إعـــــــلان

Collapse

.

,
See more
See less

هاني أدم "AlmAhAtmA"قائد سيارة نايل موتورز للأعضاء

Collapse
X
 
  • Filter
  • الوقت
  • Show
Clear All
new posts

  • #16
    المكان: شط الاسكندريه
    الزمان: بعد صلاه العشاء في الليله 27 من شهر رمضان
    الحدث: بدء الرحله الاولي لمركبه نايل موتورز
    نوع المركبه: هوندا سيتي 1500 سي سي 2006 (مع احترامي لاختياراتك يا هن)
    عدد الاعضاء: 1 (ايوه انت و بس انت مين ؟ انت كل واحد هنا)

    اتفضل يا سيد الكل
    اربط الحزام و رجع الكرسي و اسمع ست الكل فيروز و افتح لي قلبك :D

    انا اسمي هاني ادم و ممكن من اللحظه دي تعتبرني اخوك
    شكلي مش مهم شكلي اللي بره المهم شكلي اللي جوه
    تقدر تقول اني واحد من اللي متشعلقين بربنا و مش مهم قوي رجلهم فين
    بالحظ و بالصدف مش مؤمن بيها قوي لكن مؤمن بان الله كبير و رحمته وسعت كل شيئ

    عاجبك العلم اللي علي الكنبه
    ده علم نايل موتورز
    مكان جميل
    تحس انه واحه في قلب الصحراء
    يعني تروح عندهم ولا فيه كدب ولا نفاق و لا الكلام اللي بيعكر الدنيا ده
    انا عرفتهم عن طريق احمد جنيدي جندي مجند اكيد حيكلمنا دلوقتي علشان هوه رايح نفس مشوارنا
    بيعجبني فيهم ممارستهم للحياه الجميله مع بعض
    حياه كتير مننا مفتقيدنها و انا اولهم

    ايه يا سيد الكل ما تعبتش من الرغي بتاعي
    تعالي نريح شويه
    ايوه هيه القلعه
    عايز تعد هنا
    لا حاعدك اعده ملوكي
    تعالي بس خلي بالك
    ايوه هنا
    شباك في ظهر القلعه منك للبحر
    و ندندن مع بعض امانه يا بحر تستلم الامانه احبابنا يا بحر في عيونك امانه
    كبايه حمص الشام تعدل الدماغ و تعمر الطاسه
    اصحي لسه سهرتنا طويله

    البحر ده هوه كتاب احلامي
    يامه كلمته و قلت له عن احلامي
    و ياما ضحكنا و ياما بكينا
    اه عليك نور
    انا بحب اضحك لدرجه اني لما بكون زعلان وشي بيضحك
    انت عارف انا ايه
    انا الاراجوز

    سيبك يا سيدي
    اه انا بحب السفر و كنت بكتب زمان لكتاب اسمه لونلي بلانت
    اكتر مكان بحبه
    و ليه فيه اهل و ناس و عزوه
    اسوان :arrow:
    يااااه يا بلاد الدهب
    تعالا نكمل كلامنا في العربيه
    تسمع منيب

    مشتاقين يا ناس لبلاد الدهب

    اه تخيل 21 مره اروح اسوان لوحدي و منزلشي في الاقصر ولا مره
    انا بحب البلد دي و ناسها و كل حته فيها
    مسير الحي يتلاقي يا بلد الوعد و المكتوب و البلح الابريم

    انا بحب اللي يقول عليه طيب :lol:
    لكن بكره قوي اللي يقول عليه عبيط

    في الشغل
    هيه معادله عجيبه شويه :roll:
    يعني ممكن الصبح اضرب جبنه قديمه مع الدكتور صبحي احسن واحد بيعمل شاي في العاشر من رمضان سنه 1967
    و ممكن تلاقيني بتعارك مع عضو مجلس اداره بعد الظهر و تلاقيني بفسح مديرتي بليل و نرقص مع بعض
    علشان تستمتع بالكلام ده و تكون انت نفسك في كل موقف
    كلمتين و بس ما تحطش صبعك تحت ضرس حد ولا صلعتك تحت مشط حد
    انا اشتغلت مع الشعب الياباني و الانجليزي و الاميركي و الهندي

    اشمعني سالت عن التجربه اليابانيه :?:
    علشان الصوره اللي في قلبي :?:
    اه
    دي صوره مديري ياماتو في اول شركه اشتغلت فيها
    الراجل ده عمل معايا اللي يخليني حتي الان بعد مرور 8 سنين من شغلنا مع بعض
    لما اشوفه لازم انزل ابوس ايديه
    تخيل بقي عمل ايه
    الشكر لك يا الله انت تسبب الاسباب و كل شيء بقدرك و قدرتك

    بس قول يارب
    اقولك علي احلي علاج لامراض النفس
    سيب البلف بتاع قلبك
    ايوه يا سيدي ركعتين في نص الليل و اكلم و افتح و فضفض و استني و حتنول مرادك

    انا بكسف افضفض لانسان علشان ما اشيلوش الهم
    بفضفض للي رحمته وسعت كل شئ

    ما تيجي ننزل نتمشي شويه
    انا حركن العربيه هنا
    نشرب اتنين مانجه عند ملك المانجه و نتمشي لحد المكان اللي احنا رايحينه

    عجبتك الهوندا سيتي
    ظريفه قوي

    حقولك علي سر
    تخيل اني استلمت العربيه دي تاني يوم وفاه والدي
    لكن حسيت زي ما تكون بطبطب عليه

    العربيه دي علي الرغم من انها بقالها معايا 8 شهور و 34 الف كم
    الا انها شافت معايا ذكريات كتير

    يعني شافتني و انا بعيط و رايح العاشر من رمضان و سايب امي و والدي لسه متوفي
    و شافت فرحتي و انا بودي خطيبتي كورسات الكليه
    و شافت شوقي و انا رايح لحبايبي في المنتدي
    و لسه ياما ان شاء الله حتشوف
    بعد الياباني يا باشا بعون الله نركب الماني
    مش كده ولا ايه

    انا سواقتي علي ادي يا عم :shock:
    احنا ولا بتوع شد ولا جري

    بس انا مبدئي لكل مقام مقال
    يعني سالك اديها
    يعني مش سالك مش اديها
    يعني الجري مش السرعه
    الجري الصح هوه القدره علي التحكم في السرعه

    مساء الخير :D

    ايه مش قادر تمشي بعد المانجه تعالي ناخد العربيه
    اسمعك حاجه عجب
    انا بحب المزيكا
    لا محمد منير مش في القائمه
    ده موضوع تاني و ياريت منفتحوش

    يعني يا سيد الكل
    منيب
    روجر واتر
    شاب خالد

    و من انواع المزيكا
    جاز و بلوز
    كلاسيك روك
    و الموسيقي الصوفيه و ده موضوع كبير قوي

    و بيني و بين عمي ياسين التهامي حكايات كتير

    اسمعك السي دي ده و ادعيلي
    اسمه الحضره
    و انا حضرتها في المغرب فعلا

    و السي دي ده هديه مني اسمه موتزارت المصري
    اغنيلك حته :shock:

    يا حلو يالي سواد عينك مجانيني
    و السحر ساكن ما بين الرمش و النيني
    فيه حد وزك عليه لجل تفتني
    و جرحتني بسهم عينك و الدوا عندك
    و كلمه مني لشفايفك راح تطمني

    ايه يا عم حتاكلني بعينك
    اه انا واد شيك و سمبتيك (نفسي اعرف يعني ايه)
    انا سبورتوير بره الشغل 8)
    في الشغل هاي كلاسيك كافلينكس و حاجات كده
    ماعدا يوم الخميس سمارت كاجوال :lol:
    بحب الازرق و مشتقاته و مش بحب البني و مشتقاته :arrow:

    ولااااااااا عبدالمعطييييييييييييي :lol: :lol:
    عارف مين ده
    ده عبد المعطي جاري و صاحبي من اول يوم مدرسه
    عبد المعطي ده حكايه احسن نقاش في الكوكب الارضي و يمكن زحل لو فيه حياه و حيطان عايزه تتبيض
    عبد المعطي مقدم في الهجره العشوائيه لامريكا و ماشي بالباسبور و السي دي اللي عليه صورته

    انا حوت في البحر دولفين بين الامواج محاره في الرمال :twisted:
    اييييييييييييييييييييييييوووووووووووه يا جدعان ده انا اسكندراني ياواد :twisted:

    الخوف
    مالوش مكان
    اصلي انا علي طول متونس بالناس و اللي يحب الناس عمره ما يكون مداس
    احلي خبر سمعته في حياتي
    لما واحده من دراسات الجدوي اللي عملتها اخدت جايزه عالميه
    و جه البورد اللي بيمنح الجايزه دي القاهره
    و عملوا لي حفله كبيره
    لا مش ده اللي فرحني لسه
    اللي فرحني اني اخدت البورد و رحنا الحسين و روقتهم في خان الخليلي و قهوه نجيب محفوظ
    و طبعا الحبايب هناك قاموا بالواجب
    و بعد ما سافروا
    بعتوا لي جواب اني معروف في الحسين اكتر من توت عنخ امون
    المره دي فرحت قوي علشان اللي بيتاجر مع الله عمره ما يخسر ابدا

    احنا وصلنا اول مشوار لينا
    حنتقابل عند النخله دي بعد ما نخلص
    ايوه ده مسجد القائد ابراهيم
    نصلي التهجد
    و ندعي لكل احبابنا و نتطلع نتسحر و نروح ننام و نتقابل بكره ان شاء الله و كان لينا عمر
    [SIGPIC][/SIGPIC]

    Comment


    • #17
      الله عليك .

      Comment


      • #18

        أيوووووووووه يا جدعان

        مع أنك اتاخرت ساعه عن ميعادك بس مش مشكله أنا عارف انك جاي من أسكندريه ومشوارك طويل حبتين

        أنت بقى اخدتنا في دوكه كده وجاوبت على الأسئله بأسلوبك المميز
        بس مش مشكله احنا قاعدين مع بعض كام يوم في الرحله دي وهاناخد على بعض خلال الكام يوم دول

        قوللي بقى ناوي تودينا على فين بعد ما صلينا العشاء معاك وودتنا القلعه وشربتنا حمص الشام؟

        ياريت تاخدنا لاسوان ونبي يا هاني وتوصف لنا المكان إللي هاتديهلونا
        وياريت تاخدنا كده في فسحه دوليه زي بتاعت المغرب واهو انت معاك عربيه تفوت في الحديد 1500cc وأستب ترونيك يعني مش حرمينك من حاجه وماتقلقش كل إللي هانعدي عليهم حبايبنا من أول الأخ العقيد معمر القذافي إلى الملك الحسن

        أركن هنا بقى ونبي يا ريس عشان انا ناوي ابات في البيت انهارده مع العيال وبكره لو هاتخدنا أسوان إللي أنا بعشق أهلها يبقى أكيد هاجيب معايا شنطة هدومي ونروح نبات في بيت أي حد من قرايبك اهل الكرم كله

        تصبح على خير يا مان

        Comment


        • #19
          اكثر من رائع
          عجز اللسان عن الكلام
          مهندس/ احمد عبد الرازق

          Comment


          • #20
            كلام من القلب ولازم يخش القلب..

            لكن فيه نقط جذبت انتباهى نفسى أخويا المهاتما يوضحها لى...

            و ممكن تلاقيني بتعارك مع عضو مجلس اداره بعد الظهر و تلاقيني بفسح مديرتي بليل و نرقص مع بعض
            توضيح يا باشا.....
            هل لك فى السهر؟؟؟؟؟؟؟

            الموسيقي الصوفيه و ده موضوع كبير قوي
            توضيح تانى....
            إيه هى الموسيقى الصوفية؟؟
            وإيه رأيك فى الطرق الصوفية على العموم وعلى الخصوص؟
            وإيه رأيك فى زيارة ضريح سيدهم المرسى أبو العباس؟؟

            هل أطمع فى الرد................ من أخى...
            [CENTER][aldl]http://www.jewelsf.com/up/uploads/542f6eee3a.gif[/aldl]
            [/CENTER]
            [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
            [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
            [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
            [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

            Comment


            • #21
              تقبل الله يا شيخ :)
              الشيخ حاتم شاب لكن الله اعطي له حلاوه الصوت
              ان شاء الله نواظب سوا علي التهجد حتي اخر الشهر الكريم

              تعالي نروح نتسحر :lol:
              حوديك عند واحد اسمه سويسرا
              لبان في كامب شيزار
              اديها طاسه بيض مع حته جبنه و الزبادي :shock:

              اه انا علي الاخر بس ان شاء الله نجاهد و نصلي الفجر جماعه و ننام
              انا ماليش في السهر و بنام بعد العشاء
              ايه السبب
              انا متعود اذاكر كل يوم بعد الفجر
              و علشان اصحي الفجر لازم انام بدري بدري

              يااه انت فاكر لما كلمتني و قلت لك سهران مع مديرتي
              يا سيدي دي مره في السنه لما مديرتي بتيجي من انجلترا
              علي فكره اسمها ساره اسم مصري شويه
              هيه انسانه ظريفه و مهذبه و بتحب اسوان و بتحب التفاحه و احلي حاجه مش بتشرب خمر ولا بيره بس في الاكل المصري ما اقولكشي طاحونه :shock:

              مولد ايه يا عم اللي انت عايزنا نروحه ده :(
              و نزور ميين انا بكره حفسحك فسحه عجب ان شاء الله
              لكن ما لهاش لازمه الزياره
              بقي تسيب الرب و تتمسح في قبرالعبد
              يا راجل بقي الله ياتيك هروله و يمحو لك ذنوبك و لو كانت مثل زبد البحر و انت رايح تكلم لي شاهد وتتمسح في ضريح

              يا سيدي الله مش محتاج ولا واسطه ولا وسيط :arrow:
              ارفع ايديك و اطلب منه هوه القادر الرحمن الرحيم

              يا عم انا ولا شيخ ولا حاجه ده انا مليان بلاوي بس ربك هو الستار

              قال رسول الله صلي الله عليه و سلم
              تركت فيكم ما ان تمسكتم به لن تضلوا بعدي ابدا كتاب الله و سنتي
              صدق رسول الله صلي الله عليه و سلم

              الف هنا و شفا
              عقبال ما نتسحر في صحن الكعبه :D

              الاذان الاول يالا نتوضي و نصلي و نروح ننام
              حستناك تكلمني بكره :roll:

              [SIGPIC][/SIGPIC]

              Comment


              • #22
                يا طولة بالك يا ابو ادم, ولو انى زعلان منك بس ما علينا ولا تنسانا من دعائك.
                [CENTER][SIZE=3][B][FONT=Arial Black]"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"[/FONT][/B][/SIZE][/CENTER]

                Comment


                • #23
                  الأخ الفاضل هاني والله عنيا دمعت وانا بتابع كلامك ربنا يكرمك يا باشا :)
                  [CENTER] [/CENTER]

                  Comment


                  • #24
                    كلامك حلو و مظبوط في الكتابة
                    واسلوبك عالي وفيه بلاغة
                    يبقي ما تتاخرش علي الاعضاء الغلابة
                    وربنا يكرمك علي قد ما في قلبك طيابة
                    اللهم انك عفوا كريم تحب العفو فاعفو عنا

                    [img]http://www.alhsn.net/up/files/1913.jpg[/img]

                    Comment


                    • #25
                      مولد ايه يا عم اللي انت عايزنا نروحه ده
                      و نزور ميين انا بكره حفسحك فسحه عجب ان شاء الله
                      لكن ما لهاش لازمه الزياره
                      بقي تسيب الرب و تتمسح في قبرالعبد
                      يا راجل بقي الله ياتيك هروله و يمحو لك ذنوبك و لو كانت مثل زبد البحر و انت رايح تكلم لي شاهد وتتمسح في ضريح

                      يا سيدي الله مش محتاج ولا واسطه ولا وسيط
                      ارفع ايديك و اطلب منه هوه القادر الرحمن الرحيم
                      طمنتنى....

                      بس إييييييييييه
                      مش هسيبك...
                      تعال هنا وقوللى...

                      يعنى عمر ما حد من الناس اللى حبيتها خدعك؟ مدّى الأمان للجميع؟ تحب الأول وبعدين تكره؟ وللا تحب وبعدين تبعد؟ وللا تفكر وبعدين تحب؟ وللا تحب وزى ما تيجى؟؟
                      وليه دايما الحب عندك طوفان؟ وياترى الوالد-رحمه الله، والوالدة ربنا يخليها-ليهم دور فى كده وللا المهاتما ظاهرة بدون مقدمات؟؟؟
                      [CENTER][aldl]http://www.jewelsf.com/up/uploads/542f6eee3a.gif[/aldl]
                      [/CENTER]
                      [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                      [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                      [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                      [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                      Comment


                      • #26
                        آخر حلاوة
                        جميل
                        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                        Comment


                        • #27
                          والله كلامك دوا يا هاني وانا أسعد واحد لانك إسكندراني....... كلامك جميل ومسترسل وتحس إنه نابع من القلب علشان كدة بيدخل القلب على طول........بس قولي لاحظت فيك حاجة وهي مش حاجة دي نعمة وهي إن وجهك دايما بيضحك :lol: مش ضحك هبل او إستخفاف لا سمح الله ولكن بشاشة في الوجة..... ربنا يديمها عليك نعمة ولعلمك عندما يحب الله العبد فإنه يوضع له القبول في الارض وإنت بسم الله ما شاء الله حبايبك كتييييييييييييييير.......يوووووه كنت حنسى السؤال :roll:

                          ايوة ......... هو البشاشة الدائمة والوجه الضحوك دول سببهم إيه؟ والله لو عندك وصفة إسكندراني تقولي عليها........... وشكرا يا جميل
                          لاتظلمن إذا ما كنت مقتدراً *** فالظلم آخره يأتيك بالندم

                          نامت عيونك والمظلوم منتبه *** يدعو عليك وعين الله لم تنم

                          Comment


                          • #28
                            هانى يا ابن منطقتى يا جامد قوى قوى....

                            مش حقولك غير جملة واحده

                            "بسم الله ماشاء الله" عليكم وعلى اسلوبك بجد والله انا لما اتعرفت عليك حسيت انى كنت اعرفك من زمان قوى وربنا يدمها صداقة واخوة


                            سؤالى ....

                            طبعا كلنا (الأسكندرانية) لما بنيجى ناخد وندى مع البحر كل واحد بيحب يروح مكان معين فى البحر .... انت بتروح تفضفض فيييييين ؟؟

                            - حددت ميعاد فرحك امتى وفين ؟؟؟
                            - ليك فى الكورة ؟؟ وبتشجع مين ؟؟
                            [SIZE=3][COLOR=navy][gdwl]
                            [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
                            [/gdwl][/COLOR][/SIZE][SIZE=4][COLOR=navy][/COLOR][/SIZE]
                            [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

                            Comment


                            • #29
                              God Bless You MaHaTMa

                              Really Really MaHaTMa, you are a good guy. I could feel that in your simple words.

                              المره دي فرحت قوي علشان اللي بيتاجر مع الله عمره ما يخسر ابدا
                              I may Ask Allah to accept your fasting, praying & Doaa for you, your family and all Muslims.

                              All people, I'd like to say that I like this community so much. however I don't send topics or replay for requests, but I'm sorry my experience in Cars just like my experience Talking Japanese :D
                              I hope i could be able to attend one of your monthly meetings, I'm working on Fridays :roll:

                              @ the end, I apologize for writing in English but if i wrote this message in arabic it may take minimum 1 hour to write all what I wanted to say.
                              I'm proud of being member of Nile Motors
                              Thanks
                              Bahaa Elgohary

                              Comment


                              • #30
                                الله عليك يا ماهاتما يا جميل مستنيين باقي الرحلة الظريفة بتاعتك وياريت تاخدنا بره مصر وتحكيلنا...
                                Abou Ahmed سابقا

                                "There are many people around you during summer, but when the rain starts falling, Only the umbrella protects you!!!"

                                Comment

                                Working...
                                X