عايز شوية آراء خبيرة-كورولا وللا اوكتافيا

[Fadi Ezzat]

دة بخصوص كل حاجة داخلية لالوكتافيا زى ما سبعاوى عايز جبتة من البروشور الى فى التوكيل بس فى كلام ماكنش واضح لانة بخط الايد فممكن تلاقو غلطات املائية
1-engine type ..................... petrol engine transeverse in front cooling system ohc transeverse in front
2-cyliinders ........................ 4
3- max engine performance ..................75/5600 (102 h.p
4- max torque ................ 148 /3800
5- fuel injection system ...............electonic multipoint fuel injection mpi
6-gearbox
manual 5 speeds
steptonic 6 speeds
7- Suspension Front ................ mcpherson with lower taraingular links torision stapillser
8-Suspension Rear
Multi-link axle suspension with one longitudinal and three transverse links and torsion stabiliser
9- braking system .................
10-font and rear brakes ...............disks brakes with leener cooling
11-streering systeem .................. direct rack and penision steering with electro mechanic power awided
12- wheels -tyres .....................205/55/r16
13- body ............................5-seater 5-doors 2-compatement
14-حجمم الشنطة خلينا بالعربى بقى علشان زهقت من الانجليزى 560
15 حجم الشنطة بطى المقعد الخلفى 1420
16- الوزن فارغة 1290 للاوتوماتيك و 1299 للمانوال
17-الوزن الكلى 1950 للاوتوماتيك و1915 لمانوال
18- اقصى سرعة 184 للوتوماتيك و 194 لمانوال
19- التسارع من صفر لمية 14.1 للوتماتيك و 12.5 للمنوال
20- معدل استهلاك الوقود 7.8 للوتوماتيك و 7.2 للمنوال فى 100 كيلو طبعا
21-قطر الدوران 10.2
22- سعة تانك الوقود 55 لتر
يارب اكون افدتكم انا ظهرى اتقطم لحد اما كتبت الحاجات دى

[Fadi Ezzat]

طبعا اكيد ناس بتعجبها شكل الاوكتافيا وناس تانية باعجبها شكل التويوتا كرولا انا بتعجبنى الاوكتافيا اكتر
ودول صورتين ليها

[Fadi Ezzat]

ودول صورتين للتويوتا

[misterioso-maldini]

بصراحة شكل الاوكتافيا بيعجبنى اكتر من الكورولا بيحسسنى من قدام بالفخامة انا بلنسبة للفرامل فى الاوكتافيا احلى بكتير من الكورولا و بالنسبه للمحرك فــ الاوكتافيا المحرك بتاعها مش رياضي مش بتع فرك و جري و كده بتاع ناس برستيج بس فوق سرعة الـ120 بيطير مش بيجري

[KHALED AYMAN]

الاوكتافيا تتفوق على الكورولا فى الاتى :
1-قوه الصاج
2-الثبات
3-الوسع
4-وسع الشنطه
5-الشكل (وجهات نظر)
6-السحب بعد 120 (بس مش متاكد لانى معرفش الكورولا عامله ازاى بعد 120)
7-قوه الفرمله



الكورولا تتفوق فى الاتى :
1-نعومه
2-سحب تحت 120
3-تكييف اسرع
4-عفشه انعم


غير كده انا مش شايف ان الكورولا تتفوق فى شىء ...
و كمان عندى ملحوظه ..
اعتقد ان العربيتين مش نفس الفئه ..
الكورولا تتنافس مع اللانسر و المازدا 3 و الفوكس و الامبريزا !!
الاوكتافيا مع الفيكترا و الجيتا و ممكن السوناتا .....

[kliken]

الاوكتافيا تتفوق على الكورولا فى الاتى :
1-قوه الصاج
2-الثبات
3-الوسع
4-وسع الشنطه
5-الشكل (وجهات نظر)
6-السحب بعد 120 (بس مش متاكد لانى معرفش الكورولا عامله ازاى بعد 120)
7-قوه الفرمله



الكورولا تتفوق فى الاتى :
1-نعومه
2-سحب تحت 120
3-تكييف اسرع
4-عفشه انعم


غير كده انا مش شايف ان الكورولا تتفوق فى شىء ...
و كمان عندى ملحوظه ..
اعتقد ان العربيتين مش نفس الفئه ..
الكورولا تتنافس مع اللانسر و المازدا 3 و الفوكس و الامبريزا !!
الاوكتافيا مع الفيكترا و الجيتا و ممكن السوناتا .....

كلام 100 100 و مظبوط جدا

[sab3aawy]

عندما نتكلم عن فئة فنحن نتكلم عن فئة حجم السيارة وسعة محركها ومساحة قاعدة عجلاتها، وليس عن تصنيفنا للدول المنتجة للسيارات، وبالتالى ففئة الكورولا هى نفسها فئة الأوكتافيا هى نفسها فئة الاسبرانزا a516

[أبو عبدالله]

الاوكتافيا تتفوق على الكورولا فى الاتى :

6-السحب بعد 120 (بس مش متاكد لانى معرفش الكورولا عامله ازاى بعد 120)

غير كده انا مش شايف ان الكورولا تتفوق فى شىء ...
و كمان عندى ملحوظه ..
اعتقد ان العربيتين مش نفس الفئه ..
الكورولا تتنافس مع اللانسر و المازدا 3 و الفوكس و الامبريزا !!
الاوكتافيا مع الفيكترا و الجيتا و ممكن السوناتا .....

أولا حضرتك بما انك لست متاكد من سحب الكورولا بعد 120 يبقى النقطة السادسة دي ليست تعتبر تفوق للأوكتافيا لأن ليس هناك دليل عليها

ثانيا الكورولا نفس فئة الأوكتافيا والجيتا والامبريزا والمازدا واللانسر واسمها العائلية الصغيرة
اما الفيكترا والفوكس والباسات دي فئة اعلى اسمها العائلية

[Fadi Ezzat]

أولا حضرتك بما انك لست متاكد من سحب الكورولا بعد 120 يبقى النقطة السادسة دي ليست تعتبر تفوق للأوكتافيا لأن ليس هناك دليل عليها

ثانيا الكورولا نفس فئة الأوكتافيا والجيتا والامبريزا والمازدا واللانسر واسمها العائلية الصغيرة
اما الفيكترا والفوكس والباسات دي فئة اعلى اسمها العائلية

عندك حق بس مش اسمها عائلية صغيرة دى اسمها سيدان متوسطة

[Samah AbdAllah]

انا افضل طبعا الاوكتافيا ياستاذ سبعاوى علشان اسباب عديدة
1-صاجها اقوى من الكورولا يعنى لقدر الللة لو حد ريح عليك الصاج ناشف وومكن يستحمل التريحة
2-ثباتها احسن بكتر من الكورولا والحكاية دى انا مجربها بجد مش بفشر عليك
3-المحرك محرك الكورولا افضل لانة اقوى لكن لو جينا للمحركات الكبيرة الى بتنزل مع العربية اساسا هنلاقى ان الاوكتافيا احسن
4-بالنسبة للعفشة الكورولا طرية شوية عن الاوكتافيا بس الاوكتافيا فيها كراسى بتعود النقص فى العفشة مريحة جدا جدا
5-بالنسبة للسرعة القصوى الاوكتافيا تتفوق انا جايب بيها 220 على نزل فى السخنة وجايب بيها 205 على طريق عادى
6-بالنسبة للدركسيون الدركسيونين متساويين لانهم الاتنين هيدروليك مش كهرباء بس مش فاكر اوى الكورولا اية ( مش متاكد )
7-بالنسبة للصالون القعدة فى الاتنين مريحة بس الكنبة فى الاوكتايا ضيقة شوية
8-شنطة الاوكتافيا بحر اكبر بكتير اوى من الكورولا
9-بالنسبة للمظهر الخارجى انا بتعجبنى الاوكتافيا اكتر وبالذات الفانتازيا عن الكورولا
10-اما بالنسبة للعلو عن الارض الاتنين متساويين تقريبا اذا لم تكت الكورولا اوطى من الاوكتافيا
11-بالنسبة للتجميع الكورولا احسن لحد 130 كم لكن بعد كدة الاوكتافيا تكسب ودة تجربتى اما كنت بسابق مع خالى فضل مسابقنى لحد 130 بعد كدة انا جبتة
12-عوامل الامان الاوكتافيا واخدة 5/5 والكورلا 5/5
وارجو انى افتكر حاجات كمان علشان اقولها ليكم يابطال المنتدى

معاك يا فادى فى كل ده

[abo samra]

انا افضل طبعا الاوكتافيا ياستاذ سبعاوى علشان اسباب عديدة
1-صاجها اقوى من الكورولا يعنى لقدر الللة لو حد ريح عليك الصاج ناشف وومكن يستحمل التريحة
2-ثباتها احسن بكتر من الكورولا والحكاية دى انا مجربها بجد مش بفشر عليك
3-المحرك محرك الكورولا افضل لانة اقوى لكن لو جينا للمحركات الكبيرة الى بتنزل مع العربية اساسا هنلاقى ان الاوكتافيا احسن
4-بالنسبة للعفشة الكورولا طرية شوية عن الاوكتافيا بس الاوكتافيا فيها كراسى بتعود النقص فى العفشة مريحة جدا جدا
5-بالنسبة للسرعة القصوى الاوكتافيا تتفوق انا جايب بيها 220 على نزل فى السخنة وجايب بيها 205 على طريق عادى
6-بالنسبة للدركسيون الدركسيونين متساويين لانهم الاتنين هيدروليك مش كهرباء بس مش فاكر اوى الكورولا اية ( مش متاكد )
7-بالنسبة للصالون القعدة فى الاتنين مريحة بس الكنبة فى الاوكتايا ضيقة شوية
8-شنطة الاوكتافيا بحر اكبر بكتير اوى من الكورولا
9-بالنسبة للمظهر الخارجى انا بتعجبنى الاوكتافيا اكتر وبالذات الفانتازيا عن الكورولا
10-اما بالنسبة للعلو عن الارض الاتنين متساويين تقريبا اذا لم تكت الكورولا اوطى من الاوكتافيا
11-بالنسبة للتجميع الكورولا احسن لحد 130 كم لكن بعد كدة الاوكتافيا تكسب ودة تجربتى اما كنت بسابق مع خالى فضل مسابقنى لحد 130 بعد كدة انا جبتة
12-عوامل الامان الاوكتافيا واخدة 5/5 والكورلا 5/5
وارجو انى افتكر حاجات كمان علشان اقولها ليكم يابطال المنتدى

1- ما اعرفش الصاج الاقوى هيفيد فى ايه بالظبط المهم الامان
الكورولا 5 نجوم فى EURO NCAP والاوكتافيا 4 نجووم
اذا الكورولا اعلى امان
2- انا ممكن اصدق ان الاوكتافيا اثبت من الكورولا على السرعات العاليه لان عفشتها ناشفه قوى
لكن مستحيييل تكون اثبت بكثير خصوصا ان الكورولا وزنها مش خفيف مقارنة بالاوكتافيا
وياريت تحكلنا عن تجربتك انها اثبت بكثير
لان واثق انك بتتكلم على الشكل القديم مش الجديد
3- مش فاهم ايه اللى جاب المحركات الاعلى للمقارنه احنا بنتكلم على 1600 سى سى
4- عاوز تفهمنى ان الاوكتافيا كراسيها بتعوض نشوفية العفشه طب ازاى هى الكراسى فيها مساعدين مريحه بتعوض نشوفية مساعدين العفشه(عموما كراسى الاوكتافيا مش مريحه خالص والجيتا اريح بكتير قوى قوى)
5- بالنسبه للسرعه القصوى انا جايب فى طريق مستقيم 215 كم(وصلة الدائرى الجديده الساعه 4 الفجر)
وجايب 225 فى نزله فى العين السخنه
عموما اساسا يا فادى انت معاك اوكتافيا A4 واحنا بنتكلم على A5 وبعدين انا مجرب A5 لو ضربت كيك داون مش بتذيد عن 190 ولو كبست شويه بشويه وسايست العربيه اخرها 195 (طريق مستقيم)
6- دى غلط خالص خالص الاثنين للاسف باور كهرباء ال A4 هى اللى هيدروليك
7- قاعدةالكورولا اريح من الاوكتافيا والاتنين تقريبا نفس الوسع
8- الشكل بيبقى وجهات نظر وانا عن نفسى مش بيعجبنى الاتنين ولكن ده لا يمنع ان الاتنين شكلهم يدل على الوقار والاصاله
9-شنطة الاوكتافيا فعلا اكبر من الكورولا لان الكورولا شنطتها 470 لتر والاوكتافيا 560 لتر
10- دى عندك حق فيها ولكن ده يعزز من الايروديناميكس فى الكورولا
11- بالنسبه للتجميع دى مش موافق عليها نهائى نهائى وبعدين هو خالك معاه الكورولا الجديده ولا القديمه؟؟؟؟؟
يابانى ولا جنوب افريقى
لو جنوب افريقى اتوقع انك اول ما توصل 130 كم هتلاقيه اختفى فى لمح البصر
وبعدين انت بتقارنها ب A4 برده ولا ايه
12- اختلف معاك الاوكتافيا 4 نجوم بس

http://www.euroncap.com/tests/skoda_octavia_2004/206.aspx

ودى الكورولا 5 نجوم

http://www.euroncap.com/tests/toyota_corolla_2007/285.aspx

[abo samra]

ديلوقتى لو حبينا نقارن السيارة الكورولا 1600 الكاملة بناقل حركة يدوى ، مع الأوكتافيا 1600 بناقل حركة يدوى

انا هقول شوية الحاجات البسيطة اللى انا عارفها وبعدين هأنصت لآراء المجربين فى كل نقاط المقارنة الممكنة بين السيارتين

سعر الكورولا من واقع كونتاكت كارز هو 145 ألف جنيه

سعر الأوكتافيا من واقع كونتاكت كارز هو 153 ألف جنيه وبالتالى فالأسعار فى صالح الكورولا بفارق غير حاسم

منشأ الكورولا الموجودة فى مصر هو مصنع تويوتا جنوب افريقيا،بتصميم يابانى ومحرك مصنع فى اليابان وباقى الأجزاء فى الغالب مصنعة سواء فى جنوب افريقيا او دول اخرى خارج اليابان

منشأ الأوكتافيا هو مصنع سكودا فى التشيك، وهى شركة مملوكة لفولكس فاجن لكن بادارة شبه مستقلة، والسيارة مصنعة بالكامل فى التشيك بتكنولوجيا من فولكس فاجن ، وبالتالى فالسياراتين مصنعتين خارج الدولة الأم لشركتين تتنافسان على زعامة السوق العالمى

المشاكل الشهيرة للكورولا انحصرت فى قصة الجيربوكس الmmt والتى قتلت بحثا على هذا المنتدى ولم يصل فيها الطرفين المختلفين لنقطة اتفاق، لكن ما اتفق عليه الجميع سواء من وافقوا على ان الجيربوكس فيه عيب او من رفضوا ذلك هو ان الجيربوكس غير سلس فى التعامل معه ويختلف تماما عن الجيربوكس الاوتوماتيكى العادى، لكن عموما هذه ليست قصتنا لأننا نقارن سيارتين مانيوال،لكن لم يذكر احد اى مشكلة تتعلق بالكورولا المانيوال

اما بالنسبة للأوكتافيا فتكاد المشكلة الوحيدة التى تحدث عنها البعض تكون فى بطء التسارع من الصفر

طيب عايزين نفتح نقط اخرى للمناقشة نقارن فيها بين العربيتين دول اللى هما يعتبران من اكثر السيارات مبيعا فى تلك الفئة السعرية،

من وجهة نظر الاتساع، المتانة، الاعتمادية، النعومة، سهولة القيادة، العمر الافتراضى، اسعار قطع الغيار،الدعم الفنى والتوكيل والصيانة، امكانية التعامل مع مشاكل السيارة خارج التوكيل واى نقطة اخرى تصلح للمقارنة

انا مستنى اراء المجربين لأنى متوقع ان هذه الأراء ستساعد الكثير من الناس ممن يختارون فى هذه الفئة ،

فقط اطلب ممن يشارك ان يحصر المقارنة بين هاتين السيارتين لأنى ارغب ان يبقى الموضوع فى شكل مرجع للمقارنة بينهما، يعنى رجاء حار ممن يجد لديه رغبة فى الحديث عن السيفيك او الجيتا او اللانسر او السيراتو او اى سيارة اخرى غير هاتين السياريتن ان يقوم بذلك فى موضوع مستقل وليس فى هذا الموضوع، وشكرا لتفهمكم

ممكن اعرف ايه المشاكل الشهيره اللى فى الجيربوكس اصل انا ما سمعتش عنها خالص
العربيه معايا الحمد لله عامله حوالى 30 الف وما عنديش اى مشاكل فى الجيربوكس وادائه لا مثيل له
عموما دلوقتى فيه فتيس اوتوماتيك نزل حديثا لو غيه بعض الوساوس من ال mmt يبقى ممكن تختاره
تحياتى

[abo samra]

فيه نقطة اخري ،،

قد تتفوق فيها الاوكتافيا ،،

و هيا قوة الصاج ،،

و ده عن تجربة ،، عربية دبابة ،،

و انا شوفتلها حوادث عربية غيرها كانت اتدمرت ،،

و دي حاجة مهمة لواحد زي حضرتك يا باشمهندس ،، بيهتم بالشباب اللي بيعتبروا السيارات اللي في الشارع امتداد لليفنج في البيت

انا معرفشي عن صاج الكورلا الجديدة لكن مش معتاد من السيارات الاسيوية قوة الصاج

و دي ميزة خطيرة للاوكتافيا انها بتجمع ما بين عوامل الامان و كمان قوة الصاج المهمه لشوارعنا في مصر عشان العربية ميبقاش شكلها متبهدل بسرعة في مصر

المهم الامان مش الصاج
والكورولا اعلى امانا من الاوكتافيا بحكم euro ncap

[Ahmed Samy]

ابو السباع

بدون اضافة للمواصفات الميكانيكية للسيارتين

هاحكيلك موقف اول ما حصل فكرني بيك

في واحد جارنا اسمه المهندس ماهر

كان عنده a5 و ابنه شحورها بهدله و تخميس و جري فقرر انه يبيعها

و شاروا عليه المشيرين (و طبعا شعب مصر كله مشير من صبي القهوة لحاد ابوغزالة الله يرحمه) انه يشتري التويوتا

و قد كان ...

و بيدورلها على بيعة دلوقتي علشان يشتري سكودا

و قال بالنص (دي تروح فين في الأوكتافيا, منهم لله بقى)


و أي خدمة

[abo samra]

الاوكتافيا تتفوق على الكورولا فى الاتى :
1-قوه الصاج المهم الامان والكورولا اعلى امانا
2-الثبات دى صح بس الكلام ده لو على سرعات عاليه قوى 180 مثلا والتفوق لا يتعدى 10% من وجهة نظرى وده يرجع لنشوفية عفشة الاوكتافيا
4-وسع الشنطه دى صح
5-الشكل (وجهات نظر)
6-السحب بعد 120 (بس مش متاكد لانى معرفش الكورولا عامله ازاى بعد 120) طب اشمعنا تجديدا قولت السحب بعد 120 وانت ما جربتهاش عموما سحب الكورولا لا يقارن مع الاوكتافيا تماما ولا قبل ولا بعد ال 120
7-قوه الفرمله دى بقا عرفتها ازاى بالظبط؟؟؟؟؟



الكورولا تتفوق فى الاتى :
1-نعومه
2-سحب تحت 120

3-تكييف اسرع
4-عفشه انعم


غير كده انا مش شايف ان الكورولا تتفوق فى شىء ...
و كمان عندى ملحوظه ..
اعتقد ان العربيتين مش نفس الفئه ..
الكورولا تتنافس مع اللانسر و المازدا 3 و الفوكس و الامبريزا !!
عموما انا شايف انك خلطت الفئات كلها على بعضها
يعنى الكورولا والاوكتافيا والجيتا واللانسر والماذدا 3 والفوكاس والامبريزا فى فئه واحده وهى COMPACT CARS
الفيكترا والسوناتا فئة LARGE FAMILY CAR
الاوكتافيا مع الفيكترا و الجيتا و ممكن السوناتا .....