سعر الدولار المتوقع علي ديسمبر 2015 و يناير 2016

[ahmed_eng2001]

هى عادتى و لا حشتريها ؟؟ :) متفق مع حضرتك فى الاجمال ... و لى تعليق على بعض التفاصيل


شرح حضرتك للركود و التضخم رائع ...
و ياريت حضرتك توضحلنا اد ايه كان معدل النمو الاقتصادى المصرى قبل الثورة ...و كم اصبحت قيمته الان... معلومة شخصية ليا

فيه نقطة بداية دائما فى موضوع زيادة المرتبات و الاسعار ..... ايهم القائد .. و ايهم المنقاد ؟!! يعنى انهى الى بيكون متقدم على التالى .. و التانى بيحاول يحصله ؟؟!!

رأيى الشخصى ... الاسعار دائما هى القائدة ... و المرتبات بتحاول تحصلها .. و الكلام ده ملاحظ من السبعينيات .. و تحديدا بعد الانفتاح الاقتصادى ... فالفرق الى بينهم هو العجز المادى للموظفين ....

و انا ارى ... المطالب و المظاهرات الفئوية ... كانت حقوق العاملين من فترة سابقة .. و الى الحكومة كانت مطنشة عليها ... منها مثلا قانون التعيين ( التثبيت ) الى بينص عليه القانون بعد عدد سنوات معينة من العمل بعقد مؤقت ... و المطالب بزيادة المرتبات و العلاوات .. حتى تحاول اللحاق بالاسعار ...
فالناس لما تاخد جزء من حقوقها .. لا نستكترها عليهم ... و لكن الحل فى محاولة توجيه الفلوس المتداولة لحاجة نافعة و مفيدة للجميع ...

زى مثلا ... عمل مشاريع كبيرة و صغيرة .. و طرحها عن طريق الاسهم ... عمل شهادات استثمار لمشروع معين زى قناة السويس ... و ان كان ليا بعض التحفظ على طريقة الطرح

و كان ممكن نعمل حاجة مهمة جدا جدا ... نشجع الاستثمارات الصغيرة .. و المتوسطة ... بتقليل الضرائب مثلا ... او حتى بتوفير دراسات الجدوى او التوجيه .. و تبنى الحكومة للمشروعات الصغيرة لفترة قصيرة فى بدايتها
و الكثير من الافكار لتوجيه الفلوس لحاجة مفيدة للبلد كلها

نتحول بالتدريج لمجتمع منتج ....
و كمان بالمرة .. ياريت لا نشجع السياسة الاستهلاكية ... انا مقلتش نوقفها ... بس على الاقل لا نشجعها
مينفعش اتفرج على اعلانات بورتو فى وسائل الاعلان .... اعلانات الموبايلات .. اعلانات السيارات ... اعلانات الامنتجات الغذائية المختلفة و نطالب الناس بعدم الميل للثقافة الاستهلاكية
و طالما مصر مرتبطة بالعالم عن طريق الاخبار و الانترنت ... فمن الصعب جدا ان العالم كله بيتجه للاستهلاك ... و الشعب المصرى لا يتجه لثقافة الاستهلاك

متابع معاك

[eslamrace]

خلينا بس نوضح ايه المقصوحد بالركود التضخمى. . . الركود على مستوى الاقتصاد الكلى هو انخفاض مستمر فى الناتج القومى المحلى. . . يترجم لايه. . . يترجم الى انه فى تباطؤ فى الانتاج و الدورة الاقتصادية عموما. . . يعنى بطالة اعلى و اجور اقل . . . و ده اللى فى النهاية بيترجمه الشارع بأن الحال واقف. . .
اما التضخم فمعروف. . . فلوس كتير فى ايدين الناس بتتصارع على نفس العدد من السلع و الخدمات. . . و الفلوس عمالة تزيد و السلع و الخدمات هى هى. . . و النتيجة الحتمية ارتفاع الاسعار
طيب ايه اللى حصل فى اخر اربع سنين خلانا نوصل لكده. . . الركود ضرب معدلات النمو الاقتصادى و خلاها فى النازل بأستمرار بسبب عدم الاستقرار السياسى اللى خلى الاستثمار الاجنبى يقف و السياحة شرحه. . . بس طبعا الاستثمار الاجنبى المباشر اثره اكبر. . . اما التضخم فسببه ببساطة ان الفلوس كترت فى ايدين الناس لانه على مدار الاربع سنين اللى فاتوا يكفى اقولك ان بند الاجور فى الموازنة العامة زاد من 80 مليار الى 210 مليار. . . و النتيجة على ذلك بالتبعية. . . ان حجم النقد المتداول فى البلد زاد من 150 مليار جنيه الى 300 مليار. . . يعنى اتضاعف. . . طب الفلوس دى هتقعد ساكتة كدة. . . لأ طبعا . . . عايزة تشترى. . . فطبعا لازم اسعار السلع و الخدمات لازم يرتفع. . . و ده طبعا مش محتاج شرح لان كلنا عايشينه. . . طب و الحل. . . جه متأخر بس جزء منه اتعمل . . . اللى هو ايه. . . ان اصلا البلاعة المفتوحة على البحرى اللى اسمها الاستيراد لكل شئ و اى شئ لازم نحاول نحجمها. . . قبل ما ال inflation يقلب رسمى ل hyperinflation و ساعتها كلنا هنروح فى داهية. . . كان لازم ده يحصل لاننا مجتمع غير منتج. . . كان لازم ده يحصل لانه اذا كان الركود هو تباطؤ فى الانتاج. . . طيب هو اصلا احنا بننتج ايه اصلا. . . اما حنفية الفلوس المفتوحة على مصاريعها فى القطاع العام و الدولة ففى محاولات جادة لهيكلتها متمثلة فى قانون الخدمة المدنية اللى مش عاجب الناس المستفيدة من الحنفية اللى باظت من زمان و عايزة تتسد. . .
طيب النتائج الايجابية المباشرة ايه. . . اهمها تثبيت الوضع على ما هو عليه و منعه من التدهور اكثر. . . بالذات من ناحية ال money supply اللى على البحرى فى ايدين شعب استهلاكى زينا. . . طيب النتائج السلبية المباشرة. . . للاسف زيادة الركود و هو الحاصل حاليا و زيادة التفليسات مع الوقت من التجار الصغيرين و خروجهم من السوق فى حين الباشا المستورد الكبير عملهم من زمان على قفاهم بسبب انه مثبت الاسعار و مانعها تنزل و ده نظام الكارتلات فى كافة السلع و معاه اللى يكفيه عدة اعمار و مش محتاج السوق و لا الشغل اصلا و هو ده التاجر المصرى الاصيل. . . وقت الجد يخلع و يقولك انا عندى اللى يكفينى و لما السوق ينصلح حاله ابقى ارجع . . . و ده اللى ذكرته انت من ملاحظاتك فى شغلك. . . و برضه كان حد عامل قريب موضوع بيقولك ان العقارات فيها نفس الركود بل و اكبر و الدليل زيادة مدى التقسيط . . . طيب و على المدى المتوسط. . . لسه كام سنة عقبال ما البنك المركزى يعرف يلم الكاش المتداول الزيادة من السوق عن طريق رفع الفايدة. . . و على المدى الطويل لو متعلمناش النظام و الانضباط فى الاستهلاك من اليابانيين اللى الكاتشب عندهم لسه زايد تمنه اول مرة من خمسة و عشرين سنة. . . لو متعلمناش ده يبقى و لا حاجة هتتغير. . . و يبقى الوضع على ما هو عليه لانها دايرة جهنمية صنعناها بأيدينا جميعا بوعى او بغير وعى. . . و لا خروج منها الا بأيدينا ايضا. . . فاكر حملة خلوها تصدى و موديلها يعدى اللى معرفتش تنزل جنيه من تمن عربية. . . اهى بقت اجبارى على الكل تجار و مستهلكين . . . و نشوف مين اللى هيصوصو الاول. . . و عشان تفهم قصدى هديك مثل بسيط. . . الفترة اللى اليورو وقع فيها بسبب ازمة اليونان. . . تجار العربيات بتوعنا الناصحين عملوا ايه. . . اشتروا عربيات فى شهرين. . . قد اللى بيشتروه طول السنة. . . طبعا على امل انهم يبيعوا بنفس الاسعار بل و اعلى و يضربوا فرق سعر العملة فى كروشهم. . . هل حد شاف عربية اوروبى سعرها نزل جنيه. . . طبعا لأ. . . خليهم بقى يشبعوا بيها و يشوفوها قدامهم و هى بتصدى لغاية ما يبقوا مجبرين يعملوا تخفيضات حقيقية و الا مش هتتباع. . . مش بقولك التاجر المصرى اغلبه يستاهل الولعة و يستاهل اللى يجراله- الا من رحم ربى

طيب ا/ماهر خلينى اوضح لحضرتك وضع فى السوق دلوقتى وعليه حسأل حضرتك سؤال محتاج اعرف اجابته من حضرتك ووجهه نظرك فيه
مبدأيا وضع السوق دلوقتى مع حاله الركود الموجوده الكل متوقع يحصل غربله للسوق بمعنى ان فى ناس كتير حتوقف نشاطها وخاصه اللى تكاليفه عاليه "ايجار وعماله وخلافه" وبالتالى حيكون فى بطاله اكتر ولكن الكل متوقع ان اللى حيقدر يكمل لان الطلب حيعلى ممكن حاله الركود تتغير ويحصل انتعاشه فى السوق
وطبعا القياده الحاليه للبلد بتاخد اجراءات بتحاول تقلل السيوله فى البلد لان السيوله فى مصر كلها بتتحول لاستهلاك دون ادخار ومفيش اى حاجه بتخللى الناس تدخر اكتر ولكن الموضوع لاننا داخل "الحلزونه" فيعمل اثار جانبيه احيانا بتكون صعبه جدا على الناس اللى دخلها تحت المتوسط لان الوضع بالنسبالهم بيسوء وده بيأثر على التجاره ويزود حاله الركود

السؤال اللى حابب اعرف وجهه نظر حضرتك فيه
تفتكر اجراءات الدوله "حتى لو كانت نظريا علاج للمشاكل الاقتصاديه" حتجيب نتيجه جيده فى المدى القصير والمتوسط؟؟
خاصه مع حاله الاسواق المتدهوره وانتعاش الاقتصاد الموازى فقط اللى ممكن دول تعتبره ميزه ولكنه عندنا بيأثر بالسلب على السوق الرسمى وعلى اجراءات الحكومه .

تحياتى .

[Imhotep]

هى عادتى و لا حشتريها ؟؟ :) متفق مع حضرتك فى الاجمال ... و لى تعليق على بعض التفاصيل


شرح حضرتك للركود و التضخم رائع ...
و ياريت حضرتك توضحلنا اد ايه كان معدل النمو الاقتصادى المصرى قبل الثورة ...و كم اصبحت قيمته الان... معلومة شخصية ليا

فيه نقطة بداية دائما فى موضوع زيادة المرتبات و الاسعار ..... ايهم القائد .. و ايهم المنقاد ؟!! يعنى انهى الى بيكون متقدم على التالى .. و التانى بيحاول يحصله ؟؟!!

رأيى الشخصى ... الاسعار دائما هى القائدة ... و المرتبات بتحاول تحصلها .. و الكلام ده ملاحظ من السبعينيات .. و تحديدا بعد الانفتاح الاقتصادى ... فالفرق الى بينهم هو العجز المادى للموظفين ....

و انا ارى ... المطالب و المظاهرات الفئوية ... كانت حقوق العاملين من فترة سابقة .. و الى الحكومة كانت مطنشة عليها ... منها مثلا قانون التعيين ( التثبيت ) الى بينص عليه القانون بعد عدد سنوات معينة من العمل بعقد مؤقت ... و المطالب بزيادة المرتبات و العلاوات .. حتى تحاول اللحاق بالاسعار ...
فالناس لما تاخد جزء من حقوقها .. لا نستكترها عليهم ... و لكن الحل فى محاولة توجيه الفلوس المتداولة لحاجة نافعة و مفيدة للجميع ...

زى مثلا ... عمل مشاريع كبيرة و صغيرة .. و طرحها عن طريق الاسهم ... عمل شهادات استثمار لمشروع معين زى قناة السويس ... و ان كان ليا بعض التحفظ على طريقة الطرح

و كان ممكن نعمل حاجة مهمة جدا جدا ... نشجع الاستثمارات الصغيرة .. و المتوسطة ... بتقليل الضرائب مثلا ... او حتى بتوفير دراسات الجدوى او التوجيه .. و تبنى الحكومة للمشروعات الصغيرة لفترة قصيرة فى بدايتها
و الكثير من الافكار لتوجيه الفلوس لحاجة مفيدة للبلد كلها

نتحول بالتدريج لمجتمع منتج ....
و كمان بالمرة .. ياريت لا نشجع السياسة الاستهلاكية ... انا مقلتش نوقفها ... بس على الاقل لا نشجعها
مينفعش اتفرج على اعلانات بورتو فى وسائل الاعلان .... اعلانات الموبايلات .. اعلانات السيارات ... اعلانات الامنتجات الغذائية المختلفة و نطالب الناس بعدم الميل للثقافة الاستهلاكية
و طالما مصر مرتبطة بالعالم عن طريق الاخبار و الانترنت ... فمن الصعب جدا ان العالم كله بيتجه للاستهلاك ... و الشعب المصرى لا يتجه لثقافة الاستهلاك

متابع معاك

نسبة نمو الناتج القومى المحلى كانت حول 4-5 % فى 2010 و كنا عايزين نوصلها 6 او اكتر . . . النصف الاول من 2015 كان المعدل 5.6%. . . لكن بما ان الارقام دى لا تهم رجل الشارع العادى يبقى سيبك منها. . . رجل الشارع العادى يهمه اسعار السلع. . . و دى طبعا هى القائد كأجابة لسؤالك التانى لان مفيش رقابة على كارتلات السلع اللى بتحدد اسعار السلسلة وصولا الى المستهلك سواء انتاج او استيراد. . . و عشان كده المستهلك فى مصر عمره ما بيحس بفرق فى الاسعار الا لأعلى رغم انه اسعار السلع الغذائية مثلا عالميا بقالها سنة كاملة فى النازل. . . المطالب الفئوية باظت و بوظت الدنيا لما بقت سبوبة و عمال على بطال بدون قواعد. . . و لما القواعد اتعملت محدش عاجبه القانون طبعا اللى هيأثر على حنفية الحوافز و المكافأت اللى بلا حساب. . . توجيه الفلوس عندنا دائما و ابدا استهلاكى و سيظل كذلك بسبب ازمة التطلعات . . . و العالم الناضج مش بيتجه للاستهلاك الفقراء بس اللى ضارباهم حمى الاستهلاك . . . العالم الاول مطحون بسبب قلة التضخم من كثرة ما ينتج و قلة ما يستهلكه و امريكا يكافح فيها البنك المركزى ليرفع نسبة التضخم الى 2% . . . اوروبا فيها انكماش فى الاسعار و اليابان فيها انخفاض مستمر فى الاسعار بقاله عشرات السنين. . . الاستهلاك العالى على فكرة مش وحش بل بالعكس مفيد للاقتصاد و لدوران حركة السلع بس ده فى اوقات الرواج الاقتصادى مش اوقات الازمات. . . بس بمأ اننا بنستهلك على روحنا بدون وعى و من سلوكياتنا اننا بنستهلك مثلا فى رمضان اكل اد اللى بنستهلكه طول السنة يعنى السنة عندنا بأتنين فى الاكل. . . خلاص يبقى نستنى بقى الازمات الاقتصادية و الركود تعلمنا الترشبد . . . و نستنى الرواج الاقتصادى اللى بياخد سنين طويلة عشان يحصل . . . عندك حق فى موضوع الصناعات الصغيرة لانه مفيش حل غيرها كوسيلة لاستيعاب العمالة الكثيفة. . . بس تعمل ايه فى اللى بيقولهولى واحد قريبى مدير قسم فى احد المصانع فى العاشر بيقولى مصانع كتير جدا عايزة عمال بمرتب مبدئى 2000 جنيه و ميزات اخرى و مش لاقيين. . . بقوله ليه الناس اغتنت و لا ايه. . . قالى اه العمال بتسيب المصانع و تروح تشترى تكاتك و تشتغل عليها بتكسب اكتر. . .

[Imhotep]

طيب ا/ماهر خلينى اوضح لحضرتك وضع فى السوق دلوقتى وعليه حسأل حضرتك سؤال محتاج اعرف اجابته من حضرتك ووجهه نظرك فيه
مبدأيا وضع السوق دلوقتى مع حاله الركود الموجوده الكل متوقع يحصل غربله للسوق بمعنى ان فى ناس كتير حتوقف نشاطها وخاصه اللى تكاليفه عاليه "ايجار وعماله وخلافه" وبالتالى حيكون فى بطاله اكتر ولكن الكل متوقع ان اللى حيقدر يكمل لان الطلب حيعلى ممكن حاله الركود تتغير ويحصل انتعاشه فى السوق
وطبعا القياده الحاليه للبلد بتاخد اجراءات بتحاول تقلل السيوله فى البلد لان السيوله فى مصر كلها بتتحول لاستهلاك دون ادخار ومفيش اى حاجه بتخللى الناس تدخر اكتر ولكن الموضوع لاننا داخل "الحلزونه" فيعمل اثار جانبيه احيانا بتكون صعبه جدا على الناس اللى دخلها تحت المتوسط لان الوضع بالنسبالهم بيسوء وده بيأثر على التجاره ويزود حاله الركود

السؤال اللى حابب اعرف وجهه نظر حضرتك فيه
تفتكر اجراءات الدوله "حتى لو كانت نظريا علاج للمشاكل الاقتصاديه" حتجيب نتيجه جيده فى المدى القصير والمتوسط؟؟
خاصه مع حاله الاسواق المتدهوره وانتعاش الاقتصاد الموازى فقط اللى ممكن دول تعتبره ميزه ولكنه عندنا بيأثر بالسلب على السوق الرسمى وعلى اجراءات الحكومه .

تحياتى .

على المدى المتوسط يعنى من 3-5 سنين ممكن يبقى فيه نتايج كويسة مع ملاحظة انها ممكن تتأزم اكتر الاول قبل ما تبتدى تبقى احسن بالذات لان الحرب مع حاجات عشوائية زى السوق السودا للعملة و الاقتصاد الموازى بتاخد سنين. . . يعنى اباطرة السوق السودا فى مصر مش هيسلموا بسهولة و عشان كده البلد بتخطط تصدر سندات دولية ب 10 مليار دولار فى السوق العالمى خلال ال 3 شهور الجايين و خليلهم هم دولاراتهم يشبعوا بيها. . . الاقتصاد الموازى عمره ما كان كويس فى اى مكان لانه ازاى يبقى فى قنوات موازية و بديلة تمشى فيها الفلوس غير القنوات الرسمية و يبقى ده حاجة مفيدة للبلد . . . الكلام ده بيحصل بس فى العالم الثالث و فى الصين عندهم ظاهرة اسمها shadow banking عاملة عندنا زى العشوائيات بتاعة السوق السودا للعملة و توظيف الاموال و الحاجات دى و الدولة هناك بتحاربها جامد جدا

[ahmed_eng2001]

نسبة نمو الناتج القومى المحلى كانت حول 4-5 % فى 2010 و كنا عايزين نوصلها 6 او اكتر . . . النصف الاول من 2015 كان المعدل 5.6%. . . لكن بما ان الارقام دى لا تهم رجل الشارع العادى يبقى سيبك منها. . . رجل الشارع العادى يهمه اسعار السلع. . . و دى طبعا هى القائد كأجابة لسؤالك التانى لان مفيش رقابة على كارتلات السلع اللى بتحدد اسعار السلسلة وصولا الى المستهلك سواء انتاج او استيراد. . . و عشان كده المستهلك فى مصر عمره ما بيحس بفرق فى الاسعار الا لأعلى رغم انه اسعار السلع الغذائية مثلا عالميا بقالها سنة كاملة فى النازل. . . المطالب الفئوية باظت و بوظت الدنيا لما بقت سبوبة و عمال على بطال بدون قواعد. . . و لما القواعد اتعملت محدش عاجبه القانون طبعا اللى هيأثر على حنفية الحوافز و المكافأت اللى بلا حساب. . . توجيه الفلوس عندنا دائما و ابدا استهلاكى و سيظل كذلك بسبب ازمة التطلعات . . . و العالم الناضج مش بيتجه للاستهلاك الفقراء بس اللى ضارباهم حمى الاستهلاك . . . العالم الاول مطحون بسبب قلة التضخم من كثرة ما ينتج و قلة ما يستهلكه و امريكا يكافح فيها البنك المركزى ليرفع نسبة التضخم الى 2% . . . اوروبا فيها انكماش فى الاسعار و اليابان فيها انخفاض مستمر فى الاسعار بقاله عشرات السنين. . . الاستهلاك العالى على فكرة مش وحش بل بالعكس مفيد للاقتصاد و لدوران حركة السلع بس ده فى اوقات الرواج الاقتصادى مش اوقات الازمات. . . بس بمأ اننا بنستهلك على روحنا بدون وعى و من سلوكياتنا اننا بنستهلك مثلا فى رمضان اكل اد اللى بنستهلكه طول السنة يعنى السنة عندنا بأتنين فى الاكل. . . خلاص يبقى نستنى بقى الازمات الاقتصادية و الركود تعلمنا الترشبد . . . و نستنى الرواج الاقتصادى اللى بياخد سنين طويلة عشان يحصل . . . عندك حق فى موضوع الصناعات الصغيرة لانه مفيش حل غيرها كوسيلة لاستيعاب العمالة الكثيفة. . . بس تعمل ايه فى اللى بيقولهولى واحد قريبى مدير قسم فى احد المصانع فى العاشر بيقولى مصانع كتير جدا عايزة عمال بمرتب مبدئى 2000 جنيه و ميزات اخرى و مش لاقيين. . . بقوله ليه الناس اغتنت و لا ايه. . . قالى اه العمال بتسيب المصانع و تروح تشترى تكاتك و تشتغل عليها بتكسب اكتر. . .

فيه ناس كتير مهتمة بموضوع النمو الاقتصادى .... انا واحد منهم ... بيتحسب ازاى ؟؟! و ايه تعريفه ؟؟ و ايه الى بيأثر فيه

نقطة صغيرة خالص .... المجتمع الامريكى تحديدا .... احد اكبر الشعوب المستهلكة ... و هو مش شايف انه كدة مبالغ فى استهلاكه ... الاستهلاك ده حاجة طبيعية جدا .. و ميعرفوش حاجة اسمها الترشيد .... بس هما ماديين جدا .... يعنى .. لو فيه عدم استهلاك عالى .. يكون بسبب الناحية المادية ... مش الثقافة الاستهلاكية .... و زى ما حضرتك ذكرت .. ده مخلى الاقتصاد سريع و عجلته كبيرة و واسعة جدا

موضوع التكاتك ... تأكيدا لكلام حضرتك ...لو رحت عند اى ميكانيكى فى اى حتة شعبية .. ستجده يشتكى من عدم وجود صنايعية .. كل الصنايعية و الصبيان راحوا يشتغلوا فى التكاتك ....موضوع التكاتك ده ... عاجبنى جدا .. علشان بيجسم و يشرح حاجات كتير ....

المرتب المبدأى الى عاوزين يدوه لعامل العاشر من رمضان ... مش عاجب العامل ... علشان وجد عمل تانى يكسبه اكتر ..... و ده من حقه ... و محدش يقدر يلومه ... فيقوم صاحب العمل .. بزيادة الراتب ... يخليه 3000 جنيه مثلا ... او 2000 مع الكثير من المميزات ... و هنا العامل يرجع يفكر تانى ... هلى الكلام ده كويس بالنسبة ليه و لا لأ ... و هكذا ... ده مثال واضح جدا للعرض و الطلب .. و من الممكن قياس حاجات كتير عليه

و فى دماغى الان مثال ...سعر الدولار فى الى عامله البنك المركزى ..... و حاجات كتير على هذا
متابع معاك

[hilal]

نسبة نمو الناتج القومى المحلى كانت حول 4-5 % فى 2010 . . .

استاذ ماهر
اسمح لي بتصحيح بسيط
لا يوجد شيء اسمه الناتج القومي المحلي
الناتج القومي يختلف عن الناتج المحلي

الناتج المحلي يشير إلى السلع والخدمات التي تنتجها الدولة داخل اقليمها وحدودها بأيادي وطنيه او اجنبيه ولكنها داخل حدود الدولة.

أما الناتج القومي فهو يشير الى السلع والخدمات التي تنتجها أيادي وطنيه داخل حدود الوطن او خارج حدود الوطن
تقبل تحياتي

[Imhotep]

استاذ ماهر
اسمح لي بتصحيح بسيط
لا يوجد شيء اسمه الناتج القومي المحلي
الناتج القومي يختلف عن الناتج المحلي

الناتج المحلي يشير إلى السلع والخدمات التي تنتجها الدولة داخل اقليمها وحدودها بأيادي وطنيه او اجنبيه ولكنها داخل حدود الدولة.

أما الناتج القومي فهو يشير الى السلع والخدمات التي تنتجها أيادي وطنيه داخل حدود الوطن او خارج حدود الوطن
تقبل تحياتي

باشا انا قصدى ال gdp..... معلش احيانا انا بتلخبط فى الترجمات العربى..... مش قنعرة صدقنى بس عشان تقريبا انا مش بستخدم المصطلحات دى بالعربى غير على المنتدى هنا بس..... و ساعتها بعمل ترجمة فورية فى دماغى فممكن مصطلح يطلع مش مطابق للعربى المتعارف عليه بتاعه

[hobiko]

انا عايز اعلق على كلام الأستاذ ماهر اللى انا موافقه فيه تماما

عايز اكلم عن التدخل الحكومى لضبط الأسعار ........ المشكلة فى مصر اننا مش عارفين ناخد صورة شكل نموذجى من اشكال الأقتصاديات المعروفة

يعنى المفروض ان اننا اقتصاد رأسمالى ......... بتحكمه اليات السوق الحر و على راسها اليه العرض و الطلب

اللى المفروض يحصل .......... ان السوق يظبط نفسه بنفسه بناءا على اليه العرض و الطلب و الأسعار تزيد و تقل بناءا على ده برضه بدون اى تدخل حكومى اللهم الا منع الأحتكار و تحديد الجودة و حماية المستهلك

اللى بيحصل حقيقى ان الأليات ديه مش نافعة فى بلدنا نتيجة جشع التجار ......... و بنطالب بتدخل الدولة ........ اللى انا مش عارف ممكن تتدخل ازاى غير بفرض تسعيرة على مختلف انواع البضايع و السلع و ده طبعا غير انه ضد فكرة السوق الحر و الياته حيكون ليه تبعات عديده اولها ظهور السوق السودة فى كل حاجة تقريبا

فهل حد عنده تصور ايه اللى ممكن الدولة تعمله لكبح الأسعار و السيطرة على جشع التجار ؟؟؟

[Imhotep]

انا عايز اعلق على كلام الأستاذ ماهر اللى انا موافقه فيه تماما

عايز اكلم عن التدخل الحكومى لضبط الأسعار ........ المشكلة فى مصر اننا مش عارفين ناخد صورة شكل نموذجى من اشكال الأقتصاديات المعروفة

يعنى المفروض ان اننا اقتصاد رأسمالى ......... بتحكمه اليات السوق الحر و على راسها اليه العرض و الطلب

اللى المفروض يحصل .......... ان السوق يظبط نفسه بنفسه بناءا على اليه العرض و الطلب و الأسعار تزيد و تقل بناءا على ده برضه بدون اى تدخل حكومى اللهم الا منع الأحتكار و تحديد الجودة و حماية المستهلك

اللى بيحصل حقيقى ان الأليات ديه مش نافعة فى بلدنا نتيجة جشع التجار ......... و بنطالب بتدخل الدولة ........ اللى انا مش عارف ممكن تتدخل ازاى غير بفرض تسعيرة على مختلف انواع البضايع و السلع و ده طبعا غير انه ضد فكرة السوق الحر و الياته حيكون ليه تبعات عديده اولها ظهور السوق السودة فى كل حاجة تقريبا

فهل حد عنده تصور ايه اللى ممكن الدولة تعمله لكبح الأسعار و السيطرة على جشع التجار ؟؟؟

أهلا يا باشا و اهلا بمشاركتك
بص يا باشا . . . احنا فهمنا نص الرأسمالية بس و نسينا النص التانى عن عمد او اغفال متعمد او غير متعمد . . . يعنى اللى اخترعوا الرأسمالية نفسها جربوا الوجه القبيح لها الذى ظهر فى الازمات. . . و تعلموا منه اليات الرقابة. . . و انا قلت فى تعليق سابق فى الموضوع ان عندنا نموذج ممتاز لتطبيقه فى مجال صناعة الدواء. . . و ايه. . . وزارة الصحة عندها اكتر من 10000 صنف دواء مسيطرة عليهم تمام من لحظة كونهم مجرد فكرة منتج انتهاء الى العلبة النهائية اللى بيشتريها المستهلك و عليها السعر. . . يعنى السوق ده well regulated. . . فى حين سوق باقى السلع فى فوضى عارمة. . رغم ان عدد السلع دى فى باقى امور حياتنا اقل كثيرا. . . هديك مثل صغير طازة عن موضوع الرقابة . . . و فين فى سويسرا بلد الدهب. . . فاتحين تحقيق مع عدد من كبرى بنوك العالم . . . ليه . . . بيتهموهم بالتلاعب فى اسعار الذهب . . . و ادى الكلام ده هنا:
New bank scandal: Swiss investigate metals market rigging - Sep. 28, 2015

https://www.rt.com/business/316875-swiss-banks-probe-rigging/

Swiss watchdog opens bank probe into precious metal collusion | Reuters

طيب و النتيجة. . . لو ثبت الاتهام النتيجة غرامات بالمليارات. . . و لسه كان فى تحقيق مشابه فى سوق العملات العالمى اتغرم فيه برضه عدة بنوك عالمية مليارات الدولارات. . . حاجة كمان . . . دور المنظمات الغير حكومية. . . عارف موضوع الانبعاثات بتاع فولكس واجن اللى ضيع اكثر من نصف القيمة السوقية للشركة فى اقل من اسبوع. . اللى اثار الشكوك حوله من الاساس كان مؤسسة غير حكومية معنية بشئون البيئة. . . يعنى الكل بره صاحى و عينيه فى راسه لاى ممارسات ضارة للمجتمع و البلد. . . من اول المواطن العادى الى اكبر اجهزة الدولة. . .
طيب احنا فين. . . احنا لسه قدامنا كتير من ناحية الوعى. . . وعى المواطن العادى بحقوقه و وعى المنظمات الغير حكومية اللى مازال دورها حتى الان على الورق. . . و فى النهاية الرغبة من الدولة فعلا لاستخدام اليات رقابة فاعلة امام الكارتلات المتحكمة فى اسعار السلع فى بلدنا. . . و دى معركة صعبة و طويلة الامد. . . بس لابد منها. . . و فكرة مراقبة هامش الربح اللى التاجر بيضربه بمزاجه على السلعة دى لازم السيطرة عليها. . . ليه. . . مش اللى بيسافر بره لو ركب عربية مع حد و راح يحط بنزين تلاقيه بيقوله تعالى نشوف البنزين بكام النهاردة. . . نفس الكلام فى كل السلع. . . الدولة بتراقب كل اسعارها العالمية صعودا و هبوطا و بتحدد ال premium بتاع كل حلقة فى سلسلة التجزئة و صولا فى النهاية الى سعر عادل للمستهلك خاصة اننا بلد عايش على الاستيراد . . .مش سعر عشوائى على مزاج التاجر ربحه فيه يتجاوز عدة مئات فى المية. . .
الامارات فى اغسطس الماضى قررت تحرير سعر البنزين و الديزل. . . و السعر نزل حوالى 10% فى سبتمبر فى اول تطبيق مع نزول سعر البترول. . . لانها ممارسة عادلة . . . السعر العالمى طلع يبقى سعر السلعة يطلع و العكس صحيح مش one way up only زى عندنا
الموضوع مش مستحيل لكنه عايز ارادة دولة لمحاربة ممارسات الفساد من احتكار و تثبيت اسعار و غيره

[ahmed_eng2001]

استاذ ماهر
اسمح لي بتصحيح بسيط
لا يوجد شيء اسمه الناتج القومي المحلي
الناتج القومي يختلف عن الناتج المحلي

الناتج المحلي يشير إلى السلع والخدمات التي تنتجها الدولة داخل اقليمها وحدودها بأيادي وطنيه او اجنبيه ولكنها داخل حدود الدولة.

أما الناتج القومي فهو يشير الى السلع والخدمات التي تنتجها أيادي وطنيه داخل حدود الوطن او خارج حدود الوطن
تقبل تحياتي

ايه الكلام الجامد ده !!!! و بتقول عليا معلوماتى كويسة !!! انا اول مرة اسمع الكلام ده

شكرا على التوضيح و على و الاستفادة من معلومة جديدة

[ahmed_eng2001]

موضوع الرقابة على اسعار الادوية محتاج وقفة و شرح ... علشان النظام ده من الممكن ان نطبقه فى كل حاجة ... ليه منعملهوش ؟؟!! احنا محتاجين نعرف تفاصيل هذا الموضوع

الرقابة على حركة الاقتصاد لازم يكون ليها وجود ... بس مش بتحديد الاسعار ... ممكن بتفعيل بعض القوانين زى منع الاحتكار ... الالتزام بمواصفات جودة معينة و هكذا ..... و لا زلت احاول معرفة نظام تحديد اسعار الادوية ... و فوائدة و اضراره
انا متشائم حبتين لحكومة ... البلد .. الدولة .. مش عاوزة تطبق الكثير من القوانين التى اراها بديهية جدا و لابد من ارساء الكثير من القوانيى المستهلك و تحمى الصحة العامة و الحقوق .... مع توضيح للواجبات و طرق محاسبة المقصر

[Imhotep]

موضوع الرقابة على اسعار الادوية محتاج وقفة و شرح ... علشان النظام ده من الممكن ان نطبقه فى كل حاجة ... ليه منعملهوش ؟؟!! احنا محتاجين نعرف تفاصيل هذا الموضوع

الرقابة على حركة الاقتصاد لازم يكون ليها وجود ... بس مش بتحديد الاسعار ... ممكن بتفعيل بعض القوانين زى منع الاحتكار ... الالتزام بمواصفات جودة معينة و هكذا ..... و لا زلت احاول معرفة نظام تحديد اسعار الادوية ... و فوائدة و اضراره
انا متشائم حبتين لحكومة ... البلد .. الدولة .. مش عاوزة تطبق الكثير من القوانين التى اراها بديهية جدا و لابد من ارساء الكثير من القوانيى المستهلك و تحمى الصحة العامة و الحقوق .... مع توضيح للواجبات و طرق محاسبة المقصر

انا بحكم احتكاكى بناس كتير شغالة فى المجال الطبى. . . اعرف بعض تفاصيل ال cycle. . . منها ان الموضوع مقنن بشكل ميخرش المية. . . كل حاجة بمستندات و موافقات من اول الفكرة لغاية ال art work اللى على العلبة طبعا مرورا بالتسعير اللى فيه حتى الان ادوية اسعارها بكسور الجنيه شلن و بريزة و ربع جنيه. . . سبحان الله تقريبا الصناعة الوحيدة اللى فى مصر اللى متراقبة و مقننة بالشكل الرهيب ده. . . و ده طبعا لخطورتها. . . كنت بتكلم مع واحد قريبى صيدلى. . . و كنا بنقارن مصر بأمريكا فى موضوع الدواء و الغذاء. . . طبعا بشكل مزيج جاد و ساخر فى نفس الوقت. . . قلتله شوفت الفرق. . . فى مصر طالما انت سليم يبقى البلد تكويك فى المعيشة بعدم الرقابة على اسعار الاكل و كل السلع . . . لكن لو وقعت مريض. . . تلاقى رحمة كتير فى اسعار الدواء عن امريكا. . . امريكا بقى العكس. . . انت سليم يبقى فل الاكل ببلاش. . . لكن لو وقعت مريض بقى يا حلو و مش معاك تأمين صحى. . . اسعار العلاج تخليك تطلع من هدومك. . .
مرة كنت بوصف لأحد الاصدقاء فى كندا بعض ادوية الحساسية و بكلمه عن موادها الفعالة بحكم الخبرة. . . اديته اسم كام مادة فعالة قلتله اطلبهم من الصيدلى لانى مش عارف طبعا اسماء الادوية دى هناك ايه. . . لكن المواد الفعالة اسماءها معروفة عالميا. . . المهم اديته كام دواء للحساسية تمن الاسماء التجارية لهم هنا فى مصر لا يزيد عن 20 جنيه. . . نزل جابهم من الصيدلية. . . كلمنى بسأله كام تمنهم قالى 75 دولار. . . قلت له عما ا ا ار يا مصر. . . فى دى على الاقل

[رحالة]

عشان في كندا بيحطوا المادة الفعالة بضمير
لكن في مصر ام الدنيا بيحطوا بودرة سيراميك حضرتك :-)

[Imhotep]

عشان في كندا بيحطوا المادة الفعالة بضمير
لكن في مصر ام الدنيا بيحطوا بودرة سيراميك حضرتك :-)

حتى دى خاضعة للمراقبة . . . بس المواد الفعالة برضه درجات و تركيزات و كمان مكان التصنيع يفرق هندى و لا صينى و لا و لا و بالتالى ال efficacy بتاعة الدواء بتختلف. . . حد هيقولى صينى يعنى مضروب هقوله لأ لأن الصين و الهند بقوا مصانع العالم كله
و من ابرز الامثلة ادوية البرد. . . عشرات الاصناف من عشرات الشركات. . . بيدخل كمان فى القصة دى . . . تفاعل كيمياء الجسم مع كيمياء الدواء. . . و دى يعرفها مثلا مرضى الحساسية. . . تلاقيه جرب كذا دواء للحساسية بكذا مادة فعالة لكنه يقولك احسن نتيجة بيجيبها معايا الدواء الفلانى. . .

[ahmed_eng2001]

انا بحكم احتكاكى بناس كتير شغالة فى المجال الطبى. . . اعرف بعض تفاصيل ال cycle. . . منها ان الموضوع مقنن بشكل ميخرش المية. . . كل حاجة بمستندات و موافقات من اول الفكرة لغاية ال art work اللى على العلبة طبعا مرورا بالتسعير اللى فيه حتى الان ادوية اسعارها بكسور الجنيه شلن و بريزة و ربع جنيه. . . سبحان الله تقريبا الصناعة الوحيدة اللى فى مصر اللى متراقبة و مقننة بالشكل الرهيب ده. . . و ده طبعا لخطورتها. . . كنت بتكلم مع واحد قريبى صيدلى. . . و كنا بنقارن مصر بأمريكا فى موضوع الدواء و الغذاء. . . طبعا بشكل مزيج جاد و ساخر فى نفس الوقت. . . قلتله شوفت الفرق. . . فى مصر طالما انت سليم يبقى البلد تكويك فى المعيشة بعدم الرقابة على اسعار الاكل و كل السلع . . . لكن لو وقعت مريض. . . تلاقى رحمة كتير فى اسعار الدواء عن امريكا. . . امريكا بقى العكس. . . انت سليم يبقى فل الاكل ببلاش. . . لكن لو وقعت مريض بقى يا حلو و مش معاك تأمين صحى. . . اسعار العلاج تخليك تطلع من هدومك. . .
مرة كنت بوصف لأحد الاصدقاء فى كندا بعض ادوية الحساسية و بكلمه عن موادها الفعالة بحكم الخبرة. . . اديته اسم كام مادة فعالة قلتله اطلبهم من الصيدلى لانى مش عارف طبعا اسماء الادوية دى هناك ايه. . . لكن المواد الفعالة اسماءها معروفة عالميا. . . المهم اديته كام دواء للحساسية تمن الاسماء التجارية لهم هنا فى مصر لا يزيد عن 20 جنيه. . . نزل جابهم من الصيدلية. . . كلمنى بسأله كام تمنهم قالى 75 دولار. . . قلت له عما ا ا ار يا مصر. . . فى دى على الاقل

سؤالى ... ازاى وزارة الصحة .. عاملة كونترول على الموضوع ده ؟؟!! بتعمل ايه ؟؟ شغالة ازاى ؟؟!!
و هل من الممكن تعميم التجربة ؟ اتمنى هذا

فيه حاجات متنفعش تتقارن لوحدها بين مصر و امريكا .... فزى ما حضرتك ذكرت ... بالفعل اسعار العلاج مرتفعة جدا ... ده لما ميكونش معاك تأمين صحى ... و الناس هناك لما تيجى تشتغل فى شركة مثلا ... بتسأل على التأمين الصحى قبل ما بتسأل على المرتب ... و اغلب الشركات المحترمة بتقدم خدمة التأمين الصحى للعاملين بها ... و لكن احقاقا للحق .. اسعار الدواء و الخدمة الطبية ... مرتفعة جدا .. ( من غير وجود التأمين الصحى ) حتى مع ارتفاع المرتبات و الاجور فى امريكا ...
و فيه شركات تأمين صحى مستقلة ... ممكن حضرتك تشترك فيها لو شغلك مش موفرلك التأمين الصحى

و مثال بسيط تانى لكلامك ....على يدى .... واحد زميلى اشترى علبة مضاد حيوى فى احد المدن الافريقية ( ملابو ) ب 25 دولار ..