تبادل الرسائل الخاصة ....موضوع للنقاش

[نور القمر]

معلش يا بسكوته دي طبيعة النفس البشرية وهي انجذاب كل جنس للجنس الاخر في اي مجتمع سواء شغل او دراسة او حتى مجتمع افتراضي زي المنتديات
وكل واحد بيستخدم اسلوب مختلف فيه الاسلوب الصريح وفي الاساليب الملتوية
لكن البنت مع الوقت بترسم لنفسها شخصية وحدود محدش يتخطاها
ودي عايزة وقت علشان الاطراف التانية يفهموا حدودهم معاكي لحد فين
واذا كان لسه لغاية دلوقت فيه اعضاء مش قادرين يحددوا اخر حدودهم معاكي لحد فين فثقي ان بعد موضوعك ده هايفهموا
وكل واحدة من بنات حواء ليها اسلوبها الخاص في وضع حدود للتعاملات في المنتدى
انتي استخدمتي الموضوع ده كاسلوب
غيرك ممكن يستخدم اسلوب الصد المباشر
غيرك ممكن يستخدم اسلوب الصد الغير مباشر

يعني لو انتي عضو بعت يسألك عن اسكندرية
انا واحد بعتلي عايزني اساعده في شراء عربية من السوق على اعتبار اني بفهم مثلا في العربيات وانا كل معرفتي بيها السواقة بس ولغاية دلوقت مجربتش ازود الميه ولا الزيت منين وعلى اعتبار ان مفيش عباقرة رجال في العربيات

وعلى فكرة المحاولات الملتوية دي لا تقلل من شأنك انتي اطلاقا بالعكس تقلل من احترامك لاصحاب هذه المحاولات ومن ثقتك فيهم

[أحمد كمال]

انا واحد بعتلي عايزني اساعده في شراء عربية من السوق على اعتبار اني بفهم مثلا في العربيات وانا كل معرفتي بيها السواقة بس ولغاية دلوقت مجربتش ازود الميه ولا الزيت منين وعلى اعتبار ان مفيش عباقرة رجال في العربيات

لا ده بجد على رأي محمد صبحي متآمر و اهبل

ما شفتش في حياتي راجل في مصر يطلب من سيدة او فتاة تساعده في شراء عربية

ده العكس هو اللي بيحصل

لان الرجالة هما اللي بيفهموا في الميكانيكا و الاسعار و ما بيتضحكش عليهم الى اخر هذه الامور

ده كان مكشوف بزيادة شويتين على فكرة ....... ههههههههه ضحكتيني بجد

فكرني بالاخوة بتوع "ممكن يا آنسة استلف منك كشكول المحاضرات"

[نور القمر]

عندك حق حركة مكشوفة جدا
بس زي ما قلت كل واحدة ليها اسلوبها اللي توقف بيه الاخرين عند حدودهم
وكمان اسلوبي بيختلف مع كل واحد على حسب مدى رخامة الرسالة

اما بالنسبة لجزئية قفل الرسائل الخاصة علشان نريح دماغنا لا ده مش حل
انا عن نفسي مستغناش عنها وفي ناس بتراسلني لاستسفارات حقيقية ومهمة ومينفعش ردي يكون على العام زي مثلا لما كنت عارضة عربيتي وعربية المرحوم بابا للبيع او الاستفسارات في موضوع الحجامة اللي كنت كتباه
ده غير ان الرسائل اخاصة وسيلتي الاسهل في التواصل مع صديقاتي في المنتدى

[ZALABANY]

مع الاحترام لراى حضرتك

اعتقد ان الموضوع لو كان مجرد رد فى رسالة مش هتاخد من وقتى كتير مكنتش هضيع الوقت فى عمل موضوع
لكن ممكن حضرتك تقولى رأيك ايه لو اختك او بنتك او زوجتك كانت عضوة معانا فى المنتدى وجالها رسالة عالخاص بطلب خدمة مرفق معاها رقم الموبايل والخدمة دى قد تتطلب انها تكلم صاحبها هاتفيا او تضطر لمقابلته شخصيا

ضيف على ده لو انت مش عضو فى نايل موتورز ومعندكش فكرة عن المنتدى وعن مدى احترام اعضاؤه
ايه الفكرة اللى هتكونها وهيكون ايه رد فعلك وهل هتسمحلها تكلم اوتقابل هذ العضو؟؟؟؟؟؟؟

انا مش ضد اننا نخدم ونساعد بعض كلنا اعضاء وعضوات لكن ماننساش ان احنا فى مجتمع له معتقداته الخاصة وان مش كل اللى حوالينا اعضاء معنا فى نايل موتورز ومش كلهم فاهمين ومقدرين الروح اللى بتجمعنا

الأخت الفاضله إنتي عندك حق طبعا في انك تتضايقى من حاجه زي دي وانا اعتقد والله اعلم ان الشخص اللي بيعمل كده شخص مش عايز يستفسر عن حاجه التطفل ده موجود على كل ما يخص النت سواء ايميل ماسنجر ومجتمع نايل موتورز مجتمع كبير اكيد في الكويس وفيه الوحش والله اعلم بالنوايا بس الحل انك تتجاهلي كل ما يأتي لك من هذه النوعية من الرسايل

[eng.octooo]

لا تعليق بجد

[Mahmoud Saloum]

معلش يا بسكوته دي طبيعة النفس البشرية وهي انجذاب كل جنس للجنس الاخر في اي مجتمع سواء شغل او دراسة او حتى مجتمع افتراضي زي المنتديات
وكل واحد بيستخدم اسلوب مختلف فيه الاسلوب الصريح وفي الاساليب الملتوية
لكن البنت مع الوقت بترسم لنفسها شخصية وحدود محدش يتخطاها
ودي عايزة وقت علشان الاطراف التانية يفهموا حدودهم معاكي لحد فين
واذا كان لسه لغاية دلوقت فيه اعضاء مش قادرين يحددوا اخر حدودهم معاكي لحد فين فثقي ان بعد موضوعك ده هايفهموا
وكل واحدة من بنات حواء ليها اسلوبها الخاص في وضع حدود للتعاملات في المنتدى
انتي استخدمتي الموضوع ده كاسلوب
غيرك ممكن يستخدم اسلوب الصد المباشر
غيرك ممكن يستخدم اسلوب الصد الغير مباشر

يعني لو انتي عضو بعت يسألك عن اسكندرية
انا واحد بعتلي عايزني اساعده في شراء عربية من السوق على اعتبار اني بفهم مثلا في العربيات وانا كل معرفتي بيها السواقة بس ولغاية دلوقت مجربتش ازود الميه ولا الزيت منين وعلى اعتبار ان مفيش عباقرة رجال في العربيات

وعلى فكرة المحاولات الملتوية دي لا تقلل من شأنك انتي اطلاقا بالعكس تقلل من احترامك لاصحاب هذه المحاولات ومن ثقتك فيهم

بصراحة احسن رد قريته. يا اخت بسكوته التليفزيون فيه فيلم يحض على الفسق وبرنامج دينى يحض على الفضول. يعنى كل شيئ فيه شقين متناقضين حتى الانسان " وَنَفْسٍ وَمَا سَوَّاهَا(7) فَأَلْهَمَهَا فُجُورَهَا وَتَقْوَاهَا(8)
يعنى الرسائل الخاصة فيها المنفعة والضرر. ولكنها فى احيان كثيرة مهمة جدا. الاعضاء اللى بيحاولوا يجسوا نبضك الرد عليهم هو اجتنابهم تماما اما اذا اخطأ فقومى بابلاغ ادارة المنتدى فورا. طيب لو عضوة جديدة وعايزة تستشير اخواتها البنات فى حاجة وهيكون فيه اعلان عن بعض المعلومات الشخصية. تفتكرى لو مفيش رسائل خاصة هتعمل ايه. لو فيه اتنين بيخلصوا فى بيعة سيارة او خلافه مش الاوقع ان ده يتم عن طريق الرسائل الخاصة. وفى النهاية لو فعلا الموضوع كتير عن الحد معاكى وبدأت تدايقى اقفلى خاصية الرسايل الخاصة نهائيا وريحى دماغك

[Matrix_Reloaded]

والله فيه رجاله بيشتكوا من تحرش البنات بيهم برضه ومحاولة حشرهم فى كل حاجة بدون داعى سواء بالرسائل الخاصة او على الملأ زى ماحصل معايا من فترة

انا ماقصدش اى حد من من اللى ردوا قبليا من البنات بس فيه بنات بتتعمد تتطلع نفسها انها ع طول بتتعاكس وبتشتكى من ده بمراره وحارجع واقول والله ماقصد اى بنت من اللى ردوا قبليا

الخلاصه ان الشكوى متبادله ماهياش من طرف واحد وشكرا لتفهمكم

[zyadahmed]

ضعاف النفوس فى كل زمان ومكان وفى كل منتدى وميدان ولكل قاعدة شواذ والقاعدة فى نايل موتورز شباب ممتاز واخوات فاضلات نشهد لهم بالامتياز ولهم منا كل تقدير واحترام وامسحيها فينا يا اختنا الكريمة نتبرأ جميعا من تلك الفئة اللئيمة وبالنيابة عن كل المنتدى متأسفين ..

( رد نثرى لبسكوتة لعلمى انها تحب الشعر والنثر )

اما الاخ ذو الشعار الاستفزازى الذى يذكرنا بالشعب الالمانى النازى ويشكو من تحرش الفتيات !!!!!!!!! معلش دى ضريبة النجومية اعانك الله عليها

[Ahmed Samy]

تمام يا بسكوته

حبل ..مشابك ..بلكونة .....

وواحد يتنشر

[SHNORY]

والله فيه رجاله بيشتكوا من تحرش البنات بيهم برضه ومحاولة حشرهم فى كل حاجة بدون داعى سواء بالرسائل الخاصة او على الملأ زى ماحصل معايا من فترة

انا ماقصدش اى حد من من اللى ردوا قبليا من البنات بس فيه بنات بتتعمد تتطلع نفسها انها ع طول بتتعاكس وبتشتكى من ده بمراره وحارجع واقول والله ماقصد اى بنت من اللى ردوا قبليا

الخلاصه ان الشكوى متبادله ماهياش من طرف واحد وشكرا لتفهمكم

الموضوع ده حصل معاك هنا في نايل موتورز؟؟؟؟؟؟؟؟ّّّّّّّّّّّّّّ!!!!!!!!!!!!!!!!!!!!!! !!

[هيثم]

اول ما اشتركت فى المنتدى
اشتركت باسم بنتى الوحيده ( مريم )
كنت مستعجل تقريبا او جربت كذا اسم
وكانو مستخدمين بواسطه اخرين المهم
ان انا امام الجميع فتاه او سيده اسمها مريم
وعملت تقريبا مشاركات تعد على اصابع
اليد الواحده
لحد كده كويس ( لا مش كويس )
لانى فؤجت بما لم اتوقعه
عدد لا باس به من الرسائل على الخاص
كله لها هدف واحد وهو عمل علاقه ما
اظن ( وليس كل الظن اثم ) انها علاقه
غير محترمه

كلام من نوعيه عايز اتعرف عليكى
وياريت نبقى اصحاب
انا بحكى الحايه ديه لانى يهمنى توضيح
الاثر النفسى لمثل هذه التصرفات
مبدئيا كده انته عينيك بتبرق من المفاجاه
وبعد ما تستعيد توزانك مبيكونش عندك
القدره على تحديد السبب فى ان الناس دول ليه

بيحاولو معاك فى اتجاه الصحوبيه وماشابه
وبعدين بتحس انك منتهك او مجروح حاجه كده
مش عارف اوصفها
بس اكيد العضوه المحترمه بسكوته حست بالكلام ده

[jisso82]

يا بسكوتة طبعا فى الأول و فى الآخر احنا على النت و بصرف النظر عن إن أغلب أعضاء المنتدى الحمد لله و ربنا يباركلهم يا رب ناس محترمة و بيتعاملوا كإخوة فعلا سواء أعضاء أو عضوات لكن الأنترنت عموما مغرى لبعض ذوى النفوس الضعيفة فى إقامة علاقات أقصد يعنى مصاحبة زى مواقع التشات و التعارف المنتشرة و فى ناس ما بتصدق بس البنت تكون جريئة كفاية إنها ترد عليه و يعتقد خلاص إنه علقها مع الاعتذار لكل الأعضاء والعضوات عن اللفظ لكن أنا هضحكك شوية لو اوخدة بالك من الاسم بتاعى على المنتدى (jisso) يدى على إنه دلع (Jasmin) يعنى ناس كتير قالتلى كده فمش عايز أقوللك بقى على كم الرسايل اللى بتجيلى على الخاص بأسئلة و لا ليها أى لازمة إنها تتسأل أصلا لا على الخاص و لا على العام و بمجرد إنى أرد على الأسئلة دى و وأضح فى رسالتى إنى ولد مش بنت والله ما بسمعش حتى كلمة شكر على ردى. دى نوعيات ناس مريضة و الدنيا فيها كل الأنواع ردى على الناس كلها عشان ما تعمميش لأن مش كل اللى هيسألك هتبى نيته سيئة و انتى برده تقدرى تقدرى مدى جدية السؤال و حاجته إنه يتسأل على الخاص و ربنا يهدى و يحفظ منتدانا الجميل من الأمراض دى.

[Samah AbdAllah]

شكرا جدا لكل ردود حضراتكم
بس يا جماعة انا كلامى واضح جدا انتوا ليه مش فاهمنى
الحمدلله احترم نفسى والاخرين لابعد مدى ولا اشك فى احترام الاخرين
ولكنى اوضح اننا فى مجتمع ليس كل افراده اعضاء فى نايل موتورز
وبالتالى يجب مراعاة الاداب والتقاليد العامة
وكما قلت سابقا ان انسانة خدومة جدا ولكن فى الاول والاخر لا يصح الا الصحيح
واللى ما نقبلوش على نفسنا ما نقبلوش على غيرنا ولا انا كلامى غلط؟؟؟؟؟؟؟

[dr_timo]

انا ماقريتش خالص في الموضوع حكاية نمر تليفونات ومقابلات شخصية والكلام دة ولاني انا مبحبش افترض السوء في حد قلتلك عايزة تردي ردي مش عايزة انتي حرة وياشنوري انا بقول مش هتفرق معاها الثواني اللي هترد فيها وفعلا مش هتفرق معاها دة لو كان بالمعني اللي فهمته ان استفسارات عادية لكن بعد اللي قالته ان ناس باعتة ارقام يبقي اكيد فكرتي هتتغير فياريت انت اللي تقري المشاركة بتاعتها الاولانية وتشوف الصح يترد عليها اية بافتراض الصح ولا السؤ في الناس خصوصا انها ما وضحتش حكاية النمر والمقابلات والكلام دة

[ASKAFRAWY]

بصراحة انا شايف ان الحل الامثل هو غلق خاصية استقبال الرسايل الخاصة طالما فيه استهبال فى استخدامها
و عموما لو فيه غلط يبقى مش من حضرتك دة هيكون من الذى اساء استخدام هذه الخاصية و طبعا الردود السابقة وضحت كل الممكن يتقال