع نمشى و راء اى حد يقول اى كلام و لا نتأكد من مصادر هذا الكلام

السيد صلاح جودة من الناس القليلة جدا الى ممكن اعد اسمع هو بيقول ايه .. و اكمل كلامه للاخر .. اسلوبة بيعجبنى فى اغلب الوقت .. و لى بعض التحفظ عليه

و بالطبع موضوع مش حخليه يعدى بالساهل كدة ....

ايه موضوع الاقتصاد الموازى ده ؟؟

[Imhotep]

هاهاهاهاهاهاهاها

اضحكك الله كما اضحكتنى ....

مشاركات حضرتك تسعدنى ... و على فكرة انت اتاخرت شوية علينا .. و لو كنت تكبت الموضع ده من بدرى ... كنت وفرت عليا البحث و التدوير ده

و انا مش حعترض يا عم المرة دى .... بس مش حينفع لا اضيف حاجة فى نفسى ...

موضوع الدواء انا متفق مع حضرتك فيه تماما .... بس فيه مشكلة صغيرة ... شركات الادوية بتعمل حركة قرعة اوى ... الدواء الى عاوزينه يغلى ... بيقللوه فى السوق ... يعنى بيعطشوه ...
لما بروح اصرف روشتة دواء .... لازم اجد احد الادوية الناقصة ... طاب ناقص ليه يا عم الصيدلى ؟ مش عارف ... هو بقالوا فترة ناقص ... طب منعوه .. لأ ... لغاية ما فيه دكتور صيدلى بلغنى مرة بالقصة دى ... و بالفعل .. وجدت الدواء الى كان ناقص .. رجع السوق مرة اخرى .. و غلى شوية


بالنسبة للسيد نيكسون ... انا لم انكر انه عمل price control و تحكم فى الاسعار ... اللينكات الى حضرتك وضعتها ( بلاش الى انا وضعتها ) بتقول كدة .... بس علقت ان بعض المقالات ذكرت ان الموضوع ده متكررش تانى ... و فيه كاتب مقال وصف الخطة دى بالمتطرفة ... يعنى وحشة

كل الموضوع ده علشان اوضح ... ان حكاية صلاح جودة ... مش موثقة ... فيها معلومات انا مش عارف اجيبها ... و طالما انا العبد الفقير الى الله مش عارف اجيبها .... اذن فهى بالنسبة لى ... مش موجودة ..
لغاية لما ييجى واحد اشطر منى ... و دور و تعب اكتر منى ... و يورينى انه وجد الادلة الى انا معرفتش الاقيها ....

ارفعله القبعة احتراما .. و اصدق كلامه ... و اغير وجهة نظرى


المفروض .... و خلاص اصبح من الطبيعى ... لما تذكر موضوع و خاصة لما تذكر واقعة من التاريخ ... تجيب مصادر الخبر ده ... رأيك انت حر فيه ... استنتجاتك دى بتاعتك انت ... لكن بتذكر حاجة من التاريخ و بتكتب بالارقام ... لازم توضح حضرتك جبت الارقام و الواقعة دى من فين
مش حينفع نمشى و راء اى حد يقول اى كلام و لا نتأكد من مصادر هذا الكلام

السيد صلاح جودة من الناس القليلة جدا الى ممكن اعد اسمع هو بيقول ايه .. و اكمل كلامه للاخر .. اسلوبة بيعجبنى فى اغلب الوقت .. و لى بعض التحفظ عليه

و بالطبع موضوع مش حخليه يعدى بالساهل كدة ....

ايه موضوع الاقتصاد الموازى ده ؟؟

كويس جدا انى كنت سبب فى انك ضحكت.....

انا اتأخرت بسبب ضيق الوقت من جهة ..... و من جهة اخرى ان انا اساسا لا احب المشاركة فى مثل هذه المواضيع التى ارى ضررها اكثر من نفعها ..... خاصة فى مجتمع لا يقرأ بل ثقافته كلها سماعية و تقوم على الشائعات...... مع كل الاحترام لصاحبه و كل المشاركين فيه..... لكن اللى غالبا لازم اخلق له وقت..... هو فض الاشتباكات..... لانى لا احبها..... و لا احب ان تسود او ان توجد امامى عامة..... و احاول التدخل قدر استطاعتى ان كان فى استطاعتى ان اساهم فى زوالها.....

الحكاية اللى قلهالك الصيدلى مش دقيقة حتى ان صدف انها تحققت...... انا قصة الدواء دى هارسها بحكم الخبرة لانى عائليا محاط بالدكاترة و الصيادلة فعارف كتير اوى من اسرارها لان دى محاور الكلام غالبا فى معظم القعدات العائلية ..... عدم دقة القصة فى ايه..... فى انه لو صنف نقص..... فيوجد له فعليا عشرات البدائل...... و نادر جدا فى السوق المصرى تلاقى دواء محلى الصنع ملوش عشرات البدائل..... يمكن المستورد هو اللى وارد اكتر فيه الحركات القرعة من الشركات لكن المحلى لأ..... اما السبب الفعلى لوجود نواقص ادوية كتير فى اخر 4 سنين هو موضوع استيراد المواد الخام..... بس زى ما قلتلك..... البدائل كتييييير جدا و من عشرات الشركات فغالبا فى النهاية هتلاقى اللى انت عايزه..... مع استثناء الدواء المستورد احيانا....

الاراء اللى حضرتك ذكرتها بتهاجم ما فعله نيكسون...... هتلاقيها من الاقتصاديين عامة المؤمنين بالسوق الحر اللى بيعملوله تمثال عجوة و عايزين ينفخوا فيه الروح..... يعنى مش عايزين حد يلمسه..... دول اللى بيسموهم دهاقنة الرأسمالية (و المصطلح ل د. مصطفى محمود الله يرحمه)..... نظريا اه السوق لازم يكون حر بس من الناحية العملية الدول لازم تمارس دورها فى المتابعة و الرقابة و المساءلة و الا سيظهر الوجه القبيح للرأسمالية...... الوجه المتوحش..... و عشان كده فى امريكا نفسها معقل الرأسمالية يوجد دور رقابى للاجهزة التشريعية يتمثل فيما يعرف بال congressional hearings او جلسات الاستماع اللى بيجيبوا فيها اتخن رؤساء شركات فى امريكا بل و العالم و يعصروهم تحقيق فى ممارسات شركاتهم خاصة اللى فيها شبهات احتكار او price fixing و خلافه..... و لو ثبتت عليهم الممارسات الخاطئة بيطلعوا عينهم غرامات بالمليارات

صلاح جودة انا شخصيا بلاقى كلامه كويس بس دائما اعيب عليه التباسط الزائد فى الشرح و عرض المعلومة مما يتسبب احيانا كثيرة فى التباس و بلبلة كما حدث هنا......

الاقتصاد الموازى هو الفلوس اللى مش ماشية فى القنوات الرسمية للدولة...... من اقتصاد بير سلم لسلع مجهولة المصدر و مهربة...... لخدمات لا تحصل مقابلها على فواتير و بالتالى لا يتم تحصيل ضرائب عنها...... و هكذا...... و ده حجمه الفعلى يتجاوز حجم الناتج المحلى لمصر سنويا

[ahmed_eng2001]

ربنا يقدرك على فعل الخير و يجزيك عنها

مشكلتى الشخصية ان مش كل بدائل الادوية بتنفعنى ... فيه بدائل زى قلتها معايا ... يلا .. ربنا يكرمنا من عنده


و احب اطمأن حضرتك ..... الثقافة العامة ماشية فى طريق زيادة الاستهلاك ... و زيادة الطلب على الرفاهية بيزيد
و انا عن نفسى معنديش اى امل ان الثقافة دى تتغير ... و ان الناس تكون مقتنعة بالكلام ده مش نتيجة ضيق ذات اليد

من موضوع نيكسون ده ... بالفعل انا مشفتش حد بيشكر فيه ... الناس بتتكلم من بداية ان النظام ده تم الاعداد له فى ليلة واحدة ... لغاية الذكرى الغير سعيدة لفترة حكمه

الممارسات الاحتكارية ليها قوانين و رقابة زى ما حضرتك ذكرت .... و من فترة ليست بالبعيدة ... شرشحوا بيل جيتس يا عينى علشان مايكروسوفت بدأت تسيطر على السوق و ميكونش فيه شركة غيرها ... طاب هو ماله ؟؟!

ال ايه .... شركته بنجاحها خلت بقية الشركات تقفل و بكدة اصبحت هى الوحيدة فى السوق ... و ده ضد قانون الاحتكار ... ساعات كتير فيه حاجات اجدها منطقية بالرغم من انها مش عجبانى و مش مقتنع بيها

كتاب الدكتور زكى نجيب محمود .. مجتمع جديد او الكارثة جيد على غير المتوقع ... هو اسلوبه قديم شوية ... بس ماشى الحال .. و بيعكس طبعا علمه .. انا لازلت اقرأه

الكتاب الى بيتكلم عن الصين مش لاقيه

[Imhotep]

ربنا يقدرك على فعل الخير و يجزيك عنها

مشكلتى الشخصية ان مش كل بدائل الادوية بتنفعنى ... فيه بدائل زى قلتها معايا ... يلا .. ربنا يكرمنا من عنده


و احب اطمأن حضرتك ..... الثقافة العامة ماشية فى طريق زيادة الاستهلاك ... و زيادة الطلب على الرفاهية بيزيد
و انا عن نفسى معنديش اى امل ان الثقافة دى تتغير ... و ان الناس تكون مقتنعة بالكلام ده مش نتيجة ضيق ذات اليد

من موضوع نيكسون ده ... بالفعل انا مشفتش حد بيشكر فيه ... الناس بتتكلم من بداية ان النظام ده تم الاعداد له فى ليلة واحدة ... لغاية الذكرى الغير سعيدة لفترة حكمه

الممارسات الاحتكارية ليها قوانين و رقابة زى ما حضرتك ذكرت .... و من فترة ليست بالبعيدة ... شرشحوا بيل جيتس يا عينى علشان مايكروسوفت بدأت تسيطر على السوق و ميكونش فيه شركة غيرها ... طاب هو ماله ؟؟!

ال ايه .... شركته بنجاحها خلت بقية الشركاoت تقفل و بكدة اصبحت هى الوحيدة فى السوق ... و ده ضد قانون الاحتكار ... ساعات كتير فيه حاجات اجدها منطقية بالرغم من انها مش عجبانى و مش مقتنع بيها

كتاب الدكتور زكى نجيب محمود .. مجتمع جديد او الكارثة جيد على غير المتوقع ... هو اسلوبه قديم شوية ... بس ماشى الحال .. و بيعكس طبعا علمه .. انا لازلت اقرأه

الكتاب الى بيتكلم عن الصين مش لاقيه

اى ادوية تخص الجهاز التنفسى العبد لله ممكن يفيدك فيها اكتر من احسن دكتور انف و اذن/حساسية وصدر. . . بروح اقعد مع واحد قريبى فى صيدليته احيانا. . . بقعد كده كأنى فى سوبر ماركت قدام ركن ادوية البرد و الحساسية خاصة فى السيزون زى دلوقت . . . انقى و اقارن بين كل formula و النانية و اخد اللى يناسبنى. . . بحكم خبرة 15 سنة حساسية. . . و دراسة كاملة لكل المواد الفعالة بها و اثارها الجانبية مقابل فوائدها الخ . . . عافانا الله و اياك

ثقافة الاستهلاك يا عزيزى فى ازدياد مضطرد بسبب ازمة اعمق هى ازمة التطلعات. . . خلاص الدنيا اتفتحت على بعضها و محدود الامكانيات اصبح يرى كيف يعيش غيره و كله تطلع لكى يحقق و يمتلك اشياء مما يراها. . . و يكفى مثلا انه فى اخر عشر سنين اتضاعف عدد العربيات فى مصر مرتين تلاتة بسبب التوسع فى القروض الشخصية و التطلع للرفاهية اللى من اهم رموزها امتلاك سيارة قبل ان تتحول الى ضرورة بسبب الزحام و التكدس و عدم وجود بديل عام محترم. . .

هم مش بس بهدلوا بيل جيتس كانت بقت هينة. . . لأ دول الزموه يقسم الشركة اتنين. . . و قد كان. . . و جوجل نفس الكلام. . . يا باشا هناك الرقابة بتجيب اتخن تخين الارض. . . شركة VW راحت 50% من قيمتها فى البورصات بسبب ازمة الانبعاثات الاخيرة. . . و لسه باقى التوابع

زى ما قلتلك قبل كده. . . زكى نجيب محمود اسلوبه مقعر زى العقاد. . . لكن مع التركيز تستطيع الوصول لافكاره بسهولة. . . هحاول ادورلك تانى على الكتاب اللى عن الصين

المهم احنا مش عايزين الحوار يتحول لنقاش جانبى بيننا. . . اتمنى الاخ sha2e يدخل يشاركنا و يعلن صفاء الجو مرة اخرى لانه عارف اننا هنا- بالذات الناس القديمة- بمثابة رابطة اصدقاء و لن ابالغ ان قلت اسرة. . . و كل سنة و جميعكم بخير

[sha2e]

انا لسه والله أول مره ادخل المنتتدى انهرده حالا
وما شاء الله ماهر بك كعادتة عمل أثراء للحوار
وانا بعتذر لو كان كلامي كان حاد شوية لان الباشمهندس أحمد ساب محل النقاش (الفكرة الاساسيه) وركز فى حاجه فرعيه

وهحاول اضرب مثال عملي بسيط على ارض الواقع بالارقام لتوضيح الوضع هنا في مصر
انا كنت عايز اتكلم عنه قبل كده لولا تشعب الحوار لمسائل تاريخيه بعيده عن الاقتصاد

وبعتذر عن تأخري في الرد لعدم دخولي المنتدي الفترة الماضيه

تحياتي للجميع

[Imhotep]

انا لسه والله أول مره ادخل المنتتدى انهرده حالا
وما شاء الله ماهر بك كعادتة عمل أثراء للحوار
وانا بعتذر لو كان كلامي كان حاد شوية لان الباشمهندس أحمد ساب محل النقاش (الفكرة الاساسيه) وركز فى حاجه فرعيه

وهحاول اضرب مثال عملي بسيط على ارض الواقع بالارقام لتوضيح الوضع هنا في مصر
انا كنت عايز اتكلم عنه قبل كده لولا تشعب الحوار لمسائل تاريخيه بعيده عن الاقتصاد

وبعتذر عن تأخري في الرد لعدم دخولي المنتدي الفترة الماضيه

تحياتي للجميع

يا باشا حمد الله على السلامة و كل سنة و انت طيب
الحمد لله طمنتنا عليك

[eslamrace]

اولا الواحد سعيد بالمناقشه وكم المعلومات اللى فى الموضوع
ثانيا ليا تعليق على موضوع تخفيض الصين لعملتها وهى ان المفترض ان الموضوع يكون مفيد لدوله زى مصر لاننا بنستورد اغلب منتجاتنا من الصين وبالتالى بمقارنه القوه الشرائيه قبل وبعد التخفيض حنلاقى ان نفس الكميات اللى بنستوردها بعد التخفيض حنقدر نجيبها بكم دولارات اقل وبالتالى نقدر نعتبر التخفيض ده فى صالحنا
السؤال هل الفرضيه دى منطقيه ولا لا وهل المجتمع المصري حيحس بفرق فى اسعار المنتجات الصينيه ولا لا ؟؟؟

[ahmed_eng2001]

اولا الواحد سعيد بالمناقشه وكم المعلومات اللى فى الموضوع
ثانيا ليا تعليق على موضوع تخفيض الصين لعملتها وهى ان المفترض ان الموضوع يكون مفيد لدوله زى مصر لاننا بنستورد اغلب منتجاتنا من الصين وبالتالى بمقارنه القوه الشرائيه قبل وبعد التخفيض حنلاقى ان نفس الكميات اللى بنستوردها بعد التخفيض حنقدر نجيبها بكم دولارات اقل وبالتالى نقدر نعتبر التخفيض ده فى صالحنا
السؤال هل الفرضيه دى منطقيه ولا لا وهل المجتمع المصري حيحس بفرق فى اسعار المنتجات الصينيه ولا لا ؟؟؟

متنساش حضرتك ان سعر الدولار زاد ( ظاهريا )

متابع معاك

[Imhotep]

اولا الواحد سعيد بالمناقشه وكم المعلومات اللى فى الموضوع
ثانيا ليا تعليق على موضوع تخفيض الصين لعملتها وهى ان المفترض ان الموضوع يكون مفيد لدوله زى مصر لاننا بنستورد اغلب منتجاتنا من الصين وبالتالى بمقارنه القوه الشرائيه قبل وبعد التخفيض حنلاقى ان نفس الكميات اللى بنستوردها بعد التخفيض حنقدر نجيبها بكم دولارات اقل وبالتالى نقدر نعتبر التخفيض ده فى صالحنا
السؤال هل الفرضيه دى منطقيه ولا لا وهل المجتمع المصري حيحس بفرق فى اسعار المنتجات الصينيه ولا لا ؟؟؟

كلامك (نظريا) مظبوط. . . بس من امتى التجار فى مصر بيسيبوا قرش من ربحهم لصالح المستهلك
التجار فى مصر لا يصلح معهم الا الركود يعنى وقف الحال و هو ده السلاح الوحيد فى ايد الناس مش الحكومة . . . ده الحاجة الوحيدة اللى بتخلى التجار يحركوا اسعار اللى بيبيعوه لتحت شوية
الناس لو يبقى عندها وعى فى البلد دى كانت حاجات كتير تتغير. . . لأنه لغاية لما الحكومة تقوم بالواجب بتاعها فى الرقابة بدراسة السلسلة كلها سواء انتاج او استيراد و الضرب بيد من حديد لأى ممارسات احتكارية او price fixing - ده اذا قامت به اصلا- الكورة هتظل فى ملعب المستهلك لان هو اللى بأرادته ممكن يتحكم فى نمط استهلاكه

[eslamrace]

كلامك (نظريا) مظبوط. . . بس من امتى التجار فى مصر بيسيبوا قرش من ربحهم لصالح المستهلك
التجار فى مصر لا يصلح معهم الا الركود يعنى وقف الحال و هو ده السلاح الوحيد فى ايد الناس مش الحكومة . . . ده الحاجة الوحيدة اللى بتخلى التجار يحركوا اسعار اللى بيبيعوه لتحت شوية
الناس لو يبقى عندها وعى فى البلد دى كانت حاجات كتير تتغير. . . لأنه لغاية لما الحكومة تقوم بالواجب بتاعها فى الرقابة بدراسة السلسلة كلها سواء انتاج او استيراد و الضرب بيد من حديد لأى ممارسات احتكارية او price fixing - ده اذا قامت به اصلا- الكورة هتظل فى ملعب المستهلك لان هو اللى بأرادته ممكن يتحكم فى نمط استهلاكه

هى الفكره طالما الكلام نظريا صح وفعليا مش حاصل يبقى فى حاجه غلط خاصه و بما انى بشتغل فى تجاره الملابس يعنى فى سوق معتمد بشكل كبير على الاستيراد فالوضع دلوقتى فيه شبه ركود بسبب ان الاسعار اصبح بالفعل عاليه جدا وكمان فى حاله ركود بسبب ان الناس بقت قدراتها الشرائيه اقل ومخاوفها اكبر فقللت الشراء "بالرغم انه لم يتوقف ولكن قل بشكل ملفت" وبالتالى اظن ان المنتجات غير الغذائيه والدوائيه التجار حيكون افضللها تقلل الاسعار ولو نسبيا لتسييل النقود لاعاده تدويرها
ولكن الغريب ان الاسعار برضه لا تتحرك الا ارتفاعا بمعنى ان البلد فيها بالفعل كساد "مش اختيارى "واسعار مرتفعه وبضاعه راكده وبالرغم من وجود فرصه لتقليل الاسعار الا ان الوضع على ما هو عليه ودى الحاجه اللى مش قادر استوعبها ومعتقدش فى اى نظريه اقتصاديه "درستها فى كليه تجاره" تقول الكلام ده اقدر استوعبه فى منتجات ذات مرونه منخفضه الناس متقدرش تستغنى عنها انما فى رفاهيات من عربيات وملابس وهواتف واجهزه كهربائيه ده اللى نفسي حد يفسرهوللى .
تحياتى .

[Imhotep]

هى الفكره طالما الكلام نظريا صح وفعليا مش حاصل يبقى فى حاجه غلط خاصه و بما انى بشتغل فى تجاره الملابس يعنى فى سوق معتمد بشكل كبير على الاستيراد فالوضع دلوقتى فيه شبه ركود بسبب ان الاسعار اصبح بالفعل عاليه جدا وكمان فى حاله ركود بسبب ان الناس بقت قدراتها الشرائيه اقل ومخاوفها اكبر فقللت الشراء "بالرغم انه لم يتوقف ولكن قل بشكل ملفت" وبالتالى اظن ان المنتجات غير الغذائيه والدوائيه التجار حيكون افضللها تقلل الاسعار ولو نسبيا لتسييل النقود لاعاده تدويرها
ولكن الغريب ان الاسعار برضه لا تتحرك الا ارتفاعا بمعنى ان البلد فيها بالفعل كساد "مش اختيارى "واسعار مرتفعه وبضاعه راكده وبالرغم من وجود فرصه لتقليل الاسعار الا ان الوضع على ما هو عليه ودى الحاجه اللى مش قادر استوعبها ومعتقدش فى اى نظريه اقتصاديه "درستها فى كليه تجاره" تقول الكلام ده اقدر استوعبه فى منتجات ذات مرونه منخفضه الناس متقدرش تستغنى عنها انما فى رفاهيات من عربيات وملابس وهواتف واجهزه كهربائيه ده اللى نفسي حد يفسرهوللى .
تحياتى .

أهلا بك و بنا جميعا فى عالم الركود التضخمى او ال stagflation اللى انت شرحت معناه بالظبط . . . و بما انك ايدك فى السوق و عارف ان التاجر المصرى عنده يولع فى البضاعة و لا انه ينزل قرش من تمنها فى ابشع انواع الاستغلال و هو ال price fixing و اللى لو احنا عندنا فعلا رقابة ممكن ناس تاخد فى التهمة دى اعدام . . . يبقى مش هنخرج من الحلزونة دى (فعلا بالانجليرى اسمه spiral و ترجمتها الحرفية حلزونة :) فى اى وقت قريب. . . و هنقعد كلنا تجار و مستهلكين نغنى قصيدة عادل امام الشهيرة فى فيلم مرجان احمد مرجان :)))))

[eslamrace]

أهلا بك و بنا جميعا فى عالم الركود التضخمى او ال stagflation اللى انت شرحت معناه بالظبط . . . و بما انك ايدك فى السوق و عارف ان التاجر المصرى عنده يولع فى البضاعة و لا انه ينزل قرش من تمنها فى ابشع انواع الاستغلال و هو ال price fixing و اللى لو احنا عندنا فعلا رقابة ممكن ناس تاخد فى التهمة دى اعدام . . . يبقى مش هنخرج من الحلزونة دى (فعلا بالانجليرى اسمه spiral و ترجمتها الحرفية حلزونة :) فى اى وقت قريب. . . و هنقعد كلنا تجار و مستهلكين نغنى قصيدة عادل امام الشهيرة فى فيلم مرجان احمد مرجان :)))))

تمام متفق معاك بس الحلزونه دى اللى حيكسرها هو احتياج التاجر للسيوله علشان يستغل فرص تجاريه تحققله ارباح اكتر من اللى حيعملها لو فضلت البضاعه جنبه
بمعنى ان التجار دلوقتى فى مجالات كتير حجم مبيعاتها بيغطى تكاليفها بالعافيه وبالتالى هو مفيش معاه سيوله يدخل بضاعه جديده وبالتالى المستورد مش لاقى حد يشيل من عنده البضاعه
وفى ظل فرصه زى انخفاض قيمه اليوان فأى مستورد عايز سيوله كبيره علشان على الاقل يحقق ربح اعلى والحاله الوحيده اللى تخللى المستورد مش فارق معاه انه يكون عنده كم دولار كسيوله تخليه يعرف يستفيد فى الحالتين ولكن ده مش بيحصل والحلزونه مبتتكسرش وزى مقولت حضرتك واضح انها مش حتتكسر

الفكره دلوقتى ان الحل الوحيد "غير سلوك المستهلك اللى غالبا تأثيره مش كبير" هو التدخل الحكومى ولكن ده مش حيحصل وبما ان مفيش حل تالت منطقى يبقى اى تغيير خارجى فى العملات سواء زياده او نقص حيكون بلا تأثير حقيقي علينا سوى للاسوأ
لو فى حل ثالث ممكن تقترحه اتمنى تشاركنا بيه لأن بصراحه الموضوع اقتصاديا واجتماعيا واضح انه ملهوش حل قابل للتنفيذ
تحياتى.

[Imhotep]

تمام متفق معاك بس الحلزونه دى اللى حيكسرها هو احتياج التاجر للسيوله علشان يستغل فرص تجاريه تحققله ارباح اكتر من اللى حيعملها لو فضلت البضاعه جنبه
بمعنى ان التجار دلوقتى فى مجالات كتير حجم مبيعاتها بيغطى تكاليفها بالعافيه وبالتالى هو مفيش معاه سيوله يدخل بضاعه جديده وبالتالى المستورد مش لاقى حد يشيل من عنده البضاعه
وفى ظل فرصه زى انخفاض قيمه اليوان فأى مستورد عايز سيوله كبيره علشان على الاقل يحقق ربح اعلى والحاله الوحيده اللى تخللى المستورد مش فارق معاه انه يكون عنده كم دولار كسيوله تخليه يعرف يستفيد فى الحالتين ولكن ده مش بيحصل والحلزونه مبتتكسرش وزى مقولت حضرتك واضح انها مش حتتكسر

الفكره دلوقتى ان الحل الوحيد "غير سلوك المستهلك اللى غالبا تأثيره مش كبير" هو التدخل الحكومى ولكن ده مش حيحصل وبما ان مفيش حل تالت منطقى يبقى اى تغيير خارجى فى العملات سواء زياده او نقص حيكون بلا تأثير حقيقي علينا سوى للاسوأ
لو فى حل ثالث ممكن تقترحه اتمنى تشاركنا بيه لأن بصراحه الموضوع اقتصاديا واجتماعيا واضح انه ملهوش حل قابل للتنفيذ
تحياتى.

خلينا بس نوضح ايه المقصوحد بالركود التضخمى. . . الركود على مستوى الاقتصاد الكلى هو انخفاض مستمر فى الناتج القومى المحلى. . . يترجم لايه. . . يترجم الى انه فى تباطؤ فى الانتاج و الدورة الاقتصادية عموما. . . يعنى بطالة اعلى و اجور اقل . . . و ده اللى فى النهاية بيترجمه الشارع بأن الحال واقف. . .
اما التضخم فمعروف. . . فلوس كتير فى ايدين الناس بتتصارع على نفس العدد من السلع و الخدمات. . . و الفلوس عمالة تزيد و السلع و الخدمات هى هى. . . و النتيجة الحتمية ارتفاع الاسعار
طيب ايه اللى حصل فى اخر اربع سنين خلانا نوصل لكده. . . الركود ضرب معدلات النمو الاقتصادى و خلاها فى النازل بأستمرار بسبب عدم الاستقرار السياسى اللى خلى الاستثمار الاجنبى يقف و السياحة شرحه. . . بس طبعا الاستثمار الاجنبى المباشر اثره اكبر. . . اما التضخم فسببه ببساطة ان الفلوس كترت فى ايدين الناس لانه على مدار الاربع سنين اللى فاتوا يكفى اقولك ان بند الاجور فى الموازنة العامة زاد من 80 مليار الى 210 مليار. . . و النتيجة على ذلك بالتبعية. . . ان حجم النقد المتداول فى البلد زاد من 150 مليار جنيه الى 300 مليار. . . يعنى اتضاعف. . . طب الفلوس دى هتقعد ساكتة كدة. . . لأ طبعا . . . عايزة تشترى. . . فطبعا لازم اسعار السلع و الخدمات لازم يرتفع. . . و ده طبعا مش محتاج شرح لان كلنا عايشينه. . . طب و الحل. . . جه متأخر بس جزء منه اتعمل . . . اللى هو ايه. . . ان اصلا البلاعة المفتوحة على البحرى اللى اسمها الاستيراد لكل شئ و اى شئ لازم نحاول نحجمها. . . قبل ما ال inflation يقلب رسمى ل hyperinflation و ساعتها كلنا هنروح فى داهية. . . كان لازم ده يحصل لاننا مجتمع غير منتج. . . كان لازم ده يحصل لانه اذا كان الركود هو تباطؤ فى الانتاج. . . طيب هو اصلا احنا بننتج ايه اصلا. . . اما حنفية الفلوس المفتوحة على مصاريعها فى القطاع العام و الدولة ففى محاولات جادة لهيكلتها متمثلة فى قانون الخدمة المدنية اللى مش عاجب الناس المستفيدة من الحنفية اللى باظت من زمان و عايزة تتسد. . .
طيب النتائج الايجابية المباشرة ايه. . . اهمها تثبيت الوضع على ما هو عليه و منعه من التدهور اكثر. . . بالذات من ناحية ال money supply اللى على البحرى فى ايدين شعب استهلاكى زينا. . . طيب النتائج السلبية المباشرة. . . للاسف زيادة الركود و هو الحاصل حاليا و زيادة التفليسات مع الوقت من التجار الصغيرين و خروجهم من السوق فى حين الباشا المستورد الكبير عملهم من زمان على قفاهم بسبب انه مثبت الاسعار و مانعها تنزل و ده نظام الكارتلات فى كافة السلع و معاه اللى يكفيه عدة اعمار و مش محتاج السوق و لا الشغل اصلا و هو ده التاجر المصرى الاصيل. . . وقت الجد يخلع و يقولك انا عندى اللى يكفينى و لما السوق ينصلح حاله ابقى ارجع . . . و ده اللى ذكرته انت من ملاحظاتك فى شغلك. . . و برضه كان حد عامل قريب موضوع بيقولك ان العقارات فيها نفس الركود بل و اكبر و الدليل زيادة مدى التقسيط . . . طيب و على المدى المتوسط. . . لسه كام سنة عقبال ما البنك المركزى يعرف يلم الكاش المتداول الزيادة من السوق عن طريق رفع الفايدة. . . و على المدى الطويل لو متعلمناش النظام و الانضباط فى الاستهلاك من اليابانيين اللى الكاتشب عندهم لسه زايد تمنه اول مرة من خمسة و عشرين سنة. . . لو متعلمناش ده يبقى و لا حاجة هتتغير. . . و يبقى الوضع على ما هو عليه لانها دايرة جهنمية صنعناها بأيدينا جميعا بوعى او بغير وعى. . . و لا خروج منها الا بأيدينا ايضا. . . فاكر حملة خلوها تصدى و موديلها يعدى اللى معرفتش تنزل جنيه من تمن عربية. . . اهى بقت اجبارى على الكل تجار و مستهلكين . . . و نشوف مين اللى هيصوصو الاول. . . و عشان تفهم قصدى هديك مثل بسيط. . . الفترة اللى اليورو وقع فيها بسبب ازمة اليونان. . . تجار العربيات بتوعنا الناصحين عملوا ايه. . . اشتروا عربيات فى شهرين. . . قد اللى بيشتروه طول السنة. . . طبعا على امل انهم يبيعوا بنفس الاسعار بل و اعلى و يضربوا فرق سعر العملة فى كروشهم. . . هل حد شاف عربية اوروبى سعرها نزل جنيه. . . طبعا لأ. . . خليهم بقى يشبعوا بيها و يشوفوها قدامهم و هى بتصدى لغاية ما يبقوا مجبرين يعملوا تخفيضات حقيقية و الا مش هتتباع. . . مش بقولك التاجر المصرى اغلبه يستاهل الولعة و يستاهل اللى يجراله- الا من رحم ربى