الموضوع: كل ما تريد أن تعرفة عن الباسات 2010 tsi 1.4 p1

المشاركة الأصلية كتبت بواسطة horsepower

يا باشا العفو.
هو بس غريب فعلا إن موقع مصر كاتب كدة ... و ليه كاتبينه؟ ... ده كدة ممكن الناس متاخدش بالها من الرقم الأولاني 1500 إللي هو أهم مليون مرة من ال 4500 ... لأنه مش سهل إنك تصق إن فيه عربية بتحقق أقصى عزم عند rpm منخفض جدا كده و أكيد هيركزو في ال 4500 إللي هي أقرب للمعتاد في باقى السيارات ... حد يبقى بيعلن عن عربية إنها بتحقق أقصى عزم عند 1500 و يكتب جنبها رقم تاني كبير! ... بجد و نعم الدعاية.
هي منطقية طبعا إن العزم يفضل ثابت (تقريبا) طلما حقق أقصى نتيجة في الأول حتى الوصول لأقصى قدرة (حصان)
المتعارف عليه إن العزم بيزيد مع القدرة.
مثلا السيفيك بتحقق أقصى عزم 152 نيوتن عند 4200 rpm ... الكورولا بتحقق 157 نيوتن عند 5200 ... Bmw 316i بتحقق 150 نيوتن عند 4300
يعني دايما مفهوم إن أقصى عزم بيتحقق عند rpm عالي 4000 و إنت طالع.
إختراع ال dsg جيربوكس 7 نقلات عمل المعجزة بإنه بيحقق أقصى عزم عند rpm منخفض جدا جدا و ده بيخلي إستهلاك البنزين إقتصادي جدا جدا ... لأنك مش محتاج تحرق زيادة ... على مطلع مثلا ... بسم الله ما شاء الله روعة.
شوف يا باشا اللينك بتاع uk أحسن مليون مرة من لينك مصر ... شوف العرض والدعاية معمول إزاي بين المواتير و مواصفاتها ... إلخ.
the official ...site for volkswagen uk : Volkswagen uk

متهيألي أن تحقيق اقصى عزم عند rpm منخفض مش بسبب الفتيس الdsg بل بسبب تصميم الموتور نفسه والتربو
الفتيس الdsg مميزاته النقل الاسرع حسب المحرك

والله أعلم

المشاركة الأصلية كتبت بواسطة mshamy

ده فرق السوبرتشارجر اللي بيكون موجود في الموديل اللي بيطلع 160 حصان

المشاركة الأصلية كتبت بواسطة horsepower

فعلا الفرق في التيربو سوبر شارجر

التربو + السوبر شارجر
تمام كدا
شكرا على الردود السريعه

أرجع في كلامي و أقول الموقع المصري معاه حق إنه يعرض ال 1500 و ال 4500 ... لأن المعروف إن منحنى العزم بيزيد لحد أقصى نقطة ثم ينخفض بعدها و لو مكتبوش ال 4500 هيتفهم إن العزم بيقل مع أي زيادة rpm عن ال 1500.
ممكن يكون ده المقصود ... بس كانو محتاجين يظهرو ال 1500 أكتر من كدة ... ده إختراع بكل المقاييس
والله أعلم

موضوع فوق الممتاز
و الف مبروك علي السياره - ربنا يديلك خيرها و يكفيك شرها

المشاركة الأصلية كتبت بواسطة shouk_1987

يا جماعة حد يفدنا ويقولنا فايدة الفتيس ال dsg بسرعة ؟؟؟
و هل هو اللى خلا العزم عند 1500 و طب إزاى ومفيش سوبرتشارجر
أزا كان التربو بيشتغل عند rpm عالى ؟؟؟؟

المشاركة الأصلية كتبت بواسطة yoko

الفتيس ده بيساعد على التسارع فقط بسبب وجود ٢ دبرياج وبينقل بسرعة
أما العزم فده من التربو والفتيس ملوش علاقة والتربو بيفتح على ١٠٠٠ لفة وعلى فكرة عزم اللينيا عند ١٧٥٠ وهي برده تربو فده بسبب التربو

احب اضيف شوية معلومات عن ال Direct Shift Gearbox (DSG)
نظرية عمل هذا النوع بتقوم على اساس انه ناقل حركة يدوي يتم التحكم فيه إلكترونياو لكن لا يوجد محول للعزم كما هي العادة في نواقل الحركة الأوتوماتيكية و لا يوجد دواسة قابض "كلتش" كما هو في نواقل الحركة اليدوية و بدلا من ذلك وكما قال الزميل يوكو هذا النوع المتطور بيكون مجهز بعدد 2 قابض "كلتش" كل واحد بيكون مسؤل عن عدد معين من التروس
يعني بيكون فيه قابض "كلتش" مسؤل عن التروس الفردية (1+3+5+7) و واحد مسؤل عن التروس الزوجية (2+4+6) و ده اللي بيخلي عملية النقل تتم بسرعة فائقة (اعتقد 8 مللي من الثانية مابين كل نقلة) و الميزة الأخرى لناقال الحركة ده هي توفيره الملحوظ للوقود