إعـــــــلان

Collapse

.

,
See more
See less

هاني أدم "AlmAhAtmA"قائد سيارة نايل موتورز للأعضاء

Collapse
X
 
  • Filter
  • الوقت
  • Show
Clear All
new posts

  • #61
    الف مبروك يا هانى و ربنا يتمم بخير

    Comment


    • #62

      لم أستطع أن أجد الكلمات المناسبه والتي أريدها ان تعبر عما يدور في خاطري ووجداني

      ولكن سأترك نفسي

      أقرأ

      أستمتع

      أفكر بعمق

      أقيم المعاتي والكلمات

      أستخرج الفاهيم القيمه

      أقارن بينها وبين الحياة الواقعيه

      ثم

      أأخذ منها طربقا أسير عليه

      شمعة تنير ظلمته

      دواء يداوي جراحه

      وعطرا أتطيب به داخله

      وهدفا أضعه نصب عيتي وأجعله هو النهايه اللتي أتمنى كل المنى أن أصل إليها وأن تغير من مجرى حياتي

      --------------------------------------------------
      هاني بايو
      ------
      موضوع رائع

      بدايه موفقه للـــــغايه

      وإختيار نـــــــــــــــــــــــــــاجح

      ------------------------------------------------------

      هاني آدم
      -------

      شكرا جزيلا

      --------------------------------------

      كل عام وأنتم بخير

      حقا صداقه ومعرفه وصحبه لن تعوض بكنوز الأرض

      [/list]
      م/محمد علاء

      Comment


      • #63
        هاني آدم
        باختصار

        حدوتة مصرية








        أحلى حدوتة

        حبيبي يا هاني قلبت علينا المواجع والذكريات ، وطلعت أحاسيس كنا فاكرينها ماتت من زمان

        الله عليك
        [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

        Comment


        • #64
          هاني حبيبنا زهرة المنتدي
          والله يا جماعة هو فعلا حدوتة مصرية اسكندرانية
          ربنا يوفقك ويكرمك زي مااتحفتنا في رحلتك الجميلة دي
          كل سنة وانت والعائلةالكريمة بخير

          Comment


          • #65
            الله اكبر الله اكبر الله اكبر
            لا اله الا الله
            الله اكبر الله اكبر
            و لله الحمد
            :lol: :lol: :lol:
            كل سنه و انت طيب يا شقيق
            :lol: :lol: :lol:
            تكبيرات العيد
            بحب قوي تكبيرات العيد
            بحب قوي الكورال الاسلامي

            تكبيرات العيد
            التامين بعد الفاتحه

            تحس انها لحظات جميله
            رد فعل واحد في وقت واحد

            يمكن علشان بتكون زي رمز لوحدتنا

            جايز

            المهم كل سنه و انت طيب و ربنا يعيد عليك رمضان اعوام عديده بالخير و السعاده و الصحه و الستر
            و احلي دعوه ادعيهالك ربنا يجبر بخاطرك و يديك خير الدنيا و الاخره

            امين :D

            انا كويس الحمد لله
            و فرحان ان انت بتونسني في اللحظات الجميله دي
            ما انا قلت لك من زمان
            مشاعر كتير مش بحسها الا و انا معاك :arrow:

            رمضان ده كان مختلف
            و العيد ده مختلف برضه

            العيد السنه دي بيجي و انا احمل لقب يتيم :shock:
            اول عيد ما يكونش الوالد معانا :shock:

            ما اقدرش اقول ان انا زعلان
            لان الوالد شاف فتره مرض جعلتني اسعد براحته
            يارب يغفر له و يسامحه و يكرمه و يوسع نزله

            ساعات بسال يعني ايه يتم
            مش عارف الاجابه
            بس يمكن يكون الاحتياج لظهر او الامان او ايه مش عارف
            بس سبحان الله
            ربنا كبير
            انا معاك مش حاسس باليتم :D
            انا معاك حاسس باني لي ظهر :lol:

            ربنا يغفر لكل اموات المسلمين

            المهم ما قلتليش ليك في الفسيخ ولا ايه
            كل اعيادنا بتنبع من معدتنا

            يعني العيد الصغير
            كحك و ترمس و فسيخ :arrow:
            و تحت كل كلمه من اللي فوق تفريعات
            يعني الكحك بيعني القرص و الغريبه و البسكوت و المنين و الكحك :arrow:
            و الترمس يعني الفيشار و النقل و الفول و الحلبه و الترمس :arrow:
            و الفسيخ يعني الرنجه و الكافيار و البطارخ و الفسيخ :arrow:

            عارف سؤالك ده اجابته ايه :?: :!: :!:

            يرحم زمان و ليالي زمان :roll:
            الناس يا متهني يا فرحان

            زمان كان العيد عيد يمكن علشان مظاهره الماديه كانت مرتبطه بينا و احنا صغيرين اكتر
            عيديه و لبس عيد و خروج في الوقفه و خروج في العيد و مراجيح و بالونات و اكل و هيصه و لمه
            و السينما و ما ادراك ما السينما في العيد
            زمان كان فيه خرزانه علشان التنظيم :shock:
            دلوقتي فيه بوب كورن و تكييف :lol:

            ما تحكيلي شويه عنك في العيد
            ناوي تعمل ايه :?:
            كنت بتعمل ايه :?:

            [SIGPIC][/SIGPIC]

            Comment


            • #66
              المشاركة الأصلية كتبت بواسطة eng_amrazek
              اكثر من رائع
              عجز اللسان عن الكلام
              سبحانك اللهم وبحمدك ، أشهد أن لا إله إلا أنت أستغفرك وأتوب إليك

              Comment


              • #67
                المشاركة الأصلية كتبت بواسطة eng_amrazek
                اكثر من رائع
                عجز اللسان عن الكلام
                سبحانك اللهم وبحمدك ، أشهد أن لا إله إلا أنت أستغفرك وأتوب إليك

                Comment


                • #68
                  هو هاني ادم فين؟؟؟؟؟؟؟؟؟؟؟؟؟؟
                  لاتظلمن إذا ما كنت مقتدراً *** فالظلم آخره يأتيك بالندم

                  نامت عيونك والمظلوم منتبه *** يدعو عليك وعين الله لم تنم

                  Comment


                  • #69
                    هو هاني ادم فين؟؟؟؟؟؟؟؟؟؟؟؟؟؟
                    +1
                    ما ينفعش الموضوع يقف على كده انا لسه عايز اسمع تانى من الكلام الجميل ده و الأسلوب الرائع ده
                    ما شاء الله
                    [B]عمرو مختار[/B]
                    [CENTER]
                    [/CENTER]

                    Comment


                    • #70
                      مش عارف ليه دايما بتونس بالموضوع ده
                      علي طول بحب ارجع اقرأ اللي كتبته فيه
                      بحب اكتر اقرا الردود بتاعتكم عليه

                      فعلا الفرحه ما تكملش الا بالاحباب

                      الفتره اللي فاتت اتعرضت لضغوط اقدر اقول عليها انها الاصعب في تاريخ حياتي
                      لكن بفضل الله و بدعواتكم احبابي كله بيهون و ربنا بيسر الصعب

                      المهم مش حطول عليكم زي زمان

                      انا حبيت اقول لكم انكم احلي صحبه و اغلي اهل و احباب
                      محبتش اكتب في الموضوع اللي ابن امي فتحه بمناسبه زفافي
                      مش عارف ليه مع اني كل يوم بقراه صبح و ليل
                      حبيت اكتب هنا يمكن علشان عايز الموضوع هناك يفضل بتاعكم انتم بس
                      مش عارف

                      اللي عارفه و متاكد منه ان فرحتي عمرها ما تكمل الا بيكم

                      يارب يديم الفرحه و الاخوه و المحبه و يجعلنا صحبه مباركه دايما

                      انا مش باجي المنتدي كتير ليه
                      انا مش برد علي المكالمات ليه

                      الحقيقه سببين
                      السبب الاول و ده انتم عرفينه طبعا و هوه كتر السفر و الترحال من بلد لبلد بطبيعه الشغل و اللي كتير منكم عارفين تفاصيله
                      السبب التاني و هوه عدم قدرتي علي تحمل الحب و المشاعر الجميله النبيله دي
                      ده يمكن بسبب ارهاق او تعب او يمكن علشان ما اتعودتش ان فيه حد يهتم بيه و يحبني و يخاف عليه زيكم

                      فيه انسان بالنسبه للمنتدي عضو و بالنسبه لي اهلي و عزوتي و ناسي الانسان ده علي مدار اسابيع بيبكيني من كتر اهتمامه بيه و حرصه عليه مش عارف اقول ايه و مش حقول اسمه علشان انا عايز الله يكرمه و يجعل اللي بيعملوا معايا في ميزان حسناته
                      اللي اقدر اقوله له ربنا يخليك ليه يا احلي و اجمل و انبل انسان شفته في حياتي
                      اللي بتعمله معايا فعلا ما حدش عمله و ما كنتش منتظره من أي انسان
                      لكن انت و اه منك انت يا اللي في بالي
                      الجرعه بتاعت امبارح كانت جامده قوي
                      بجد انا نفسي الله عز و جل يوصلك انت ايه بالنسبه لي
                      و مش عايز اقول لك انت و اسرتك عندي و عند عيلتي ايه
                      مسيرك تشوف بعينك يا حبيبي يا غالي

                      خلاص الايام بتجري و سوف يتم الانتقال من مسكن الاهل الي مسكن الزوجيه
                      خليط عجيب من المشاعر

                      ما خبيش عليكم اولها مشاعر الارهاق انا فعلا مرهق لدرجه تمنعني من الاحساس باي حاجه
                      الفتره اللي فاتت كانت كلها سفريات عجيبه و مكوكيه

                      لكن اللي بيطغي علي مشاعر الارهاق حاجه اجمل من أي احساس حسيت بيه و هوه فرحه زوجتي و والدتها اللي هيه فعلا امي

                      شعور غريب انك تحس ان فيه حد فعلا بيسعي انه يفرحك

                      انا طبعا مش عارف اجمع لاني بشتغل بقالي حوالي 11 ساعه و مش شايف قدامي
                      ان شاء الله نازل بكره الاسكندريه
                      الحمد لله كل شيئ تمام و في انتظار تشريفكم ليه يا احباب

                      انا بتاسف اني ما اقدرتش اخلي الفرح يوم الجمعه لظروف الاجازه بتاعتي لكن تتعوض في افراحكم
                      رجائي الوحيد ان ما فيش حد يرهق نفسه اكتر من اللازم الله يخليكم
                      و ان شاء الله انا حكون موجود في مقابله الشهر القادم و تكون فرصه جميله للي مش حيقدر ييجي انه يبارك لي و فرصه اجمل لي اني اغرق في حبكم

                      بجد بجد بجد ربنا يخلينا لبعض و جزاكم الله كل الخير علي الدعوات الجميله و الامنيات الطيبه اللي في موضوع التهنئه عقبال يارب ما نهني كل العزاب علي زفافهم و كل الازواج علي عوضهم و كل الاباء علي احفادهم

                      انا حروح انام شويه علشان خلاص ما فيش بنزين و اللمبه منوره و خايف الطرمبه تتسد

                      ما قولتوليش مين اللي حيسوق عربيتي و انا فيها يوم الفرح

                      اللي اقدر اقوله ان بجد فرحتي مش حتكمل الا بيكم

                      و اقبلوا اسفي علي عدم الرد علي الموضوع الخاص بفرحي لاني مصر انه يفضل بتاعكم و اني ما اكتبشي فيه
                      [SIGPIC][/SIGPIC]

                      Comment


                      • #71
                        يااااااا الله ...
                        اول مرة اقرأ الموضوع ده .. جبته من أوله لاخره ....
                        اااااااااه
                        الله يسامحك يا هاني .. رجعتني لايام ما كان الواحد بيعيش الدنيا بقلبه بس ..
                        بيحب كل الناس
                        بيضحك لكل الناس ...
                        بيساعد كل الناس ..
                        و بيصدق كل الناس ........

                        فين الايام دي .. و العيب بأي فيا انا و اللا في الناس ...
                        الله اعلم ...
                        *********
                        انا قابلتك هنا بس ..
                        و مشفتكش قبل كده ...و لكن
                        سبحان الله ..
                        رب اخ لك لم تلده امك ..
                        و عمرها ما كانت الاخوة اخوة الدم بس ..
                        تسمح لي اكون اخوك ؟؟؟
                        *********
                        فرحك ..
                        زي ما فرحتك لا تكتمل الا بوجود احبابك
                        احبابك لن تكتمل فرحتهم الا بوجودك معهم في موضوعك ..
                        موضوعك... موضوع زفافك ..
                        ليه واقف بعيد و الناس بتدور عليك .. دا انا اللي معرفتكش قبل كده مشتاق اباركلك.. تخيل بقية حبايبك بقي ...!!!
                        ********
                        بارك الله لكما .. و بارك عليكما .. و جمع بينكما في خير
                        ربنا يقرعينك بزوجتك .. و يقر عين زوجتك بك .. و يرزقكما الذرية الصالحة .. و تعيشان في رضا الله عز وجل.

                        Comment


                        • #72
                          المشاركة الأصلية كتبت بواسطة AlmAhAtmA مشاهدة المشاركة

                          ما قولتوليش مين اللي حيسوق عربيتي و انا فيها يوم الفرح

                          اللي اقدر اقوله ان بجد فرحتي مش حتكمل الا بيكم

                          هو في حد ممكن يسوقلك عربيتك يوم فرحك غيري
                          !!!!!!!!!!!!!!!!!!!!!!!!!!!!!!!!!!!!!!!!!!!!!!!!
                          امال انا جاي من يوم الاربع ليه;)

                          جروب ورشة نايل موتورز علي الفيس بوك


                          صفحة ورشة نايل موتورز على الفيس بوك

                          Comment


                          • #73
                            المشاركة الأصلية كتبت بواسطة karim_monir مشاهدة المشاركة
                            هو في حد ممكن يسوقلك عربيتك يوم فرحك غيري
                            !!!!!!!!!!!!!!!!!!!!!!!!!!!!!!!!!!!!!!!!!!!!!!!!
                            امال انا جاي من يوم الاربع ليه;)
                            كريم منير و اه من كريم منير
                            مش عارف اقول لك ايه
                            طيب اعمل فيك ايه
                            كل يوم انام و دمعتي علي خدي من اللي بتعمله معايا
                            يا كيمو انا مش قدك يا ابن امي

                            علي فكره الحاجه بتقول لك السمك و الجمبري جاهزين علشان اخو العريس
                            سمعتهم النهارده كنزي علي الموبايل
                            و برضه مش عارف ليه عيطوا
                            اعمل فيك ايه
                            [SIGPIC][/SIGPIC]

                            Comment


                            • #74
                              wlahy b7bk ya hany
                              [SIGPIC][/SIGPIC]Opel : 1 Team , 1 Family , 1 Goal
                              حرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
                              [URL="http://www.postimage.org/image.php?v=PqJgCQ0"][img]http://www.postimage.org/PqJgCQ0.jpg[/img][/URL]

                              Comment


                              • #75
                                المشاركة الأصلية كتبت بواسطة AlmAhAtmA مشاهدة المشاركة
                                المكان: شط الاسكندريه
                                الزمان: بعد صلاه العشاء في الليله 27 من شهر رمضان
                                الحدث: بدء الرحله الاولي لمركبه نايل موتورز
                                نوع المركبه: هوندا سيتي 1500 سي سي 2006 (مع احترامي لاختياراتك يا هن)
                                عدد الاعضاء: 1 (ايوه انت و بس انت مين ؟ انت كل واحد هنا)

                                اتفضل يا سيد الكل
                                اربط الحزام و رجع الكرسي و اسمع ست الكل فيروز و افتح لي قلبك :D

                                انا اسمي هاني ادم و ممكن من اللحظه دي تعتبرني اخوك
                                شكلي مش مهم شكلي اللي بره المهم شكلي اللي جوه
                                تقدر تقول اني واحد من اللي متشعلقين بربنا و مش مهم قوي رجلهم فين
                                بالحظ و بالصدف مش مؤمن بيها قوي لكن مؤمن بان الله كبير و رحمته وسعت كل شيئ

                                عاجبك العلم اللي علي الكنبه
                                ده علم نايل موتورز
                                مكان جميل
                                تحس انه واحه في قلب الصحراء
                                يعني تروح عندهم ولا فيه كدب ولا نفاق و لا الكلام اللي بيعكر الدنيا ده
                                انا عرفتهم عن طريق احمد جنيدي جندي مجند اكيد حيكلمنا دلوقتي علشان هوه رايح نفس مشوارنا
                                بيعجبني فيهم ممارستهم للحياه الجميله مع بعض
                                حياه كتير مننا مفتقيدنها و انا اولهم

                                ايه يا سيد الكل ما تعبتش من الرغي بتاعي
                                تعالي نريح شويه
                                ايوه هيه القلعه
                                عايز تعد هنا
                                لا حاعدك اعده ملوكي
                                تعالي بس خلي بالك
                                ايوه هنا
                                شباك في ظهر القلعه منك للبحر
                                و ندندن مع بعض امانه يا بحر تستلم الامانه احبابنا يا بحر في عيونك امانه
                                كبايه حمص الشام تعدل الدماغ و تعمر الطاسه
                                اصحي لسه سهرتنا طويله

                                البحر ده هوه كتاب احلامي
                                يامه كلمته و قلت له عن احلامي
                                و ياما ضحكنا و ياما بكينا
                                اه عليك نور
                                انا بحب اضحك لدرجه اني لما بكون زعلان وشي بيضحك
                                انت عارف انا ايه
                                انا الاراجوز

                                سيبك يا سيدي
                                اه انا بحب السفر و كنت بكتب زمان لكتاب اسمه لونلي بلانت
                                اكتر مكان بحبه
                                و ليه فيه اهل و ناس و عزوه
                                اسوان :arrow:
                                يااااه يا بلاد الدهب
                                تعالا نكمل كلامنا في العربيه
                                تسمع منيب

                                مشتاقين يا ناس لبلاد الدهب

                                اه تخيل 21 مره اروح اسوان لوحدي و منزلشي في الاقصر ولا مره
                                انا بحب البلد دي و ناسها و كل حته فيها
                                مسير الحي يتلاقي يا بلد الوعد و المكتوب و البلح الابريم

                                انا بحب اللي يقول عليه طيب :lol:
                                لكن بكره قوي اللي يقول عليه عبيط

                                في الشغل
                                هيه معادله عجيبه شويه :roll:
                                يعني ممكن الصبح اضرب جبنه قديمه مع الدكتور صبحي احسن واحد بيعمل شاي في العاشر من رمضان سنه 1967
                                و ممكن تلاقيني بتعارك مع عضو مجلس اداره بعد الظهر و تلاقيني بفسح مديرتي بليل و نرقص مع بعض
                                علشان تستمتع بالكلام ده و تكون انت نفسك في كل موقف
                                كلمتين و بس ما تحطش صبعك تحت ضرس حد ولا صلعتك تحت مشط حد
                                انا اشتغلت مع الشعب الياباني و الانجليزي و الاميركي و الهندي

                                اشمعني سالت عن التجربه اليابانيه :?:
                                علشان الصوره اللي في قلبي :?:
                                اه
                                دي صوره مديري ياماتو في اول شركه اشتغلت فيها
                                الراجل ده عمل معايا اللي يخليني حتي الان بعد مرور 8 سنين من شغلنا مع بعض
                                لما اشوفه لازم انزل ابوس ايديه
                                تخيل بقي عمل ايه
                                الشكر لك يا الله انت تسبب الاسباب و كل شيء بقدرك و قدرتك

                                بس قول يارب
                                اقولك علي احلي علاج لامراض النفس
                                سيب البلف بتاع قلبك
                                ايوه يا سيدي ركعتين في نص الليل و اكلم و افتح و فضفض و استني و حتنول مرادك

                                انا بكسف افضفض لانسان علشان ما اشيلوش الهم
                                بفضفض للي رحمته وسعت كل شئ

                                ما تيجي ننزل نتمشي شويه
                                انا حركن العربيه هنا
                                نشرب اتنين مانجه عند ملك المانجه و نتمشي لحد المكان اللي احنا رايحينه

                                عجبتك الهوندا سيتي
                                ظريفه قوي

                                حقولك علي سر
                                تخيل اني استلمت العربيه دي تاني يوم وفاه والدي
                                لكن حسيت زي ما تكون بطبطب عليه

                                العربيه دي علي الرغم من انها بقالها معايا 8 شهور و 34 الف كم
                                الا انها شافت معايا ذكريات كتير

                                يعني شافتني و انا بعيط و رايح العاشر من رمضان و سايب امي و والدي لسه متوفي
                                و شافت فرحتي و انا بودي خطيبتي كورسات الكليه
                                و شافت شوقي و انا رايح لحبايبي في المنتدي
                                و لسه ياما ان شاء الله حتشوف
                                بعد الياباني يا باشا بعون الله نركب الماني
                                مش كده ولا ايه

                                انا سواقتي علي ادي يا عم :shock:
                                احنا ولا بتوع شد ولا جري

                                بس انا مبدئي لكل مقام مقال
                                يعني سالك اديها
                                يعني مش سالك مش اديها
                                يعني الجري مش السرعه
                                الجري الصح هوه القدره علي التحكم في السرعه

                                مساء الخير :D

                                ايه مش قادر تمشي بعد المانجه تعالي ناخد العربيه
                                اسمعك حاجه عجب
                                انا بحب المزيكا
                                لا محمد منير مش في القائمه
                                ده موضوع تاني و ياريت منفتحوش

                                يعني يا سيد الكل
                                منيب
                                روجر واتر
                                شاب خالد

                                و من انواع المزيكا
                                جاز و بلوز
                                كلاسيك روك
                                و الموسيقي الصوفيه و ده موضوع كبير قوي

                                و بيني و بين عمي ياسين التهامي حكايات كتير

                                اسمعك السي دي ده و ادعيلي
                                اسمه الحضره
                                و انا حضرتها في المغرب فعلا

                                و السي دي ده هديه مني اسمه موتزارت المصري
                                اغنيلك حته :shock:

                                يا حلو يالي سواد عينك مجانيني
                                و السحر ساكن ما بين الرمش و النيني
                                فيه حد وزك عليه لجل تفتني
                                و جرحتني بسهم عينك و الدوا عندك
                                و كلمه مني لشفايفك راح تطمني

                                ايه يا عم حتاكلني بعينك
                                اه انا واد شيك و سمبتيك (نفسي اعرف يعني ايه)
                                انا سبورتوير بره الشغل 8)
                                في الشغل هاي كلاسيك كافلينكس و حاجات كده
                                ماعدا يوم الخميس سمارت كاجوال :lol:
                                بحب الازرق و مشتقاته و مش بحب البني و مشتقاته :arrow:

                                ولااااااااا عبدالمعطييييييييييييي :lol: :lol:
                                عارف مين ده
                                ده عبد المعطي جاري و صاحبي من اول يوم مدرسه
                                عبد المعطي ده حكايه احسن نقاش في الكوكب الارضي و يمكن زحل لو فيه حياه و حيطان عايزه تتبيض
                                عبد المعطي مقدم في الهجره العشوائيه لامريكا و ماشي بالباسبور و السي دي اللي عليه صورته

                                انا حوت في البحر دولفين بين الامواج محاره في الرمال :twisted:
                                اييييييييييييييييييييييييوووووووووووه يا جدعان ده انا اسكندراني ياواد :twisted:

                                الخوف
                                مالوش مكان
                                اصلي انا علي طول متونس بالناس و اللي يحب الناس عمره ما يكون مداس
                                احلي خبر سمعته في حياتي
                                لما واحده من دراسات الجدوي اللي عملتها اخدت جايزه عالميه
                                و جه البورد اللي بيمنح الجايزه دي القاهره
                                و عملوا لي حفله كبيره
                                لا مش ده اللي فرحني لسه
                                اللي فرحني اني اخدت البورد و رحنا الحسين و روقتهم في خان الخليلي و قهوه نجيب محفوظ
                                و طبعا الحبايب هناك قاموا بالواجب
                                و بعد ما سافروا
                                بعتوا لي جواب اني معروف في الحسين اكتر من توت عنخ امون
                                المره دي فرحت قوي علشان اللي بيتاجر مع الله عمره ما يخسر ابدا

                                احنا وصلنا اول مشوار لينا
                                حنتقابل عند النخله دي بعد ما نخلص
                                ايوه ده مسجد القائد ابراهيم
                                نصلي التهجد
                                و ندعي لكل احبابنا و نتطلع نتسحر و نروح ننام و نتقابل بكره ان شاء الله و كان لينا عمر
                                يا جماعة أنا قرأت أول 20 سطر بس مكملتش علشان أقسم بالله إني كنت هعيط علشان كدة أنا مكملتش و بحس إن هاني - و على فكرة أنا اسمي محمد هاني - دخل جوة قلبي ...........
                                [SIGPIC]http://imageshack.com/a/img838/5746/61n6.jpg[/SIGPIC]

                                Comment

                                Working...
                                X