عايز شوية آراء خبيرة-كورولا وللا اوكتافيا

[tutankhamoun]

اليابانيين قالوها من زمان
لولا أختلاف الأذواق لبارت السلع و مش هاقول أكتر من كدا

[kareemhisham]

اليابانيين قالوها من زمان
لولا أختلاف الأذواق لبارت السلع و مش هاقول أكتر من كدا

دة كلام مظبوط ,,

احنا كدة وصلنا ان العربيتين متقاربتين جدا و ليهم مميزاتهم و عيوبهم ,,

يبقى الموضوع فى الاخر البيحكم فى, هى الاذواق ,,

انا عن نفسى لو احسن عربية فى العالم و انا مش مستريحلها نفسيا عمرى ما هفكر فيها

[M.Mokhtar]

والله يا باشا ده المنطق ليه اجيب عربية اخسر فيها لما آجي أبيعها عن عربية تانية ؟؟؟ وليه أجيب عربية استهلاك بنزينها اعلى ؟؟؟؟ وليه أجيب عربية تصليحها أصعب ؟؟؟؟ وليه بعد ده كلو اقول ان هي احسن عشان الفخامة بس ؟؟!!!!!!! يعني شوف كم وعيب وكم ميزة وتقولي في الآخر ان المجمل الاوكتافيا احسن ده احنا كده نبقى زي الفل

وبعدين العربية الأكثر مبيعا في العالم لما آجي أتغاضي عن كل ميزاتها الإقتصاديةا واقول لا متشتريهاش وهات عربية تقريبا ملهاش مبيعات في مناطق كبيرة جدا من العالم يبقى كده فعلا خلف خلاف ؟؟!!!!! أو مش فارق معايا الفلوس.

بالمناسبة فكرتني انزل كده اسأل على بيع عربيتك الي متفوقة بمراحل شاسعة وكونية عن الكورولا وشوف هتجيبلك كم وشوف الكورولا من نفس الموديل بتتباع بكم ؟

وتعيش وتخالف يا باشا

لا ماتحولش تدخل العربيات فى بعض عشان كده هنخرج بره نطاق الموضوع خالص

انا عربيتى اوبل فكترا CDX موديل 2000
فاكر الكرولا كانت شكلها وامكانيتها ايه فى السنه دى؟
يوم ما كرولا كانت بتنزل مصر بتكيف وسنتر لوك وممكن زجاج كهربا
عربيتى بتنزل ب Traction Control و ABS و مثبت سرعه وتحكم فى الطاره وكراسى كهربا ومرايات كهربا وضم كهربا وسخانات فى الكراسى وتكيف تاتش وفرامل ديسكات اماميه وخلفيه وكمبيوتر اعطال - وكمبيوتر السائق و .................
ياااااااااه انا طولت اوى عليك بس لسه فيه لو عايز

سيبك من الكماليات

فرق الشكل انت ايه رأيك؟
مين احلى ومين افخم ومين اقوى كصاج؟

سيبك من الكماليات والشكل

خلينا فى الثبات
مش هقولك قارنلى الفكترا موديل 2000 بكرولا موديل 2000
قارنلى الفكترا بتاعتى بالكرولا موديل 2009
مين اثبت؟

سيبك من كل ده ومش هتكلم عن العمر الافتراضى كمان عشان كل عربيه وليها حالتها (مع ان الموضوع محسوم للالمانى)

خلينا فى الركوبه
اركب فكترا واركب كرولا وانت تعرف الفرق

تصدق برده مش لاقى فرق فى العربيتين بالعكس الكرولا تكسب

طيب ما تيجى نبص على الامان
انا عربيتى اللى من موديل 2000 نازله ب 2 او 4 ايرباج
الكرولا كانت نازله بكام؟

بعد كل ده لما تقولى وانا ليه ادفع فى عربيه اكتر من الكرولا وقطع غيارها اغلى
بصراحه مش هعرف ارد عليك


زى واحد بيروح يشترى لامؤخذه جزمة من عم عبده الصرماتى وبتتلبس وشغاله ولو اتقطعت ممكن تصلحها عنده هو هو ب 5 جنيه
والتانى بيشترى من اديداس او تمبرلاند ولو اتقطعت بيرميها

كل واحد وليه حساباته يا باشا

[Ahmed Samy]

منطق الشراء من أجل البيع هو اللي شايل التويوتا و الانسر بالشكل الفظيع ده ...

اللي شاري عربية ..شاريها يبركبها وبعدين يبيعها

ولا يبيعها و بعدين يركبها ؟؟

[M.Mokhtar]

منطق الشراء من أجل البيع هو اللي شايل التويوتا و الانسر بالشكل الفظيع ده ...

اللي شاري عربية ..شاريها يبركبها وبعدين يبيعها

ولا يبيعها و بعدين يركبها ؟؟

الموضوع مش كده وبس يا احمد

لو رجعنا لاصل الموضوع

لما اليابانى نزل كان فرق سعره عن الاوروبى والامريكى كبير
فالناس اقبلت عليه
خصوصا ان معروف اليابانى بجودته
وبما اننا شعب يعتبر فقير
واغلب الناس هتشترى الرخيص
اليابانى بدأ ينتشر جدا
وده اللى خلى قطع غياره تبقى موجوده بوفره
وكل المكيانيكيه اشتغلت فيه

بعكس الاوروبى والامريكى اللى كان بيركبهم كبار القوم
وطبعا يوم ما بيحصل فيهم حاجة مش هيروحوا لشحته الميكانيكى يصلحها

فقطع الغيار مش كتيره وكمان مش اى ميكانيكى يفهم فيها

ومن هنا جت رخص قطع الغيار لليابانى وان العربيه مفهومه لاى بليه عند اى ميكانيكى خصوصا ان التطور التكنولوجى اللى فى اليابانى العادى (كورولا ولانسر) مش زى اللى فى الاوروبى والامريكى

من هنا جت الفجوة دى فى اعادة البيع
اليابنى انتشر لاسباب كتيره
- السعر الاقل بالنسبة للاوروبى
- ترتب عليها انتشار ومعرفه الميكانيكيه بالعربيه اكتر
- مستوردى قطع الغيار اهتموا بيها اكتر عشان هى اللى منتشره للفئة الشعبيه من الشعب
- معرفة المواطن المصرى بجوده المنتج اليابانى انها مقبوله ويمكن الاعتماد عليها
والنقطه دى ظهرت بوضوه لما الكورى بدأ ينزل
قالم لا ياعم خلينا فى اليابانى اضمن مش كفايه مش قادرين نركب الالمانى

يعنى رخص تكلفه الاصلاح واعادة البيع كان رد فعل طبيعى لحاله الشعب المصرى المادية

[abo samra]

منطق الشراء من أجل البيع هو اللي شايل التويوتا و الانسر بالشكل الفظيع ده ...

اللي شاري عربية ..شاريها يبركبها وبعدين يبيعها

ولا يبيعها و بعدين يركبها ؟؟

اختلف مع حضرتك فى النقطه دى يا دكتور احمد
انا واحد مثلا لما بشترى عربيه بشتريها علشان تناسب احتياجاتى ليس لاعادة البيع او قطع الغيار
انا كان معايا لانسر بومه سوبر اكشن وموتورها كان صوته عالى وعزلها سىء وعفشتها شديدة النشوفيه علشان كدا كنت بدور على عربيه توفرلى عكس عيوب اللانسر ولم اجد غير الكورولا وغير سحبها اللى انا مسر ان مفيش 1600 ستوك تتطلع منها عن تجربه
حاجه تانيه العربيه اللى بيبقى اعادة بيعها عالى بيبقى مش من فراغ ولا حظ ولا اى شىء من هذا القبيل ولكن باختصار العربيه المضموته اللى اعطالها قليله وما انتساش ان الكورولا اعلى مبيعات فى التاريخ كله مش فى مصر فقط
يعنى اكيد مش كل العالم مجانين وبيشتروا العربيه دى وخلاص علشان تجيب فلوس كثير عند اعادة البيع ولكن اكيد لجودتها العاليه واعتماديه العاليه وده هو سر المبيعات وسر الاقبال وسر عشق الناس لسيارات تويوتا وليس كورولا فقط تحديدا
تحياتى

[abo samra]

لا ماتحولش تدخل العربيات فى بعض عشان كده هنخرج بره نطاق الموضوع خالص

انا عربيتى اوبل فكترا cdx موديل 2000
فاكر الكرولا كانت شكلها وامكانيتها ايه فى السنه دى؟
يوم ما كرولا كانت بتنزل مصر بتكيف وسنتر لوك وممكن زجاج كهربا
عربيتى بتنزل ب traction control و abs و مثبت سرعه وتحكم فى الطاره وكراسى كهربا ومرايات كهربا وضم كهربا وسخانات فى الكراسى وتكيف تاتش وفرامل ديسكات اماميه وخلفيه وكمبيوتر اعطال - وكمبيوتر السائق و .................
ياااااااااه انا طولت اوى عليك بس لسه فيه لو عايز :c_laugh[1]:

سيبك من الكماليات

فرق الشكل انت ايه رأيك؟
مين احلى ومين افخم ومين اقوى كصاج؟

سيبك من الكماليات والشكل

خلينا فى الثبات
مش هقولك قارنلى الفكترا موديل 2000 بكرولا موديل 2000
قارنلى الفكترا بتاعتى بالكرولا موديل 2009
مين اثبت؟

سيبك من كل ده ومش هتكلم عن العمر الافتراضى كمان عشان كل عربيه وليها حالتها (مع ان الموضوع محسوم للالمانى)

خلينا فى الركوبه
اركب فكترا واركب كرولا وانت تعرف الفرق

تصدق برده مش لاقى فرق فى العربيتين بالعكس الكرولا تكسب

طيب ما تيجى نبص على الامان
انا عربيتى اللى من موديل 2000 نازله ب 2 او 4 ايرباج
الكرولا كانت نازله بكام؟

بعد كل ده لما تقولى وانا ليه ادفع فى عربيه اكتر من الكرولا وقطع غيارها اغلى
بصراحه مش هعرف ارد عليك


زى واحد بيروح يشترى لامؤخذه جزمة من عم عبده الصرماتى وبتتلبس وشغاله ولو اتقطعت ممكن تصلحها عنده هو هو ب 5 جنيه
والتانى بيشترى من اديداس او تمبرلاند ولو اتقطعت بيرميها :s_thum1[1]:

كل واحد وليه حساباته يا باشا

طب ما تقارن الفيكترا 2008 بالكورولا 2009 وشوف مين اللى كمالياته اعلى
وشوف مين فيه ايرباجز اكثر وشوف مين حقق اختبارات تصادم افضل فى euro ncap
مين مبيعاته اكثر مين مطلوب اكثر فى الاسواق
لان كدا ظلمت الفيكترا موديل 2000 لما تقارنها بكورولا 2009 !!!!!!!!!!!!!!
وما تنساش ان عربية حضرتك متعدله مش ستوك يعنى
موضوع ان العمر الافتراضى ان محسوم للالمانى
معروف ان الكورولا من اكثر السيارات فى العمر الافتراضى ونجاحها ده مش من فراغ
باختصار الكورولا تحقق المعادله الصعبه اكثر من اى عربيه اخرى فى فئتها
تحياتى

[abo samra]

الموضوع مش كده وبس يا احمد

لو رجعنا لاصل الموضوع

لما اليابانى نزل كان فرق سعره عن الاوروبى والامريكى كبير
فالناس اقبلت عليه
خصوصا ان معروف اليابانى بجودته
وبما اننا شعب يعتبر فقير
واغلب الناس هتشترى الرخيص
اليابانى بدأ ينتشر جدا
وده اللى خلى قطع غياره تبقى موجوده بوفره
وكل المكيانيكيه اشتغلت فيه

بعكس الاوروبى والامريكى اللى كان بيركبهم كبار القوم
وطبعا يوم ما بيحصل فيهم حاجة مش هيروحوا لشحته الميكانيكى يصلحها

فقطع الغيار مش كتيره وكمان مش اى ميكانيكى يفهم فيها

ومن هنا جت رخص قطع الغيار لليابانى وان العربيه مفهومه لاى بليه عند اى ميكانيكى خصوصا ان التطور التكنولوجى اللى فى اليابانى العادى (كورولا ولانسر) مش زى اللى فى الاوروبى والامريكى

من هنا جت الفجوة دى فى اعادة البيع
اليابنى انتشر لاسباب كتيره
- السعر الاقل بالنسبة للاوروبى
- ترتب عليها انتشار ومعرفه الميكانيكيه بالعربيه اكتر
- مستوردى قطع الغيار اهتموا بيها اكتر عشان هى اللى منتشره للفئة الشعبيه من الشعب
- معرفة المواطن المصرى بجوده المنتج اليابانى انها مقبوله ويمكن الاعتماد عليها
والنقطه دى ظهرت بوضوه لما الكورى بدأ ينزل
قالم لا ياعم خلينا فى اليابانى اضمن مش كفايه مش قادرين نركب الالمانى

يعنى رخص تكلفه الاصلاح واعادة البيع كان رد فعل طبيعى لحاله الشعب المصرى المادية

الموضوع مش مرتبط انه سعره اقل او اعلى
عندك الاوبل استرا سعرها اقل من معظم العربيات اليابانى المنافسه ومع ذلك اليابانى اكثر انتشارا والسيدان نزلت ومحدش عبرها
باختصار العربيه الالمانى اللى تستاهل فعلا تقول عليها اجيبها علشان المانى ومستوى مختلف البى ام او المرسيدس او الاودى
انما فولكس اوبل سكودا التشيكى دى عربيات عاديه جدا زيها زى العربيات اليابانى والفروقات بينهم بسيطه ميكانيكا وتكنولوجيا وتصميم وجوده ومواتير
تحياتى

[M.Mokhtar]

طب ما تقارن الفيكترا 2008 بالكورولا 2009 وشوف مين اللى كمالياته اعلى
وشوف مين فيه ايرباجز اكثر وشوف مين حقق اختبارات تصادم افضل فى euro ncap
مين مبيعاته اكثر مين مطلوب اكثر فى الاسواق
لان كدا ظلمت الفيكترا موديل 2000 لما تقارنها بكورولا 2009 !!!!!!!!!!!!!!
وما تنساش ان عربية حضرتك متعدله مش ستوك يعنى
موضوع ان العمر الافتراضى ان محسوم للالمانى
معروف ان الكورولا من اكثر السيارات فى العمر الافتراضى ونجاحها ده مش من فراغ
باختصار الكورولا تحقق المعادله الصعبه اكثر من اى عربيه اخرى فى فئتها
تحياتى

انا قارنت الثبات بس بين موديل 2000 وبين موديل 2009
فين الظلم؟
اتحدى ان الكرولا 2009 تمشى على ال 220 كم/س بنفس ثبات الفكترا 2000

حتى لو هنقارن فى الشكل او الفخامة اعتقد فيها كلام برده

ومن حيث موضوع الستوك فاحب اعرف حضرتك ان انا زودت كماليات ناقصه فيها plug and play
والاستوك اللى حضرتك بتتكلم عليها نازل فيها كماليات اكتر من عندى بكتير
منها فتحة السقف ودرج التابلوه ثلاجه وانذار داخلى وخارجى وجنوط 17 و انوار قراءة لكل باب وكراسى جلد طبيعى و............
يعنى انا مش عدلت فيها بمزاجى انا حطيت فيها كماليتها الاصليه

من حيث عدد النجوم لما تقارن عربيه نازله 2002 بعربيه نازله 2008 ده مش ظلم ؟

الموضوع مش مرتبط انه سعره اقل او اعلى
عندك الاوبل استرا سعرها اقل من معظم العربيات اليابانى المنافسه ومع ذلك اليابانى اكثر انتشارا والسيدان نزلت ومحدش عبرها
باختصار العربيه الالمانى اللى تستاهل فعلا تقول عليها اجيبها علشان المانى ومستوى مختلف البى ام او المرسيدس او الاودى
انما فولكس اوبل سكودا التشيكى دى عربيات عاديه جدا زيها زى العربيات اليابانى والفروقات بينهم بسيطه ميكانيكا وتكنولوجيا وتصميم وجوده ومواتير
تحياتى

مش عارف انتوا ماسكين فى الاوبل ليه فى المقارنه دى
ماكلنا عارفين مشاكل جينيرال موتورز ومشاكل اوبل واكيد ده يبأثر فى البيع والشراء

ولو حضرتك شايف ان العالم كله بيحب الكورولا وان الفولكس والسكودا والاوبل (فى الاخر اهو عشان مش تزلعوا) عربيات عاديه ومش تقارن بالكرولا
ياريت حضرتك تشوف الكلام ده

The German automobile TV show Auto, Motor und Sport compared the Škoda Octavia with its cousin, the Volkswagen Golf Mk5, and concluded that the Škoda Octavia was slightly better than the Volkswagen Golf owing to a little more interior space and other specific ergonomics, better build quality, better drivability, and a lower price.

In their 2006 survey, the British automobile magazine and TV/radio show Top Gear placed the first-generation Octavia into 3rd place, and described it as a "masterpiece of dependability". The second generation was too new to be included in the survey.

The British automobile magazine Auto Express awarded to the second-generation Octavia the gold medal in their prestigious Driver Power top 100, stating that it is "the UK’s most satisfying car to own in 2007" and that it "has bettered every other car on sale in the UK".

Along with other Škodas, the Czech-built Octavia has been a markedly reliable vehicle – more so than the Audi A3 and Volkswagen Golf, with which it shares platforms. In 2006, Warranty Direct, a UK-based provider of mechanical warranties for used cars, rated Škoda the top manufacturer (above Mazda and Honda), while Audi came seventh from bottom. The Octavia specifically had a reliability index of 32.74 (lower being more reliable), while the Golf produced over the same period was 87.28, and the Audi A3 99.43.

وده رابط الموضوع

http://en.wikipedia.org/wiki/Škoda_Octavia

فين الاخ اللى بيقول لو عايز تشترى المانى اشترى الجولف
واضح ان مش المصريين بس اللى ماشيين خلف خلاف

[KHALED AYMAN]

والله يا باشا ده المنطق ليه اجيب عربية اخسر فيها لما آجي أبيعها عن عربية تانية ؟؟؟ وليه أجيب عربية استهلاك بنزينها اعلى ؟؟؟؟ وليه أجيب عربية تصليحها أصعب ؟؟؟؟ وليه بعد ده كلو اقول ان هي احسن عشان الفخامة بس ؟؟!!!!!!! يعني شوف كم وعيب وكم ميزة وتقولي في الآخر ان المجمل الاوكتافيا احسن ده احنا كده نبقى زي الفل

وبعدين العربية الأكثر مبيعا في العالم لما آجي أتغاضي عن كل ميزاتها الإقتصاديةا واقول لا متشتريهاش وهات عربية تقريبا ملهاش مبيعات في مناطق كبيرة جدا من العالم يبقى كده فعلا خلف خلاف ؟؟!!!!! أو مش فارق معايا الفلوس.

بالمناسبة فكرتني انزل كده اسأل على بيع عربيتك الي متفوقة بمراحل شاسعة وكونية عن الكورولا وشوف هتجيبلك كم وشوف الكورولا من نفس الموديل بتتباع بكم ؟

وتعيش وتخالف يا باشا

طيب سؤال ....
ليه اجيب عربيه ثباتها اقل من كل المنافسين و صاجها اضعف من كل المنافسين و خاماتها اقل من كل المنافسين و شكلها اقل من كل المنافسين عشان لما ابيعها مخسرش كتير ؟؟؟
ولا عشان ايه ؟؟
ليه اجيب كورولا و مجيبش فيكترا او اوكتافيا او جيتا ...
الثلاثى الالمانى ده (الاسكودا تقفيل تشيكى و الجيتا تقفيل مكسيكى)...
اثبت من الكورولا
اوسع منها (خصوصا الاوكتافيا)
اقوى منها كصاج
خامات انضف
شكل احسن(ازواق)
و بعدين هو انا مجيبش اوكتافيا عشان مش متباعه ف الخليج ؟؟
خلاص هبقى اطلع ابيعها فى اوروبا ... اصلها بتبيع هناك كتير ...
يا باشا احنا فى مصر (ولا انت مش معانا .؟).....

طب ما تقارن الفيكترا 2008 بالكورولا 2009 وشوف مين اللى كمالياته اعلى
وشوف مين فيه ايرباجز اكثر وشوف مين حقق اختبارات تصادم افضل فى euro ncap
مين مبيعاته اكثر مين مطلوب اكثر فى الاسواق
لان كدا ظلمت الفيكترا موديل 2000 لما تقارنها بكورولا 2009 !!!!!!!!!!!!!!
وما تنساش ان عربية حضرتك متعدله مش ستوك يعنى
موضوع ان العمر الافتراضى ان محسوم للالمانى
معروف ان الكورولا من اكثر السيارات فى العمر الافتراضى ونجاحها ده مش من فراغ
باختصار الكورولا تحقق المعادله الصعبه اكثر من اى عربيه اخرى فى فئتها
تحياتى

ياااااااااااااااااااااااااااااااه
انت لسه بتدافع عن الكورولا ...
انا اخر مره ناقشتك كنت انت مطلعها احسن من الجيتا فى كل حاجه ...
دلوقتى بقت احسن عربيه فى فئتها ...
و كمان احسن من الاوكتافيا و الفيكترا و احسن من الالمانى .........
ياااااااااااااااااااه
الدنيا بتطور يا اخى و الله ....
عموما اسمحولى بقى اتكلم عن الفيكترا 2008 لانى لسه شاريها ...
الايرباج كالاتى :
2 ادام
و ستائر ايرباج فى الازاز بتاع الاربع ابواب ...
و 2 فى الكراسى من الجنب ...
يعنى 6 ايرباج ...
تعالى قولى بقى ..
الكورولا فيها ESP ؟؟؟
ده بيمنع الحادثه نفسها مش بيحمينى من نتائج الحادثه ....
و اختبار التصادم الفيكترا واخده 5 نجوم .....
مين مطلوب فى مصر .. الكورولا ...
بس ده لانها سعرها اقل ... وليس لانها افضل ...
قولى بقى ...
مين فيه كماليات اكتر الفيكترا ولا الكورولا ولا حتى الجيتا و الاوكتافيا ؟؟
الكورولا فيها كراسى كهرباء ؟؟
الكورولا فيها فتحه سقف ؟؟
الكورولا فيها تكييف كليماترونيك ؟؟
مفيهاش الحاجات دى يا باشا ....
بالنسبه للعمر الافتراضى ....
هات كورولا و هات فيكترا اى موديل و الاتنين ماشيين 250 الف كم و قولى مين حالته احسن ....
و متقوليش صرف كام ...
لا قولى بس الحاله ....
و الفلوس الى بتتصرف دى بترجع لصاحب العربيه ...
و معروف ان ركوب الالمانى مكلف (ركوبه بشوات )....
بس معروف على مستوى العالم (ما عدا الخليج عشان متزعلش) انها احسن ركوبه ....
و الا مكانتش بوجاتى و مايباخ و الحاجات العاليه دى كلها المانى .........


تحياتى......
و يا ريت تشيلو الاوبل من دماغكو شويه ...

[ashouhdy]

لا بقى انا اختلف فى معاكوا فى نقطة الاتساع
الكورولا الجديدة اوسع بمراحل من الاوكتافيا
دة كفاية كنبة الاوكتافيا اللى ورا بتاخد اتنين بالعافية
الكورولا صالونها اوسع
و بتعمر لأن اخدت مكانتها حول التاريخ و العالم
بأنها اقل السيارات اعطالا فى العالم

[ahmed_mabrook]

السلام عليكم
مكنتش حابب انى اشارك بس بصراحة لما الاقى معلومات مش دقيقة ميش بقدر امسك نفسى المهم فى برنامج اسمة fifth gear البرنامج ده كنت اول مرة اشوفة كان فى كندا بيجى على discovery channel وبيتذاع فى مصر على نفس القناة بس مع باقة اوربت و المهم هما عاملين تقيم لى اغلبية العربيات يريت نشوف تقيم ال اوكتفيا

http://fwd.five.tv/cars/large-family/skoda-octavia

ودية مجلة مشهورة فى انجلترا اسمها autoexpress ياريت نشوف الناس بتفضل اية

http://www.autoexpress.co.uk/carreviews/driver_power_2008/archive/

وبكل وضوح نقدر نقول من الحاجات دية ان الاوكتفيا عربية رائعة جدا وربنا يبارك للهيجبها

[ahmed_mabrook]

وياريت نشوف اللينك ده ونشوف الاعتمادية بتاعت الاوكنفيا

http://www.autoexpress.co.uk/carreviews/driver_power_2009/235141/skoda_octavia_new.html

[ahmed_mabrook]

اتمنى كده يكون الموضوع اتحسم لصالح الاوكتفيا

و السلام عليكم ورحمة الله وبركاته

[M.Mokhtar]

لا بقى انا اختلف فى معاكوا فى نقطة الاتساع
الكورولا الجديدة اوسع بمراحل من الاوكتافيا
دة كفاية كنبة الاوكتافيا اللى ورا بتاخد اتنين بالعافية
الكورولا صالونها اوسع
و بتعمر لأن اخدت مكانتها حول التاريخ و العالم
بأنها اقل السيارات اعطالا فى العالم

احنا بنتكلم على الاوكتافيا a5 او الفانتزيا مش ال a4 يا باشا