لو حد عنده استفسار عن الدهانات و الديكور و النقاشه عامه

[mr_vampire]

ياسلااااام عالتوقيت التمام. بص بقي ياباشمهندس وركز معايا الله يكرمك.
انا داخل علي تشطيب شقة من الالف للياء بعون الله
الشقة لسة عالمحارة وحلقان البيبان بس. المفروض بقي ابدء منين لان طبعا الموضوع جديد عليا
فبعد اذنك تقولي كدة خطوات التشطيب من البداية للنهاية وطبعا ياريت شغل السباكة والكهربا وكدة.

واسفين بقي للازعاج لاني ماصدقت بصراحة.
وشكرا مقدما للمجهود

[Xander2010_Evo]

يا باشا اتشرفت بحضرتك فى الموضوع و انك من السويس كمان
الترتيب زى ما حضرتك ذكرت بالظبط
و حضرتك ممكن تشرفنى نشرب شاى سوا فى المركز و اشرحلك كل حاجه و تشوف الديكورات على الطبيعه او صور
و تكلفه المصنعيه حسب النقاش و شطارته و حسب تهعمل ديكرات قد ايه فى الشقه و حسب هيعمل مجاره و ﻻ ﻻ و النجاره ﻻكيه عادى و ﻻ مغسول و ﻻ استر لو وضحتلى الصوره اكتر هقدر احددلك سعر تقريبى ان شاء الله
و تحت امرك فى اى استفسار تانى

الله يكرمك يا بشمهندس .. حضرتك موجود في أنهي فرع ؟؟ وممكن رقم تليفونك بعد إذنك :)

[kliken]

الله يكرمك يا بشمهندس .. حضرتك موجود في أنهي فرع ؟؟ وممكن رقم تليفونك بعد إذنك :)

تحت امرك يا باشا
فرعين يوتن المغربل فى امتداد شارع مكتبه الكيال او فى شارع بورسعيد امام المكتبه الجديده و المخابرات العسكريه

[kliken]

صوره حقيقيه جدا و معبره عن اﻻلوان بالنسبه للرجال و السيدات ههههههه

[kliken]

ياسلااااام عالتوقيت التمام. بص بقي ياباشمهندس وركز معايا الله يكرمك.
انا داخل علي تشطيب شقة من الالف للياء بعون الله
الشقة لسة عالمحارة وحلقان البيبان بس. المفروض بقي ابدء منين لان طبعا الموضوع جديد عليا
فبعد اذنك تقولي كدة خطوات التشطيب من البداية للنهاية وطبعا ياريت شغل السباكة والكهربا وكدة.

واسفين بقي للازعاج لاني ماصدقت بصراحة.
وشكرا مقدما للمجهود

تؤمرنى يا باشا فى استفسار بس لﻻسف مش هقدر افيدك فى موضوع السباكه و الكهربه لكن معاك فى اى استفسار عن النقاشه او الديكورات او اسقف معلقه تشطيبات عموما لكنى ما عنديش الخبره الكافيه فى السباكه و الكهرباء
بالنسبه للنقاشه الخطوات كالتالى :
1- يتم عمل مراشمه اى نظافه للحوائط من اى شىء عالق من جبس او اسمنت زائد و تكون بسكينه المعجون
2- يتم دهان وش واحد من السيلار و يسمى فى بعض الانواع برايمر و هو يقوم بعمل طبقه عازله عن الحائط و ذلك حتى يكون المعجون الى هيتم سحبه فى المرحله الثانيه متماسك على الحائط و يعزل اى رايش على الحائط من جبس متساقط من المصيص او اى شىء عالق على الحائط ( اختياريه هذه المرحله)
3- يتم سحب سكينتين معجون ثم تركب السيراميك ثم تقوم بسحب السكينه الثالثه و يتم التقفيل على السوتلو (وزره السيراميك على الحائط) بالمعجون و التقفيل ايضا على البارات الخشب و الشبابيك و الشيش و الابواب اى النجاره بوجه عام
4- يتم دهان اول وجه بطانه و يفضل انها بيضاء و تشمل وجهين للاسقف و ذلك لتفنيش السقف
5- يتم دهان وجهان من الدهان النهائى الوش الاخير الفنش للحوائط بالالوان المطلوبه و ذلك بعد الذهاب لاقرب مركز تلوين دهانات بالكمبيوتر و تجربه تناسق الالوان فى المركز فهو سيساعدك فى تنسيق الوان الشقه و يمكن عدم استخدام الخطوه 4 و تنفيذ الخطوه 5 مباشره اى لا نبطن الحوائط و ندهن الوجهان الفنش على طول
6- يتم معجنه النجاره كلها و دهانها و لكن نقوم بعمل فنش النجاره بعد تشطيب الحوائط كلها
اى استفسار فى نقطه معينه انا معاك ان شاء الله

[mr_vampire]

تؤمرنى يا باشا فى استفسار بس لﻻسف مش هقدر افيدك فى موضوع السباكه و الكهربه لكن معاك فى اى استفسار عن النقاشه او الديكورات او اسقف معلقه تشطيبات عموما لكنى ما عنديش الخبره الكافيه فى السباكه و الكهرباء
بالنسبه للنقاشه الخطوات كالتالى :
1- يتم عمل مراشمه اى نظافه للحوائط من اى شىء عالق من جبس او اسمنت زائد و تكون بسكينه المعجون
2- يتم دهان وش واحد من السيلار و يسمى فى بعض الانواع برايمر و هو يقوم بعمل طبقه عازله عن الحائط و ذلك حتى يكون المعجون الى هيتم سحبه فى المرحله الثانيه متماسك على الحائط و يعزل اى رايش على الحائط من جبس متساقط من المصيص او اى شىء عالق على الحائط ( اختياريه هذه المرحله)
3- يتم سحب سكينتين معجون ثم تركب السيراميك ثم تقوم بسحب السكينه الثالثه و يتم التقفيل على السوتلو (وزره السيراميك على الحائط) بالمعجون و التقفيل ايضا على البارات الخشب و الشبابيك و الشيش و الابواب اى النجاره بوجه عام
4- يتم دهان اول وجه بطانه و يفضل انها بيضاء و تشمل وجهين للاسقف و ذلك لتفنيش السقف
5- يتم دهان وجهان من الدهان النهائى الوش الاخير الفنش للحوائط بالالوان المطلوبه و ذلك بعد الذهاب لاقرب مركز تلوين دهانات بالكمبيوتر و تجربه تناسق الالوان فى المركز فهو سيساعدك فى تنسيق الوان الشقه و يمكن عدم استخدام الخطوه 4 و تنفيذ الخطوه 5 مباشره اى لا نبطن الحوائط و ندهن الوجهان الفنش على طول
6- يتم معجنه النجاره كلها و دهانها و لكن نقوم بعمل فنش النجاره بعد تشطيب الحوائط كلها
اى استفسار فى نقطه معينه انا معاك ان شاء الله

تسلم ايدك ياهندسة. هنتوكل علي الله ولو في اي حاجة هرجعلك ان شاء الله

[kliken]

تسلم ايدك ياهندسة. هنتوكل علي الله ولو في اي حاجة هرجعلك ان شاء الله

تحت امرك يا باشا و معاك خطوه بخطوه ان شاء الله

[smsm2015]

لﻻسف يا باشا ﻻزم روله علشان تعمل الحبايه على الحيطه و لو خايف من البهدله ممكن تجيب روله بلحه اللى هى بتبقى 10 سم عرض و دى ميزتها مش بتبهدل الحيطه

شكرا لحضرتك جزاءاك الله كل خير ......

هل فى لون معين من الروله تنصحنى بيه لانى جبت واحده بيضاء مقلمه باحمر وعملت بيها حسيت ان الحباية اقل فى حجمهل من اللى على الحيطه .......

ثانى حاجة معلش استحملنى انا عامل بارات خشب على حلقان شبابيك وابواب البالكونه من بره فى الشقة لان البالكونه لفه عندى بطول وعرض الشقة والنقاش دهنهم لاكيه وفى بعضهم دهانهم بلاستيك لاحظت ان اللاكيه قشر مش عارف ايه السبب وهل ممكن ادهن بلاستيك على لاكيه

[iwantes350]

متشكر جدا لحضرتك على الموضوع الجميل والمفيد جداااا
انا ان شاء الله ناوى اعمل غرفتى وقررت انى اعملها بنفسي وعلى مزاجى هى مساحة الحوائط كلها 46 متر مربع
بصراحة انا مش بفهم فى المساحات .. مساحة الغرفة ((الارضية)) 3.5 * 4 متر وارتفاع الحائط 3 متر .. هل حسبتى صح ؟؟
ولو صح انا ناوى اعمل منهم تلاته بلون العاجى وحيطة واحده هتبقي بالشكل العجيب ده ؟؟


انا عارف انه شكل معقد جدااااااااااااا بس بأذن الله هحاول اعمله ..
ممكن اعرف تكلفة الخامات كام وبالتحديد شركة جوتن ؟ + الفرش والرولات ؟
معلش سؤال ؟؟ ايه درجة اللون الفاتح اللى فى الصورة يعنى ممكن الكود بتاعه .. اللى شبه اللون العاجى كده ؟؟

[ghareeb]

هو سؤال كدة يا باشمهندس سعد اكتر انك انت اكتر واحد تجيبلى فيه من الاخر

دلوقتى دهانات الزيت كان فيها ميزة كبيرة جدا انها بتتحمل الميه و الغسيل و كدة. بس عيبها بقى اللمعه الى فيها و تغير اللون مع الوقت.
انا بفضل اكتر دهانات البلاستيك. بس هل فيه طريقه تخليه يتحمل الميه زيه زي الزيت بالظبط

[elnakshabandy]

تسلم يابشمهندس على المجهود الرائع وربنا يجزيك الخير

هل ممكن ادهن الحيطان بالمسدس الكهرباء الجديد(بدل الكمبروسور والمسدس العادى)
اصل انا شوفته عند الموان وهو مش عارف ينفع دهان الحيطان ولا لا

[Khalid_Mostafa]

هو المعجون الجاهز يا باشا بيشتغل قبل اﻻكيه او البﻻستيك عادى و فى شركات كتير بتنزل لترات زى سايبس او جى ال سى يوتن بتنزل جالون اقل كميه فلو عمدك مساحهةبسيطه اشترى لتر من اى شركه زى اللى ذكرتهم
الزيت برضه لو حضرتك عارف انت كنت داهن ﻻكيه نوعه ايه يبقى هتجيب زيه و لو متلون كمبيوتر هتجيبه نفس الدرجه و لو كان ابيض و متلون يدوى هتحاول تقريبه برضه بس اللون صعب يجى يدوى يبقى احسن لونه كمبيوتر برضه مش هيفرق كتير فى السعر و ريح بالك على الدهان على طول
المشكله عندك انك عامل سبونج و بالتالى بعد اﻻكيه هتحتاج برضه تظبط سبونج علشان يبقى نفس الشكل حضرتك ما ذكرتش النقطه دى و نقشه السبونج عندك معموله ازاى روله و ﻻ بقماشه عشوائى و كان نوع دهان السبونج ايه

الدهان كان معمول يدوي بس انا معرفتش عمله إزاي فبالتالي انا متصور انه كان ابيض وهو لونه ..ولكن ارجوا انك تنصحني بنوع بويه زيت و اللون بتاعه و كيفيية تخفيفه (تربنتينه اعتقد) . السبونج كان لون بني مط هو مدربه علي ايده برضه و للإسف معرفتش نوعه و كان عامله بقماشه بشكل عشوائي و لكن اي نوع دهان يصلح في الحاله دي ؟

[kliken]

شكرا لحضرتك جزاءاك الله كل خير ......

هل فى لون معين من الروله تنصحنى بيه لانى جبت واحده بيضاء مقلمه باحمر وعملت بيها حسيت ان الحباية اقل فى حجمهل من اللى على الحيطه .......

ثانى حاجة معلش استحملنى انا عامل بارات خشب على حلقان شبابيك وابواب البالكونه من بره فى الشقة لان البالكونه لفه عندى بطول وعرض الشقة والنقاش دهنهم لاكيه وفى بعضهم دهانهم بلاستيك لاحظت ان اللاكيه قشر مش عارف ايه السبب وهل ممكن ادهن بلاستيك على لاكيه

موضوع اللون ده معيار توى بس من افضل الروﻻت كانت بتبقى لونها اخضر فاتح كانت حبه بتاعتها حلوه
لو ﻻكيه مدهون كويس تقدر تدهن بﻻستيك عليه عادى جدا مع الحوائط

[kliken]

متشكر جدا لحضرتك على الموضوع الجميل والمفيد جداااا
انا ان شاء الله ناوى اعمل غرفتى وقررت انى اعملها بنفسي وعلى مزاجى هى مساحة الحوائط كلها 46 متر مربع
بصراحة انا مش بفهم فى المساحات .. مساحة الغرفة ((الارضية)) 3.5 * 4 متر وارتفاع الحائط 3 متر .. هل حسبتى صح ؟؟
ولو صح انا ناوى اعمل منهم تلاته بلون العاجى وحيطة واحده هتبقي بالشكل العجيب ده ؟؟


انا عارف انه شكل معقد جدااااااااااااا بس بأذن الله هحاول اعمله ..
ممكن اعرف تكلفة الخامات كام وبالتحديد شركة جوتن ؟ + الفرش والرولات ؟
معلش سؤال ؟؟ ايه درجة اللون الفاتح اللى فى الصورة يعنى ممكن الكود بتاعه .. اللى شبه اللون العاجى كده ؟؟

ربنا يخليك حضرتك نورت الموضوع
الحسبه 45 متر زى ما انت حاسب بالظبط اﻻ شويه هههه
اللون الفاتح محير جدا ﻻنى لما بكبر الصوره بتغمق و تفتح اقرب لون انا شايفه هو
s1002-y50r بس ﻻزم تروح تشوفه بنفسك على الطبيعه علشان تتأكد انه اقرب ما يكون للى انت عاوزه و ﻻ محتاج تفتح او تغمق شويه حسب تخيلك
انت تقريبا هتحتاج ل 3 حوائط جالونين و تمن الجالون 100 جنيه تقريبا و موضوع الفرش و الروﻻت ده عادى مش هتعمل 30 جنيه
اى استفسار تانى معاك

[kliken]

هو سؤال كدة يا باشمهندس سعد اكتر انك انت اكتر واحد تجيبلى فيه من الاخر

دلوقتى دهانات الزيت كان فيها ميزة كبيرة جدا انها بتتحمل الميه و الغسيل و كدة. بس عيبها بقى اللمعه الى فيها و تغير اللون مع الوقت.
انا بفضل اكتر دهانات البلاستيك. بس هل فيه طريقه تخليه يتحمل الميه زيه زي الزيت بالظبط

البﻻستيك فى يوتن اصبح اقوى من اﻻكيه ما تشيلش هم الغسيل نهائى فى الفينوماستيك سيلك ده ربع ﻻمع قوى جدا و لمعته ضى خفيف و فى طبعا الوحش هههه اسمه فينوماستيك مقاوم البقع ده قصه كبيره
تحت امرك فى اى استفسار تاتى