هاني أدم "AlmAhAtmA"قائد سيارة نايل موتورز للأعضاء

[PAYOO]

تم تعديل حجم خط المشاركات في الموضوع بواسطتى
الادارة (1)




سيداتي أنساتي سادتي يسعدنا أن نتجول معا في رحله إلى المجهول يصاحبنا فيها العضو المتميز جدا هاني أدم "AlmAhAtmA"


تصفيق حاد


ندخل في الموضوع على طول يا عم هاني


شوف بقى يا سيدي
أنا جبت لك شوية عربيات كده على ماؤسم أختار منها إللي يعجبك
يعني لو حابب أن واحد بس يركب معاك من الأعضاء ولما يخلص كلامه معاك ينزل ويركب واحد غيره (دا انت هاتتهري يا جدع) يبقى أختار العربيه الاسبور دي وماتقلقش هاننزل الست إللي راكبه فيها دي (هيه بس كانت بتتفرج عليها)



ولو عاوز يبقى معاك 3 .... 4 أعضاء يسلوك كده في السكه ويبقى خد العربيه الصالون دي



ولو حابب بقى أن الشله كلها تركب معاك ونورملك دماغك يبقى خد الحته الهامر دي



بس أوعى تودينا بلاد الأسكيمو


وعلى فكرة البار ده مليان مشروبات أشي تمر هندي على خروب على عناب على جنزبيل .... إلى أخره يعني مش حارمك من حاجه يامان
إللي هاتعوزه هاتلاقيه في البار ده ولو مالقتش أي حاجه انت عاوزها وانا نسيت أحطهالك في العربيه يبقى ممكن تنزل في أقرب رست عشان تجيب إللي أنت عاوزه (بس تجيب فاتوره عشان Nile Motors هو إللي هايحاسب)


ندخل بقى على الأسئلة يا مان
شوف انا مش هاتقل عليك قوي همه كام سؤال صغيرين كده لحد السحور وارجع أركب معاك تاني ونكمل مع بعض الرحلة

أنا مش هاسألك أسألة عاديه زي أسمك وسنك وهواياتك .... إلى أخره أنا هاقولك يا ريت تكلمنا عن نفسك وتقول البيانات غللي أنت عاوز تقولها عن نفسك

اتعرفت على Nile Motors منين ؟ وياترى عجبك المنتدى ؟ وأيه اكثر حاجه عجباك في المنتدى ؟ وايه أكثر حاجه مش عاجباك فيه؟

أنت أسكندراني زي ما كلنا عارفين
ممكن تقولنا على أحسن مكان بتحبه في أسكندريه كلها ؟ وليه المكان ده بالتحديد ؟ ولما بيجيلك زائر من خارج أسكندريه أيه هو احسن مكان بتحس أنه بيميز أسكندريه عن غيرها عشان تخلي ضيفك يزوره ويستمتع بالمكان المميز ده ؟ وياترى بتفكر تسيب أسكندريه وتعيش في أي محافظه تانيه؟

يا ترى لما بتحب تصيف بتصيف فين ؟ أسكندريه برضه وللا مكان تاني؟ بتحب تكون في الرحلات مع اصحابك وللا مع أسرتك؟ يترى أنت مع اسرتك بتكون بنفس روح المرح دي وللا روحك المرحة دي بتلاقيها مع اصحابك أكثر من أسرتك ؟

كلنا عارفين أن روحك المرحه وجدعنتك هي من أهم السمات إللي بتميزك يا ترى أنت بنفس الروح دي طول الوقت وللا في الشغل مثلا بتتعامل بأسلوب تاني ؟ لما بتقابل مشكله في شغلك بتلجأ لمين عشان يحلهالك لو أنت ماقدرتش تحلها ؟ ولما بتقابل مشكلة ما في حياتك بتلجأ لمين عشان يسعدك في حلها ؟ وهل ياترى بتلاقي عنده دايما الحلول

مين أكثر حد بتفضفض له وأنت مطمأن وعارف ان سرك في بير ؟ هل يا ترى في حد خانك قبل كده ؟ ولو ده حصل أحساسك كان أيه وقتها ؟ ياترى انت بتحب تعامل الناس بمعاملتها ؟ يا ترى أيه هو مدى التسامح عندك؟

هدي شويه يا عم انت قولنا ماتجريش بالعربيه عشان الرادار وممعناش هنا حد من الأعضاء ظابط يجبلك الرخصه جدعنه وبعدين أحنا مأجرين العربيه يا عم الحاج
أيوه كده خليك على السرعه دي حلو قوي
تشرب حاجه ؟ في هنا كركاديه ساثع مشبر أهه مخلهولك لبعد الفطار
أوعى كده يا أسلام رجلك ماتخدش المكان كله

نرجع بقى لمرجوعنا يا عم هاني بس بـُص قدامك ونبي وأسمعني

يا ترى لقيت بنت الحلال وللا لسه ؟ (أنا بصراحه معرفش إذا كنت متجوز وللا لأه) عشان كده لو مالقيتش بنت الحلال ياريت تقولنا على المواصفات إللي في دماغك لبنت الحلال إللي أنت عاوز ترتبط بيها بقيت حياتك
وياترى هاتعلمها السواقه وللا لأه ؟ وهاتجيب لها عربيه وللا لأه ؟

بالنسبة لعربيتك الهوندا سيتي الجميله دي (أنا عارف طبعا أنها "أستب ترونيك" ما أنا جربتها معاك قبل كده) عاوز اسألك يا ترى أستخدمتها زي المانيوال من وقت ما اشتريتها ؟ وأمتى بتحس أنك عاوز تستخدم الفتيس كأنه مانيوال؟ طبعا يا باشا أنا عارف أن المانيوال عندك بالزراير في الدريكسيون يعني مافيش أدنى مجهود وياريت تدي نصيحه للناس إللي عاوزين يجيبوا عربيه فتيسها "أستب ترونيك" فعلا هو عملي ومفيد وللا لأه؟

ياترى عربيتك أنت راضي عنها بنسبة كام في الميه ؟ وياريت تقولنا لما تحب تغيرها هاتجيب ايه بعدها ؟ وأيه هي العربيه إللي بتحبها جدا بس ماتحبش أنك تشتريها ؟ (يعني أنا مثلا بحب المرسيدس جدا لكن ما حبش يكون عندي مرسيدس هاحس أنها مش لايقه عليا)

يا هاني ماتشدش معاه يا هاني .... يووووووه يا جدع خليك كول احنا في رحله ... أيه يعني زنق عليك ؟ ممكن يوكون غصب عنه ... أيوه كده جدع والله يا هاني

طيب بمناسبة الراجل إللي زنق علينا بالعربيه دلوقتي وكان هايطلعك على الرصيف ده
لما حد بيزنق عليك بتعمل أيه؟ ياترى بتجري وراه وللا بتسيبه لحال سبيله ؟ ولو حد حب يروش معاك ويشد ياترى أنت كمان بتشد وللا بتحب تسوق براحتك

أيه هي السرايط أو السيديهات إللي في عربيتك ؟ وياترى طول ما أنت راكب بتبقى مشغلها ؟ وياترى بتحب الكاسيت يبقى صوته عالي وللا في المعقول وللا واطي؟

أستنى هنا يا هاني .... أركن أركن أيوه ... أنا هانزل هنا على ماتجاوب على الاسئله دي واجيلك بعد الفطار أظبطك في كام سؤال صُغنين زي دول كده



سلام يا صاحبي

ولاااااااااااااا يا حمو التمسااااااااااااااااااااحه يالااااااااااااااااا

[إسلام شاهين]

طيب إنت كده مسبتش حاجة يا بايو نسألها تاني لهاني ده إنت ولا اللي هيجوزه بنته !!!!!!!!!!!!!!!!!!!!!!!!!!!

ربنا معاك يا هااااااااااااااااااااااني

[PAYOO]

طيب إنت كده مسبتش حاجة يا بايو نسألها تاني لهاني ده إنت ولا اللي هيجوزه بنته !!!!!!!!!!!!!!!!!!!!!!!!!!!

ربنا معاك يا هااااااااااااااااااااااني

لا لا لا ما انتم ماترحمهوش برضه

شغلو الفكاره وافتكسوله أسئله تخليه في حالة ماتسمحلوش انه يزود السرعه

انا عاوزه يركن على جنب ويقول ونبي أرحموني يا جدعان

[Dr Ahmed]

أنا مش لاحق لا أقرا ردك ولا أشوف الصفحة كويس يا أستاذ هانى

[Sharky]

إيه يا هانى دا إنت خدت كل الأسئلة
طب خليها سؤال واحد و بعد ما يجاوب سؤال تانى
دا كده حيقعد أسبوع علشان يجاوب على أسئلتك بس :mrgreen:

ربنا يكون فى عونك يا هانى

[goodwave]

ربنا يكون فى عونك يا هانى

يا جماعة هاني مش حيرد أصلة أغمى علية اول ما شاف الاسئلة الكتيييييييييييييير بتاعة بايو :mrgreen:
يا عم بايو حبة حبة وسيب شوية اسئلة لاخواتك تاكل عيش :mrgreen:

[AlmAhAtmA]

عزيزي عضو المنتدي
تعلن شركه المهاتما المتحده للنقل البري
عن قيام رحلتها الاولي و الاخيره في تمام الساعه العاشره من منتصف الليله
و علي المقيمين خارج السياره مراعاه فروق التوقيت

[PAYOO]

عزيزي عضو المنتدي
تعلن شركه المهاتما المتحده للنقل البري
عن قيام رحلتها الاولي و الاخيره في تمام الساعه العاشره من منتصف الليله
و علي المقيمين خارج السياره مراعاه فروق التوقيت

أيووووووووووه يا جدعان
ماتسيبوا الراجل يفطر كده ويهضم وياخد نفسه عشان يعرف يرد على الأسئله أنتم فاكرين الرحله دي رحله لجنينة الأسماك وللا أيه؟ دي رحلة Nile Motors يا رجاله يعني إللي يرضى يسوق بينا ويطلعنا رحله لازم يبقى تمام التمام وأد المهمه دي

بص بقى يا عم هاني انا هاستنىعلى الإمه في الجراج بتاع الساحة الأجتماعيه الساعه 10 زي ما أنت قولت بس خاللي بالك مافيش زوغان لحسن الشباب يكلوك أكل
دا أنا حتى متعاقد مع مركز بريدج ستون إللي أنت بتحبه عشان يلمع لك العربيه يعني أي عربيه هاتختارها هاتلاقيها نظيفه زي الفل ومتظبطه عند المهندس احمد

http://www.nilemotors.net/Forum/viewtopic.php?t=7834&postdays=0&postorder=asc&start=0

شوف بقى تكييف وهانشغلهولك
كاسيت ومش هانحرمك منه
بنزين هانفولك العربيه ومش هاتدفع بنزين
مالكش حجه يا مان دا حتى نظافة العربيه خليناها في المكان إللي انت بتحبه (ياللا بقى عاوزين نتعرف عليك يا نجم)



ولااااااااااااااا يا حموووووووووووو التمساحة يالاااااااااااا

[hazem_khidr]

طيب إنت كده مسبتش حاجة يا بايو نسألها تاني لهاني ده إنت ولا اللي هيجوزه بنته

:D :D :D :D :D :D :D :D

[tmz9111]

:lol: :lol: :lol:

[PAYOO]

أنا مش لاحق لا أقرا ردك ولا أشوف الصفحة كويس يا أستاذ هانى

أي خدمة يا دكتور ظبطت الصفحه أهو ياللا بقى عاوز هاني مايكفهوش أسبوع للرد على الأسأله




فين يا جماعه الأفتكاسات؟ بقى هاتغلبوا في شوية أسئله ؟ طب أسألوه في الجغرافيا حتى

أنا على فكره مارضيتش أسأله أسئله كتير عشان ما أتعبهوش في اول يوم بس

[hazem_khidr]

يا تري مقاس قمصانك كام و ايه الالوان اللي بتفضلها في لبسك عموما ؟
بتحب الاحذيه الجلد ولا الرياضيه و مقاسك كام برضه دا مهم بالنسبالي و الالوان طبعا؟ :D
يا تري فاكر اول واحد اتعرفت عليه في حياتك الدراسيه يعني اول يوم روحت في الحضانه و قعدت جنب تلميذ يا تري فاكره و يا تري ليك كلام معاه لحد دلوقتي؟؟؟؟؟ولا خلاص اتنسي؟
ادي شويه اسئله اتسلي فيهم بقي :mrgreen:

[Ahmed Samy]

بتعرف تعوم ؟؟؟
ايه أكتر مرة خوفت فيها في حياتك ؟؟
و أحلى خبر سمعته في حياتك ؟؟
على جنب هنا بقى علشان راكن العربية قدام المنتدى و هاتمشى شوية لحد عندها

[PRO-DRIVE]

ربنا يكون في عونك :mrgreen:

[emadfk]

كام سؤال كده على الماشى

طبعا انت من الاسكندرانية الجدعان فعاوزين نعرف انت بتعرف تصطاد ولا لا ولو بتعرف فين احسن مكان لصيد السمك فى الاسكندرية وايه انواع الصنانير المسثخدمة اذا كانت بوصة عاديه ة ولا مكنة وايه احسن اوقات للصيد فى الصيف و فى الشتاء

وكمان ايه انواع الطعم المستخدم للانواع المختلفة للاسماك

وربنا معاك انا لو منك اركن و ابيع العربية لاقرب عضو فى المنتدى

عماد