عايز شوية آراء خبيرة-كورولا وللا اوكتافيا

[KHALED AYMAN]

احنا بنتكلم على الاوكتافيا a5 او الفانتزيا مش ال a4 يا باشا

+100000000000000000000000000

[kareemhisham]

يا جماعة الاستاذ delpo ممكن يكون منحاز للكورولا شوية ,,

بس بصراحة الواحد بيزعل من ان الناس بتقول اوكتافيا و خلاص و بيستهيفوا بالكورولا جامد ,,

كل واحد يخش يقول اوكتافيا طبعا بدون تفكير ,, طب دة كلام ؟؟

انا بصراحة شايف ان الاتنين زاى الفل بس انا صعبت عليا الكورولا

[KHALED AYMAN]

يا جماعة الاستاذ delpo ممكن يكون منحاز للكورولا شوية ,,

بس بصراحة الواحد بيزعل من ان الناس بتقول اوكتافيا و خلاص و بيستهيفوا بالكورولا جامد ,,

كل واحد يخش يقول اوكتافيا طبعا بدون تفكير ,, طب دة كلام ؟؟

انا بصراحة شايف ان الاتنين زاى الفل بس انا صعبت عليا الكورولا

يا باشا العربيتين جامدين ما شاء الله ...
بس العين متعلاش عن الحاجب ...
دى سعر و دى سعر
دى يابانى و دى المانى ...(تحمل فى طياتها معانى كثيره)(حلوه الجمله دى صح ؟)
دى ثبات و دى ثبات ....
دى صاج و دى صاج....
دى اسم و دى اسم .....
و فى الاخر يقولى كورولا احسن ....
ازاى بس ....؟؟؟؟

[kareemhisham]

يا باشا العربيتين جامدين ما شاء الله ...
بس العين متعلاش عن الحاجب ...
دى سعر و دى سعر
دى يابانى و دى المانى ...(تحمل فى طياتها معانى كثيره)(حلوه الجمله دى صح ؟)
دى ثبات و دى ثبات ....
دى صاج و دى صاج....
دى اسم و دى اسم .....
و فى الاخر يقولى كورولا احسن ....
ازاى بس ....؟؟؟؟

تمام كلامك ,,
المفروض ان احنا وصلنا فى الموضوع دة للاتى :

البيدور على الفخامة و الجودة و المتانة و الثبات
يبقى يجيب الاوكتافيا

البيدور على سعر اعادة البيع و الصيانة السهلة و الاعتمادية
يبقى يجيب الكورولا

و دة مش معناه ان العربية التانية مفيهاش الحاجات دى ,, انما دى الحاجات البتتميز بيها كل عربية منهم

وعلى فكرة ,, عجبتنى جملة "تحمل فى طياتها معانى كثيرة "

[KHALED AYMAN]

تمام كلامك ,,
المفروض ان احنا وصلنا فى الموضوع دة للاتى :

البيدور على الفخامة و الجودة و المتانة و الثبات
يبقى يجيب الاوكتافيا

البيدور على سعر اعادة البيع و الصيانة السهلة و الاعتمادية
يبقى يجيب الكورولا

و دة مش معناه ان العربية التانية مفيهاش الحاجات دى ,, انما دى الحاجات البتتميز بيها كل عربية منهم

وعلى فكرة ,, عجبتنى جملة "تحمل فى طياتها معانى كثيرة "

ايوووووووه
انا موافق على كلامك عشان جملتى عجبتك هههههههه
لا يا باشا فعلا كلامك صح ....
بدون ما جملتى تعجبك ...

[ahmad--ezzat]

انا رايى ان الكرولا احسن...واريح ما بعد البيع

مش عارف ليه مليش تقل على الاسكودا...

[modiabbas]

لا بقى انا اختلف فى معاكوا فى نقطة الاتساع
الكورولا الجديدة اوسع بمراحل من الاوكتافيا
دة كفاية كنبة الاوكتافيا اللى ورا بتاخد اتنين بالعافية
الكورولا صالونها اوسع

قلك اتنين بالعافيه
انا هبلغ عنك
حرام و الله اللى بتقولوا ده اتنين بالعافيه ده التوكتوك بياخد اتنين مستريح يبقى الاوكتافيا اتنين بالعافيه

[tutankhamoun]

أنا هاعيد صياغة رأيي المتواضع مرة أخرى علشان فيما يبدوا أن الأخ المتعصب أو المنحاز للكورولا فهم كلامي غلط على الأخر :
الفروق الفنية بين الكورولا و الأوكتافيا ............... مش موجودة يعني العربيتين فنيا ممتازين .
الفروق في حاجات نفسية زي الوجاهة لصالح الأوكتافيا ........ و الفخامة .
و سهولة اعادة البيع و الصيانة السهلة للكورولا .......

إنما بصراحة أنا مش شايف حتة ألماني و ياباني دي .........
الكورولا عربية أعتمادية و معروف عن تويوتا عموما أن عربياتها اعتمادية و سهلة التصليح و بتعيش عمر طويل لو حافظت عليها .


مع الأعتذار لكل الأخوة الزملاء قبلي :
أنا شايف أن موضوع ألماني و ياباني ده ........ في دماغنا بس ... عامل نفسي يعني
إنما على ارض الواقع ............ اليابان بتعمل عربيات محترمة زيها زي ألمانيا .
و المقارنة بتكون أصح لما نقارن
عربية بعربية .......................مش بلد منشأ قصاد بلد منشأ .

[M.Osman]

أنا شايف أن موضوع ألماني و ياباني ده ........ في دماغنا بس ... عامل نفسي يعني
إنما على ارض الواقع ............ اليابان بتعمل عربيات محترمة زيها زي ألمانيا .
و المقارنة بتكون أصح لما نقارن
عربية بعربية .......................مش بلد منشأ قصاد بلد منشأ .

period

[delpo]

لا ماتحولش تدخل العربيات فى بعض عشان كده هنخرج بره نطاق الموضوع خالص

انا عربيتى اوبل فكترا CDX موديل 2000
فاكر الكرولا كانت شكلها وامكانيتها ايه فى السنه دى؟
يوم ما كرولا كانت بتنزل مصر بتكيف وسنتر لوك وممكن زجاج كهربا
عربيتى بتنزل ب Traction Control و ABS و مثبت سرعه وتحكم فى الطاره وكراسى كهربا ومرايات كهربا وضم كهربا وسخانات فى الكراسى وتكيف تاتش وفرامل ديسكات اماميه وخلفيه وكمبيوتر اعطال - وكمبيوتر السائق و .................
ياااااااااه انا طولت اوى عليك بس لسه فيه لو عايز

سيبك من الكماليات

فرق الشكل انت ايه رأيك؟
مين احلى ومين افخم ومين اقوى كصاج؟

سيبك من الكماليات والشكل

خلينا فى الثبات
مش هقولك قارنلى الفكترا موديل 2000 بكرولا موديل 2000
قارنلى الفكترا بتاعتى بالكرولا موديل 2009
مين اثبت؟

سيبك من كل ده ومش هتكلم عن العمر الافتراضى كمان عشان كل عربيه وليها حالتها (مع ان الموضوع محسوم للالمانى)

خلينا فى الركوبه
اركب فكترا واركب كرولا وانت تعرف الفرق

تصدق برده مش لاقى فرق فى العربيتين بالعكس الكرولا تكسب

طيب ما تيجى نبص على الامان
انا عربيتى اللى من موديل 2000 نازله ب 2 او 4 ايرباج
الكرولا كانت نازله بكام؟

بعد كل ده لما تقولى وانا ليه ادفع فى عربيه اكتر من الكرولا وقطع غيارها اغلى
بصراحه مش هعرف ارد عليك


زى واحد بيروح يشترى لامؤخذه جزمة من عم عبده الصرماتى وبتتلبس وشغاله ولو اتقطعت ممكن تصلحها عنده هو هو ب 5 جنيه
والتانى بيشترى من اديداس او تمبرلاند ولو اتقطعت بيرميها

كل واحد وليه حساباته يا باشا

كويس قوي انك قولت الكلمتين دول عشان تأكدلي انك عمرك ما سوقت الكورولا الجديدة .....

هديهوملك نقطة نقطة :

1- هي الناس هبلة هبلة مثلا عشان تشتري جزمة من عند عبدو الصرماتي بنفس سعر جزمة من عند تيمبرلاند لا وايه لما تيجي تبيعها بتتباع اغلى من جزمة تيمبرلاند لا ده انت عسل قوي وهنضحك للصبح.
2- مقارنتك مالهاش اي معنى وكلام كلو ميدخلش عل طفل صغير انك تقول دي جزمة من عبدو ودي من تمبرلاند لان المنطق بيقول ان دي ودي زي بعض وانا بقارن بعربية 2000 سي سي بعربية 1600 ومع ذلك مقارنة صعبة جداً.
3- الجديد بقى الفيكترا وقفو بيعها في العديد من الدول مثل دول الخليج وده لان محدش اشتراها, مثال بسيط كتكوت عالماشي : "الفيكترا ماباعتش طوال عام كامل في كل أنحاء الإمارات سوى 7 سيارات شايف الرقم ده طبعا لانها عربية نادرة وقليلة في العالم وسعرها بالملايين ومش اي حد يجيبها ومميزة جدا وامكانياتها خارقة سوبر طيارة, عموماً ربنا يباركلك بس تبقى تعرفلما تبوظ ترميها زي مانتا قولت بنفسك وتجيب غيرها .... ماتنساش بس تشتري اوبل تاني .
4- أمان ايه الي انت بتتكلم فيه انت اصلا تعرف ايه عن تقييم الامان عشان تتكلم كده وكأنك عارف أن عارف الكورولا واخدة كم نجمة في تقييم الأمان ؟ أنا مش هقولك روح اعمل سيرش بنفسك .... أما لو فاكر ان الأمان هو الصاج فقط فاحضرتك اكيد هيناسبك شيفورليه الدبابة ربع نقل وعيش معاها يا بابشا وكلنا هنسأفلك.
5-الأوكتافيا بالنسبة ليا احسن من الفيكترا بمراحل بأمانة روح شوفها عشان تعرف احنا بنقارن ايه بأيه وابقى تعالى ندخل عربيتك موديل 2000 في القصة ولا لا.

تقبل تحياتي الحارة

[delpo]

منطق الشراء من أجل البيع هو اللي شايل التويوتا و الانسر بالشكل الفظيع ده ...

اللي شاري عربية ..شاريها يبركبها وبعدين يبيعها

ولا يبيعها و بعدين يركبها ؟؟

والله ياباشا حضرتك محسسني أن الالماني في تكنولوجيا سرية خفية وفارق رهيب بينو وبين اليايابني لمعلومات حضرتك برنامج اوتو 1 الشهير عمل مقارنة على الهواء بين اللكزس والجاجوار واللكزس خدت تقييم اعلى من الجاجوار في 90% من أوجه المقارنة شايف النسبة ؟؟؟؟ اليابان عندها تكنولوجيا عالية زيها زي اوروبا واعلى في حاجات كتير وبتتميز بالبساطة وعدم التعقيد وده الي بيخلي سعر اعادة البيع اعلى لان التصليح اسهل.

هديك مثال حقيقي هيثبتلك كلامي اكتر العربيات اليابايني بتبيع في بعض البلاد الأوروبية اكتر من عربياتها زي اللكزس والأنفينيتي والتويوتا والهوندا طبعاً, وعندك أمريكا الي أغلب السيارات الزيرو الي بتتباع فيها ياباني مع ان معاهم الفلوس وعندهم المعروض من كل بلاد العالم ده غير انهم عندهم شركات سيارات امريكية ومع ذلك بيجيبو الياباني تفتكر ليه برضو عشان الشراء من اجل البيع ولا العربيات دي فعلا ممتازة وده مش معناه ان الاوروبي مش ممتاز بالعمس ده اكتر من ممتاز ولكن لكل عربية مميزاتها يعني عشان اسهلهالك الياباني زي الموبايل النوكيا والاوروبي زي السوني اريكسون, في بعض الحالات السوني اريكسون بيبقى في امكانيات اعلى بفارق بسيط ومع ذلك الأكثر اعتمادية هو النوكيا ياريت تكون وجهة نظري وصلتلك.
بالمناسبة السيراتو بتاعة حضرتك اعتمادية اكتر من الفيكترا فا مافيش حاجة اسمها دي اوروبي وكوري وياباني دلوقتي في شركات بتبقى مساهم فيها اكتر من جهة في اكتر من بلد العبرة بالشركة في النهاية اكتر من بلد المنشأ.

[delpo]

الموضوع مش كده وبس يا احمد

لو رجعنا لاصل الموضوع

لما اليابانى نزل كان فرق سعره عن الاوروبى والامريكى كبير
فالناس اقبلت عليه
خصوصا ان معروف اليابانى بجودته
وبما اننا شعب يعتبر فقير
واغلب الناس هتشترى الرخيص
اليابانى بدأ ينتشر جدا
وده اللى خلى قطع غياره تبقى موجوده بوفره
وكل المكيانيكيه اشتغلت فيه

بعكس الاوروبى والامريكى اللى كان بيركبهم كبار القوم
وطبعا يوم ما بيحصل فيهم حاجة مش هيروحوا لشحته الميكانيكى يصلحها

فقطع الغيار مش كتيره وكمان مش اى ميكانيكى يفهم فيها

ومن هنا جت رخص قطع الغيار لليابانى وان العربيه مفهومه لاى بليه عند اى ميكانيكى خصوصا ان التطور التكنولوجى اللى فى اليابانى العادى (كورولا ولانسر) مش زى اللى فى الاوروبى والامريكى

من هنا جت الفجوة دى فى اعادة البيع
اليابنى انتشر لاسباب كتيره
- السعر الاقل بالنسبة للاوروبى
- ترتب عليها انتشار ومعرفه الميكانيكيه بالعربيه اكتر
- مستوردى قطع الغيار اهتموا بيها اكتر عشان هى اللى منتشره للفئة الشعبيه من الشعب
- معرفة المواطن المصرى بجوده المنتج اليابانى انها مقبوله ويمكن الاعتماد عليها
والنقطه دى ظهرت بوضوه لما الكورى بدأ ينزل
قالم لا ياعم خلينا فى اليابانى اضمن مش كفايه مش قادرين نركب الالمانى

يعنى رخص تكلفه الاصلاح واعادة البيع كان رد فعل طبيعى لحاله الشعب المصرى المادية

- لقد خالفت القاعدة رقم (13) من قواعد المنتدى لذا يتوجب حصولك على (تنبيه).

يرجى مراجعة قواعد المنتدى

مشرف عام 1

[delpo]

انا قارنت الثبات بس بين موديل 2000 وبين موديل 2009
فين الظلم؟
اتحدى ان الكرولا 2009 تمشى على ال 220 كم/س بنفس ثبات الفكترا 2000

حتى لو هنقارن فى الشكل او الفخامة اعتقد فيها كلام برده

ومن حيث موضوع الستوك فاحب اعرف حضرتك ان انا زودت كماليات ناقصه فيها plug and play
والاستوك اللى حضرتك بتتكلم عليها نازل فيها كماليات اكتر من عندى بكتير
منها فتحة السقف ودرج التابلوه ثلاجه وانذار داخلى وخارجى وجنوط 17 و انوار قراءة لكل باب وكراسى جلد طبيعى و............
يعنى انا مش عدلت فيها بمزاجى انا حطيت فيها كماليتها الاصليه

من حيث عدد النجوم لما تقارن عربيه نازله 2002 بعربيه نازله 2008 ده مش ظلم ؟



مش عارف انتوا ماسكين فى الاوبل ليه فى المقارنه دى
ماكلنا عارفين مشاكل جينيرال موتورز ومشاكل اوبل واكيد ده يبأثر فى البيع والشراء

ولو حضرتك شايف ان العالم كله بيحب الكورولا وان الفولكس والسكودا والاوبل (فى الاخر اهو عشان مش تزلعوا) عربيات عاديه ومش تقارن بالكرولا
ياريت حضرتك تشوف الكلام ده

The German automobile TV show Auto, Motor und Sport compared the Škoda Octavia with its cousin, the Volkswagen Golf Mk5, and concluded that the Škoda Octavia was slightly better than the Volkswagen Golf owing to a little more interior space and other specific ergonomics, better build quality, better drivability, and a lower price.

In their 2006 survey, the British automobile magazine and TV/radio show Top Gear placed the first-generation Octavia into 3rd place, and described it as a "masterpiece of dependability". The second generation was too new to be included in the survey.

The British automobile magazine Auto Express awarded to the second-generation Octavia the gold medal in their prestigious Driver Power top 100, stating that it is "the UK’s most satisfying car to own in 2007" and that it "has bettered every other car on sale in the UK".

Along with other Škodas, the Czech-built Octavia has been a markedly reliable vehicle – more so than the Audi A3 and Volkswagen Golf, with which it shares platforms. In 2006, Warranty Direct, a UK-based provider of mechanical warranties for used cars, rated Škoda the top manufacturer (above Mazda and Honda), while Audi came seventh from bottom. The Octavia specifically had a reliability index of 32.74 (lower being more reliable), while the Golf produced over the same period was 87.28, and the Audi A3 99.43.

وده رابط الموضوع

http://en.wikipedia.org/wiki/Škoda_Octavia

فين الاخ اللى بيقول لو عايز تشترى المانى اشترى الجولف
واضح ان مش المصريين بس اللى ماشيين خلف خلاف

حضرتك دي جولف ايه بالظبط 1600 ولا جي تي ولا R 3200 cc عارف يعني ايع 3200 سي سي هقول تاني قبل ما تكتب فكر ودور كويس مش اول ما اشوف اي حاجة على طول هوب هو ده استهدى بالله كده وجمع معلومات والعب في دريم بارك عربيات تصادم وانشاء الله نتكلم فيما بعد

[delpo]

طيب سؤال ....
ليه اجيب عربيه ثباتها اقل من كل المنافسين و صاجها اضعف من كل المنافسين و خاماتها اقل من كل المنافسين و شكلها اقل من كل المنافسين عشان لما ابيعها مخسرش كتير ؟؟؟
ولا عشان ايه ؟؟
ليه اجيب كورولا و مجيبش فيكترا او اوكتافيا او جيتا ...
الثلاثى الالمانى ده (الاسكودا تقفيل تشيكى و الجيتا تقفيل مكسيكى)...
اثبت من الكورولا
اوسع منها (خصوصا الاوكتافيا)
اقوى منها كصاج
خامات انضف
شكل احسن(ازواق)
و بعدين هو انا مجيبش اوكتافيا عشان مش متباعه ف الخليج ؟؟
خلاص هبقى اطلع ابيعها فى اوروبا ... اصلها بتبيع هناك كتير ...
يا باشا احنا فى مصر (ولا انت مش معانا .؟).....

ياااااااااااااااااااااااااااااااه
انت لسه بتدافع عن الكورولا ...
انا اخر مره ناقشتك كنت انت مطلعها احسن من الجيتا فى كل حاجه ...
دلوقتى بقت احسن عربيه فى فئتها ...
و كمان احسن من الاوكتافيا و الفيكترا و احسن من الالمانى .........
ياااااااااااااااااااه
الدنيا بتطور يا اخى و الله ....
عموما اسمحولى بقى اتكلم عن الفيكترا 2008 لانى لسه شاريها ...
الايرباج كالاتى :
2 ادام
و ستائر ايرباج فى الازاز بتاع الاربع ابواب ...
و 2 فى الكراسى من الجنب ...
يعنى 6 ايرباج ...
تعالى قولى بقى ..
الكورولا فيها esp ؟؟؟
ده بيمنع الحادثه نفسها مش بيحمينى من نتائج الحادثه ....
و اختبار التصادم الفيكترا واخده 5 نجوم .....
مين مطلوب فى مصر .. الكورولا ...
بس ده لانها سعرها اقل ... وليس لانها افضل ...
قولى بقى ...
مين فيه كماليات اكتر الفيكترا ولا الكورولا ولا حتى الجيتا و الاوكتافيا ؟؟
الكورولا فيها كراسى كهرباء ؟؟
الكورولا فيها فتحه سقف ؟؟
الكورولا فيها تكييف كليماترونيك ؟؟
مفيهاش الحاجات دى يا باشا ....
بالنسبه للعمر الافتراضى ....
هات كورولا و هات فيكترا اى موديل و الاتنين ماشيين 250 الف كم و قولى مين حالته احسن ....
و متقوليش صرف كام ...
لا قولى بس الحاله ....
و الفلوس الى بتتصرف دى بترجع لصاحب العربيه ...
و معروف ان ركوب الالمانى مكلف (ركوبه بشوات )....
بس معروف على مستوى العالم (ما عدا الخليج عشان متزعلش) انها احسن ركوبه ....
و الا مكانتش بوجاتى و مايباخ و الحاجات العاليه دى كلها المانى .........


تحياتى......
و يا ريت تشيلو الاوبل من دماغكو شويه ...

الف مبروك وربنا يباركلك فيها بس شوية ردود عالماشي:
الكورولا فيها 8 ايرباج مش ستة ؟
الكورولا الخليجي خاماتها اعلى من الفيكترا.
الكورولا 1.8 سي سي امكانياتها اعلى من الفيكترا.
الكورولا بتتباع اكتر في الخليج وفي قارة آسيا كلها وأمريكا وحتى الدول العربية كلها .. أحنا في العالم برضو يا باشا.
الكورولا انعم من العربيا تالي ذكرتها.
الكورولا موتورها اقوى من العربيات الي قولتها.
الكورولا سحبها وشدها اكبر.
انا مسوقتش 220 قبل كده فا كنت عايز اسأل: حضرتك ساكن على طريق السلوم عشان تمشي بيها 220 ؟؟!!!!!!
الكورولا صاجها صحيح اقل لاكن واخدة 5 نجوم في الإختبار بس الفكرة بعد التصادم انا وانت هنغير اكصدامات يا ترى انا هجيبو بكام وانت هتجيبو بكم ؟؟؟

الف مبرووك عليك وربنا يديك خيرها ويكفيك شرها اختيار فخم ومتميز لكن انا بقارن من الناحية الإقتصادية.

[delpo]

السلام عليكم
مكنتش حابب انى اشارك بس بصراحة لما الاقى معلومات مش دقيقة ميش بقدر امسك نفسى المهم فى برنامج اسمة fifth gear البرنامج ده كنت اول مرة اشوفة كان فى كندا بيجى على discovery channel وبيتذاع فى مصر على نفس القناة بس مع باقة اوربت و المهم هما عاملين تقيم لى اغلبية العربيات يريت نشوف تقيم ال اوكتفيا

http://fwd.five.tv/cars/large-family/skoda-octavia

ودية مجلة مشهورة فى انجلترا اسمها autoexpress ياريت نشوف الناس بتفضل اية

http://www.autoexpress.co.uk/carreviews/driver_power_2008/archive/

وبكل وضوح نقدر نقول من الحاجات دية ان الاوكتفيا عربية رائعة جدا وربنا يبارك للهيجبها

السلام عليكم واهلا بيك حضرتك انا شغال صحفي .. وعايز اقول لحضرتك ان كل مجلة بتاخد فلوس مقابل عرض هذه المميزات وتصوير السيارة انها الأفضل على الإطلاق, محدش قال انها وحشة هي ممتازة لكن من الناحية الإقتصادية الكورولا تتفوق عليها.

وشكراً