سعر الدولار المتوقع علي ديسمبر 2015 و يناير 2016

[moha sasa]

- والعمل.

- عايز تجيب يا حبيبى الشيكولاته والبونبونى السويسرى بتاعك من بره بالدولار.

- يبقى تشترى بقيمه الدولار الحقيقيه وهى لا تقل عن 12 جم.

- مش تروح تشترى الدولار مدعم بى 8 جم.

[moha sasa]

- طب والدولار المُدعم بى 8 جم. ضر البلد فى إيه؟؟؟؟؟؟؟؟؟؟

- كده كده الدولار بيغلاى طول ما فى استيراد من الخارج.

- يروح البنك المركزى داخل بيعه فى السوق عشان يقلل من صعوده أمام الجنيه المصرى.

- طب هل هينجح البنك المركزى المصرى فى الحفاظ على قيمه الدولار عند 8 جم.

-لاء.

- ليه؟؟؟؟؟؟؟؟

- لأن الدولارات إللى معاك هتخلص فى يوم من الأيام.

- وغصباً عن التخين قيمه الجنيه هتقل للأسباب المذكوره أعلاه.

[moha sasa]

- طب واشمعنى دلوقتى جيين يخفضه قيمه الجنيه.

- لأن الخليج مش هيديلك دولار واحد من هنا وجى وأنت مع نفسك.

- ليه؟؟؟؟؟؟؟؟؟؟؟

- انخفاض قيمه برميل البترول.

- وده يوضحلك القائمين على شئون البلد خايفيين عليها إزاى. مش أستاذ الفلزات إللى كان عايز يحيب قرض من صندوق النقد الدولى ويخفض من قيمه الجنيه المصرى بى نسبه 40% مرة واحدة (قتل الجنيه المصرى للأبد) ومش كده وبس ده كان موقع على حمايه الشذوذ الجنسى فى مصر + نشر الرذيله والحمد لله حطنا تجار الدين فى السجون وخلصنا.

- فلو استمر الوضع على ما هو عليه هيخلص الاحتياطى من العملات الأجنبيه.

- بس مع هذا القرار هيزيد.

- وتحيا مصر أم الدنيا هى قد الدنيا وهى كل الدنيا. رغم أنف أى إرهابى مُتاجر بالدين.

[moha sasa]

- وعامه النظرة المستقبليه للجنيه المصرى واعده ليه؟؟؟؟؟

- حاجات كتير من أهمها:-

+ أكتشاف بئرين للغاز الطبيعى تحت بعض فيهم لا يقل عن بى 90 مليار دولار غاز.

+ قناة السويس الجديدة.

+ المفاعل النووى فى الضبعه.

+ العاصمه الإداريه الجديدة.

[moha sasa]

طبعا دي كلها أراء ممكن تصيب وتخطئ
ومش معنى انى متفق مع التوجه السياسي وتم اتخاذ قرار معين انا شايف انه ممكن يبقى فيه ضرر ولو بسيط انى منتقدش القرار بالعكس
الغريب ان المعارضين شايفين تخفيض الجنيه ضياع لاقتصاد البلد وضياع للبلد بأكملها وهم نفسهم كانوا بيقولوا انه ضروره ولازم يهبط لما كان السلطه والاداره السياسيه مختلفه
معرفش ده يتقال عليه ايه بصراحة

- الرد على المبراراتى المنافق بمثال.

- من نظام هو بيحبه ويؤيده.

- نظام المُتاجر بالدين أردوغان.

- نبص على قيمه الدولار الأمريكى أمام الليرة التركيه.(الرسم البيانى المرفق)

- بالضبط قيمه الليرة هبطت 50% من قيمتها أمام الدولار فى الأربع سنين إللى فاته.

- وهو ده الحال الأقتصادى لأى نظام متاجر بالدين إرهابى.

- فكان قيمه الدولار الواحد بى ليرة ونص أما الأن فأصبح الدولار بى أكتر من 3 ليرة.

- ولا عمرنا هنشترى من الناس دى كلمه واحده أو نصدقها.

[moha sasa]

هل يصبح تخفيض الجنيه أمام الدولار أمرا واقعا؟.. محللون يرونه "حتمية اقتصادية" لتعزيز تنافسية الصادرات المصرية بعد تخفيض سعر اليوان الصينى

[رحالة]

فعلا انخفاض الجنيه هيشجع السياحة قوي
يعني السايح بدل ما يدفع ٥ جنيه في عود القصب اللي بيمصمصه
هيدفع 10 جنيه
يعني دخل بياع القصب هيزيد بنسبة ١٠٠٪
تخيل بقى لو كل شاب اشترى بالفلوس اللي معاه فدان قصب
وسرح بيهم عالكورنيش
شوف هندخل دولارات قد ايه للبلد

[hilal]

فعلا انخفاض الجنيه هيشجع السياحة قوي
يعني السايح بدل ما يدفع ٥ جنيه في عود القصب اللي بيمصمصه
هيدفع 10 جنيه
يعني دخل بياع القصب هيزيد بنسبة ١٠٠٪
تخيل بقى لو كل شاب اشترى بالفلوس اللي معاه فدان قصب
وسرح بيهم عالكورنيش
شوف هندخل دولارات قد ايه للبلد

منك لله فطستني من الضحك

[ahmed_eng2001]

منك لله فطستني من الضحك

and me too

[3adelnor]

فعلا انخفاض الجنيه هيشجع السياحة قوي
يعني السايح بدل ما يدفع ٥ جنيه في عود القصب اللي بيمصمصه
هيدفع 10 جنيه
يعني دخل بياع القصب هيزيد بنسبة ١٠٠٪
تخيل بقى لو كل شاب اشترى بالفلوس اللي معاه فدان قصب
وسرح بيهم عالكورنيش
شوف هندخل دولارات قد ايه للبلد

....................................
انذار ووقف اسبوع لمخالفة قواعد المنتدى
م.ع.5

[sha2e]

متفق مع حضرتك فى اغلب ما ذكرت ... و لكنى احب اضيف شوية نقاط صغيرة ....

المثال الى حضرتك ذكرته عن انتظار المستثمر حتى حدوث اكبر انخفاض صحيح فى حالة المستثمر الجديد .... انما المستثمر الموجود بالفعل فى السوق و عليه التزامات و مادة خام و توريدات لازم يوردها فى ميعادها .... مش حيقدر يستنى كتير .... هو بيحاول ينتظر اطول فترة ممكنة يقدر عليها ... بس مش حيقدر ينتظر براحته حتى استقرار الاسعار .....

ادى حضرتك مثال لكلامى .... انا معايا دولار و عاوز اغيره لجنيه .. و الجنيه كل يوم بينزل .... بس بيتى مفيهوش فلوس ... و مش معايا فلوس مصرى خالص ... حروح اغير دولار بسعر السوق الحالى علشان انا مش قادر استنى اكتر من كدة

متفق معاك تماما بالنسبة للسياحة

و علشان الموضوع ميقلبش سياسة ..... المشكلة ان التوجه لا يكون سياسى فقط .... التوجات بتختلف فى طريقة التفكير و المعالجة ... فى الاسس و المبادئ .... و اضف لهذا ... نتيجة عدم وجود ثقافة الاختلاف ... فكل الى انت عملته ... لما انا اجى.... ارفضه ... و اشوهه ... ممكن يكون نفس الى انا بفكر فيه و يكون قرارك هو الصح ... بس انا برفضه علشان مختلف معاك

نتيجة ده ... اغلبية المعارضة ... بتكون معارضة على طول الخط ... و اغلبية المؤيدة ... بتكون مؤيدة على طول الخط

دار نقاش بينى و بين احد اقاربى .... و نحن مختلفان على طول الخط .... و اتفقنا على 3 نقاط فى الحكم على الاقتصاد .... و منها ... الحكم على السياسة ... و منها الحكم على الحالة الاجتماعية كمان ....

1- زيادة او انخفاض الاسعار
2- الخدمات .. بتتحسن و لا تسوء
3- سعر الدولار مقابل الجنيه

مع العلم .. اننا نعمل فى القطاع الخاص .... فى مجالين مختلفين تماما

و بالطبع زى ما حضرتك ذكرت ..... رأيى يحتمل الخطأ و الصواب ....
متابع معاك

انا متفق مع حضرتك في كل كلامك بس المستثمر الموجود بالفعل فيه نقطه صغيرة المواد الخام وباقي الالتزامات اجور وضرايب وحاجات تانيه كتير مش بيدفعها من جيبه الخاص دي بتيجي من مبيعاته لان العجلة بتكون دارت خلاص وفيه دخل داخله جزء منه ربحه والجزء التاني للمواد الخام وباقي التزاماته

خلينا بس نتفق ان أغلب المستثمرين كائنات عايشه على امتصاص الاقتصاد المصري
- المفروض المستثمر بيجي يدخل عملة صعبه يعمل بيها مشروع
- يشغل عماله لادارة المشروع
- المنتج جزء منه يسد العجز فى السوق المحلي
- باقي الانتاج يتصدر يدخل ليه وللبلد عملة صعبه

لكن اللي بيحصل عكس كده
- المشروع هيتكلف مثلا 100 مليون هيدفع هو من جيبه 10 - 15 والباقي هياخدهم قروض من البنوك المصرية
- بيشغل اقل عدد من العماله ممكنه وأقل عدد من ساعات التشغيل وبالتالي الانتاج اقل وبالتالي المنتج سعره باهظ الثمن
- الانتاج مش مكفي السوق المصري ومفيش فائض يبقى هيصدر ازاي يعني مفيش عمله صعبه داخله

طيب ايه الحل ؟
قانون صغير ايا كان اسمه حماية المستهلك أو تحديد هامش الربح
طبعا الحكومة متقدرش تصدر قانون زي ده لان المفروض ان شغلتها جذب الاستثمار والمستثمرين
اساسا الجهة الاصلية المنوط بيها اصدار القوانين هيا مجلس الشعب او النواب ايا كان اسمه

طيب القانون ده هيعمل ايه ؟
الباشا المستثمر اللى كان بيكسب فى الحاجه 200 و 300% والامثلة على كده لا تعد على تحصى زي الاسمنت و الحديد والسيارات و ......الخ
لو صدر القانون (وهو مش بدعه على فكرة ده مطبق فى اغلب الدول الراسماليه ذاتها ) هتنتهى تاني يوم الفوضى دي والناس هتحس بفرق سريع
- تاني يوم من تطبيق القانون هيحدث هبوط شديد لكافة الاسعار وده تأثيرة هيكون مباشر على تخفيض نسبة التضخم
- المستثمر عشان يزيد ربحه (ربحة مش نسبة ربحه) مفيش قدامه غير حل واحد هو زيادة الانتاج وده :
1- هيزود العماله يعني بدل ما كان عمال اقل فى وردية واحده هيبقى عمال اكتر فى تلات ورديات
2- بزيادة الانتاج هيتحول العجز فى السوق المصري لفائض للتصدير يدر ليه وللبلد عملة صعبه

في رأيي الشخصي الاقتصاد مش هيبدأ يتحرر والناس تبدأ تحس بحاجه ايجابيه واضحه وسريعه الا بالقانون ده
الفرصه فى ايدنا دلوقتي حالا ومش هتتكرر انتخابات مجلس الشعب أو النواب كمان اسابيع
احنا اللي نقدر دلوقتي نلزم المرشحين و احزابهم انهم يصدروا القانون بمجرد دخولهم المجلس

ملحوظه :
- مفيش قناة تلفزيونيه تقدر تتكلم عن الموضوع ده ( لان القنوات كلها مملوكه لراجال اعمال ومستثمرين ) ولو حصل وراحلهم ضيف واتكلم فى الموضوع ده مبيجيش ولا بيظهر فى قنوات تاني زي ما حصل مع الدكتور صلاح جودة
- فى الموضوع ده بالذات الحكومه متقدرش تصدر القانون ده زي ما وضحت قبل كده بس لو صدر نقدر نحاسبها على تطبيق

يعني الكورة فى ملعبنا احنا دلوقتي

ختاما البلد بلدنا كلنا لو وقعت هتقع على دماغنا كلنا مش هتقع على دماغ المؤيد وتسيب المعارض هتقع على الكل

[ahmed_eng2001]

انا متفق مع حضرتك في كل كلامك بس المستثمر الموجود بالفعل فيه نقطه صغيرة المواد الخام وباقي الالتزامات اجور وضرايب وحاجات تانيه كتير مش بيدفعها من جيبه الخاص دي بتيجي من مبيعاته لان العجلة بتكون دارت خلاص وفيه دخل داخله جزء منه ربحه والجزء التاني للمواد الخام وباقي التزاماته

خلينا بس نتفق ان أغلب المستثمرين كائنات عايشه على امتصاص الاقتصاد المصري
- المفروض المستثمر بيجي يدخل عملة صعبه يعمل بيها مشروع
- يشغل عماله لادارة المشروع
- المنتج جزء منه يسد العجز فى السوق المحلي
- باقي الانتاج يتصدر يدخل ليه وللبلد عملة صعبه

لكن اللي بيحصل عكس كده
- المشروع هيتكلف مثلا 100 مليون هيدفع هو من جيبه 10 - 15 والباقي هياخدهم قروض من البنوك المصرية
- بيشغل اقل عدد من العماله ممكنه وأقل عدد من ساعات التشغيل وبالتالي الانتاج اقل وبالتالي المنتج سعره باهظ الثمن
- الانتاج مش مكفي السوق المصري ومفيش فائض يبقى هيصدر ازاي يعني مفيش عمله صعبه داخله

طيب ايه الحل ؟
قانون صغير ايا كان اسمه حماية المستهلك أو تحديد هامش الربح
طبعا الحكومة متقدرش تصدر قانون زي ده لان المفروض ان شغلتها جذب الاستثمار والمستثمرين
اساسا الجهة الاصلية المنوط بيها اصدار القوانين هيا مجلس الشعب او النواب ايا كان اسمه

طيب القانون ده هيعمل ايه ؟
الباشا المستثمر اللى كان بيكسب فى الحاجه 200 و 300% والامثلة على كده لا تعد على تحصى زي الاسمنت و الحديد والسيارات و ......الخ
لو صدر القانون (وهو مش بدعه على فكرة ده مطبق فى اغلب الدول الراسماليه ذاتها ) هتنتهى تاني يوم الفوضى دي والناس هتحس بفرق سريع
- تاني يوم من تطبيق القانون هيحدث هبوط شديد لكافة الاسعار وده تأثيرة هيكون مباشر على تخفيض نسبة التضخم
- المستثمر عشان يزيد ربحه (ربحة مش نسبة ربحه) مفيش قدامه غير حل واحد هو زيادة الانتاج وده :
1- هيزود العماله يعني بدل ما كان عمال اقل فى وردية واحده هيبقى عمال اكتر فى تلات ورديات
2- بزيادة الانتاج هيتحول العجز فى السوق المصري لفائض للتصدير يدر ليه وللبلد عملة صعبه

في رأيي الشخصي الاقتصاد مش هيبدأ يتحرر والناس تبدأ تحس بحاجه ايجابيه واضحه وسريعه الا بالقانون ده
الفرصه فى ايدنا دلوقتي حالا ومش هتتكرر انتخابات مجلس الشعب أو النواب كمان اسابيع
احنا اللي نقدر دلوقتي نلزم المرشحين و احزابهم انهم يصدروا القانون بمجرد دخولهم المجلس

ملحوظه :
- مفيش قناة تلفزيونيه تقدر تتكلم عن الموضوع ده ( لان القنوات كلها مملوكه لراجال اعمال ومستثمرين ) ولو حصل وراحلهم ضيف واتكلم فى الموضوع ده مبيجيش ولا بيظهر فى قنوات تاني زي ما حصل مع الدكتور صلاح جودة
- فى الموضوع ده بالذات الحكومه متقدرش تصدر القانون ده زي ما وضحت قبل كده بس لو صدر نقدر نحاسبها على تطبيق

يعني الكورة فى ملعبنا احنا دلوقتي

ختاما البلد بلدنا كلنا لو وقعت هتقع على دماغنا كلنا مش هتقع على دماغ المؤيد وتسيب المعارض هتقع على الكل

خلينا بس نتفق ان أغلب المستثمرين كائنات عايشه على امتصاص الاقتصاد المصري ... اتفق معاك فى المجمل بالطبع ....

و اسمحلى لى بعض نقاط التوضيح ....


المنتج المصنع فى مصر .... حتى الان ... لا يرقى لمنافسة المنتج الصينى ... و مش حقارن بدولة كبرى فى الصناعة .... لسبب مهم ... غلو تمن المنتج المحلى بالمقارنة بجودته
غلو تمنه لاسباب ... منها الجمارك على الواردات .... و انخفاض جودته لاسباب كتيرة .. اغلبها فى نظامنا المصرى بصفة عامة ... فاغلب المنتجات محلية الصنع للاستخدام المحلى ... و ليست للتصدير

و عند التصدير لبعض الصناعات الغذائية و المحاصيل الزراعية .... العائد بالدولار بيرجع للمستثمر ... مش للحكومة ... و ان كان ده حيخف من على الحكومة شوية .... علشان المستثمر ده مش حيطلب دولار من الحكومة زى الاول

تكلفة المشروع ... ده يعتبر زى تشجيع للمستثمرين ... بمعنى ... ان الى معاه 10 مليون ... ييجى يقدم على المشروع الى عاوزه و انا ( كحكومة ) حساعده بالباقى .. لغاية لما يقف على رجليه و ينتج و يردلى القرض الى انا سلفتهولو ..... و ان كنت انا معترض على هذا النظام .... و لكنه يعتبر نوع من انواع التشجيع على الاستثمار

الانتاج الى بيتصدر مش بكميته ... على اد جودته ... و الجودة فى الانتاج المصرى ... منخفضة حبتين ... لاسباب كتير .. منها اننا معندناش حاجة اسمها جودة .... و ممكن تضيف الفهلوة المصرية المعتادة ... و الكسل ... و الاستخسار

قانون تحديد هامش الربح .....
الاول ..... احنا ماشيين تبع انهى نظام ؟؟؟؟ راسمالى ؟؟ و لا اشتراكى ؟؟ و لا من ده على ده ؟؟!!

لو ماشيين رأسمالى ... القانون ده يتعارض مع قوانين الرأسمالية ...
و اتمنى حضرتك توضحلنا ... ايه الدول الى عندها القانون ده و بتطبقه ازاى !!

لو ماشيين اشتراكى ... يبقى احنا مش محتاجين القانون ده علشان المفروض ان عندنا قوانين كتير بتحكم الاقتصاد ككل ... مش الصناعة فقط

لو ماشيين من ده على ده ..... و للأسف ده الى احنا ماشيين عليه ... والنظام ده احنا بنعانى منه من فترة طويلة و مش شايف فيه امل فى التطوير

و على اى حال .... لو انا مستثمر ... و اتقالى ان هامش ربحك لن يزيد عن 20 % مثلا بعد ما كان 50 % ... مثلا ... حسيب البلد دى و اروح استثمر فلوسى فى اى بلد تانية تعملى فلوس اكتر

انا متفهم وجهة نظر حضرتك .... اننا مش صح اننا نسيب المستثمرين براحتهم كدة ....
و لكن ... لو حضرتك ماشى على النظام الرأسمالى ... طلع قوانين تتماشى مع النظام ده ... زى قانون منع الاحتكار مثلا ... و الذى لم يكتب له الظهور للنور ... و هكذا فى بقية الانظمة الاقتصادية

اما عن اعضاء البرلمان ...... اتمنى من الله ... ان يخيب ظنى ... و نحصل على برلمان يعرف يجيب حقوق المواطن العادى ... الا ان تجربة الماضى .. تؤكد على اننا ماشيين زى ما احنا

فيه قاعدة بتقول ... المقدمات المتشابهة تؤدى الى نتائج متشابهة

و انا مختلف مع حضرتك فى موضوع د صلاح جودة ..... بس علشان اكون متأكد ... ده د صلاح جودة الملط ؟؟!! الى قالوا عليه ممثل الاتحاد الاوربى و بعدين نفوا هذا ؟؟!! ..... الراجل ده جات فترة ... كان بيطلع فى كل القنوات تقريبا .... كل ما اقلب المحطات الاقيه بيتكلم ... و بالفعل مش بيطلع فى الفترة الاخيرة
و بالطبع ... اؤيد كلام حضرتك ان الاقتصاد بيأثر على الكل ... سلبا و ايجابا

مستمتع بالحديث مع حضرتك .....
متابع معاك

[sha2e]

أخي الكريم
مسألة جودة الانتاج ده طبيعي لانه مقلل المعروض وفي ظل زيادة الطلب فالمستهلك بيرضى بأقل جودة وكمان بيدفع فيها سعر اعلى من قيمتها بكتير
في انواع معينه من الملابس (الغاليه) مفيش عليها اقبال كبير فى السوق المصري فبتلاقي الجوده بتاعتها محترمه جدا وبتتصدر
عايز ابسطها مثلا انا عندي مصنع ممكن ينتج فى الشهر 4000 قطعه والسوق المحلي محتاج 2000 يعني النص والنص التاني ممكن اصدره
لو انا زودت على كل قطعه واحده 1 جنيه مثلا مكسب يبقى في الشهر صافي ربحي 4000 جنيه
نيجي للمصري الاصيل لما يشغل الفهلوه ويحسبها بطريقه تانيه يقولك وانا اشتغل واوجع دماغي ليه السوق محتاج 2000 انتج انا 1000 بس وبكده اضمن انه هيتباعو خطف ومحدش هيتكلم معايا في جوده وكمان انا اللى هحدد السعر بمكسب 4 جنيه فى القطعه الواحده يعني 4000 جنيه بربع المجهود ومحدش قدر يتكلم معايا فى جوده لان بالبلدي السوق عطشان
طيب لو صدر قانون هامش ربح واتطبق هيفضل الوضع كده ولا هيتغير ؟

قانون هامش الربح المفروض انه بيكون بند او مادة من مواد قانون حماية المستهلك
ودول كتير رأسماليه بتطبقه لما تحس ان في قطاع معين بدأ هامش الربح فيه يزيد عن حده
وعلى رأس الدول دي : امريكا - المانيا - فرنسا

ياريت كان المستثمر هنا فى مصر بيرضى بهامش ربح 50% مكنش ده بقى حالنا
فى قطاعات كتير بيتعدى فيها هامش الربح 100 - 200% زي مثلا الاسمنت لو اتحسبت تكلفته واضاف عليه هامش ربح معقول المفروض الطن يوصل للمستهلك ب 230 جنيه شوف حضرتك طن الاسمن بكام
العربيه الفيرنا لو حسبت تكلفتها مش هتتعدى 40 الف جنيه شوف بتتباع بكام
قيس على كده اغلب السلع

الدكتور صلاح جودة خبير اقتصادي بس بيقدر يبسط الاقتصاد بطريقه عجيبه وكان متبني اثارة قانون هامش الربح للرأي العام وكان كل ما يطلع فى اي حديث يتكلم عنه وبالتالي معدش بيطلع نهائي على اى قناه
غير جودة الملط رئيس الجهاز المركزي للمحاسبات السابق

لو البرلمان القادم اتشرط على اعضائه انهم يطلعو قانون هامش الربح بس يبقى كفايه
لانه لو القانون طلع واطبق كل حاجه " بدون استثناء " هترخص
في حاجات كتير أوي هتنزل لأقل من نص سعرها والباقي هيكون هبوط سعره حوالي 25%

[ahmed_eng2001]

كلام حضرتك جميل .... و انا موافق عليه بالطبع .... و لكن يبدو اننا نختلف فى وجهات العمل :)

مثال حضرتك عن الملابس انا متفق معاك فى اغلبه ... مثال حضرتك بيحكى ماساة السوق المحلى ... و انا عاوز اضيف فقط انى من الناس الى بتحاول تختار الجودة و القلة .. علشات ارتفاع السعر .... يعنى ... ممكن اشترى بنطلون واحد فى السنة بس يكون خامة كويسة ... و حشترى واحد فقط على اد فلوسى .... انا نوع من المستهلك موجود منو كتير اوى
و ابحث عن الجيد و لا اجد الكثير

فاضطر لشراء المستورد و الى فى الغالب بيكون مش غالى اوى اد ما هو بيكون جيد
و عذرا ... ما يدور فى بالى صناعات تانية خالص ... الصناعات المعدنية و المكملة ....حاجة زى الى بيسموه بالبلدى ... المكن الى بيعمل مكن
عندنا مشاكل كبيرة جدا فى صناعات الادوات الكهربائية نتيجة زيادة السعر و انخفاض جودة المنتج .. برغم احتياج السوق ... و الى بيحصل ان الناس بتشترى الصينى لأنه اجود و ارخص من المصرى

عاوزين مسامير معينة من خامات معينة ... مفيش ... و محدش عاوز يتعب نفسه و يصنعها و لا يدور على السبيكة بتاعتها
حضرتك لو اتفرجت على دولاب عدة مصرى و اخر تايوانى مثلا .. فرق السما عن الارض ... و مش حقولك كمل فى العدد اليدوية ... علشان مش حتلاقى صناعات مصرية خالص
حتى الخامات ... الالومنيوم و النحاس و الحديد ...و المصنعين فى مصر كخامات ... رديئة بالمقارنة بالمستورد ...
انا عاوز اقول ان مثال حضرتك عن الملابس ... و ان كنت متفق معاه ... بس مش ده كل حاجة

مثال حضرتك ان ممكن تعمل مصنوعات بجودة عالية بس الناس هى الى مش عاوزة ... انا بدى حضرتك مثال ان الناس مش عارفة تطلع منتج كويس .. و استسهلوا الوضع و ده الموجود اذا كان عاجبك

و عذرا .... ياريت حضرتك تشرح اكتر عن تطبيق هذا القانون فى امريكا تحديدا ... علشان على حد علمى و خبرتى القليلة .... مفيش قوانين يلتزم بها الصانع تجاريا غير منع الاحتكار ...... فيه قوانين تانية بيلتزم بها صناعيا و عماليا

فى امريكا .... اشترى الى انت عاوزه ... بالسعر الى انت عاوزه ... و بيعه مرة اخرى بالسعر الى انت عاوزه ...

يوم 11 سبتمبر بالليل ... سعر جالون البنزين وصل ل 5 دولار ... و الناس كانت بتشترى و تعبى فى براميل كبيرة ... و محدش قال للمحطات الى بتبيع انتى بتعملى ايه !!!! قعدوا يقولوا اى كلام فى الجرايد و التليفزيون ... و حنقفلكوا المحطات و حنوقع عليكوا غرامات .. و اصحاب المحطات و لا همها .. فضلوا يبيعوا ب 5 دولار للجالون لغاية لما بنزينهم شطب
للعلم .... الجالون كان ب 1.33 دولار

و فى صناعات زى الاسمنت و الحديد و السيراميك ... ايوة انا متفق مع حضرتك

و لو القانون ده طلع نصا ... انا بقول لحضرتك ان اغلب المستثمرين حيخلصوا اعمالهم و يمشوا من مصر .. علشان فيه دول تانية حتدينى هامش ربح اعلى ... ايه الى يقعدنى فى مصر ....

و فيه حاجات .... لو هامش ربحها مش عالى ... متستاهلش الشغل فيها ... ده رأى اغلب التجار .. ايه الى يخلينى اشتغل فى سلعة ... صناعة او تجارة ... ازا كانت مش جايبة همها ؟؟!!
و ازاى تضمن ان المستثمر مش حيقلل من جودة السلعة او من اجر العمال علشان يحافظ على مكسبه ؟
انا معترض على صياغة القانون بالشكل ده .... و لكن ممكن نحط قوانين تانية نحاول نظبط بيها الموضوع ده و بطرق اخرى

متابع معاك

[sha2e]

آسف على تأخر ردي
اولا : انا عايز اوصل لحضرتك نقطه صغيرة " في اي مجال " طالما حضرتك اشتريت منتج مستورد معنى كده ان فيه عجز بين الاستهلاك والانتاج المحلي ( المنتج المحلي اقل من الاستهلاك )
كون ان المستورد ارخص أو اجود من المحلي فده نتيجه طبيعيه لان المنتج ( الصانع ) المحلي وصل لمرحلة الاشباع وطالما هو باع انتاجه ميهموش بقى نقطة المنافسه سواء بالسعر او الجودة وبالتالي بالطريقة اللى احنا ماشيين بيها دي يبقى كله رايح فى داهيه سواء المستهلك او المنتج

مثال بسيط : واحد سواق تاكسي طالع من بيته يشتغل وعايز يرجع ب 200 جنيه أول ما طلع من بيته لقى سائح بيشاورله عايز يروح مكان قريب راح موصله فى اقل من نص ساعه وناصب عليه وواخد منه 30 دولار
سواق التاكسي بعدها هيكمل شغل ؟ لا طبعا هيروح بيته ( خلاص جبرت )
طيب لو معرفش ينصب على حد ؟ هيفضل يشتغل لحد ما يكمل الفلوس اللى هو محتاجها

موضوع هامش الربح انا شايف ان حضرتك بتناقض نفسك فيه
اولا : الكلام عن تحديد حد اقصى لهامش الربح وطبعا ده بيختلف من صناعه لاخرى محدش اتكلم عن تحديد نسبه للربح
ثانيا : بالنسبه للمستثمر ( واغلب المستثمرين اللى فى مصر ليهم استثمارات كتير بره مصر واقدر اعدلك منهم كتير اوي) ماشيين بره زي الالف ومبيجوش يستهبلو غير هنا في مصر بس
ثالثا : مسألة الجوده واجر العمال لو فيه قانون هامش ربح هيتحسنوا بدون شك لانه عشان يحافظ على مكسبه لازم يزود انتاجه فمحتاج عماله أكتر (زيادة فى طلب العمالة) ومع زيادة الانتاج هيبقى في منافسه لازم هيبقى فيه تحسن للجوده لتعزيز التنافسيه فى ظل زيادة الانتاج وتناقص العجز
رابعا : حضرتك حضرتك قولت فى امريكا بتشتري بالتمن اللى انت وتبيع بالتمن اللى انت عايزه وفي السطر اللي بعده انت بنفسك بتقول لما حصل ظرف طارئ وبعض اصحاب المحطات استغلوا الازمه الحكومه هددت بالتدخل بالرغم انها الحكومه كانت مشغوله بمصيبه اكبر وكان وضع مؤقت استمر ساعات مش سنين زي هنا
خامسا : تقدر حضرتك تتأكد من حلقات الدكتور صلاح جودة اللي اتكلم فيها عن تدخل بعض الدول " الرأسمالية " فى جشع بعض المنتجين والزمتهم بحد اقصى لهامش الربح واتكلم بالتفصيل الشديد في دولة كذا سنة كذا ادخلت الدوله وخفضت هامش الربح من كذا لكذا أكتر من واقعه بتفاصيلها تقدر حضرتك لو مش مصدقني تتأكد بنفسك

تحياتي