إعـــــــلان

**tutankhamoun** · 15-07-2009, 09:02 AM

مدير مبيعات بيجو في ولا ية فيرجينيا وكان يعمل قبلها مبيعات في احدى توكيلات تويوتا (عندهم اكتر من وكيل) في أمريكا تونسي الأصل واسمو مسعد تقي ويعمل الآن مدير مبيعات نيسان المسعود في أبوظبي, قالي بالحرف ان الأمريكان بيشترو الياباني رغم ان عليه ضرايب وجمارك تجعلو اغلى من ما لو اشترو امريكي او اوروبي بسبب العمر الإفتراضي للموتور وان هو نفسو لما كان في امريكا رغم انو يعمل في توكيل بيجو الا انو كان شاري لنفسو عربية تويوتا كامري وزوجتو جابلها نيسان التيما, وقالي ان العمر الافتراضي مثلا عندهم في بيجو لاي سيارة 1600 سي سي هو 150 الف كيلو متر فقط بينما في تويوتا او هوندا من 250000 الى 300000 كيلومتر.

يعني الاوروبي زي البي أم دبليو و المرسيدس و الأودي ..... و الفولفو ..... و البيجو اللي لسة عايش في مصر من السبعينيات .. و الفيات اللي لسة ماشي في البلد من الستينيات .......
كل دول عمرهم الأفتراضي قليل .....

و بعدين بترجع تتهمني أني مع الألماني ....... و تسميه مداخلة حضرتك أيه ؟؟؟
مش أنحياز للياباني و بكلام كمان بصراحة ميدخلش العقل لأنه كلام مش واقعي خالص .

أنا أحببت أني أرد تاني في حتة منفصلة علشان النقطة دي بالذات بعيدة كل البعد عن الواقع العملي .

**delpo** · 15-07-2009, 12:29 PM

المشاركة الأصلية كتبت بواسطة tutankhamoun مشاهدة المشاركة

برضه كلام عائم يا أستاذي ....
لأن أحنا هنا مش بنتكلم عن عربية صيني .......
ده أحنا بنتكلم عن عربية محترمة تصميما و أنتجها ناس فاتحين في العربيات من قبل سنة 1900 ما تبدأ أصلا .يعني سنة 1895 . ( التاريخ القديم لوحده مش كفاية علشان نحكم على عربية )
يعني مش بنتكلم عن عربية لسة طالعة أول أمبارح
كلام حضرتك محسسني
أن احنا بنقارن
عربية صيني ........... بالقديسة الكورولا ............

في النهاية أنا لا مع دي و لا ضد دي و بوضح للمرة التانية أنا كنت برد عى نقطة عدد مبيعات كورولا في التاريخ بس .
و العربيتين لا يعنوني في شئ لأنهم غاليين جدا و أستحرم أحط 155 ألف جنيه في أي منهم !!!!!! ( ده رأي شخصي ) .
يعني تفوق الكورولا أو تفوق الأوكتافيا ليس من شأني لأن لا عضو منتدب في تويوتا أو سكودا .
أنا مجرد مستهلك بأشتري العربية منهم علشان تقضي مشاويري و الموضوع مش مستاهل كل الكلام ده .
و ربنا يباركلك في التويوتا بتاعتك و يحفظك منها و يحفظها لك .
مع تحياتي

انا لما بتكلم عن بعد 6 سنين ده مش كلام مرسل لان العربية بتبدأ تظهر فيها الأ‘طال في متوسط من 4 الى 6 سنوات مع الاستهلاك العادي, والي دخل الكورولا ولافيكترا هنا ان الكورولا وبشكل مثبت وممكن تسأل اي مهندس ميكانيكا او ميكانيكيا في اي ورش انت عايزها, تقريبا ليس لها اعطال وده لانها مصممة لبلادنا بحرارتها واجواءها بعكس الاوربي المصمم للبلاد الوروبية الباردة, فا الي بقولو انك شف بعض 6 سنوات هتبدأ تصرف كام على صيانة الفيكترا في مقابل الكورورلا.
الحاجة التانية (العمر الإفتراضي) : اي عربية في العالم كلو ممكن اخليها تمشي لو صرفت عليها حتى لو موديل من السبعينات لكن الفرق هتصرف كم لو عربية زي الاوكتافيا بعد عمر طويل وعربية زي الكورولا الي عمتي اشترته والي بسببها انا جبت كورولا, هي اشترتها سنة 1998 ونزلتها مصر سنة 2006 جمرك, وروحت معاها صيانة الفطيم قبل ما تنزلها وهي عاملة حسابها انها هتحتاج مبلغ عشان تشدها وتنزل كويسه وتستحمل مصر, والمفاجأة إن الصيانة بعد ما عملو عليها الكشف (الكامل) الى هو تقريباً 90% من مكونات السيارة قالها مش هتحتاجي غير تربيط عفشة وتغيير مية الريديتر فقط والسيارة لحد الآن مخدتهاش لميكانيكي, في مقابل صديقي في الامارات الي حكيت عنو قبل كده وجاب اوبل اوميجا موديل 2000 زيرو وبعد أقل من خمس سنوات العربية فتحت بقها ومسببالو عبئ نفسي كبير بسبب انو جابها زيرو غالية وقطع الغيار مولعة ولو باعها هيبيعها باقل من 15% من ثمنها الأصلي حوالي 9 آلاف درهم يعني 15 الف جنيه ؟!!!!!!!!! فا انا مش ضد الاوروبي انا ضد اني لو هجيب حاجة وعامل حسابي انها تعيش معايا ومتكلفنيش اجيب عربية لمجرد ان برستيجها اعلى بغض النظر عن ايه الي هيحصل فيما بعد وده برضو مش كلام مرسل.

مثال (غير مرسل): بي ام دبليو اكس فايف ثالث اكثر السيارات المستعملة في سوق أبوظبي للسيارات وطبعاً هتقولي ليه وازاي دي بي ام وكمان اكس فايف!! هقولك ان العربية رغم ان مافيهاش عيوب ميكانيكية الا ان اصحابها في الامارات بعد انتهاء فترة الضمان بيدفعو في صيانتها العادية جدا مبالغ طائلة ممكن بتمنها يشترو عربية تانية, معلومة: "الرنج بتاع الااكس فايف لو حصل فيه اي حاجة وحابب تغيرو الرنج الواحد الاصلي ب 8000 درهم يعني 12 الف جنيه فاهمني ؟؟؟!!!!!!
النقطة الثالثة (الناس بتروح تشتري تويوتا رغم ان سعرها غالي عشان ثقافة الياباني): هرد اقولك ده بقى الي فعلا كلام مبهم ومرسل لان الناس في مصر مش لاقيا الفلوس في الشارع هما بيجيبو العربية دي رغم ان سعرها غالي لان تمنها فيها ولما يبيعوها هتجيبلوهوم فلوس بعكس العربيات الاخري ودي في حد ذاتها سبب كافي حتى لو العربية مافيهاش اي حاجة حلوة.
النقطة الرابعة (اوكتافيا مش الماني): فولكس فاجن اشترت شركة سكودا بالكامل قبل سنوات وادخلت تكنولوجيتها في تصنيع مواتير سيارات السكودا.
النقطة الخامسة: لو هي احسن من الكورولا وبنفس السعر ليه مبيعاتها مابتنافسش حتى مبيعات الكورولا ولا هو احنا بس في العالم كلو الي بنفهم في الميكانيكا والعمر الافتراضي ؟!!!
النقطة السادسة (توكيل بيجو في امريكا): انا مقدرش اناقشك في هذا الموضوع لان انا بحكي كلام اتقالي من واحد قابلتو وشفتو بعيني في المسعود نيسان قد يكون بيقول اي كلام ولو اني مش عارف هيكذب ليه.
النقطة السابعة والأخيرة: الحكاية مش خناقة ولا تعصب الحكياة كلها زي ما قولت في الاول حسب ظروف المشتري واحد يقدر يصرف بنزين وقطع غيار ومشاكل صغيرة اكثر, والتاني يضحي بنسبة صغيرة من الفخامة ويريح دماغو وجيبو بس, لكن لا تعصب للياباني ولا ضد الاوروبي.
ملاحظة: انا عشت في الامارات مع اسرتي 23 سنة وكل العربيات الي جبناها الماني بسبب قناعة والدي انو احسن واثبت واقوي والكلام ده وعايز اقولك اننا مرينا بتجارب مريرة خاصة لو هتصلح خارج التوكيل وانا بقول كلامي عن تجربة عشتها واتخنقت بجد من العربيات المعقدة, الياباني مش متفوق لانو ياباني ... لا هو متفوق لانو ابسط كتير في المكونات والميكانيكا والسعر وقطع الغيار والبنزين واعادة البيع وده اليمرجح كفتها مش التعصب.

انا هقول للناس نصيحة لوجه الله عن تجربة طويلة ,,, لو عايز عربية قوية وفخمة وتعيش معاك واعطالها قليلة غير الياباني فئة 1.6 سي سي الفولكس فاجن جولف 1.6 ممتازة ولا غبار عليها واعادة بيعها ممتاز لكن متقارنش بعربية زي الفكترا والاوكتافيا الي بيهشو دبان في دول الخليج من قلة المبيعات وده طبعاً اكيد ليه سبب مش معقول تويوتا وهوندا ونيسان وفولكس فاجن وبي ام ومازدا وميتسوبيشي عاملين عمل للناس !!!!!! وكمان معلومة بس للتذكرة اوبل قاربت على اعلان افلاسها لكن هقول ايه برضو لسه في ناس بتقولك احسن 100 مرة وبرقبة الياباني كلو وكلام من ده ويجي واحد يقولي ده مش مقياس ؟!!!!!!!!!!!!!!!!!!!!!!!! اومال ايه الي مقياس بقى ؟؟؟ اجيب عربية ثبت فشلها عالميا واقول انا بفهم عن الكل وعن العالم ودي احسن وافضل ؟؟ الحقيقة ده يبقى كلام مش مرسل ولا مبهم ولا عائم ومتقوقع ولا متشنكح خالص وانا هنزل ابيع الكورولا واجيب فيكترا او اوكتافيا

**M.Mokhtar** · 15-07-2009, 12:42 PM

المشاركة الأصلية كتبت بواسطة delpo مشاهدة المشاركة

وكمان معلومة بس للتذكرة اوبل قاربت على اعلان افلاسها لكن هقول ايه برضو لسه في ناس بتقولك احسن 100 مرة وبرقبة الياباني كلو وكلام من ده ويجي واحد يقولي ده مش مقياس ؟!!!!!!!!!!!!!!!!!!!!!!!! اومال ايه الي مقياس بقى ؟؟؟

هى اوبل بقت ملطشه ليه كده

هو الافلاس ده وراها وراها
قربت ايه بس ياعم انت

على فكره جاجوار اتباعت من زمان
اصلها عربيات تعبانه اوى
وتخيل مين اشتراها ....شركة صينى
المفروض اى حد معاه جاجوار يرميها

**delpo** · 15-07-2009, 01:16 PM

المشاركة الأصلية كتبت بواسطة m.mokhtar مشاهدة المشاركة

هى اوبل بقت ملطشه ليه كده

هو الافلاس ده وراها وراها
قربت ايه بس ياعم انت

على فكره جاجوار اتباعت من زمان
اصلها عربيات تعبانه اوى
وتخيل مين اشتراها ....شركة صينى
المفروض اى حد معاه جاجوار يرميها

ده كلام حقيقي مش تهريج وقفلت كمان عدد من مصانعها في العالم وممكن تعمل سيرش عالياهو او اجوجل او بي بي سي او سي ان ان او في اي مكان.

مش معنى انها تفلس انها تعبانة لكن الية السوق لا ترحم احد .. الجاجوار كانت مديونة خصوصا مع انتشار الليكزس والإنفينيتي والبي ام والمرسيدس من نفس الفئة فا متقارنش فئة بفئة تانية طبعا الجاجوار رائعة لكن في الاحسن منها في فئتها وده الي خلا مبيعاتها اقل وهكذا الحياة ...

شركة صيني او هندي او باكستاني او اي جنسية الي معاه فلوس اكتر بيشيل مش مقياس

**M.Mokhtar** · 15-07-2009, 01:22 PM

المشاركة الأصلية كتبت بواسطة delpo مشاهدة المشاركة

ده كلام حقيقي مش تهريج وقفلت كمان عدد من مصانعها في العالم وممكن تعمل سيرش عالياهو او اجوجل او بي بي سي او سي ان ان او في اي مكان.

مش معنى انها تفلس انها تعبانة لكن الية السوق لا ترحم احد .. الجاجوار كانت مديونة خصوصا مع انتشار الليكزس والإنفينيتي والبي ام والمرسيدس من نفس الفئة فا متقارنش فئة بفئة تانية طبعا الجاجوار رائعة لكن في الاحسن منها في فئتها وده الي خلا مبيعاتها اقل وهكذا الحياة ...

شركة صيني او هندي او باكستاني او اي جنسية الي معاه فلوس اكتر بيشيل مش مقياس

يا عمونا الحاج

جينيرال موتورز هى اللى افلست
وباعت اوبل لشركة ماجنا الكندية
الكلام ده من شهرين تقريبا
لحقت اوبل تفلس ؟؟؟؟؟؟

**delpo** · 15-07-2009, 02:57 PM

المشاركة الأصلية كتبت بواسطة m.mokhtar مشاهدة المشاركة

يا عمونا الحاج

جينيرال موتورز هى اللى افلست
وباعت اوبل لشركة ماجنا الكندية
الكلام ده من شهرين تقريبا
لحقت اوبل تفلس ؟؟؟؟؟؟

لا بتبيع زي النار والمعارض مافيهاش عربيات من كتر الشراء وزي الفل وانا حاجز واحدة وهستلمها كمان 9 شهور عشان خالصانة

**M.Mokhtar** · 15-07-2009, 03:14 PM

المشاركة الأصلية كتبت بواسطة delpo مشاهدة المشاركة

لا بتبيع زي النار والمعارض مافيهاش عربيات من كتر الشراء وزي الفل وانا حاجز واحدة وهستلمها كمان 9 شهور عشان خالصانة

الف مبروك يا باشا
ان شاء الله تستلم على خير وربنا يباركلك فيها

اختيار موفق طبعا

**abo samra** · 15-07-2009, 03:26 PM

بغض النظر عن موضوع الافلاس والكلام ده
انا نفسى اعرف ليه الفيكترا فئه اعلى من الكورولا ولكن من الداخل اضيق من الكورولا
هى قاعدة عجلات الفيكترا كام حد يعرف؟؟؟؟؟؟

**tutankhamoun** · 15-07-2009, 03:54 PM

المشاركة الأصلية كتبت بواسطة delpo مشاهدة المشاركة

انا لما بتكلم عن بعد 6 سنين ده مش كلام مرسل لان العربية بتبدأ تظهر فيها الأ‘طال في متوسط من 4 الى 6 سنوات مع الاستهلاك العادي, والي دخل الكورولا ولافيكترا هنا ان الكورولا وبشكل مثبت وممكن تسأل اي مهندس ميكانيكا او ميكانيكيا في اي ورش انت عايزها, تقريبا ليس لها اعطال وده لانها مصممة لبلادنا بحرارتها واجواءها بعكس الاوربي المصمم للبلاد الوروبية الباردة, فا الي بقولو انك شف بعض 6 سنوات هتبدأ تصرف كام على صيانة الفيكترا في مقابل الكورورلا.
و لو أن علشان تصرف على أي عربية في مركز خدمة محترم هاتصرف جامد !!
بس أنت أصلا ما وضحتش النقطة و أتكلمت في موضوع العمر الأفتراضي .
عموما أنا أعرف ناس كتير معاهم كورولا و أعرف ناس معاهم أسكودا a4 و ناس كان معاهم أوبل و أودي
و العربيات كلها كويسة و مش بتصرف عليها أوي زا ما حضرتك بتوصف .
ما عدا الأودي .... علشان مش منتشرة و حاجتها غالية ...

الحاجة التانية (العمر الإفتراضي) : اي عربية في العالم كلو ممكن اخليها تمشي لو صرفت عليها حتى لو موديل من السبعينات لكن الفرق هتصرف كم لو عربية زي الاوكتافيا بعد عمر طويل وعربية زي الكورولا الي عمتي اشترته والي بسببها انا جبت كورولا, هي اشترتها سنة 1998 ونزلتها مصر سنة 2006 جمرك, وروحت معاها صيانة الفطيم قبل ما تنزلها وهي عاملة حسابها انها هتحتاج مبلغ عشان تشدها وتنزل كويسه وتستحمل مصر, والمفاجأة إن الصيانة بعد ما عملو عليها الكشف (الكامل) الى هو تقريباً 90% من مكونات السيارة قالها مش هتحتاجي غير تربيط عفشة وتغيير مية الريديتر فقط والسيارة لحد الآن مخدتهاش لميكانيكي, في مقابل صديقي في الامارات الي حكيت عنو قبل كده وجاب اوبل اوميجا موديل 2000 زيرو وبعد أقل من خمس سنوات العربية فتحت بقها ومسببالو عبئ نفسي كبير بسبب انو جابها زيرو غالية وقطع الغيار مولعة ولو باعها هيبيعها باقل من 15% من ثمنها الأصلي حوالي 9 آلاف درهم يعني 15 الف جنيه ؟!!!!!!!!! فا انا مش ضد الاوروبي انا ضد اني لو هجيب حاجة وعامل حسابي انها تعيش معايا ومتكلفنيش اجيب عربية لمجرد ان برستيجها اعلى بغض النظر عن ايه الي هيحصل فيما بعد وده برضو مش كلام مرسل.

حضرتك بتقارن مقارنة غير موضوعية أطلاقا ...
واحد في الأمارات أشترى عربية مش منتشرة هناك ( فطبيعي تقرفه حتى لو مرسيدس )
أما موضوع اعادة البيع فده بيختلف من سوق لسوق تاني ....
زي الفورد هنا اللي محدش بيعبرة ...... على عكس انجلترا مثلا هناك زي الرز ...
و زي المازدا هنا ..... أهي ياباني .... و الهوندا ياباني .... و لكن سوق سعر عادة بيعهم مختلف و دي بترجع للحالة النفسية للمشترين أكتر من الحالة الفنية للعربية .
نظرية الإنتشار .......
زي ما تويوتا عربية عادية جدا في أنجلترا ....... مقطعة الدنيا هنا في مصر و بعض الناس زي حضرتك متخيل أنها سيارة العمر .....
فمش كل الناس زي بعض ....... و مش كل الشعوب و الأسواق زي بعض .
يبقى مينفعش تقارن الأوبل أوميجا .......... بالكورلا في السوق الأماراتي و تيجي عايز الموضوع يتطبق هنا في مصر .
مصر سوق مختلف و الألماني منتشر هنا عن الخليج ....
يبقى موضوع قطع الغيار و انتشارها ....... خارج النقاش ..... لأن السوق المصري مليان قطع غيار ياباني و ألماني بعكس الخليج اللي عندهم ياباني أكتر من الأوروبي .

مثال (غير مرسل): بي ام دبليو اكس فايف ثالث اكثر السيارات المستعملة في سوق أبوظبي للسيارات وطبعاً هتقولي ليه وازاي دي بي ام وكمان اكس فايف!! هقولك ان العربية رغم ان مافيهاش عيوب ميكانيكية الا ان اصحابها في الامارات بعد انتهاء فترة الضمان بيدفعو في صيانتها العادية جدا مبالغ طائلة ممكن بتمنها يشترو عربية تانية, معلومة: "الرنج بتاع الااكس فايف لو حصل فيه اي حاجة وحابب تغيرو الرنج الواحد الاصلي ب 8000 درهم يعني 12 الف جنيه فاهمني ؟؟؟!!!!!!
البي أم دبليو عربية فخمة ...... بعمس عربيات تويوتا .
و الثمن المدفوع فيها ثمن كبير .....
و اللي بيشتريها عارف كدا و عارف أنه بيدفع للأسم و الفخامة و الهيبة مش العربية ذاتها .
و لذلك اللي ييجي يشتكي من أسعار الصيانة ...... نقوله و طيب و جبت من الأول ليه بي أم دبليو ؟؟؟؟؟؟؟
شوفت مينفعش نقارن شركة بتعمل عربيات أقتصادية ......
بشركة بتعمل عربيات فخمة ......اللي عايز يتفشخر ....... يستحمل المصاريف و الفشخرة مش ببلاش .

النقطة الثالثة (الناس بتروح تشتري تويوتا رغم ان سعرها غالي عشان ثقافة الياباني): هرد اقولك ده بقى الي فعلا كلام مبهم ومرسل لان الناس في مصر مش لاقيا الفلوس في الشارع هما بيجيبو العربية دي رغم ان سعرها غالي لان تمنها فيها ولما يبيعوها هتجيبلوهوم فلوس بعكس العربيات الاخري ودي في حد ذاتها سبب كافي حتى لو العربية مافيهاش اي حاجة حلوة.
الياريس بتتباع في العالم كله أرخص من مصر .......
عربية صغيرة و كماليتها ضعيفة و بتتباع في أمريكا بموتور 1500
و مع ذلك الناس بتشتريها في مصر معدية 100 ألف جنيه في حين أن ثمنها في أمريكا بيبدأ ب 65 ألف جنيه و ينتهي ب 85 ألف جنيه مصري ..... و ده للموتور الكبير .
ثانيا الكورولا برضه متسواش 155 ألف !!!!!!!!!!!!!!!!
بالمبلغ ده أجيب حاجة برستيج .............................. ده لو قررت أصلا أشتري في بلدنا عربية ب 155 ألف يحكهالي مبكروباظ أخر النهار و يحرق قلبي عليها
و مفيش حاجة أسمها ثمنها فيها
فيه حاجة أسمها الثمن العادل للسلعة كام ....... ده اللي أشتري به السلعة ......
و هاديك مثال تاني :
الدايهاتسو الياباني شكرة مملوكة لتويوتا ....... و عندهم في نفس فئة الياريس عربية أسمها سيريون
السيريون دي بتتباع برة بنفس ثمن الياريس ........
و لكن هنا في مصر الياريس أغلى من السيريون بكتير ........
عارف ليه :
علشان وكيل تويوتا مستغل الأسم و بيحط أسعار خرافية علشان عارف ثقافة الشعب المصري و إن فاتك الياباني مش هيرجع تاني ......... و بيستغل كفاءة تويوتا و أسمها في السوق المصري و بيحط أسعار بمزاجه و أسعار عالية
على عكس توكيل دايهاتسو :
اللي ميقدرش يعمل كدا لأن أسم دايهاتسو مختلف عن أسم تويوتا في عقلية الناس
مع أن الشركتين واحد ......... وأحتمال كبير تكون المواتير متوحدة و الله أعلم في النقطة دي

النقطة الرابعة (اوكتافيا مش الماني): فولكس فاجن اشترت شركة سكودا بالكامل قبل سنوات وادخلت تكنولوجيتها في تصنيع مواتير سيارات السكودا.

هو اللي يشتري شركة بيخليها في نفس جنسيته ؟؟؟؟؟؟؟؟؟
طيب بروتون أشترت لوتس الأنجليزي .....
هل لوتس كدا أصبحت شركة ماليزي ؟؟؟؟؟؟؟
أو بروتون أصبحت شركة أنجليزي ؟؟؟؟؟؟؟؟؟؟ مع أن بروتون بتستخدم تكنولوجيا لوتس في عربياتها !!!!
و جنرال موتور أشترت مازدا و أوبل و دايو
هل كدا مازدا و أوبل و دايو تحولوا من الياباني و الألماني و الكوري ........ إلى .......... الأمريكي .

لو الشركات اللي فوق أتجنست بجنسية الشركة اللي أشترتها
يبقى أسكودا اللي على أرص التشيك و تأسست في التشيك و بتخرج من التشيك
تصبح بقدرة قادر ........... و بثقافة المصريين ......... شركة ألمانية مش تشيكية .

النقطة الخامسة: لو هي احسن من الكورولا وبنفس السعر ليه مبيعاتها مابتنافسش حتى مبيعات الكورولا ولا هو احنا بس في العالم كلو الي بنفهم في الميكانيكا والعمر الافتراضي ؟!!!

ما أحنا قلنا مش عدد المبيعات بس اللي يخلي شركة احسن من التانية
الدعاية لها و الأنتشار و التواجد في الأسواق المحلية لشركة صغيرة ممكن يخليها تبيع أكتر من شركة كبيرة أو أكبر منها علشان الأقتصادية اللي حضرتك شرحتها فوق .
يعني مثلا لو أنا أمامي عربيتين
واحدة بي أم دبليو و التانية هيونداي فيرنا و التالتة تويوتا
هاشتري اللي أقدر أصرف عليها بعد كدا ..... مراكز خدمة .... قطع غيار .....
زي ما أوكتافيا و كورولا في السوق المصري ببتوفر فيهم الشروط دي

النقطة السادسة (توكيل بيجو في امريكا): انا مقدرش اناقشك في هذا الموضوع لان انا بحكي كلام اتقالي من واحد قابلتو وشفتو بعيني في المسعود نيسان قد يكون بيقول اي كلام ولو اني مش عارف هيكذب ليه.

الله أعلم به ....... و لكن فيه ناس بتعشق التأليف و الكذب ...... عادي جدا .....

النقطة السابعة والأخيرة: الحكاية مش خناقة ولا تعصب الحكياة كلها زي ما قولت في الاول حسب ظروف المشتري واحد يقدر يصرف بنزين وقطع غيار ومشاكل صغيرة اكثر, والتاني يضحي بنسبة صغيرة من الفخامة ويريح دماغو وجيبو بس, لكن لا تعصب للياباني ولا ضد الاوروبي.
طبعا مفيش خناقة و لا حاجة و أنا وضحت أنا مش مع عربية أو ضد عربية تانية .......و كمان أنا مش راكب في الوقت الراهن لا ألماني و لا ياباني علشان أتعصب لحاجة منهم .
و كفاءة الكورولا مش مشكوك فيها أطلاقا ........ و كفاءة الأوكتافيا برضه مش مشكوك فيها .
الأثنين عربيات حلوة و فنيا الأثنين محترمين .
أنت بتفكر بطريقة اقتصادية
غيرك بيفكر في الفخامة والوجاهة بنفس السعر .....
أنت عايز سعر اعادة بيع كويس ....
غيرك مش بتفرق معاه ....
ده لا يقلل من عربية على حساب التانية و إلا كانت الهوندا و المازدا عربيات زبالة بسبب سعر اعادة بيعهم ادام التويوتا مع أني شايف عربية أو ماركة زي الهوندا بتنتج عربيات أحسن من عربيات تويوتا في المجمل ....

ملاحظة: انا عشت في الامارات مع اسرتي 23 سنة وكل العربيات الي جبناها الماني بسبب قناعة والدي انو احسن واثبت واقوي والكلام ده وعايز اقولك اننا مرينا بتجارب مريرة خاصة لو هتصلح خارج التوكيل وانا بقول كلامي عن تجربة عشتها واتخنقت بجد من العربيات المعقدة, الياباني مش متفوق لانو ياباني ... لا هو متفوق لانو ابسط كتير في المكونات والميكانيكا والسعر وقطع الغيار والبنزين واعادة البيع وده اليمرجح كفتها مش التعصب.

ما أحنا السوق المصري مختلف عن الخليجي
أحنا هنا عندنا عربيات أوروبي أكتر من السوق الخليجي اللي بيعتمد أكتر على الآسيوي
ياباني و كوري .........

انا هقول للناس نصيحة لوجه الله عن تجربة طويلة ,,, لو عايز عربية قوية وفخمة وتعيش معاك واعطالها قليلة غير الياباني فئة 1.6 سي سي الفولكس فاجن جولف 1.6 ممتازة ولا غبار عليها واعادة بيعها ممتاز لكن متقارنش بعربية زي الفكترا والاوكتافيا الي بيهشو دبان في دول الخليج من قلة المبيعات
ما أحنا قلنا كل سوق و له ظروفه ........ زي فورد اللي بتهش دبان هنا ......... و مقطعة الدنيا مبيعات في أنجلترا
هل كدا العربية بقت وحشة علشان مش ببتاع في السوق المصري ؟؟؟؟؟؟؟
طبعا لاءة .... و لكن ظروف السوق هي اللي ضد عربية بعينها
فمينفعش نطبق الكلام ده على السوق المصري
لأن أحنا هنا عندنا الماركات الأوروبي منتشرة زيها زي الياباني و موجود لها قطع غيار و مراكز خدمة ......
التعميم غلط و بيطلع بينا لنتائج مش مظبوطة .

يعني حضرتك طلعت بخلاصة الموضوع أن الجولف هي العربية الوحيدة الأوروبي اللي صالحة للمواطن المصري ؟؟؟؟؟
و أيه رأيك في عربيات فيات و بيجو ........ و رينو ......... و السيات .......
ده لو الناس كلها فكرت زي حضرتك ........ مفيش غير اليابان هي اللي هاتبيع عربيات بس و بقية العالم يقعد يأزز لب

وده طبعاً اكيد ليه سبب مش معقول تويوتا وهوندا ونيسان وفولكس فاجن وبي ام ومازدا وميتسوبيشي عاملين عمل للناس !!!!!!

وكمان معلومة بس للتذكرة اوبل قاربت على اعلان افلاسها لكن هقول ايه برضو لسه في ناس بتقولك احسن 100 مرة وبرقبة الياباني كلو
مين قال أن الأوبل برقبة الياباني كله ؟؟؟؟؟؟؟

مفيش عربية برقبة عربية تانية ....... كل عربية فيها ميزة و فيها عيب و الصح نشوف ايه اللي يناسب كل واحد .
و بالتالي مفيش حاجة أسمها صناعة برقبة صناعة تانية ....

وكلام من ده ويجي واحد يقولي ده مش مقياس ؟!!!!!!!!!!!!!!!!!!!!!!!! اومال ايه الي مقياس بقى ؟؟؟ اجيب عربية ثبت فشلها عالميا واقول انا بفهم عن الكل وعن العالم ودي احسن وافضل ؟؟ الحقيقة ده يبقى كلام مش مرسل ولا مبهم ولا عائم ومتقوقع ولا متشنكح خالص وانا هنزل ابيع الكورولا واجيب فيكترا او اوكتافيا

هو حضرتك ـثبت فشل الفيكترا و الأوكتافيا ؟؟؟؟؟؟؟؟؟؟؟؟؟؟؟؟؟؟؟؟؟؟
هو علشان الشريك الأساسي أفلس ( أفلس هنا علشان يُعيد بناء نفسه اداريا ...... لو حضرتك عايز تعرف الافلاس و ظروفه مستعد أشرحها ........ لأن الأفلاس هنا مش معناه أغلاق الشركة .
عموما العربيتين بيبيعوا كويس و مش فاشلين ....... و أفضل من الكورولا في نواحي ........ و الكورولا أفضل منهم في نواحي ............

و السلام عليكم و رحمة الله و بركاته

**ashouhdy** · 15-07-2009, 04:57 PM

ممتاز الكلام دة
انا فرحان بالمناقشة دى جدا ع فكرة
و احب اضيف ان هنا فى مصر
اللى حيدفع 155 الف جنية فى عربية معوش 155 الف جنية تانيين ذيهم
عشان بس الناس تفهم الفرق بين السوق الخليجى و المصرى
فاكيد لما حيدفع تحويشة عمرة كلة
حيجيب حاجة متجربة من سنيين و سعر اعادة بيعها حلو و جمبل
بغض النظر هو عايز اية اصلا
و دة سبب رئيسى لانتشار فئات معينة انتشار مذهل فى مصر ذى الانسر بومة مثلا
لكن المقارنة الاساسية بين الكورولا و الاوكتافيا
الكورولا تكسب لانها اقتصادية فى جميع النواحى غير موتور اقوى
وتتساوى مع الاوكتافيا فى جودة التقفيل و الخامات
مع فرق الحجم الرهييييييييييييييييييييب
الكنبة الخلفية للاوكتافيا مأساة لعربية بالسعر دة

**delpo** · 16-07-2009, 02:13 AM

المشاركة الأصلية كتبت بواسطة tutankhamoun مشاهدة المشاركة

و السلام عليكم و رحمة الله و بركاته

الكلام ده انا رديت عليه كتير قبل كده وهختصرلك الرد تاني لو معاك فلوس ومش فارق معاك استهلاك البنزين وسعر اعادة البيع وتوافر قطع الغيار والصيانة جوه وبره الوكالة والنعومة اشتري الي انت عايزو اومال بتسأل الناس ليه اصلا ؟؟؟؟؟!!!!!

النقطة الي لفتت نظري فكلامك وهرد عليها ان الشركة مابتاخدش جنسية المشتري !!!!!!!!!
الموضوع ببساطة حضرتك عشان بس تبقى الصورة واضحة عندك ان الموضوع بيفرق من شركة لشركة يعني مازدا مثلا الموديلات الحديثة كلها موتور فورد مش موتور مازدا الياباني فا كده العربية خدت جنسية المشتري واسكودا كلها مواتير فولكس فاجن يبقى خدت جنسية المشتري ... اما شركات زي جاجوار مخدتش حاجة من المشتري واستون مارتن ماخدتش حاجة من المشتري فا حافظت على جنسية صناعتها .. اتمنى تكون الصورة واضحة.

وكل واحد يا اخوانا بعد كده يقول وضعو المادي ايه عشان نقولو يشتري عربية ايه

**tutankhamoun** · 16-07-2009, 08:40 AM

لا حول و لا قوة إلا بالله العظيم .......... لن أقول غير هذه الجملة علشان أنا تعبت

**M.Mokhtar** · 16-07-2009, 03:17 PM

المشاركة الأصلية كتبت بواسطة delpo مشاهدة المشاركة

+11111111111111111111111111111111111 بس هتقول ايه بقى في ناس مصممة انها تعاكس كل حاجة ماشية يعني يلاقي مصر اغلبيتها اهلوية يقولك هبقى زملكاوي .. الناس كلها تشرب حاجات ساقعة في الصيف يروح يشرب شاي مولع نار ... الناس اغلبيتها تجيب الياباني عشان اقتصادية ونقول الي معاه فلوس يجيب الي هو عايزو ومايدققش يقولك لأ حتى الي ممعهوش لازم يجيب اوكتافيا.

انا هموت من الضحك .. يا جماعة عشان بس منطولش في الكلام والموضوع مش مستاهل الي عايز يجيب عربية ومش فارق معاه الفلوس يجيبها من غير تفكير ولا يسأل حد الي مهتم بسعر اعادة البيع واستهلاك البنزين وسهولة الصيانة وتوافر قطع الغيار بره وجوه الوكالة يجيب كورولا .. خالصين ؟؟؟؟؟؟

ودمتم زخرا للوطن

طيب خلاص يا جماعه الموضوع بقى واضح اهو

اى حد عاوز يشترى عربيه محترمه يشترى الكورولا طبعا
والا يبقى مش فاهم او الفلوس مش تفرق معاه
بمعنى اخر يبقى مصرى ماشى خلف خلاف

خليكوا فاهمين وتفكيركم غير الشعب المصري واعملوا زى اخوكم ديلبو

فى حد يبقى قدامه كورولا ويفكر فى اى حاجة تانية
بتتكلموا ازاى بس

**delpo** · 16-07-2009, 04:14 PM

المشاركة الأصلية كتبت بواسطة M.Mokhtar مشاهدة المشاركة

طيب خلاص يا جماعه الموضوع بقى واضح اهو

اى حد عاوز يشترى عربيه محترمه يشترى الكورولا طبعا
والا يبقى مش فاهم او الفلوس مش تفرق معاه
بمعنى اخر يبقى مصرى ماشى خلف خلاف

خليكوا فاهمين وتفكيركم غير الشعب المصري واعملوا زى اخوكم ديلبو

فى حد يبقى قدامه كورولا ويفكر فى اى حاجة تانية
بتتكلموا ازاى بس

والله يا باشا ده المنطق ليه اجيب عربية اخسر فيها لما آجي أبيعها عن عربية تانية ؟؟؟ وليه أجيب عربية استهلاك بنزينها اعلى ؟؟؟؟ وليه أجيب عربية تصليحها أصعب ؟؟؟؟ وليه بعد ده كلو اقول ان هي احسن عشان الفخامة بس ؟؟!!!!!!! يعني شوف كم وعيب وكم ميزة وتقولي في الآخر ان المجمل الاوكتافيا احسن ده احنا كده نبقى زي الفل

وبعدين العربية الأكثر مبيعا في العالم لما آجي أتغاضي عن كل ميزاتها الإقتصاديةا واقول لا متشتريهاش وهات عربية تقريبا ملهاش مبيعات في مناطق كبيرة جدا من العالم يبقى كده فعلا خلف خلاف ؟؟!!!!! أو مش فارق معايا الفلوس.

بالمناسبة فكرتني انزل كده اسأل على بيع عربيتك الي متفوقة بمراحل شاسعة وكونية عن الكورولا وشوف هتجيبلك كم وشوف الكورولا من نفس الموديل بتتباع بكم ؟

وتعيش وتخالف يا باشا

Comment

إعـــــــلان

.

عايز شوية آراء خبيرة-كورولا وللا اوكتافيا

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment